နှစ်ပေါင်း ၅၀ ရေဒီယိုမှ တရားဟောဆရာကြီး H. M. S. Richards ၏ A
Guide to Bible Truth စာအုပ်မှ
ဘာသာပြန်ဆိုသည်။
ဤစာအုပ်၌ “ယေရှာယ” ဟုရေးသားထားသောစာလုံးသည်
သမ္မာ ကျမ်းစာအုပ်မှ “ဟေရှာယ” ဖြစ်ပါသည်။ “ဟေရှာယ” သည် ပုံနှိပ်ရာမှ အမှား
ဖြစ်ပါသည်။
ဆရာလန်းဆောမန်း
အခန်းကြီး - ၅၅ နောက်ဆက်တွဲ ၂
“ငရဲ” ဟု ဘာသာပြန်ထားသောစကားလုံးလေးလုံး ၂၂၄
အခန်းကြီး - ၁
၁။ သမ္မာကျမ်းစာ
THE
BIBLE
ဘုရားသခင်သည် သမ္မာကျမ်းစာ
ကျမ်းပြုဆရာဖြစ်တော်မူသည်။
၂ တိမောသေ ၃း၁၊ ၁၇။ “ထိုကျမ်းစာရှိသမျှသည်
ဘုရားသခင် မှုတ်သွင်း တော်မူသောအားဖြင့်ဖြစ်၍၊ ဘုရားသခင်၏ လူသည်စုံလင်သောသူ၊
ကောင်း သောအမှုအမျိုးမျိုးတို့ကို ပြုစုခြင်းအလို့ငှာပြင်ဆင်သောသူဖြစ်မည်အကြောင်း၊
ဩဝါဒပေးခြင်း၊ အပြစ်ကိုဖော်ပြခြင်း၊ ဖြောင့်မတ်စွာပြုပြင်ခြင်း၊ တရားကို
သွန်သင်ခြင်း ကျေးဇူးများကိုပြုတတ်၏။”
ဘုရားသခင်သည်လူမှတဆင့်စကားပြောသည်။
၂ ပေတရု ၁း၂၀၊ ၂၁၊ “ကျမ်းစာ၌ပါသော
အနာဂတ္တိစကားမည်သည် ကား၊ ကိုယ်အလိုအလျောက်အနက် မပေါ်ဟု ရှေးဦးစွာ သိမှတ်ကြလော့။
အကြောင်းမူကား၊ အနာဂတ္တိစကားသည် လူ့အလိုအားဖြင့်ဖြစ်ဖူးသည်မဟုတ်။ ဘုရားသခင်၏
သန့်ရှင်းသူတို့သည် သန့်ရှင်းသောဝိညာဉ်တော်၏ တိုက်တွန်း တော်မူခြင်းကိုခံရ၍
ဟောပြောကြ၏။”
ဓမ္မဟောင်းကျမ်းတစ်ခုလုံးကို “ကျမ်းစာ” ဟု
ခေါ်ဆိုထားကြောင်း လုကာ ၂၄း၂၇၊ ၄၄၊ ၄၅ တို့တွင်တွေ့ ရပါသည်။ “ထိုအခါ မောရှေ၏
ကျမ်းစာ ချက်အနက်ကို ရှင်းလင်းစွာဖော်ပြတော်မူ၏။ . . တဖန်၊ မောရှေ၏ ပညတ္တိ
ကျမ်းစာ၌လည်းကောင်း၊ ရောဖက်တို့၏ ကျမ်းစာ၌လည်းကောင်း ဆာလံ ကျမ်းစာ၌လည်းကောင်း၊
ငါ့ကိုရည်မှတ်၍ ရေးထားသမျှသော အချက်တို့သည် ပြည့်စုံရမည်ဟုငါသည်
သင်တို့နှင့်အတူရှိစဉ်အခါသင်တို့အား ဟောပြောသော အကြောင်းအရာတို့ကား၊
ဤအကြောင်းအရာပေတည်း၊ ဟုမိန့်တော်မူ၏။”
“ကျမ်းစာ” ခေါ် ဓမ္မဟောင်းကျမ်း ၃၉
အုပ်ကိုအပိုင်းသုံးပိုင်းခွဲထားပါ သည်။ (၁) မောရှေ၏ပညတ္တိကျမ်းစာ (၂)
ပရောဖက်တို့၏ကျမ်းစာ၊ (၃) ဆာလံကျမ်းစာနှင့် လင်္ကာကျမ်းစာတို့ဖြစ်ပါသည်။
ဓမ္မသစ်ကျမ်း ၂၇ အုပ်တွင်ခရစ်တော်၏
အသက်တာနှင့်ဩဝါဒများကို မှတ်တမ်းတင်ထားသော ခရစ်ဝင်ကျမ်းလေးကျမ်း၊ လောကတစ်ခွင်သတင်း
ဆောင်၍ ခရစ်ယာန်အသင်းတော်ကို တည်ဆောက်သောတမန်တော်များဝတ္ထု၊ ဩဝါဒစာများနှင့်
ဗျာဒိတ်ကျမ်း တို့ပါဝင်သည်။
မေရှိယ သို့မဟုတ် ခရစ်တော်နှင့်ဆိုင်သော
အနာဂတ်စကားများစွာ ဓမ္မဟောင်းကျမ်း၌ ပါရှိသည်။ ၎င်းအနာဂတ်စကားများ
ပြည့်စုံကြောင်းကို ဓမ္မသစ်ကျမ်းက မှတ်တမ်းတင်ထားပါသည်။
ဓမ္မဟောင်းနောက်ဆုံးကျမ်းနှင့် ဓမ္မသစ်ပထမကျမ်းတို့၏ ကြားကာလ နှစ်ပေါင်း ၄၀၀
ခန့်တိတ်ဆိတ်ခဲ့သဖြင့် ဓမ္မဟောင်းပရောဖက်များနှင့် ဓမ္မသစ်တမန်တော်များ
အကြားပူးပေါင်းကြံစည် မှု မရှိနိုင်ပါ။ ထို့အတွက်ကြောင့် ဆာလံဆရာက၊
“နှုတ်ကပတ်တော်အလုံးစုံ တို့သည် ဟုတ်မှန်ပါ၏ (ဆာလံ ၁၁၉း၁၆၀)” ဟုဆိုထားပါသည်။
မိမိစကား ပျောက်ကွယ်သွားခြင်းရှိမည်မဟုတ်ကြောင်း သခင်ယေရှုမိန့်တော်မူခဲ့ပါသည်။
“ကောင်းကင်နှင့် မြေကြီး မတည်သော်လည်း၊ ငါ့စကားတည်လိမ့်မည်” (မဿဲ ၂၄း၃၅၊ လုကာ
၂၁း၃၃)။ ကျမ်းစာကို စေ့စေ့လေ့လာရန်လည်း တရားနာ ပရိသတ်ကို သခင်ယေရှု
အမိန့်ပေးတော်မူပါသည်။ ကျမ်းစာအားဖြင့် ထာ၀ရ အသက်ကိုရမည်ဟု စိတ်ထင်နှင့်
သင်တို့သည် ကျမ်းစာကိုစေ့စေ့ကြည့်ရှုကြ ၏။ ထိုကျမ်းစာပင်ငါ၏ သက်သေဖြစ်၏။
(ထာ၀ရအသက်ရမည်ဟု သင်တို h ထင်မှတ်သည်အတိုင်း
ကျမ်းစာကို စေ့စေ့လေ့လာကြလော့၊ ၎င်းတို့သည် ငါ့အကြောင်းကိုသက်သေခံဖြစ်ကြ၏။ KJဠ ယောဟန် ၅း၃၉။
တမန်တော်ရှင်ပေါလုကိုယ်တိုင်လည်း ကျမ်းစာကို
ယုံကြည်လက်ခံ သည်။ ငါတို့သည် ကျမ်းစာ၌ပါသော သည်းခံခြင်း၊ သက်သာခြင်း အကြောင်း
များကို အမှီပြုမြော်လင့်ရသော အခွင့်ရှိစေခြင်းငှာ၊ ကျမ်းစာ၌ အထက်က ရေးထားသမျှသည်
ငါတို့ကိုဆုံးမ ဩဝါဒပေးရန် ရေးထားသတည်း” ရောမ ၁၅း၄ (ယောဟန် ၁၇း၁၇။ ဟေဗြဲ ၄း၁၂။
ယေရမိ ၂၃း၂၉)။
သမ္မာကျမ်းစာဆိုင်ရာ ဆင်ခြင်တုံတရား
ယောဟန် ၂ဝး၃၀၊၃၁၊
“ဤကျမ်းစာ၌ရေး၍မထားသောအခြားနိမိတ် လက္ခဏာအများတို့ကိုလည်း ယေရှုသည်တပည့်
တော်တို့မျက်မှောက်၌ပြတော် မူ၏။ ယေရှုသည် ခရစ်တော်တည်းဟူသော ဘုရားသခင်၏
သားတော်ဖြစ် တော်မူသည်ကို ယုံမည်အကြောင်း၊ ထိုသို hယုံ၍နာမတော်အားဖြင့် အသက်ကို ရမည်အကြောင်း၊
ဤမျှလောက်ရေးထားလျက်ရှိသတည်း။”
နှုတ်ကပတ်တော်သည် ဘ၀ခရီးလမ်းအတွက်
မည်သည့်အရာဖြစ်ပါ သနည်း။ ဆာလံ ၁၁၉း၁၀၅၊ “နှုတ်ကပတ်တော်သည် အကျွန်ုပ်ခြေရှေ့မှာ
မီးခွက်ဖြစ်၍၊ အကျွန်ုပ်လမ်းခရီးကိုလင်းစေပါ၏”
နှုတ်ကပတ်တော်သည်ကျွန်ုပ်တို့၏ စိတ်နှလုံးထဲ၌
ဘာလုပ်ပေးပါ သနည်း။ ဆာလံ ၁၁၉း၁၁- “ကိုယ်တော်ကိုမပြစ်မှားဘဲနေနိုင်မည်အကြောင်း
ဗျာဒိတ်တော် (နှုတ်ကပတ်တော်)ကို နှလုံးထဲမှာ သိုထားပါပြီ။” (ယောဟန် ၅း၃၉။ ၈း၃၁၊
၃၂။ ၁ ပေတရု ၁း၂၂-၂၅။ ၃း၁၅။ ယေရှာယ ၈း၂၀။ တမန် တော် ၂ဝး၃၂)
လူသည်သမ္မာကျမ်းစာကို ထပ်၍ မဖြည့်စွက်ရပါ၊
နုတ်ပယ်လည်း မနုတ်ပယ်ရပါ။ ထိုအကြောင်းကို ကျမ်းစာ၏အစပိုင်း၊ အလယ်ပိုင်းနှင့်၊
အဆုံး ပိုင်းတို့၌ ဖော်ပြထားပါသည်။
တရားဟောရာ ၄း၂၊ “ငါမှာထားသော စကား၌
သင်တို့သည်အသစ် မသွင်းရ။ အလျင်းမနုတ်မပယ်ရ။ ငါမှာထားသည်အတိုင်း သင်တို့ ဘုရားသခင်
ထာ၀ရဘုရား၏ ပညတ်တော်တို့ကို စောင့်ရှောက်ရကြမည်။”
သုတ္တံ ၃ဝး၅၊ ၆ “ဘုရားသခင်၏
စကားတော်ရှိသမျှသည်စင်ကြယ်၏။ ခိုလှုံသောသူအပေါင်းတို့၌ ဘုရားသခင်သည်
အကွယ်အကာဖြစ်တော်မူ၏။ စကားတော်တို့၌ ထပ်၍ မသွင်းနှင့်။
သို့ပြုလျှင်အပြစ်တင်တော်မူ၍၊ သင်သည် မုသာသုံးသောသူ ဖြစ်လိမ့်မည်။”
ဗျာဒိတ် ၂၂း၁၈၊၁၉ “ဤစာစောင်၏အနာဂတ္တိစကားကို
ကြားသောသူ အပေါင်းတို hအား ငါသက်သေခံသည်ကား၊ အကြင်သူသည် ဤစာစောင်၌
ရေးထားသော အသက်ပင်နှင့်လည်းကောင်း၊ သန့်ရှင်းသောမြို့တော်နှင့်လည်း ကောင်း၊
ထိုသူစပ်ဆိုင်သော အခွင့်ကိုဘုရားသခင်နှုတ်ပယ်တော်မူမည်။”
ယောဟန် ၁ဝး၃၅။ ယေရှာယ ၄ဝး၈။ ၅၅း၁၁။ ယေရမိ ၂၃း၂၈
တို့ကိုလည်းဖတ်ပါ။
အခန်းကြီး - ၂
၂။ စိတ်ဝင်စားဖွယ်ကျမ်းစာအဖြစ်မှန်ပုံပြင်များ
INTERESTING BIBLE STORIES
၁. ကမ္ဘာကိုဖန်ဆင်းခြင်း၊ - ကမ္ဘာဦး ၁း၂
၂. အာဒံ၊
ဧ၀နှင့် မြွေ - ကမ္ဘာဦး ၃။
၃. ကာအိန
နှင့်အာဘီလ - ကမ္ဘာဦး ၄။
၄. နောဧသင်္ဘောနှင့်
ရေလွှမ်းမိုးခြင်း - ကမ္ဘာဦး ၆၊ ၈။
၅. လူမျိုးကွဲပြားဖြစ်ပေါ်လာခြင်း
- ကမ္ဘာဦး ၁၀။
၆. ဘေဘီလုံရဲတိုက်
- ကမ္ဘာဦး ၁၁း၁-၉။
၇. စာရာကိုအာဗြဟံဆုံးရှုံးလုနီး - ကမ္ဘာဦး ၁၂။
၈. ရန်သူ့လက်မှ
လောတကိုအာဗြဟံကယ်ခဲ့ - ကမ္ဘာဦး ၁၄။
၉. အာဗြဟံအတွက်သားတစ်ယောက် - ကမ္ဘာဦး
၁၅။
၁၀. ဟာဂရတောထဲထွက်ပြေး - ကမ္ဘာဦး ၁၆း၆-၁၃။
၁၁. ကောင်းကင်တမန်များအာဗြဟံထံရောက်လာ
- ကမ္ဘာဦး ၁၈၊ ၁၉း၁။
၁၂. မီးဖြင့်သောဒုံနှင့်ဂေါမောရမြို့ဘုရားဖျက်ဆီး
- ကမ္ဘာဦး၁၉း၂၄-၂၉။
၁၃. ဇနီးဖြစ်ကြောင်းစာရာကိုအာဗြဟံငြင်းဆို - ကမ္ဘာဦး
၂၀။
၁၄. ဟာဂရနှင့်အီးရှမေလတို့တောထဲရောက် - ကမ္ဘာဦး
၂၁း၁-၂၁။
၁၅. ယဇ်ကောင်အဖြစ်အီးဇက်ကိုအာဗြဟံပူဇော်
- ကမ္ဘာဦး
၂၂း၁-၁၉
၁၆. စာရာကိုမြုပ်နှံဖို့မြေတစ်ကွက်အာဗြဟံဝယ်
- ကမ္ဘာဦး
၂၃။ ၁၇။
၁၇. အီးဇက်အတွက်ဘ၀ကြင်ဖော်ရှာပေးခြင်း
- ကမ္ဘာဦး
၂၄။
၁၈. သားဦးအရာကိုဧသောရောင်းစား - ကမ္ဘာဦး၂၅း၂၉-၃၄။
၁၉. ရေတွင်းများကိုအီးဇက်ပြန်ဖော်ခြင်း - ကမ္ဘာဦး၂၆း၁၃-၃၃။
၂၀. ယာကုပ်နှင့်ဧသော - ကမ္ဘာဦး ၂၇။
၂၁. ယာကုပ်အိပ်မက် - ကမ္ဘာဦး၂၈း၁၀-၁၅။
၂၂. ယာကုပ်နှင့်လာဘန် - ကမ္ဘာဦး ၂၉။
၂၃. ရုပ်တုများကိုရာခေလဖုံးဖိထား - ကမ္ဘာဦး
၃၁။
၂၄. ကောင်းကင်တမန်တပါးနှင့်ယာကုပ်နပန်းလုံး
- ကမ္ဘာဦး ၃၂။
၂၅. ယာကုပ်နှင့်စသောပြန်လည်ဆုံတွေ့ခြင်း
- ကမ္ဘာဦး
၃၃။
၂၆. ရုပ်တုများကိုယာကုပ်မြှုပ်နှံထား - ကမ္ဘာဦး ၃၅။
၂၇. အစ်ကိုများကယောသပ်ကိုရောင်းစား - ကမ္ဘာဦး
၃၇။
၂၈. ယောသပ်အကျဉ်းထောင်ထဲရောက် - ကမ္ဘာဦး
၃၉။
၂၉. ဖလားတော်ဝန်နှင့်စာတော်ဝန်တို့၏အိပ်မက်
- ကမ္ဘာဦး ၄၀။
၃၀. ဖာရောမင်း၏
ထူးဆန်းသောအိပ်မက် - ကမ္ဘာဦး ၄၁။
၃၁. ညီအစ်ကိုတို့နှင့်ယောသပ်တွေ့ဆုံခြင်း - ကမ္ဘာဦး
၄၂-၄၅။
၃၂. မွေးကင်းစသားများသတ်ဖို့ဖာရောမင်း၏
အမိန့် - ထွက်မြောက်ရာ ၁။
၃၃. ကိုင်းပင်ပုခက်ထဲရှိမောရှေ - ထွက်မြောက်ရာ ၂း၁-၁၀။
၃၄. အီဂျစ်လူတစ်ယောက်မောရှေသတ်ခဲ့ -ထွက်မြောက်ရာ ၂း၁၁-၂၅။
၃၅. မီးလျှံထွက်သောချုံနားရောက်မောရှေ - ထွက်မြောက်ရာ ၃။
၃၆. မောရှေ၏လှံတံမြွေဖြစ်သွား - ထွက်မြောက်ရာ ၄း၁-၅။
၃၇. ကောက်ရိုးနှင့်လုပ်သောအုတ် - ထွက်မြောက်ရာ ၅။
၃၈. အီဂျစ်နိုင်ငံ၌ကျသောဘေးဒဏ်
(၁၀)ပါး - ထွက်မြောက်ရာ ၇-၁၂။
၃၉. တံခါးပေါ်ရှိသွေး - ထွက်မြောက်ရာ ၁၂။
၄၀. ပင်လယ်နီကိုအစ္စရေးလူတို့ဖြတ်သွား
- ထွက်မြောက်ရာ ၁၄။
၄၁. ခါးသောရေချိုမြိန်လာ -ထွက်မြောက်ရာ၁၅း၂၃-၂၇။
၄၂. ငုံးနှင့်မန္နမုန့်ချပေးခြင်း - ထွက်မြောက်ရာ ၁၆။
၄၃. ကျောက်ဆောင်မှရေထွက်လာ - ထွက်မြောက်ရာ ၁၇။
၄၄. ပညတ်တော်ဆယ်ပါးပေးအပ်ခြင်း
- ထွက်မြောက်ရာ ၂၀။
၄၅. ရွှေနွားသငယ်ရုပ်သွန်းလုပ်ခြင်း
- ထွက်မြောက်ရာ ၃၂။
၄၆. နာဒပ်နှင့်အဘိဟူးတို့ဆက်ကပ်သောမီး - ဝတ်ပြုရာ ၁ဝး၁-၁၁။
၄၇. မိရိအမ်အနာကြီးရောဂါစွဲကပ် - တော်လည်ရာ ၁၂။
၄၈. ပြည်တော်ကိုစူးစမ်းသောသူလျှိုဆယ့်နှစ်ဦး
- တော်လည်ရာ ၁၃၊ ၁၄။
၄၉. မြေမျိုခံရသောကောရ၊
ဒါသန်နှင့်အဘိရမ် - တော်လည်ရာ ၁၆။
၅၀. ကျောက်ဆောင်ကိုမောရှေရိုက် - တော်လည်ရာ ၁၇။
၅၁. အာရုန်၏လှံတံဖူးပွင့်လာ - တောလည်ရာ ၂ဝး၁-၁၃။
၅၂. မီးမြွေများ - တောလည်ရာ
၂၁း၄-၉။
၅၃. ဘာလမ်နှင့်စကားပြောသောမြည်း - တောလည်ရာ ၂၂-၂၄။
၅၄. ခိုလှုံရာမြို့များ - တရားဟောရာ ၁၉။
၅၅. မောရှေကိုဘုရားသခင်မြှုပ်နှံ - တရားဟောရာ ၃၄။
၅၆. သူလျှိုတို့ကိုရာဟပ်ဝှက်ထား - ယောရှု ၂။
၅၇. အစ္စရေးလူတို့ယော်ဒန်မြစ်ကိုဖြတ်သွားခြင်း
- ယောရှု ၃း၇-၁၇။ ၄။
၅၈. ယေရိခေါမြို့ရိုးပြိုကျ - ယောရှု ၆။
၅၉. အာခန်ရွှေတုံးခိုးဝှက်ခြင်း
- ယောရှု ၇။
၆၀. အာအိမြို့ချုံခိုတိုက်ခိုက်ခြင်း
- ယောရှု ၈း၁-၂၉။
၆၁. ဟောင်းနွမ်းသောအိတ်နှင့်ရိက္ခာ - ယောရှု ၉။
၆၂. နေနှင့်လရပ်တန့်နေ - ယောရှု
၁ဝး၁-၂၇။
၆၃. ဧဟုဒ်၏
သန်လျက် -
တရားသူကြီး ၃း၁၂-၃၀။
၆၄. တံသင်နှင့်လက်ရိုက်
- တရားသူကြီး ၄။
၆၅. ဂိဒေါင်နှင့်သူ၏စစ်တပ်
- တရားသူကြီး ၆၊ ၇။
၆၆. စကားပြောသောသစ်ပင်ပုံပမာ - တရားသူကြီး ၉း၇-၁၅။
၆၇.
ယေဖသ၏ဂတိသစ္စာ -
တရားသူကြီး ၁၁။
၆၈. “ရှိဘောလက်”
ကိုပြီအောင်မပြောတတ်သူ - တရားသူကြီး ၁၂။
၆၉. ရှံဆုန်၏အကြောင်းစုံ - တရားသူကြီး ၁၃-၁၆။
၇၀. ရုသအကြောင်း - ရုသဝတ္ထု။
၇၁. ညချိန်ခေါ်သံကြားသောရှမွေလ - ၁ ရာဇဝင် ၃။
၇၂. သတင်းဆိုးကြောင့်ယဇ်ပုရောဟိတ်သေဆုံး - ၁ ရာဇဝင် ၄။
၇၃. ဖိလစ္စတင်းတို့ထံသေတ္တာတော်ရောက်လျှင်
- ၁ ရာဇဝင် ၅း၆။
၇၄. အစ္စရေးလူတို့ရှင်ဘုရင်တောင်းဆို - ၁ ရာဇဝင် ၈။
၇၅. မြည်းကိုရှာသောလူငယ် - ၁ ရာဇဝင် ၉။
၇၆. ယောနသန်နှင့်လက်နက်ဆောင်လုလင် - ရာဇဝင် ၁၄း၁-၂၃။
၇၇. ဘုရားသခင်ကိုနားမထောင်သောရှောလု - ၁ ရာဇဝင် ၁၅။
၇၈. ရှမွေလသည်ဒါဝိဒ်ကိုဘိသိက်ပေး
- ၁ ရာဇဝင် ၁၆။
၇၉. ဂေါလျက်ကိုဒါဝိဒ်တိုက်ခိုက် - ရာဇဝင် ၁၇။
၈၀. ဒါဝိဒ်နှင့်ယောနသန် - ၁ ရာဇဝင် ၁၈း၁-၄။
၈၁. ဒါဝိဒ်ကိုလုပ်ကြံရန်ရှောလုကြိုးပန်း - ၁ ရာဇဝင် ၁၉။
၈၂. ဒါဝိဒ်သည်ဥမင်တွင်း၌ရှောလုကိုတွေ့
- ၁ ရာဇဝင် ၂၄။
၈၃. ရှောလုစခန်း၌ရှိသောဒါဝိဒ် - ၁ ရာဇဝင် ၂၆။
၈၄. အင်ဒေါရမြို့ရှိနတ်ဝင်မိန်းမနှင့်ရှောလု - ၁ ရာဇဝင် ၂၈။
၈၅. တောပုန်းဓားပြများကိုဒါဝိဒ်အနိုင်ယူ - ၁ ရာဇဝင် ၃၀။
၈၆. သေတ္တာတော်ကိုထိသောဩဇလဲသေ
- ၂ ရာဇဝင် ၆း၁-၇။
၈၇. ဒါဝိဒ်၏ကြီးမားသောအပြစ်
- ၂ ရာဇဝင် ၁၁၊ ၁၂။
၈၈. အဘရှလုံအကြောင်းစုံ - ၂ ရာဇဝင် ၁၅-၁၈။
၈၉. လူသန်ကြီးလေးဦးသေဆုံး
- ၂ ရာဇဝင်
၂၁း၁၅-၂၂။
၉၀. ရှောလမုန်၏အိပ်မက်
- ၃ ရာဇဝင် ၃း၅-၁၅။
၉၁. သားလုသောအမှုစီရင်ခြင်း - ၃ ရာဇဝင် ၃း၁၆-၂၈။
၉၂. ရှေဘမိဖုရားရောက်လာခြင်း - ၃ ရာဇဝင် ၁၀။
၉၃. ရှောလမုန်၏မိဖုရားနှင့်မောင်းမမိဿံများ
- ရာဇဝင် ၁၁း၁-၁၃။
၉၄. ပရောဖက်နှင့်ခြင်္သေ့ကြီး - ၃ ရာဇဝင် ၁၃။
၉၅. ဧလိယနှင့်ကျီးအများ
- ၃ ရာဇဝင် ၁၇။
၉၆. ဧလိယနှင့်ဘာလပရောဖက်များ
- ၃ ရာဇဝင် ၁၈း၁-၂၉။
၉၇. ကောင်းကင်မှမီးကျလာ - ၃ ရာဇဝင် ၁၈း၃၀-၃၈။
၉၈. ဥမင်ထဲရှိဧလိယ - ၃ ရာဇဝင် ၁၉း၁-၁၄။
၉၉. မိဖုရားယေဇဘေလ်နှင့်နာဘုတ်စပျစ်ခြံ - ၃ ရာဇဝင် ၂၁။
၁၀၀. အာဟပ်ကွယ်လွန်ခြင်း - ၃ ရာဇဝင် ၂၂း၁-၄၀။
၁၀၁. ဧလိယခေါ်ဆောင်ခြင်းခံ - ၄ ရာဇဝင် ၂း၁-၁၈။
၁၀၂. ဧလိရှဲနှင့်ဝက်ဝံများ - ၄ ရာဇဝင်
၂း၂၃-၂၅။
၁၀၃. မုတ်ဆိုးမ၏ဆီ - ၄ ရာဇဝင် ၄း၁-၇။
၁၀၄. ရှုနင်မြို့သူ၏သား - ၄ ရာဇဝင် ၄း၁၆-၃၇။
၁၀၅. နေမန်၏အနူရောဂါ - ၄ ရာဇဝင် ၅။
၁၀၆. ရေပေါ်ပေါ်လာသောပုဆိန် - ၄ ရာဇဝင် ၆း၁-၇။
၁၀၇. ရှမာရိမြို့၌လွန်စွာအစာခေါင်းပါး - ၄ ရာဇဝင် ၆း၂၄-၂၇။
၁၀၈. ဘာလ်ဘုရားကိုးကွယ်သူများလုပ်ကြံခံရ
- ၄ ရာဇဝင် ၁ဝး၁၈-၂၈။
၁၀၉. သက်တော်ခုနစ်နှစ်ရှိရှင်ဘုရင် - ၄ ရာဇဝင် ၁၁။
၁၁၀. ကောင်းကင်တမန်တစ်ပါးတပ်မကြီးတစ်ခုဖျက်ဆီး-
၄ ရာဇဝင် ၁၉။
၁၁၁. မိဖုရားမြတ်ဧသတာ - ဧသတာဝတ္ထု။
၁၁၂. ပါရမီရှိသောမိန်းမ - သုတ္တံ ၃၁း၁၀-၃၀။
၁၁၃. ဘုန်းထွန်းသောကမ္ဘာသစ် - ယေရှာယ ၃၅။
၆၉း၁၇- ၂၅။ ၆၆း၂၂၊ ၂၃။
၁၁၄. စာတန်၏ရာဇဝင် - ယေရှာယ ၁၄း၆-၂၀။
ယေဇကျေလ ၂၈း၁၁-
၁၉။ ဗျာဒိတ် ၁၂း၁-၉။
၁၁၅. မြေတွင်းနက်ထဲရောက်သောယေရမိ
- ယေရမိ ၃၈း၁-၁၃။
၁၁၆. ဘုရင့်စားဖွယ်ငြင်းပယ်သောဒံယေလ
- ဒံယေလ ၁။
၁၁၇. ရုပ်တုကြီးအိပ်မက် - ဒံယေလ ၂။
၁၁၈. မီးပုံထဲရောက်ဟေဗြဲလူငယ်များ
- ဒံယေလ ၃။
၁၁၉. မြက်ပင်စားသောဘုရင်ကြီး - ဒံယေလ ၄။
၁၂၀. ဘေလရှာဇာမင်းကြီး၏
စားသောက်ပွဲ - ဒံယေလ ၅။
၁၂၁. ခြင်္သေ့တွင်းရောက်ဒံယေလ - ဒံယေလ ၆။
၁၂၂. ယောနနှင့်ဝေလငါးကြီး - ယောနဝတ္ထု။
၁၂၃. ယုဒပြည်ဘက်လင်မြို့၌ယေရှုမွေးဖွား - မဿဲ ၂။
၁၂၄. ယေရှုနှင့်ကျမ်းတတ်ပုဂ္ဂိုလ်များ
• လုကာ ၂.၃၉-၅၂။
၁၂၅. ယေရှုကိုယောဟန်ဗတ္တိဇံပေး
- မဿဲ ၃။
၁၂၆. ယေရှုသွေးဆောင်ခြင်းခံရ
- မဿဲ ၄း၁-၁၁။
၁၂၇. မုန်တိုင်းကိုယေရှုငြိမ်သွားစေခြင်း - မဿဲ ၈း၂၃-၂၇။
၁၂၈. သေသောကလေးမကိုယေရှုထမြောက်စေခြင်း-
မဿဲ ၉း၁၈-၂၆။
၁၂၉. ဗတ္တိဇံဆရာယောဟန်ခေါင်းဖြတ်ခံရ
- မဿဲ ၁၄း၁-၁၂။
၁၃၀. လူငါးထောင်ယေရှုအစာကျွေး - မဿဲ ၁၄း၁၃-၂၁။
၁၃၁. ရေပေါ်၌ယေရှုလမ်းလျှောက်သွား - မဿဲ ၁၄း၂၅-၃၃။
၁၃၂. ယေရှုဘုန်းရောင်ခြည်ပြခြင်း - မဿဲ ၁၇း၁-၉။
၁၃၃. အပျိုကညာဆယ်ယောက် - မဿဲ ၂၅း၁-၁၃။
၁၃၄. အသုံးအဖြုန်းကြီးသောသား - လုကာ ၁၅း၁၁-၃၂။
၁၃၅. လာဇရုရှင်ပြန်ထမြောက်ခြင်း - ယောဟန် ၁၁။
၁၃၆. နောက်ဆုံးညစာနှင့်ယေရှုကိုအပ်နှံခြင်း - မဿဲ ၂၆။
၁၃၇. ခရစ်တော်သေခြင်းနှင့်ရှင်ပြန်ထမြောက်ခြင်း
- မဿဲ ၂၇၊ ၂၈။
၁၃၈. ခရစ်တော်ကောင်းကင်ဘုံတက်ကြွသွားခြင်း
- တမန်တော် ၁း၁-၁၂။
၁၃၉. အာနနိနှင့်ရှာဖိရေတို့လဲကျသေ - တမန်တော် ၅။
၁၄၀. သတေဖန်ကိုကျောက်ခဲနှင့်ပစ်သတ် - တမန်တော် ၆း၉-၁၅။
၇း၅၄-၆၀။
၁၄၁. လှည်းပေါ်၌တရားဟောခြင်း
- တမန်တော် ၈း၂၆-၄၀။
၁၄၂. လမ်းမကြီးပေါ်၌ရှောလုပြောင်းလဲ - တမန်တော် ၉း၁-၃၀။
၁၄၃. ပေတရုကိုထောင်ထဲမှကောင်းကင်တမန်လွှတ်-
တမန်တော် ၁၂။
၁၄၄. ပေါလုကိုသေလုမျောပါးကျောက်ခဲနှင့်ပစ်
- တမန်တော် ၁၄း၈-၂၀။
၁၄၅. ထောင်ထဲရှိပေါလုနှင့်သိလ - တမန်တော် ၁၆း၁၆-၄၀။
၁၄၆. ပြတင်းပေါက်မှကျသောလူငယ် - တမန်တော် ၂ဝး၁-၁၂။
၁၄၇. ပင်လယ်ပေါ်
မုန်တိုင်းထန် -
တမန်တော် ၂၇။
၁၄၈. ယေရုရှလင်မြို့သစ် - ဗျာဒိတ် ၂၁၊
၂၂။
အခန်းကြီး - ၃
၃။ စိတ်ဝင်စားဖွယ်ကျမ်းစာအချက်အလက်များ
BIBLE
FACTS OF SPECIAL INTEREST
သမ္မာကျမ်းစာအုပ်သည် ခသ ၁၄၅၀ ခန့်တွင်ပထမဦးဆုံး
ပုံနှိပ်သော စာအုပ်ဖြစ်ပါသည်။ Authorized
Version ခေါ် King James Bible ကို ခသ ၁၆၁၁ ခုနှစ်တွင်ပုံနှိပ်ထုတ်ဝေခဲ့ရာ၊
၎င်းသည်ကမ္ဘာပေါ်တွင် စံတင်လောက် သော အင်္ဂလိပ်စာ မှတ်တိုင်ကြီးပင်ဖြစ်ပါသည်။
ဓမ္မဟောင်းကျမ်းတွင်စာအုပ်ပေါင်း ၃၉
အုပ်နှင့်ဓမ္မသစ်ကျမ်းတွင် ၂၇ အုပ်ဖြစ်၍၊ စုစုပေါင်း ၆၆ အုပ်ရှိပါသည်။ ဓမ္မဟောင်း
ကျမ်းတွင်အခန်းကြီး ၉၂၉ ခန့်ရှိ၍၊ ဓမ္မသစ်ကျမ်းတွင် ၂၆၀ ရှိရာ၊ စုစုပေါင်း
အခန်းကြီး ၁၁၈၉ ခန်းရှိပါသည်။ အခြားဘာသာပြန်ကျမ်းများနှင့် အနည်းငယ်ကွာခြားမှုရှိသော်
လည်း၊ ဓမ္မဟောင်းနှင့်ဓမ္မသစ်ကျမ်းရှိအခန်းငယ်များ၊ စကားလုံးများနှင့်စာလုံး
များမှာ- ဓမ္မဟောင်းကျမ်း၌အခန်းငယ် ၂၃၂၁၄ ရှိ၍၊ ဓမ္မသစ်ကျမ်း၌ ၇၉၅၉ ရှိရာ၊
စုစုပေါင်း ၃၁၁၇၃ ရှိပါသည်။ ဓမ္မဟောင်းကျမ်း၌ စကားလုံးပေါင်း ၅၉၂၄၉၃ ရှိ၍၊
ဓမ္မသစ်ကျမ်း၌ ၁၈၁၂၅၃ ရှိရာ၊ စုစုပေါင်း ၇၇၃၇၄၆ လုံး ရှိပါသည်။ ဓမ္မဟောင်းကျမ်း၌
စာလုံးပေါင်း ၂၇၂၈၁၀၀ ရှိ၍၊ ဓမ္မသစ်ကျမ်း၌ ၈၃၈၃၈၀ ရှိရာ၊ စုစုပေါင်း ၃၅၆၆၄၈၀
လုံးရှိပါသည်။
ဗဟိုအလယ်ကျ၍ အတိုဆုံးအခန်းကြီးမှာ ဆာလံ ၁၁၇
ဖြစ်၍ အလယ်ကျသောအခန်းငယ်မှာ ဆာလံ ၁၁၈း၈ ဖြစ်ပါသည်။
“ယေဟောဝါ” ဟူသောစကားလုံး ၆၈၅၅ ကြိမ်တွေ့ရပါသည်။
ဓမ္မဟောင်းကျမ်းတွင် သုတ္တံကျမ်းသည်
အလယ်ကျသောစာအုပ်ဖြစ်၍ ယောဘ ၂၉ သည် အလယ်ကျသော အခန်းကြီး ဖြစ်သည်။ ၂ ရာဇဝင်ချုပ်
၂ဝး၁၈ သည် အလယ်ကျသောအခန်းငယ်ဖြစ်၍၊ ၁ ရာဇဝင်ချုပ် ၁း၁ သည် အတိုဆုံးအခန်းငယ်
ဖြစ်သည်။ ဓမ္မသစ်ကျမ်းတွင် ၂ သက်သာလောနိတ်သည် အလယ်ကျသော စာအုပ်ဖြစ်၍၊ ရောမ ၁၃
နှင့် ၁၄ စပ်ကြားသည် အလယ်ကျ သော အခန်းကြီးဖြစ်သည်။ တမန်တော် ၁၇း၁၇ သည် အလယ်ကျသော
အခန်းငယ်ဖြစ်၍၊ ယောဟန် ၁၁း၃၅ သည် သမ္မာကျမ်းတစ်အုပ်လုံးတွင်
အတိုဆုံးအခန်းငယ်ဖြစ်ပါသည်။
၄ ရာဇဝင် နှင့် ယေရှာယ ၃၇ တို့သည်
ထပ်တူနီးပါးဖြစ်ပါသည်။
အခန်းကြီး - ၄
၄။ ပညတ်တော်ဆယ်ပါး
THE TEN COMMANDMENTS
၁
ငါမှတပါး အခြားသောဘုရားကိုမကိုးကွယ်နှင့်။
၂
အထက်မိုးကောင်းကင်၌၎င်း၊ အောက်အရပ်
မြေကြီးပေါ်၌၎င်း၊ မြေ ကြီးအောက်ရေထဲ၌၎င်းရှိသောအရာနှင့်ပုံသဏ္ဍာန်
တူသောရုပ်တုဆင်းတုကို ကိုယ့်အဖို့မလုပ်နှင့်။ ဦးမချဝတ်မပြုနှင့်။ အကြောင်းမူကား၊
သင်၏ဘုရား သခင် ငါထာ၀ရဘုရားသည် သင်၌အပြစ်ရှိသည်ဟု ယုံလွယ်သောဘုရား၊ ငါ့ကိုမုန်းသော
သူတို့၏ အမျိုးအစဉ်အဆက်တတိယအဆက်၊ စတုတ္ထအဆက် တိုင်အောင်
အဘတို့၏အပြစ်ကိုသားတို့၌စပ်ပေးစီရင်သောဘုရား၊ ငါ့ကိုချစ်၍ ငါ့ပညတ်တို့ကို
ကျင့်သောသူတို့၏ အမျိုးအစဉ်အဆက် အထောင်အသောင်း တိုင်အောင်၊
ကရုဏာကိုပြသောဘုရားဖြစ်၏။
၃
သင်၏ဘုရားသခင်ထာ၀ရဘုရား၏ နာမတော်ကို
မုသာနှင့်ဆိုင်၍ မမြွက်မဆိုနှင့်။ အကြောင်းမူကား
နာမတော်ကိုမုသာနှင့်ဆိုင်၍မြွက်ဆိုသော သူကို အပြစ်မရှိဟု ထာ၀ရဘုရားမှတ်တော်မမူ။
၄
ဥပုသ်နေ့ကို သန့်ရှင်းစေခြင်းငှါ ထိုနေ့ရက်ကို
အောက်မေ့လော့။ ခြောက်ရက်ပတ်လုံးအလုပ်မျိုးကို ကြိုးစား၍လုပ်ဆောင်လော့။ သတ္တမနေ့ရက်
သည် သင်၏ ဘုရားသခင်ထာ၀ရဘုရား၏ ဥပုသ်နေ့ဖြစ်၏။ ထိုနေ့၌ သင်မှ စ၍ သင်၏သားသမီး၊
ကျွန်ယောက်ျား မိန်းမ၊ တိရစ္ဆာန်၊ သင်၏တံခါးအတွင်း ၌နေသော ဧည့်သည် အာဂန္တုသည်
အလုပ်မလုပ်ရ။ အကြောင်းမူကား ထာ၀ရ ဘုရားသည် မိုးကောင်းကင်၊ မြေကြီး၊ သမုဒ္ဒရာ၊
အရပ်ရပ်၌ရှိသမျှတို့ကို ခြောက်ရက်တွင်ဖန်ဆင်း၍ သတ္တမနေ့ရက်ကို ကောင်းချီးပေး၍
သန့်ရှင်းစေ တော်မူ၏။
၅
သင်၏ဘုရားသခင်ထာ၀ရဘုရားပေးသနားတော်မူသောပြည်၌
သင် ၏ အသက်တာရှည်မည်အကြောင်း၊ သင်၏မိဘကို ရိုသေစွာပြုလော့။
၆
လူအသက်ကိုမသတ်နှင့်။
၇
သူ့မယားကိုမပြစ်မှားနှင့်၊
၈
သူ့ဥစ္စာကိုမခိုးနှင့်။
၉
ကိုယ်နှင့်စပ်ဆိုင်သောသူတဘက်၌
မမှန်သောသက်သေကိုမခံနှင့်။
၁၀
ကိုယ်နှင့်စပ်ဆိုင်သောသူ၏အိမ်ကို
တပ်မက်လိုချင်သော စိတ်မရှိနှင့်။ ကိုယ်နှင့်စပ်ဆိုင်သောသူ၏မယား၊ သူ၏
ကျွန်ယောက်ျား၊ မိန်းမ၊ နွား၊ မြည်း မှစ၍ ကိုယ်နှင့်စပ်ဆိုင်သောသူ၏
ဥစ္စာတစုံတခုကိုမျှ တပ်မက်လိုချင်သော စိတ်မရှိစေနှင့်။
ထွက်မြောက်ရာ ၂ဝး၃-၁၇။
အခန်းကြီး - ၅
၅။ ဆာလံ ၂၃
TWENTY-THIRD
PSALM
ထာ၀ရဘုရားသည် ငါ၏သိုးထိန်းဖြစ်တော်မူ၏။ ငါသည်
ဆင်းရဲမခံရ။
စိမ်းလန်းသော ကျက်စားရာအရပ်၌
ငါ့ကိုအိပ်စေတော်မူ၏။ သာယာ သော မြစ်နားသို့လမ်းပြတော်မူ၏။
ငါ့ဝိညာဉ်ကို အားဖြည့်၍၊ နာမတော်အဖို့အလိုငှါ
တရားလမ်းထဲ၌ သွေးဆောင်တော်မူ၏။
အကယ်၍သေမင်း၏အရိပ်လွှမ်းမိုးသော
ချိုင့်ထဲသို့ရှောက်သွားရသော် လည်း ဘေးအန္တရာယ်ကိုမကြောက်ပါ။ အကြောင်းမူကား၊
ကိုယ်တော်သည် အကျွန်ုပ်နှင့် အတူရှိတော်မူသည်ဖြစ်၍၊ လှံတံတော်နှင့်တောင်ဝေးတော်သည်
အကျွန်ုပ်ကို ချမ်းသာပေးပါ၏။
အကျွန်ုပ်၏ ရန်သူတို့ရှေ့မှာ
အကျွန်ုပ်အဖို့စားပွဲကို ခင်းတော်မူ၏။ အကျွန်ုပ်ခေါင်းကိုဆီနှင့်လိမ်းတော်မူ၏။
အကျွန်ုပ်ခွက် ဖလားသည် လျှံလျက် ရှိပါ၏။ အကယ်စင်စစ် အကျွန်ုပ်သည်
ကျေးဇူးနှင့်ကရုဏာကို တသက်လုံး ခံစား၍၊ ထာ၀ရဘုရား၏အိမ်တော်မှာ
အစဉ်အမြဲနေရပါလိမ့်မည်။
အခန်းကြီး - ၆
၆။ သခင်ဘုရား၏ဆုတောင်းချက်
THE
LORD’S
PRAYER
ကောင်းကင်ဘုံ၌ရှိတော်မူသော ကျွန်ုပ်တို့အဘ၊
ကိုယ်တော်၏ နာမ တော်အား ရိုသေလေးမြတ်ခြင်းရှိပါစေသော။
နိုင်ငံတော်တည်ထောင်ပါစေသော။
အလိုတော်သည်ကောင်းကင်ဘုံ၌ ပြည့်စုံသကဲ့သို့ မြေကြီးပေါ်မှာပြည့်စုံပါစေသော။
အသက်မွေးလောက်သောအစာကို ကျွန်ုပ်တို့အား
ယနေ့ပေးသနား တော်မူပါ။ သူတပါးသည် ကျွန်ုပ်တို့ကိုပြစ်မှားသော အပြစ်များကို
ကျွန်ုပ်တို့ သည် လွှတ်သကဲ့သို့ ကျွန်ုပ်တို့၏အပြစ်များကို လွှတ်တော်မူပါ။
အပြစ်သွေးဆောင်ရာသို့မလိုက်မပါစေဘဲ၊ မကောင်းသော
အမှုအရာမှလည်း ကယ်နှုတ်တော်မူပါ။ အစိုးပိုင်သောအခွင့်နှင့်
ဘုန်းတန်ခိုးအာနုဘော်သည် ကမ္ဘာ့အဆက်ဆက် ကိုယ်တော်၌ရှိပါ၏။ အာမင်။ မဿဲ ၆း၉-၁၃။
အခန်းကြီး - ၇
၇။ မင်္ဂလာတရားတော်များ
THE
BEATITUDES
ထိုလူအပေါင်းတို့ကိုမြင်လျှင်၊ ကိုယ်တော်သည်
တောင်ပေါ်သို့တက်၍ ထိုင်တော်မူသောအခါ၊ တပည့်တော်တို့သည် ကိုယ်တော်ရင်းသို့
ချဉ်းကပ်ကြ ၏။
ထိုအခါ နှုတ်တော်ကိုဖွင့်၍ တပည့်တော်တို hအား ဆုံးမဩဝါဒပေး တော်မူသည်မှာ၊
စိတ်နှလုံးနှိမ့်ချသော သူတို့သည်
မင်္ဂလာရှိကြ၏။ အကြောင်းမူကား၊ ကောင်းကင်နိုင်ငံတော်သည် ထိုသူတို့၏ နိုင်ငံဖြစ်၏။
စိတ်မသာညည်းတွားသောသူတို့သည် မင်္ဂလာရှိကြ၏။
အကြောင်းမူ ကား၊ ထိုသူတို့သည် သက်သာခြင်းသို့ရောက်ကြလတံ့။
စိတ်နူးညံ့သိမ်မွေ့သောသူတို့သည်မင်္ဂလာရှိကြ၏။
အကြောင်းမူကား၊
ထိုသူတို့သည် ပြည်တော်ကို အမွေခံရကြလတံ့။
ဖြောင့်မတ်ခြင်းပါရမီကို ဆာငတ်ခင်မွတ်သော
သူတို့သည် မင်္ဂလာရှိ ကြ၏။ အကြောင်းမူကား၊ ထိုသူတို့သည် ၀ပြောခြင်းသို့
ရောက်ကြလတံ့။
သနားစုံမက်တတ်သောသူတို့သည် မင်္ဂလာရှိကြ၏။
အကြောင်းမူကား၊ ထိုသူတို့သည် သနားစုံမက်ခြင်းကိုခံရကြလတံ့။
စိတ်နှလုံးဖြူစင်သောသူတို့သည် မင်္ဂလာရှိကြ၏။
အကြောင်းမူကား၊ ထိုသူတို့သည် ဘုရားသခင်ကို မြင်ရကြလတံ့။
သူတပါးချင်းခိုက်ရန်ပြုခြင်းကို
ငြိမ်းစေသောသူတို့သည် မင်္ဂလာရှိကြ ၏။ အကြောင်းမူကား၊ ထိုသူတို့သည် ဘုရားသခင်၏
သားတော်ဟု ခေါ်ဝေါ် ခြင်းကို ခံရကြလတံ့။
ဖြောင့်မတ်ခြင်းတရားကြောင့်
နှောင့်ယှက်ညှဉ်းဆဲခြင်းကို ခံရသော သူ တို့သည် မင်္ဂလာရှိကြ၏။ အကြောင်းမူကား၊
ကောင်းကင် နိုင်ငံတော်သည် ထိုသူတို့၏ နိုင်ငံဖြစ်၏။
ငါ့ကြောင့် သင်တို့ကို ကဲ့ရဲ့ညှဉ်းဆဲ၍
မမှန်ဘဲလျက် အပြစ်တကာ တင်ကြသောအခါ၊ သင်တို့သည် မင်္ဂလာရှိကြ၏။
ဝမ်းမြောက်ရွှင်မြူးခြင်းရှိကြလော့။
အကြောင်းမူကား၊ ကောင်းကင်ဘုံ ၌ သင်တို့၏ အကျိုးသည် ကြီးလှပေ၏။ သင်တို့ရှေ့က
ပေါ်ထွန်းသော ပရော ဖက်တို့ကို ထိုနည်းတူ ညှဉ်းဆဲကြပြီ။ မဿဲ ၅း၁-၁၂။
အခန်းကြီး - ၈
၈။ သမ္မာကျမ်းစာလေ့လာခြင်းနည်းစနစ်
HOW
TO STUDY THE BIBLE
ပထမဦးဆုံးအကောင်းစား သမ္မာကျမ်းစာအုပ်နှင့်
အညွှန်းမာတိကာ စာအုပ်ရအောင် ကြိုးစားပါ။ အစမှအဆုံးအထိ ထောက်လျှောက်ဖတ်သွားပါ။
ချစ်ခင်သော မိတ်ဆွေတစ်ဦးထံမှရသော စိတ်ဝင်စားဖွယ်ပေးစာကဲ့သို့ ဖတ်ပါ။ ဟိုခုန်ဒီခုန်
မဖတ်ပဲစာလုံးရှိသမျှကိုတစ်လျှောက်လုံးဖတ်ပါ။ စာအုပ်ပေါင်း ၆၆ အုပ်
ဆက်နွယ်ထားသောကမ္ဘာဦးကျမ်းမှ ဗျာဒိတ်ကျမ်းအထိ တစ်လျှောက်လုံး ဖတ်သွားခြင်းဖြင့်
အကျိုးတစ်မျိုးခံစားရပါသည်။ တစ်ချိန်တည်းဖြင့် မြန်မြန်နှင့် များများမဖတ်ပါနှင့်။
သင်မြင်တွေ့နေရသော နှုတ်ကပတ်တော်ကို သိရှိနား လည်၍ တရားတော်ကို နာယူချင်သော
ရည်ရွယ်ချက်တစ်ခုနှင့်ဖတ်ပါ။ “မိမိ ကိုယ်ကို ကျွေးမွေးနိုင်ရန် သင်ယူပါ” ဟု
ဒီအယ်လ်မူးဒီ ဆိုခဲ့ဖူးပါသည်။ ထို့ကြောင့်များစွာသော လူတို့သည် ဓမ္မဆရာ
ဇွန်းတစ်ချောင်းမှ တရားအလုံးစုံ ကိုခံယူချင်ကြပါသည်။
နှုတ်ကပတ်တော်ကို လေ့လာသောသူတို့အကြောင်း
သမ္မာကျမ်းစာက မည်သို့ ဖေါ်ပြပါသနည်း။
တမန်တော် ၁၇း၁၁ “ဘေရိမြို့သားတိုသည်
သက်သာလောနိတ် မြို့ သားတို့ထက် ထူးမြတ်သဖြင့်၊ အလွန်ကြည်ညိုသော စေတနာစိတ်နှင့်
နှုတ်က ပတ်တရားတော်ကိုခံယူ၍မှန်သည်မမှန်သည်ကိုသိခြင်းငှါ၊ ကျမ်းစာကိုနေ့တိုင်း
အစဉ်စေ့စေ့ ကြည့်ရှုကြ၏။”
ကလေးသူငယ်များပင်လျှင် သမ္မာကျမ်းစာ၌
ပျော်မွေ့ဖို့ရန် အလွန် ကောင်းပါသည်။ ၂ တိမောသေ ၃း၁၅ “ယေရှုခရစ်ကို
ယုံကြည်ခြင်းအားဖြင့် ကယ်တင်ခြင်းအလို့ငှါ ပညာကိုပေးနိုင်သော ဓမ္မကျမ်းစာကို
ငယ်သောအရွယ် မှစ၍လေ့ကျက်သည်ကို၎င်း သိမှတ်သည်နှင့်၊ အထက်ကသင်၍ နှလုံးသွင်းမိ သော အယူဝါဒ၌တည်နေလော့။”
သမ္မာကျမ်းစာမည်၍ မည်မျှအရေးကြီးပါသနည်း။
၂ တိမောသေ ၃း၁၆၊၁၇ “ထိုကျမ်းစာရှိသမျှသည်
ဘုရားသခင် မှုတ်သွင်းတော်မူသောအားဖြင့်ဖြစ်၍၊ ဘုရားသခင်၏ လူသည်စုံလင်သောသူ၊
ကောင်းသော အမှုအမျိုးမျိုးတို့ကို ပြုစုခြင်းအလို့ငှါ ပြင်ဆင်သောသူဖြစ်မည်
အကြောင်း၊ ဩဝါဒပေးခြင်း၊ အပြစ်ကိုဖော်ပြခြင်း၊ ဖြောင့်မတ်စွာပြုပြင်ခြင်း၊
တရားကိုသွန်သင်ခြင်း ကျေးဇူးများကို ပြုတတ်၏။” ဤကျမ်းချက်များ များများ
အလွှတ်ကျက်ထားခြင်းသည် ကြီးစွာသောအကျိုးဖြစ်ထွန်းစေပါသည်။
ဘုရားသခင်၏ နှုတ်ကပတ်တော်ကို လေ့လာရာ၌
ပျော်မွေ့နိုင်ရန် နည်းလမ်းအဖုံဖုံရှိပါသည်။
၁။ တစ်ချိန်တည်းတွင်
ကျမ်းပိုင်းတစ်ပိုင်းလေ့လာနိုင်သည်။ ဥပမာ ရှင်မဿဲ ကျမ်းပိုင်းဆိုပါစို့။
အကြိမ်ပေါင်းများစွာ အစမှအဆုံးအထိ ဖတ်သွား ၍၊ အရေးကြီးသည့် အချက်များကိုရှာပါ။
နောက်တစ်ခါတစ်ထိုင်တည်းဖြင့် ကျမ်းပိုင်းတစ်ခုလုံးကိုဖတ်ပါ။ အဓိကအချက်ကြီးနှင့်
ရည်ရွယ်ချက်တို့ကို ရယူ
ပါ။
၂။ အခန်းကြီးတစ်ခန်းချင်းဖြင့်
ဖတ်ရှုလေ့လာနိုင်သည်။ အချို့ အခန်း ကြီးများမှာ တစ်မနက်စာ၊ သို hမဟုတ် တစ်ညနေစာ လောက်ဖတ်ရပါသည်။ စာလုံးပေါင်းအရှည်ကြီး
သို့မဟုတ် ဆွေစဉ်မျိုးဆက်နာမည်တစ်သီတစ်တန်း တွေ့ရလို့ကြောက်မသွားပါနှင့်။
အခန်းကြီးတစ်ခန်းလုံး သေချာဖတ်လို့ မပြီး မချင်း မထားပစ်ခဲ့ပါနှင့်။
အခန်းကြီးတိုင်းတွင် မွန်မြတ်သောတရားများတွေ့ ရပါလိမ့်မည်။ နောက်တစ်ခန်းကို
ဖတ်ရှုလေ့လာလိုက်သောအခါ ဖတ်သွားခဲ့ သော အခန်းကို မကြာခဏပြန်လည်စဉ်းစားပါက ပိုမို၍
အသိတရားပွားများ လာပါလိမ့်မည်။ တစ်ခါတလေ အခက်ခဲဆုံးသော အခန်းသည်နောက်ပိုင်းတွင် အကျိုးအများဆုံး
ပေးနိုင်ပါသည်။
ဓမ္မဟောင်းနှင့်ဓမ္မသစ်တို့တွင်
အခန်းကြီးပေါင်း ၁၁၈၉ ခန်းရှိသည် ဖြစ်သောကြောင့်၊ တစ်နေ့လျှင် တစ်ခန်းသာဖတ်ပါက
သုံးနှစ်ကျော်ကျော် အချိန်ပေးရပါမည်။ ကျမ်းစာကိုလေ့လာသော
နာမည်ကြီးပုဂ္ဂိုလ်တစ်ဦးက၊ အခန်းကြီးတစ်ခုချင်းကို ဖတ်ရှုလေ့လာချိန်တိုင်း
မေးရမည့်မေးခွန်း ဆယ်ခု အကြံပြုထားပါသည်။
(၁) အကြီးမြတ်ဆုံးသော အကြောင်းအရာဟာဘာလဲ။
(၂) အရေးကြီးဆုံးသင်ခန်းစာဟာဘာလဲ။
(၃) အကောင်းဆုံးအခန်းငယ်ဟာဘယ်ဟာလဲ။
(၄) အကြီးမြတ်ဆုံးပုဂ္ဂိုလ်များဘယ်သူတွေလဲ။
(၅) ခရစ်တော်နှင့် စပ်ဆိုင်၍ ဘာကိုသွန်သင်သလဲ။
(၆) လိုက်နာသင့်သောမည်သည့်နမူနာရှိပါသနည်း။
(၇)
ရှောင်ရှားသင့်သောမည်သည့်အန္တရာယ်ရှိပါသနည်း။
(၈) ပြုလုပ်ဆောင်ရွက်သင့်သော မည်သည့်
တာဝန်ဝတ္တရားများရှိပါ
သနည်း။
(၉)
တောင်းဆိုသင့်သောမည်သည့်ကတိတော်ပါရှိပါသနည်း။
(၁၀)
အတုယူသင့်သောမည်သည့်ဆုတောင်ချက်မျိုးပါရှိပါသနည်း။
၃။ အပိုဒ်လိုက်ဖတ်ရှုလေ့လာနိုင်ပါသည်။
၄။ သမ္မာကျမ်းစာထဲ၌ပါသော ဆုတောင်းချက်များ၊
ပုံပမာများ၊ ထူးဆန်းသော နိမိတ်လက္ခဏာများ၊ စာပိုဒ်များ၌ပါသော ခရစ်တော်၏ စကား
တော်များ၊ စသည်ဖြင့် အကြောင်းအရာအလိုက် ဖတ်ရှုလေ့လာနိုင်ပါသည်။
၅။ အခန်းငယ်တစ်ခုချင်းစီ၌ပါသော
အထူးစကားလုံးများကို အာရုံ စိုက်လျက် အခန်းငယ်အလိုက်
သမ္မာကျမ်းစာကိုလေ့လာနိုင်ပါသည်။ ဥပမာ၊ ရောမ ၈း၂၈ “ဘုရားသခင်ကို
ချစ်သောသူတည်းဟူသော ကြံစည်တော်မူခြင်း အတိုင်း ခေါ်တော်မူသော သူတို့၏ အကျိုးကို
ခပ်သိမ်းသောအရာတို့သည် တညီတညွှတ်တည်းပြုစုကြသည်ကို ငါတို့သိကြ၏။” ဤနေရာတွင်၊
“ချစ်” “ပြုစု” “သိ” “ခေါ်” စသောကြိယာ လေးလုံးတွေ့ရပါသည်။ ဤကြိယာတို့ ဖေါ်ပြလိုသော
အချက်ကို သတိပြုပါ။
၆။ သမ္မာကျမ်းစာ၌ပါသော စကားလုံးများကို
ကျွန်ုပ်တို့လေ့လာနိုင်ပါ သည်။ ဓမ္မဟောင်းကျမ်းတွင် မတူသော ဟေဗြဲဘာသာ စကား ၈၆၇၄
လုံးရှိ၍၊ ဓမ္မသစ်ကျမ်းတွင် မတူသော ဟေလသခေါ် ဂရိစကား ၅၆၂၄ ရှိပါသည်။ သမ္မာကျမ်းစာ
တစ်အုပ်လုံးတွင် မတူသောအင်္ဂလိပ်စကားအလုံး ၆၀၀၀ ခန့် ရှိပါသည်။ “ယုံကြည်” ဟူသော
စကားလုံးကို အာရုံစိုက်ကြည့်ပါ။ ဃသညခသမိ-ညေခန ခေါ် စကားလုံးမာတိကာ
စာအုပ်ကိုယူပြီး၊ သမ္မာကျမ်းစာတစ်အုပ်လုံး တွင် ၎င်းစကားလုံးကို လေ့လာကြည့်ပါက
လေ့လာဖတ်ရှု စရာများစွာ တွေ့ရှိ ပါလိမ့်မည်။ “လာ” ဟူသောစကားလုံး၊ ခရစ်တော်၏
ဘွဲ့နာမများဖြစ်သော “နှုတ်ကပတ်တော်” “မုန့်^အစာ” “အလင်း” “စပျစ်နွယ်ပင်” “တံခါး” “နေ” “ကယ်တင်ရှင်”
“အသက်” “သခင်” “သိုးသငယ်” စသောစကားလုံးများကို လည်းလေ့လာဖတ်ရှုပါ။
၇။ သမ္မာကျမ်းစာ၌ပါရှိသော
ပုဂ္ဂိုလ်တစ်ဦးချင်း၏အတ္ထုပ္ပတ္တိကိုလည်း လေ့လာနိုင်ပါသည်။ သမ္မာကျမ်းစာနှင့်
ဆက်နွှယ်နေသော အမျိုးသားနှင့် အမျိုးသမီးအနည်းဆုံး ၂၉၃၀ ခန့်ရှိပါသည်။
၎င်းပုဂ္ဂိုလ်တစ်ဦးချင်း၏ အတ္ထုပ္ပ တ္တိကို မွေးစမှသေသည့်အထိ လေ့လာပါ။
ဓမ္မဟောင်းကျမ်းတွင် ဇာခရိ အမည် ဖြင့် ပုဂ္ဂိုလ် ၃၀ ဦးတွေ့ရပြီး၊ ယောနသန်အမည်ဖြင့်
၁၅ ဦး တွေ့ရပါသည်။ ဓမ္မသစ်ကျမ်းတွင် ယုဒမည်ဖြင့် (၅) ဦးတွေ့ရပါသည်။
ထိုပုဂ္ဂိုလ်အသီးသီးတို့ သည် စိတ်ဝင်စားဖွယ်ကောင်းသောသူများ ဖြစ်ကြပါသည်။
သမ္မာကျမ်းစာ၌ နာမည်သီးခြား မဖော်ပြထားသော်လည်း၊ စိတ်ဝင်စားဖွယ်ကောင်းသော အစေ
ခံများ၊ ခေါင်းဆောင်ကြီးများနှင့် သခင်ယေရှုကိုစွဲလမ်းသော သခင်ယေရှု၏ မိတ်ဆွေများ
အကြောင်းကိုလည်း ကျွန်ုပ်တို့ တွေ့ရှိရပါသည်။
၈။ သမ္မာကျမ်းစာ၌ပါရှိသော
ဆုတောင်းချက်များကိုလည်း ကျွန်ုပ်တို့ လေ့လာနိုင်ပါသည်။ ဓမ္မဟောင်းကျမ်းတွင်
ဆုတောင်းချက် (၈၃) ခုခန့်နှင့် ဓမ္မသစ်ကျမ်းတွင် ၄၉ ခု ခန့်တွေ့ရှိရပါသည်။
၎င်းတို့ကို ကျွန်ုပ်တို့လေ့လာ သောအခါ၊ ဘယ်သူဆုတောင်းသလဲ၊ ဘုရားသခင်၏လူလား၊
အခြားသူလား၊ ဘာအကြောင်းကြောင့် သူဆုတောင်းသလဲ၊ ဘယ်လိုပုံပန်းအသွင်အပြင်ဖြင့်
ဆုတောင်းသလဲ၊ ဘယ်သူ့ထံကို ဦးတည်တောင်းဆိုသလဲ၊ ဆုတောင်းသူဟာ ဘယ်လိုလူစားမျိုးလဲ၊
မည်သည့်အချက်ကို အဓိကထားတောင်းဆိုသလဲ၊ စသည်ဖြင့် စဉ်းစားရပါမည်။
၉။ သမ္မာကျမ်းစာလေ့လာရာ၌
စိတ်ဝင်စားဖွယ်အကောင်းဆုံး အချက် တစ်ခုမှာ၊ ကျမ်းချက်တိုင်း၌ ခရစ်တော်ကို
တွေ့ရှိခြင်းပင်ဖြစ်ပါသည်။ ၁ ပေတ ရု ၁း၇-၁၁ ကိုဖတ်လိုက်လျှင်
သမ္မာကျမ်းစာတစ်ခုလုံး၏ အဓိကအကြောင်း အရာမှာ ခရစ်တော်ဖြစ်ကြောင်း တွေ့ရပါသည်။
ဓမ္မဟောင်းကျမ်း၌ ပါရှိသော အနာဂတ်စကားများ၊ ခရစ်ဝင်ကျမ်းများ၌ပါရှိသော ခရစ်တော်
ကိုယ်တော်တိုင် ၏ သွန်သင်ချက်များ၊ တမန်တော်များ၏ ပေးစာများနှင့် ဗျာဒိတ် ကျမ်းစာ
သည် ခရစ်တော်ကို ဖေါ်ပြကြပါသည်။ မောရှေပြုစုသော ကျမ်းများမှစ၍ ပရောဖက်များပြုစုသော
ကျမ်းစာအားလုံးတို့သည် မိမိအကြောင်းကို ရှင်းလင်း ဖော်ပြလျက်ရှိကြောင်း
သခင်ယေရှုကိုယ်တော်တိုင်ကြေညာခဲ့ပါသည်။ (လုကာ ၂၄း၂၇)။ သမ္မာကျမ်းစာရှိသမျှသည်
သခင်ယေရှုခရစ်အကြောင်းကို သက်သေ ခံကြပါသည်။ (ယောဟန် ၅း၃၉)။ ခရစ်တော်၏အသက်တာ၊
ခရစ်တော်၏ ဂုဏ်တော်နှင့်၊ ခရစ်တော်၏ လုပ်ဆောင်ချက်များ လေ့လာခြင်းသည် သမ္မာ
ကျမ်းစာလေ့လာရာ၌ အမြင့်မြတ်ဆုံး လေ့လာခြင်းဖြစ်ပါသည်။
၁၀။ ၎င်းအပြင်၊ သမ္မာကျမ်းစာ၌ပါရှိသော
အနာဂတ်စကားများနှင့် ၎င်းတို့၏ ပြည့်စုံခြင်းများအကြောင်း၊ ဖန်ဆင်းခြင်း၊
ခမည်းတော်ဘုရား၊ သားတော် ယေရှုခရစ်တော်နှင့် ဝိညာဉ်တော်တို့၏ ဂုဏ်တော်၊
သမ္မာကျမ်းစာ ဖြစ်ပေါ်လာခြင်း၊ ကယ်တင်ခြင်းလုပ်ငန်း၊ ရွေးနုတ်ခြင်း၊ လက်ဝါးကပ်တိုင်၌
ခရစ်တော်၏ ဆက်ကပ်ပူဇော်ခြင်း၊ ဒုတိယအကြိမ်ကြွလာတော်မူခြင်း၊ ဥပုသ် နေ့၊
နှစ်ခြင်းမင်္ဂလာ၊ ငရဲနှင့် ကောင်းကင်ဘုံ၊ ကယ်တင်ခြင်းခံရမည့်နည်းလမ်း စသော
သမ္မာကျမ်းစာ၏ သွန်သင်ချက်များအကြောင်းကို လေ့လာနိုင်ပါသည်။ ဤသွန်သင်ချက်များသာမက
အခြားအရေးပါသော သွန်သင်ချက်များလည်း လေ့လာသင့်ပါသည်။ အခန်းငယ် အလိုက်၊
စာပိုဒ်အလိုက်၊ ကျမ်းပိုင်းအလိုက် စသည်ဖြင့်သမ္မာကျမ်းစာတစ်အုပ်လုံးကို
အစအဆုံးလေ့လာဖတ်ရှုနိုင်ပါသည်။
နှုတ်ကပတ်တော်ကိုလေ့လာရာ၌ မည်သည့်နည်းစနစ်ကို
ဘုရားသခင်
အလိုတော်ရှိပါသနည်း။
၂ တိမောသေ ၂း၁၅ “သင်မူကား၊ ဝန်ခံတော်မူသော သူ၊
ရှက် ကြောက်စရာ အကြောင်းမရှိဘဲ၊ သမ္မာတရားကိုမှန်ကန်စွာ ပိုင်းခြားတတ်သော
ဆရာသမားဖြစ်လျက်၊ ဘုရားသခင့်ရှေ့၌ ကိုယ်ကိုကိုယ် ဆက်သခြင်းငှာ ကြိုး
စားအားထုတ်လော့။”
မှတ်ချက်။ အကြောင်းအရာအလိုက် သမ္မာကျမ်းစာကို
ပိုင်းခြားတတ်ရန် သခင်ယေရှုသည် ကျွန်ုပ်တို့အား ပုံနမူနာ ပြခဲ့ပါသည်။
ဓမ္မဟောင်းကျမ်းတစ်ခု လုံးမှ ပထမကြွလာတော်မူခြင်းအကြောင်းကို
ကိုယ်တော်စုစည်းဖေါ်ပြထားပါ သည်။ (လုကာ ၂၄း၂၇၊ ၃၂၊၄၄)။ ကြီးပြင်းတော်မူရာ
နာဇရက်မြို့၌ သခင် ယေရှု ဒေသနာတော်ဟောကြားတော်မူသောအခါ ဓမ္မဟောင်းကျမ်းမှ အနာ
ဂတ်စကားကို (ယေရှာယ ၆၁) ဖတ်ကြားတော်မူလျက်၊ ၎င်းသည် မိမိနှင့်
မိမိ၏လုပ်ငန်းဖြစ်ကြောင်း ဖော်ပြခဲ့ပါသည်။ (လုကာ ၄း၁၆-၂၀)။
ပြောင်းလဲခြင်းမရှိသောသူ၊ ဝိညာဉ်တော်မရှိသော
သူတို့သည် နှုတ် ကပတ်တော်ကို မှန်မှန်ကန်ကန်နားလည်နိုင်ပါသလား။
၁ ကောရိန်သု ၂း၁၃၊၁၄
“ဘုရားသခင်ပေးတော်မူသောအရာတို့ကို ငါတို့သည် လူ့ပညာကိုအမှီပြု၍ နားလည်သော
စကားနှင့်မဟော။ သန့်ရှင်း သော ဝိညာဉ်တော်သည် ဝိညာဉ်နှင့်ဆိုင်သောအရာကို
ဝိညာဉ်စကားအားဖြင့် ဖွင့်ပြ၍ ပဲ့ပြင်တော်မူသော စကားနှင့်ငါတို့သည် ဟောကြ၏။
ထိုအရာတို့သည် မိုက်မဲသောအရာဖြစ်သည်ဟု ထင်တတ်၏။ ထိုအရာတို့ကို ဝိညာဉ်အားဖြင့် သာ
ပိုင်းခြား၍ နားလည်နိုင်သောကြောင့်၊ ဇာတိပကတိလူသည် နားမလည် နိုင်။”
မှတ်ချက်။ ထိုသူတို့သည်သမ္မာကျမ်းစာ၏မှန်ကန်သော
အဓိပ္ပါယ်ကို “မှောက်လှန်” ကြ၏။ (၂ ပေတရု ၃း၁၅၊၁၆)။ သမ္မာကျမ်းစာကို ဖတ်ရှုလေ့
လာရာ၌ သူများကို အားပေးရန် မဿဲ ၁၁း၂၅ ကိုဖတ်ပါ။
သမ္မာကျမ်းစာကိုလေ့လာရာ၌
ဆုတောင်းရန်လိုအပ်ပါသလား။
သမ္မာကျမ်းစာ၏ အနာဂတ်စကားများကို လေ့လာရာ၌
ဒံယေလ ဆုတောင်းသောအခါဘုရားသခင်သည် သူ့အား အသိဉာဏ် ပညာကိုပေးပါ သည် (ဒံယေလ ၉း၃၊၂၂။
ဆာလံ ၁၁၉း၉၉၊၁၀၀။ သုတ္တံ ၂း၃-၅။)
သမ္မာကျမ်းစာသည် ကျွန်ုပ်တို့တစ်ဦးချင်းအတွက်
ဘုရားသခင်၏ နှုတ်တော်ထွက်စကားဖြစ်သည်ဟု ကျွန်ုပ်တို့ ခံယူသင့်ပါသလား။
၁ သက်သာလောနိတ် ၂း၁၃ “ငါတို့ဟောပြောသော
ဘုရားသခင်၏ နှုတ်ကပတ်တရားကို သင်တို့သည် ခံယူကြသောအခါ၊ လူ၏နှုတ်ထွက်စကား ကို
မခံမယူဘဲ၊ ဘုရားသခင်၏ နှုတ်ကပတ်တော်အမှန်ဖြစ်သည်နှင့်အညီ၊
ယုံကြည်ခြင်းသို့ရောက်သော သင်တို့အထဲ၌ ပြုပြင်သောဘုရားသခင်၏ နှုတ် ကပတ်တရားလို
ခံယူကြသည် အကြောင်းကို ငါတို့သည် ထောက်၍၊ ဘုရား သခင်၏ ကျေးဇူးတော်ကို
အစဉ်မပြတ်ချီးမွမ်းကြ၏။”
သခင်ယေရှုက၊ “ငါ့သိုးတို့သည် ငါ့စကားသံကို
နားထောင်၍၊ ငါ့ နောက်သို့ လိုက်ကြ၏။ ထိုသိုးတို့ကို ငါသိ၏။”
ဟုမိန့်တော်မူခဲ့ပါသည်။ (ယောဟန် ၁ဝး၂၇။ ၅း၃၉။ ဆာလံ ၁၁၉း၁၀၅)။
ဘုရားသခင်၏ နှုတ်ကပတ်တော်အကြောင်း၊ သခင်ယေရှု
မည်သို့ အမိန့်ရှိပါသနည်း။
ယောဟန် ၁၇း၁၇၊ “ကိုယ်တော်၏ သမ္မာတရားအားဖြင့်
သူတို့ကို သန့်ရှင်းစေတော်မူပါ။ ကိုယ်တော်၏ နှုတ်ကပတ်သည် သမ္မာတရားဖြစ်ပါ၏။”
ဘာအားဖြင့် အသစ်မွေးဖွားခြင်း
ကျွန်ုပ်တို့ခံရမည်နည်း။
၁ ပေတရု ၁း၂၂၊၂၃၊ “သင်တို့သည်
ဖောက်ပြန်ပျက်စီးတတ်သော မျိုးစေ့အားဖြင့် ဖြစ်ပွားသည်မဟုတ်။ မဖောက်ပြန်
မပျက်စီးတတ်သော မျိုးစေ့ တည်းဟူသော အသက်ရှင်၍ အစဉ်အမြဲတည်တော်မူသော ဘုရားသခင်၏
နှုတ်ကပတ်တော်အားဖြင့် ဖြစ်ဖွားသောကြောင့် ညီအစ်ကိုများကို ချစ်ယောင် မဆောင်၊
အမှန်ချစ်ခြင်းအလို့ငှာ၊ စိတ်ထဲမှာသမ္မာတရားကို နားထောင်လျက် ကိုယ့်စိတ်နှလုံးကို
စင်ကြယ်စေပြီးသည်နှင့်အညီ စင်ကြယ်သော စိတ်နှင့် အချင်းချင်းအားကြီးသော
ချစ်ခြင်းမေတ္တာ ရှိကြလော့။”
အခြားအရာခပ်သိမ်းပျောက်ကွယ်သွားသောအခါ
နှုတ်ကပတ်တော် တည်ရှိပါဦးမလား။
၁ ပေတရု ၁း၂၄၊၂၅။ “လူမျိုးရှိသမျှသည်
မြက်ပင်ကဲ့သို့ဖြစ်၏။ လူ၏ ဘုန်းရှိသမျှသည်လည်း မြက်ပွင့်ကဲ့သို့ဖြစ်၏။ မြက်ပင်သည်
ညှိုးနွမ်းသွေ့ ခြောက်တတ်၏။ အပွင့်လည်းကြွေတတ်၏။ ထာ၀ရဘုရား၏နှုတ်ကပတ်တရား မူကား၊
ကာလအစဉ်အမြဲတည်၏။ ထိုနှုတ်ကပတ်တော်သည် သင်တို့အား ဟောပြောသော ဧဝံဂေလိတရားဖြစ်သတည်း။”
(ယောဘ ၂၂း၂၁၊ ၂၂။ ၁ တိမောသေ ၄း၁၆)။
နှုတ်ကပတ်တော်၌ပါရှိသော
အကြောင်းအရာထပ်တူဖြစ်သည့် ကျမ်း ချက်များကိုလည်း ပါရှိသည့်နေရာအသီးသီးမှ
ဖတ်ရှုလေ့လာသင့်ပါသည်။
ယေရှာယ
၂၈း၁၀၊ “ပညတ်တစ်ခုပေါ်မှာတစ်ခု၊ တစ်ခုပေါ်မှာတစ်ခု၊ တစ်နည်းပေါ်မှာတစ်နည်း၊
တစ်နည်းပေါ်မှာတစ်နည်း၊ သည်ဘက်မှာ အနည်း ငယ်၊ ဟိုဘက်မှာအနည်းငယ်ရှိပါသည်။”
(အခန်းငယ် ၁၃)။
အခန်းကြီး - ၉
၉။ သခင်ခရစ်တော်တင်ကူးတည်ရှိခြင်း
THE
PRE-EXISTENCE OF JESUS CHIRST
မိမိကိုယ်တော်တိုင်တင်ကူးတည်ရှိခြင်းကိုခရစ်တော်ဖော်ပြပါသလား။
ယောဟန် ၈း၅၈၊ “ယေရှုကလည်း၊
ငါအမှန်အကန်ဆိုသည်ကား၊ အာဗြဟံ မဖြစ်မီ၊ ငါဖြစ်၏ ဟုမိန့်တော်မူ၏။”
မှတ်ချက်။ ဤနေရာတွင်သခင်ခရစ်တော်သည် “ငါဖြစ်၏”
ဟူသော ဘုရားနာမကို အသုံးပြုတော်မူပါသည် (ထွက်မြောက်ရာ ၃း၁၄)။ အာဗြဟံ မဖြစ်မီ
ငါဖြစ်၏ဟု မိန့်တော်မူပါသည်။ ဗက်လင်မြို့၌ ယေရှုမမွေးဖွားမီ နှစ်ပေါင်းရာချီပြီး
အာဗြဟံရှိခဲ့ပါသည်။
မိမိမည်သည့်နေရာမှကြွလာတော်မူကြောင်း သခင်ယေရှု
အမိန့်ရှိပါ သနည်း။
ယောဟန် ၈း၄၂၊ “ဘုရားသခင်သည်
သင်တို့အဘမှန်လျှင်၊ သင်တို့သည် ငါ့ကို ချစ်ကြလိမ့်မည်။ အကြောင်းမူကား၊ ငါသည်
ဘုရားသခင်အထံတော်မှ ထွက် ကြွရောက်လာ၏။ ကိုယ်အလိုအလျောက်လာသည်မဟုတ်။ ဘုရားသခင်သည်
ငါ့ကိုစေလွှတ်တော်မူ၏။”
ယောဟန် ၁၇း၅၊ “အိုအဘ၊ ဤကမ္ဘာမတည်မရှိမီအထံတော်၌
အကျွန်ုပ်ခံစာသောဘုန်းအသရေနှင့် ယခုတွင်လည်း အကျွန်ုပ်ကိုအထံတော်၌
ချီးမြှောကတော်မူပါ။”
မှတ်ချက်။
ဗက်လင်မြို့၌မွေးဖွားသောအချိန်သည်ဘုရားသခင်၏သား တော်ဖြစ်ပေါ်လာချိန်မဟုတ်ပါ။
မိက္ခာ ၅း၂ တွင်၊ “အိုဗက်လင်ဧဖရက်မြို့၊ အစိုးရသောယုဒမြို့တို့တွင်
သင်သည်မြို့ငယ်မြို့ယုတ်ဖြစ်သော်လည်း၊ အစ္စရေး အမျိုးကို အုပ်စိုးရသော သခင်သည်
ငါ့အဖို့သင်၏ အထဲမှာပေါ်ထွန်းလတံ့။ ထိုသခင်သည် ရှေးကပ်ကမ္ဘာမှစ၍
ပေါ်ထွန်းသောသခင်ဖြစ်၏၊” ဟုအနာဂတ် ဟောထားပါသည်။
အစအဦး၌ဘုရားသခင်နှင့်အတူခရစ်တော်ရှိတော်မူခြင်း
အစအဦး၌ဘုရားသခင်နှင့်အတူမည်သူရှိခဲ့ပါသနည်း။
ယောဟန် ၁း၁-၃၊ “အစအဦး၌နှုတ်ကပတ်တော်ရှိ၏။
နှုတ်ကပတ် တော်သည် ဘုရားသခင်နှင့်အတူရှိ၏။ နှုတ်ကပတ်တော် သည်လည်းဘုရား
သခင်ဖြစ်တော်မူ၏။ ထိုနှုတ်ကပတ်တော်သည် အစအဦး၌ ဘုရားသခင်နှင့် အတူရှိ၏။
ထိုနှုတ်ကပတ်တောသည် ခပ်သိမ်းသောအရာတို့ကို ဖန်ဆင်းတော် မူ၏။ ဖန်ဆင်းတော်မူခြင်းနှင့်
ကင်းလွှတ်လျက်ဖြစ်သောအရာတစုံတခုမျှမရှိ။”
ယောဟန် ၁း၁၄၊ “နှုတ်ကပတ်တော်သည်လည်း
လူဇာတိအဖြစ်ကို ခံယူ၍၊ ကျေးဇူးတော်နှင့်၎င်း၊ သစ္စာတော်နှင့်၎င်း ပြည့်စုံလျက်၊
ငါတို့တွင် တည်နေတော်မူသည်ဖြစ်၍၊ ခမည်းတော်၌တပါးတည်းသော သားတော်၏ ဘုန်းကဲ့သို့
သူ၏ဘုန်းတော်ကို ငါတို့သည်မြင်ရကြပြီ။”
မှတ်ချက်။ ခမည်းတော်၌တပါးတည်းသော သားတော်သည်
ယေရှုဖြစ် ၏။ ယောဟန် ၃း၁၆၊ “ဘုရားသခင်သည် လောကီသားတို့ကို အလွန်ချစ်တော်
မူသောကြောင့်၊ ယုံကြည်သောသူရှိသမျှတို့သည် ပျက်စီးခြင်းသို့ မရောက်၊
ထာ၀ရအသက်ကိုရမည်အကြောင်း၊တစ်ပါးတည်းသောသားတော်ကို စွန့်တော်
မူ၏။”
ယေရှုသည်ဖန်ဆင်းခြင်း၌ ခမည်းတော်နှင့်အတူ
တက်ကြွစွာပါဝင်ပါ သလား။
ဟေဗြဲ ၁း၁၊၂။ “ရှေးလွန်လေပြီးသောအခါ
ပရောဖက်များအားဖြင့် ဘိုးဘေးတို့အား အထပ်ထပ်အနည်းနည်း ဗျာဒိတ်ပေးတော်မူသော ဘုရား
သခင်သည် ဤနောက်ဆုံးကာလအခါ မိမိသားတော်အားဖြင့် ငါတို့အား ဗျာဒိတ်ပေးတော်မူပြီ
ထိုသားကို အားလုံးတို့၏ အမွေခံသခင်အရာ၌ ခန့်ထား တော်မူ၏။ သားတော်အားဖြင့်လည်း
လောကဓာတ်တို့ကိုတည်တော်မူ၏။”
ဘုရားသခင့်သားတော်၏
ဖန်ဆင်းခြင်းလုပ်ငန်းအကြောင်း ဟေဗြဲ ကျမ်းပိုင်း၌ ကျွန်ုပ်တို့ဘာကိုဖတ်ရပါသနည်း။
ဟေဗြဲ ၁း၈-၁၀၊ “သားတော်ကိုကား၊ အိုဘုရားသခင်၊
ကိုယ်တော်၏ ပလ္လင်သည် နိစ္စထာ၀ရပလ္လင်ဖြစ်ပါ၏။ ကိုယ်တော်၏ နိုင်ငံသည်တရားသဖြင့်
စီရင်သောနိုင်ငံဖြစ်ပါ၏။ ကိုယ်တော်သည် ဖြောင့်မတ်ခြင်းတရားကို နှစ်သက် ၍၊
မတရားသောအမှုကို မုန်းတော်မူ၏။ ထို့ကြောင့်၊ အိုဘုရားသခင်၊ ကိုယ်တော်၏
ဘုရားသခင်သည် ကိုယ်တော်၏ အပေါင်းအဖော်တို့ထက် ကိုယ်တော်ကို ချီးမြှောက်၍၊
ဝမ်းမြောက်ခြင်းဆီနှင့် ဘိသိက်ပေးတော်မူပြီဟု လာသတည်း။ တဖန်ကျမ်းစာလာသည်ကား၊
အိုထာ၀ရဘုရား၊ ကိုယ်တော် သည် ရှေးဦးစွာ၌ မြေကြီးကို တည်တော်မူပြီ။
မိုကောင်းကင်သည်လည်း လက်တော်နှင့် ဖန်ဆင်းသော အရာဖြစ်ပါ၏။”
လင်းလက်နေသောကြယ်တို့ကို
ကျွန်ုပ်တို့မော့ကြည့်သောအခါ၊ ၎င်းတို့ ကို ဖန်ဆင်းရာ၌ ယေရှုသည် အဓိကလှုပ်ရှားသူ
ဖြစ်ကြောင်းကျွန်ုပ်တို့ သိရပါ သည်။ အရာခပ်သိမ်း
ယေရှုကိုယ်တိုင်ဖန်ဆင်းခြင်းဖြစ်ကြောင်းကို ကျွန်ုပ်တို့ ဖတ်ရပါသည်။
ကောလောသဲ ၁း၁၄-၁၇၊ “ထိုသားတော်၏အသွေးအားဖြင့်
အပြစ် လွှတ်တော်မူခြင်းတည်းဟူသော ရွေးနှုတ်တော်မူခြင်းကျေးဇူးကို ငါတို့သည် ခံရ
ကြ၏။ ထိုသားတော်သည် မျက်မြင်မရသောဘုရားသခင်၏ ပုံသဏ္ဍာန်တော် ဖြစ်၏။ ဝေနေယျသတ္တဝါ
အပေါင်းတို့တွင်လည်း သားဦးဖြစ်တော်မူ၏။ အကြောင်းမူကား၊ ထိုသားတော်သည်
ကောင်းကင်ပေါ်၊ မြေကြီးပေါ်မှာရှိသမျှ သော ရူပအရာ၊ အရူပ အရာ၊ ရာဇပလ္လင် ဖြစ်စေ၊
အစိုးရခြင်းတန်ခိုးဖြစ်စေ၊ အထွဋ်အမြတ်ဖြစ်စေ၊ အာဏာစက်ဖြစ်စေ၊ ခပ်သိမ်းသော
အရာတို့ကို ဖန် ဆင်းတော်မူ၏။ ထိုသခင်အားဖြင့်၎င်း၊ ထိုသခင်အဖို့ အလို့ငှာ၎င်း၊
ခပ်သိမ်း သောအရာတို့သည် ဖန်ဆင်းလျက် ဖြစ်ကြ၏။”
အရာခပ်သိမ်းဖန်ဆင်းခါစ အချိန်၌
စုံလင်ခြင်းရှိပါသလား။
ကမ္ဘာဦး ၁း၁၊၂၇၊၃၁၊ “အစအဦး၌ ဘုရားသခင်သည်
ကောင်းကင်နှင့်
မြေကြီးကို ဖန်ဆင်းတော်မူ၏။ . .
.ထိုသို့ဘုရားသခင်သည် မိမိပုံသဏ္ဍာန် နှင့်အညီ လူကိုဖန်ဆင်းတော်မူ၏။ ဘုရားသခင်၏
ပုံသဏ္ဍာန်တော်နှင့်အညီ လူယောက်ျား၊ လူမိန်းမကိုဖန်ဆင်းပြီးလျှင်၊ . . . .
ဘုရားသခင်သည် မိမိ ဖန်ဆင်းသမျှသော အရာတို့ကိုကြည့်ရှုလျှင်၊ အလွန်ကောင်းသည်ကို
မြင်တော် မူ၍၊ ညဦးနှင့် နံနက်သည်ဆဌမနေ့ရက်ဖြစ်လေ၏” (ဒေသနာ ၇း၂၉။ ကမ္ဘာဦး ၂း၈-၁၅။
ယေရှာယ ၄၅း၁၈)
အခန်းကြီး - ၁၀
၁၀။ မကောင်းမှုအစမူလ
THE
ORIGIN OF EVIL
မည်သည့်နည်းဖြင့်အပြစ်စတင်လာပါသနည်း။
၁ ယောဟန် ၃း၈၊ “မာရ်နတ်သည်ရှေးဦးစွာမှစ၍
ဒုစရိုက်ကိုပြုသော သူဖြစ်သောကြောင့်၊ အကြင်သူသည် ဒုစရိုက်ကို ပြု၏။ ထိုသူသည်
မာရ်နတ် နှင့်ဆိုင်၏။ မာရ်နတ်အမှုတို့ကို ပယ်ဖျက်ခြင်းငှာ၊ ဘုရားသခင်၏ သားတော်
သည်ထင်ရှားပေါ်ထွန်းတော်မူ၏။” (ယေဇကျေလ ၂၈း၁၂-၁၉)။
မာရ်နတ်သည် သစ္စာတရား၌ ရှိခဲ့ဖူးကြောင်း
အခြားကျမ်းချက်များက ဖော်ပြထားပါသည်။
ယောဟန် ၈း၄၄၊ “သင်တို့သည် သင်တို့၏ အဖတည်းဟူသော
မာရ်နတ်မှ ဆင်းသက်ကြ၏။ သင်တို့အဖ၏ အလိုသို့လည်း လိုက်ကြ၏။ မာရ် နတ်သည်ရှေးဦးစွာ
မှစ၍ လူအသက်ကိုသတ်သောသူဖြစ်၏။ သူ၌သစ္စာတရား မရှိသောကြောင့်၊ သစ္စာတရား၌မတည်မနေ။
သူသည် မုသာစကားကိုပြော သောအခါ မိမိပကတိအတိုင်း ပြော၏။ မုသာစကား၌ကျင်လည်သောသူ
ဖြစ်၏။ မုသားအဖလည်းဖြစ်၏။”
ကောင်းကင်ဘုံ၌စုံလင်သောနံနက်သားမိုးသောက်ကြယ်ဟု
အခေါ်ခံခဲ့ သော ကောင်းကင်တမန်စာတန်၌ မည်သို့ ဖြစ်ခဲ့ပါသနည်း။
ဗျာဒိတ် ၁၂း၉၊ “ဤလောကတနိုင်ငံလုံးကို
လှည့်ဖြား၍ မာရ်နတ် စာတန် အမည်ရှိသော ရှေးမြွေဟောင်းတည်းဟူသော နဂါးကြီးကို၎င်း၊
သူနှင့် အတူ၊ သူ၏တမန်တို့ကို၎င်း၊ မြေကြီးသို့ချလိုက်ကြ၏။”(ယုဒ ၆။ ၂ ပေတရု ၂း၄။
ယေရှာယ ၁၄း၁၂- ၁၇)
လှည့်ဖြားခြင်းအားဖြင့် ဤကမ္ဘာလောကသို့
မည်သူသည်အပြစ်နှင့် သေခြင်းကို ယူဆောင်လာပါသနည်း။
ကမ္ဘာဦး ၃း၁-၆၊ “မြွေသည်
ထာ၀ရဘုရားသခင်ဖန်ဆင်းတော်မူသော မြေတိရစ္ဆာန်တကာတို့ထက် လိမ္မာသည်ဖြစ်၍၊ မိန်းမအား၊
သင်တို့သည် ဥယျာဉ်၌ ရှိသမျှသော အပင်တို့၏ အသီးကိုမစားရဟု ဧကန်စင်စစ်ဘုရား
သခင်မိန့်တော်မူသလောဟု မေး၏။ မိန်းမကလည်း၊ ငါတို့သည် ဥယျာဉ်၌ ရှိသောအပင်တို့၏ အသီးကိုစားရသောအခွင့်ရှိ၏။
ဥယျာဉ်အလယ်၌ရှိသော အပင်၏အသီးကိုကား၊ သင်တို့သည် မကိုင်မစားဘဲနေကြလော့။ သို့မဟုတ်
သေမည်ဟု ဘုရားသခင် အမိန့်တော်ရှိသည်ဟု မြွေအားဆို၏။ မြွေကလည်း၊ သင်တို့သည်
ဧကန်အမှန် သေရမည်မဟုတ်။ အကြောင်းမူကား၊ ထိုအသီးကို စားသောနေ့၌ သင်တို့သည်
မျက်စိပွင့်လင်းလျက်၊ ကောင်းမကောင်းကိုသိ၍၊ ဘုရားသခင်ကဲ့သို့ ဖြစ်ကြလတံ့သည်ကို၊
ဘုရားသခင်သိတော်မူသည်ဟု မိန်းမ အား ဆို၏။ ထိုအပင်သည်စားဖွယ်ကောင်းခြင်း၊
အဆင်းလည်းလှခြင်း၊ ပညာ တိုးပွားစေလိုသောငှာ၊ နှစ်သက်ဖွယ်ကောင်းသော
အပင်ဖြစ်ခြင်းကို မိန်းမ သည်မြင်လျှင်၊ အသီးကိုယူ၍စား၏၊ မိမိခင်ပွန်းအားလည်းပေး၍
သူသည် လည်း စား၏။” (ကမ္ဘာဦး ၃း၇-၂၄။)
မှတ်ချက်။ နားမထောင်ခြင်းကြောင့်အာဒံနှင့်
ဧ၀တို့သည် အသက်ကို ဆုံးရှုံးခဲ့ပါသည်။ အပြစ်၏အခသည် သေခြင်းဖြစ်သောကြောင့်၊
ထိုအပြစ်သည် သေခြင်းကိုယူဆောင်လာပါသည် (ရောမ ၆း၂၃)။
ဤကမ္ဘာပေါ်ရှိလူမည်မျှအပေါ်၌
သေခြင်းရောက်ရှိလာပါသနည်း။
ရောမ ၅း၁၂၊ “အပြစ်တရားသည် တယောက်သောသူအားဖြင့်
ဤ လောကသို့ဝင်၍၊ အပြစ်တရားအားဖြင့် သေခြင်းတရား ဝင်သည်နှင့်အညီ၊ လူ အပေါင်းတို့သည်
အပြစ်ရှိသောကြောင့် သေခြင်းသို့ရောက်ရကြ၏။” (ရောမ ၈း၂၂။ ၁ ကောရိန်သု ၁၅း၂၂။ ၁
ယောဟန် ၂း၅-၈)။
အခန်းကြီး - ၁၁
၁၁။ ရွေးနုတ်ခြင်းစီမံကိန်း
THE
PLAN OF REDEMPTION
လူသည်မိမိကြိုးစားအားထုတ်ခြင်းဖြင့်
မိမိကိုယ်ကို ကယ်တင်နိုင်ပါ သလား။
ယေရမိ ၁၃း၂၃၊ “လူသည် မိမိအရေ၏ အဆင်းကို၎င်း၊
ကျားသစ် သည် မိမိအကွက်အကျားတို့ကို၎င်း၊ ပြောင်းလဲနိုင်ပါသလော။ ပြောင်းလဲနိုင်
လျှင်၊ ဒုစရိုက်ကိုပြုလေ့ရှိသော သူတို့သည်၊ သုစရိုက်ကိုပြုခြင်းငှာ တတ်နိုင်ကြ
လိမ့်မည်။”
မည်သည့်နေရာမှသာ
ကျွန်ုပ်တို့ကယ်တင်ခြင်းရရှိနိုင်ပါသနည်း။
တမန်တော် ၄း၁၂၊ “ထိုသခင်၏နာမတော်မှတပါး
ငါတို့ကိုကယ်တင် နိုင်သော နာမတစုံတခုမျှကောင်းကင်အောက်လူတို့တွင် မပေါ်မရှိ။”
မှတ်ချက်။ တမန်တော်ပေတရုသည် ကျွန်ုပ်တို့၏
ကယ်တင်ရှင် ဖြစ်တော်မူသော ယေရှုခရစ်တော်ကို ဆိုလိုခြင်း ဖြစ်ကြောင်း အခန်းငယ် ၁၀
တွင် ကျွန်ုပ်တို့ ဖတ်ရပါသည်။
အပြစ်ကြောင့်သေဆုံးဖို့ရန်
ပြစ်ဒဏ်စီရင်ခြင်းကို လူတို့ခံရသောအခါ ဘုရားသခင်သည်
မည်သည့်အမှုကိုပြုတော်မူပါသနည်း။
ယောဟန် ၃း၁၆၊ “ဘုရားသခင်သည် လောကီသားတို့ကို
အလွန် ချစ်တော်မူသောကြောင့်၊ မိမိ၏သားတော်ကို ယုံကြည်သော သူအပေါင်းတို့ သည်
ပျက်စီးခြင်းသို့ မရောက်ရဘဲ၊ ထာ၀ရအသက်ကိုရစေခြင်းငှာ၊ တပါး တည်းရှိသော
ထိုသားတော်ကို စွန့်တော်မူ၏”
အဘယ်ကြောင့်ယေရှုကိုကယ်တင်ရှင်ဟုကျွန်ုပ်တို့ခေါ်ဆိုပါသနည်း။
မဿဲ ၁း၂၁၊ “သူသည်သားယောက်ျားကို
ဖွားမြင်လိမ့်မည်။
ထိုသားသည် မိမိလူတို့ကို အပြစ်မှ
ကယ်ချွတ်မည့်သူ ဖြစ်သောကြောင့် ယေရှု ဟူသောအမည်ဖြင့် မှည့်ရမည်။”
မှတ်ချက်။ ယေရှု၏အဓိပ္ပါယ်မှာ “ကယ်တင်ရှင်”
ဖြစ်ပါသည်။ ၎င်း သည် ယေရှု၏နာမပင်ဖြစ်ပါသည်။
ဤလောကသို့ကြွလာရခြင်းအကြောင်းကို
သခင်ယေရှုကမည်သို့ ပြော ခဲ့ပါသနည်း။
လုကာ ၁၉း၁၀၊ “လူသားသည်ပျောက်သောသူတို့ကိုရှာ၍
ကယ်တင် အံ့သောငှာ ကြွလာသတည်း။”
မှတ်ချက်။ ပျောက်သောသူဟုဆိုရာ၌
လူအားလုံးအကျုံးဝင်ပါသည်။ သခင်ယေရှုသည် ပျောက်သောသူတို့ကို ရှာဖို့သာမကပါ။
ဤကမ္ဘာလောကသို့ အပြစ်ကိုယူဆောင်လာသောစာတန်မာရ်နတ်ကိုပါ ဖျက်ဆီးဖို့ဖြစ်ပါသည်။
ဟေဗြဲ ၂း၁၄၊၁၅၊ “ထိုသူငယ်တို့သည်
အသွေးအသားနှင့် ဆက်ဆံ ကြသောကြောင့်၊ ခရစ်တော်သည် အသေခံတော်မူသောအားဖြင့်၊ သေခြင်း
တရားကိုအစိုးရသောသူတည်းဟူသော မာရ်နတ်၏ တန်ခိုးကိုချိုးဖဲ့ဖျက်ဆီး ခြင်းငှာ၎င်း၊
သေဘေးကိုကြောက်၍ တသက်လုံးကျွန်ခံရသော သူတို့ကို ကယ်လွှတ်ခြင်းငှာ၎င်း၊
ထိုသူငယ်တို့၏ နည်းတူ အသွေးအသားကို ဆောင်ယူ တော်မူ၏။”
လူတို့သေဆုံးခြင်းကိုဘုရားသခင်အလိုတော်ရှိပါသလား။
ယေဇကျေလ ၁၈း၃၂၊ “သေသောသူ၏ သေခြင်းအမှု၌ ငါသည်
ပျော် မွေ့ခြင်းမရှိ။ ထို့ကြောင့်ပြောင်းလဲ၍ အသက်ရှင်ကြလော့ဟု အရှင်ထာ၀ရ ဘုရား
မိန့်တော်မူ၏”
မေတ္တာတော်နှင့်ခေါ်ဖိတ်တော်မူခြင်းကိုမည်သူတို့
လွတ်လပ်စွာတုံ့ပြန်
နိုင်ပါသနည်း။
ဗျာဒိတ် ၂၂း၁၇၊ “ဝိညာဉ်တော်နှင့် မင်္ဂလာဆောင်
သတို့သမီးက၊ လာခဲ့ပါဟုဆိုကြ၏။ ကြားသောသူကလည်း လာခဲ့ပါဟုဆိုစေ။ ရေငတ်သော သူသည်
လာပါစေ။ အလိုရှိသောသူသည် အဖိုးကိုမပေးပဲ အသက်ရေကိုယူပါ စေ။”
ဘုရားသခင်သည်ကျွန်ုပ်တို့လို အပြစ်သားများကို
အမှန်တကယ် ချစ် ပါသလား။
ရောမ ၅း၈၊ ၉၊ “ငါတို့သည် အပြစ်ရှိစဉ်ပင်
ခရစ်တော်သည် ငါတို့ အတွက်ကြောင့် အသေခံတော်မူသည်ဖြစ်၍၊ ဘုရားသခင်သည် ငါတို့ကို
အဘယ်မျှလောက် ချစ်တော်မူသည်ကို ငါတို့အား ထင်ရှားစွာပြတော်မူ၏။ သို့ဖြစ်၍ ယခုတွင်
အသွေးတော်အားဖြင့် ဖြောင့်မတ်ရာသို့ရောက်ပြီးမှ၊ ထိုသခင်အားဖြင့် အပြစ်ငရဲမှ
ကယ်ချွတ်တော်မူခြင်းသို့ရောက်မည်ဟုသာ၍ မြော်လင့်စရာရှိ၏။” ယေရှာယ အခန်းကြီး ၅၃
ကိုအစမှအဆုံးထိဖတ်ပါ။ ဘုရားသခင်၏သိုးသငယ်ဖြစ်သော ယေရှုခရစ်တော်သည် ကရာနီ လက်ဝါး
ကပ်တိုင်ပေါ်၌ ကျွန်ုပ်တို့၏အပြစ်များ ယူဆောင်သွားခြင်းအကြောင်းကို
ကြိုတင်ဟောထားပါသည်။
ဘုရားသခင်၏ ရွေးနုတ်ခြင်းစီမံကိန်းတွင်
လူတို့နေထိုင်ရာဖြစ်သော ကမ္ဘာမြေကြီးကို မူလအခြေအနေအတိုင်းပြန်ဖြစ်စေဖို့
ပါဝင်ပါသလား။
မိက္ခာ ၄း၈၊ “အိုသိုးစု၏ရဲတိုက်၊
ဇိအုန်သမီး၏ခံတပ်၊ သင်၌အရင် တည်သော အစိုးရအာဏာ တည်လိမ့်မည်။ ယေရုရှလင်
သမီးလက်သို့နိုင်ငံ တော်တဖန် ရောက်လိမ့်မည်။”
မှတ်ချက်။
မြေကြီးနှင့်မြေကြီး၌ရှိသောအရာခပ်သိမ်းအုပ်စိုးခြင်း အခွင့် ဘုရားသခင်သည်
မိမိဖန်ဆင်းထားသော လူ၏လက်သို့ ပေးအပ် တော်မူခဲ့ပါ သည် (ကမ္ဘာဦး ၁း၂၆-၂၈)။
၎င်းအုပ်စိုးခြင်းအခွင့်ကိုလူသည် ခရစ်တော်အား ဖြင့် ပြန်လည်ရရှိပါလိမ့်မည်။
ဖြောင့်မတ်သောသူများနှင့် ဆိုးသောသူတို့သည်
မည်သည့်အရပ်၌ မိမိတို့ အကျင့်အတိုင်းပေးဆပ်ခြင်းခံရမည်နည်း။
သုတ္တံ ၁၁း၃၁၊ “ဖြောင့်မတ်သောသူတို့သည်
မြေကြီးပေါ်၌ပေးဆပ် ခြင်း ခံရလျှင်၊ ဆိုးသောသူနှင့် အပြစ်သားတို့သည်
သာ၍ခံရကြလတံ့။”
နူးညံ့သိမ်မွေ့ သောသူများနှင့်စပ်လျဉ်း၍
သခင်ယေရှုသည် မည်သို့ ပြောဆိုပါသနည်း။
မဿဲ ၅း၅၊ “စိတ်နူးညံ့သိမ်မွေ့သော သူတို့သည်
မင်္ဂလာရှိကြ၏။ အကြောင်းမူကား၊ ထိုသူတို့သည် ပြည်တော် (မြေကြီး)
ကိုအမွေခံရကြလတံ့။”
မှတ်ချက်။ အပြစ်ဒုစရိုက်ခပ်သိမ်းမှ ဆေးကြော၍
ပြန်လည် တည် ထောင်သောအခါ မြေကြီးသစ်သည် အလွန်လှပတင့်တယ်မည်ဖြစ်ကြောင်း၊ ယေရှာယ ၃၅-
အထူးသဖြင့် အခန်းငယ် ၅၊ ၆။ ယေရှာယ ၄၅း၁၈ နှင့် ဗျာဒိတ်ကျမ်းနောက်ဆုံး အခန်းကြီး ၂
ခုတို့မှ ကျွန်ုပ်တို့ဖတ်ရှုနိုင်ပါသည်။
ဤကမ္ဘာလောကကြီး၏ ဆိုးသွမ်းခြင်းအဖြစ်ကို
မည်သို့ ဆေးကြော ပစ်ပါမည်နည်း။
၂ ပေတရု ၃း၁၀၊ “သူခိုးသည် ညအခါလာသကဲ့သို့၊
ထာ၀ရဘုရား၏ နေ့ရက်သည်လာလိမ့်မည်။ ထိုနေ့၌ မိုးကောင်းကင်သည် ကြီးစွာသောအသံနှင့် တကွ
ပျောက်သွားလိမ့်မည်။ လောကဓာတ်တို့သည် ပူအားကြီး၍ ပျက်ကြ လိမ့်မည်။
မြေကြီးကိုယ်မှစ၍ မြေကြီးပေါ်မှာ ပြုလုပ်သမျှသောအရာတို့သည် ကျွမ်းလောင်ကြလိမ့်မည်။”
မီးဖြင့်မြေကြီးဆေးကြောပြီးပြီးနောက်
ကျွန်ုပ်တို့သည် ဘာကိုမျှော်လင့် ရပါမည်နည်း။
၂ ပေတရု ၃း၁၃၊ “ယခုရှိသမျှသောအရာတို့သည်
ပျက်ရသော်လည်း၊
ဖြောင့်မတ်ခြင်းတရားတည်နေရာ
မိုးကောင်းကင်သစ်နှင့် မြေကြီးသစ်ကိုငါတို့ သည် ကတိတော်နှင့်အညီ မြော်လင့်ကြ၏။”
(ဗျာဒိတ် ၂၁း၁၊ ၂။ ယေရှာယ ၆၅း၁၇-၂၅)၊
ကယ်တင်ခြင်းကို ကိုယ်တိုင်ကိုယ်ကျ
မည်သို့ရရှိနိုင်မည်နည်း။
ပထမအဆင့်၊ ယုံကြည်ပါ။ တမန်တော် ၁၆း၃၁၊
“သခင်ယေရှု ခရစ် တော်ကို ယုံကြည်လော့။ ယုံကြည်လျှင် သင်. . . သည် ကယ်တင်ခြင်းသို့
ရောက်လိမ့်မည်။”
မှတ်ချက်၊ ဤတွင်တမန်တော်သည်၊
“ကယ်တင်ခြင်းရသည်ဟုခံစား လိမ့်မည်ဟု မပြောပါ။ “ကယ်တင်ခြင်း ရလိမ့်မည်”
ဟုပြောပါသည်။ အပြစ်ရှိ သည်ဟုစွပ်စွဲခြင်းနှင့် အပြစ်၏အခသေခြင်းမှ
ကျွန်ုပ်တို့ကယ်တင်ခြင်းခံရမည် ဖြစ်ပါသည်။
ကျွန်ုပ်တို့သည် တအားကြိုးစားပြီး
ပညတ်တော်တို့ကို စောင့်ရှောက် လျက်နှင့်ကယ်တင်ခြင်းမရဘဲနေနိုင်ပါသလား။
ရောမ ၃း၂၀၊ “ပညတ်တော်တရား၏အကျင့်အားဖြင့်
ဘုရားသခင့်
ရှေ့တော်၌ အဘယ်သူမျှဖြောင့်မတ်ရာသို့ မရောက်ရာ”
မှတ်ချက်။ “ဖြောင့်မတ်ရာသို့ရောက်သည်”
ဟူသောစကား၏ အဓိ ပ္ပါယ်မှာ ဘုရားသခင်၏ရှေ့တော်၌ ဖြောင့်မတ်သည်ဟု
မှတ်ယူခြင်းခံရခြင်း ပင်ဖြစ်ပါသည်။
ကျွန်ုပ်တို့၏ ကိုယ်ပိုင်ခွန်အားနှင့်
ပညတ်တော်ကိုနားထောင်လိုက် လျှောက်ခြင်းအားဖြင့် ကျွန်ုပ်တို့သည် ကယ်တင်ခြင်း
မရရှိနိုင်ပါလျှင်၊ ကျွန်ုပ် တို့အတွက် မျှော်လင့်ချက်ရှိပါသလား။
ရောမ ၈း၃၊ “ဇာတိပကတိကြောင့်ပညတ်တရားသည်
အားနည်း၍ မတတ်နိုင်သောအမှုကို ဘုရားသခင်ပြုတော်မူခြင်းငှာ၊ အပြစ်နှင့်ပြည့်စုံသော
ဇာတိပကတိ၏ သဏ္ဍာန်ကိုဆောင်သော မိမိသားတော်ကိုစေလွှတ်တော်မူ၍၊ အပြစ်ဖြေဖို့ရာ
ဇာတိပကတိ၌ အပြစ်ကိုဒဏ်ပေးတော်မူ၏။”
ဖြောင့်မတ်သောသူသည် ယုံကြည်ခြင်းအားဖြင့်
အသက်ရှင်လိမ့်မည် (ယုံကြည်ခြင်းနှင့်အညီ နေထိုင်မည်) ဟု ရောမ ၁း၁၇ တွင်ရေးသားထားပါ
သည်၊ ဖြောင့်မတ်သောသူသည် ဖြောင့်မတ်သောအခြေအနေ၌ရှိရန်အတွက်၊ ဝိညာဉ်ရေး၌
သေနေသောသူမဖြစ်ရဘဲ၊ ဘုရားသခင်၏ရှေ့တော်၌ အသက် ရှင်နေထိုင်ရသော ယုံကြည်ခြင်းမျိုးရှိရပါမည်။
ကယ်တင်ခြင်းရရှိရန် ကျွန်ုပ်တို့၏
ယုံကြည်ခြင်းသည် မည်သူ့အပေါ်၌
မူတည်ရမည်နည်း။
တမန်တော် ၁၆း၃၁၊ သခင်ယေရှုခရစ်တော်ကို
ယုံကြည်ရန် ထောင်မှူး အား တမန်တော်ညွှန်ကြားခဲ့ပါသည်။ လက်ဝါးကပ်တိုင်ပေါ်မှာ
ကျွန်ုပ်တို့ ကိုယ်စား အသေသတ်ခံတော်မူသော သခင်ယေရှုကို ကျွန်ုပ်တို့၏ ကယ်တင်
ရှင်အဖြစ်ကျွန်ုပ်တို့ ယုံကြည်လက်ခံရပါမည်။ ကျွန်ုပ်တို့၏ အပြစ်ကြောင့် ကိုယ်တော်အသေခံတော်မူခြင်း
ဖြစ်ပါသည် (၁ ကောရိန်သု ၁၅း၃)။ ပညတ် တရားကို ကျူးလွန်ခြင်းသည်
ဒုစရိုက်အပြစ်ဖြစ်သောကြောင့်၊ ကျွန်ုပ်တို့၏ နေရာကို ယူလိုက်ခြင်းဖြစ်ပါသည် (၁
ယောဟန် ၃း၄)။ ထို့အတွက်ကြောင့် ဘုရားသခင်သည် အခမဲ့ဆုကျေးဇူးအဖြစ် ကယ်တင်ခြင်းကို
ကျွန်ုပ်တို့အား ပေးကမ်းခဲ့သည်ဖြစ်သောကြောင့်၊ ကိုယ်တော်၏
ရှေ့တော်၌ကျွန်ုပ်တို့သည် ဖြောင့်မတ်သောသူဟု မှတ်ယူခြင်းခံရပါသည်။ ကျွန်ုပ်တို့၏
နေရာကို ယူလိုက် သောသခင်ယေရှုကို ကျွန်ုပ်တို့၏ ကယ်တင်ရှင်အဖြစ် ကျွန်ုပ်တို့
ယုံကြည် လက်ခံလိုက်သောအခါ၊ ကိုယ်တော်၏ ဖြောင့်မတ်တော်မူခြင်းကို ကျွန်ုပ်တို့၏
ဖြောင့်မတ်ခြင်းအဖြစ် ဘုရားသခင်သတ်မှတ်ပေးခဲ့ပါသည်။ ထိုအခါကျွန်ုပ်တို့ ၏
အပြစ်များကို သခင်ယေရှု၏အပြစ်အဖြစ်ပြောင်းလွဲသွားခဲ့ပါသည်။
လွန်ခဲ့သောနှစ်ပေါင်းထောင်ချီကာလ၌ အာဗြဟံသည်
ဖြောင့်မတ်ခြင်း ကို မည်သည့်နည်းဖြင့် ရရှိပါသနည်း။
ရောမ ၄း၃၊ “အာဗြဟံသည် ဘုရားသခင်ကို
ယုံကြည်သည်ဖြစ်၍၊ သူ၏ ယုံကြည်ခြင်းကို ဖြောင့်မတ်ခြင်းကဲ့သို့ မှတ်တော်မူ၏။”
မှတ်ချက်။ ကျွန်ုပ်တို့သည်လည်း
မိမိတို့၏ကယ်တင်ရှင်အဖြစ် သခင် ယေရှု ခရစ်တော်ကို ယုံကြည်လက်ခံကြသောအခါ၊
ကိုယ်တော်၏ ဖြောင့်မတ် ခြင်းကို ကျွန်ုပ်တို့၏ ဖြောင့်မတ်ခြင်းအဖြစ်
သတ်မှတ်ပေးခဲ့ပါသည်။ “တယောက်သောသူ (သခင်ယေရှု)၏ ဖြောင့်မတ်ခြင်းအားဖြင့်၊
လူအပေါင်းတို့ သည် အသက်နှင့်ယှဉ်သော ဖြောင့်မတ်ရာသို့ ရောက်ခြင်းအခွင့်ကိုရကြ၏
(ရောမ ၅း၁၈)” ဟု ရှင်ပေါလုပြောကြားခဲ့ပါသည်။ ၎င်းသည် “အခမဲ့ဆု ကျေးဇူးဖြစ်၍၊
တစ်ယောက်သောသူတည်းဟူသော ယေရှုခရစ်တော်အားဖြင့် ရရှိသော ကျေးဇူးတော်၏
အကျိုးဖြစ်ပါသည် (၅း၁၅)။” ၎င်းသည် အပြစ်သား များဖြစ်ကြသော ကျွန်ုပ်တို့နှင့်လုံး၀မထိုက်တန်သော
ဆုကျေးဇူး ဖြစ်ပါသည်။ ၎င်းသည် ထိုက်တန်ခြင်းမရှိသော ဘုရားသခင်၏ မေတ္တာတော်နှင့်
ကျေးဇူး တော်ဖြစ်ပါသည်။ သို့ဖြစ်သောကြောင့် တမန်တော်သည်၊ “ယုံကြည်သော အားဖြင့်
ကျေးဇူးတော်ကြောင့် ကယ်တင်ခြင်းသို့ ရောက်ရ၏။ ကိုယ်အလို အလျောက် ရောက်သည်မဟုတ်။
ဘုရားသခင်သနား တော်မူရာဖြစ်သတည်း (ဧဖက် ၂း၈)”
ပြစ်ဒဏ်စီရင်ခြင်းမခံရသောသူ၊ မည်သူဖြစ်သည်ဟု
သခင်ယေရှု မိန့်တော်မူခဲ့ပါသနည်း။
ယောဟန် ၃း၁၈၊ “သားတော် (ယေရှု)
ကိုယုံကြည်သောသူသည် အပြစ်စီရင်ခြင်းကိုမခံရ။ မယုံကြည်သောသူမူကား၊ ဘုရားသခင်၏ တပါး
တည်းသော သားတော် ကိုမယုံကြည်သောကြောင့်၊ ယခုပင်အပြစ်စီရင်ခြင်းကို ခံရ၏။”
မှတ်ချက်။ ဤယုံကြည်ခြင်းသည် သခင်ယေရှုအားအသေ
သတ်ခြင်းခံ သော ရွေးနုတ်ရှင်အဖြစ် ယုံကြည်လက်ခံခြင်း ဖြစ်ပါသည်။ ယောဟန် ၃း၁၄၊၁၅ ၌
ဤသို့ဖတ်ရပါသည်။ “မောရှေသည် တော၌ မြွေကိုမြှောက်ထား သကဲ့သို့ လူ၏ သားသည်
မြှောက်ထားခြင်းကိုခံရမည်။ အကြောင်းမူကား၊ ထိုသားတော်ကို ယုံကြည်သော
သူအပေါင်းတို့သည် ပျက်စီးခြင်းသို့မရောက်၊ ထာ၀ရအသက်ကိုရမည် အကြောင်းတည်း။”
ကယ်တင်ရှင်နှင့်ရွေးနုတ်ရှင်အဖြစ် သခင်ယေရှုကို
ကျွန်ုပ်တို့ယုံကြည် လျက်၊ ကမ်းလှမ်းသော ကယ်တင်ခြင်းကို ကျွန်ုပ်တို့လက်ခံသောအခါ၊
ဘုရား သခင်သည် ကျွန်ုပ်တို့အတွက်ဘာလုပ်ပေးပါသနည်း။
ဆာလံ ၅၁း၁၀၊ “အိုဘုရားသခင်၊ အကျွန်ုပ်အထဲ၌
စင်ကြယ်သam နှလုံးကို ဖန်ဆင်းတော်မူပါ။ မြဲမြံတည်ကြည်သော
သဘောကို အသစ်ပြုပြင် တော်မူပါ။” ဘုရားသခင်သည် ဝိညာဉ်ရေးဘက်၌
ကျွန်ုပ်တို့ကိုအသစ်ပြုပြင် ဖန်ဆင်းတော်မူပါသည်။ ၎င်းကိုအသစ်မွေးဖွားခြင်းဟု
ခေါ်ဆိုပါသည်။ “ရေ နှင့်ဝိညာဉ်တော်ဖြင့် မမွေးသောသူမည်ကား၊ ဘုရားသခင်၏နိုင်ငံတော်သို့
မဝင်ရ (ယောဟန် ၃း၅)” ဟု သခင်ယေရှုမိန့်တော်မူပါသည်။
ဒုတိယအဆင့်၊ အပြစ်နောင်တရပါ။
လုကား ၁၃း၃၊ “သင်တို့ရှိသမျှသည်လည်း
နောင်တမရလျှင် ပျက်စီး ခြင်းသို့ ရောက်ကြလိမ့်မည်။”
ကမ္ဘာလောကတစ်ခုလုံးသို့မည်သည့်တရားဟောရမည်ဟု
သခင်ယေရှု
အမိန့်ရှိပါသနည်း။
လုကား ၂၄း၄၇၊ “ခရစ်တော်၏နာမ(အခွင့်)အားဖြင့်
နောင်တတရား နှင့် အပြစ်လွှတ်ခြင်းတရားကို ယေရုရှလင်မြို့မှစ၍ လူမျိုးတကာတို့အား
ဟောပြောရမည်”
စစ်မှန်သောနောင်တရခြင်း၏ အထောက်အထားတစ်ခုသည်
အဘယ် နည်း။
တမန်တော် ၂၆း၂၀၊ “လူတို့သည်နောင်တရရမည်။
နောင်တရခြင်းနှင့် ထိုက်တန်သောအကျင့်ကိုကျင့်ရမည်။ ဘုရားသခင့်အထံတော်သို့
ပြောင်းလဲရ မည်။”
မှတ်ချက်။ လူတစ်ဦးတစ်ယောက်
အမှန်တကယ်နောင်တရလျှင်၊ သူ့ အသက်တာ၌ထင်ရှားရလိမ့်မည်၊ သူ့အသက်တာ၌
ပြောင်းလဲခြင်းရှိလိမ့်မည်။ သူသည်မရိုးသားခဲ့သော်၊ ရိုးသားလာလိမ့်မည်။
ညှစ်ညူးခဲ့သော်၊ ဖြူစင်လာ လိမ့်မည်။ အသက်တာ၌ အမှားမှားအယွင်းယွင်းဖြစ်ခဲ့သော်
အရာအားလုံးကို သူ့အထဲ၌ လှုပ်ရှားလာသောခရစ်တော်၏ တန်ခိုးတော်နှင့် ဘုရားသခင်၏
မစတော်မူခြင်းအားဖြင့် အမှန်အကန်ဖြစ်အောင် ကြိုးစားလာပါလိမ့်မည်။
ခိုးယူခဲ့သောအရာတို့ကို ပြန်လည်ပေးအပ်လာပါမည်။ ပြုမိခဲ့သောအပြစ်တို့ကို
ဝန်ချတောင်းပန်လျက်၊ ဖုံးကွယ်ရန်မကြိုးစားတော့ဘဲ၊ စွန့်ပစ်လာပါမည်။
တတိယအဆင့်၊ ယေရှုခရစ်တော်ကို ဝန်ခံပါ။
နှုတ်နှင့်ပါးစပ်ဖျား၌ သာမကဘဲ၊ စစ်မှန်သောခရစ်ယာန်အသက်တာဖြင့် မိမိကယ်တင်ရှင်အဖြစ်
ခရစ်တော်ကို ဝန်ခံရပါမည်။
လုကား ၁၂း၈၊ “အကြင်သူသည် လူတို့ရှေ့မှာ
ငါ့ကိုဝန်ခံအံ့။ ဘုရား သခင်၏ ကောင်းကင်တမန်တို့ရှေ့မှာ လူသားသည် ထိုသူကို
ဝန်ခံမည်။”
စတုတ္ထအဆင့်၊ ဗတ္တိဇံ (ရေနှစ်ခြင်း) ခံပါ။
မာကု ၁၆း၁၆၊ “ယုံကြည်၍ ဗတ္တိဇံ (ရေနှစ်ခြင်း)
ကိုခံသောသူသည် ကယ်တင်တော်မူခြင်းသို့ရောက်လတံ့။ မယုံကြည်သောသူမူကား၊ အပြစ်စီရင်
ခြင်းကို ခံရလတံ့။”
ပင်တေကုတ္တေပွဲနေ့တွင် တရားဟောရာ၌
ဗတ္တိဇံအကြောင်းတမန် တော် ပေတရုမည်သို့ ဟောကြားခဲ့ပါသနည်း။
တမန်တော် ၂း၃၈၊ “သင်တို့၏
အပြစ်ကိုလွှတ်စေခြင်းငှာ နောင်တရ၍ တယောက်မျှမကြွင်း၊ ယေရှုခရစ်တော်၏ နာမ၌
ဗတ္တဇံကို ခံကြလော့။ သို့ပြု လျှင် သန့်ရှင်းသော ဝိညာဉ်တော်တည်းဟူသော
ဆုကျေးဇူးတော်ကို ခံရကြ လိမ့်မည်။
မှတ်ချက်။ ခရစ်တော်ကို မိမိတို့၏
ကယ်တင်ရှင်အဖြစ် ယုံကြည်ခြင်း ဖြင့် ကျွန်ုပ်တို့လက်ခံသောကြောင့်
အပြစ်စီရင်ခြင်းမှ ကျွန်ုပ်တို့လွတ်မြောက်ခဲ့ ပါသည်။ ဘုရားသခင်၏ကျေးဇူးတော်ကြောင့်
ကျွန်ုပ်တို့သည် ဖြောင့်မတ်ရာသို့ ရောက်ခဲ့ပါသည်။ ကျွန်ုပ်တို hအထဲ၌ ကိန်းအောင်းသော သန့်ရှင်းသော ဝိညာဉ် တော်၏
တန်ခိုးတော်ကြောင့်လည်းကောင်း၊ အာရုံပြု၍ ဆုတောင်းခြင်းနှင့် တကွ နှုတ်ကပတ်တော်ကို
ဖတ်ရှုလေ့လာခြင်းအားဖြင့်လည်းကောင်း၊ နှုတ်က ပတ်တော်အတိုင်း အသက်ရှင်ခြင်းအားဖြင့်
လည်းကောင်း၊ ကျွန်ုပ်တို့သည် ကျေးဇူးတော်၌ ကြီးထွားလာရပါမည်။ ထိုသို့ကျေးဇူးတော်၌
ကြီးထွားခြင်းကို သန့်ရှင်းသည့်ဘ၀ (Sanctification) ခေါ်ဆိုပါသည်။
၎င်းသန့်ရှင်းသည့်ဘ၀ သည် အသက်ရှင်သည့် ကာလပတ်လုံး ဆက်လက်ကြီးထွားခြင်း ရှိရပါမည်။
ကျွန်ုပ်တို h၏ ကယ်တင်ရှင် ဒုတိယအကြိမ်ကြွလာသောအခါ၊ (Glorification) ခေါ် ဘုန်းတော်နှင့်ပြည့်၀သော ဘ၀သည်၊ နောက်ဆုံး
တံပိုးမှုတ်သော အချိန် ၌မျက်စိတမှိတ်၊ လျှပ်တပြက်အတွင်း
ကျွန်ုပ်တို့ရရှိမည်ဖြစ်ပါသည် (၁ကောရိန် သု ၁၅း၅၁-၅၇)။
၁၂။ သမ္မာကျမ်းစာ၏အနာဂတ်စကား
BIBLE
PROPHECY
မယုံကြည်ခြင်းအတွက် ဘုရားသခင်သည် မည်သည့်
စိန်ခေါ်ချက်
ပြုခဲ့ပါသနည်း။
ရောမ ၁၅း၄၊ “ငါတို့သည် ကျမ်းစာ၌ပါသော
သည်းခံခြင်း၊ သက်သာ ခြင်း အကြောင်းများကို အမှီပြု၍ မြော်လင့်ရသော
အခွင့်ရှိစေခြင်းငှာ၊ ကျမ်း စာ၌ အထက်ကရေးထားသမျှသည် ငါတို့ကို
ဆုံးမဩဝါဒပေးရန်ရေးထား သတည်း။”
ဘုရားသခင်သည် မိမိလျှို့ဝှက်ထားသောအရာများကို
မည်သူတို့အား
ဖော်ပြပါသနည်း။
အာမုတ် ၃း၇၊ “အကယ်စင်စစ် အရှင်ထာ၀ရဘုရားသည်
မိမိအစေခံ ပရောဖက်တို့အား (မိမိလျှို့ဝှက်ထားသောအရာများကို) မဖော်မပြဘဲ အဘယ်
အမှုကိုမျှ စီရင်တော်မမူ။”
အနာဂတ်စကားများ ရှေးအခါ၌
မည်သို့ရောက်ရှိလာပါသနည်း။
၂ ပေတရု ၁း၂၁၊ “အနာဂတ္တိစကားသည်
လူအလိုအားဖြင့်ဖြစ်ဖူး သည်မဟုတ်။ ဘုရားသခင်၏သန့်ရှင်းသူတို့သည် သန့်ရှင်းသော
ဝိညာဉ်တော် ၏ တိုက်တွန်းတော်မူခြင်းကို ခံရ၍ ဟောပြောကြ၏။”
မှတ်ချက်၊ ဘုရားသခင်သည် မိမိအကြံအစည်အားလုံးကို
ဖော်ပြတော် မမူပါ။ ဖော်ပြတော်မူသောအရာတို့သည် ကျွန်ုပ်တို့အတွက်ဖြစ်ပါသည်။ တရား
ဟောရာ ၂၉း၂၉၊ “မထင်မရှားသောအရာတို့သည် ငါတို့ဘုရားသခင်ထာ၀ရ ဘုရား၏
အငန်းအတာဖြစ်ကြ၏။” ကျွန်ုပ်တို့အတွက် ကယ်တင်ခြင်းသည် အနာဂတ်စကား၏ အဓိကအကြောင်းတရားဖြစ်ပါသည်
(၁ ပေတရု ၁း၉-၁၁)။
သခင်ယေရှုသည် ဒံယေလကို ပရောဖက်အဖြစ်
အသိအမှတ်ပြုပါ သလား။
မဿဲ ၂၄း၁၅၊ “ထို့ကြောင့် ပရောဖက်
ဒံယေလဟောသည်အတိုင်း ဖျက်ဆီးတတ်သော ရွံရှာဖွယ်အရာသည် သန့်ရှင်းသောအရပ်ဌာန၌ စိုက်နေ
သည်ကို သင်တို့မြင်ရလျှင်၊ ကျမ်းစာကိုဖတ်သောသူသည် နားလည်ပါစေ။”
မှတ်ချက်။ သမ္မာကျမ်းစာ၌
နောက်ဆုံးကျမ်းပိုင်းဖြစ်သော ဗျာဒိတ် ကျမ်းသည်လည်း အနာဂတ်စကားဖြစ်ပါသည်။ ၎င်းသည်
ယေရှုခရစ်တော်၏ ဗျာဒိတ်တော် ဖြစ်ပါသည် (ဗျာဒိတ် ၁း၁)။
အနာဂတ်စကားတွင် ဘုရားသခင်သည် သမိုင်းကို
တင်ကူးဖော်ပြထား ပါသည်။
ယေရှာယ ၄၆း၉၊၁၀၊ “ရှေးကာလ၌
ဖြစ်ဖူးသောအရာတို့ကို အောက် မေ့ကြလော့။ ငါသည် ဘုရားသခင်ဖြစ်၏။ ငါမှတပါး
အခြားသောဘုရားမရှိ။ ငါသည် ဘုရားသခင်ဖြစ်၏။ ငါနှင့်တူသောသူတပါးမျှမရှိ။ အစမှအဆုံး
တိုင်အောင်၎င်း၊ ရှေးကာလမှစ၍ မဖြစ်သေးသောအရာများကို၎င်း ဖော်ပြ လျက်၊
ငါ့အကြံတည်လိမ့်မည်။ ငါအလိုရှိသမျှ ငါပြည့်စုံစေမည်။”
ယေရှာယ ၄၂း၉၊ “ကြည့်ရှုလော့၊
အရင်ဟောသောအရာတို့သည် ဖြစ် ကြပြီ။ အသစ်သောအရာတို့ကို ယခုငါဟော၏။ မပေါ်လာမီ
သင်တို့အားငါပြ နှင့်၏။”
ဘုရားသခင်သည် မယုံကြည်ခြင်းကို
စိန်ခေါ်နေပါသည်။ သမိုင်းတွင် ပြည့်စုံခဲ့သောအနာဂတ်စကားများကို ကျွန်ုပ်တို့လည်း
ဖော်ပြနိုင်ပါသည်။
ယေရှာယ ၄၁း၂၂၊၂၃၊ “ထုတ်ဖော်၍ အနာဂတ်အရာတို့ကို
ငါတို့အား ပြကြစေ။ အရင်ဖြစ်ဖူးသောအရာတို့သည်အဘယ်သို့ဖြစ်သည်ကို ငါတို့ဆင်ခြင် ၍၊
ထိုအရာတို့၏အဆုံးကို သိရမည်အကြောင်း ဖော်ပြကြစေ။ သို့မဟုတ် ဖြစ် လတံ့သော
အရာတို့ကို ငါတို့အား ဟောပြောကြစေ။ သင်တို့သည် ဘုရားများ ဖြစ်သည်ကို ငါတို့
သိရမည်အကြောင်းဖြစ်လတံ့သော အရာတို့ကို ပြကြလော့။ အချင်းချင်းကြည့်ရှု
တွေ့မြင်မည်အကြောင်း၊ ကောင်းသောအမှု၊ ဆိုးသော အမှုတစုံတခုကို ပြုကြလော့။”
ခရစ်တော်ကိုယ်တော်တိုင်
ပရောဖက်တစ်ပါးဖြစ်ပါသည်။
ယောဟန် ၁၃း၁၉၊ “ထိုအမှုအရာရောက်သောအခါ ငါသည်
ဤမည် သော သူဖြစ်သည်ကို သင်တို့သည် ယုံကြည်စေခြင်းငှာ၊ မရောက်မီယခုပင်
သင်တို့အားငါပြောနှင့်ပြီ။” (လုကာ ၂၄း၁၉။ ယောဟန် ၄း၁၉။ ၆း၁၄)။
ရှင်းရှင်းလင်းလင်းပြည့်စုံခဲ့သော
မြို့ကြီးများ၊ နိုင်ငံများနှင့် လူမျိုးများ ဆိုင်ရာအနာဂတ်စကားများမှာ၊
၁။
ရှေးခေတ်အကြီးမားဆုံးသောမြို့ကြီးများတွင်တစ်ခုအပါအဝင် ဖြစ်သော
ဘေဘီလုံမြို့ကြီးသည် နောက်ဆုံးတွင် ဖျက်ဆီးခြင်းခံရပြီး၊ လုံး၀
ပျက်သုန်းသွားခဲ့ပါသည်။ ယနေ့တွင် အပျက်အစီးလွင်တီးခေါင်အဖြစ်သာ တွေ့ရပါသည်။
ယေရှာယ ၁၃း၁၉-၂၂၊ “ခါလဒဲအမျိုးသာတို့၏
ဘုန်းအသရေဖြစ် သော ဘေဘီလုံမြို့သည် ဘုရားသခင် ဖျက်ဆီးတော်မူသော သောဒုံမြို့နှင့်
ဂေါမောရမြို့ ကဲ့သို့ဖြစ်လိမ့်မည်။ ထိုမြို့၌ကာလအစဉ်၊ လူမျိုးအဆက်ဆက် အဘယ်သူမျှ
မနေရ။ ထိုမြို့၌ အာရပ်လူသည် တဲကိုမျှမဆောက်ရ။ သိုးထိန်း တို့သည် သိုးခြံကိုမျှ
မလုပ်ရကြ၊ တောသားရဲတို့သည် ထိုမြို့၌အိပ်ကြလိမ့်မည်။ အိမ်တို့သည် မြည်တတ်သော
တိရစ္ဆာန်များနှင့် အပြည့်ရှိကြလိမ့်မည်။ ကုလားအုပ်ငှက်တို့သည်လည်း၊
ဘုံဗိမာန်များ၌၎င်း၊ မြေခွေးတို့သည်လည်း၊ ကျက်သရေတိုက်များ၌၎င်း၊ အူကြမည်
ကြလိမ့်မည်၊ ထိုသို့သောကာလနီးလှပြီ။ ထိုမြို့၏အသက်တာမရှည်ရ။” (ယေရမိ ၅၁း၂၄-၂၆)။
၂။ လူမျိုးနှင့်နိနေဝေမြို့ကြီးအပါအဝင်
အာရှုရိတိုင်းပြည်ဖျက်ဆီးခြင်း ခံရ၍ ပျက်ပြုန်းသော တောကြီးဖြစ်မည့်
အကြောင်းအနာဂတ်စကားမှာ၊
ဇေဖနိ ၂း၁၃၊ “မြောက်မျက်နှာကိုလည်းတိုက်၍
အာရှရိပြည်ကိုလည် ဖျက်ဆီးတော်မူမည်။ နိနေဝေမြို့ကို လူဆိတ်ညံရာ အရပ်၊
လွင်ပြင်ကဲ့သို့ သွေ့ခြောက်သောအရပ်ဖြစ်စေတော်မူမည်။”
၃။ ကမ္ဘာကိုပတ်လျက်ရှိသော သင်္ဘောများကို
ဆိုက်ကပ်ရာမြို့ဖြစ် သည့် တုရုမြို့ကြီးလည်း ဖျက်ဆီးခြင်းခံရပြီး၊
ဗကျာက်ဆောင်ထိပ်လိုဖြစ်မည့် အကြောင်း ဟောထားချက်လည်းပြည့်စုံသွားခဲ့ပါသည်။
ယေဇကျေလ ၂၆း၃-၅၊
“အရှင်ထာ၀ရဘုရားမိန့်တော်မူသည်ကား အိုတုရုမြို့၊ သင့်တဘက်၌ငါနေ၏။
သမုဒ္ဒရာလှိုင်းတပိုး တက်သကဲ့သို့၊ လူအမျိုးမျိုးတို့သည် သင့်ကိုတက်၍တိုက်စေမည်။
သူတို့သည် တုရုမြို့ရိုးကို ဖျက်၍ ပြအိုးတို့ ဖြိုချလိမ့်မည်။
မြေမှုန့်ကိုငါခြစ်ခွာ၍ ရှင်းလင်းသော ကျောက်ကဲ့သို့ ဖြစ်စေမည်။ ပင်လယ်အလယ်၌
ပိုက်ကွန်လှမ်းရာအရပ်ဖြစ်လိမ့် မည်။ ငါပြောပြီဟု အရှင်ထာ၀ရ ဘုရားမိန့်တော်မူ၏။”
၄။ ပင်လယ်ဆိပ်ကမ်းမြို့ကြီးတစ်ခုဖြစ်သော
ဇိဒုန်မြို့လည်း ကြောက် မက်ဖွယ်ဒဏ်ခတ်ခြင်းခံရလိမ့်မည်။ သို့သော်
ဖျက်ဆီးခြင်းခံရမည်မဟုတ်။ နှစ်ပေါင်း ထောင်ချီ၍ ဆက်လက်တည်ရှိနေမည်။
ယေဇကျေလ ၂၈း၂၁-၂၃၊ “အချင်းလူသား၊ သင်သည်
ဇိဒုန်မြို့ တဘက်၌ မျက်နှာထား၍ ပရောဖက်ပြုလျက်၊ အရှင်ထာ၀ရ ဘုရား၏ အမိန့် တော်ကို
ဆင့်ဆိုရမည်မှာ၊ အိုဇိဒုန်မြို့၊ သင့်တဘက်၌ ငါနေ၏။ သင့်အလယ်၌ ငါ့ဘုန်းတန်ခိုးသည်
ထင်ရှားလိမ့်မည်။ သင့်ကိုငါသည် အပြစ်ဒဏ်ပေး၍ ရိုသေခြင်းကိုခံရသောအခါ၊ ငါသည်
ထာ၀ရဘုရားဖြစ်ကြောင်းကို လူများသိရ ကြလိမ့်မည်။ သင့်အပေါ်သို့ကာလနာဘေးကို၎င်း၊
သင်၏လမ်းတို့၌ ဓားဘေး ကို၎င်း ငါစေလွှတ်၍၊ ပတ်လည်၌တိုက်သောဓားဖြင့် သူရဲတို့သည်
သင့် အလယ်၌လဲ၍ သေကြသောအခါ၊ ငါသည်ထာ၀ရဘုရားဖြစ်ကြောင်းကို သိရကြလိမ့်မည်။”
၅။ ကမ္ဘာပေါ်တွင်ထင်ရှားသောနိုင်ငံဖြစ်ခဲ့သည့်
အီဂျစ် (အဲဂုတ္တု) သည် လူမျိုးခြားမင်းဆိုးမင်းညစ်တို့၏ စီးနင်းတိုက်ခိုက်ခြင်းကို
ခံရသော်လည်း၊ ဖျက်ဆီးခြင်းခံရမည်မဟုတ်ကြောင်းကို ယေဇကျေလ ဟောထားခဲ့ပါသည်။
အီဂျစ်သည် ဘေဘီလုံနှင့်အာရှုရိတို hကဲ့သို h ဖျက်ဆိးခြင်းမခံရသော်ငြားလည်း၊ အလွန်အားနည်းသွားသော
နိုင်ငံဖြစ်လာပါမည်။ ဤအနာဂတ်စကား ပြည့်စုံ ခြင်း အနေဖြင့် အီဂျစ်နိုင်ငံကို
ပါးရှား၊ ဂရိ၊ ရောမ၊ ဘိုင်ဇင်းတင်း၊ ဆာရာဆင်း၊ တူရကီ၊ ပြင်သစ်၊
ဗြိတိန်စသောလူမျိုးများက အုပ်စိုးခဲ့ပါသည်။ ယခုတွင် အီဂျစ်သည် လွတ်လပ်သောသမ္မတနိုင်ငံဖြစ်နေပါသည်။
ယေဇကျေလ ၂၉း၁၅။ ၃ဝး၁၃၊
“တပါးလူမျိုးတို့ကိုနောက်တဖန်အစိုး မရ။ နိုင်ငံတကာတို့တွင်
အယုတ်ဆုံးဖြစ်ရလိမ့်မည်။ တပါးသောလူမျိုးတို့ကို နောက်တဖန် အစိုးမရစေခြင်းငှာ
ငါရှုတ်ချမည်။” “အရှင်ထာ၀ရဘုရား မိန့်တော်မူသည်ကား၊ ရုပ်တုတို့ကို ငါဖျက်ဆီး၍၊
နောဖပြည်၌ ဆင်းတုတို့ကို လည်း ပယ်ဖျက်မည်။ နောက်တဖန် အီဂျစ်မင်းမျိုး မရှိရ။
အီဂျစ်ပြည်သည် ကြောက်ရွံ့မည်အကြောင်းကို ငါပြုမည်။”
၆။
အစ္စရေးလူမျိုးတို့နှင့်ဆိုင်သောအနာဂတ်စကားလည်းရှိပါသည်။ နိုင်ငံတစ်
နိုင်ငံအနေဖြင့်မရပ်တည်မီ၊ ခရစ်တော် မပေါ်မီ နှစ်ပေါင်း ၁၄၀၀
ကျော်ကဟောထားသောအနာဂတ်စကားဖြစ်ပြီး၊ လက်ဝါးကပ်တိုင်နောက်ပိုင်း နှစ်ပေါင်း ၁၉၀၀
ကျော်၊ စုစုပေါင်းနှစ်ပေါင်း ၃၃၀၀ ကျော်ဆက်လက်ပြည့်စုံခဲ့ ပါသည်။
လုံးလုံးဖျက်ဆီးခြင်း မခံရသော်လည်း၊ ယနေ့တိုင်အောင် နိုင်ငံ တကာ၌ ပြန့်နှံ hကာ ညှဉ်းဆဲခြင်းခံခဲ့ကြပါသည်။
တရားဟောရာ ၂၈း၂၅၊ ၃၇၊ “သင်၏ရန်သူရှေ့မှာ
ထာ၀ရဘုရားသည် သင့်ကိုဒဏ်ပေးတော်မူမည်။ သင်သည်တလမ်းတည်းဖြင့် သူတို့ရှိရာသို့သွား
သော်လည်း၊လမ်းခုနစ်သွယ်ဖြင့် သူတို့ရှေ့မှပြေး၍ မြေပေါ်မှာရှိသော အတိုင်း တိုင်း
အပြည်ပြည်သို့ပြောင်းသွားရလိမ့်မည်။” “ထာ၀ရဘုရားသည် သင့်ကို ဆောင်သွားတော် မူသော
အပြည်ပြည်တို့၌သင်သည် အံ့ဩရာ၊ ပုံခိုင်းရာ၊ ကဲ့ရဲ့ရာဖြစ်လိမ့်မည်။”
မှတ်ချက်။ တရားဟောရာကျမ်း အခန်းကြီး ၂၈
တစ်ခုလုံးကို ဖတ်ပါ။ နားထောင်ခြင်းနှင့် နားမထောင်ခြင်း၌ ဘုရားသခင်ရွေးချယ်ထားသော
လူမျိုး နှင့်ဆိုင်သော အနာဂတ်စကား စစ်စစ်ဖြစ်ပါသည်။
၁၃။ ဒံယေလ၏အနာဂတ်စကားများ
SOME
GREAT PROPHECIES OF DANIEL
မည်သည့်စကားလုံးများဖြင့် သခင်ယေရှုသည်
ဒံယေလကို ပရောဖက် အနေနှင့်အသိအမှတ်ပြုပါသနည်း။
မဿဲ ၂၄း၁၅၊ “ထို့ကြောင့်
ပရောဖက်ဒံယေလဟောသည့်အတိုင်း၊ ဖျက်ဆီးတတ်သော ရွံရှာဖွယ်အရာသည် သန့်ရှင်းသောအရပ်ဌာန၌
စိုက်နေ သည်ကို သင်တို့မြင်ရလျှင်၊ ကျမ်းစာကို ဖတ်သောသူသည် နားလည်ပါစေ။”
ကမ္ဘာ့သမိုင်းကို နိုင်ငံကြီးငါးနိုင်ငံက
ပုံဖေါ်ထားသည်
ရုပ်ထုကြီးဖြင့် သရုပ်ဖော်ခြင်း
ဒံယေလမြင်မက်သော ရုပ်တုကြီးသည် နောက်ဆုံးကာလအထိ
မီပါ သည်။
ဒံယေလ ၂း၂၈ (၃၁) “နက်နဲသောအရာတို့ကို ဖွင့်ပြ၍၊
နောင် ကာလ၌ ဖြစ်လတံ့သောအရာတို့ကို နေဗုခဒ်နေဇာ မင်းကြီးအားကြား ပြော တော်မူသော
ဘုရားသခင်သည် ကောင်းကင်ဘုံမှာရှိတော်မူ၏။ အရှင်မင်းကြီး စက်တော်ခေါ်၍
မြင်မက်တော်မူသော ရူပါရုံမူကား၊” (ဒံယေလ အခန်းကြီး ၂ တစ်ခုလုံးကို သေချာစွာ
ဖတ်ပါ။)
ရှင်ဘုရင် နေဗုခဒ်နေဇာသည်
သတ္တုနှင့်ပြီးသောရုပ်တုကြီးကို ရူပါရုံ တွင် မြင်တော်မူခဲ့သည်။
ရုပ်တု၏ဦးခေါင်းသည် ရွှေဖြစ်၍၊ ရင်ဘတ်နှင့် လက် မောင်းတို့သည် ငွေဖြစ်၏။
ဝမ်းဗိုက်နှင့်ပေါင်တို့သည် ကြေးဝါဖြစ်၍၊ ဗခြ ထောက်သည် သံဖြစ်လျက်၊ ခြေဖဝါးသည်
သံနှင့်မြေစေးရောနှောထားခြင်း ဖြစ်ပါသည်။
လက်နှင့်တွန်းချခြင်းမဟုတ်ဘဲ
တောင်ပေါ်မှအလိုလို လိမ့်ကျလာ သော ကျောက်တစ်လုံးသည် ရုပ်တုကြီး၏ခြေဖဝါးကို
ထိလိုက်သောအခါ၊ ရုပ်တုကြီးတစ်ခုလုံး အမှုန့်ဖြစ်သွားကာ၊
လေ၌ပါသွားသည်ကိုတွေ့ရပါသည်။ ဤအိပ်မက်သည် အနာဂတ် စကားဖြစ်၍၊
ကမ္ဘာ့သမိုင်းကိုဘုရားသခင်သည် ရုပ်လုံးဖော်လိုက်ခြင်းဖြစ်ပါသည်။
ရုပ်တု၏အပိုင်းအချို့မှာ ရှေ့တွင်ဖြစ်လာဦး မည့် ကမ္ဘာ့သမိုင်းဖြစ်ပါသည်။
၁။ ဘေဘီလုံနိုင်ငံကို ရုပ်တု၏
ရွှေဦးခေါင်းဖြင့် ပုံဖော်ထားပါသည်။ ဒံယေလ ၂း၃၇၊၃၈၊ “အရှင်မင်းကြီး၊ ကိုယ်တော်သည်
ဘုရင်တို့၏ ဘုရင်ဖြစ် တော်မူ၏။ ကောင်းကင်ဘုံရှင်ဘုရားသခင်သည်
နိုင်ငံနှင့်တကွတန်ခိုး၊ အာနု ဘော်၊ အစွမ်းသတ္တိ၊ ဘုန်းအသရေကို
ကိုယ်တော်အားပေးတော်မူပြီ၊ လူနေရာ ရှိသမျှတို့နှင့် မြေကြီးသား၊ တိရစ္ဆာန်၊
မိုးကောင်းကင်ငှက်များတို့ကို ကိုယ်တော် လက်၌အပ်ပေး၍၊ ကိုယ်တော်သည်
အလုံးစုံတို့ကို အုပ်စိုးရသော အခွင့်ရှိ တော်မူ၏။ ကိုယ်တော်သည်
ရုပ်တု၏ရွှေဦးခေါင်း ဖြစ်တော်မူ၏။”
ဘေဘီလုံမြို့တော်ဟု ယေရှာယ ၁၄း၄
တွင်ခေါ်ဆိုထားပါသည်။ ယေရှာယ ၁၃း၁၉ တွင်၊ ဘေဘီလုံမြို့သည် သောဒုံနှင့်
ဂေါမောရမြို့တို့ကဲ့သို့ ထာ၀ရဖျက်ဆီးခြင်းခံရမည်ဟု ဖော်ပြထားပြန်ပါသည်။
မြို့ကိုရန်သူသိမ်းပိုက် သောအခါ မြစ်ရေများလည်း ခမ်းခြောက်သွားလိမ့်မည် (ယေရှာယ
၄၄း၂၇။ ယေရမိ ၅ဝး၃၈။ ၅၁း၃၂၊ ၃၆။)
မှတ်ချက်။ ဘေဘီလုံမြို့ကို သိမ်းပိုက်နိုင်ရန်
ကုရုနှင့်ဒါရိမင်းကြီး တို့သည် မိမိတို့၏ မေးဒီယားနှင့် ပါးရှားလူမျိုးတို့နှင့်
အတူ ဥဖရတ်မြစ်ရေကို မြို့၏မြောက်ဘက်မှ လွှဲလိုက်ပြီး၊ ရေခမ်းသွားသော
မြစ်ကြောင်းအတိုင်း ချီတက်လာကာ မြို့ကိုသိမ်းယူ လိုက်ပါသည်။ ဘီစီ ၅၃၉ ခုနှစ်တွင်
ဘေဘီလုံ မြို့ကြီး ကျဆုံးသွားပါသည် (ဒံယေလ ၅)။ ဘေဘီလုံနိုင်ငံတော်ကြီးသည် ဘီစီ ၆၀၃
မှ ၅၃၉ ခုနှစ် အထိစိုးမိုးအုပ်ချုပ် ခဲ့ပါသည်။
၂။ ငွေရင်ဘတ်နှင့်လက်မောင်းသည်၊
ဘေဘီလုံနိုင်ငံကိုသိမ်းပိုက် သော မေးဒီးယားနှင့် ပါးရှားနိုင်ငံကို ပုံဆောင်ပါသည်။
ဒံယေလ ၂း၃၉၊ “ကိုယ်တော်နောက်၌ကိုယ်တော်၏
နိုင်ငံလောက် မမြတ်သောနိုင်ငံတခု တည်ထောင်လိမ့်မည်။ ထိုနောက်မြေကြီးတပြင်လုံးကို
အုပ်စိုးသော ကြေးဝါနိုင်ငံတည်းဟူသော တတိယနိုင်ငံတည်ထောင်လိမ့်မည်။”
မေးဒီးယားပါးရှားသည် ဘီစီ ၅၃၉ မှ ၃၃၁ ခုနှစ်အထိ
ကမ္ဘာပေါ် ကြီးစိုးသောငွေနိုင်ငံဖြစ်ပါသည်။ ဘီစီ ၃၃၁ ခုနှစ်သည် အာဘေးလားတိုက်ပွဲ၌
ကြီးမြတ်သော အာလက်ဇန္ဒါးက မေးဒီးယားပါးရှားကို အနိုင်ယူသော ခုနှစ် ဖြစ်ပါသည်။
၃။ ဂရိသည် တတိယ သို့မဟုတ်
ကြေးဝါနိုင်ငံဖြစ်ပြီး၊ ဘီစီ ၃၃၁ ခုနှစ် မှ ပြစ်နားတိုက်ပွဲမှာ ရောမတို့က
နိုင်သွားသည့် ဘီစီ ၁၆၈ ခုနှစ်အထိ ကမ္ဘာကို စိုးမိုးခဲ့ပါသည်။
၄။ ရောမသည် သံနိုင်ငံဖြစ်ပါသည်။
ဒံယေလ ၂း၄၀၊ “စတုတ္ထနိုင်ငံသည်
သံကဲ့သို့ခိုင်မာသော နိုင်ငံဖြစ်လိမ့် မည်၊ သံသည် အခြားသောအရာရှိသမျှတို့ကို
ချိုးဖဲ့၍နိုင်သကဲ့သို့၊ စတုတ္ထနိုင်ငံ သည် ချိုးဖဲ့နှိပ်စက်ခြင်းကို
ပြုလိမ့်မည်။”
ဘီစီ ၁၆၈ ခုနှစ်မှစ၍ ရောမသည်
ကမ္ဘာကိုစိုးမိုးခဲ့ရာ ဥရောပမြောက် ဘက်ပိုင်းမှ
လူရိုင်းများလာရောက်တိုက်ခိုက်ဖျက်ဆီးသော အေဒီ ၄၇၆ ခုနှစ် အထိ ဖြစ်ပါသည်။
ဗက်လင်မြို့၌ ကလေးသူငယ်အနေဖြင့် ယေရှုမွေးဖွားသော အချိန်သည် ကမ္ဘာကို
ရောမတို့အုပ်စိုးသော အချိန်ကာလဖြစ်ပါသည်။
လုကာ ၂း၁၊ “ထိုအခါတနိုင်ငံ (ကမ္ဘာ) လုံးကို
စာရင်းယူစေခြင်းငှာ ကဲသာ (ဆီဇာ၊ ကိုင်ဇာ) ဘုရင်ဩဂတ္တုသည် အမိန့်တော်ရှိ၏။” ကဲသာသည်
ရောမကို အုပ်စိုးသောဘုရင်ဖြစ်ပါသည်။ တစ်ကမ္ဘာလုံးကို စာရင်းကောက်နိုင် သော သူသည်
တစ်ကမ္ဘာလုံးကို အုပ်စိုးသောသူဖြစ်ပါသည်။
မှတ်ချက်။ ရောမ၏အောင်မြင်ခြင်းများကို
ဖော်ပြရာ၌ သမိုင်း ပညာ ရှင်ဂိန်ဘ္ဘန် (Gibbon) သည် ဒံယေလ ၂ ၌ပါသော ရူပါရုံ၏ အခေါ်အဝေါ် များကို
အသုံးပြုရေးသားခဲ့ပါသည်။ “သမ္မတနိုင်ငံ၏လက်ရုံးများသည် တိုက်ပွဲ တွင် မကြာခဏ
နှိမ်နှင်းခြင်းခံရသည်။ စစ်ပွဲတွင် အမြဲတမ်းလိုလို အောင်မြင် ခဲ့ရာ၊
ယူဖရေးတေးစ်မြစ်၊ ဒန်မြစ်၊ ရိုင်းမြစ်နှင့် သမုဒ္ဒရာသို့ လျင်မြန်စွာ ခြေဆန့်ခဲ့ပြီး၊
နိုင်ငံများနှင့် ရှင်ဘုရင်များကို ပုံဆောင်ခဲ့သော ရွှေ၊ ငွေ နှင့်
ကြေးဝါရုပ်တုတို့ကို သက်ဦးဆံပိုင် ရောမသံနိုင်ငံသည် တစ်နိုင်ငံပြီးတစ်နိုင်ငံ
ဖျက်ဆီးခဲ့ပါသည်။” - Decline and Fall of the Roman Empire,
Chap. 38.
ရောမအင်ပါယာ ပြိုကွဲခြင်းနှင့်
ယနေ့ကမ္ဘာ့နိုင်ငံကြီးများဖြစ်ပေါ်လာ ပုံမှာ၊ ဒံယေလ ၂း၄၁-၄၃၊ “ရုပ်တု၏ခြေနှင့်
ခြေချောင်းတို့သည် သရွှတ်တပိုင်း သံတပိုင်းရှိသည်ကိုမြင်တော်မူသည်အတိုင်း၊
အချင်းချင်းကွဲပြားသော နိုင်ငံဖြစ် လိမ့်မည်။ သို့သော်လည်း ဖုတ်သောသရွတ်နှင့် သံရောနှောသည်ကို
မြင်တော် မူသည်ဖြစ်၍၊ သံသည် ခိုင်မာခြင်းသတ္တိ ရှိလိမ့်မည်။ ခြေချောင်းတို hသည် သံ တပိုင်း သရွတ်တပိုင်းဖြစ်သည်နှင့်အညီ၊ ထိုနိုင်ငံသည်
ခိုင်မာခြင်းနှင့်၎င်း၊ ကျိုးပဲ့ခြင်းနှင့်၎င်း ဆက်ဆံလိမ့်မည်။
ဖုတ်သောသရွတ်နှင့်သံရောနှောသည်ကို မြင်တော်မူသည်နှင့် လျော်စွာ၊ နိုင်ငံသားတို့သည်
အခြားသောလူမျိုးသား တို့နှင့် ပေါင်းဖော်ကြလိမ့်မည်။ သို့သော်လည်း
သရွတ်နှင့်သံမရောနှောနိုင် သကဲ့သို့၊ သူတို့သည် အချင်းချင်းပေါင်းဖော်၍
မသင့်နိုင်ကြ။”
မှတ်ချက်။ ဤအချက်သည် ရောမအင်ပါယာပြိုကွဲသော
အေဒီ ၄၇၆ ခုနှစ်မှစ၍ ခရစ်တော်ဒုတိယအကြိမ် ကြွလာသည့်အထိ ကြားကာလကို ဖော်ပြ ခြင်း
ဖြစ်ပါသည်။ ပြောရမည်ဆိုလျှင် ကျွန်ုပ်တို့၏ ခေတ်ကာလပင်ဖြစ်ပါ သည်။ အေဒီ ၃၅၁ မှ ၄၇၆
ခုနှစ်ကြားကာလတွင် တိုင်းနိုင်ငံများနှင့် လူမျိုး အသီးသီးတို့သည်
ပုန်ကန်ထကြွလျက်၊ လာရောက်စီးနင်းကြသောကြောင့် ရောမအင်ပါယာကြီး တုန်လှုပ်လျက်
ပြိုကွဲသွားခဲ့ပါသည်။ ထိုအခါရောမ အင်ပါယာကြီးသည် အောက်ဖော်ပြပါအတိုင်း ဆယ်နိုင်ငံ
ဖြစ်သွားခဲ့ပါသည်။ ၎င်းတို့သည် ယခုရှိဥရောပနိုင်ငံများ ဖြစ်ကြပါသည်။ လုမ်းဘတ်ခေါ်
အီတလီ နိုင်ငံ၊ ဖရန့်ခေါ်ပြင်သစ်နိုင်ငံ၊ ဆက်ဆန့်ခေါ် အင်္ဂလန်နိုင်ငံ၊ အလေမနီခေါ်
ဂျာမနီနိုင်ငံ၊ ဗီစီဂေါသ်ခေါ် စပိန်နိုင်ငံ နှင့် ဩစတြိုဂေါသ်ခေါ် ဩစတြီးယား
နိုင်ငံ၊ ဘူရ်ဂွန်ဒီခေါ် ဘူရ်ဂေးရီးယားနိုင်ငံ၊ ဆူဝီ၊ ဟေရုလီနှင့် ဗန်ဒါလ်းတို့
ဖြစ်ကြပါသည်။
၅။ စကြ၀ဠာဆိုင်ရာဘုရားသခင်၏
ကောင်းကင်နိုင်ငံတော်၊
ဒံယေလ ၂း၄၄၊ “ပျက်စီးခြင်းသို့ မရောက်နိုင်သော
နိုင်ငံတခုကို ထိုမင်းကြီးများလက်ထက်၌ ကောင်းကင်ဘုံရှင် ဘုရားသခင်သည် တည်
ထောင်စေတော်မူမည်။ ထိုနိုင်ငံသည် အခြားသောလူမျိုးလက်သို့မရောက်ရဘဲ၊
အထက်ဆိုခဲ့ပြီးသော နိုင်ငံရှိသမျှတို့ကို ချိုးဖဲ့ဖျက်ဆီး၍ အစဉ်အမြဲတည်လိမ့် မည်။
မှတ်ချက်။ ဤနိုင်ငံကို
လက်ဖြင့်မတွန်းရဘဲ လိမ့်ကျလာသော၊ ရုပ်တု၏ ခြေဖဝါးကို ထိခိုက်သော ကျောက်ဖြင့်
ပုံဆောင်ထားပါသည်။ ၎င်း သည် နောက်ဆုံးသော ကာလဖြစ်သော ခေတ်သစ်ဥရောပနိုင်ငံကြီးများ
တည်ရှိသည့်အချိန်ကာလ၌ ဖြစ်ပျက်မည်ဖြစ်ပါသည်။ ကြီးမားသော အဖြစ်
အပျက်ကြီးများဖြစ်လာပြီးနောက် စကြ၀ဠာဆိုင်ရာ ခရစ်တော်၏ဘုန်းတော် နိုင်ငံတော်သို့
ဝင်စားကြရပါမည်။
သမ္မာကျမ်းစာတွင် ခရစ်တော်ကို ကျောက်(ဝါ)
ကျောက်ဆောင်ဖြင့်
ပုံဖော်ထားပါသည်။
တမန်တော် ၄း၁၀၊၁၁ “သင်တို့သည်
လက်ဝါးကပ်တိုင်မှာ ကွပ်မျက် ၍၊ ဘုရားသခင်သည် သေခြင်းမှထမြောက်စေတော်မူသော
နာဇရက်မြို့သား ယေရှုခရစ်တော်၏နာမတော်အားဖြင့် ဤသူသည် သင်တို့မျက်မှောက်၌ ကျန်း
မာလျက်ရှိသည်ကို သင်တို့မှစ၍ အစ္စရေးလူအပေါင်းတို့ သိမှတ်ကြလော့။ ထိုသခင်ကား၊ သင်တို့သည်
တိုက်ကိုတည်လုပ်သောအခါ ပယ်ထား၍၊ နောက် တဖန် တိုက်ထောင့် အထွက်ဖျားသို့
ရောက်ပြန်သောကျောက်ဖြစ်တော်မူ၏။”
၁ ပေတရု ၂း၆-၈၊ “ထိုသို့နှင့်အညီ
ကျမ်းစာလာသည်ကား၊ ရွေးချယ် သော တိုက်ထောင့်အမြစ်ကျောက်မြတ်ကို ဇိအုန်တောင်ပေါ်မှာ
ငါချထား၏။ ထိုကျောက်ကို အမှီပြုသောသူသည် ရှက်ကြောက်ခြင်းမရှိနိုင်ရာဟု လာ သတည်း။
သို့ဖြစ်၍ ယုံကြည်ခြင်းရှိသောသင်တို့၌ကား၊ ဘုန်းအသရေရှိ၏။ နားမထောင်သောသူတို့၌ကား၊
တိုက်ကိုတည်လုပ်သောသူများပယ်ထားသော ကျောက်သည် နောက်တဖန် တိုက်ထောင့်အထွတ်ဖျားသို့
ရောက်ပြန်၏။ နားမထောင်ဘဲ နှုတ်ကပတ်တရားတော်ကို ထိမိ၍ လဲသောသူတို့သည် ထိမိ၍
လဲစရာကျောက်၊ မှားယွင်းစရာကျောက်လည်း ဖြစ်၏။ ထိုအမှုနှင့်တွေ့စေခြင်း ငှာ
ထိုသူတို့ကို ခန့်ထားတော်မူသတည်း။”
ဧဖက် ၂း၂၀၊၂၁ “တမန်တော်တို့မှစ၍
ပရောဖက်များတည်းဟူသော တိုက်မြစ် အပေါ်၌ သင်တိုသည် ထပ်ဆင့်၍ တည်ဆောက်လျက်ရှိကြ၏။
ထိုတိုက် ထောင့်အမြစ်ကျောက်ကား၊ ယေရှုခရစ်တော်ဖြစ်သတည်း။”
မှတ်ချက်။ ဤနေရာတွင် အဓိကအချက်မှာ
ခရစ်တော်ကိုယ်တော် တိုင်ကို ကမ္ဘာကြီးကိုဖုံးလွှမ်းသွားမည့်
ကျောက်အဖြစ်ပုံဆောင်ထားခြင်း ဖြစ်ပါ သည်။
ခရစ်တော်ပထမကြွလာချိန်၌
ခရစ်တော်၏ဘုန်းတော်နိုင်ငံတော်သည် အနာဂတ်ကာလ၌ ရှိနေသေးပါသလား။
မဿဲ ၂၅း၃၁၊ “လူသားသည် မိမိဘုန်အာနုဘော်တော်ကို
ဆောင် လျက်၊ သန့်ရှင်းသောကောင်းကင်တမန်များ အခြံအရံတို့နှင့်တကွ ကြွလာ
တော်မူသောအခါ ဘုန်းရှိသော ပလ္လင်တော်ပေါ်မှာထိုင်၍၊”
မှတ်ချက်။ “ပလ္လင်တော်” သည်
ဘုရားတစ်ပါးပါးသို့မဟုတ် နိုင်ငံ တစ်နိုင်ငံကို ရည်ဆောင်ထားပါသည်။ ခရစ်တော်
ဤလောက၌ရှိစဉ်အခါ၊ ပလ္လင်တော်ပေါ်မှာ လူသားထိုင်မည့်အချိန်သည် နောင်ကာလတည်ထောင်
မည့် အချိန်ဖြစ်ပါသည်။ ၂ တိမောသေ ၄း၁၊ ကိုယ်တော်တိုင်ပေါ်ထွန်း၍၊ နိုင်ငံတော်ထင်ရှားသောကာလ၊
အသက်ရှင်သောသူ၊ သေသောသူတို့ကို စစ်ကြောစီရင်တော်မူသော သခင်ယေရှု
ခရစ်တော်ရှေ့မှာ၎င်း၊ ဘုရားသခင် ရှေ့မှာ၎င်း၊ ငါသည် သင်တို့ကို သစ္စာပေးသည်ကား၊”
ဘုရားသခင်၏စကြ၀ဠာနိုင်ငံတော်ကို
“ထိုမင်းကြီးများလက်ထက်၌” တည်ထောင်မည်ဖြစ်ပါသည်။ ၎င်းမင်းကြီးများ (နိုင်ငံများ)
သည် ရောမအင်ပါ ယာ ပြိုကွဲရာမှ ပေါ်လာသော နိုင်ငံများဖြစ်ပါသည်။ ခရစ်တော်ပထမကြွလာ
သော အချိန်တွင် ထိုနိုင်ငံ (မင်းကြီး) များ မပေါ်လာသေးပါ။ ထို့ကြောင့်
ကြိုတင်ဟောထားသော ဘုရားသခင်၏ ဘုန်းတော်နိုင်ငံတော်သည် ခရစ် တော် ဒုတိယအကြိမ်
ကြွလာသော အခါမှသာ တည်ထောင်မည်ဖြစ်ပါသည်။
ယေရှုသည် တပည့်တော်များကို
မည်သည့်အရာတောင်းဆိုခိုင်းပါ သနည်း။
မဿဲ ၆း၁၀၊ “နိုင်ငံတော်တည်ထောင်ပါစေသော။
အလိုတော်သည် ကောင်းကင်ဘုံ၌ ပြည့်စုံသကဲ့သို့ မြေကြီးပေါ်၌ ပြည့်စုံပါစေသော။”
၎င်းသည် မည်သည့်အချိန်၌ ပြည့်စုံလာမည်နည်း။
ဗျာဒိတ် ၁၁း၁၅၊ “သတ္တမကောင်းကင်တမန်သည်
တံပိုးမှုတ်သော အခါ၊ ကောင်းကင်ဘုံ၌ကြီးသောအသံတို့ကား၊ လောကီနိုင်ငံသည် ငါတို့အရှင်
၏ နိုင်ငံဖြစ်လေပြီ။ ထိုအရှင်၏ ခရစ်တော်နိုင်ငံဖြစ်လေပြီ။ သူသည်လည်း ကမ္ဘာအဆက်ဆက်
စိုးစံတော်မူမည်။”
သားရဲလေးကောင်ဖြင့်သရုပ်ဖော်ခြင်း
ဤအနာဂတ်စကားကို နားလည်နိုင်ဖို့ရန်
ဒံယေလအနာဂတ္တိကျမ်း အခန်းကြီး (၇) အစမှအဆုံး ဖတ်ဖို့လိုအပ်ပါသည်။
မှတ်ချက်။ ဒံယေလအနာဂတ္တိကျမ်းအခန်းကြီး
၂၌ပါသောရူပါရုံကို၊ ယေဘုယျအားဖြင့် ရုပ်တုကိုစိတ်ဝင်စားမည့် သာသနာပဖြစ်သော
မင်းကြီး အား ပေးထားပါသည်။ သို့သော် ဒံယေလအခန်းကြီး ၇ ၌ပါသောရူပါရုံကို နေဗုခဒ်
နေဇာအားမပေးဘဲ၊ ဘုရားသခင်၏အစေခံအစစ်ဖြစ်သော ဒံယေလ အား ပေထားပါသည်။ ပုံဆောင်သောသားရဲများသည်
လောကီနိုင်ငံများကို သရုပ်ပြထားခြင်းဖြစ်ပြီး လောကဆန်သော အာဏာတန်ခိုးများ၏ သဘာ၀ကို
သာ၍ ပုံဖော်ထားကြပါသည်။
ဤရူပါရုံတွင်မည်သည့်အထိမ်းအမှတ်များ
အဓိကအသုံးပြုပါသနည်း။
၁။ သားရဲများ။ ဤသားရဲများသည်
နိုင်ငံများသို့မဟုတ် အုပ်ချုပ်သော
မင်းများကို ပုံဆောင်ထားပါသည်။
ဒံယေလ ၇း၁၇၊ “ဤသားရဲလေးကောင်တိုသည် မြေကြီးပေါ်
ပေါ် လတံ့သော နိုင်ငံလေးပါးဖြစ်၏။”
မှတ်ချက်။ အချို့ကျမ်းစာများတွင် “မင်းများ”
ဟုခေါ်ဆိုသော်လည်း၊ နိုင်ငံများကို ဆိုလိုခြင်းဖြစ်ပါသည်။ ဒံယေလ ၇း၂၃၊
“စတုတ္ထသားရဲသည် မြေကြီးပေါ်မှာ နိုင်ငံဖြစ်၏။ ထိုနိုင်ငံသည် မြေကြီးရှိသမျှကို
ကိုက်စား ချိုးဖဲ့ နင်းချေလိမ့်မည်။”
၂။ ရေ။ ရေသည် လူထု၊ လူအုပ်ကြီး၊
လူမျိုးနှင့်ဘာသာစကား အမျိုးမျိုး ပြောသော လူများကို ပုံဆောင်ပါသည်။
ဗျာဒိတ် ၁၇း၁၅၊ “ယခုမြင်. . . သောရေကား၊
အသီးသီးဘာသာ စကားကို ပြောသော လူအမျိုးမျိုးအစုစုဖြစ်သတည်း။”
ယေရှာယ ၈း၇၊ “ထာ၀ရဘုရားသည် အလုံးအရင်းပါသော
အာရှုရိ ရှင်ဘုရင်တည်းဟူသော၊ ခွန်အားဗလကြီး၍ များသောမြစ်ရေနှင့်သူတို့ကို
လွှမ်းမိုးစေတော်မူသဖြင့်၊ ထိုမြစ်သည် မိမိချောင်းများကို လွှမ်း၍၊ မိမိကမ်းများ
ကို လျှံလျက်၊”
၃။ လေ။ လေသည်
လူတစ်မျိုးနှင့်တစ်မျိုးရန်ဖြစ်ခြင်း၊ စစ်တိုက်ခြင်း၊ ဆူပူသောင်းကျန်းခြင်းနှင့်
နှောင့်ယှက်ခြင်းကို ပုံဆောင်ပါသည်။
ယေရမိ ၂၅း၃၁-၃၃၊ “မြေကြီးစွန်းတိုင်အောင်
အသံနှံ့ပြားလိမ့်မည်။ ထာ၀ရဘုရားသည် လူအမျိုးမျိုးတို့နှင့် တရားတွေ့စရာ
အကြောင်းရှိ၍၊ ခပ်သိမ်းသော သတ္တဝါတို့ကို အမှုလုပ်တော်မူမည်။ ဆိုးသောသူတို့ကို
ဓားနှင့် ကွပ်မျက်စေခြင်းငှာ အပ်တော်မူမည်ဟု ထာ၀ရဘုရားမိန့်တော်မူ၏။ ကောင်း
ကင်ဗိုလ်ခြေအရှင် ထာ၀ရ ဘုရားမိန့်တော်မူသည်ကား၊ ဘေးသည် တပြည်မှ တပြည်သို့
ကူးသွားလိမ့်မည်။ မြေကြီးအစွန်းအနားတို့မှ ပြင်းစွာသောလေဘွေ သည် ထလိမ့်မည်။ ထိုအခါ
ထာ၀ရဘုရားကွပ်မျက်တော်မူခြင်းကို ခံရသော သူတို့သည် မြေကြီးတဘက်မှ
တိုင်အောင်နှံ့ပြားကြလိမ့်မည်။ သူတို့ကို မမြည် တမ်းရ။ မစုမပုံရ။ မသင်္ဂြိုဟ်ရ။
မြေကြီးပေါ်မှာ မစင်ကဲ့သို့ဖြစ်ကြလိမ့်မည်။” (ယေရမိ ၄၉း၃၆၊ ၃၇)။
၄။ ဦးချို။ ဦးချိုသည် မင်းကြီးများ သို့မဟုတ်
အုပ်စိုးသူများကို ပုံဆောင်ပါသည်။
ဒံယေလ ၇း၂၄။ “ထိုနိုင်ငံ၌ပေါက်သော
ချိုဆယ်ချောင်းသည် ပေါ်လတံ့ သောမင်းကြီးဆယ်ပါးဖြစ်၏။ သူတို့၌ အခြားသော
မင်းကြီးပေါ်လာ လိမ့်မည်။ အရင်မင်းကြီးထက်ထူးခြား၍ သုံးပါးတို့ကို
နှိမ့်ချလိမ့်မည်။”
ပုံဆောင်ခြင်းရှိသောအနာဂတ်စကားများတွင် သားရဲ၊
ရေ၊ လေ၊ ချို တို့သည် အထိမ်းအမှတ်များသာဖြစ်သည်။ ၎င်းအထိမ်းအမှတ်များကို ကျမ်းစာ က
ရှင်းပြထားပါသည်။
မှတ်တိုင်များကိုကြည့်
Look
for the Way Mark
ရှေ့သို့ခရီးသွား၊ မှတ်တိုင်များကိုကြည့်၊
တစ်ခုနောက်တစ်ခု၊ မှတ်တိုင်များကိုကြည့်၊
နိုင်ငံကြီးလေးမျိုးကျော်လွန်လာခဲ့ပြီ၊
မှတ်တိုင်များပြန်ကြည့်၊ ဘယ်ကိုရောက်ပြီနည်း။
ဘေဘီလုံနိုင်ငံ၊ ရှေ့ဦးစိုးမိုးပေ၊
နောက်မေးဒီးယားပါးရှားအောင်လံလွင့်ခဲ့ပေ၊
ဂရိနိုင်ငံ၊ ကမ္ဘာကိုစိုးမိုးလည်း၊
ရောမအာဏာတည်၊ ဘယ်ကိုရောက်ပြီနည်း။
သံသရွတ်ရောထားခြေထောက်ခေတ်ရောက်လာ၊
အားနည်းကာကွဲပြား၊ ပျောက်ကွယ်သွားမကြာ၊
နောင်တွင်မည်သည့်ဇာတ်ကြောင်းဖြစ်လာလိမ့်တည်း၊
ခရစ်တော်ကြွလာ၊ ထာ၀ရခေတ်တည်။
မှတ်တိုင်များကိုကြည့်၊ အနာဂတ္တိမှတ်တိုင်များ၊
နိုင်ငံကြီးလေးမျိုး၊ ကျော်လွန်လာခဲ့ပြီ၊
မှတ်တိုင်များကိုကြည့်၊ အနာဂတ္တိမှတ်တိုင်များ၊
ခရီးလမ်းဆုံးတော့မည်။
တေးရေး -
F.E. Belden
နိုင်ငံကြီးလေးပါး
ဒံယေလအခန်းကြီး ၇ ၌ပါသော
လောကီနိုင်ငံကြီးလေးပါးသည်၊ ဒံယေလအခန်းကြီး ၂ ၌ပါသော ရုပ်တုကြီး အနာဂတ် စကားမှ
လောကီ နိုင်ငံကြီး လေးပါးနှင့် ထပ်တူထပ်မျှဖြစ်ပါသည်။
၁။ ရွှေလင်းတအတောင်နှင့် ခြင်္သေ့သည်
ဘေဘီလုံနိုင်ငံ (ဘီစီ ၆၀၃-၅၃၉) ဖြစ်ပါသည်။
ဒံယေလ ၇း၃၊ ၄၊ “ပထမသားရဲသည် ခြင်္သေ့နှင့်တူ၏။
ရွှေလင်းတ အတောင်လည်းရှိ၏။ ငါကြည့်ရှုနေစဉ်၊ သူ၏အတောင်ကို နှုတ်ကြ၏။ မြေမှ
ကိုယ်ကို ချီကြွလျက် လူကဲ့သို့ခြေဖြင့် မတ်တတ်ရပ်၍၊ လူစိတ်သဘောကိုလည်း ရ၏။”
မှတ်ချက်။ ဘေဘီလုံသည် ပထမတွင်
ခြင်္သေ့နှင့်တူ၏။ နေဗုခဒ် နေဇာ၏ လက်အောက်၌ ကြီးမားသောစစ်တပ်ကြီးရှိ၏။
အတောင်တို့သည် တိုက်ပွဲ၌ လျင်မြန်စွာ သူ၏အောင်မြင်ခြင်းကို ပုံဆောင်ပါသည်။
သို့သော် အခြေအနေ ပြောင်းလဲသွားပါသည်။ ဥစ္စာကြွယ်၀ပြီး ဇိမ်ခံခြင်းရှိလာသည်။
အခြားပြောင်းလဲမှုများက လိုက်လာ၏။ သူသည် မိန်းမဆန်လာပြီး၊ အပျော် အပါးလိုက်စားလာ၏။
ခြင်္သေ့စရိုက် ပျောက်ကွယ်သွား၏။ ဘေလရှာဇာ မင်းကြီးလက်ထက်ရောက်လာသောအခါ
နိုင်ငံတော်သည် မေးဒီးယားနှင့် ပါး ရှားတို့၏ သားကောင်အဖြစ်သို့ ရောက်သွားပါသည်။
၂။ ဝံသည် မေးဒီးယားပါးရှား၊ (ဘီစီ ၅၃၉-၃၁၁)
ဖြစ်ပါသည်။ ဒံယေလ ၇း၅ “ဒုတိယသားရဲသည် ဝံနှင့် တူ၏။ တဘက်၌ကိုယ့်ကိုယ်ကို ချီကြွ၏။
ပါးစပ်၌ နံရိုးသုံးချောင်းကို ကိုက်လျက်ရှိ၏။ သင်ထလော့၊ အသား များကို
ကိုက်စားလော့ဟု သူ့အားပြောကြ၏။”
မှတ်ချက်။ မေးဒီးယားပါးရှားသည်
မိမိအာဏာတန်ခိုးကြီးလာရန် ပါးစပ်၌ ကိုက်ထားသော နံရိုးသုံးချောင်းကို ပုံဆောင်သည့်
ဘေဘီလုံ၊ လီးဒီး ယား၊ အီဂျစ်နိုင်ငံတို့ကို တိုက်ခိုက်အောင်မြင်ခဲ့ပါသည်။
မေးဒီးယားနှင့်ပါးရှား တို့၏နိုင်ငံသည် နိုင်ငံနှစ်ခုပေါင်းသော အစိုးရဖြစ်ပါသည်။
နှောင်းခေတ် ဩစတြေးယားနှင့် ဟန်ဂေရီ နိုင်ငံတို့ကဲ့သို့ဖြစ်ပါသည်။
၃။ အတောင်လေးခုရှိသောကျားသစ်သည်
ဂရိ (ဘီစီ ၃၁၁-၁၆၈)
နိုင်ငံဖြစ်ပါသည်။
ဒံယေလ ၇း၆၊ “တဖန် ငါကြည့်ရှုပြန်၍၊
ကျားသစ်နှင့်တူသောသားရဲ တကောင်သည် ထင်ရှား၏။ ကျောပေါ်မှာ ငှက်အတောင်လေးခုရှိ၏။
ခေါင်း လေးလုံး လည်းရှိ၏။ အုပ်စိုးရသောအခွင့်လည်းရ၏။”
မှတ်ချက်။ အတောင်များသည် ကြီးမြတ်သော
အာလက်စန္ဒါး၏ အရှိန် အဟုန်နှင့် အောင်မြင်မှုကို ဖော်ပြခြင်း ဖြစ်ပါသည်။
အာရှမိုင်းနားမှ အိန္ဒိယ နိုင်ငံအထိ ခေတ်ဟောင်းကမ္ဘာကြီးကို နှစ်အနည်းငယ်အတွင်း
အောင်မြင်ခဲ့ပါ သည်။ လွန်ကျူးစွာ သောက်စားသောကြောင့် သက်တော် ၃၂ နှစ်တွင် ဘေဘီ
လုံမြို့၌ ကွယ်လွန်သွားခဲ့ပါသည်။ သူ၏ရာဇပလ္လင်ကို စောင့်ထိန်းနိုင်မည့်
သားတစ်ယောက်မှမရှိပါ။ ကျားသစ်၏ခေါင်းလေးလုံးဖြင့်ပုံဆောင်ထားသည့် သူ၏လက်အောက်
ဗိုလ်ချုပ်ကြီး လေးဦးသည် နိုင်ငံတော်ကို ခွဲဝေကြပါသည်။ ကာဆန်းဒါးသည် အနောက်ပိုင်း
ဂရိနယ်နှင့် မာဆေဒိုးနီးယားနယ်ကို အုပ်စိုး သည်။ လိုင်စီမားကပ်စ်သည် ထရာဆေနယ်၊
ဟေလက်စပွန့်ရှိအာရှနယ်နှင့် မြောက်ဘက်ရှိဘောစဖိုးရပ်စ်နယ်ကို အုပ်စိုးသည်။
ပတိုလေမီသည် အီဂျမ် နယ်၊ လီဒီးယားနယ်၊ အာရဗျနယ်၊ ပါလက်စတင်းနယ်နှင့်
တောင်ပိုင်းနယ်ကို အုပ်စိုးပြီး၊ ဆေလေကာစ်သည် ဆီးရီးယားနယ်နှင့် အရှေ့ပိုင်း
နယ်တစ်ခွင်လုံး
ကို အုပ်စိုးပါသည်။ ဘီစီ ၃၀၈ ခုနှစ်တွင်
ဤသို့ခွဲဝေ အုပ်စိုးခြင်း ဖြစ်ပါသည်။
၄။ နာမည်မပေါ်သော သားရဲသည် ရောမ(ဘီစီ ၁၆၈-အေဒီ
၄၇၆) ဖြစ်ပါသည်။
ဒံယေလ ၇း၇၊ “ထိုညဉ့်အခါ၊ တဖန်ငါသည်
အာရုံပြုစဉ်၊ ကြီးစွာသော ခွန်အားနှင့်ပြည့်စုံ၍ အလွန်ကြောက်မက်ဖွယ်သော
စတုတ္ထသားရဲသည် ထင်ရှား၏။ ကြီးစွာသောသံသွားလည်းရှိ၏။
ကိုက်စားချိုးဖဲ့၍ကြွင်းသောအရာ ကိုခြေဖြင့် နင်းချေ၏။ သူသည်
အရင်သားရဲရှိသမျှတို့ထက် ထူးခြား၏။ ချိုဆယ်ချောင်းလည်း ရှိ၏။”
မှတ်ချက်။ ပြိုကွဲသွားသော ရောမနိုင်ငံမှ
ထွက်ပေါ်လာသော ဆယ် နိုင်ငံကို ချိုဆယ်ချောင်းဖြင့် ပုံဖော်ထားပါသည် (ဒံယေလ ရး၂၄)
(ရုပ်တုကြီး ရူပါရုံကိုလည်း ပြန်ကြည့်ပါ)။
ချိုဆယ်ချောင်းနှင့် ချိုငယ်တစ်ချောင်း
ဒံယေလ ၇း၈၊ “ထိုချိုတို့ကို ငါကြည့်ရှုစဉ်၊
ချိုများအလယ်၌ ချိုငယ် တစ်ချောင်းသည် ပေါက်ပြန်၏။ ထိုချိုငယ်ရှေ့မှာ
အရင်ချိုသုံးချောင်းကို အမြစ်နှင့်တကွ နှုတ်လေ၏။ ထိုချိုငယ်သည် လူမျက်စိကဲ့သို့သော
မျက်စိနှင့် ၎င်း၊ ကြီးစွာသော စကားကို ပြောတတ်သောနှုတ်နှင့်၎င်း ပြည့်စုံ၏။”
အခန်းငယ် ၂၀-၂၂၊ “သူ၏ခေါင်း၌ရှိသော
ချိုဆယ်ချောင်းကား၊ အဘယ်သို့ ဆိုလိုသည်ကို၎င်း၊ နောက်ပေါက်၍အရင်ချို
သုံးချောင်းကိုနှုတ်၍၊ ကြီးစွာသော စကားကို ပြောတတ်သော နှုတ်နှင့်မျက်စိရှိသဖြင့်၊
မိမိအဖေါ် တို့ထက်သာ၍ ရဲရင့်သောမျက်နှာ အဆင်းရှိသောချိုတချောင်းကား၊ အဘယ် သို့
ဆိုလိုသည်ကို၎င်း သိခြင်းငှာ ငါအလိုရှိ၏။ ငါကြည့်ရှုစဉ်တွင် အသက်ကြီး သောသူသည်
ရောက်လာလျှင် အမြင့်ဆုံးသောဘုရားသခင်၏ သန့်ရှင်းသူတို့ အား စီရင်ရသော
အခွင့်ကိုပေး၍ ထိုသူတို့သည် နိုင်ငံကို သိမ်းယူဝင်စားသော
အချိန်ရောက်သည်တိုင်အောင်၊ ထိုချိုသည်သန့်ရှင်းသူတို့ကို စစ်တိုက်၍ နိုင် လေ၏။”
မှတ်ချက်။ အနောက်ဘက်ရောမအင်ပါယာ
ပြိုကွဲသွားသောအခါ ဘာသာရေးရောမသည် လောကီရောမ၏ နေရာတွင်ဝင်လာကာ၊ မြို့ပြ
အုပ်ချုပ်ရေးနှင့် နိုင်ငံရေးအာဏာကို ယူလိုက်လေသည်။ ၎င်းသည် ဆယ်ပိုင်း ကွဲသော
ရောမနိုင်ငံများမှ ပေါ်ပေါက်လာလျက် အာရိယန်ခရစ်ယာန်ဝါဒကို လိုက်လျှောက်သောနိုင်ငံသုံးခုကို
ဖျက်ဆီးကာ၊ ပုပ်ရဟန်းမင်း၏အုပ်ချုပ်မှု စနစ်ကို ဆန့်ကျင်ခဲ့ပါသည်။ ဆယ်နိုင်ငံထဲမှ
၎င်းသုံးနိုင်ငံဖြစ်သော ဟေရုလီ သည် အေဒီ ၄၉၃ ခုနှစ်တွင်လည်းကောင်း ဗန်ဒါလ်းသည် ၅၃၄
ခုနှစ်တွင် လည်းကောင်း၊ ဩစတြောဂေါသ်သည် ၅၃၈ ခုနှစ်တွင်လည်းကောင်း
ချိုးနှိမ်ခြင်းခံခဲ့ရပါသည်။
ထင်ရှားသောအမှတ်အသားလေးခု
ဒံယေလ ၇း၂၄-၂၆၊
“ထိုနိုင်ငံ၌ပေါက်သောချိုဆယ်ချောင်းသည် ပေါ်လတ္တံ့သောမင်းကြီးဆယ်ပါးဖြစ်၏။
သူတို့နောက် အခြားသောမင်းကြီးပေါ် လာလိမ့်မည်၊ အရင်မင်းကြီးထက်ထူးခြား၍
သုံးပါးတို့ကို နှိမ့်ချလိမ့်မည်။ အမြင့်ဆုံးသော ဘုရားသခင်ကို ဆန့်ကျင်ဘက်ပြု၍၊
ကြီးစွာသော စကားကို ပြောလိမ့်မည်။ အမြင့်ဆုံးသော ဘုရားသခင်၏ သန့်ရှင်းသူတို့ကို
ညှဉ်းဆဲနှိပ် စက်လိမ့်မည်။ ကာလအချိန်နှင့် ပညတ်တရားတို့ကို ပြောင်းလဲစေခြင်းငှာ
ကြံစည်လိမ့်မည်။ တကာလ၊ နှစ်ကာလ ကာလတဝက်ပတ်လုံးသူသည် အခွင့် ရလိမ့်မည်။
ထိုနောက်မှတရားစီရင်ခြင်း ဖြစ်လိမ့်မည်။ ထိုအခါသူ၏ တန်ခိုး အာဏာကိုနှုတ်၍
ရှင်းရှင်းဖျက်ဆီးကြလိမ့်မည်”
၁။
“ကြီးစွာသောစကားပြောလိမ့်မည်။” “အဘ-Fအေ့နမ” ဟူသော
ဘွဲ့နာမကို ဘာသားရေးလောကတွင် အသုံးပြုသည်။ ၎င်းပင်လျှင် သမ္မာ ကျမ်းစာနှင့်
ဆန့်ကျင်ဘက်ဖြစ်သည်ဟု အများကယူဆထားကြသည်။
မဿဲ ၂၃း၉၊ “မြေကြီးပေါ်မှာအဘယ်သူကိုမျှ အဘဟူ၍
မခေါ်ဝေါ် ကြနှင့်။ ကောင်းကင်ဘုံ၌ သင်တို့ အဘတပါးတည်း ရှိတော်မူ၏။”
အခြားသောဘွဲ့ နာမများကိုလည်း
လူများဆန့်ကျင်ကြပါသည်။ ဥပမာ၊ “ကိုယ်တော်သည် သိုးထိန်းဖြစ်၏။ ကိုယ်တော်သည်
သမားတော်ကြီးဖြစ်၏။ သွန်သင်သူလည်းဖြစ်၏။ အုပ်ချုပ်ရေးမှူးလည်းဖြစ်၏။ မြေကြီးပေါ်၌
အခြား တပါးသောဘုရားလည်းဖြစ်၏” ပဉ္စမလက်တရန်ကောင်စီ၊ စတုတ္ထအစည်း အဝေးမှ ခရစ္စတိုဖာမာဆေလပ်စ်၏
မိန့်ခွန်းမှ ကောက်နုတ်ချက်၊ လပ္ပီးနှင့် ကောဆပ်တို့ ပြုစုသော History
of the Councils, 1672, Vol. 15 Col. 109.
ကျွန်ုပ်တို့ပြောဆိုသင့်သောစကားမှာ
၁ သက်သာလောနိတ် ၂း၄၊ “ဧဝံဂေလိတရားကို စောင့်ထိုက်သောသူဟုငါတို့ကို
ဘုရားသခင်လက်ခံတော် မူသည်နှင့်အညီ လူကိုနှစ်သက်စေသကဲ့သို့မဟုတ်၊
ငါတို့စိတ်နှလုံးကို စစ်ကြော စုံစမ်းတော်မူသော ဘုရားသခင်ကို နှစ်သက်တော်မူသကဲ့သို့
ဟောပြောကြ ၏။”
၂။ “အမြင့်ဆုံးသောဘုရားသခင်
၏သန့်ရှင်းသူတို့ကို ညှဉ်းဆဲနှိပ်စက် လိမ့်မည်။” နှစ်ပေါင်းများစွာ ဘာသာရေးဆိုင်ရာ
ညှဉ်းပန်းနှိပ်စက်ခြင်း ရှိခဲ့ပါသည်။ ဘာသာရေးနှင့် နိုင်ငံရေးပူးပေါင်းနိုင်ရန်
ဘာသာရေးအခြေခံ တရားများအတွက် ညှဉ်းဆဲနှိပ်စက်ခြင်း ရှိခဲ့ပါသည်။ စုံစမ်းစစ်ကြောရေးအဖွဲ့
၏ အတွင်းရေးမှူး ဖြစ်ခဲ့သော လောရင်းတေး (Llorente)၏ ပြောဆိုချက်အရ စပိန်နိုင်ငံတွင် လူပေါင်း ၃၁၉၁၂
ဦးမီးရှို့သဟ်သေခြင်းခံခဲ့ရပါသည်။ - The History of the
Inquisition in Spain, p. 206.
“အသင်းတော်သည် ညှဉ်းပန်းနှိပ်စက်၏။
အသင်းတော်သမိုင်းကိုစ၍ သင်ယူသောသူကသာလျှင် ၎င်းကိုငြင်းဆိုလိမ့်မည်။
ကွန်စတန်တင်းဘုရင်၏ နောက်ပိုင်းနှစ်ပေါင်း ၁၅၀ အတွင်း Dသညအေငျအျ (Donatists (Bishop Donatus နောက် လိုက်များ) တို့ကို ညှဉ်းပန်းနှိပ်စက်ကာ၊ တစ်ခါတစ်လေ
သတ်ဖြတ်ခဲ့ပါ သည်။ အသင်းတော် အာဏာပိုင်များ၏
အပြည့်အဝထောက်ခံချက် ဖြင့် ပြင်သစ်နှင့် စပိန်နိုင်ငံတို့တွင်
ပရိုတက်စတန့်တို့ကို ညှဉ်းပန်းနှိပ်စက်ခဲ့ပါသည်။ ပြင်သစ် နိုင်ငံ တွင် ဘာသာရေး ခွဲထွက်သူများအား ညှဉ်းပန်းနှိပ်စက်ခြင်းနှင့်
စပိန် လူမျိုးစစ်ကြော ရေးအဖွဲ့၏
စစ်ကြောခြင်းများကိုလည်း ကျွန်ုပ်တို့ကာကွယ် စောင့်ရှောက်ခဲ့ပါ သည်။ ဘယ်နေရာ၊ ဘယ်အချိန်မဆို ကာသိုလိပ်ဝါဒ၌ သစ္စာ ရှိသော
သူရှိသမျှ သည်၊ အမှားနှင့်အမှန်၊ ကာသိုလိပ်ဝါဒနှင့်
မှားယွင်းသော ဝါဒစပ်ကြား၌ ရှင်းလင်း ပြတ်သား
ခြားနားရပ်တည်ရပါမည်။ အသင်းတော် သည် အင်အားအသုံးပြုသင့် သော နေရာ အသုံးပြုရပါမည်။”- The
Western Watchman (Roman Catholic), St. Louis Dec. 24, 1908.
၃။ “ကာလအချိန်နှင့်
ပညတ်တရားတို့ကိုပြောင်းလဲစေခြင်းငှာ ကြံစည် လိမ့်မည်။” မေးဖြေစာအုပ် (Catechism) နှင့်အခြားပုံနှိပ်စာအုပ်များတွင်
လွတ်လပ်စွာတင်ပြထားပါသည်။ ဒုတိယပညတ်တော်ကို ချေဖျက်ထားပြီး၊ ဆယ်ပါးပြန်ပြည့်ရန်
ဒဿမပညတ်ကို နှစ်ပိုင်းခွဲလိုက်ပါသည်။ ဥပုသ်နေ့ကို လည်း သတ္တမ (စနေ)နေ့မှ ပထမ
(တနင်္ဂနွေ)နေ့သို့ပြောင်းလဲလိုက်ပါသည်။
ကိုးကားချက်
မေး။ ။“ပွဲလမ်းသဘင်နှင့်စပ်ဆိုင်သော
ပညတ်များကို အသင်းတော် အနေဖြင့်ထုတ်ပြန်နိုင်သော အာဏာရှိကြောင်း သင်သည်
ထောက်ပြနိုင်ပါ သလား။
ဖြေ။ ။“အသင်းတော်သည် ထိုသို့သော အာဏာမရှိပါက၊
ခေတ်သစ် ဘာသာရေးသမားများ သဘောတူသောအရာကို ထုတ်ပြန်နိုင်မည်မဟုတ်ပါ၊
သတ္တမနေ့ဖြစ်သော စနေနေ့စောင့်ရှောက်ခြင်းမှ တစ်သီတင်းတွင် ပထမနေ့ ဖြစ်သော
တနင်္ဂနွေနေ့ စောင့်ရှောက်ခြင်းသို့ အစားထိုးနိုင်မည်မဟုတ်ပါ။ အကြောင်းမှာ သမ္မာကျမ်းစာ၏ခွင့်ပြုချက်မရှိသောကြောင့်ဖြစ်ပါသည်။”
-
A Doctrinal Cat echism, by Rev. Stephen Keenan, p. 174.
၄။ “တကာလ၊ နှစ်ကာလ၊ ကာလတဝက်ပတ်လုံး” ချိုငယ်သည်
အာဏာတန်ခိုးရှိမည်ဖြစ်သည် (ဒံယေလ ၇း၂၅ အဆုံးပိုင်း)။ “တကာလ၊ နှစ်ကာလ၊ ကာလတဝက်”
နှင့်ထပ်တူဖြစ်သော အချိန်ကာလကို ဗျာဒိတ် ၁၂း၁၄ ၌လည်းကောင်း “အရက်
တထောင့်နှစ်ရာခြောက်ဆယ်” ဟူ၍ ဗျာဒိတ် ၁၂း၆ ၌လည်းကောင်း ဖော်ပြထားပါသည်။
ပုံဆောင်သောအနာဂတ်စကားများ၌တစ်ရက်သည်
တစ်နှစ်ဖြစ်၏။
တောလည်ရာ ၁၄း၃၄၊ “ထိုပြည်ကို
စူးစမ်းရာနေ့ရက်ပေါင်း အရက် လေးဆယ်နှင့်အညီ၊ တရက်ကို တနှစ်ထား၍၊
အနှစ်လေးဆယ်ပတ်လုံး ကိုယ် အပြစ်ကို ဆောင်လျက်၊ ငါစွန့်ပစ်ခြင်းကို သိရကြလိမ့်မည်။”
ယေဇကျေလ ၄း၆၊ “ထိုနေ့ရက်စေ့ပြီးမှ၊
တဖန်လင်္ကျာနံစောင်းဖြင့် အိပ်၍၊ အရက်လေးဆယ်ပတ်လုံး ယုဒအမျိုး၏အပြစ်ကို ခံဦးလော့။
နှစ်အစား ၌ ရက်ကိုငါထားပြီ။”
မှတ်ချက်။ အနာဂတ်ဆိုင်ရာပြက္ခဒိန်၌ တစ်နှစ်သည်
ရက်ပေါင်း ၃၆၀၊ သို့မဟုတ် ရက်ပေါင်း ၃၀ စီရှိသော တစ်ဆယ့်နှစ်လကို သက္ကရာဇ်ရေတွက်ရာ
၌ အသုံးပြုပါသည်။ ထို့အတွက်ကြောင့် ဤအာဏာတန်ခိုးပိုင်ရှင်သည် ရက် ပေါင်း ၁၂၆၀
စိုးစံမည်ဖြစ်ပါသည်။ တစ်ရက်သည် တစ်နှစ်ဖြစ်သည့် အားလျော်ညီစွာ၊ နန်းပြိုင်ဖြစ်သော
“ချို” သုံးချောင်းကို နောက်ဆုံး နှုတ်ပစ် နိုင်သည့် အေဒီ ၅၃၈ ခုနှစ်မှ ၁၇၆၈
ခုနှစ်အထိ နှစ်ပေါင်း ၁၂၆၀ ကြာမည် ဖြစ်ပါသည်။ အေဒီ ၁၇၉၈ ခုနှစ်တွင်
ပြင်သစ်စစ်သူကြီး နပိုလျံ၏ ဗိုလ်ချုပ်တစ်ပါးဖြစ်သော ဘာသီးယား (Berthier) သည် အထက်အမိန့်အရ၊ ရောမမြို့တော်သို့
ပြင်သစ်တပ်မတစ်တပ်နှင့် ချီတက်ကာ၊ ရောမမြို့ရှိ ဘုန်းတော်ကြီး ပုပ်ရဟန်းမင်း
ဆဌမမြောက် ပီယူးစ်ကို ပြင်သစ်နိုင်ငံသို့ ဖမ်းဆီးခေါ်ဆောင်သွားရာမှ၊
ပုပ်ရဟန်းမင်းကွယ်လွန်သွားခဲ့ပါသည်။ ထိုအခါ ပုပ်ရဟန်းမင်းကြီး၏သက်ဦးဆံပိုင်အာဏာ ပျက်ပြယ်သွားကာ၊
ပြည်သူ့ ကိုယ် စားလှယ်နှင့် အုပ်ချုပ်သည့်စနစ်ကို ရောမနိုင်ငံ၌ တည်ထောင် လိုက်လေ
သည်။
သန့်ရှင်းသူတို့၏နောက်ဆုံးအောင်မြင်ခြင်း
ဤအောင်မြင်ခြင်းသည်
ခရစ်တော်၏ဘုန်းတော်နိုင်ငံတော်တည်ထောင်ခြင်း ဖြစ်ပါသည်။ ဒံယေလ ၇း၂၆၊ ၂၇၊
“ထိုနောက်မှ တရားစီရင်ခြင်းဖြစ်လိမ့်မည်။ ထိုအခါ သူ၏ထန်ခိုးအာဏာကိုနှုတ်၍
ရှင်းရှင်းဖျက်ဆီးကြလိမ့်မည်။ ကောင်း ကင် အောက်၌ နိုင်ငံနှင့်
တကွအာဏာစက်ဘုန်းတန်ခိုးရှိသမျှကို အမြင့်ဆုံး သော ဘုရား၏ သန့်ရှင်းသော
လူတို့သည်ရကြလိမ့်မည်။ ထိုဘုရားသခင်၏ နိုင်ငံတော်သည် ထာ၀ရနိုင်ငံဖြစ်၏။
မင်းကြီးအပေါင်းတို့သည် တိုးဝင်၍ ကျွန်ခံရကြလိမ့်မည်။”
အခန်းကြီး - ၁၄
၁၄။ ခရစ်တော်ဒုတိယအကြိမ်ကြွလာခြင်း
THE
SECOND COMING OF CHRIST
ကယ်တင်ရှင်သည် မိမိပြန်လည်ကြွလာဖို့
ကတိတော်ပေးထားပါ သလား။
ယောဟန် ၁၄း၁-၃၊ “တဖန်တုံယေရှုက၊
သင်တို့စိတ်နှလုံးပူပန်ခြင်း မရှိစေနှင့်၊ ဘုရားသခင်ကို ယုံကြည်ကြလော့။ ငါ့ကိုလည်း
ယုံကြည်ကြလော့။ ငါ့အဘ၏ အိမ်တော်၌ နေစရာအခန်းအများရှိ၏။ သို့မဟုတ်လျှင်မဟုတ်
ကြောင်းကို သင်တို့အား ငါမပြောဘဲမနေ။ သင်တို့နေစရာအရပ်ကို ပြင်ဆင် ခြင်းငှာ
ငါသွားရ၏။ ငါသည်သွား၍ သင်တို နေစရာအရပ်ကို ပြင်ဆင်ပြီးမှ တဖန်လာပြန်၍၊
ငါရှိရာအရပ်၌ သင်တို့ရှိစေခြင်းငှာ သင်တို့ကို ငါ့ထံသို့ သိမ်းဆည်းမည်။”
မဿဲ ၂၄း၃၀၊ “ထိုအခါ လူသား၏နိမိတ်လက္ခဏာသည်
ကောင်းကင် ၌ထင်ရှားလိမ့်မည်။ မြေကြီးပေါ်မှာ လူအပေါင်းတို့သည် ငိုကြွေးမြည်တမ်းကြ
၍ လူသားသည် ကြီးစွာသော ဘုန်းတန်ခိုးအာနုဘော်ကို ဆောင်လျက်၊ မိုးတိမ်ကိုစီး၍
ကြွလာတော်မူသည်ကို မြင်ရကြလိမ့်မည်။” (လုကာ ၂၁း၂၇-၃၁။ ဗျာဒိတ် ၂၂၇၊ ၁၂၊ ၂၀)။
တမန်တော်တို့သည် ဤကမ္ဘာသို့
သခင်ယေရှုပြန်လည်ကြွလာတော်မူ မည်ဟု ယုံကြည်ကြပါသည်။
၁။ တမန်တော်ပေါလုအဆို ၁ သက်သာလောနိတ် ၄း၁၆၊
“သခင် ဘုရားသည် ကြွေးကြော်ခြင်း၊ ကောင်းကင်တမန် မင်း အသံပေးခြင်း၊ ဘုရား
သခင်၏တံပိုးတော်ကို မှုတ်ခြင်းနှင့်တကွ၊ ကောင်းကင်ဘုံမှ ကိုယ်တိုင်ဆင်း
သက်တော်မူ၍၊ ခရစ်တော်၌ သေလွန်သောသူတို့သည် အဦးထမြောက်ကြလိမ့် မည်။”
၂။ ပေတရုအဆို၊ တမန်တော် ၃း၁၉-၂၁၊ “ထို့ကြောင့်
ထာ၀ရဘုရား ထံတော်မှ ချမ်းအေးသောအချိန်ကာလသည် ရောက်လာ၍၊ သင်တို့အဖို့ အလို့ငှာ
ခန့်ထားတော်မူနှင့်သော ယေရှုခရစ်တော်ကို စေလွှတ်တော်မူမည် အကြောင်း၊
သင်တို့အပြစ်များကို ပြေစေခြင်းငှာ၊ နောင်တရ၍ စိတ်ပြောင်းလဲ ခြင်းသို့ ရောက်ကြလော့။
ကမ္ဘာဦးမှစ၍ သန့်ရှင်းသောပရောဖက်ဆရာတော် တို့ နှုတ်ဖြင့်
ဘုရားသခင်ဗျာဒိတ်ထားတော်မူသော ထိုကပ်ကာလ၊ အလုံးစုံ သောအရာတို့ကို
အသစ်ပြုပြင်တော်မူသော ကပ်ကာလမရောက်မီ တိုင် အောင် ကောင်းကင်ဘုံသည် ထိုခရစ်တော်ကို
ခံယူသိမ်းဆည်းရမည်။”
၃။ တမန်တော်ယောဟန်အဆို၊ ဗျာဒိတ် ၁း၇၊
“ကြည့်ရှုလော့၊ မိုးတိမ် နှင့် တကွကြွလာတော်မူသည်ဖြစ်၍၊ ကိုယ်တော်ကို
ထိုးဖောက်သောသူတို့နှင့် ရှိသမျှသော သူတို့သည် ကိုယ်တော်ကို ရှုမြင်ရကြလိမ့်မည်။
မြေကြီးသား အမျိုးမျိုးရှိ သမျှတို့သည် ကိုယ်တော်ကြောင့် ငိုကြွေးမြည်တမ်းရကြလိမ့်မည်။”
၄။ သခင်ယေရှု၏ညီ ယာကုပ်အဆို၊ ယာကုပ် ၅း၇၊ ၈၊
“ထို့ကြောင့်၊ ညီအစ်ကိုတို့၊ သခင်ဘုရားကြွလာတော်မူသည်တိုင်အောင် အဖိုးထိုက်သော မြေ
အသီးကို သည်းခံလျက်စောင့်နေ၍မြော်လင့်တတ်၏။ သင်တို့သည်လည်း သည်းခံလျက်
စောင့်နေကြလော့ သခင်ဘုရားကြွလာတော်မူသော အချိန် ရောက်လုနီးပြီ။”
ကယ်တင်ရှင်ဒုတိယအကြိမ်
ကြွလာတော်မူမည်ဖြစ်ကြောင်း သန့်ရှင်း သော ကောင်းကင်တမန်များကြွေးကြော်ခဲ့ပါသည်။
တမန်တော် ၁း၉-၁၁၊ တမန်တော်တို့သည်
ကြည့်ရှုလျက်နေကြစဉ်၊ သခင်ဘုရားသည်အထက်သို့ ဆောင်ယူခြင်းကို ခံတော်မူ၍၊
မိုးတိမ်သည် ကိုယ်တော်ကို မျက်ကွယ်အောင်ခံယူလေ၏။ ထိုသို့ကြွတော်မူသည်ကို တမန်
တော်တို့သည် ကောင်းကင်သို့ စေ့စေ့ကြည့်မျှော်လျက်နေကြစဉ်တွင်၊ လူနှစ် ယောက်တို့သည်
ဖြူစင်သော အဝတ်ကိုဝတ်ဆင်လျက် တမန်တော်တို့ အနားမှာ ပေါ်လာ၍၊ အိုဂါလိလဲလူတို့၊
အဘယ်ကြောင့်ကောင်းကင်သို့ ကြည့်မျှော်လျက်နေကြသနည်း။ သင်တို့နှင့်ခွာ၍
ကောင်းကင်သို့ ဆောင်ယူ ခြင်းကို ခံတော်မူသောထိုယေရှုသည် သင်တို့မျက်မှောက်၌
ကောင်းကင်သို့ ကြွသွားတော်မူသည်နည်းတူ တဖန်ကြွလာတော် မူလတံ့ဟု ပြောဆို၏။”
ခရစ်တော်ကြွလာတော်မူခြင်းမဟုတ်
၁။ အသစ်မွေးဖွားချိန်၊ ပြောင်းလဲချိန်သည်
ခရစ်တော်ကြွလာခြင်း မဟုတ်ပါ။ အသစ်မွေးဖွားချိန်သည် ခရစ်တော်ထံသို့ အပြစ်သားလာရောက်
ချိန်ဖြစ်ပါသည်။ ဒုတိယကြွလာခြင်းသည် သန့်ရှင်းသူများထံသို့ ခရစ်တော်လာ
ရောက်ခြင်းဖြစ်ပါသည်။ မဿဲ ၁၁း၂၈ “ဝန်လေး၍ ပင်ပန်းသောသူအပေါင်း တို့၊ ငါ့ထံသို့လာကြလော့။
ငါသည်ချမ်းသာပေးမည်။” ခရစ်တော်ထံသို့ အပြစ် သား လာရောက်ခြင်းဖြစ်သည်။
ယေရှာယ ၁း၁၈၊ “ထာ၀ရဘုရားမိန့်တော်မူသည်ကား၊
လာကြ။ တရား စီရင်ကြကုန်အံ့။ သင်တို့အပြစ်သည် နီသောအဆင်းရှိသော်လည်း၊
မိုးပွင့်ကဲ့သို့
ဖြူလိမ့်မည်။ ကတ္တီပါနီနှင့်အမျှ နီသော်လည်း
သိုးမွေးကဲ့သို့ ဖြစ်လိမ့်မည်။”
ဤကျမ်းချက်နှစ်ချက်သည် ခရစ်တော်ထံသို့ အပြစ်သား
လာရောက် ခြင်း အကြောင်းကို ဖော်ပြပါသည်။ ဒုတိယအကြိမ် ကြွလာခြင်းနှင့်စပ်လျဉ်း၍
သခင်ယေရှုက (ယောဟန် ၁၄း၂၊၃)၊ “သင်တို့နေစရာအရပ်ကို ပြင်ဆင်ပြီးမှ တဖန်လာပြန်၍
ငါရှိရာအရပ်၌ သင်တို့ရှိစေခြင်းငှာ သင်တို့ကိုငါ့ထံသို့ သိမ်းဆည်းမည်”ဟု
မိန့်တော်မူပါသည်။
၂။ သေခြင်းသည် ခရစ်တော်ကြွလာခြင်းမဟုတ်။
၎င်းနှင့် ဆန့်ကျင် ဘက် ဖြစ်ပါသည်။ ခရစ်တော်ကြွလာသောအခါ အသက်ရှင်ထမြောက်ခြင်း
ရှိမည်ဖြစ်သည်၊
၁ ကောရိန်သု ၁၅း၅၁-၅၄၊ “နက်နဲသောအရာတခုကို
ငါပြဦးမည် ငါတို့ရှိသမျှသည် အိပ်ပျော်ရကြမည်မဟုတ်။ သို့သော်လည်း၊ နောက်ဆုံးသော
တံပိုးမှုတ်သောအခါ တခဏခြင်းတွင် မျက်စိတမှိတ်၌ ငါတို့ရှိသမျှသည်
ပြောင်းလဲခြင်းသို့ ရောက်ရကြမည်။ ထိုတံပိုးမှုတ်ချိန်ရောက်သောအခါ၊ ဗသ လွန်သော သူတို့သည်
မပုပ်နိုင်သော အဖြစ်၌တည်လျက် ထမြောက်၍၊ ငါတို့ ရှိသမျှသည် ပြောင်းလဲခြင်းသို့
ရောက်ရကြမည်။ ယခုမျက်မှောက်ပုပ်တတ် သော အရာသည် မပုပ်နိုင်သော အဖြစ်သို့
ဝင်စားရမည်။ ယခုမျက်မှောက် သေတတ်သော အရာသည် မသေနိုင်သော အဖြစ်သို့ ဝင်စားရမည်။ ဤ
ပုပ်တတ်သော အရာသည် မပုပ်နိုင်သော အဖြစ်သို့၎င်း၊ ဤသေတတ်သော အရာသည် မသေနိုင်သော
အဖြစ်သို့၎င်း၊ ဝင်စားသောအခါ၊ သေခြင်းသည် အောင်ခြင်း၌ နစ်မြုပ်ပြီဟု
ကျမ်းစာ၌လာချက်သည် ပြည့်စုံလိမ့်မည်။
ပထမအသက်ရှင်ထမြောက်ခြင်းသည်
ခရစ်တော်ဒုတိယအကြိမ်ကြွ လာသောအခါ ဖြစ်လိမ့်မည်။
၁ သက်သာလောနိတ် ၄း၁၆၊ ၁၇၊ “သခင်ဘုရားသည်
ကြွေးကြော်ခြင်း ကောင်းကင်တမန်မင်းအသံပေးခြင်း၊ ဘုရားသခင်၏
တံပိုးမှုတ်ခြင်းနှင့်တကွ ကောင်းကင်ဘုံမှ ကိုယ်တိုင်ဆင်းသက်တော်မူ၍၊ ခရစ်တော်၌
သေလွန်သော သူတို့သည် အဦးထမြောက် ကြလိမ့်မည်။ ထိုအခါ အသက်ရှင်၍ ကျန်ကြွင်း သော
ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေ ခြင်းငှာ၊
ထိုသူတို့နှင့်တကွ မိုးတိမ်ပေါ်သို့ ချီဆောင်ခြင်းကို ခံရသောအားဖြင့်
သခင်ဘုရားနှင့် အတူ အစဉ်မပြတ် နေရကြလိမ့်မည်။”
၃။ ပင်တေကုတ္တေပွဲနေ့သည်
ခရစ်တော်ကြွလာခြင်းမဟုတ်။
ယောဟန် ၁၄း၁၆၊ ၁၇၊ “ငါသည်ခမည်းတော်ကို တောင်း၍၊
ခမည်း တော်သည် သမ္မာတရားကို ပြသော ဝိညာဉ်တော်တည်းဟူသော တပါးသော ဥပဇ္ဈာယ်ဆရာကို
သင်တို့နှင့်အတူ အစဉ်မပြတ်တည်နေစေခြင်းငှာ သင်တို့ အား ပေးတော်မူမည်။
ထိုဝိညာဉ်တော်ကို လောကီသားတို့သည် မသိမမြင် သောကြောင့် မခံမယူနိုင်ကြ။
ထိုဝိညာဉ်တော်သည် သင်တို hနှင့်အတူ တည်နေ ၍၊
သင်တို့၌ရှိတော်မူသောကြောင့် သင်တို့သိရကြ၏။”
တမန်တော် ၁း၈၊ “သင်တို့အပေါ်သို့
သန့်ရှင်းသောဝိညာဉ်တော် ဆင်း သက်သောအခါ၊ သင်တို့သည် တန်ခိုးကိုခံရ၍
ယေရုရှလင်မြို့မှစသော ယုဒ ပြည်၊ ရှမာရိပြည်၊ မြေကြီးစွန်းတိုင်အောင် ငါ၏
သက်သေဖြစ်ကြလိမ့်မည်။” (၂း၁-၆)
မှတ်ချက်။ ပင်တေကုတ္တေပွဲနေ့ နောက်ပိုင်းတွင်
အကြိမ်ပေါင်း ၅၀ မက၊ ခရစ်တော်ဒုတိယအကြိမ် ကြွလာမည့် ကတိတော်ထပ်ခါတလဲလဲ တွေ့
ရပါသည်။
၄။ ယေရုရှလင်မြို့ပျက်စီးခြင်းသည်
ခရစ်တော်ကြွလာခြင်းမဟုတ်။ ဘုရားသခင်၏လူတို့ နေရာတကာပြန့်နှံ့ခြင်း ဖြစ်ပါသည်။
ဒုတိယအကြိမ်ကြွ လာခြင်းသည် ဘုရားသခင်၏လူတို့စုရုံးခြင်းဖြစ်ပါသည်။
၂ သက်သာလောနိတ် ၂း၁၊ “ညီအစ်ကိုတို့၊
ငါတို့သခင်ယေရှုခရစ် တော် ကြွလာတော်မူ၍၊ ငါတို့သည် အထံတော်၌ စည်းဝေးခြင်းအရာမှာ၊”
မဿဲ ၂၄း၃၁၊ “လူသားသည် မိမိတမန်တို့ကိုစေလွှတ်၍
တံပိုးခရာကို ပြင်းစွာမှုတ်စေတော်မူသဖြင့်၊ သူတို့သည် ရွေးချယ်တော်မူသော သူတို့ကို
အရပ်လေးမျက်နှာ၊ ကောင်းကင်အောက်ထက်ဝန်းကျင်တို့မှခေါ်၍ စုရုံးကြ လတံ့။”
မှတ်ချက်။
ခရစ်တော်ပြန်လည်ကြွလာမည့်ဂတိတော်အများ ပါရှိသော ဗျာဒိတ်ကျမ်းသည် ယေရုရှလင်မြို့
ဖျက်ဆီးခြင်းခံရပြီး နှစ်ပေါင်း ၂၀ ကျော် ကာလ၌ ရေးသားပြုစုသောကျမ်းဖြစ်ပါသည်။
၅။ ခရစ်ယာန်အယူဝါဒပြန့်နှံ့ခြင်းသည်
ခရစ်တော်ကြွလာခြင်း မဟုတ်။ ၎င်းသည် ရှေ့သို့တိုးတက်လှုပ်ရှားခြင်း ဖြစ်သည်။
ဒုတိယအကြိမ် ကြွလာခြင်းသည် အလွန်အံ့ဩဖွယ်ကောင်းသော အဖြစ်အပျက်ဖြစ်လိမ့်မည်။
၁ သက်သာလောနိတ် ၄း၁၆၊ “သခင်ဘုရားသည်
ကြွေးကြော်ခြင်း၊ ကောင်းကင်တမန်မင်းအသံပေးခြင်း၊ ဘုရားသခင်၏
တံပိုးတော်ကိုမှုတ်ခြင်း နှင့်တကွ၊ ကောင်းကင်ဘုံမှ ကိုယ်တိုင်ဆင်းသက်တော်မူ၍၊
ခရစ်တော်၌ သေလွန်သောသူတို့သည် အဦးထမြောက်ကြလိမ့်မည်။” (ဗျာဒိတ် ၁း၇။ ၆း၁၄-၁၇)။
ဓမ္မဟောင်းကျမ်း ပရောဖက်များကြိုတင်ဟောထား
နောက်ဆုံးနေ့ရက်များမှစ၍
ခရစ်တော်ကြွလာခြင်းနှင့်ဆက်နွှယ်သော အဖြစ်အပျက်များအကြောင်းကို ဓမ္မဟောင်းကျမ်း
ပရောဖက်များက ကြိုတင် ဟောထားပါသလား။
ယောဘ ၁၉း၂၅၊ “ငါ့ကို ရွေးနှုတ်သောသခင်သည်
အသက်ရှင်၍ နောင်ကာလ၌မြေကြီးပေါ်မှာပေါ်လာတော်မူမည်။”
ဆာလံ ၅ဝး၃၊ “ငါတို့၏ဘုရားသခင်ကြွလာတော်မူ၍၊
တိတ်ဆိတ်စွာ နေတော်မူမည်မဟုတ်။ ရှေ့တော်၌ မီးလောင်လျက်၊ ပတ်ဝန်းကျင်၌ မိုးသက်
မုန်တိုင်းပြင်းထန်လိမ့်မည်။”
ယုဒ ၁၄၊ ၁၅၊ “အာဒံမှဆင်းသက်၍ ခုနစ်ဆက်မြောက်သော
ဧနောက် က ထာ၀ရဘုရားသည် အတိုင်းမသိများစွာသော မိမိသန့်ရှင်းသူတို့နှင့်
ကြွလာတော်မူ၍ မတရားသောသူတို့သည် မတရားသဖြင့် ပြုသောအမှုရှိသမျှ တို့ကို၎င်း၊
မတရားသော လူဆိုးတို့သည် ကိုယ်တော်ကိုပြစ်မှားပြောဆိုသော ကြမ်းတမ်းသောစကား
ရှိသမျှတို့ကို၎င်း ဖော်ပြ၍၊ ခပ်သိမ်းသောသူတို့ကို တရားစီရင်တော်မူလိမ့်မည်ဟု
ဟောပြောလေ၏။”
ခရစ်တော်အမှန်တကယ်ကြွလာခြင်း
ခရစ်တော်ကြွလာခြင်းသည် ကိုယ်တော်တိုင်ဖြစ်၍
လူတိုင်းရှုမြင်သိရှိ နိုင်ပါမည်လား။
တမန်တော် ၁း၉-၁၁၊ “တမန်တော်တို့သည်
ကြည့်ရှုလျက်နေကြစဉ်၊ သခင်ဘုရားသည် အထက်သို့ဆောင်ယူခြင်းကို ခံတော်မူ၍၊
မိုးတိမ်သည် ကိုယ်တော်ကို မျက်ကွယ်အောင်ခံယူလေ၏။ ထိုသို့ ကြွတော်မူသည်ကို တမန်
တော်တို့သည် ကောင်းကင်သို့ စေ့စေ့ကြည့်မျှော်လျက်နေကြစဉ်တွင်၊ လူနှစ် ယောက်တို့သည်
ဖြူစင်သော အဝတ်ကိုဝတ်ဆင်လျက် တမန်တော်တို့အနား မှာ ပေါ်လာ၍၊ အိုဂါလိလဲ လူတို့
အဘယ်ကြောင့်ကောင်းကင်သို့ကြည့်မျှော် လျက် နေကြသနည်း။ သင်တို့နှင့်ခွါ၍
ကောင်းကင်သို့ ဆောင်ယူခြင်းကို ခံတော်မူသော ထိုယေရှုသည် သင်တို့မျက်မှောက်၌
ကောင်းကင်သို့ကြွသွား တော်မူသည် နည်းတူ၊ တဖန်ကြွလာတော်မူလတံ့ဟု ပြောဆို၏”
ဗျာဒိတ်ကျမ်း ၁း၇၊ “ကြည့်ရှုလော့၊
မိုးတိမ်နှင့်တကွ ကြွလာတော်မူ သည်ဖြစ်၍၊ ကိုယ်တော်ကို ထိုးဖောက်သောသူတို့နှင့်
ရှိသမျှသောသူတို့သည် ကိုယ်တော်ကို ရှုမြင်ရကြလိမ့်မည်။
မြေကြီးသားအမျိုးမျိုးရှိသမျှတို့သည် ကိုယ်တော်ကြောင့်ငိုကြွေး
မြည်တမ်းရကြလိမ့်မည်။”
မှတ်ချက်။ လူအချို့တို့သည် “ကြွလာခြင်း”
ဟုဘာသာပြန်ဆို ထား သော ဂရိစကား ဏမေသကျငa (ပါရိုးစီးယား) သည်
လျှို့ဝှက်ရှိနေခြင်းဟု အဓိပ္ပါယ်ရှိသည် ဟုဆိုကြပါသည်။ သို့သော်
နောက်ဆက်တွဲစာကြောင်းများကို ကြည့်လျှင်၊ ပါရိုစီးယားမှ လာသောစကားများကိုပင်၊
“ကြွလာခြင်း” သို့မဟုတ် “ကြွလာသည်” ဟုသာ ဖော်ပြထားပြီး၊ လျှို့ဝှက်ခြင်းကို
ဆိုလိုခြင်းမဟုတ် ကြောင်း ရှင်းရှင်းလင်းလင်း တွေ့ရပါသည်။
၁ ကောရိန်သု ၁၆း၁၇၊ “သတေဖန်၊ ဖောတုနတ်နှင့်
အခါယကုတို့ ရောက်လာသောကြောင့် ငါဝမ်းမြောက်၏။ အကြောင်းမူကား၊ သင်တို့ပြုစု၍
မပြည့်စုံသမျှတို့ကို သူတို့သည် ပြည့်စုံစေကြ၏။” သူတို့သည် ပေါလုထံသို့
လူကိုယ်တိုင်ရောက်လာခြင်း ဖြစ်သည်။ စိတ်ကူးဖြင့်သာ မြင်နိုင်သော၊ မျက်စိ ဖြင့်
မမြင်နိုင်သည့် လျှို့ဝှက်ရောက်လာခြင်း မဟုတ်ပါ။
၂ ကောရိန်သု ၇း၆ ၌လည်း၊
“နှိမ့်ချခြင်းခံရသောသူတို့ကို သက် သာစေတော်မူသော ဘုရားသခင်သည်
တိတုရောက်လာခြင်းအားဖြင့် ငါတို့ကို သက်သာစေတော်မူ၏” ဟုရှင်ပေါလုပြောပါသည်။
တိတုကိုယ်တိုင်ရောက်လာ ပါသည်။ လျှို့ဝှက်၍ ရောက်လာခြင်း မဟုတ်ပါ။
၂ ကောရိန်သု ၇း၇၊
“တိတုရောက်လာခြင်းအားဖြင့်သာမဟုတ်။ သင် တို့ဆီကရသော နှစ်သိမ့်ခြင်းအားဖြင့်လည်း၊
သက်သာစေတော်မူ၏။ ငါ့ အတွက် သင်တို့၏ လိုလားခြင်း၊ ဝမ်းနည်းပူဆွေးခြင်း၊
စေတနာစိတ်အားကြီး ခြင်းများကို ငါ့အားကြားပြောသောကြောင့်၊ ငါသည်သာ၍ ဝမ်းမြောက်၏။”
(ဖိလိပ္ပိ ၁း၂၆။ ၁ ယောဟန် ၂း၂၈ တို့ကိုလည်းကြည့်ပါ)။
ခရစ်တော်ကြွလာခြင်းသည်တကယ်ကြွလာခြင်း၊
ပေါ်လာခြင်းဖြစ်ပါ မည်လား။
ကောလောသဲ ၃း၄၊ “ငါတို့၏ အသက်ဖြစ်သော
ခရစ်တော်ထင်ရှား တော်မူသောအခါ ငါတို့သည်လည်း ကိုယ်တော်နှင့်အတူ ဘုန်းကြီး၍ ထင်ရှား
ကြလတံ့။
မှတ်ချက်။ ရွေးနုတ်ခံသန့်ရှင်းသူများ
အစစ်အမှန်ဖြစ်သကဲ့သို့ ကိုယ် တော်သည်လည်း အစစ်အမှန်ဖြစ်လိမ့်မည်။ ၁ ပေတရု ၅း၄၊
“သိုးထိန်းကြီး ပေါ်ထွန်းတော် မူသောအခါ၊ သင်တို့သည် မညှိုးနွမ်းတတ်သော ဘုန်းကြီး
သော ပန်းဦးရစ်သရဖူကို ရရှိကြလိမ့်မည်။”
ခရစ်တော်၏ပုံတော်ပြောင်းလဲခြင်း၊
ဒုတိယကြွလာခြင်းအတွက် သက်ဝင်သောအနာဂတ်စကား
မဿဲ ၁၆း၂၈။ ၁၇း၉၊ “ငါအမှန်ဆိုသည်ကား၊ လူ၏သားသည်
နိုင်ငံ တော်တည်လျက် ကြွလာတော်မူသည်ကို၊ ဤအရပ်၌ ရှိသောသူအချို့တို့သည် မမြင်မီ
သေခြင်းသို့မရောက်ရကြ၊ ဟုမိန့်တော်မူ၏။ ခြောက်ရက်လွန်သော အခါ ယေရှုသည် ပေတရု၊
ယာကုပ်၊ ယာကုပ်ညီ ယောဟန်တို့ကိုခေါ်၍၊ အလွန်မြင့်သော တောင်ပေါ်တွင်
တသီးတခြားဆောင်သွားတော်မူ၏။ သူတို့ ရှေ့၌ ပုံတော်ပြောင်းလဲ၍၊ မျက်နှာတော်သည်
နေကဲ့သို့ထွန်းတောက်လျက်၊ အဝတ်တော်သည် အလင်းကဲ့သို့ ဖြူဖွေးလျက်ရှိ၏။ မောရှေနှင့်
ဧလိယ တို့သည် ထင်ရှား၍ ကိုယ်တော်နှင့်အတူ စကားပြောကြ၏။ ထိုအခါ ပေတရု က၊ သခင်၊
ဤအရပ်၌ နေဖွယ်ကောင်းပါ၏။ အလိုတော်ရှိလျှင် ကိုယ်တော်ဖို့ တဆောင်၊
မောရှေဖို့တဆောင်၊ ဧလိယဖို့ တဆောင်၊ တဲသုံးဆောင် ဆောက် ပေးမည်ဟု လျှောက်လေ၏။
ထိုသို့လျှောက်စဉ်တွင်၊ ထွန်းလင်းသော မိုးတိမ် သည် ထိုသူတို့ကို လွှမ်းမိုး၍၊
ဤသူသည်၊ ငါနှစ်သက်မြတ်နိုးရာ၊ ငါ၏ချစ်သား ပေတည်း။ သူ၏စကားကိုနားထောင်ကြလော့ဟု
မိုးတိမ်ကအသံတော် ဖြစ်လေ ၏၊ တပည့်တော်တို့သည် ကြားလျှင်၊ ထကြ၊ မကြောက်ကြနှင့်ဟု
မိန့်တော်မူ သော် သူတို့သည် ကြည့်မျှော်သဖြင့်၊ ယေရှုတယောက်တည်းမှတပါး၊
အဘယ်သူကိုမျှ မမြင်ကြ၊ တောင်ပေါ်မှ ဆင်းကြသောအခါ ယေရှုက၊ လူ၏ သားသည် သေခြင်းမှ
မထမြောက်မီတိုင်အောင် သင်တို့ယခုမြင်သောရူပါရုံကို အဘယ်သူအားမှ မပြောကြနှင့်ဟု
တပည့်တော်တို့ကို ပညတ်တော်မူ၏။”
တောင်ပေါ်တွင်ထူးဆန်းသောပေါ်ထွန်းခြင်းနှင့်
စပ်ဆိုင်၍၊ ကိုယ်တိုင် မြင်တွေ့ ခဲ့သောသူများတွင် တစ်ယောက်အပါအဝင်ဖြစ်သော တမန်တော်
ပေတရုသည် ဘာကိုပြန်ပြောခဲ့ပါသနည်း။
၂ ပေတရု ၁း၁၆-၁၈၊ “ငါတို့သခင်ယေရှုခရစ်တော်၏
တန်ခိုးတော်ကို ၎င်း ကြွလာတော်မူခြင်းကို၎င်း၊ သင်တို့အား ကြားပြောသောအခါ၊
ငါတို့သည် ပရိယာယ်နှင့် ပြင်ဆင်သော ဒဏ္ဍရီစကားကိုမလိုက်၊ ဘုန်းအာနုဘော်တော်ကို
ကိုယ်တိုင်မြင်သော သူဖြစ်ကြ၏။ အဘယ်သို့နည်းဟူမူကား၊ ဤသူသည် ငါနှစ် သက်မြတ်နိုးရာ၊
ငါ၏ ချစ်သားပေတည်း ဟူသောအသံတော်သည်၊ ထူးမြတ် သောအရောင်အဝါတော်ထဲက
ထိုသခင်သို့ရောက်သောအခါ ခမည်းတော် ဘုရားသခင့်အထံတော်မှ ဂုဏ်အသရေ ဘုန်းအာနုဘော်ကို
ခံရတော်မူ၏။ ကောင်းကင်ကရောက်လာသော ထိုအသံတော်ကို ငါတို့သည် သန့်ရှင်းသော
တောင်ပေါ်မှာ သခင်ဘုရားနှင့်အတူရှိသော အခါ ကြားရကြ၏။”
မှတ်ချက်။ ပုံတော်ပြောင်းလဲခြင်းဖြင့်၊
ငါတို့၏ကယ်တင်ရှင်သည် ဘုန်းတော်နှင့် ဒုတိယအကြိမ်ကြွလာမည့်ပုံကို
ထင်ရှားပြသခြင်းဖြစ်ပါသည် (မဿဲ ၁၅း၃၁)။ မောရှေသည် သေလွန်ပြီးမှ
ရှင်ပြန်ထမြောက်သကဲ့သို့၊ သန့်ရှင်းသူများ ရှင်ပြန်ထမြောက်မည်ဖြစ်ကြောင်းကို
မောရှေပုံဆောင်ထားပါ သည် (ယုဒ ၉။ ရောမ ၅း၁၄။ ၁ သက်သာလောနိတ် ၄း၁၃-၁၈)။ မီးလှည်း
ယာဉ်ဖြင့် ကောင်းကင်သို့ အရှင်လတ်လတ် ယူဆောင်ခြင်းခံရသော ဧလိယ သည်၊ အသက်မသေပဲ
ကောင်းကင်သို့ ယူဆောင်ခြင်းခံရမည့် သန့်ရှင်းသူများ ကို ပုံဆောင်ထားခြင်း
ဖြစ်ပါသည် (၄ ဓမ္မရာဇဝင် ၂။၁၁။ ၁ သက်သာလော နိတ် ၄း၁၇)။
အဘယ်ကြောင့် ခရစ်တော်ဒုတိယအကြိမ်ကြွလာမည်နည်း
၁။ သေလွန်သောဖြောင့်မတ်သူများကို
ရှင်ပြန်ထမြောက်စေရန်နှင့်၊ အသက်ရှင်နေသော ဖြောင့်မတ်သူများကို ခေါ်ဆောင်သွားရန်
ကြွလာမည်။
ယောဟန် ၅း၂၈၊၂၉၊ “ဤအမှုအရာကို
အံ့ဩခြင်းမရှိကြနှင့်၊ သင်္ချိုင်း များမှာ ရှိသောသူအပေါင်းတို့သည်
သားတော်၏စကားသံကိုကြား၍ ထွက် လာရမည့် အချိန်ကာလရောက်လတံ့။
ကောင်းသောအကျင့်ကိုကျင့်သော သူ တို့သည် အသက်ရှင်ရာထမြောက်ခြင်းသို့၎င်း၊
ဆိုးယုတ်သောအကျင့်ကို ကျင့် သောသူတို့သည် အပြစ်စီရင်ရာ ထမြောက်ခြင်းသို့၎င်း၊
ထွက်လာရကြလတံ့”
၁ သက်သာလောနိတ် ၄း၁၆၊၁၇၊ “သခင်ဘုရားသည်
ကြွေးကြော်ခြင်း၊ ကောင်းကင်တမန်မင်းအသံပေးခြင်း၊ ဘုရားသခင်၏
တံပိုးတော်ကိုမှုတ်ခြင်း နှင့်တကွ၊ ကောင်းကင်ဘုံမှ ကိုယ်တိုင်ဆင်းသက်တော်မူ၍
ခရစ်တော်၌ သေ လွန်သော သူတို့သည် အဦးထမြောက်ကြလိမ့်မည်။ ထိုအခါအသက်ရှင်၍
ကျန်ကြွင်းသော ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေခြင်းငှာ၊
ထိုသူတို့နှင့်တကွ မိုးတိမ်ပေါ်သို့ ချီဆောင်ခြင်းကို ခံရသော အားဖြင့်
သခင်ဘုရားနှင့် အတူအစဉ်မပြတ် နေရကြလိမ့်မှုည်။”
၂။ မိမိလူတို့ကို ဆုချပေးရန်နှင့်
လောကီသားများကို တရားစီရင်ရန်၊ ဗျာဒိတ် ၂၂း ၁၂၊ “ငါသည် အလျင်အမြန်လာမည်။ ငါသည်
အကျိုး
အပြစ်(ဆု)ကို ဆောင်ခဲ့သည်ဖြစ်၍၊ လူအသီး
အသီးတို့အား မိမိတို့အကျင့် အတိုင်း ဆပ်ပေးမည်။”
၂ တိမောသေ ၄း၈၊
“ယခုမှစ၍ ဓမ္မသရဖူသည် ငါ့အဖို့သိုထားလျက် ရှိ၏။ ထိုနေ့ရက်၌ တရားသဖြင့် စီရင်သောသူ
သခင်ဘုရားသည် ထိုသရဖူကို ငါ၌အပ်ပေးတော်မူမည်။ ထိုမျှမက၊ ပေါ်ထွန်းတော်မူခြင်းကို
တောင့်တသော သူအပေါင်းတို့၌လည်း အပ်ပေးတော်မူမည်။”
ဟေဗြဲ ၉း၂၈၊ “ခရစ်တော်သည်
လူများအပြစ်တို့ကိုခံခြင်းငှာ တခါ တည်း ကိုယ်ကို ပူဇော်ပြီးမှ၊ နောက်တဖန်
ထိုသခင်ကို မြော်လင့်လျက်နေသော သူတို့ကို ကယ်တင်ခြင်းငှာ၊ အပြစ်နှင့်မဆိုင်ဘဲ
ပေါ်ထွန်းတော်မူလတံ့။”
၃။ ဆိုးသောသူတို့ကို ဖျက်ဆီး၍၊
ဘုန်းတော်နှင့်အုပ်စိုးရန်၊
၂ သက်သာလောနိတ် ၁း၇-၁၀၊ “သခင်ယေရှုသည်
တန်ခိုးရှိသော ကောင်းကင်တမန်တို့နှင့်အတူ ကောင်းကင်ဘုံမှ ပေါ်ထွန်းတော်မူ၍၊ ဘုရား
သခင်ကို မသိသောသူ၊ ငါတို့သခင်ယေရှုခရစ်တော်၏ ဧဝံဂေလိတရားကို နားမထောင်သော
သူတို့ကို မီးလျှံအားဖြင့် ဒဏ်ပေးတော်မူသောအခါ၊ သင်တို့ ကို ဆင်းရဲစေဖူးသော
သူတို့၌ ဆင်းရဲခြင်းကို၎င်း၊ ဆင်းရဲခံရဖူးသော သင်တို့၌ ငါတို့နှင့်အတူ
ချမ်းသာခြင်းကို၎င်း၊ ဘုရားသခင်ဆပ်ပေး၍ တရားသဖြင့် စီရင်တော်မူလိမ့်မည်။
ထိုသခင်သည် မိမိသန့်ရှင်းသူတို့အားဖြင့် ဂုဏ်အသရေ တော်ထင်ရှားခြင်းကို၎င်း၊
ငါတို့သက်သေကို သင်တို့သည် ယုံကြည်သည်ဖြစ်၍၊ ယုံကြည်သောသူအပေါင်းတို့အားဖြင့် အံ့ဩ
ချီးမွမ်းခြင်းကို၎င်းင် ခံအံ့သောငှာ ကြွလာတော်မူသောနေ့ရက်၌၊ ထိုသူတို့သည်
သခင်ဘုရား၏မျက်နှာတော်နှင့် ၎င်း၊ တန်ခိုးရှိသော ဘုန်းတော်နှင့်၎င်း ကွာ၍၊
ထာ၀ရပျက်စီးခြင်း အပြစ်ဒဏ်
ကို ခံရကြလတံ့။”
၂ သက်သာလောနိတ် ၂း၇၊ ၈၊ “ဝှက်ထားလျက်ရှိသော
ထိုအဓမ္မအရာ သည် ယခုပင်ပြုပြင်ဆဲရှိ၏။ သို့သော်လည်း ဆီးတားသောသူသည် ပယ်ရှင်း
ခြင်းသို့ မရောက်မီတိုင်အောင် ဆီးတားလိမ့်မည်။ ပယ်ရှင်းခြင်းသို့ရောက်သောအခါ
ထိုအဓမ္မလူသည် ထင်ရှားလိမ့်မည်။ ထိုအဓမ္မလူကို သခင်ယေရှုသည် နှုတ်ထွက် ဝိညာဉ်တော်
(နှုတ်တော်ထွက်သက်) အားဖြင့်ဖျက်ဆီး၍၊ ကြွလာ တော်မူခြင်း၏ ရောင်ခြည်အားဖြင့်
ပယ်ရှားတော်မူလိမ့်မည်။”
မဿဲ ၂၅း၃၁၊ “လူ၏သားသည် မိမိဘုန်းအာနုဘော်ကို
ဆောင်လျက် သန့်ရှင်းသောကောင်းကင်တမန်များ အခြံအရံတို့နှင့်တကွ ကြွလာတော်မူ သောအခါ
ဘုန်းရှိသော ပလ္လင်တော်ပေါ်မှာထိုင်၍၊”
ဗျာဒိတ် ၁၁း၁၈၊ “လူမျိုးတို့သည်
အမျက်ထွက်ကြသည်ဖြစ်၍၊ အမျက် တော်သည်လည်း ရောက်ပါပြီ၊ သေလွန်သောသူတို့ကို
တရားစီရင်တော်မူ၍၊ ကိုယ်တော်၏ ကျွန်ပရောဖက်တို့အား၎င်း။ သန့်ရှင်းသူတို့အား၎င်း၊
ကိုယ်တော် ကို ကြောက်ရွံ့ ရိုသေသော သူအကြီးအငယ်တို့အား၎င်း၊ ဆုချပေးတော်မူ၍၊ မြေကြီးကိုဖျက်ဆီးသော
သူတို့ကို ဖျက်ဆီးတော်မူသောအချိန်ရောက်ပါပြီ။”
အခန်းကြီး - ၁၅
၁၅။ အချိန်ကာလ၏နိမိတ်လက္ခဏာများ
SIGNS
OF THE TIMES
ခရစ်တော်ကြွလာမည်ဖြစ်ကြောင်း၊ ကြိုတင်ဖေါ်ပြသော
နိမိတ် လက္ခဏာများ ရှိပါသလား။
လုကာ ၂၁း၂၅-၂၇။ “ထိုအခါ၊ နေ၊ လ၊ ကြယ်
နက္ခတ်တို့၌ ပုပ္ပနိမိတ် ထင်ရှားလိမ့်မည်။ မြေကြီးပေါ်မှာလည်း လူအမျိုးမျိုး
မငြိမ်မသက် စိုးရိမ် ကြောင့်ကြခြင်း၊ သမုဒ္ဒရာလှိုင်းတံပိုးကြီးခြင်း၊
မြေကြီးပေါ်မှာ ဖြစ်လတံ့သော ဘေးများကို မြော်၍ ကြောက်လန့်သဖြင့်၊ လူများတို့၏အသက်ဆုံးခြင်းအမှု
အရာတို့သည် ဖြစ်ကြလိမ့်မည်။ အကြောင်းမူကား၊ ကောင်းကင်တန်ခိုးတို့သည်
တုန်လှုပ်ကြလိမ့်မည်။ ထိုအခါ လူ၏သားသည် ကြီးစွာသော ဘုန်းတန်ခိုးအာနု ဘော်ကို
ဆောင်လျက်၊ မိုးတိမ်စီး၍ ကြွလာသည်ကို မြင်ရကြလိမ့်မည်။”
သခင်ယေရှုသည် ၎င်းနိမိတ်လက္ခဏာများကို
မည်သို့ခေါ်ဆိုပါ သနည်း။
မဿဲ ၁၆း၁-၃၊ “ထိုအခါ ဖါရိရှဲနှင့် ဇကဲတို့သည်
ကိုယ်တော်ကို စုံစမ်း နှောင့်ရှက်ခြင်းငှာ ချဉ်းကပ်၍ မိုးကောင်းကင်က
ဖြစ်သောနိမိတ်လက္ခဏာကို ပြတော်မူမည်အကြောင်း တောင်းပန်ကြ၏။ ကိုယ်တော်ကလည်း၊
သင်တို့သည် ညဦးယံ၌ ပြောဆိုတတ်သည်ကား၊ ယခုမိုးတိမ်နီသည်ဖြစ်၍ မိုးကြည်လင်လိမ့်
မည်ဟု ဆိုတတ်ကြ၏။ နံနက်ယံ၌ကား၊ ယခုမိုးအုံ့လျက်ရှိ၏၊ နီမောင်းသော အဆင်းရှိ၏။
ယနေ့မိုးသက်မုန်တိုင်းလာလိမ့်မည် ဟုဆိုတတ်ကြ၏။ လျှို့ဝှက် သောသူတို့၊ သင်တို့သည်
မိုးကောင်းကင်၏ မျက်နှာကို ပိုင်းခြား၍ သိနိုင်ကြ ၏။ ကပ်ကာလ၏ နိမိတ်လက္ခဏာတို hကို ပိုင်းခြား၍ မသိနိုင်ကြ။”
မှတ်ချက်။ ဤအချိန်ကာလနိမိတ်လက္ခဏာများသည်
ခရစ်တော် ကြွ လာမည်ဖြစ်ကြောင်းနှင့် ကြွလာချိန် နီးလာကြောင်းကို
ဖော်ပြလျက်ရှိပါသည်။
၁။ နေ၊ လ၊ ကြယ်တို့၌
မည်သည့်လက္ခဏာများဖြစ်ပေါ်လာမည်နည်း။
မဿဲ ၂၄း၂၉၊ “ထိုကာလ၏ဒုက္ခဆင်းရဲခြင်း
နောက်ရုတ်ခနဲနေသည် မိုက်လိမ့်မည်။ လသည် အရောင်ကိုမပေး။ ကြယ်တို့သည် ကောင်းကင်မှ
ကျကြလိမ့်မည်။ ကောင်းကင်တန်ခိုးတို့သည် တုန်လှုပ်ကြလိမ့်မည်။”
မှတ်ချက်။ ၁၇၈၀ ခုနှစ် မေလ ၁၉ ရက်နေ့၊
နေမိုက်သောနေ့ကြီးနှ တစ်ဆက်တည်းညမှာ လသည် သွေးကဲ့သို့
အနီရင့်ရောင်ဖြင့်ပေါ်လာပါသည်။ (စွယ်စုံကျမ်းများတွင် လေ့လာပါ)။ ၁၈၃၃ ခုနှစ်
နိုဝင်ဘာလ ၁၃ ရက်နေ့တွင် ကြယ်များကြွေကျ လျက်ရှိပါသည် (ဗျာဒိတ် ၆း၁၃)။
၂။ စစ်တိုက်ခြင်းနှင့်
စစ်ပွဲသတင်းများအကြောင်းမည်သို့ ဖော်ပြထား ပါသနည်း။
မဿဲ ၂၄း၆၊ “သင်တို့သည်
စစ်တိုက်ခြင်းအကြောင်းကို၎င်း၊ စစ်တိုက် အံ့သော သတင်းစကားကို၎င်း ကြားရကြလိမ့်မည်။
သို့သော်လည်း စိုးရိမ်တုန် လှုပ်ခြင်း မရှိစေခြင်းငှာ သတိပြုကြလော့။
ထိုအမှုအရာများသည် ဖြစ်ရမည်။ သို့သော်လည်း အဆုံးသည် မဖြစ်သေး။” (ယောလ ၃း၉-၁၄။
ဗျာဒိတ် ၁၁း၈)။
၃။ နိမိတ်လက္ခဏာများတွင် ငလျင်များ၊
ကပ်ရောဂါများ၊ မုန်တိုင်းများ
ပါဝင်ပါသလား။
မဿဲ ၂၄း၇၊ “လူတမျိုးနှင့်တမျိုး၊
တနိုင်ငံနှင့်တနိုင်ငံ ရန်ဘက်ပြုကြ လိမ့်မည်။ အရပ်ရပ်တို့၌ အစာခေါင်းပါးခြင်း၊
ကာလနာများပြားခြင်း၊ မြေကြီး လှုပ်ခြင်းတို့သည် ဖြစ်ကြလိမ့်မည်။
လုကာ ၂၁း၁၁၊ “အရပ်ရပ်တို့၌
ကြီးစွာသောမြေလှုပ်ခြင်း၊ အစာခေါင်း ပါးခြင်း၊ ကာလနာများပြားခြင်းတို့သည်
ဖြစ်ကြလိမ့်မည်။ မိုးကောင်းကင်၌ လည်း ကြောက်မက်ဖွယ်သောအရာနှင့်
ကြီးစွာသောပုပ္ပနိမိတ်တို့သည် ပေါ် ထွန်းကြလိမ့်မည်။” (ယောလ ၂း၃၀။ ဆာလံ ၁၄၈း၈။
ယေဇကျေလ ၃၈း၂၀-၂၂ ဖတ်ပါ)။
၄။ နောက်ဆုံးသောကာလ၌ လူတို့၏အကျင့်သည်
ပိုပြီးကောင်းလာ မည်လား၊ ဆိုးသွားမည်လား။
၂ တိမောသေ ၃း၁-၅၊ “နောင်ကာလသည် ခဲယဉ်းသောကာလ
ဖြစ် မည်ဟု သိမှတ်လော့။ အဘယ်သို့နည်းဟူမူကား၊ လူတို့သည် ကိုယ့်ကိုကိုယ် ချစ်သောသူ၊
ငွေကိုတပ်မက်သောသူ၊ ဝါကြွားသောသူ၊ ထောင်လွှားဆော်ကား သောသူ၊ သူ့အသရေကို
ရှုတ်ချသောသူ၊ မိဘစကားကိုနားမထောင်သောသူ၊ ကျေးဇူးမရှိသောသူ၊ သန့်ရှင်းခြင်းမရှိသောသူ၊
ပကတိကြင်နာစုံမက်ခြင်းနှင့် ကင်းသောသူ၊ ရန်ငြိုးဖွဲ့သောသူ၊ ချောစားတတ်သောသူ၊
ကိုယ်ဣန္ဒြေကို မချုပ် တည်းနိုင်သောသူ၊ ပြင်းထန်သောသူ၊ သူတော်ကောင်းကို
မုန်းသောသူ၊ သစ္စာ ကို ဖျက်တတ်သောသူ၊ သတိပေးခြင်းကို မခံသောသူ၊ မာန်မာနနှင့်ယစ်မူး
သောသူ၊ ဘုရားသခင်ကိုနှစ်သက်သည်ထက် ကာမဂုဏ်ခံစားခြင်းကို သာ၍ နှစ်သက်သောသူ၊
ဘုရားဝတ်၌မွေ့လျော်ယောင်ဆောင်၍၊ မွေ့လျော်ခြင်းတန် ခိုးကို ငြင်းပယ်သောသူ
ဖြစ်ကြလိမ့်မည်။ ထိုသူတို့ကို ရှောင်လော့။” (မဿဲ ၂၄း၃၂။ လုကာ ၁၇း၂၆-၃၀။ ကမ္ဘာဦး
၆း၅၊ ၁၁ ဖတ်ပါ)။
၅။ ခေတ်ကာလကုန်ဆုံးချိန်နှင့်
သခင်ဘုရားကြွလာချိန်နီးကြောင်း ပြသော နိမိတ်များတွင် မည်သည့်နိမိတ်သည်
အံ့ဩဖွယ်အကောင်းဆုံးဖြစ်မည် နည်း။
မဿဲ ၂၄း၁၄၊ “လူမျိုးအပေါင်းတို့အား
သက်သေဖြစ်မည်အကြောင်း၊ နိုင်ငံတော်နှင့်ယှဉ်သော ဧဝံဂေလိတရားကို
လောကီနိုင်ငံအရပ်ရပ်ရှိသမျှတို့၌ ဟောရလိမ့်မည်။ သို့ပြီးမှ အဆုံးသည် ဖြစ်လတံ့။
မှတ်ချက်။ ဘာသာစကားပေါင်း ၁၀၀၀ ကျော်ဖြင့်
သမ္မာကျမ်းစာ တစ်အုပ်လုံး၊ သို့မဟုတ် ကျမ်းပိုင်းများကို ပုံနှိပ်ခဲ့ပြီး
ဖြစ်ပါသည်။ ခရစ်တော်၏ သတင်းကောင်းမှစ၍၊ ခရစ်တော်ပြန်လည်ကြွလာမည့်အကြောင်း၊
တရားစီရင် မည့် အချိန်အကြောင်း စသည်တို့ကို မြေကြီးစွန်းတိုင်အောင် ဘာသာစကား
ပေါင်း ၇၀၀ ကျော်ဖြင့် ဟောကြားနေပြီဖြစ်ပါသည်။ (ဗျာဒိတ် ၁၄း၆၊ ၁၄၊ ၁၅)။
လေ့လာသင့်သော အခြားအရေးပါသည့်
နိမိတ်လက္ခဏာများ၊
၁။ စီးပွားရေးပဋိပက္ခဖြစ်ခြင်း၊
ယာကုပ် ၅း၁-၆၊ “အချင်းသူဌေးသူကြွယ်တို့၊
ယခုလာကြ၊ သင်တို့ အပေါ်၌ ရောက်လတံ့သော ဆင်းရဲဒုက္ခဝေဒနာကြောင့် ငိုကြွေးအော်ဟစ်ကြ။
သင်တို့ ဥစ္စာပစ္စည်းသည် ပုပ်စပ်လျက်ရှိ၏။ အဝတ်ကိုလည်း ပိုးကိုက်စားလေ ပြီ။
ရွှေငွေလည်း ချေးတက်၍ ပျက်ကုန်ပြီ။ ထိုအချေးသည် သင်တို့တဘက်၌ သက်သေဖြစ်၍၊
မီးကဲ့သို့ သင်တို့အသားကို စားလိမ့်မည်။ နောက်ဆုံးသော နေ့ရက် ကာလအဖို့ဘဏ္ဍာကို
ဆည်းဖူးကြပြီတကား။ နားထောင်ကြ။ သင်တို့ လယ်ကွက်၌ ရိတ်သောသူတို့ကို လှည့်စား၍
အခမပေးဘဲ နေသောကြောင့်၊ ထိုအခသည် ကြွေးကြော်လေ၏။ ရိတ်သောသူတို့၏
အော်ဟစ်ခြင်းအသံသည် လည်း၊ ကောင်းကင်ဗိုလ်ခြေအရှင် ထာ၀ရဘုရား၏ နားတော်ထဲသို့
ဝင်လေပြီ။ သင်တို့သည် မြေကြီးပေါ်မှာ ကာမဂုဏ်ခံစား၍ အလွန်ပျော်မွေ့ကြပြီ။ သတ်ရသော
နေ့၌ကဲ့သို့၊ မိမိတို့နှလုံးကို မွေးမြူကြပြီ။ ဖြောင့်မတ်သောသူကို အပြစ်စီရင်၍
ကွပ်မျက်ကြပြီ။ သူသည်လည်း သင်တို့ကိုမဆီးတား”
မှတ်ချက်။ ဤအချင်းအရာတို့သည်
ခရစ်တော်ဒုတိယအကြိမ် မကြွလာမီ ဖြစ်လိမ့်မည်။ အဘယ်ကြောင့်ဆိုသော် အခန်းငယ် ၇ နှင့်
၈ ၌၊ “ထို့ကြောင့် ညီအစ်ကိုတို့၊ သခင်ဘုရားကြွလာတော်မူသည်တိုင်အောင် သည်း ခံလျက်
စောင့်နေကြလော့။ အကယ်၍ လယ်လုပ်သောသူသည် အရင်မိုး၊ နောက်မိုးကို ရသည့်တိုင်အောင်၊
အဖိုး ထိုက်သောမြေ အသီးကိုသည်းခံလျက် စောင့်နေ၍ မြော်လင့်တတ်၏။ သင်တို့သည်လည်း
သည်းခံလျက်စောင့်နေကြ လော့။ ကိုယ့်စိတ်နှလုံးကို မြဲမြံစေကြလော့။ သခင်ဘုရား
ကြွလာတော်မူသော အချိန်ရောက်လုနီးပြီ။”
၂။ လူမျိုးတို့၌ ပူပင်သောကဖြစ်ခြင်း၊
လုကာ ၂၁း၂၅-၂၈၊ “ထိုအခါ နေ၊ လ၊ ကြယ်
နက္ခတ်တို့၌ ပုပ္ပနိမိတ် ထင်ရှားလိမ့်မည်။ မြေကြီးပေါ်မှာလည်း လူအမျိုးမျိုး
မငြိမ်မသက်စိုးရိမ် ကြောင့်ကြခြင်း၊ သမုဒ္ဒရာလှိုင်းတံပိုးကြီးခြင်း၊
မြေကြီးပေါ်မှာဖြစ်လတံ့သော ဘေးများကိုမြော်၍ ကြောက်လန့်သဖြင့် လူများတို့၏ အသက်ဆုံးခြင်း
အမှု အရာတို့သည် ဖြစ်ကြလိမ့်မည်။ အကြောင်းမူကား၊ ကောင်းကင်တန်ခိုးတို့သည်
တုန်လှုပ်ကြလိမ့်မည်။ ထိုအခါ လူ၏ သားသည် ကြီးစွာသော ဘုန်းတန်ခိုး အာနုဘော်ကို
ဆောင်လျက်၊ မိုးတိမ်ကိုစီးလျက် ကြွလာသည်ကို မြင်ရလိမ့် မည်။ ထိုအမှုအရာတို့သည်
ဖြစ်စရှိသောအခါ သင်တို့ကို ရွေးနှုတ်သောအချိန် ကာလရောက်လုနီးသည်ကို ထောက်သဖြင့်၊
မြော်ကြည့်၍ ခေါင်းကိုကြွကြ လော့။” (ဗျာဒိတ် ၁၁း၁၈ ဖတ်ပါ)။
၃။ ကမ္ဘာပေါ်တွင် မှားယွင်းသော
ဆင့်ကဲဖြစ်စဉ်အတွေးအခေါ် ပြန့်နှံ့
ခြင်း၊
၂ ပေတရု ၃း၃-၇၊
“ရှေးဦးစွာသိမှတ်အပ်သောအရာဟူမူကား၊ ဗနာက် ဆုံးသောကာလ၌ ပြက်ယယ်ပြုတတ်သော သူတို့သည်၊
မိမိတို့တပ်မက်ခြင်း အတိုင်းကျင့်နေ၍၊ သခင်ဘုရားကြွလာမည်ဟူသော ကတိတော်သည် အဘယ်
မှာရှိသနည်း။ ဘိုးဘေးများ အိပ်ပျော်သည်နောက် ခပ်သိမ်းသောအရာတို့သည် ဖန်ဆင်းစက
ဖြစ်သကဲ့သို့၊ ဖြစ်မြဲဖြစ်ကြ၏၊ ဟုဆိုလျက် ကဲ့ရဲ့ခြင်းနှင့်တကွ ပေါ်လာကြလိမ့်မည်။
ရှေးကာလ၌ မိုးကောင်းကင်ကို၎င်း၊ ရေထဲကထွက်၍
ရေဖြင့်တည် သော မြေကြီးကို၎င်း၊ ဘုရားသခင်၏ နှုတ်ကပတ်တော်သည် ဖြစ်စေတော်မူ
ကြောင်းနှင့်၊ ဖြစ်ဖူးသော လောကဓာတ်ကို ထိုသို့အားဖြင့် ရေနှင့်လွှမ်းမြုပ်၍
ဖျက်ဆီးကြောင်းကို ထိုသူတို့သည် မှတ်မိချင်သောစိတ်မရှိကြ။ ယခုရှိသော မိုးကောင်းကင်နှင့်
မြေကြီးမူကား၊ တရားဆုံးဖြတ်၍ အဓမ္မလူတို့ကို ဖျက်ဆီး သော နေ့ရက်တိုင်အောင်၊
ထိုနှုတ်ကပတ် တော်အားဖြင့် သိုထားလျက်ရှိ၍၊ မီးရှို့ခြင်းအဖို့အလို့ငှာ
နေရစ်သတည်း။”
၄။ မြေကြီးပေါ်တွင်
ခေတ်သစ်နာမ်ဝိညာဉ်ဝါဒပြန့်နှံ့ခြင်း၊
၁ တိမောသေ ၄း၁-၃၊ “ဝိညာဉ်တော်သည်
အတည့်အလင်းဗျာဒိတ် ထားတော်မူသည်ကား၊ နောင်ကာလ၌ ဩတ္တပ္ပစိတ်တွင်
သံပူနှင့်ခတ်ခြင်းကို ခံပြီးလျှင်၊ မုသာစကားကိုပြောတတ်သောသူတို့၏
လျှို့ဝှက်ခြင်းအားဖြင့်၊ လူ အချို့တို့သည် ယုံကြည်ခြင်းကို စွန့်ပယ်၍၊
လှည့်ဖြားတတ်သော စိတ်ဝိညာဉ် တို့၌၎င်း၊ နတ်ဘုရားတို့နှင့် စပ်ဆိုင်သော
ဩဝါဒတို့၌၎င်း မှီဝဲဆည်းကပ်ကြ လိမ့်မည်။ မင်္ဂလာဆောင်ခြင်းအမှုကို မပြုရဟူ၍၎င်း၊
ယုံကြည်၍သမ္မာတရား ကိုသိသော သူတို့သည်ကျေးဇူးတော်ကို သိသောစိတ်နှင့်တကွ
သုံးဖို့ရာ၊ ဘုရား သခင်ဖန်ဆင်းတော်မူသောအစာမျိုးကို ရှောင်ရမည် ဟူ၍၎င်း၊ ပညတ်ထား
ကြလိမ့်မည်။”
ဝတ်ပြုရာ ၁၉း၃၁၊ “ကိုယ်ကိုကိုယ်
ညစ်ညူးစေခြင်းငှာ၊ နတ်ဝင်သူကို မမှီဝဲရ။ စုန်းလုပ်သူကိုလည်း မရှာဖွေရ။
ငါသည်သင်တို့၏ဘုရားသခင်ထာ၀ရ ဘုရား ဖြစ်၏။ ” (မဿဲ ၂၄း၂၃၊၂၄။ ဂလာဘိ ၅း၁၉-၂၁။ ဗျာဒိတ်
၂၂း၁၅)။
၅။ အသင်းတော်၌ ဖောက်ပြန်ခြင်း၊
၂ တိမောသေ ၃း၁-၄၊ “နောင်ကာလသည် ခဲယဉ်းသောကာလ
ဖြစ် မည်ဟု သိမှတ်လော့။ . . . လူတို့သည် ကိုယ့်ကိုကိုယ်ချစ်သောသူ၊ ငွေကို
တပ်မက်သောသူ၊ ဝါကြွားသောသူ၊ ထောင်လွှားစော်ကားသောသူ၊ သူ့အသရေ ကို ရှုတ်ချသောသူ၊
မိဘစကားကို နားမထောင်သောသူ၊ ကျေးဇူးမရှိသောသူ၊ သန့်ရှင်းခြင်းမရှိသောသူ၊
ပကတိကြင်နာစုံမက်ခြင်းနှင့်ကင်းသောသူ၊ ရန်ငြိုးဖွဲ့ သောသူ၊ ချောစားတတ်သောသူ၊
ကိုယ့်ဣန္ဒြေကိုမချုပ်တည်းနိုင်သောသူ၊ ပြင်းထန်သောသူ၊ သူတော်ကောင်းကို မုန်းသောသူ၊
သစ္စာကိုဖျက်တတ်သော သူ၊ သတိပေးခြင်းကို မခံသောသူ၊ မာန်မာနနှင့် ယစ်မူးသောသူ၊
ဘုရားသခင် ကိုနှစ်သက်သည်ထက် ကာမဂုဏ်ခံစားခြင်းကိုသာ၍ နှစ်သက်သောသူ၊ ဖြစ်
ကြလိမ့်မည်။” (လုကာ ၁၈း၈။ မဿဲ ၂၄း၁၂ ဖတ်ပါ)။
၆။ ခေတ်သစ်အသိအမြင်တိုးပွားလာခြင်း၊ (၁)
သမ္မာကျမ်းစာမှ အနာဂတ်စကားများနားလည်လာခြင်း၊ (၂) အထွေထွေအသိအမြင်နှင့် သယ်
ယူပို့ဆောင်ခြင်း။
ခရစ်တော်ကြွလာခြင်းနှင့် ပတ်သက်သော
သမ္မာကျမ်းစာအနာဂတ် စကားများကို လေ့လာရာ၌စိတ်ဝင်စားမှုရှိလာပါသည်။
နောက်ဆုံးရာစုနှစ်အစ ပြုချိန်တွင် ပြန်လည်နိုးကြားမှုကြီးဖြစ်ပေါ်လာပါသည်။
၎င်းအချိန်ကာလနှင့် တိုက်ဆိုင်၍ ခေတ်သစ်တီထွင်မှုများတစ်ခုပြီးတစ်ခုဖြစ်ပေါ်လာကာ၊
အထူး သဖြင့် ခေတ်သစ်ဆက်သွယ်ရေးနှင့် သယ်ယူပို့ဆောင်ရေးများ ဖြစ်ကြသော မီးရထားများ၊
မော်တော်ကားများ၊ လေယာဉ်ပျံများ၊ ဒုံးပျံများ၊ ခေတ်မီစာပို့ စနစ်များ၊ ကြေးနန်း
တယ်လီဖုန်း၊ နှင့် ရေဒီယို၊ ရုပ်မြင်သံကြားများ တီထွင် လာပါသည်။
ဒံယေလ ၁၂း၄၊ “သင်ဒံယေလမူကား၊
အမှုကုန်ရသည့်ကာလတိုင် အောင်၊ ဤစကားတော်တို့ကိုပိတ်၍ စာစောင်ကို တံဆိပ်ခတ်ထားလော့။
အများသော သူတို့သည်၊ ထိုစာကိုကြည့်ရှုသောအားဖြင့် (တောင်ပြေးမြောက် ပြေးပြေး၍) ပညာ
တိုးပွားလိမ့်မည်။” ( ယေရှာယ ၆ဝး၈။ ယောဘ ၃၈း၃၅ ဖတ်ပါ)။
ဤအချင်းအရာများဖြစ်စပြုသောအခါ လူတို့သည်
ဘာကိုပြုလုပ်ကြရ မည်နည်း။
လုကာ ၂၁း၂၈၊ “ထိုအမှုအရာတို့ဖြစ်စရှိသောအခါ၊
သင်တို့ကို ရွေး နှုတ်သော အချိန်ကာလရောက်လုနီးသည်ကို ထောက်သဖြင့်၊ မြော်ကြည့်၍
ခေါင်းကို ကြွကြလော့”
ထိုအမှုအရာများအားလုံးဖြစ်ပျက်သောအခါ၊
သူတို့သည် ဘာကို သိရကြမည်နည်း။
လုကာ ၂၁း၃၁၊ “ထိုအကြောင်းအရာများဖြစ်သည်ကို
မြင်ရလျှင်၊ ဘုရားသခင်၏ နိုင်ငံတော်တည်လုနီးသည်ကို သိမှတ်ကြလော့။”
လူတို့သည်
ခရစ်တော်ကြွလာမည့်နေ့ရက်နှင့်အချိန်ကို သိရှိနိုင်မည် လား။
မဿဲ ၂၄း၃၆၊ “ထိုအချိန်နာရီကိုကား အဘယ်သူမျှမသိ။
ကောင်းကင် တမန် မသိ။ ငါ့ခမည်းတော်တပါးတည်းသာ သိတော်မူ၏။”
ခရစ်တော်ကြွလာခြင်းကို
မြော်လင့်သောသူများရှိမည်လား။
ဟေဗြဲ ၉း၂၈၊ “ခရစ်တော်သည်
လူအများ၏အပြစ်တို့ကိုခံခြင်းငှာ တခါတည်းကိုယ်ကိုပူဇော်ပြီးမှ၊ နောက်တဖန်ထိုသခင်ကို
မြော်လင့်လျက်နေ သော သူတို့ကို ကယ်တင်ခြင်းငှာ၊ အပြစ်နှင့်မဆိုင်ဘဲ
ပေါ်ထွန်းတော်မူလတံ့။”
ယေရှာယ ၂၅း၉၊ “ထိုကာလ၌၊ ကြည့်ရှုလော့၊
ဤအရှင်ကား ငါတို့ မြော်လင့်သော၊ ငါတို့၏ ဘုရားသခင်တည်း၊ ကယ်တင်တော်မူခြင်းကျေးဇူး
ကြောင့်၊ ငါတို့ဝမ်းမြောက်ရွှင်လန်းကြကုန်အံ့၊ ဟုဆိုကြလိမ့်မည်။”
သခင်ဘုရားကြွလာခြင်းကို
မြောင်လင့်လျက်နေစဉ်တွင် ငါတို့သည် မည်သို့ နေထိုင်ရမည်နည်း။
တိတု ၂း၁၁-၁၃၊
“မင်္ဂလာရှိသောမြော်လင့်ရာကို၎င်း၊ ကြီးမြတ်သော ဘုရားသခင်တည်းဟူသော၊
ငါတို့ကိုကယ်တင် တော်မူသော အရှင်သခင်ယေရှု ခရစ်တော်၏
ဘုန်းအသရေတော်ထင်ရှားပေါ်ထွန်းခြင်းကို၎င်း၊ ငါတို့သည် မြော်လင့်လျက်၊ ဘုရားမဲ့
တရားမဲ့နေခြင်း၊ လောကီတပ်မက်ခြင်းတို့ကို ပယ်ရှား လျက်၊ ယခုဘ၀၌ ဣန္ဒြေစောင့်ခြင်း၊
တရားသဖြင့်ကျင့်ခြင်း၊ ဘုရားဝတ်၌ မွေ့လျော်ခြင်းတို့ကို ပြုနေရမည်အကြောင်း၊
ငါတို့ကိုဆုံးမသွန်သင်၍၊ လူအပေါင်းတို့ကို ကယ်တင်တတ်သောဘုရားသခင်၏ ကျေးဇူးတော်သည်
ထင်ရှားပေါ်ထွန်းလျက်ရှိ၏။”
အခန်းကြီး - ၁၆
၁၆။ တံဆိပ်ခုနှစ်ချက်
THE
SEVEN SEALS
ဗျာဒိတ် ၅ မှ ၆ နှင့် ၈း၁ တို့ကိုဖတ်ပါ။
၁။ ပထမတံဆိပ်။ ဗျာဒိတ် ၆း၁၊၂ (ခရစ်တော်အချိန်မှ
ခသ ၁၀၀ အထိ)။ မြင်းဖြူ။ အဖြူရောင်သည် ဖြူစင်ခြင်းကို ပုံဆောင်သည်။ အသင်းတော် သည်
အောင်မြင်ခြင်းနှင့် ချီတက်ခဲ့သည် (ဇာခရိ ၄း၆။ ကောလောသဲ ၁း၂၃)။
၂။ ဒုတိယတံဆိပ်။ ဗျာဒိတ် ၆း၃၊၄ (ခသ ၁၀၀ မှ ၃၂၃
အထိ)။
မြင်းနီ။ အနီရောင်သည် သွေးချောင်းစီးခြင်းကို
ပုံဆောင်သည်။ မိစ္ဆာ ဒိဋ္ဌိဝါဒီတို့က ခရစ်ယာန်တို့ကို ညှဉ်းဆဲခဲ့သည်။
ဆင်းရဲဒုက္ခကာလ ဆယ်ရက် (ဗျာဒိတ် ၂း၁၀) သည် မိစ္ဆာဒိဋ္ဌိ ဧကရာဇ်မင်းများလက်ထက်
ဆယ်နှစ်ဆယ်မိုး ညှဉ်းဆဲခြင်းကို ဆိုလိုပါသည် (တမန်တော် ၂ဝး၂၉။ ၂ သက်သာလောနိတ်
၂း၇)။
၃။ တတိယတံဆိပ်။ ဗျာဒိတ် ၆း၅၊၆ (ခသ ၃၂၃ မှ ၅၃၈
အထိ)။ မြင်းနက်။ ဖေါက်ပြန်ခြင်း ပိုမိုနက်ရှိုင်းသည်၊ ဝိညာဉ်ရေးမှောင်မိုက်ချိန်
ဖြစ်သည်။
၄။ စတုတ္ထတံဆိပ်။ ဗျာဒိတ် ၆း၇၊၈ (ခသ ၅၃၈ မှ
၁၅၁၇ အထိ)။
မြင်းမွဲ။ ဘာသာရေးပြန်လည်ပြုပြင်ခြင်း
(မန်သမာအေငသည) အစပြု ချိန်၊ ရက်ရက်စက်စက်သတ်ဖြတ်ညှဉ်းဆဲသည့်အချိန်၊ ဘာသာရေးနှင့်
နိုင်ငံရေး ပူး
ပေါင်းနေချိန်ဖြစ်သည်။
၅။ ပဉ္စမတံဆိပ်။ ဗျာဒိတ် ၆း၉၊၁၀ (ခသ ၁၅၁၇ မှ
၁၇၅၅ အထိ)။ ယဇ်ပလ္လင်အောက်ရှိ ဝိညာဉ်များ။
ဘာသာရေးပြန်လည်ပြုပြင်ခြင်းအချိန်မှ ၁၇၅၅
ခုနှစ် နိုဝင်ဘာလ ၁ ရက်နေ့ လစ္စဘွန် ငလျင်လှုပ်ချိန်အထိဖြစ်သည်။ ၎င်းဝိညာဉ်များသည်
စတုတ္ထ တံဆိပ်အချိန်၌ အသတ်ခံရသောသူများဖြစ်သည်။ ထိုသို့ အသတ်ခံရသော သူများသည်
ကောင်းကင်သို့ မရောက်ရှိသေးပါ။ ယဇ်ပလ္လင်အောက်၌ နေရ သကဲ့သို့၊ မြေကြီးပေါ်၌
ပူဇော်ဆက်သခြင်း ခံရသည့်ပုံဖြင့် ဖော်ပြထားပါသည်။ မိမိတို့၏ယုံကြည်ခြင်းအတွက်
သူတို့အသေခံကြခြင်းဖြစ်သည်။ ပုံဆောင်သရုပ် ဖော်ခြင်းဖြင့် ဖော်ပြထားခြင်း
ဖြစ်ပါသည်။ အသက်ရှင်နေသကဲ့သို့ သရုပ်ဖော် ထားသောသက်မဲ့အရာများလည်း တွေ့ရပါသည်
(ဟဗက္ကုတ် ၂း၁၁။ ကမ္ဘာဦး ၄း၁၀။ တရားသူကြီး ၉း၈-၁၅။ ရောမ ၄း၁၇)။
ထိုသို့အသေသတ်ခံရသောသူများကို
အဆိုးဆုံးသောသူများဟု လူများ မှတ်ယူခဲ့ကြသော်လည်း နေ့သစ်တစ်နေ့ ထွက်လာပါသည်။
သူတို့၏အပြုအမူ များနှင့် လုပ်ဆောင်ချက်များတို့ကို အကောင်းမြင်လာကြပါသည်။
သူတို့ကို ဝတ်လုံဖြူ ဝတ်ဆင်ပေးပါသည် (ဗျာဒိတ် ၁၉း၈)။ ရှင်ပြန်ထမြောက်ရာနေ့ကြီး အထိ
သူတို့သည် အချိန်အနည်းငယ် အနားရကြမည်ဖြစ်ပါသည် (၁ သက်သာ လောနိတ် ၄း၁၆-၁၈)။
၆။ ဆဌမတံဆိပ်။ ဗျာဒိတ် ၆း၁၂-၁၇ (ခသ ၁၇၅၅ မှ
အမှုကုန်ဆုံး သည့်အထိ)။
ကြီးစွာသောမြေလှုပ်ခြင်း။ ၁၇၅၅ ခုနှစ်
နိုင်ဝင်ဘာလ ၁ ရက်နေ့တွင် လှုပ်ခဲ့သောလစ္စဘွန်ငလျင်ကြီးသည် စတုရန်းမိုင်ပေါင်း ၄
သန်းအကျယ် အဝန်းကို တုန်ခါစေပါသည်။ လစ္စဘွန်မြို့ကြီးမှာပင်လျှင် လူပေါင်း ၁ သိန်း
နီးပါးသေဆုံးသွားခဲ့ပါသည်။
ဗျာဒိတ် ၆း၁၂။ နေမိုက်သောနေ့ကြီး၊ ၁၇၈၀ ခုနှစ်
မေလ ၁၉ ရက်နေ့။ လသည် အသွေးကဲ့သို့ဖြစ်၊ ၁၇၈၀ ခုနှစ် မေလ ၁၉ ရက်နေ့ည (အာမှတ် ၅း၈။
ယေရှာယ ၁၃း၁၀။ ယေဇကျေလ ၃၂း၇)။
ဗျာဒိတ် ၆း၁၃။ ကောင်းကင်မှကြယ်များကြွေ၊ ၁၈၃၃
ခုနှစ်၊ နိုဝင်ဘာ လ ၁၃ ရက်နေ့ည (မဿဲ ၂၄း၂၉။ မာကု ၁၃း၂၅)။
ဗျာဒိတ် ၆း၁၄။ စာစောင်လိပ်သကဲ့သို့
ကောင်းကင်လွင့်သွား (ယေရှာ ယ ၃၄း၄။ ၂ ပေတရု ၃း၁၀)။
ယခုအချိန်ကျွန်ုပ်တို့သည် ဗျာဒိတ် ၆ အခန်းငယ်
၁၃ နှင့် ၁၄ စပ်ကြား
တွင်ရှိနေပါသည်။
၇။ သတ္တမတံဆိပ်။ ဗျာဒိတ် ၈း၁။
ကောင်းကင်ဘုံ၌နာရီဝက်မျှတိတ်ဆိတ်။
မိမိလူတို့အတွက် သခင်ယေရှု ကြွလာသောအခါ၊ သန့်ရှင်းသောကောင်းကင်တမန်များအားလုံး
ပါလာသည် ဖြစ်သောကြောင့်၊ ကောင်းကင်သည် လူသူမရှိတိတ်ဆိတ်သွားပါသည်။
မဿဲ ၂၅း၃၁၊ “လူ၏သားသည် မိမိဘုန်းအာနုဘော်ကို
ဆောင်လျက်၊ သန့်ရှင်းသော ကောင်းကင်တမန်များ အခြံအရံတို့နှင့်တကွ ကြွလာတော်မူ
သောအခါ၊ ဘုန်းရှိသောပလ္လင်တော်ပေါ်မှာထိုင်၍၊...” (ဗျာဒိတ် ၅း၁၁-၁၃ ဖတ်ပါ)။
အခန်းကြီး - ၁၇
၁၇။ အသင်းတော်ခုနစ်ပါး
THE
SEVEN CHURCHES
ဗျာဒိတ်ကျမ်း အခန်းကြီး ၂ နှင့် ၃ ကိုဖတ်ပါ။
ဗျာဒိတ်ကျမ်းတွင် အမှတ်လက္ခဏာဖြင့် ဖေါ်ပြသောအနာဂတ်စကားအရ ဤအသင်းတော်ခုနစ် ပါးသည်
ခရစ်တော်ပထမကြွလာသည့် အချိန်မှစ၍ ဒုတိယကြွလာသည့် အချိန်အထိ
အချိန်ကာလခုနစ်ကာလအတွင်း အသင်းတော်၏ အခြေအနေကို ပုံဆောင်၍ သရုပ်ဖော်ထားပါသည်။
၁။ ဧဖက် အသင်းတော် (ခရစ်တော်အချိန်မှ ခသ ၁၀၀
အထိ)။
ဧဖက်သည် “နှစ်သက်ဖွယ်” ဟုအဓိပ္ပါယ်ရှိသည်။
တမန်တော်များ ခေတ်၊ အသင်းတော်၏အခြေအနေကိုပုံဆောင် ဖော်ပြထားပါသည်။
ဗျာဒိတ် ၂း၂၊
“လှည့်ဖြားသောသူများဖြစ်ကြောင်းသိရှိ။” (တမန်တော်
၁၃း၈ ကြည့်ပါ)။ ဗျာဒိတ် ၂း၃၊ “ငါ၏နာမကြောင့်
ဆင်းရဲခံ။” ဧဝံဂေလိ
သတင်းစကား တစ်ကမ္ဘာလုံးသို့ ရောက်ရှိသွားသည်
(ကောလောသဲ ၁း၂၃။ တမန်တော် ၈း၄ ဖတ်ပါ)။
ဗျာဒိတ် ၂း၇၊ “ပါရဒိသုဥယျာဉ်” သည် ဘုရားသခင်၏
ပလ္လင်တော် တည်ရှိရာကောင်းကင်ဘုံဖြစ်ပါသည် (၂ ကောရိန်သု ၁၂ါ်၂၊၄။ ဗျာဒိတ် ၂၂း၁၊၂)။
၂။ စမုရနအသင်းတော် (ခသ ၁၀၀ မှ ၃၂၃ အထိ)။
စမုရနသည် “ရေမွှေး” သို့မဟုတ် “အမွှေးအကြိုင်”
ဟုအဓိပ္ပါယ်ရှိ သည်။ ဘုရင်ကြီးကွန်စတန်တင်းကိုယ်တိုင် ခရစ်ယာန်ဖြစ်လာ၍၊ အင်ပါယာ
တစ်ခုလုံး ခရစ်ယာန်နိုင်ငံဖြစ်လာကာ၊ မိစ္ဆာဒိဋ္ဌိဝါဒီတို့၏ ညှဉ်းဆဲနှိပ်စက်ခြင်း
လုံး၀နီးပါး ရပ်တန့်သွားသည့် အသင်းတော်၏အခြေအနေကို ဖော်ပြထားခြင်း ဖြစ်ပါသည်။
ဗျာဒိတ် ၂း၁၀၊ “ဆယ်ရက်ပတ်လုံးဆင်းရဲဒုက္ခ။”
ဘုရင်ကြီး ဒီအိုက လေးရှန် လက်ထက်မိစ္ဆာဒိဋ္ဌိဝါဒီတို့၏ ဆယ်နှစ်ဆယ်မိုး (ခသ ၃၀၃ မှ
၃၁၃ အထိ ညှဉ်းဆဲနှိပ်စက်ခြင်းကာလဖြစ်ပါသည်။
၃။ ပေရင်္ဂအသင်းတော် (ခသ ၃၂၃ မှ ၅၃၈ အထိ)။
ပေရဂံသည် “မြင့်မားခြင်း” သို hမဟုတ် “ပင့်မြှောက်ခြင်း” ဟု အဓိ ပ္ပါယ်ရှိပါသည်။ ဗျာဒိတ်
၂း၁၂-၁၇သည် ဘုရင်ကြီး ကွန်စတန်တင်းအချိန် မှစ၍ နှစ်ပေါင်း ၁၂၆၀
ညှဉ်းဆဲခြင်းကာလအစပြုသောအချိန်အထိ အသင်း တော်၏ အခြေအနေကို
ပုံချယ်ထားခြင်းဖြစ်ပါသည်။
ဗျာဒိတ် ၂း၁၄၊ “ဗာလမ်။” (တောလည်ရာ ၂၄၊၂၅။ ၂
ပေတရု ၂း၁၅။ ယုဒ ၁၁)။
၄။ သွာတိရအသင်းတော် (ခသ ၅၃၈ မှ ၁၇၉၈ အထိ)။
သွာတိရသည် “နောင်တသံဝေဂ” သို့မဟုတ်
“အားထုတ်ခြင်းလင်္ကာ” ဟုအဓိပ္ပါယ်ရှိသည် (ဗျာဒိတ် ၂း၁၈-၂၉)။ နှစ်ပေါင်း ၁၂၆၀
ပတ်လုံးဆင်းရဲ ဒုက္ခ ကာလတစ်လျှောက် သန့်ရှင်းသူတို့၏ ဒုက္ခဝေဒနာကို
ဖော်ပြထားခြင်းဖြစ် ပါသည် (မဿဲ ၂၄း၂၁၊၂၂)။
၅။ သာဒိအသင်းတော် (ခသ ၁၇၉၈ မှ ၁၈၃၃)။
သာဒိသည် “ကျန်ရစ်သောအရာ” ဟုအဓိပ္ပါယ်ရှိသည်
(ဗျာဒိတ် ၃း၁-၆)။ ဘာသာရေးပြုပြင်ပြောင်းလဲမှုကြီးကာလရှိ သန့်ရှင်းသူတို့၏ အခြေအနေ
ကို ဖေါ်ပြခြင်းဖြစ်ပါသည်။
၆။ ဖိလဒေလဖိ အသင်းတော် (ခသ ၁၈၃၃ မှ ၁၈၄၄ အထိ)။
ဖိလဒေလဖိသည် “ညီအစ်ကိုချစ်ခြင်း”
ဟုအဓိပ္ပါယ်ရှိသည် (ဗျာဒိတ် ၃း၇-၁၃)။
ခရစ်တော်ကြွလာမည်ဟု တက်တက်ကြွကြွ
ဟောပြောသောအသင်း တော်၏ အချိန်ကာလကို ပုံဆောင်ထားပါသည်။ ကောင်းကင်ဆိုင်ရာ သန့်ရှင်း
ရာဌာန၌ ယဇ်ပုရောဟိတ်မင်းကြီးအဖြစ် ခရစ်တော်၏အမှုတော်ဆောင်ခြင်း ကို
အထူးအာရုံစိုက်လာကြသည်။
၇။ လောဒိကိ အသင်းတော် (ခသ ၁၈၄၄ မှ
အမှုကုန်ဆုံးချိန်အထိ)။
လောဒိကိသည် “လူတို့ကို အမှုစစ်ဆေးခြင်း”
ဟုအဓိပ္ပါယ်ရှိသည် (ဗျာ ဒိတ် ၃း၁၄-၂၂)။ အနာဂတ်စကားအချို့ (ဒံယေလ ၈း၁၄ ၌ပါသော ရက်
ပေါင်း ၂၃၀၀) သည် ခသ ၁၈၄၄ ခုနှစ်တွင် ကုန်ဆုံးသွားသည်။
ဗျာဒိတ် ၃း၁၈။ “ဝယ်လော့” (ယေရှာယ ၅၅း၁)
“ဖြူသောအဝတ်” (ဟေရှာယ ၆၄း၆)။ “မျက်စဉ်း” (တမန်တော် ၁ဝး၃၈)။ “သန့်ရှင်းသော
ဝိညာဉ်တော်” (၁ ယောဟန် ၂း၂၀၊ ၂၇။ ယောဟန် ၁၄း၂၆)။
မှတ်ချက်။ ဒံယေလကျမ်းနှင့် ဗျာဒိတ်ကျမ်းတို့မှ
အနာဂတ် စကားများ ကို အခန်းငယ်တစ်ခုချင်းစီဖြင့် လေ့လာလိုပါက Uriah
Smith ရေးသားပြုစု သော Daniel and Revelation စာအုပ်ကို ဖတ်ရှုလေ့လာပါ။ Bible
Readings ခေါ်
သမ္မာကျမ်းညွှန်းနှင့် L.E. Froom ရေးသားပြုစုသော Prophetic Faith of our
Father ကိုလည်း ဖတ်ရှုလေ့လာနိုင်ပါသည်။
အခန်းကြီး - ၁၈
၁၈။ တံပိုးခုနစ်လုံး
THE
SEVEN TRUMPETS
ဗျာဒိတ် ၈း၂-၁၃။ ၉း၁-၂၁။ ၁ဝး၇။ ၁၁း၁၅-၁၉ ဖတ်ပါ။
အနာဂတ်စကားတွင် တံပိုးသည် စစ်တိုက်ခြင်း၊
ဒုက္ခရောက်ခြင်းတို့ကို ဖော်ပြသောအမှတ်လက္ခဏာဖြစ်ပါသည်။
၁ ကောရိန်သု ၁၄း၈၊ “တံပိုးခရာသည်လည်း၊ မမှန်
(မသေချာ) သော အသံနှင့်မြည်လျှင်၊ အဘယ်သူသည် စစ်တိုက်ခြင်းငှာ
မိမိကိုယ်ကိုပြင်ဆင်မည် နည်း” (ယေရမိ ၄း၁၉၊ ၂၀)။
ပထမတံပိုးလေးလုံးသည် ခရစ်တော်အချိန်၌
ကမ္ဘာကိုအုပ်စိုးခဲ့သော
ရောမအင်ပါယာကြီး
ကျဆုံးခြင်းကိုဖော်ဆောင်နေပါသည်။
၁။ ပထမတံပိုးမှုတ်ခြင်း၊
ဗျာဒိတ် ၈း၇၊ “ပထမကောင်းကင်တမန်သည်
တံပိုးမှုတ်သောအခါ သွေးနှင့်ရောသောမီးနှင့် မိုးသီးတို့သည် လိုက်လာ၍၊
မြေကြီးပေါ်သို့ ချလိုက် လျှင် သစ်ပင်သုံးစုတစ်စုနှင့် စိမ်းသောမြက်ပင်ရှိသမျှတို့
ကျွမ်းလောင်လေ၏။” (ခသ ၃၉၅ မှ ၄၁၀ ကာလတွင် မြောက်ဘက်မှအလာရိနှင့်ဂေါသလူမျိုးတို့က
ရောမ အင်ပါယာကို ဝင်ရောက်တိုက်ခိုက်ခြင်းဖြစ်သည်။
၂။ ဒုတိယတံပိုးမှုတ်ခြင်း၊
ဗျာဒိတ် ၈း၈၊၉၊ “ဒုတိယကောင်းကင်တမန်သည်
တံပိုးမှုတ်သောအခါ မီးလောင်သောတောင်ကြီးကို ပင်လယ်ထဲသို့ ချလိုက်သကဲ့သို့ဖြစ်၍၊
ပင်လယ် သုံးစု တစ်စုသည် အသွေးဖြစ်၏။ ပင်လယ်၌ အသက်ရှင်သော သတ္တဝါသုံးစု တစုလည်း
သေ၏။ သင်္ဘော သုံးစုတစုလည်းပျက်၏။” (ခသ ၄၂၈ မှ ၄၇၆ ကာလတွင် ဂျင်းစရိနှင့်
ဗန်ဒါးလ်လူမျိုးတို hသည် ပင်လယ်မှ အာဖရိကနှင့် အီတလီနိုင်ငံများကို
ဝင်ရောက်တိုက်ခိုက်ကာ၊ ရောမစစ်သင်္ဘော ၁၀၀၀ ကျော်နှင့်လူ ၁ သိန်းကျော်ကို
ဖျက်ဆီးသတ်ဖြတ်ခဲ့ပါသည်။ Gibbon ရေးသား ပြုစုသော Decline and Fall
of the Roman Empire, Chap. 36.)
၃။ တတိယတံပိုးမှုတ်ခြင်း၊
ဗျာဒိတ် ၈း၁၀၊ ၁၁၊ “တတိယကောင်းကင်တမန်သည်
တံပိုးမှုတ်သော အခါ၊ မီးခွက်ကဲ့သို့ ထွန်းတောက်သော ကြယ်ကြီးသည် ကောင်းကင်ကကျ၍၊
မြစ်သုံးစု တစုသို့၎င်း၊ စမ်းရေတွင်းသို့၎င်း ရောက်၏။ ထိုကြယ်သည် ဒေါနရွက် ဟူသော
အမည်ရှိ၏။ ရေသုံးစု တစုသည် ဒေါနရွက်ဖြစ်၍ ရေခါးသောကြောင့် လူအများတို့သည် သေကြ၏။”
(ခသ ၄၅၁ ခုနှစ်တွင် အတ္တီလာခေါင်းဆောင် သော ဟန်းလူမျိုးတို့သည်
ရောမအင်ပါယာအနောက်ဘက်ခြမ်းကို ဝင်ရောက် တိုက်ခိုက်ခဲ့သည်။ အတ္တီလာသည်
မိမိကိုယ်မိမိ “ဘုရားကြာပွတ်” ဟုခေါ်ဝေါ် သမုတ်ခဲ့သည်။
၄။ စတုတ္ထတံပိုးမှုတ်ခြင်း၊
ဗျာဒိတ် ၈း၁၂ “စတုတ္ထကောင်းကင်တမန်သည်
တံပိုးမှုတ်သောအခါ၊ နေသုံး စုတစု၊ လသုံးစုတစု၊ ကြယ်သုံးစုတစု ကြတ်၍၊
သုံးစုတစုမိုက်လေ၏။ နေ့သုံးစုတစု၊ ညသုံးစုတစုသည် အလင်းမရှိ၊” (အိုဒိုဆာ ဦးဆောင်သော
ဟေရုလီလူမျိုးတို့၏ လက်သို့ ခသ ၄၇၆ ခုနှစ်တွင် ရောမအနောက်ဘက်ခြမ်း ကျရောက်ခဲ့သည်။
ထိုအခါ အီတလီနိုင်ငံသည်
ကွန်စတန်တီနိုပယ်မြို့တော်မှ အုပ်ချုပ်သော ရောမအရှေ့ခြမ်း ဧကရာဇ်ဘုရင်ကြီး၏
လက်ဝေခံနယ်ပယ် အဖြစ်သာ တည်ရှိပါသည်)။
၅။ ပဉ္စမတံပိုးမှုတ်ခြင်း၊
ဗျာဒိတ် ၈း၁၃ မှ ၉း၃ အထိ၊ “ထိုအခါ
ငါကြည့်လျှင်၊ ရွှေလင်းတ တကောင်က၊ ကြွင်းသေးသော
ကောင်းကင်တမန်သုံးပါးမှုတ်လုလတံ့သော တံပိုးသံကြောင့် မြေကြီးသားတို့သည် အမင်္ဂလာ၊
အမင်္ဂလာ၊ အမင်္ဂလာရှိကြ၏၊ ဟု ကောင်းကင်အလယ်၌ ပျံဝဲ၍ ကြီးသောအသံနှင့်ဆိုသည်ကို
ငါကြား၏။ ပဉ္စမ ကောင်းကင်တမန်သည် တံပိုးမှုတ်သောအခါ၊ ကြယ်တလုံးသည် ကောင်းကင်က
မြေကြီးပေါ်သို့ကျသည်ကို ငါမြင်၏။ သူ၌အနက်ဆုံးသော တွင်း၏သော့ကို အပ်ပေးသည်ဖြစ်၍၊
သူသည် အနက်ဆုံးသောတွင်းကို ဖွင့်လျှင်၊ ကြီးစွာသောမီးဖို၏ အခိုးကဲ့သို့သော
အခိုးသည်တွင်းထဲကတက်လေ ၏။ ထိုတွင်း၏မီးခိုးကြောင့်၊ နေနှင့် အာကာသကောင်းကင်သည်
မှောင်မိုက် လေ၏။ ကျိုင်းကောင်တို့သည် မီးခိုးအထဲက မြေကြီးအပေါ်သို့ ထွက်၍
မြေကင်းမီးကောက်တန်ခိုးကဲ့သို့သောတန်ခိုးကိုရကြ၏။”
ပဉ္စမ၊ ဆဌမနှင့် သတ္တမတံပိုးတို့ကို
သူတို့၏လုယက်ဖျက်ဆီးခြင်းစရိုက် ကြောင့် “အမင်္ဂလာ” တံပိုးများဟုခေါ်ဝေါ်ပါသည်။
မိုဟာမက်နှင့် အီစလမ် ဘာသာဝင်တို့သည် ရောမအရှေ့ဘက်ခြမ်းကို ရန်ဘက်ပြုခဲ့ပါသည်။
အိုသိုမန်း သည် ခသ ၁၂၉၉ ခုနှစ်ဇူလိုင်လ ၇ ရက်နေ့တွင် ရောမအရှေ hဘက်ခြမ်းနယ် မြေကို ဝင်ရောက်တိုက်ခိုက်သိမ်းပိုက်ပြီး
အုပ်ချုပ်သည့်အချိန်အထိ နှစ်ပေါင်း ရာချီ၍ ဗဟိုအစိုးရမရှိခဲ့ပါ။ (Decline
and Fall of Rome, Chap 64, part. 14) ဗျာဒိတ် ၉း၁၀၊ “ကင်းမြီးကောက်အမြီးနှင့် တူသောအမြီးရှိကြ၏။
အမြီး၌ လည်းဆူးရှိ၏။ လူတို့ကို ငါးလပတ်လုံး ညှဉ်းဆဲရသောအခွင့်တန်ခိုး ရှိ၏။”
တစ်လရက်သုံးဆယ်ဖြင့်တွက်လျှင် ငါးလသည်
ရက်ပေါင်း သို့မဟုတ် နှစ်ပေါင်း ၁၅၀ ရှိ၏ (တောလည်ရာ ၁၄း၃၄။ ယေဇကျေလ ၄း၆)။ ခသ ၁၂၉၉
ခုနှစ် ဇူလိုင်လ ၂၇ ရက်နေ့မှ ၁၄၄၉ ခုနှစ် ဇူလိုင်လ ၂၇ ရက်နေ့အထိ ဖြစ်သည်။
ရောမအင်ပါယာ အရှေ့ဘက်ခြမ်းသည် နိုင်ငံရေးအရသတ်ဖြတ် ခြင်းမခံရသော်လည်း၊ ပြင်းထန်စွာ
ဖိစီးညှဉ်းပန်းခြင်းခံရပါသည်။
၆။ ဆဌမတံပိုးမှုတ်ခြင်း၊
ဗျာဒိတ် ၉း၁၂-၂၁၊ ကောင်းကင်တမန်လေးပါးသည်
ယူဖရေးတေးစ် မြစ်ဝှမ်းတစ်လျှောက်ရှိ
ဘဂ္ဂဒက်၊ အီကိုနီယမ်၊ အလက်ပိုနှင့် ဒမားစကပ် စူလ်တန်စော်ဘွားလေးပါးဖြစ်ပါသည်
(ဗျာဒိတ် ၁၆း၁၂-၁၆။ ၇း၁၃)။
မှတ်ချက်။ တူရကီတို့သည် တန်ခိုးအင်အားကြီးလာကာ၊
ကွန်စတန် တီနိုပယ်ကို သိမ်းပိုက်ပြီး၊ ခသ ၁၄၅၃ တွင် နောက်ဆုံးရောမအင်အား
အကြွင်းအကျန်ကို အောင်မြင်ခဲ့လေသည်။ တိုက်ပွဲတွင် သေနတ်ယမ်းတောင့် ကို
အသုံးပြုကြောင်း ဗျာဒိတ် ၉း၁၆၊ ၁၇ တွင် ထင်ရှားလျက်ရှိပါသည်။ ကွန်စတန်တီနိုပယ်မြို့
သိမ်းပိုက်ရာတွင်လည်း အသုံးပြုခဲ့ပါသည်။
ဗျာဒိတ် ၁၆း၁၂-၁၆ တွင်လည်း
ယူဖရေးတေးစ်မြစ်ကြောင်း တစ်လျှောက်ကို ကြိုးကိုင်သောအာဏာတန်ခိုးကို
ဖော်ပြထားပြန်ပါသည်။
ဗျာဒိတ် ၉း၁၅၊ “ထိုအခါလူသုံးစုတစုကို
အသေသတ်ခြင်းငှာ၊ တနာရီ၊ တရက်၊ တလ၊ တနှစ်အဖို့ ပြင်ဆင်သော
ကောင်းကင်တမန်လေးပါးတို့ကို လွှတ်လေ၏။”
တစ်နာရီ (၁၅ ရက်)၊ တစ်ရက် (တစ်နှစ်)၊ တစ်လ (၃၀
နှစ်)နှင့် တစ်နှစ် (နှစ်ပေါင်း ၃၆၀) ပေါင်း၊ နှစ်ပေါင်း ၃၉၁ နှင့် ၁၅ ရက်ဖြစ်သည်။
၎င်းကိုခသ ၁၄၄၉ ဇူလိုင် ၂၇နှင့် ပေါင်းလျှင် ခသ ၁၈၄၀ ဩဂုတ်လ ၁၁
သို့ရောက်သွားပါသည်။ ခသ ၁၄၄၉ ခုနှစ် ကွန်စတန်တီနိုပယ်၏ ဘုရင် ကြီးကံမကုန်မီမှာပင်၊
ညီတော်အဌမမြောက်ကွန်စတန်တင်းသည် တူရကီ စူလ်တန်စော်ဘွား အမူရသ်ထံသို့၊ နန်းတက်ခွင့်
လျှောက်ထားခဲ့သောကြောင့်၊ ရောမအရှေ့ခြမ်းအင်ပါယာ၏ လွတ်လပ်ခွင့်ကို တူရကီတို့၏
လက်တွင်းသို့ အလိုအလျောက်ကျရောက်သွားပါသည်။ ထိုမှနှစ်ပေါင်း ၃၉၁ နှစ်နှင့် ၁၅ ရက်
အကြာ ခသ ၁၈၄၀ ဩဂုတ်လ ၁၁ရက်နေ့တွင် တူရကီတို့သည် မိမိတို့၏ ရည်မှန်းချက်များ၊
ရည်ရွယ်ချက်များနှင့် လွတ်လပ်မှုတို့ကို ဥရောပအာဏာ တန်ခိုးများလက်တွင်းသို့
စွန့်လွတ် ပေးအပ်ခဲ့ပါသည်။ စူလ်တန်စော်ဘွား၏ လက်အောက်အရာရှိကြီးဖြစ်သော
အီဂျစ်အမတ်ကြီး မေဟေမက်အလီသည်၊ ခသ ၁၈၄၀ ခုနှစ် ဩဂုတ်လ ၁၁ ရက်နေ့၌
မိမိလုပ်ပိုင်ခွင့်တို့ကို စူလ်တန် စော်ဘွားက အင်္ဂလန်၊ ရုရှား၊ ဩစတြီးယားနှင့်
ပရပ်ရှားတို့လက်သို့ လွှဲအပ် ခြင်းကြောင့် စူလ်တန်စော်ဘွားကို တော်လှန်ပုန်ကန်ရန်
အစပြုသောအခါ၊ ထိုအစိုးရတို့သည် မေဟေမက် အလီထံသို့ အာဏာကို ပြန်လည်လွှဲအပ်လိုက်
ကြပါသည်။ ထိုသို့အားဖြင့် စူလ်တန်စော်ဘွားတို့၏ လွတ်လပ်ခွင့်သည် အဆုံးသတ်သွားပြီး၊
အနာဂတ်စကားလည်း ပြည့်စုံသွားပါသည်။
၇။ သတ္တမတံပိုးမှုတ်ခြင်း၊
ဗျာဒိတ် ၁ဝး၇၊
“သတ္တမကောင်းကင်တမန်တံပိုးမှုတ်ခြင်း အသံမြည် သော နေ့ရက်ကာလတွင်၊
မိမိအစေခံပရောဖက်တို့အား ဖော်ပြခဲ့သည့်အတိုင်း၊ ဘုရားသခင် ၏နက်နဲသောအရာသည်
ပြည့်စုံခြင်းသို့ရောက်လိမ့်မည်။”
ဗျာဒိတ် ၁၁း၁၅-၁၇၊ “သတ္တမကောင်းကင်တမန်သည်
တံပိုးမှုတ်သော အခါ၊ ကောင်းကင်ဘုံ၌ကြီးသောအသံတို့ကား၊ လောကီနိုင်ငံသည် ငါတို့သခင်
နှင့်သူ၏ ခရစ်တော်နိုင်ငံဖြစ်လေပြီ။ သူသည်လည်း ကမ္ဘာအဆက်ဆက် စိုးစံ တော်မူမည်ဟု
ပြောဆိုကြ၏။ ဘုရားသခင်၏ ရှေ့တော်၌ မိမိတို့ပလ္လင်ပေါ်မှာ ထိုင်သော အသက်ကြီး
သူနှစ်ဆယ့်လေးပါးတို့သည် ပြပ်ဝပ်၍ ဘုရားသခင်ကို ကိုးကွယ်လျက်၊ အနန္တတန်ခိုးနှင့်
ပြည့်စုံ၍၊ ပစ္စုပ္ပန်၊ အတိတ်၊ အနာဂတ်ကာလ အစဉ်ရှိတော်မူသော ထာ၀ရအရှင်ဘုရားသခင်၊
ကိုယ်တော်၏မဟာတန်ခိုး တော်ကို ယူဆောင်၍ စိုးစံတော်မူသော ကျေးဇူးတော်ကို
အကျွန်ုပ်တို့သည် ချီးမွမ်းပါ၏။. . .”
မှတ်ချက်။ “ဘုရားသခင်၏နက်နဲသောအရာ”သည်
ဧဝံဂေလိသတင်း ဖြစ်၏။ ဧဖက် ၃း၃-၆၊ “ငါသည် အထက်ကအနည်းငယ်ရေးထားခဲ့သည် အတိုင်း၊
ဘုရားသခင်သည် ဗျာဒိတ်တော်အားဖြင့် နက်နဲသောအရာကို ငါ့အားပြတော်မူ၏။
၎င်းကိုသင်တို့သည်ဖတ်ရှုလျှင် ခရစ်တော်၏နက်နဲသော အရာ၌ ငါလေ့ကျက်သည်ကို သင်တို့သိရကြမည်။
ထိုနက်နဲသောအရာကို ဝိညာဉ်တော်သည် သန့်ရှင်းသော တမန်တော်တို့နှင့် ပရောဖက်တို့အား
ဖော်ပြ တော်မူသည်နည်းတူ၊ အခြားသော ကာလတို့၌ လူ၏သားတို့အားပြတော်မမူ။
ထိုနက်နဲသောအရာမူကား၊ တပါးအမျိုးသားတို့သည် ဧဝံဂေလိတရားအားဖြင့်
ယုဒအမျိုးသားတို့နှင့်အတူအမွေခံ၍ တကိုယ်တည်း ဖြစ်လျက်၊ ခရစ်တော်နှင့် ဆိုင်သော
ကတိတော်ကို ဆက်ဆံရကြသတည်း။” (ဂလာတိ ၁း၁၁၊ ၁၂)။
အမျက်ထွက်သောလူမျိုးများ
ဗျာဒိတ် ၁၁း၁၈၊ “လူမျိုးတို့သည် အမျက်ထွက်ကြ၏။
အမျက်တော် လည်း ရောက်လာပြီ။ သေလွန်သောသူတို့ကို တရားစီရင်တော်မူ၍၊ ကိုယ် တော်၏
ကျွန်ပရောဖက်တို့အား၎င်း၊ သန့်ရှင်းသူတို့အား၎င်း၊ ကိုယ်တော်ကို
ကြောက်ရွံ့ရိုသေသောသူ အကြီးအငယ်တို့အား၎င်း၊ ဆုကိုပေးသနားတော် မူ၍၊ မြေကြီးကိုဖျက်ဆီးသော
သူတို့ကို ဖျက်ဆီးတော်မူသောအချိန်ရောက်ပါ ပြီ။”
ဒံယေလ ၁၂း၁၊ “ထိုကာလ၌ သင့်အမျိုးသားချင်းတို့၏
အမှုကိုစောင့် သော အရှင်ကြီး မိက္ခေလသည် ပေါ်လာလိမ့်မည်။ လူမျိုးတစုံတမျိုးမျှ
ဖြစ်သည်ကာလမှစ၍ ထိုကာလတိုင်အောင်မဖြစ်စဖူးသော ဆင်းရဲဒုက္ခကာလ သည် ရောက်လိမ့်မည်။
ထိုကာလအခါစာစောင်၌ စာရင်းဝင်သမျှသော သင် ၏ အမျိုးသားချင်းတို့သည်
ကယ်လွှတ်ခြင်းသို့ရောက်ကြလိမ့်မည်။”
ကောင်းကင်ဆိုင်ရာသန့်ရှင်းရာဌာနဆေးကြောခြင်း၊
သို့မဟုတ် အမှု စစ်ဆေးခြင်းကာလသည် ခသ ၁၈၄၄ ခုနှစ်၌စတင်ခဲ့ပြီး၊
မကြာမီပြီးဆုံးသွားပါ လိမ့်မည်။ သို့ပြီးမှ ခရစ်တော်ကြွလာပါလိမ့်မည် (ဗျာဒိတ်
၂၂း၁၀-၁၂)။ အနှစ်တစ်ထောင်စိုးစံခြင်းကာလတွင် သန့်ရှင်းသူတို့သည် ခရစ်တော်နှင့် အတူ
တရားစီရင်ပါလိမ့်မည်။
၁ ကောရိန်သု ၆း၁-၃၊ “သင်တို့သည်
အချင်းချင်းအမှုရှိလျှင်၊ သန့်ရှင်း သူတို့ရှေ့၌ တရားစီရင်ခြင်းကိုမခံဘဲ၊
သာသနာပလူတို့ရှေ့၌ ခံဝံ့သောသူ တစုံ တယောက်ရှိသလော။ သန့်ရှင်းသူတို့သည်
လောကီနိုင်ငံ(သားတို့)ကို တရား စီရင်မည်ဟုမသိကြသလော။ သင်တို့သည်
လောကီနိုင်ငံ(သားတို့) ကိုစီရင်ရ သည်မှန်လျှင်၊ အငယ်ဆုံးသောအမှုများကို
မစီရင်ထိုက်သလော။ ငါတို့သည် ကောင်းကင်တမန်တို့ကို တရားစီရင်မည်ဟုမသိကြသလော။
သို့ဖြစ်၍ လောကီအမှုကို စီရင်ထိုက်သည်မဟုတ်လော။” (ဗျာဒိတ် ၂ဝး၄)။
ဗျာဒိတ် ၁၁း၁၉၊ “ကောင်းကင်ဘုံ၌ ဘုရားသခင်၏
ဗိမာန်တော်ကို ဖွင့်ထား၍၊ ဗိမာန်တော်ထဲမှာ ပဋိညာဉ်သေတ္တာတော်ထင်ရှားလေ၏။ ထိုအခါ
လျှပ်စစ်ပြက်ခြင်း၊ အသံမြည်ခြင်း၊ မိုးချုန်းခြင်း၊ မြေလှုပ်ခြင်း၊ အလုံး ကြီးစွာ
သော မိုးသီးကျခြင်းဖြစ်ကြ၏။”
သတ္တမတံပိုးမှုတ်ခြင်းသည်
နောက်ဆုံးကာလအဖြစ်အပျက်များမှစ၍ ဘုန်းတော်နှင့်ပြည့်၀သော ထာ၀ရနိုင်ငံတော်
တည်ထောင်သည့်အချိန်အထိ သရုပ်ဖော်ခြင်း ဖြစ်ပါသည် (ဗျာဒိတ် ၁၆း၁၇၊ ၁၈)။
အခန်းကြီး - ၁၉
၁၉။ နောက်ဆုံးဘေးဒဏ်ခုနစ်ပါး
THE
SEVEN LAST PLAGUES
ဗျာဒိတ် ၁၅း၁၊ “တဖန်တုံ၊
ဘုရားသခင်၏အမျက်တော်ကို ပြီးစီးစေ သော နောက်ဆုံးဘေးဒဏ်ခုနစ်ပါးရှိသော
ကောင်းကင်တမန်ခုနစ်ပါးတည်း ဟူသော၊
ကောင်းကင်၌အံ့ဖွယ်သောနိမိတ်ကြီးအခြားတပါးကို ငါမြင်ရ၏။” သားရဲကို
ကိုးကွယ်သောသူတို့သည် ဂရုဏာနှင့်ရောနှောခြင်းမရှိသော ဘုရား သခင်၏
အမျက်တော်စပျစ်ရည်ကိုသောက်ရသည် (ဗျာဒိတ် ၁၄း၉၊၁၀။ ၁၆း၁-၂၁)။
နောဧလက်ထက်၌ ရေလွှမ်းမိုးသောအခါ
ဘုရားသခင်ကိုယ်တော်တိုင် သင်္ဘောတံခါးပိတ်လိုက်ပါသည်။ ထိုအချိန်အခါက
ကမ္ဘာကြီး၏စမ်းသပ်ကာလ သည် ရေလွှမ်းမိုးခြင်းအားဖြင့် အဆုံးသတ်သွားပါသည်။
ကမ္ဘာဦး ၇း၁၆၊ “ထိုသို့နောဧကို
ဘုရားသခင်မှာထားတော်မူသည် အတိုင်း၊ ဝင်သောတိရစ္ဆာန်တို့သည်၊ ခပ်သိမ်းသော
တိရစ္ဆာန်တို့အထဲက၊ အထီးအမစုံလျက် ဝင်ကြ၏။ ထာ၀ရဘုရားသည်လည်း၊ နောဧကို အထဲမှာ
ပိတ်ထားတော်မူ၏။”
ဤအဖြစ်အပျက်သည် နောက်ဆုံးသော ကာလအဖြစ်အပျက်များ
အတွက် နမူနာတစ်ခုဖြစ်ပါသည်။
လုကာ ၁၇း၂၆၊ “နောဧလက်ထက်၌ ဖြစ်သကဲ့သို့
လူ၏သားလက် ထက်၌ ဖြစ်လိမ့်မည်။” ဤကမ္ဘာသို့သခင်ယေရှု မကြွလာမီ ကရုဏာတံခါးပိတ် လျက်
စမ်းသပ်ကာလကုန်ဆုံးသွားပါလိမ့်မည်။
ဗျာဒိတ် ၂၂း၁၁-၁၃၊ “မတရားသောသူသည် မတရားသဖြင့်
ပြုစေဦး။ ညစ်ညူးသောသူသည် ညစ်ညူးစေဦး။ ဖြောင့်မတ်သောသူသည် ဖြောင့်မတ် စေဦး။
သန့်ရှင်းသောသူသည် သန့်ရှင်းစေဦး။ ငါသည် အလျင်အမြန်လာမည်။ ငါသည် အကျိုးအပြစ်
(ဆုလာဘ်)ကိုဆောင်ခဲ့သည်ဖြစ်၍၊ လူအသီးအသီးတို့ အား မိမိတို့အကျင့်အတိုင်းဆပ်ပေးမည်။
ငါသည် အာလဖဖြစ်၏။ ဩမေဃ လည်းဖြစ်၏။ အဦးဆုံးသောသူ၊ နောက်ဆုံးသောသူဖြစ်၏။”
အစ္စရေးတို့၏ သန့်ရှင်းရာဌာန၌
ပြုလုပ်သောအပြစ်ဖြေရာနေ့ အခမ်း အနား နမူနာကိုကြည့်ပါ။ အပြစ်နောင်တမရသော သူများကို
အပြစ်ဖြေရာနေ့ တွင် ဘုရားသခင်၏လူမျိုးထဲမှ “ပယ်ထုတ်” လိုက်ပါသည် (ဝတ်ပြုရာ ၂၃း၂၈၊
၂၉)။ ဧဝံဂေလိသတင်းကောင်းခေတ်ကုန်ဆုံးသောအခါ၌လည်း ထိုသို့ဖြစ်ပါ လိမ့်မည်။
ယခုအချိန်တွင် ကျွန်ုပ်တို့သည် ဘုရားသခင်၏ ကျေးဇူးတော်ပလ္လင် ကို
ချဉ်းကပ်နိုင်ပါသည်။ ကျေးဇူးတော်တံခါးပွင့်နေပါသေးသည်။
ဟေဗြဲ ၄း၁၆၊ “ထို့ကြောင့်၊ ငါတို့သည်
သနားခြင်းကရုဏာကို၎င်း၊ တော်လျော်သော မစခြင်းကျေးဇူးတော်ကို၎င်း
ခံရမည်အကြောင်း၊ ရဲရင့်သော စိတ်နှင့်
ကျေးဇူးပလ္လင်တော်သို့ တိုးဝင်ချဉ်းကပ်ကြကုန်အံ့။”
သမ္မာကျမ်းစာတွင် ရေးထားသမျှသော
အကြောင်းအရာတို့သည်၊ ယနေ့တွင် အသက်ရှင်သောသူများအတွက် နမူနာအဖြစ် ရေးမှတ်ထားခြင်း
ဖြစ်ပါသည်။
၁ ကောရိန်သု ၁ဝး၁၁၊
“ထိုအကြောင်းအရာရှိသမျှတို့သည် ပုံသက် သေ ဖြစ်အံ့သောငှာ ထိုသူတို့၌ ရောက်ကြ၏။
ကပ်ကာလအဆုံးတွင် ဖြစ်သော ငါတို့ကို ဆုံးမစရာဖို့ ကျမ်းစာ၌ရေးထားလျက်ရှိသတည်း။”
ထွက်မြောက်ရာ ၈ မှ ၁၁ တွင် အီဂျစ်ပြည်၌
ကျသောကပ်ရောဂါ (ဘေးဒဏ်) ဆယ်မျိုးအကြောင်း ကျွန်ုပ်တို့ဖတ်ရပါသည်။ တတိယကပ်ရောဂါ
ကျရောက်ပြီးသောအခါ ဘုရားသခင်က ဖါရောဘုရင်အား၊ “ငါ၏လူတို့နှင့် သင်၏လူတို့ကို
ငါခြားနားစေမည်၊” ဟုမိန့်တော်မူပြီးလျှင်၊ ဘုရားသခင်၏ လူတို့နေထိုင်ရာ
ဂေါရှင်နယ်တွင် ကပ်ရောဂါတစ်ခုမျှမကျတော့ပါ။ နောက်ဆုံး ကပ်ရောဂါ ခုနစ်မျိုးသည်
အီဂျစ်လူတို့ အပေါ်၌သာ ကျရောက်ခဲ့ပါသည်။ ကပ်ရောဂါများကျရောက်ပြီးသွားသောအခါ
ဘုရားသခင်သည် မိမိလူတို့ကို ကျွန်ခံရာတိုင်းပြည်မှ ခေါ်ထုတ်လိုက်ပါသည်။
၎င်းအဖြစ်အပျက်တို့သည် နောက်ဆုံးသောနေ့ရက်တွင် ဘုရားသခင်၏ လူတို့အတွက်
နမူနာဖြစ်ပါသည် (ထွက်မြောက် m ၈း၂၂-၂၄)။
ဗျာဒိတ် ၁၅း၁ တွင်၊ ဘုရားသခင်၏အမျက်တော်နှင့်
ပြည့်သော ဘေးဒဏ်ခုနစ်ပါးအကြောင်းကျွန်ုပ်တို့ဖတ်ရပါသည်။ မိမိလူတို့နှင့် လောကီ
သားတို့အကြား၌ ခြားနားခြင်းကို ဘုရားသခင်ထားရှိပြီးသည်နှင့်၊ ၎င်းဘေး ဒဏ်များ
ကျရောက်လာမည် ဖြစ်သည်။ ထိုအခါစမ်းသပ်ခြင်း ကရုဏာတံခါး ပိတ်သွားပါပြီ။
၁။ ပထမဘေးဒဏ်။ ဗျာဒိတ် ၁၆း၂။ အနာစိမ်း၊
သို့မဟုတ် ကင်ဆာ နာ၊ ၎င်းသည် သားရဲအမှတ်အသားရှိသော သူတို့၌ သိသာထင်ရှားသော
လက္ခဏာတစ်ခုဖြစ်သည်။
၂။ ဒုတိယဘေးဒဏ်။ ဗျာဒိတ် ၁၆း၃။
ပင်လယ်ရေအသွေးဖြစ်။
၃။ တတိယဘေးဒဏ်။ ဗျာဒိတ် ၁၆း၄-၇။
ရေအရင်းအမြစ်ရှိသမျှ
အသွေးဖြစ်။
၄။ စတုတ္ထဘေးဒဏ်။ ဗျာဒိတ် ၁၆း၈၊၉။
နေသည်မီးကဲ့သို့ လူများကို လောင်ကျွမ်းသွားသည်။ လူများနောင်တ မရကြပါ။
၅။ ပဉ္စမဘေးဒဏ်။ ဗျာဒိတ် ၁၆း၁၀၊ ၁၁။
သားရဲ၏နိုင်ငံကို မှောင်မိုက် ဖုံးလွှမ်းသွားသည်။ အီဂျစ်ပြည်၌ ကျသော
မှောင်မိုက်ကိုထိတွေ့ စမ်းသပ်နိုင် သည် (ထွက်မြောက်ရာ ၁ဝး၂၁။ အာမုတ် ၈း၉။ ဇေဖနိ
၁း၁၅-၁၈)။ ဘုရားသခင်၏ နိမိတ်တစ်ခုဖြစ်သည့် နေမိုက်သောနေ့ကို ပြက်ယယ်ပြုသော သူတို့သည်၊
ယခုတွင် မှောင်မိုက်ထဲ၌ ရှိနေကြသည် (မဿဲ ၂၄း၂၉။ အာမုတ် ၅း၂၀)။
၆။ ဆဌမဘေးဒဏ်။ ဗျာဒိတ် ၁၆း၁၂-၁၆။
ယူဖရေးတေးစ်မြစ်ဝှမ်း တစ်လျှောက်ရှိ အစိုးရတို့ကို ပုံဆောင်သော
ယူဖရေးတေးစ်မြစ်ရေသည် ခန်း ခြောက် (အာဏာမှေးမှိန်)သွားပြီး၊ အရှေ့နေထွက်ရာ
နိုင်ငံများအတွက်၊ အာမ ဂေဒုန် ဟုခေါ်ဆိုသော အရပ်၌ စုဝေးရောက်ရှိလာနိုင်ရန်
လမ်းပွင့်သွားလိမ့် မည်။
၇။ သတ္တမဘေးဒဏ်။ ဗျာဒိတ် ၁၆း၁၇-၂၁။
မိုးသီးဘေးဒဏ် (ယေရှာ ယ ၂၈း၁၇။ ယောဘ ၃၈း၂၂)။
ဘေးဒဏ်များကျရောက်သောအချိန်တွင် ဘုရားသခင်သည်
မိမိလူတို့ကို
အကာအကွယ်ပေးမည်။
ဆာလံ ၉၁း၁-၁၀၊ “အမြင့်ဆုံးသောဘုရားသခင်၏
ကွယ်ကာရာဌာန တော်၌ နေသောသူသည် အနန္တတန်ခိုးရှင်၏အရိပ်ကို ခိုရလိမ့်မည်။ ထာ၀ရ
ဘုရားသည် ငါခိုလှုံရာ၊ ငါ၏ရဲတိုက်၊ ငါကိုးစားသော ဘုရားသခင်ဖြစ်တော်မူ သည်ဟု
ငါပြောဆို၏။ အကယ်စင်စစ် မုဆိုး၏ကျော့ကွင်းနှင့်၎င်း၊ သေစေ တတ်သော အနာနှင့်၎င်း၊
သင့်ကိုကင်းလွတ်စေတော်မူမည်။ အတောင်တော် အမွေးနှင့်ဖုံးအုပ်တော်မူ၍၊
အတောင်တော်အောက်၌ သင်သည်လုံခြုံစွာ နေရလိမ့်မည်။ သစ္စာတော်သည် သင်၏ဒိုင်းလွှား
ဖြစ်လိမ့်မည်။ ညအခါဖြစ် တတ်သော ကာလနာကို၎င်း၊ မွန်းတည့်အချိန်၌ဖျက်ဆီးတတ်သော
ဥပဒ်ကို ၎င်း၊ သင်သည်မကြောက်ရ။ သင်၏အနားမှာ လူတထောင်၊ သင်၏လက်ျာ ဘက်မှာ
လူတသောင်းလဲသော်လည်း၊ သင့်ကိုမထိမခိုက်ရ။ သင်သည် ကိုယ် မျက်စိနှင့်ကြည့်၍၊
မတရားသောသူတို့၌ ရောက်ရသော အပြစ်ကို မြင်ရုံမျှသာ ရှိလိမ့်မည်။ ထာ၀ရဘုရားသည်
ငါခိုလှုံရာဖြစ်တော်မူ၏ဟု သင်သည် ဆို၍၊ အမြင့်ဆုံးသောဘုရား၌ နေရကျသောကြောင့်၊
သင်၌မကောင်းသော အနိဌရုပ် မကပ်မရောက်။ သင့်နေရာသို့ ဥပဒ်မချဉ်းရ”
မှတ်ချက်။ “သေစေတတ်သောအနာ” (အနာစိမ်း)၊ “ညအခါ
ဖြစ် တတ်သောဘေး” (မှောင်မိုက်)၊ “မွန်းတည့်အချိန်၌ ဖျက်ဆီးတတ်သော ဥပဒ်”
(နေပူလောင်ခြင်း)၊ “သင့်နေရာသို့ဘေးဥပဒ်မချဉ်းရ”၊ (ထွက်မြောက်ရာ ၈း၂၂ -၂၄။ ဆာလံ
၂၇း၅။ ယောဘ ၂၂း၃၀။ ယောလ ၃း၁၆။ ဟေရှာယ ၂၆း၂၀။ သုတ္တံ ၂၉း၁)
ဆင်းရဲဒုက္ခကာလ၌ ဘုရားသခင့်လူတို့၏တေးသီချင်း
ဆာလံ ၄၆။ “ဘုရားသခင်သည် ငါတို့ခိုလှုံရာဖြစ်၍၊
ခွန်အားကို ပေး တော်မူ၏။ ဘေးရောက်သည်ကာလအထူးသဖြင့် ကူမတော်မူကြောင်း ထင်ရှား
လျက်ရှိ၏။ ထို့ကြောင့် ပထဝီမြေကြီးသည် ရွှေ့သွား၍ တောင်များတုန်လှုပ် လျက်
သမုဒ္ဒရာသို့ ကျသော်လည်း၊ ငါတို့သည် ကြောက်လန့်ခြင်းမရှိ။ သမုဒ္ဒရာ ရေသည်
ဟုန်းဟုန်းမြည်၍ မွှေနှောက်ပါလေစေ။ လှိုင်းတံပိုးထသဖြင့်၊ ဗတာင် များ
တုန်လှုပ်ပါလေစေ။ မြစ်တမြစ်ရှိသေး၏။ ထိုမြစ်ရေသည် စီး၍ ဘုရား သခင်၏ မြို့တည်းဟူသော
အမြင့်ဆုံးသော ဘုရားကျိန်းဝပ်တော်မူရာ သန့် ရှင်းသောမြို့တော်ကို ရွှင်လန်းစေတတ်၏။
ထိုမြို့သည် ဘုရားသခင်ကျိန်းဝပ် တော်မူရာဖြစ်၍ တုန်လှုပ်ခြင်း မရှိရာ။
မိုးသောက်လင်းစ၌ ဘုရားသခင်ကူမ တော်မူလိမ့်မည်။
“လူမျိုးတို့သည် ဟုန်းဟုန်းမြည်ကြ၏။
တိုင်းနိုင်ငံတို့သည် လှုပ်ရှားကြ ၏။ ဗျာဒိတ်သံကို လွှတ်တော်မူ၍ မြေကြီးသည်
အရည်ဖြစ်လေ၏။ ကောင်း ကင် ဗိုလ်ခြေအရှင် ထာ၀ရဘုရားသည် ငါတို့နှင့် အတူရှိတော်မူ၏။
ယာကုပ် အမျိုး၏ ဘုရားသခင်သည် ငါတို့ခိုလှုံရာဖြစ်တော်မူ၏။ ထာ၀ရဘုရား စီရင်
ပြုပြင်၍ မြေကြီးပေါ်မှာ သုတ်သင်ပယ်ရှင်းလျက်၊ ရထားကို မီးရှို့လျက်၊
မြေကြီးစွန်းတိုင်အောင် စစ်မှုကို ငြိမ်းစေတော်မူ၏။ ငြိမ်ဝပ်လျက်နေကြလော့။
ငါကားဘုရားသခင်ဖြစ်သည်ဟု သိမှတ်ကြလော့။ လူမျိုးတို့တွင် ငါသည်ဘုန်း ပွင့်မည်။
မြေကြီးပေါ်မှာ ဘုန်းပွင့်မည်။ ကောင်းကင်ဗိုလ်ခြေအရှင်ထာ၀ရ ဘုရားသည် ငါတို့နှင့်
အတူရှိတော်မူ၏။ ယာကုပ်၏ဘုရားသခင်သည် ငါတို့ ခိုလှုံရာ ဖြစ်တော်မူ၏။”
အခန်းကြီး - ၂၀
၂၀။ ဗျာဒိတ်ကျမ်း ၁၁ ပါ၊ သက်သေခံနှစ်ပါး
TWO
WITNESSES OF REVELATION 11
ဗျာဒိတ် ၁၁း၃-၁၃ ဖတ်ပါ။
ဓမ္မဟောင်းကျမ်းသည်
ခရစ်တော်အကြောင်းသက်သေခံသည်။
ယောဟန် ၅း၃၉၊ “ကျမ်းစာအားဖြင့် ထာ၀ရအသက်ကို
ရမည်ဟု စိတ်ထင်နှင့်သင်တို့သည် ကျမ်းစာကို စေ့စေ့ကြည့်ရှုကြ၏။ ထိုကျမ်းစာပင်ငါ၏
သက်သေဖြစ်၏။” (လုကာ ၂၄း၂၇။ တရားဟောရာ ၁၈း၁၅၊ ၁၈။ ယောဟန် ၁း၄၅)။
ခရစ်တော်၏ဆောင်ရွက်ချက်များနှင့်
နှုတ်တော်ထွက်စကားများသည် ခရစ်တော်ကို သက်သေခံကြသည်။ ၎င်းတို့ကို ဓမ္မသစ်ကျမ်းစာ၌
မှတ်တမ်း တင်ထားပါသည်။
ယောဟန် ၅း၃၆၊ “ယောဟန်၏ သက်သေထက်သာ၍ကြီးသော သက်
သေသည် ငါ၌ရှိ၏။ အကြင်အမှုတို့ကို ငါပြီးစီးစေခြင်းငှာ ခမည်းတော်သည် ငါ့လက်သို့
အပ်ပေးတော်မူ၍၊ ငါပြုသောထိုအမှုတို့သည်လည်း ငါ့ဘက်၌နေ ၍၊ ခမည်းတော်သည်
ငါ့ကိုစေလွှတ်တော်မူသည်အကြောင်းကို သက်သေခံကြ ၏။”
ယောဟန် ၁၄း၁၁၊ “ငါသည်ခမည်းတော်၌ရှိသည်ကို၎င်း၊
ခမည်းတော် သည် ငါ၌ရှိတော်မူသည်ကို၎င်း၊ ယုံကြလော့။ ငါ့စကားကိုမယုံလျှင် ငါ(ပြု
သော) အမှုတို့ကိုထောက်၍ ယုံကြလော့။”
စာရွက်စာတန်းသက်သေသည် နှုတ်သက်သေထက်
ပိုမိုခိုင်လုံသည် ဖြစ်သောကြောင့်၊ မိမိသားတော်အကြောင်း ဘုရားသခင်၏ သက်သေခံချက်
တို့ကို သမ္မာကျမ်းစာ၌ရေးမှတ်ထားခြင်းဖြစ်ပါသည်။
ဘုရားသခင်၏သက်သေခံနှစ်ပါးတို့သည်
ဓမ္မဟောင်းကျမ်းနှင့် ဓမ္မသစ် ကျမ်းတို့ဖြစ်ပါသည်။
မှတ်ချက်။ သမ္မာကျမ်းစာသည် ရုပ်လုံးပေါ်အောင်
သရုပ်သကန်ဖြင့် မကြာခဏဖော်ပြလေ့ရှိသည်။ အာဗေလ၏အသွေးသည် သတိရှိ၍ အာရုံခံစား
နိုင်သကဲ့သို့ မြေကြီးမှ အော်ဟစ်သည်ဟု ကမ္ဘာဦး ၄း၁၀ တွင် ကျွန်ုပ်တို့ဖတ်ရ ပါသည်။
သစ်ပင်များ၊ နွယ်ပင်များ၊ ချုံပုတ်များ စကားပြောတတ်သယောင်နှင့် တရားသူကြီး ၉း၇-၁၅
၌ ဖော်ပြထားပါသည်။ ဗျာဒိတ်ကျမ်း ၁၁ ၌ပါသော ဤပုံဆောင်အနာဂတ် စကားတွင်လည်း
သရုပ်ဖြင့် ဖော်ပြထားပါသည်။
ဘုရားသခင်၏သက်သေခံနှစ်ပါးတို့သည်
အလင်းကိုပေးပါသည်။
ဆာလံ ၁၁၉း၁၃၀၊
“နှုတ်ကပတ်တော်ကိုဖွင့်ပြခြင်းသည် အလင်းကို ပေး၍၊
မလိမ္မာသောသူတို့ကိုလိမ္မာစေတတ်ပါ၏။”
ဆာလံ
၁၁၉း၁၀၅၊ “နှုတ်ကပတ်တော်သည် အကျွန်ုပ်ခြေရှေ့မှာ မီးခွက်ဖြစ်၍
အကျွန်ုပ်လမ်းခရီးကို လင်းစေပါ၏။”
ဗျာဒိတ် ၁၁း၃-၁၃ ကိုပြန်ဖတ်ပါ။
“သူတို့၏ခံတွင်းထဲကမီးထွက်၍၊” (မာလခိ ၄း၁)။
အမှုကုန်ဆုံးသော အခါ အပြစ်ရှိသူတို့ကို မီးဖြင့်ဖျက်ဆီးမည်ဟု
သမ္မာကျမ်းစာကဖော်ပြထားပါ သည်။ (ဗျာဒိတ် ၂ဝး၁၅။ ၂၂း၁၈)။
“အဲဂုတ္တုဟူ၍ အတွင်းအနက်အားဖြင့် ခေါ်ဝေါ်သော၊”
(ထွက်မြောက် ရာ ၈း၁)။ ဖာရောဘုရင်က၊ “ထာ၀ရဘုရားကို ငါမသိ၊” ဟုဆိုပါသည် (ထွက်
မြောက်ရာ ၅း၂)။ ဘုရားတရားနှင့်စပ်ဆိုင်လျှင် ဖာရောဘုရင်သည် ဘုရားမဲ့
တရားမဲ့ဖြစ်ပါသည်။
“သောဒုံ၊” (ယုဒ ၇)။ “ညစ်ညူးခြင်း။”
“မိုးတိမ်ဖြင့် ကောင်းကင် သို့တက်၍။”
အလွန်မြှောက်ထားခြင်းကို ပုံဆောင်သည်။ (ဒံယေလ ၄း၂)။
အမှောင်ခေတ်ကုန်ဆုံးသွားသည်နှင့်တပြိုင်နက်
မြို့ရိုးဆယ်စုတစ်စုကို ပြိုပျက်စေသော၊ ကြီးမားသည့် မြေလှုပ်ခြင်း
(ပြင်သစ်တော်လှန်ရေးကြီး) ဖြစ်ပေါ်လာသည် (ပြိုကွဲသွားသောရောမအင်ပါယာ
ဆယ်နိုင်ငံမှပြင်သစ်သည် တစ်နိုင်ငံဖြစ်သည်။)
ပြင်သစ်တော်လှန်ရေးအစိုးရတက်လာပြီးသည့်နောက် ခသ ၁၇၉၉ ခုနှစ်တွင် သမ္မာကျမ်းစာအုပ်
ဖျက်ဆီးပစ်ရန် အမိန့်ထွက်လာ ပါသည်။ ထိုသို့အမိန့်ထွက်လာပြီး သုံးနှစ်ခွဲအကြာတွင်
၎င်းဥပဒေအမိန့်ကို ပြန်ရုပ်သိမ်းလိုက်ပါသည်။ (ဗျာဒိတ် ၁၁း၁၁-၁၃)။
အဆိုပါတော်လှန်ရေး စစ်ပွဲကြီးကြောင့် ဂုဏ်အသရေရှိ မှူးမတ် ၇၀၀၀ အသတ်ခံခဲ့ရပါသည်။
အခန်းကြီး - ၂၁
၂၁။ အနှစ်တစ်ထောင်ကာလ
THE MILLENIUM
အနှစ်တစ်ထောင်သည် သရုပ်ဖော်ပုံဆောင်သော
အနာဂတ်စကား မဟုတ်သောကြောင့် တစ်ထောင်အတိအကျယူရမည့် ကာလနှစ်ပေါင်းဖြစ်ပါ သည်။
နောဧခေတ်လူတို့၏ အခြေအနေမည်သို့ ရှိသနည်း။
ကမ္ဘာဦး ၆း၅၊ “မြေကြီးပေါ်မှာ လူအပြစ်ကြီး၍၊
သူ၏စိတ်နှလုံးအကြံ အစည် ရှိသမျှတို့သည် အစဉ်မပြတ် ဆိုးညစ်ခြင်း
သက်သက်ရှိကြောင်းကို ဘုရားသခင် သိတော်မူလျှင်၊”
ခရစ်တော် ဒုတိယကြွလာခြင်းမတိုင်မီ
အခြေအနေမည်သို့ရှိမည်နည်း။
လုကာ ၁၇း၂၆၊ “နောဧလက်ထက်၌ဖြစ်သကဲ့သို့
လူ၏သားလက်ထက် ၌ ဖြစ်လိမ့်မည်။”
နောက်ဆုံးသောအချိန်ကာလအကြောင်းတမန်တော်ရှင်ပေါလု
မည်သို့
ပြောဆိုပါသနည်း။
၂ တိမောသေ ၃း၁၊ “နောင်ကာလသည်ခဲယဉ်းသောကာလ
ဖြစ်လိမ့် မည်ဟု သိမှတ်လော့။” (အခန်းငယ် ၅ အထိဖတ်ပါ)။
လူဆိုးများပိုကောင်းလာမည်လား၊
ပိုဆိုးသွားမည်လား။
၂ တိမောသေ ၃း၁၃၊ “ဆိုးညစ်သောသူ၊
လှည့်ဖြားသောသူတို့မူကား၊ သူတပါးကို၎င်း၊ ကိုယ်ကို၎င်း လှည့်ဖြား၍ ဆိုးညစ်ခြင်း၌
တရွေ့ရွေ့တိုးပွား ကြလိမ့်မည်။”
ခရစ်တော်ပြောခဲ့သော
စပါးအစစ်နှင့်အတုပုံပမာအတိုင်း မည်မျှကြာ ကြာ လူဆိုးနှင့်လူကောင်းအတူ
နေရကြမည်နည်း။
မဿဲ ၁၃း၃၈၊ ၃၀၊ “လယ်ကား ဤလောကဖြစ်၏။ ကောင်းသော
အစေ့ကား နိုင်ငံတော်သားဖြစ်၏။ တောမျိုးစေ့ကား နတ်ဆိုးသားဖြစ်၏။” “စပါးရိတ်သည့်ကာလ
တိုင်အောင် အပင်နှစ်မျိုးတို့ကို အတူကြီးပွားပါလေစေ။ စပါးရိတ်သည့်ကာလ ရောက်လျှင်
တောပင်တို့ကို ရှေ့ဦးစွာ ရွေးနှုတ်၍ မီးရှို့ခြင်းငှာ စည်းနှောင်ကြလော့။
စပါးကိုကား ကျီ၌စုသိမ်းသွင်းထားကြလော့ ဟုရိတ်သောသူတို့အား ငါစီရင်မည်။”
ရိတ်သိမ်းချိန်သည် မည်သည့်အချိန်နည်း။
မဿဲ ၁၃း၃၉၊ “တောမျိုးစေ့ကိုကြဲသောရန်သူကား
မာရ်နတ်ဖြစ်၏။ စပါးရိတ်သောကာလကား ဤကမ္ဘာကုန်သော ကာလဖြစ်၏။ စပါးရိတ်သော သူတို့ကား
ကောင်းကင်တမန်များဖြစ်၏။”
“ဒုစရိုက်လူ” သည်မည်သည့်အခါ ဒုစရိုက်ကို
အဆုံးသတ်မည်နည်း။
၂ သက်သာလောနိတ် ၂း၈၊ “ထိုအဓ္မလူသည်
ထင်ရှားလိမ့်မည်။ ထိုအဓ္မလူကို သခင်ယေရှုသည် နှုတ်ထွက်ဝိညာဉ်အားဖြင့် ဖျက်ဆီး၍၊
ကြွလာ တော်မူခြင်း၏ ရောင်ခြည်အားဖြင့် ပယ်ရှားတော်မူလိမ့်မည်။”
ဒံယေလ ၇း၂၅၊ “ချိုငယ်” သည်သန့်ရှင်းသူတို့ကို
မည်မျှကြာကြာ တိုက်ခိုက်မည်နည်း။
ဒံယေလ ၇း၂၁၊၂၂၊ “ငါကြည့်ရှုစဉ်တွင်
အသက်ကြီးသောသူသည် ရောက်လာလျှင်၊ အမြင့်ဆုံးသောဘုရား၏သန့်ရှင်းသူတို့အား၊ စီရင်ရသော
အခွင့်ကို ပေး၍၊ ထိုသူတို့သည် နိုင်ငံကိုသိမ်းယူဝင်စားသော အချိန်ရောက်
သည့်တိုင်အောင် ထိုချိုသည် သန့်ရှင်းသူတို့ကို စစ်တိုက်၍ နိုင်လေ၏။”
၁ သက်သာလောနိတ် ၅း၂-၄။ ၂ ပေတရု ၃း၃၊၄။ ယောလ
၃း၉၊၁၀။ ကျွန်ုပ်တို့သည် အေးချမ်းသာယာဖွံ့ဖြိုးတိုးတက်၍ ဖြောင့်မတ်ခြင်းတရားနှင့်
ပြည့်သော အနှစ်တစ်ထောင်ကာလမရောက်မီတိုင်အောင် လောကကမ္ဘာကြီး၌ သာ၍
ကောင်းသောအခြေအနေဖြစ်ပေါ်လာတော့မည်မဟုတ်ပါ။ မြေကြီးပေါ် ၌ ဆိုးသွမ်းခြင်းသာ
တိုးပွားသောအချိန်ကာလ၌ မထင်မမှတ်သောအချိန်တွင် သခင်ဘုရား ကြွလာမည်ဖြစ်သည်။
အပြစ်သားများကို လှည့်ဖြား၍၊ သန့်ရှင်း သူတို့ကို စုံစမ်း သွေးဆောင်ခြင်းသည်
စာတန်၏ အလုပ်ဖြစ်ပါသည်။
ခရစ်တော်ကြွလာသောအခါ
သန့်ရှင်းသောသူများနှင့်အတူ ဤမြေကြီး ပေါ်၌ ဆက်လက်နေထိုင်သွားမည်လား၊
သန့်ရှင်းသူများကို ခေါ်ဆောင်သွား မည်လား။
ယောဟန် ၁၄း၁-၃၊
“သင်တို့စိတ်နှလုံးပူပန်ခြင်းမရှိစေနှင့်။ ဘုရား သခင်ကို ယုံကြည်ကြလော့။
ငါ့ကိုလည်း ယုံကြည်ကြလော့။ ငါ့အဘ၏ အိမ်တော်၌ နေစရာအခန်းအများရှိ၏။ သို့မဟုတ်လျှင်
မဟုတ်ကြောင်းကို ငါမပြောဘဲမနေ။ သင်တို hနေစရာအရပ်ကို
ပြင်ဆင်ခြင်းငှာ ငါသွားရ၏။ ငါသည်သွား၍ သင်တို့နေစရာအရပ်ကို ပြင်ဆင်ပြီးမှ
တဖန်လာပြန်၍၊ ငါရှိရာ အရပ်၌ သင်တို့ရှိစေခြင်းငှာ သင်တို့ကိုငါ့ထံသို့
သိမ်းဆည်းမည်။”
ကယ်တင်ရှင်သည် သေလွန်သောဖြောင့်မတ်သူတို့ကို
ထမြောက်စေ၍၊ အသက်ရှင်သောဖြောင့်မတ်သူတို့ကို ခေါ်ဆောင်ဖို့ရန် ကြွလာသောအခါ
မြေကြီးပေါ်သို့ ရောက်ရှိလာမည်လား။
၁ သက်သာလောနိတ် ၄း၁၆-၁၈၊ “သခင်ဘုရားသည်
ကြွေးကြော် ခြင်း၊ ကောင်းကင်တမန်မင်းအသံပေးခြင်း၊ ဘုရားသခင်၏ တံပိုးတော်ကိုမှုတ်
ခြင်းနှင့်တကွ၊ ကောင်းကင်ဘုံမှ ကိုယ်တိုင်ဆင်းသက်တော်မူ၍၊ ခရစ်တော်၌ သေလွန်သော
သူတို့သည် အဦးထမြောက်ကြလိမ့်မည်။ ထိုအခါ အသက်ရှင်၍ ကျန်ကြွင်းသောငါတို့သည်
အာကာသကောင်းကင်၌ သခင်ဘုရားထံတော်သို့ ရောက်စေခြင်းငှာ၊ ထိုသူတို့နှင့်တကွ
မိုးတိမ်ပေါ်သို့ ချီဆောင်ခြင်းကို ခံရသော အားဖြင့် သခင်ဘုရားနှင့်အတူ အစဉ်မပြတ်
နေရကြလိမ့်မည်။ သို့ဖြစ်၍၊ ဤစကားများအားဖြင့် အချင်းချင်းတယောက်ကို တယောက်
သက်သာစေကြ လော့။”
သခင်ဘုရားကြွလာတော်မူခြင်းဘုန်းရောင်ခြည်ကို
လူဆိုးများခံနိုင်ကြ မည်လား။
၂ သက်သာလောနိတ် ၁း၇-၁၀၊ “သခင်ယေရှုသည်
တန်ခိုးရှိသော ကောင်းကင်တမန်တို့နှင့်အတူ ကောင်းကင်ဘုံက ပေါ်ထွန်းတော်မူ၍၊ ဘုရား
သခင်ကိုမသိသောသူ၊ ငါတို့သခင်ယေရှုခရစ်တော်၏ ဧဝံဂေလိတရားကို နား မထောင်သော
သူတို့ကို မီးလျှံအားဖြင့် ဒဏ်ပေးတော်မူသောအခါ၊ .. တရား သဖြင့်စီရင်တော်မူလိမ့်မည်။
ထိုသခင်သည် မိမိသန့်ရှင်းသူတို့အားဖြင့် ဂုဏ် အသရေတော် ထင်ရှားခြင်းကို၎င်း၊
ငါတို့ သက်သေကို သင်တို့သည် ယုံကြည် သည်ဖြစ်၍၊ ယုံကြည်သောသူအပေါင်းတို့အားဖြင့်
အံ့ဩချီးမွမ်းခြင်းကို၎င်း၊ ခံအံ့သောငှာ ကြွလာတော်မူသောနေ့ရက်၌ ထိုသူတို့သည်
ဘုရားသခင်၏ မျက်နှာတော်နှင့်၎င်း၊ တန်ခိုးရှိသော ဘုန်းတော်နှင့်၎င်း ကွာ၍၊
ထာ၀ရပျက်စီး ခြင်းတည်းဟူသော အပြစ်ဒဏ်ကို ခံရကြလတံ့။”
သခင်ဘုရားကြွလာသောအခါ ထို “အဓမ္မလူ”
၌မည်သည့်အရာများ
ဖြစ်ပျက်မည်နည်း။
၂ သက်သာလောနိတ် ၂း၈၊ “ထိုအဓမ္မလူသည်
ထင်ရှားလိမ့်မည်။ ထိုအဓမ္မလူကို သခင်ယေရှုသည် နှုတ်ထွက်ဝိညာဉ်တော်အားဖြင့်
ဖျက်ဆီး၍၊ ကြွလာ တော်မူခြင်း၏ရောင်ခြည်အားဖြင့် ပယ်ရှားတော်မူလိမ့်မည်။”
ဖြောင့်မတ်သောသူများခရစ်တော်နှင့်အတူ
နေထိုင်ရန်ချီဆောင်သွား ခြင်းခံရ၍၊ အသက်ရှင်သောလူဆိုးများ ခရစ်တော် ကြွလာခြင်း၏
ရောင်ခြည် တော်ဖြင့် သေဆုံးသွားသောအခါ၊ မြေကြီးပေါ်၌ မည်သူတစ်ဦးတစ်ယောက်မျှ
ရှိမည်မဟုတ်ပါ။
မှတ်ချက်။ “အနက်ဆုံးသောတွင်း” (ဂရိဘာသာဖြင့်
အဘူဆောစ် ဟု ခေါ်သည်)။ ကမ္ဘာဦးကျမ်း ၁း၂ ၌ ဤစကားလုံး အသုံးပြုထားပါသည်။ “နက်နဲသော
အရပ်” ဟူသောစကားလုံးသည် ကမ္ဘာဦးအစ ဖရိုဖရဲ ရှုပ်ထွေး သော မူလအခြေ အနေကို
ဖေါ်ပြခြင်းဖြစ်သည်။
မှောင်မိုက်အနှောင်အဖွဲ့ဖြင့် စာတန်ကို
ချုပ်နှောင်ထားခြင်း
လူသူကင်းမဲ့နေသောဤကမ္ဘာပေါ်၌ စာတန်သည်
အနှစ်တစ်ထောင် ချုပ်နှောင်ခြင်းခံရမည်။
ပထမထမြောက်ခြင်း၌ ထမြောက်သောသူတို့သည်
ဖြောင့်မတ်သောသူ များဖြစ်သည်။ ဗျာဒိတ် ၂ဝး၆၊ “ပထမ ထမြောက်ခြင်းကို ဝင်စားသောသူသည်
မင်္ဂလာရှိသောသူ၊ သန့်ရှင်းသောသူဖြစ်၏။ ထိုသို့သောသူသည် ဒုတိယသေ ခြင်း၏
လက်နှင့်ကင်းလွတ်လျက်၊ ဘုရားသခင်၏ယဇ်ပုရောဟိတ်၊ ခရစ်တော် ၏ ယဇ်ပုရောဟိတ်ဖြစ်၍၊
အနှစ်တထောင်ပတ်လုံး ခရစ်တော်နှင့်အတူ စိုးစံရကြလိမ့်မည်။”
၎င်းအနှစ်တစ်ထောင်မကုန်ဆုံးမီ၊
လူဆိုးများဖြစ်သည့် ကျန်ရှိသေး သော လူသေတို့သည် ပြန်၍ အသက်မရှင်ရကြပါ။
ဗျာဒိတ် ၂ဝး၅၊ “ကြွင်းသောလူသေတို့သည်
ထိုအနှစ်တထောင် မကုန်မီ အသက်မရှင်ရကြ။ ဤထမြောက်ခြင်းကား၊ ပထမ ထမြောက်ခြင်း
ဖြစ်သတည်း။”
မှတ်ချက်။ ဤထမြောက်ခြင်းနှစ်ခုတို့ကို
အနှစ်တစ်ထောင်က ခြား ထားပါသည်။ ပထမထမြောက်ခြင်းသည် အနှစ်တစ်ထောင်အစ၌ဖြစ်ပြီး၊ ၎င်း
ဖြောင့်မတ်သောသူတို့ကို စာတန်၏တန်ခိုးသည် လုံး၀လက်လှမ်းမမှီနိုင်တော့ ပါ။
အနှစ်တစ်ထောင် အဆုံးတွင် ဒုတိယထမြောက်ခြင်းရှိပြီး၊ ၎င်းသည် အပြစ်စီရင်ရာ
ထမြောက်ခြင်းဖြစ်ပါသည် (ယောဟန် ၅း၂၉)။ လူဆိုးတို့သည် သူတို့နှင့်ထိုက်သင့်သော
ဆုကို ရရှိရန်ထမြောက်လာကြပါသည်။ လူဆိုးများ ထမြောက်ခြင်းသည် စာတန်၏
လွတ်မြောက်ခြင်းကို ဖြစ်စေပါသည်။ ယခု အခါသူသည် သွေးဆောင်လှည့်ဖြား ရမည့်သူများ
ရရှိသွားပါသည်။
ကောင်းကင်ဘုံရှိ ဘုရားသခင်ထံတော်မှ
သန့်ရှင်းသောမြို့တော် ဖြစ် သော နယူးယေရုရှလင် ဆင်းသက်လာပါသည် (ဗျာဒိတ်၂၁း၂)။
ရှင်ပြန်ထ မြောက်သော လူဆိုးတို့သည်၊ သူတို့ကိုလှည့်ဖြားသော စာတန်၏နောက်ကို
လိုက်ပြီး၊ မြို့တော်ကို ဝိုင်းရံထားကြပါသည်။ လူမှန်သမျှသည် ထိုအချိန်တွင် ပထမနှင့်
နောက်ဆုံးအဖြစ် ဆုံဆည်းကြပါသည် (လုကာ ၁၃း၂၈)။ မြို့တော်၏ အပြင်ဘက်သို့ အပယ်ခံရသော
ထိုလူဆိုးတို့သည်၊ မြို့တော်အတွင်း၌ရှိသော ဘုရားသခင်၏သန့်ရှင်းသူတို့ကို
မြင်တွေ့ကြမည်ဖြစ်ပါသည်။
ဗျာဒိတ် ၂း၉၊ “ထိုသူ (လူဆိုး)များတို့သည်
မြေကြီးမျက်နှာပေါ်သို့ တက်၍၊ သန့်ရှင်းသူတို့၏တပ်ကို၎င်း၊ ချစ်ဖွယ်သော
မြို့တော်ကို၎င်း၊ ဝိုင်းကြ ၏။ ထိုအခါ ဘုရားသခင့်အထံတော်၊ ကောင်းကင်မှမီးကျ၍
သူတို့ကို မျိုလေ ၏”
၎င်းသည်ဘုရားမဲ့တရားမဲ့သောသူများ၊
စာတန်ကိုယ်တိုင်နှင့် အပေါင်း ပါအားလုံးတို့၏ နောက်ဆုံးနိဂုံးချုပ်ဖြစ်သော၊
လုံးလုံးပျက်စီးခြင်း ဖြစ်စေသည့် ငရဲမီးအိုင်ပင်ဖြစ်ပါသည်။
၂ ပေတရု ၃း၁၀၊ “သူခိုးသည် ညအခါလာသကဲ့သို့၊
ထာ၀ရဘုရား၏ နေ့ရက်သည် လာလိမ့်မည်။ ထိုနေ့၌ မိုးကောင်းကင်သည် ကြီးစွာသော
အသံနှင့်တကွ ပျောက်သွားလိမ့်မည်။ လောကဓာတ်တို့သည် ပူအားကြီး၍ ပျက်ကြလိမ့်မည်။
မြေကြီး ကိုယ်မှစ၍၊ မြေကြီးပေါ်မှာ ပြုလုပ်သမျှသော အရာတို့သည် ကျွမ်းလောင်ကြလိမ့်မည်။”
ဤမီးသည် မာရ်နတ်နှင့်သူ၏တမန်များအတွက်
ပြင်ဆင်ထားသောမီး ဖြစ်ပါသည် (မဿဲ ၂၅း၄၁)။ ဤမီးသည် မြေကြီးကိုဆေးကြောသဖြင့်၊ ဘုရား
သခင်၏ လူတို့ရှေ့မှောက်တွင် ဖြောင့်မတ်ခြင်းတရားတည်ရှိရာ ကောင်းကင် သစ်နှင့်
မြေကြီးသစ်သည် မြတ်နိုးဖွယ်ကောင်းစွာဖြင့် ထွက်ပေါ်လာပါလိမ့် မည်။
ဗျာဒိတ် ၂၁း၅၊ “ပလ္လင်တော်ပေါ်မှာ
ထိုင်တော်မူသောသူကလည်း၊ ငါသည်ခပ်သိမ်းသောအရာတို့ကို အသစ် ဖန်ဆင်းသည်ဟု
မိန့်တော်မူ၏။ တဖန်တုံ၊ ရေးထားလော့၊ ဤစကားသည် သစ္စာစကား၊ ဟုတ်မှန်သော စကား
ဖြစ်၏ဟူ၍၎င်း၊”
စာတန်မှစ၍ အပြစ်သူအပြစ်သားများနှင့်
အပြစ်ဒုစရိုက်၏ အဆုံး သည် ဤသို့ဖြစ်လေ၏။
မာလခိ ၄း၁၊ ၃၊ “မီးဖို၌မီးလောင်သကဲ့သို့
လောင်သောနေ့ရက်ကာလ သည် ရောက်လိမ့်မည်။ မာနကြီးသောသူနှင့် ဒုစရိုက်ကို
ပြုသောသူအပေါင်း တို့သည် အမှိုက်ခြောက်ဖြစ်ကြလိမ့်မည်။ သူတို့အရင်းအဖျားမျှ
မကျန်ကြွင်းစေ ခြင်းငှာ ထိုနေ့ရက်သည် လောင်လိမ့်မည်ဟု ကောင်းကင်ဗိုလ်ခြေအရှင်ထာ၀ရ
ဘုရား မိန့်တော်မူ၏။” “မတရားသောသူတို့ကိုလည်း နင်းကြလိမ့်မည်။ ထိုသို့ ငါစီရင်သော
နေ့ရက်၌ သူတို့သည် သင်တို့ခြေဖဝါးအောက်၌ မြေမှုန့်ကဲ့သို့ ဖြစ်ကြလိမ့်မည်ဟု
ကောင်းကင်ဗိုလ်ခြေအရှင် ထာ၀ရဘုရား မိန့်တော်မူ၏။”
အခန်းကြီး - ၂၂
၂၂။ မြေကြီးအသစ်ဖန်ဆင်းခြင်း၊
ပါရဒိသုဘုံပြန်တည်ခြင်း
THE
EARTH MADE NEW, PARADISE RESTORED
ခရစ်တော်ဒုတိယအကြိမ် ကြွလာသောအခါ၊
ဘုရားသခင်၏လူတို့ကို ကောင်းကင်ဘုံသို့ ယူဆောင်သွားပြီး၊ အနှစ်တစ်ထောင်အဆုံးတွင်
သူတို့သည် သန့်ရှင်းသောမြို့တော်နှင့်အတူ ဤမြေကြီးသို့ ပြန်လည်ဆင်းသက်လာမည်
(ဗျာဒိတ် ၂၁)။ မီးသည် လူဆိုးတို့ကို ဖျက်ဆီးပစ်ကာ၊ မြေကြီးကို စင်ကြယ်စေ လိမ့်မည်။
၎င်းအပျက်အစီးမှ ဘုရားသခင်သည် ဖြောင့်မတ်ခြင်းတရားတည် နေရာ ကောင်းကင်သစ်နှင့်
မြေကြီးသစ်ကို ဖြစ်ပေါ်လာစေမည် (၂ ပေတရု ၃း၁၃)။
ဘာအတွက်ဘုရားသခင်သည် ဤမြေကြီးကို
ဖန်ဆင်းတော်မူပါ သနည်း။
ယေရှာယ ၄၅း၁၈၊
“မိုးကောင်းကင်ကိုဖန်ဆင်းတော်မူသော ထာ၀ရ ဘုရား မိန့်တော်မူသည်ကား၊ ဘုရားသခင်သည်
မြေကြီးကိုပြုပြင်၍ ဖန်ဆင်း တော်မူ၏။ အမြဲတည်စေတော်မူ၍၊
အချည်းနှီးဖန်ဆင်းသည်မဟုတ်၊ သတ္တဝါ နေစရာဖို့ ဖန်ဆင်းတော်မူ၏။
ငါသည်ထာ၀ရဘုရားဖြစ်၏။ ငါမှတပါး အခြား သောဘုရားမရှိ။”
အစအဦး၌ ဖန်ဆင်းရှင်၏လက်တော်မှ
ဖြစ်ပေါ်လာသောမြေကြီး သည်၊ မိမိလူတို့အတွက် ဘုရားသခင်၏ အစီအစဉ်ကို
ဖေါ်ပြလျက်ရှိပါသည်။
ယေရှာယ ၆၄း၄၊ “ကိုယ်တော်ကို
မြော်လင့်သောသူတို့အဘို့အလိုငှာ ကျေးဇူးပြုတော်မူသောဘုရား၊ ကိုယ်တော်မှတပါး
အခြားသောဘုရားသခင်ကို ကမ္ဘာဦးမှစ၍ အဘယ်သူမျှ မကြားမသိပါ။ နားဖြင့်မကြား၊
မျက်စိဖြင့်မမြင်စဖူး ပါ။” (ယုဒသန်)
“ကိုယ်တော်ကိုစောင့်မျှော်သောသူအဖို့
ဘုရားသခင်ကသာ ပြင်ဆင် ပေးတော်မူသောအရာကို၊ ကမ္ဘာဦးမှစ၍ လူတို့သည် မကြားစဖူး၊
နားဖြင့်မသိ မမှတ်၊ မျက်စိဖြင့် မမြင်စဖူးပါ။” (KJV)
မှတ်ချက်။ မိမိလူတို့အတွက်
ဘုရားသခင်ပြင်ဆင်ထားတော်မူသော အရာကို၊ ကမ္ဘာဦးမှစ၍ လူတို hသည်မမြင်ဖူးသေးပါ။ ဤကမ္ဘာလောကအတွက်
ဘုရားသခင်စီစဉ်ထားသောအရာကို အစအဦး၌ပင် ဧဒင်ဥယျာဉ်၌လူသည် မမြင်ခဲ့ပါ။
လူသည်မြေကြီးကိုအုပ်စိုးရသောအခွင့်ရ
ဆာလံ ၁၁၅း၁၆၊ “ကောင်းကင်ကား၊ ထာ၀ရဘုရား၏
မိုးကောင်းကင် ဖြစ်၏။ မြေကြီးကိုကား လူ၏သားတို့အား ပေးတော်မူ၏” (ကမ္ဘာဦး ၁း၂၆)။
ဖန်ဆင်းခါစမြေကြီးအား အုပ်စိုးရသော
အခွင့်ကိုလူ၏အပြစ်ကြောင့် ဆုံးရှုံးခဲ့ရပါသည်။ ပျောက်ဆုံးသောအရာကိုရှာ၍
ကယ်တင်ရန်ကြွလာသော ခရစ်တော်အားဖြင့် မြေကြီးကို ဘုရားသခင်သည် လူတို့အားပြန်၍
ပေးပါလိမ့် မည် (လုကာ ၁၉း၁၀)။
မိက္ခာ ၄း၈၊ “အိုသိုးစု၏မျှော်စင်၊
ဇိအုန်သမီး၏ရဲတိုက်၊ သင်၌မူလ အုပ်စိုးခြင်းသည် ရောက်လာလိမ့်မည်။ နိုင်ငံတော်သည်
ယေရုရှလင်သမီး လက်သို့ ရောက်လိမ့်မည်၊” (KJV)
ဘုရားသခင်သည် အာဗြဟံအား
နယ်မြေကိုကတိပေးထားခဲ့ပါသည်။
ကမ္ဘာဦး ၁၃း၁၄၊ ၁၅၊ “လောတသည် အာဗြဟံနှင့်ခွါ၍
သွားပြီးမှ၊ ထာ၀ရဘုရားသည် အာဗြဟံကိုခေါ်၍၊ သင်ရှိသော အရပ်ကတောင်၊ မြောက်၊ အရှေ့၊
အနောက်သို့ မြော်ကြည့်လော့။ သင်မြင်သောမြေတပြင်လုံးကို သင်နှင့် သင်၏
အမျိုးအနွယ်အား၊ ငါသည်ကာလအစဉ်အမြဲ ပေးမည်။”
ဤကတိတော်တွင် တစ်ကမ္ဘာလုံး အကျုံးဝင်သည်။
ရောမ ၄း၁၃၊ “ဤလောကကို အမွေခံစေမည်ဟု ကတိတော်ကို
အာဗြ ဟံမှ စသော သူ၏အမျိုးအနွှယ်တို့သည် ပညတ်တရားအားဖြင့် ရကြသည် မဟုတ်။
ယုံကြည်ခြင်း၏ဖြောင့်မတ်ခြင်းအားဖြင့် ရကြ၏။” ဤကတိတော်ကို မိမိအသက်ရှင်ရသော ကာလ၌
အာဗြဟံသည် မခံစားရပါ (ဟေဗြဲ ၁၁း၈-၁၈)။ သူနှင့်သူ၏အမျိုးအနွှယ် အတွက်ဖြစ်၍
ခရစ်တော်အားဖြင့် ပြည့်စုံလာ မည်ဖြစ်သည်။
ခရစ်တော်ကိုအမှန်တကယ်ယုံကြည်လက်ခံသောသူတိုင်းသည်
အာဗြ ဟံ၌ ဘုရားသခင်ထားရှိသော ကတိတော်ကို ခံစားရရှိကြပါလိမ့်မည်။
ဂလာတိ ၃း၈၊၂၉၊ “ဘုရားသခင်သည်
ယုံကြည်ခြင်းကိုထောက်၍၊ တပါးအမျိုးသားတို့ကို ဖြောင့်မတ်ရာ၌ တည်စေတော်မူမည်ဟု
ကျမ်းစာသည်
မြော်မြင်လျက်၊ သင့်အားဖြင့်
လူမျိုးအပေါင်းတို့သည် ကောင်းချီးမင်္ဂလာကို ခံရကြလိမ့်မည်ဟု ဧဝံဂေလိတရားကို
အာဗြဟံအား ဟောတော်မူခဲ့၏။” “သင် တို့သည် ခရစ်တော်နှင့်စပ်ဆိုင်လျှင်၊ အာဗြဟံ၏
အမျိုးအနွှယ်ပင်ဖြစ်၍၊ ကတိ တော်အတိုင်း အမွေခံများဖြစ်ကြ၏။”
အသစ်ပြန်၍ဖန်ဆင်းမည့်မြေကြီးသည်
ဘုရားသခင်၏လူတို့အတွက် ထာ၀ရအိမ်တော်ဖြစ်ပါလိမ့်မည်။
မဿဲ ၅း၅၊ “စိတ်နူးညံ့သိမ်မွေ့သောသူတို့သည်
မင်္ဂလာရှိကြ၏။ အကြောင်းမူကား၊ ထိုသူတို့သည် ပြည်တော် (မြေကြီး)
ကိုအမွေခံရကြလတံ့။”
ဆာလံ ၃၇း၁၁၊ “စိတ်နှိမ့်ချသောသူတို့မူကား၊
ပြည်တော် (မြေကြီး)ကို
အမွေခံ၍၊ များပြားသောငြိမ်သက်ခြင်း၌
မွေ့လျော်ကြလိမ့်မည်။”
သမ္မာကျမ်းစာသည် ကမ္ဘာသုံးဘုံဖေါ်ပြထားသည်
၂ ပေတရု ၃း၆၊၇၊၁၃၊ “ဖြစ်ဖူးသောလောကကို
ရေနှင့်လွှမ်းမြုပ်၍ ဖျက်ဆီးကြောင်းကို ထိုသူတို့သည် မှတ်မိချင်သော စိတ်မရှိကြ။
ယခုရှိသော မိုးကောင်းကင်နှင့် မြေကြီးမူကား၊ တရားဆုံးဖြတ်၍ အဓမ္မလူတို့ကို ဖျက်ဆီး
သော နေ့ရက်တိုင်အောင်၊ ထိုနှုတ်ကပတ်တော်အားဖြင့် သိုထားလျက်ရှိ၍၊ မီးရှို့ခြင်းငှာ
ထားရစ်သတည်း။” “သို့သော်လည်း၊ ဖြောင့်မတ်ခြင်းတရားတည် နေရာ မိုးကောင်းကင်သစ်နှင့်
မြေကြီးသစ်ကို ငါတို့သည် ကတိတော်နှင့်အညီ မြော်လင့်ကြ၏။”
၁။ “ဖြစ်ဖူးသောလောက” - ရေမလွှမ်းမိုးမီက ကမ္ဘာ။
၂။ “ယခုရှိသော” - လက်ရှိရှိနေသောကမ္ဘာ။
၃။ “မိုးကောင်းကင်သစ်နှင့် မြေကြီးသစ်” -
မီးဖြင့်ဖျက်ဆီးပြီးမှ ရှိမည့် ကမ္ဘာ။
ဘုရားသခင်၏လူတို့သည် ကောင်းကင်သစ်နှင့်
မြေကြီးသစ်၌ အချင်း ချင်း သိရှိကြလိမ့်မည်။ ၁ ကောရိန်သု ၁၃း၁၂၊ “ယခုတွင်ငါတို့သည်
မှန်အား ဖြင့် ရိပ်မိလျက်သာ နေကြ၏။ ထိုအခါမူကား၊ မျက်မှောက်ထင်ထင် မြင်ရ
ကြလိမ့်မည်။ ယခုတွင် ငါအသိ အမြင်မစုံမလင်ဖြစ်၏။ ထိုအခါမူကား၊ သူ တပါးသည် ငါ့ကို
သိသကဲ့သို့ ငါသိရလိမ့်မည်။”
သူတို့သည် သခင်ယေရှုကဲ့သို့ ဖြစ်ကြလိမ့်မည်။
၁ ယောဟန် ၃း၁၊၂၊ “ဘုရားသခင်၏သားများဟု
ခေါ်ဝေါ်ခြင်း အခွင့် ကို ငါတို့သည် ရမည်အကြောင်း၊ ဘုရားသခင်သည်
ငါတို့ကိုအဘယ်မျှလောက် ချစ်တော်မူသည်ကို ကြည့်ရှုဆင်ခြင်ကြလော့။ လောကီသားတို့သည်
ဘုရား သခင်ကို မသိသောကြောင့်၊ ငါတို့ကိုလည်းမသိကြ။ ချစ်သူတို့၊ ယခုတွင် ငါတို့သည်
ဘုရားသခင်၏သားများဖြစ်ကြ၏။ နောက်မှအဘယ်သို့သော သူ ဖြစ်မည်ဟု မထင်ရှားသေး။
သို့သော်လည်း ကိုယ်တော်သည် ထင်ရှားပေါ် ထွန်းတော်မူသောအခါ၊ ငါတို့သည်
ကိုယ်တော်နှင့် တူကြလတံ့ဟု ငါတို့သိကြ ၏။ အကြောင်းမူကား၊
ကိုယ်တော်ဖြစ်တော်မူသည်အတိုင်းကို ငါတို့သည် မြင်ရကြလတံ့။”
ငါတို့၏ခန္ဓာကိုယ်သည်
ကိုယ်တော်၏ခန္ဓာကိုယ်ကဲ့သို့ဖြစ်မည်။
ဖိလိပ္ပိ ၃း၂၀၊၂၁၊ “ငါတို့ကျင့်သောအကျင့်မူကား၊
ကောင်းကင်ဘုံနှင့် စပ်ဆိုင်လျက်ရှိ၏။ ကယ်တင်ရှင်သခင်ယေရှု ခရစ်တော်သည်
ကောင်းကင်ဘုံ မှ ကြွလာတော်မူမည်ဟု ငါတို့သည် မြော်လင့်လျက်နေကြ၏။ ထိုသခင်သည်
ခပ်သိမ်းသော အရာကိုပင် မိမိအောက်၌နှိမ့်ချနိုင်တော်မူသော ပြုပြင်အား ထုတ်ခြင်းအားဖြင့်
ယုတ်ညံ့သောငါတို့၏ ကိုယ်ခန္ဓာကိုပင်၊ ဘုန်းအသရေနှင့် ပြည့်စုံသော
ကိုယ်ခန္ဓာ၏နည်းတူ ဖြစ်စေခြင်းငှာ အသစ်ပြင်ဆင်တော်မူ လတံ့။”
မှတ်ချက်။ သခင်ယေရှုသည်
ရှင်ပြန်ထမြောက်ပြီးနောက် အမှန် တကယ် ရှိ၍၊ အများကတွေ့ရှိခဲ့ပါသည် (လုကာ ၂၄း၁-၃၅)။
သူတို့သည် သခင်ယေရှုကို တွေ့မြင်ကြ၏။ အသံတော်ကိုကြားရကြ၏။ သူတို့မျက်မှောက် ၌
အစာစားတော်မူ၏။ သသေဖန်ကလည်းသိ၏ (တမန်တော် ၇း၅၅)။ ယောဟန်ကလည်းသိ၏ (ဗျာဒိတ် ၁း၁၃)။
ငါတို့သည် ကိုယ်တော်နှင့် တူကြ လိမ့်မည်။
ကမ္ဘာသစ်သည် အမှန်တကယ်တည်ရှိလျက်
ငါတို့၏ထာ၀ရအိမ်တော် ဖြစ်လိမ့်မည်။ ဟေရှာယ ၆၅း၂၁၊ “ထိုသူတို့သည်
ကိုယ်ဆောက်သောအိမ်၌ နေကြလိမ့်မည်။ ကိုယ်စိုက်သော စပျစ်ဥယျာဉ်အသီးကို
စားကြလိမ့်မည်” (၆၆း၂၂)။ အသက်ပင်သည် လူတို့အတွက် ပြန်၍ ပေါက်လာပါမည် (ဗျာဒိတ်
၂း၇)။ ဘုရားသခင်၏ အလိုတော်ပြည့်စုံလာလိမ့်မည် (မဿဲ ၆း၁၀)။
အခန်းကြီး - ၂၃
၂၃။ ကောင်းကင်ဘုံသုံးဘုံ
THE
TRUEISRAEL OF GOD
၂ ကောရိန်သု ၁၂း၂၊ “တဆယ့်လေးနှစ်အထက်က၊
ခရစ်တော်၏ တပည့်ဖြစ်သော လူတယောက်ကို တတိယ ကောင်းကင်သို့ တိုင်အောင်ချီ ဆောင်သည့်
အကြောင်းကို ငါသိ၏။ ထိုအခါသူ၌ကိုယ်ခန္ဓာပါသည်မပါသည် ကိုငါမသိ။
ဘုရားသခင်သိတော်မူ၏။”
ပေါလုကို တတိယကောင်းကင်ဘုံသို h ချီဆောင်သွားလျှင်၊ ဒုတိယ ကောင်းကင်ဘုံ၊
ပထမကောင်းကင်ဘုံတို့လည်း ရှိရပါမည်။
၁။ မိုးကောင်းကင် သို့မဟုတ် လေထုရှိရာ
ကောင်းကင်ဘုံ။
ကမ္ဘာဦး ၁း၆-၈ - ဒုတိယနေ့၌ ဖန်ဆင်းသည်။
ယေရမိ ၈း၇ - ငှက်များပျံသန်းသောနေရာ။
ယေရမိ ၁ဝး၁၃ - မိုးတိမ်များလွှင့်မျောသောနေရာ။
ယေရှာယ ၅၅း၁၀ -
မိုးရေနှင့်ဆီးနှင်းများစတင်သောနေရာ။
၂ ပေတရု ၃း၁၀ - သခင်ဘုရား၏နေ့ကြီး၌
ကြီးစွာသောအသံနှင့် ပေါက်ကွဲပျောက်ကွယ်သွားမည်။ “သူခိုးသည် ညအခါလာသကဲ့သို့၊ ထာ၀ရ
ဘုရား၏ နေ့ရက်သည်လာလိမ့်မည်။ ထိုနေ့၌ မိုးကောင်းကင်သည် ကြီးစွာ သောအသံနှင့်တကွ
ပျောက်သွားလိမ့်မည်။”
၂။ မိုးကောင်းကင် သို့မဟုတ် ကြယ်များရှိရာ
ကောင်းကင်ဘုံ။
ဆာလံ ၁၉း၁၊ “မိုးကောင်းကင်သည် ဘုရားသခင်၏
ဘုန်းအသရေ တော်ကို ကြားပြော၍၊ မိုးမျက်နှာကြက်သည် လက်တော်နှင့်လုပ်သောအရာ
များကိုပြသ၏။”
ဆာလံ ၈း၃ - လေ့လာဆင်ခြင်ရမည့်အရာများဖြစ်သည်။
ယေရှာယ ၁၃း၁၀ - မိုးကောင်းကင်၏ ကြယ်များနှင့်
ကြယ်နက္ခတ်စု များ။
ယေရှာယ ၄ဝး၂၂ - ဘုရားသခင်သည် မိုးကောင်းကင်ကို
မျက်နှာ ကြက်ကဲ့သို့ ကြက်၍၊ နေစရာတဲကဲ့သို့ ဖြန့်တော်မူ၏။
၃။ ဘုရားသခင်ကျိန်းဝပ်စံပယ်ရာအရပ်။
မဿဲ ၆း၉၊ “ထိုကြောင့်သင်တို့ဆုတောင်းရမည်မှာ၊
ကောင်းကင်ဘုံ၌ ရှိတော်မူသောအကျွန်ုပ်တို့အဘ၊”
၃ ရာဇဝင် ၈း၂၇၊
“ကောင်းကင်တကာတို့၌အမြင့်ဆုံးသော ကောင်း ကင်။”
တရားဟောရာ ၂၆း၁၅၊
“ကိုယ်တော်၏သန့်ရှင်းသောနေရာ။”
၂ ရာဇဝင်ချုပ် ၆း၃၃၊ “ကျိန်းဝပ်တော်မူရာ။”
ဒေသနာ ၅း၂၊ “ဘုရားသခင်သည်
ကောင်းကင်ဘုံ၌ရှိတော်မူ၏။”
ပါရဒိသုဘုံသည်ဘုရားသခင်ကျိန်းဝပ်တော်မူရာ တတိယ
ကောင်းကင် ဘုံ ဖြစ်၏။
ဗျာဒိတ် ၂း၇။ “ဝိညာဉ်တော်သည် အသင်းတော်တို့အား
အဘယ်သို့ မိန့်တော်မူသည်ကို နားရှိသောသူမည်သည်ကား ကြားပါစေ၊ အကြင်သူသည်
အောင်မြင်၏။ ထိုသူသည် ငါ၏ဘုရားသခင် ပါရဒိသုဥယျာဉ်၌ရှိသော အသက်ပင်၏ အသီးကို
စားစေခြင်းငှာ ငါအခွင့်ပေးမည်။”
မှတ်ချက်။ ပါရဒိသု ဥယျာဉ်၏ အလယ်၌ အသက်ပင်ရှိ၏။
၎င်း အသက်ပင်သည် အသက်ရေစီးရာမြစ်နား၌ရှိ၏။ (ဗျာဒိတ် ၂၂း၂)။ ၎င်း အသက်ရေစီးရာ
မြစ်သည် ဘုရားသခင်၏ ပလ္လင်တော်ထဲက စီးထွက်လာ၏ (၂၂း၁)။ ထို့ကြောင့် ပါရဒိသုဘုံသည်
ဘုရားသခင်၏ ပလ္လင်တော်တည်ရှိသော နေရာဖြစ်၏။
ယောဟန် ၁၄း၁-၃၊ ကောင်းကင်သည်
နေစရာအရပ်တစ်ခုဖြစ်၏။
ဟေဗြဲ ၆း၂၀၊ ခရစ်တော်သည် ထိုအရပ်တွင်
ယခုပင်ရှိတော်မူ၏ (ဧဖက် ၄း၁၀)။
ဆာလံ ၁၁၉း၈၉၊ ဘုရားသခင်၏နှုတ်ကပတ်တော်သည်
ထိုအရပ်၌ အခြေဆိုက်လျက်ရှိ၏။
ယောဟန် ၁ရး၂၄၊ ခရစ်တော်သည် ကျွန်ုပ်တို့ကို
ထိုအရပ်၌ရှိစေလို ၏။
၁ ပေတရု ၁း၄၊ ထိုအရပ်၌ အမွေပစ္စည်းများ
ကျွန်ုပ်တို့အတွက် သို ထားလျက်ရှိ၏။
အခန်းကြီး - ၂၄
၂၄။ ဘုရားသခင်၏စစ်မှန်သောအစ္စရေးလူ
THE
TRUEISRAEL OF GOD
ဘုရားသခင်၏စစ်မှန်သော အစ္စရေးလူရှိသမျှသည်
ကယ်တင်ခြင်းရရှိ လိမ့်မည်။ ရောမ ၁ဝး၂၆၊ “အစ္စရေး လူအပေါင်းတို့သည် ကယ်တင်ခြင်းသို့
ရောက်ကြလိမ့်မည်။ ကျမ်းစာချက်ဟူမူကား၊ ကယ်လွှတ်သောသခင်သည် ဇိအုန်တောင်၌ ပေါ်ထွန်း၍၊ မတရားသောအမှုကို
ယာကုပ်အမျိုးသားတို့မှ လွှဲတော်မူလတံ့။”
ဂလာတိ ၆း၁၅၊၁၆၊ စစ်မှန်သောအစ္စရေးလူသည်
စစ်မှန်သော ခရစ် ယာန် ဖြစ်သည်။
ကမ္ဘာဦး ၃၂း၂၈၊ အစ္စရေးဟူသော ဝေါဟာရသည်
“အောင်မြင်သော သူ” ဟုအဓိပ္ပါယ်ရှိသည်။
အစ္စရေးနှင့်ပြုလုပ်သော ဘုရားသခင်၏ ပဋိညာဉ်
(သဘောတူညီချက်)များ
ရောမ ၉း၄၊ “အစ္စရေးလူတို့သည် သားအရာ၌
ချီးမြှောက်ခြင်းနှင့်၎င်း၊ ဘုန်းအာနုဘော်တော်နှင့်၎င်း၊
ပဋိညာဉ်တရားတို့နှင့်၎င်း၊ ပညတ်တရားထား ခြင်း နှင့်၎င်း၊ ဝတ်ပြုခြင်းနှင့်၎င်း၊
ကတိတော်တို့နှင့်၎င်းဆိုင်ကြ၏။”
ထွက်မြောက်ရာ ၁၉ - ပဋိညာဉ်အဟောင်း။
ယေရမိ ၃၁း၃၁ - ပဋိညာဉ်အသစ် (ဟေဗြဲ ၈)။
ဟေဗြဲ ၈း၁၃ - ပဋိညာဉ်အဟောင်း
ကွယ်ပျောက်သွားပြီ။
ဟေဗြဲ ၉း၁၅ - ခရစ်တော်သည် ပဋိညာဉ်အသစ်၏
အကျိုးဆောင်ဖြစ် ၏။
မှတ်ချက်။ အစ္စရေးလူ၌
ပြည့်စုံသောကတိတော်ရှိသမျှသည် ပဋိညာဉ် အသစ်၏ အကျိုးဆောင်ဖြစ်သော
ခရစ်တော်အားဖြင့်သာ ရရှိသည်။
သံလွင်ပင်ပုံပမာ
ရောမ ၁၁း၁၇-၂၆ ဖတ်ပါ။ အစ္စရေးလူကို
သံလွင်ပင်နှင့်ပုံဖော်ထား သည်။ မယုံကြည်သူများဖြစ်သော အကိုင်းအခက်တို့ကို
ချိုင်လိုက်ပြီးမှ ယုံ ကြည်သူများ ဖြစ်သော သစ်ကိုင်းများကို သဘာ၀တရားနှင့်
ဆန့်ကျင်လျက် သံလွင်ပင်စည်နှင့် ဆက်လိုက်ပါသည်။ ထိုနည်းတူစွာ၊ စစ်မှန်သော အစ္စရေး
လူ၌ တပါးအမျိုးသားတို့ကို ဆက်လိုက်ခြင်းအားဖြင့်၊ အစ္စရေးလူအားလုံးတို့ သည်
ကယ်တင်ခြင်း ရရှိကြမည်ဖြစ်သည်။ ယုံကြည်ခြင်းအားဖြင့် ပင်ရင်းနှင့် ဆက်ထား၍
ကတိတော်များနှင့် စပ်ဆိုင်သော သူရှိသမျှသည် အစ္စရေးလူ (ခရစ်ယာန်)များဖြစ်ကြပါသည်။
ရောမ ၉း၆။ အစ္စရေးလူအစစ်ဖြစ်ခြင်းသည် နိုင်ငံသားဖြစ်ခြင်းအားဖြင့် မဟုတ်၊
ယုံကြည်ခြင်းအားဖြင့်သာဖြစ်ပါသည်။
ဧဖက် ၂း၁၉၊၂၀၊ ဂျူးလူမျိုးဖြစ်စေ၊
တပါးအမျိုးသားများဖြစ်စေ၊ မယုံ ကြည်သူများသည်၊ နိုင်ငံသားအဖြစ်ကို ခံယူရမည်၊
သန့်ရှင်းသူတို့၏ အမျိုး သားချင်းဖြစ်လာရပါမည် (ရောမ ၂း၂၈၊ ၂၉။ ဧဖက် ၂း၁၅)။
ဂလာတိ ၃း၂၉၊ “သင်တို့သည် ခရစ်တော်နှင့်
စပ်ဆိုင်လျှင် အာဗြဟံ၏
အမျိုးအနွှယ်ပင်ဖြစ်၍၊ ကတိတော်အတိုင်း
အမွေစားအမွေခံများ ဖြစ်ကြ၏။”
မှတ်ချက်။ ယေရုရှလင်မြို့ နှင့်
သန့်ရှင်းသောပြည်သို့ အစ္စရေးလူတို့ ပြန်လာရေးနှင့် စပ်ဆိုင်သောဓမ္မဟောင်းကျမ်းမှ
အနာဂတ်စကားအားလုံး တို့ကို ဘီစီ ၄၈၆ ခုနှစ်မတိုင်မီက ရေးသားထားပြီဖြစ်ပါသည်။
ဘေဘီလုံပြည် ကျွန်ဘ၀မှ ပြန်လာကြရာ၌၊ ဇာတိအားဖြင့် အစ္စရေးဖြစ်သောသူတို့နှင့်
စပ်ဆိုင် သော အနာဂတ်စကားများ ပြည့်စုံခဲ့ပြီ ဖြစ်ပါသည်။
ဧဇရ ၇း၁၁-၂၆၊ ဘီစီ ၄၅၇ ခုနှစ် ယေရုရှလင်မြို့
ပြန်တည်ထောင်ရန် အမိန့်၊
ဧဇရ ၇း၁၃၊ ပြန်သွားချင်သောသူရှိသမျှ၊
ဧဇရ ၆း၁၆၊ အစ္စရေးအမျိုးသားချင်းရှိသမျှ၊
နေဟမိ ၇း၇၃၊ သူတို့၏နေရာမြို့ရွာတို့၌
နေရာကျကြ။ (Josephus, Book 12, chapter 2, Section 4-7)။
ယေရမိ ၁၈း၇၊၈၊ ဘုရားသခင်ပေးတော်မူသော
ကတိတော်များသည် အခြေအနေပေါ်မူတည်သည်။
ယေရမိ ၁၉း၁-၁၁၊ ရှေးအစ္စရေးလူသည်
မြေအိုးကဲ့သို့ အစိတ်စိတ် အမွှာမွှာ ကွဲသည်။
ဘုရားသခင်၏စစ်မှန်သော အစ္စရေးလူတို့
နောက်ဆုံးစုရုံးမည့်အချိန် သည် ကြီးစွာသောတံပိုးမှုတ်သံနှင့် ခရစ်တော် ကြွလာသော
အချိန်ဖြစ်ပါလိမ့် မည်။
မဿဲ ၂၄း၃၀၊၃၁၊ “ထိုအခါလူသား၏လက္ခဏာသည်
ကောင်းကင်၌ ထင်ရှားလိမ့်မည်။ မြေကြီးပေါ်မှာ လူအပေါင်းတို့သည်
ငိုကြွေးမြည်တမ်းကြ၍၊ လူသားသည် ကြီးစွာသောဘုန်းတန်ခိုးအာနုဘော်ကိုဆောင်လျက်
မိုးတိမ်စီး၍ ကြွလာတော်မူသည်ကို မြင်ရကြလိမ့်မည်။ လူသားသည် မိမိတမန်တို့ကို
စေလွှတ်၍ တံပိုးခရာကိုပြင်းစွာမှုတ်စေတော်မူသဖြင့်၊ သူတို့သည် ရွေးချယ် တော်မူသော
သူတို့ကို အရပ်လေးမျက်နှာ၊ ကောင်းကင်အောက်ထက်ဝန်းကျင် တို့မှခေါ်၍ စုရုံးကြလတံ့။”
(ယေရှာယ ၂၇း၁၂၊၁၃)။ တံပိုးမှုတ်သံထွက်ပေါ် လာသောအခါ အစ္စရေးလူတို့
စုရုံးရောက်ရှိလာကြလိမ့်မည်။
ယေဇကျေလ ၃၄း၁၁-၁၃၊၂၃၊ ဒါဝိဒ်သည်
သူတို့ကိုအုပ်စိုးလိမ့်မည် (၃၇း၂၄၊ ၂၆၊၂၇)။
တမန်တော် ၂း၂၉-၃၄၊ ဒါဝိဒ်ပြန်၍ အသက်မရှင်သေးပါ။
ဟေဗြဲ ၁၁း၃၂၊ ဒါဝိဒ်သည်
ယုံကြည်ခြင်းသူရဲကောင်းတစ်ယောက် ဖြစ်သောကြောင့် ဆုချပေးဖို့လိုအပ်သေးသည်။
ယေရမိ ၃း၉၊ ဒါဝိဒ်ရှင်ပြန်ထမြောက်လာမည်။
မှတ်ချက်။ ဤနေရာ၌ “ရှင်ပြန်ထမြောက်”
ဟူသောစကားသည် ဟေဗြဲ ဘာသာ cumi (ကုမိ) မှလာပါသည်။ ၁၂ နှစ်သမီး သေခြင်းမှသခင်
ယေရှုထမြောက်စေရာ၌ အသုံးပြုသောစကားဖြစ်ပါသည်။ (မာကု ၅း၄၁။ ယေဇကျေလ ၃၇း၁၁- ၁၄။ ၁
သက်သာလောနိတ် ၄း၁၆၊၁၇)။
၁ကောရိန်သု၁၅း၁၆-၁၈၊
ရှင်ပြန်ထမြောက်ခြင်းမရှိမဖြစ်လိုအပ်သည်၊
အခန်းကြီး - ၂၅
၂၅။ ခရစ်တော်နှင့်
အမှုတော်ဆိုင်ရာအနာဂတ်ကာလများ
TIME
PROPHECIES CONCERNING CHRIST AND HIS WORK
ဒံယေလအနာဂတ္တိကျမ်း အခန်းကြီး
၈တစ်ခန်းလုံးဖတ်ပါ။ ပုံဆောင် ခြင်းနှင့် ဖော်ပြသော အနာဂတ်စကားဖြစ်သည်။
“သိုးထီး” သည် မေးဒီယားနှင့် ပါးရှားအစိုးရကို
ပုံဆောင်သည် (၈း၂၀)။
“ဆိတ်ထီး” သည် ဟေလသခေါ် ဂရိအစိုးရကို
ပုံဆောင်သည် (၈း၂၁)။
“ချိုလေးချောင်း” (၈း၂၂)
သည်ကွဲပြဲသောအလက်ဇန်းဒါးဘုရင်မင်း မြတ်၏ နိုင်ငံဖြစ်သည့် မာဆီဒိုးနီးယား၊
အာရှမိုင်းနား၊ ဆီးရီးယားနှင့် အီဂျစ် နိုင်ငံတို့ကို ပုံဆောင်သည်။
“အလွန်ကြီးမားသောချို” (၈း၉၊ ၂၁) သည် ဘီစီ ၁၆၈
ခုနှစ် ပြစ်န (Pydna) တိုက်ပွဲ၌ ရောမက မာဆီဒိုးနီးယား “ချို”
ကိုချိုးဖြတ်လိုက်သော အခါ ဂရိအစိုးရကို ဆက်ခံသော ရောမအစိုးရကို ပုံဆောင်သည်။
ရက်ပေါင်း ၂၃၀၀ သည် နှစ်ပေါင်း ၂၃၀၀ကို
ပုံဆောင်သည်
တော်လည်ရာ ၁၄း၃၄၊ “ထိုပြည်ကို
စူးစမ်းရာနေ့ရက်ပေါင်း အရက် လေးဆယ်နှင့်အညီ၊ တရက်ကို တနှစ်ထား၍၊
အနှစ်လေးဆယ်ပတ်လုံး ကိုယ် အပြစ်ကို ဆောင်လျက်၊ ငါစွန့်ပစ်ခြင်းကို သိရကြလိမ့်မည်။”
(ယေဇကျေလ ၄း၆)။
ရူပါရုံကို ဒံယေလအား ရှင်းပြရန် ကောင်းကင်တမန်
ဂါဗြေလသည် စေလွှတ်ခြင်းခံရသည် (၈း၁၆)။
ဒံယေလ ၈း၁၇၊ ရူပါရုံသည် အမှုကုန်ရသော
ကာလတိုင်အောင် ဖြစ်သည်။
ဒံယေလ ၈း၁၈-၂၅၊ ကောင်းကင်တမန်သည် ရူပါရုံကို
စတင်ရှင်းပြ သည်။
ဒံယေလ ၈း၂၆၊ ရက်ပေါင်း ၂၃၀၀ ရူပါရုံသည် အတန်ကြာ
နှုတ်ဆိတ် နေရပြီး၊ “တာရှည်သောကာလ” တိုင်အောင် ပြည့်စုံခြင်းမရှိပဲ နေလိမ့်မည်။
ဒံယေလသည် ရူပါရုံ၏ပထမပိုင်းကို နားလည်သော်လည်း၊ ရက်ပေါင်း ၂၃၀၀ အကြောင်းကို
နားမလည်နိုင်ပါ။ ဘုရားသခင်၏ လူတို့အား “ချိုငယ်” ၏နှိပ်စက်မည့်အကြောင်းကို
သိရှိလာသောအခါ၊ ဒံယေလစိတ်ထိခိုက်လျက် ဖျားနာပါတော့သည်။ ဒံယေလသည်
ရေးသားထားသောအနာဂတ်စကားများ ကို ပြန်လည်စူးစမ်းလေ့လာလျက် ဘုရားသခင်လမ်းပြတော်မူရန်
ဆုတောင်း ပဌနာပြုသောအခါ၊ ကောင်းကင်တမန် ဂါဗြေလသည် တစ်ခါပြန်ရောက်လာ ၍၊ ဒံယေလ ၈
မှာပါသော ရူပါရုံကို အပြီးသတ်ရှင်းပြပါသည် (ဒံယေလ ၈း၂၇၊ ၉း၂၃)။ ဒံယေလ ၉ ၌ပါသော
ဂါဗြေလ၏ရှင်းပြချက်တွင် ခရစ်တော်သည် မေရှိယဖြစ်ကြောင်း ထင်ရှားသွားပါသည်။
သိတင်းခုနစ်ဆယ် (နှစ်ပေါင်း ၄၉၀)
ဒံယေလ ၈ ၌ပါသော ဒံယေလနားမလည်သည့် ရူပါရုံမှ
ရက်ပေါင်း ၂၃၀၀ အကြောင်းကို ကောင်းကင်တမန် ရှင်းပြပါသည်။ သိတင်းခုနစ်ဆယ်ကို
ရက်ပေါင်း ၂၃၀၀ မှဖြတ်တောက်ထားပါသည်။
ဒံယေလ ၉း၂၄-၂၇၊ “လွန်ကျူးခြင်းအမှုကို ဆီးတား၍
အပြစ်ကို တံဆိပ်ခတ်စေခြင်းငှာ၎င်း၊ ဒုစရိုက်အပြစ်ကို ဖြေရှင်း၍ ထာ၀ရကုသိုလ်ကို
သွင်းစေခြင်းငှာ၎င်း၊ ဗျာဒိတ်ရူပါရုံနှင့် အနာဂတ္တိဗျာဒိတ်တော်တို့ကို တံဆိပ်
ခတ်၍၊ အလွန်သန့်ရှင်းသောအရပ်ဌာနကို လိမ်းစေခြင်းငှာ၎င်း၊ သိတင်းခုနစ် ဆယ်ကို သင်၏
အမျိုးသားချင်းအဖို့နှင့် သင်၏သန့်ရှင်းသောမြို့အဖို့ ဆုံးဖြတ် ခြင်းရှိ၏။
ထို့ကြောင့် ယေရုရှလင်မြို့ကို တဖန်တည်ထောင်ပြုစုစေခြင်းငှာ၊
အမိန့်တော်ရှိသည့်နေ့မှစ၍ ခရစ်တော်သခင်၏ လက်ထက်တိုင်အောင်၊ ခုနစ်သိတင်းနှင့်
ခြောက်ဆယ်နှစ်သိတင်းကြာလိမ့်မည်ဟု သိမှတ်နားလည် လော့။ အနှောင့်အရှက်ခံရသော ကာလ၌
မြို့လမ်းကို တဖန်တည်ထောင်ပြုစုရ မည်ဟု စီရင်ဆုံးဖြတ်ခြင်းရှိ၏။
ထိုသိတင်းခြောက်ဆယ်နှစ်သိတင်းလွန်ပြီးမှ၊
ခရစ်တော်သည် အခွင့် မရဘဲအသေသတ်ခြင်းကို ခံရလိမ့်မည်။ ထိုနောက်မှ လာသောသခင်၏ လူတို့
သည် မြို့တော်ကို၎င်း၊ သန့်ရှင်းရာဌာနကို၎င်း၊ ဖြိုဖျက်ကြလိမ့်မည်။ ရေလွှမ်းမိုး
သောအားဖြင့် ဆုံးရှုံးခြင်းဖြစ်လိမ့်မည်။ အဆုံးတိုင်အောင် စစ်တိုက်ခြင်း၊
ပျက်စီးရာနှင့်ဆိုင်သော စီရင်ဆုံးဖြတ်ခြင်းရှိလိမ့်မည်။ တသိတင်းတွင် လူ
အများတို့နှင့် ပဋိညာဉ်ဖွဲ့ခြင်းရှိ၍ ထိုသိတင်းတဝက်တွင် ယဇ်ပူဇော်ခြင်းနှင့်
ဆက်ကပ်ခြင်းကို ပပျောက်စေလိမ့်မည်။ ရွံရှာဖွယ်သောအရာ၏ အထွဋ်ပေါ် သို့
ဖျက်ဆီးသောသူသည် ရောက်၍၊ စီရင်ဆုံးဖြတ်သော သုတ်သင်ပယ်ရှင်း ခြင်းသည်
ပျက်စီးအပ်သောသူတို့ကို မလွှမ်းမိုးမီတိုင်အောင် ထိုသို့ဖြစ်လိမ့် မည်။”
ဤ “သိတင်း” များသည် “နှစ်သိတင်း”
များသို့မဟုတ်၊ ခုနစ်သိတင်း ကာလများဖြစ်ပါသည် (RSV)။ ယေရုရှလင်မြို့ပြန် တည်ဖို့အမိန့်ရှိသော ဘီစီ ၄၅၇
ခုနှစ်မှစ၍ (ဧဇရ ၇း၁၁-၂၆။ ဒံယေလ ၉း၂၅၊ အနာဂတ်ဆိုင်ရာ ခုနစ် သိတင်း နှစ်ပေါင်း ၄၉)
သည် မြို့နှင့် ဗိမာန်တော်တည်ဆောက်ပြီးစီးသည့် ဘီစီ ၄၀၈ခုနှစ် အထိဖြစ်ပါသည်။
ကျန်ရှိသော ခြောက်ဆယ်နှစ်သိတင်း (နှစ်ပေါင်း ၄၃၄) သည် မေရှိယ သို့မဟုတ်
ခရစ်တော်အထိ ဖြစ်ပါသည်။ ၎င်း သည် ဘီစီ ၄၅၇ ခုနှစ် ဆောင်းကူးဥတုမှ အေဒီ ၂၇ ခုနှစ်
ဆောင်းကူးဥတု အထိ ၆၉ သိတင်း (နှစ်ပေါင်း ၄၈၃) ဖြစ်ပါသည်။
ထိုနှစ်၌ ခရစ်တော်ဗတ္တိဇံခံသောအချိန်တွင်၊
“ဤသူသည် ငါနှစ်သက် မြတ်နိုးရာ၊ ငါ၏ချစ်သားပေတည်း” (မဿဲ ၃း၁၃-၁၇။ တမန်တော် ၃ဝး၃၈)၊
ဟု ဘုရားသခင်၏ အသံတော်ထွက်ပေါ်လာသည်နှင့်၊ သန့်ရှင်းသောဝိညာဉ် တော်အားဖြင့်
ခရစ်တော်ကို ဘိသိက်ပေးခြင်းဖြစ်သည်။
သိတင်း ၇၀ ခုမြောက်နောက်ဆုံးကျန်ရှိသော သိတင်း
(အေဒီ ၂၇ မှ ခုနှစ်နှစ်) ၏အလယ်တွင် မေရှိယ (ခရစ်တော်) အသေသတ်ခံမည် (ယေရှာယ ၅၃း၈)။
အေဒီ ၃၁ ခုနှစ်တွင် ခရစ်တော်လက်ဝါးကပ်တိုင်၌ တင်သတ်ခြင်း အားဖြင့်၊ မြေကြီးဆိုင်ရာ
သန့်ရှင်းရာဌာန၏ ယဇ်ပူဇော်ခြင်းနှင့် ဆက်ကပ်ခြင်း တို့ အဆုံးသတ်သွားပါသည်။ (ဒံယေလ
၉း၂၇။ ကောလောသဲ ၂း၁၄-၁၇။ မဿဲ ၂၇း၅၀၊ ၅၁)။
နောက်သုံးနှစ်ခွဲအကြာတွင်
ပထမဦးဆုံးခရစ်ယာန်အာဇာနည် သူရဲ ကောင်း ဖြစ်သောသသေဖန် (Stephen) အသတ်ခံရာမှစ၍ ခရစ်ယာန် အသင်းတော်အား
ညှဉ်းဆဲမှုကြီးဖြစ်ပေါ်လာသည် (တမန်တော် ၇း၅၉။ ၈၅)။ ရှောလုလည်းပြောင်းလဲလာကာ၊
တပါးအမျိုးသားတို့ထံသို့ သွားသော တမန် တော်ကြီး ပေါလုဖြစ်လာပါသည်။ (တမန်တော်
၉း၁-၃၁)။ ယင်းနှစ်အေဒီ ၃၄သည် မေရှိယအဖြစ် ခရစ်တော်ကို တရားဝင်ငြင်းပယ်သော
ခုနှစ်ဖြစ်၍၊ နှစ်ပေါင်း ၂၃၀၀ (ရက်ပေါင်း ၂၃၀၀) မှဖြတ်တောက်ထားသော နှစ်ပေါင်း ၄၉၀
(သိတင်း ၇၀)၏အဆုံးဖြစ်ပါသည်။ ကျန်ရှိနေသေးသော နှစ်ပေါင်း ၁၈၁၀ ကို ခသ ၃၄
နှင့်ပေါင်းလိုက်ပါက ခသ ၁၈၄၄ ခုနှစ်သို့ ရောက်သွား ပါသည်။
ဒံယေလ ၈း၁၄ ပြန်ဖတ်ပါ။ “ရက်ပေါင်း ၂၃၀၀
တိုင်တိုင်တည်လိမ့် မည်။ ထိုနောက် သန့်ရှင်းရာဌာနကို တဖန် ဆေးကြော သုတ်သင်ကြလိမ့်
မည်။”
အခန်းကြီး - ၂၆
၂၆။ သန့်ရှင်းရာဌာနဆေးကြောခြင်း
THE
CLEANSING OF THE SANCTUARY
အစ္စရေးတို့၏ သန့်ရှင်းရာဌာနနှင့်
ဝတ်ပြုခြင်းအခမ်းအနားတို့သည် ကောင်းကင်ဆိုင်ရာ အရာတို့၏ ပုံတူဖြစ်ပါသည်။
ဟေဗြဲ ၈း၅၊ “မောရှေသည် တဲတော်ကို
ဆောက်လုပ်အံ့သောအခါ၊ တောင်ပေါ်မှာသင့်အားပြခဲ့ပြီးသောပုံနှင့်ညီလျော်စွာ
အလုံးစုံတို့ကို လုပ်ခြင်း ငှာ သတိပြုရမည်ဟု ဗျာဒိတ်တော်ကို ခံရသည်ဖြစ်၍၊
ထိုယဇ်ပုရောဟိတ်တို့ သည် ကောင်းကင်အရာတို့၏ ပုံပမာအရိပ်နှင့်သာ
ဆိုင်လျက်ဝတ်ကိုပြုနေကြ ၏။”
ဟေဗြဲ ၈း၁၊ ၂၊ “ယခုဆိုခဲ့ပြီးသော
အကြောင်းအရာတို့၏ အချုပ် အခြာဟူမူကား၊ ထိုသို့သောယဇ်ပုရောဟိတ်မင်းသည် ငါတို့၌ရှိ၏။
ကောင်း ကင်ဘုံ၌ တန်ခိုးအာနုဘော်တော်၏ပလ္လင်လက်ျာဘက်မှာ ထိုင်နေတော်မူ၏။ လူမဆောက်ဘဲ
ထာ၀ရဘုရား ဆောက်တော်မူသော တဲတော်စစ်တည်း ဟူသော၊ သန့်ရှင်းရာဌာန၌ ဘုရားဝတ်ကိုပြုသော
သူဖြစ်တော်မူ၏။” (ဟေဗြဲ ၉း၁၁။ ၉း၁-၉။ ထွက်မြောက်ရာ ၂၅း၈)။
ရှေးသန့်ရှင်းရာဌာန၏နေ့စဉ်နှင့်နှစ်စဉ်ဝတ်များ
သန့်ရှင်းရာဌာနတွင် အခန်းနှစ်ခန်းရှိသည်။
ပထမအခန်းကို သန့်ရှင်း သော အခန်း (ဟဂျာ) ဟုခေါ်ဆိုလျက်၊ ဒုတိယအခန်းကို
အသန့်ရှင်းဆုံး အခန်း (ဟဂျာ ဟဂျုန်) ဟုခေါ်ဆိုကာ၊ သန့်ရှင်းသောသေတ္တာ၌ထည့်ထား သော
ဘုရားသခင်၏ ပညတ်တော်ဆယ်ပါး ဌာပနာရာအရပ်ဖြစ်ပါသည်။
ပထမအခန်းတွင် ယဇ်ပုရောဟိတ်သည် နေ့စဉ်ဝတ်ပြု၏။
တဲတော်ဝင်း ခြံရှိ မီးရှို့ရာယဇ်ပလ္လင်ပေါ်တွင် ယဇ်ကောင် တင်ထား၏။ ယဇ်ကောင်၏
အသားအချို့ကို စား၍၊ အသွေးကို တဲတော်၌ ဖျန်းခြင်းအားဖြင့် အပြစ်များကို
သန့်ရှင်းရာဌာန၌ လွှဲပြောင်းသည့်သဘောဆောင်၏။
နှစ်၏နောက်ဆုံးရက်ဖြစ်သော အပြစ်ဖြေရာနေ့တွင်၊
တရားစီရင်ခြင်း ကို ပုံဆောင်သည့် သန့်ရှင်းရာဌာနဆေးကြောခြင်းခေါ် ဝတ်ကို ယဇ်ပုရော
ဟိတ်မင်း ပြုရ၏ ယဇ်ပူဇော်ခြင်းအားဖြင့် သန့်ရှင်းရာဌာနသို့ အပြစ်လွှဲပြောင်း
ခြင်းမရှိသော သူတို့ကို ထိုနေ့တွင် အစ္စရေးအမျိုးမှ ပယ်ဖျက်ရ၏ (ဝတ်ပြုရာ ၁၆း၅-၃၄။
၂၃း၂၇-၃၂)၊ ၎င်းသည် ခရစ်တော်၏ အသွေးတော်အားဖြင့် ကယ် တင်ခံရခြင်းနှင့် လူတို့အား
နောက်ဆုံးတရားစီရင်ခြင်း၏ ပုံစံနမူနာဖြစ်၏။ ကျောက်ပြားနှစ်ပြားပေါ်၌
ကမ္ဗည်းထိုးထားသော ဘုရားသခင်၏ ပညတ်တော် တို့ကို ကျူးလွန်ခြင်းဖြစ်သည့် အပြစ်ကို၊
အပြစ်သားသည် ကိုယ်စားဖြစ်သည့် ခရစ်တော်အား လွှဲပြောင်းလိုက်သည့် သဘောဖြစ်၏
(ဝတ်ပြုရာ ၄း၂၇-၃၀။ ၁ ယောဟန် ၃း၄။ ရောမ ၆း၂၃)။
ဟေဗြဲ ၉း၇- “ဒုတိယတဲတော်အတွင်းသို့
ယဇ်ပုရောဟိတ်မင်းတပါး တည်းသာ မိမိအပြစ်ကြောင့်၎င်း၊ လူများအပြစ်ကြောင့်၎င်း၊
ပူဇော်သော အသွေးကို ဆောင်၍ တနှစ်လျှင်တခါတည်းသာ ဝင်ရ၏။”
အပြစ်ဖြေရာနေ့ရောက်သောအခါ၊
အသန့်ရှင်းဆုံးနေရာဖြစ်သော ဒုတိယအခန်းထဲသို့ ယဇ်ပုရောဟိတ်မင်း တပါးတည်းသာ
ဝင်ရပါသည်။ ၎င်း သည် သန့်ရှင်းရာဌာနဆေးကြောခြင်းဖြစ်ပါသည် (ဝတ်ပြုရာ ၁၆း၂၉၊ ၃၀)။
ဆိတ်နှစ်ကောင် ယူလာရပြီး၊ တစ်ကောင်သည် ယဇ်ပူဇော်ဖို့၊ တစ်ကောင်သည်၊ သူတစ်ပါးအတွက် ဒဏ်ခံဖို့
ဖြစ်ပါသည်။ (ဝတ်ပြုရာ ၁၆း၅၊၈၊၁၅၊၁၆၊၂၀-၂၂)။
ဘုရားသခင်၏ဆိတ်၊ အသွေးတော်အားဖြင့်
အပြစ်မှဆေးကြောစေ သော သခင်ယေရှုကို ပုံဆောင်သည်။
၁ ပေတရု ၁း၁၉- “အဘယ်အပြစ်မျှမရှိ၊
အညစ်အကြေးနှင့် ကင်းစင် သော သိုးသငယ်ကဲ့သို့သော ခရစ်တော်၏ အသွေးတော် မြက်နှင့်
ရွေးတော်မူ သည်ကို သိမှတ်ကြလော့။” (တမန်တော် ၈း၃၂။ ဗျာဒိတ် ၆း၁၆)။ ဤပူဇော်
သက္ကာသည် သန့်ရှင်းရာဌာနကို ဆေးကြောပါသည်။ လူတို့၏အပြစ်များကို ဖြေလွှတ်ပေးပါသည်။
ဒဏ်ခံသောဆိတ် - လူများကိုလှည့်ဖြား၍
အပြစ်ရှိသမျှကို ဖန်တီး သော စာတန်ကိုပုံဆောင်သည်ဟု အများကအသိအမှတ် ပြုကြပါသည်။
လူများ ကျူးလွန်သမျှသော အပြစ်ရှိသမျှသူ၌တာဝန်ရှိပါသည်။ ဒဏ်ခံမည့် ဆိတ်ကို
သန့်ရှင်းရာဌာန တံခါး၀နားသို့ ယူဆောင်လာပြီး၊ ဘုရားသခင်၏ လူတို့အား ကျူးလွန်စေရန်
စာတန်လှည့်ဖြားသောအပြစ်အားလုံးကို သူ့ခေါင်း ပေါ်တွင် တင်ထားခြင်းခံရသည်။ ထိုအခါ
လူသူမနေ၊ ခေါင်သောအရပ် ဒေသသို့ ၎င်းဆိတ်ကို မောင်းထုတ်လိုက်ပါသည် (ဝတ်ပြုရာ
၁၆း၂၂)။
ကောင်းကင်သန့်ရှင်းရာဌာန၌
ကျွန်ုပ်တို့၏ယဇ်ပုရောဟိတ်မင်းခရစ်တော်
ဟေဗြဲ ၉း၂၃ - “ကောင်းကင်ဘုံ၌ရှိသော
အရာတို့၏ပုံများကို ထိုသို့ ယဇ်ပူဇော်ခြင်းအားဖြင့် စင်ကြယ်စေရသည်ဖြစ်၍၊
ကောင်းကင်အရာတို့ကို သာ၍ မြတ်သောယဇ်ပူဇော်ခြင်းအားဖြင့် စင်ကြယ်စေရ၏။”
ဟေဗြဲ ၉း၉ - မြေကြီးဆိုင်ရာသန့်ရှင်းရာဌာနသည်
၎င်းကာလအတွက် ပုံပမာဖြစ်ပါသည်။
ဟေဗြဲ ၈း၂ - ခရစ်တော်သည် ကောင်းကင်ဆိုင်ရာ
သန့်ရှင်းရာဌာ၏ အမှု(ကျိုး)ဆောင်ဖြစ်၏။
ဟေဗြဲ ၉း၁၂ - ခရစ်တော်သည် မိမိအသွေးတော်ကို
ပူဇော်ဆက်သ တော်မူ၏။ (ဧဖက် ၅း၂)။
မှတ်ချက်။ ကောင်းကင်ဘုံ၌ ကျွန်ုပ်တို့၏
ယဇ်ပုရောဟိတ်အဖြစ် အကျိုးတော်ကို ခရစ်တော်သည် လက်ဝါးကပ်တိုင်၌ အပြစ်အတွက်
မိမိကိုယ် ကို ပူဇော်ဆက်သပြီးမှသာ ဆောင်ရွက်လို့ရပါသည် (ဟေဗြဲ ၉း၂၅၊ ၂၆)။
ကောင်းကင်ဘုံ၌ ကျွန်ုပ်တို့၏ အကျိုးတော်ဆောင်နှင့် ယဇ်ပုရောဟိတ်မင်း အဖြစ် ခရစ်တော်သည်
တက်ကြွသွားခဲ့ပါသည်။ ရက်ပေါင်း ၂၃၀၀ ၏ အဆုံး ဖြစ်သော ခသ ၁၈၄၄ ခုနှစ်မတိုင်မီ
ကောင်းကင်ဆိုင်ရာ သန့်ရှင်းရာဌာန ဆေးကြောခြင်းကို ခရစ်တော်သည် လုပ်ဆောင်လို့မရပါ။
(ဒံယေလ ၈း၁၄)။
အပြစ်ဖြေရာနေ့၌ ရှေးခေတ်က ယဇ်ပုရောဟိတ်မင်းသည်
မိမိအလုပ် ပြီးစီး သွားသောအခါ၊ ဝတ်လုံကိုဝတ်၍ တဲတော်မှ ထွက်လာပြီး၊ ပတ်လည်၌
စုဝေးလျက်ရှိသော လူတို့ကို ကောင်းချီးပေးပါသည်။ ထိုနည်းတူစွာ ကျွန်ုပ်တို့ ၏
ကယ်တင်ရှင်သည် ကျွန်ုပ်တို့အတွက် ကောင်းကင်ဘုံ၌ မိမိအကျိုးတော် ဆောင်လုပ်ငန်းပြီးစီးသွားသောအခါ၊
ထာ၀ရအသက်နှင့် ကျွန်ုပ်တို့ကို ကောင်း ချီးပေးရန် မိမိဒုတိယအကြိမ် ကြွလာခြင်းဖြင့်
ဘုန်းတော်နှင့် ပေါ်ထွန်းလာပါ လိမ့်မည်။ ထိုအခါ ဒဏ်ခံရမည့်သူ ဖြစ်သော
စာတန်မာရ်နတ်သည်၊ ခရစ် တော်ဒုတိယအကြိမ်ကြွလာချိန်၌ ပျက်ပြုန်းခဲ့၍ လူသူကင်းမဲ့သော
ဤကမ္ဘာ မြေကြီးပေါ်၌၊ ဘုရားသခင့် လူတို့၏အပြစ်အတွက် အနှစ်တစ်ထောင် ဒဏ်ခံရ
လိမ့်မည်။
ဟေဗြဲ ၉း၂၈၊ “ခရစ်တော်သည် လူများအပြစ်တို့ကို
ခံခြင်းငှာ တခါ တည်း ကိုယ်ကိုပူဇော်ပြီးမှ၊ နောက်တဖန်ထိုသခင်ကို
မြော်လင့်လျက်နေသော သူတို့ကို ကယ်တင်ခြင်းအလို့ငှာ၊
အပြစ်နှင့်မဆိုင်ဘဲပေါ်ထွန်းတော်မူလတံ့။”
စာတန်မာရ်နတ်နှင့် အတူ ဆိုးသွမ်းသောသူတို hသည် ထိုအချိန် ဖျက် ဆီးခြင်းခံရလိမ့်မည် (ဗျာဒိတ် ၂ဝး၁-၃၊
၇-၉။ ဆာလံ ရး၁၄-၁၆။ ဟေဗြဲ ၂း၁၄)။
အခန်းကြီး - ၂၇
၂၇။ ဗျာဒိတ်ကျမ်း ၁၄ ပါသတင်းသုံးပါး
THE
THREE-FOLD MESSAGE OF REVELATION 14
၁။ ပထမကောင်းကင်တမန်၏ သတင်းစကား၊
ဗျာဒိတ် ၁၄း၆၊၇၊
“မြေကြီးပေါ်မှာနေသောသူတည်းဟူသော အသီး အသီး ဘာသာစကားကို ပြောသောလူအမျိုးအနွယ်
ခပ်သိမ်းတို့အား ထာ၀ရ ဧဝံဂေလိ တရားကိုဟောရသော ကောင်းကင်တမန်တပါးက၊ ဘုရားသခင်ကို
ကြောက်ရွံ့၍ ချီးမွမ်းကြလော့။ တရားစီရင်တော်မူသောအချိန်ရောက်လာပြီ။ ကောင်းကင်၊
မြေကြီး၊ သမုဒ္ဒရာနှင့်စမ်းရေတွင်းတို့ကို ဖန်ဆင်းတော်မူသော အရှင်ကို
ကိုးကွယ်ကြလော့ဟု ကြီးသောအသံနှင့်ပြောဆို၍ ကောင်းကင် အလယ်၌ ပျံဝဲလျက်ရှိသည်ကို
ငါမြင်၏။”
မှတ်ချက်။ လောက၌တရားရုံးမထိုင်မီ
အများသိစေရန်ကြေငြာချက် ထုတ်ပြန်လေ့ရှိပါသည်။ ဤနေရာ၌ တရားစီရင်ခြင်းအချိန်ကို
တစ်ကမ္ဘာလုံး ကြေငြာခြင်းကို ပုံဆောင်သည့်အနေဖြင့် ကောင်းကင်တမန်တစ်ပါး ကောင်း ကင်
အလယ်၌ ပျံဝဲနေပါသည်။ ရှေးခေတ်သန့်ရှင်းရာဌာနဆေးကြောသည့် အနေဖြင့် အပြစ်ဖြေရာနေ့ကို
ကျင်းပပြုလုပ်ပါသည် (ဝတ်ပြုရာ ၁၆။ ၂၃။ ဟေဗြဲ ၁၀၄)။ တစ်နှစ်တာကုန်ဆုံးသော
အချိန်တိုင်း၌ သန့်ရှင်းရာဌာန ဆေးကြောခြင်းသည် တရားစီရင်သောနေ့ကို
ပုံဆောင်ထားပါသည်။
ဒံယေလ ၈း၁၄ အနာဂတ်စကားတွင် ရက်ပေါင်း ၂၃၀၀
ပြီးမှ သန့်ရှင်း ရာဌာနဆေးကြောမည်ဟုဆိုထားပါသည်။ ၎င်းသည်ကောင်းကင်သန့်ရှင်းရာ
ဌာနကို ဆိုလိုပါသည်။ ရက်ပေါင်း ၂၃၀၀ သည် ခသ ၁၈၄၄ ခုနှစ်ကျမှ
ကုန်ဆုံးသည်ဖြစ်သောကြောင့်၊ ထိုအချိန်အထိ မြေကြီးဆိုင်ရာသန့်ရှင်းရာဌာန မရှိတော့ပါ
(ပြီးခဲ့သော အခန်းကိုပြန်ဖတ်ကြည့်ပါ)။ ခွင့်လွှတ်ထားသော အပြစ် များသည်
ကောင်းကင်ဆိုင်ရာ သန့်ရှင်းရာဌာန၌၊ ကောင်းကင်ဆိုင်ရာ သန့်ရှင်းရာဌာန ဆေးကြောသော
(သို့မဟုတ်) တရားစီရင်သောအချိန်၊ ကျွန်ုပ် တို့၏ ယဇ်ပုရောဟိတ်မင်းကြီး
ဖြစ်တော်မူသော သခင်ယေရှုခရစ်တော်၏ အကျိုးတော်ဆောင်ပေး၍ ကျေးဇူးတော်အားဖြင့်
ချေဖျက်ပေးသည့် အချိန် အထိ ဆက်လက်ရှိနေမည်ဖြစ်သည်။ စာစောင်များ၌ မှတ်တမ်း
တင်ထားသည့် အတိုင်း တရားစီရင်မည်ဖြစ်ကြောင်းကိုလည်း ဒံယေလ ၇း၉၊ ၁၀ ၌ ဖေါ်ပြ
ထားပါသည်။
တမန်တော် ၃း၁၉ - ဖြောင့်မတ်သူများ၏
အပြစ်များချေဖျက်ပစ်မည်။
ထွက်မြောက်ရာ ၃၂း၃၃ - ဆိုးသွမ်းသူများ၏
နာမည်များချေဖျက်ပစ် မည်။
ခပ်သိမ်းသောလူတို့၏ ကံကြမ္မာသည် ထာ၀ရကာလအတွက်
အဆုံး အဖြတ်ရှိမည်။
ဗျာဒိတ် ၂၂း၁၁၊၁၂၊ “မတရားသောသူတို့သည်
မတရားသဖြင့်ပြုစေ ဦး။ ညစ်ညူးသော သူသည် ညစ်ညူးစေဦး။ ဖြောင့်မတ်သောသူသည် ဖြောင့်
မတ်စေဦး။ သန့်ရှင်းသောသူသည် သန့်ရှင်းစေဦး။ ငါသည်အလျင်အမြန် လာမည်။ ငါသည်
အကျိုးအပြစ်ကို ဆောင်ခဲ့သည်ဖြစ်၍၊ လူအသီးအသီးတို့ အား မိမိတို့အကျင့်အတိုင်း
ဆပ်ပေးမည်။”
၂။ ဒုတိယကောင်းကင်တမန်၏ သတင်းစကား၊
ဗျာဒိတ် ၁၄း၈၊ “ကောင်းကင်တမန်တပါးကလည်း၊
ဘေဘီလုံမြို့ကြီးပြို လဲပြီ။ မိမိမတရားသောမေထုန်၏ အဆိပ်အတောက်တည်းဟူသော စပျစ်ရည်
ကို လူမျိုးအပေါင်းတို့အား တိုက်လေပြီးသော ဘေဘီလုံမြို့ကြီးပြိုလဲပြီဟု
လိုက်၍ပြောဆို၏။” (ဗျာဒိတ် ၁၈း ၁-၅)။ ဘုရားသခင်သည်ဘေဘီလုံမှ မိမိလူတို့ကို
ခေါ်ထုတ်နေပါသည်။
၃။ တတိယကောင်းကင်တမန်၏သတင်းစကား၊
ဗျာဒိတ် ၁၄း၉-၁၁၊ “တတိယကောင်းကင်တမန်က၊
အကြင်သူသည် သားရဲနှင့်သူ၏ရုပ်တုကို ကိုးကွယ်၍၊ သူ၏တံဆိပ် လက်မှတ်ကို နဖူး၌ခံသည်
ဖြစ်စေ၊ လက်၌ခံသည်ဖြစ်စေ၊ ထိုသူသည် ဘုရားသခင်၏ဒေါသဖလား၌ လောင်းသောအမျက်တော်
စပျစ်ရည်စစ်ကို သောက်ရလိမ့်မည်။ သန့်ရှင်း သော ကောင်းကင်တမန်တို့ရှေ့၊
သိုးသငယ်ရှေ့တွင်၊ ကန့်နှင့်ရောသော မီးထဲ မှာ ပြင်းစွာသော ညှဉ်းဆဲခြင်းကို
ခံရလိမ့်မည်။ ထိုညှဉ်းဆဲခြင်း၏ မီးခိုးသည် ကမ္ဘာအဆက်ဆက် တက်လျက်ရှိ၏။
သားရဲနှင့်သူ၏ရုပ်တုကို ကိုးကွယ်၍၊ သူ၏ နာမတံဆိပ်လက်မှတ်ကို ခံသောသူတို့သည်
နေ့ညဉ့်မပြတ် သက်သာမရ ကြဟု၊ လိုက်၍ကြီးသောအသံနှင့် ပြောဆို၏။”
ဗျာဒိတ် ၁၄း၁၂ - ဤသတင်းစကားသုံးပါးသည် သခင်ယေရှုကို ယုံကြည်၍ ဘုရားသခင်၏
ပညတ်တော်တို့ကို စောင့်ရှောက်သော လူစုကို ပေါ်ပေါက်လာစေပါသည်။
ဗျာဒိတ် ၁၄း၁၄ - ထိုသူတို့သည်
ခရစ်တော်၏ကြွလာတော်မူခြင်းကို စောင့်မြော်နေသောသူများဖြစ်ကြသည်။
အခန်းကြီး - ၂၈
၂၈။ ဘုရားသခင်၏ပညတ်တော်
THE
LAW OF GOD
ဘုရားသခင်သည် သိနဲတောင်ထိပ်မှ
မိမိ၏တရားတော်ဖြစ်သော ပညတ်တော်ဆယ်ပါးကို မိန့်မြွက်တော်မူခဲ့သည်။
တရားဟောရာ ၄း၁၂၊ ၁၃၊ “ထာ၀ရဘုရားသည်လည်း
မီးထဲကသင်တို့ အား မိန့်မြွက်တော်မူ၏။ သင်တို့သည် သဏ္ဍာန်တော်ကို မမြင်ရဘဲ၊ စကား
တော်အသံကိုသာ ကြားရကြ၏။ သင်တို့ကျင့်စရာဘို့မှာထားတော်မူသော ပဋိ ညာဉ်တရားတည်းဟူသော
ပညတ်တော်ဆယ်ပါးတို့ကိုမိန့်မြွက်၍ ကျောက်ပြား နှစ်ပြားပေါ်၌ ရေးထားတော်မူ၏။”
၎င်းကျောက်ပြားနှစ်ပြားတို့ကို
မြေကြီးဆိုင်ရာသန့်ရှင်းရာဌာန အသန့် ရှင်းဆုံး အခန်းရှိ ပဋိညာဉ်သေတ္တာထဲတွင်
ဌာပနာထားပါသည် (တရားဟော ရာ ၁ဝး၅။ ထွက်မြောက်ရာ ၄ဝး၂၀၊၂၁)။
မှတ်ချက်၊ ပညတ်တော်ဆယ်ပါးတွင်
ပထမပိုင်းလေးပါးသည် ဘုရား သခင် အားပြုလုပ်ရမည့်တာဝန် ဝတ္တရားများ ဖြစ်ပြီး၊
နောက်ပိုင်း ခြောက်ပါး သည် လူလူချင်း ပြုလုပ်ရမည့် တာဝန်ဝတ္တရားဖြစ်ပါသည်။
သခင်ယေရှုသည် ဘုရားသခင်၏ ပညတ်တရားတော်ကို
ချီးမြှောက် အားပေးထားပါသည်။
ယောဟန် ၁၅း၁၀၊ “ငါသည် ငါ့ခမည်းတော်၏
ပညတ်တို့ကိုစောင့် ရှောက်၍ ခမည်းတော်၏မေတ္တာ၌တည်နေသကဲ့သို့၊ သင်တို့သည် ငါ့ပညတ်
တို့ကို စောင့်ရှောက်လျှင်၊ ငါ့မေတ္တာ၌ တည်နေကြလိမ့်မည်။”
မဿဲ ၅း၁၇၊၁၈၊ “ပညတ္တိကျမ်း၊
အနာဂတ္တိကျမ်းတို့ကို ဖျက်ပယ်ခြင်း ငှာ ငါလာသည်ဟု မထင်ကြနှင့်။ ဖျက်ပယ်ခြင်းငှာ
ငါလာသည်မဟုတ်။ ပြည့်စုံ စေခြင်းငှာ ငါလာသတည်း။ ငါအမှန်ဆိုသည်ကား၊
ကောင်းကင်နှင့်မြေကြီး မပျက်စီးမီတိုင်အောင်၊ ပညတ္တိကျမ်း၌ အငယ်ဆုံးသောစာလုံး
ဗိန္ဓု တလုံးမျှ ပြည့်စုံခြင်း သို့မရောက်မီ မပျက်စီးရ။”
သခင်ယေရှု ဤကမ္ဘာလောကသို့ ကြွလာသောအခါ
ဘုရားသခင်၏ ပညတ် တရားတော်သည် သူ၏စိတ်နှလုံးတော်၌ ရှိနေပါသည်။
ဆာလံ ၄ဝး၇-၉၊ “ကျမ်းစာလိပ်၌
အကျွန်ုပ်ကိုအမှတ်ပြု၍ ရေးသား ထားသည်နှင့်အညီ၊ အကျွန်ုပ်သည်သွားပါမည်ဟု ဝန်ခံပါ၏။
အကျွန်ုပ်၏ ဘုရားသခင်၊ ကိုယ်တော်၏ အလိုကိုဆောင်ရာ၌ အကျွန်ုပ်သည်အားရ ဝမ်း
မြောက်ပါ၏။ ကိုယ်တော်၏ တရားသည်လည်း အကျွန်ုပ်နှလုံးထဲမှာရှိပါ၏။ ဖြောင့်မတ်ခြင်းတရားကို
ပရိသတ်ကြီး အလယ်မှာ အကျွန်ုပ်ဟောပါပြီ။ အို ထာ၀ရဘုရား၊ အကျွန်ုပ်သည်
ကိုယ်နှုတ်ကိုပိတ်၍ မနေကြောင်းကို ကိုယ် တော်သိတော်မူ၏။” (ဟေဗြဲ ၁ဝး၅၊ ၇။ မဿဲ
၁၉း၁၆-၁၉)။
တမန်တော်ပေါလုသည် ဘုရားသခင်၏ ပညတ်တရားတော်ကို
ချီး မြှောက်အားပေးခဲ့ပါသည်။
ရောမ ၇း၁၂၊ “တရားတော်သည် သန့်ရှင်းခြင်းရှိ၏။
ပညတ်တရား လည်း သန့်ရှင်းခြင်း၊ ဖြောင့်မတ်ခြင်း၊ ကောင်းမြတ်ခြင်း ရှိ၏။”
ရောမ ၈း၃၊၄၊ “ဇာတိပကတိကြောင့် ပညတ်တရားသည်
အားနည်း၍ မတတ်နိုင်သောအမှုကို ဘုရားသခင် ပြုတော်မူခြင်းငှာ အပြစ်နှင့်ပြည့်စုံသော
ဇာတိပကတိ၏သဏ္ဍာန်ကိုဆောင်သော မိမိသားတော်ကို စေလွှတ်တော်မူ၍၊ အပြစ် ဖြေဘို့ရာ
ဇာတိပကတိ၌ အပြစ်ကို ဒဏ်ပေးတော်မူ၏။ အကြောင်း မူကား၊ ဇာတိပကတိအတိုင်းမကျင့်၊
ဝိညာဉ်ပကတိအတိုင်း ကျင့်သောငါတို့ သည်၊ တရား၌ ပါသောပညတ်တို့ကို
စောင့်ရှောက်မည်အကြောင်းတည်း။” (ရောမ ၃း၂၀။ ၇း၇)။
တမန်တော်ယောဟန်သည်လည်း ဘုရားသခင်၏ပညတ်တရားတော်
ကို ချီးမြှောက်အားပေး၏။
နောက်ဆုံးသောကာလ၌ရှိသော
ကျန်ကြွင်းသည့်အသင်းတော်သည် ဘုရားသခင်၏ ပညတ်တရားတော်ကို ချီးမြှောက်အားပေး၏။
ဗျာဒိတ် ၁၂း၁၇၊ “နဂါးသည် မိန်းမကို အငြိုးထား၏။
ဘုရားသခင်၏ ပညတ်တော်တို့ကိုကျင့်၍၊ ယေရှု၏ သက်သေခံတော်မူချက်ကို စွဲလမ်းသော
သူတည်းဟူသော ထိုမိန်းမ၌ ကြွင်းသောအမျိုးအနွယ်ကို စစ်တိုက်ခြင်းငှာ သွား ၏။”
(ဗျာဒိတ် ၂၂း၁၄)။
ပညတ်တော်ဆယ်ပါး၏ မူလသဘောတရားကို သိနဲတောင်မှ
ကမ္ဗည်း ကျောက်စာဖြင့် မရရှိမီကပင် သိရှိထားပါသည်။
၁။ ပထမ ပညတ်တော် (ကမ္ဘာဦး ၃၅း၁-၄)။
၂။ ဒုတိယ ပညတ်တော် (ကမ္ဘာဦး ၃၁း၁၉၊ ၃၄၊ ၃၅။
၃၅း၂-၄)။
၃။ တတိယ ပညတ်တော် (ဝတ်ပြုရာ ၁၈း၃၊ ၂၁၊ ၂၄၊ ၂၇)။
၄။ စတုတ္ထ ပညတ်တော် (ကမ္ဘာဦး ၂း၁-၄။ ၈း၁၀၊ ၁၂။
၂၉း၂၇၊ ၂၈။
ထွက်မြောက်ရာ ၁၆း၄၊ ၂၂၊ ၂၃။ ၂၅း၃၀)။
၅။ ပဉ္စမ ပညတ်တော် (ကမ္ဘာဦး ၉း၂၂-၂၅)။
၆။ ဆဌမ ပညတ်တော် (ကမ္ဘာဦး ၄း၈-၁၁၊ ၂၃၊ ၂၄။ ၉း၅၊
၆)။
၇။ သတ္တမ ပညတ်တော် (ကမ္ဘာဦး ၂ဝး၅-၉။ ၃၈း၂၄။
၃၉း၇-၉)။
၈။ အဌမ ပညတ်တော် (ကမ္ဘာဦး ၃ဝး၃၃။ ၃၁း၁၉၊ ၃၀။
၃၂း၃၉။ ၄၄း၈)။
၉။ န၀မ ပညတ်တော် (ကမ္ဘာဦး ၃၉း၇-၂၀)။
၁၀။ ဒဿမ ပညတ်တော် အဌမပညတ်တော် မချိုးဖောက်မီ
ဒဿမ ပညတ်
တော်ချိုးဖောက်နေပြီ။
ပညတ်တော်ဆယ်ပါး၊ ဓမ္မသစ်ကျမ်းတွင်တွေ့ရ။
ပထမပညတ်တော်
တမန်တော် ၁၄း၁၁-၁၅ - အသက်ရှင်၍
စစ်မှန်တော်မူသောဘုရား။
၁ ကောရိန်သု ၈း၄-၆ - ရုပ်တုအချည်းနှီး၊
ဘုရားသခင်တစ်ဆူတည်း။ ဒုတိယပညတ်တော်
၁ ကောရိန်သု ၁ဝး၁၄ -
ရုပ်တုကိုးကွယ်ခြင်းကိုရှောင်။
တမန်တော် ၁၇း၂၉ - ဘုရားသခင်ကို ရွှေ၊
ငွေတို့နှင့် မနှိုင်းသင့်။
၁ ယောဟန် ၅း၂၁ - ရုပ်တုတို့ကို ကြဉ်ရှောင်။
တတိယပညတ်တော်
ယာကုပ် ၅း၁၂ - ကျိန်ဆိုခြင်းကိုသာ၍ရှောင်။
စတုတ္ထပညတ်တော်
လုကာ ၂၃း၅၆ - ပညတ်တော်အတိုင်း
ဥပုသ်နေ့၌အလုပ်မလုပ်။
တမန်တော် ၁၆း၁၃ - ဥပုသ်နေ့၌
ပဌနာရှိရာမြစ်နားသို့သွား။
တမန်တော် ၁၇း၂ - မိမိထုံးစံအတိုင်း
ဥပုသ်နေ့သုံးရက်။
ပဉ္စမပညတ်တော်
ဧဖက် ၆း၂ - မိဘကို ရိုသေစွာပြုလော့။
ဆဌမပညတ်တော်
ရောမ ၁၃း၉ - လူ့အသက်ကိုမသတ်နှင့် (ယာကုပ်
၂း၁၁)။
သတ္တမပညတ်တော်
ရောမ ၁၃း၉ - သူ့မယားကို မပြစ်မှားနှင့်။
အဌမပညတ်တော်
ရောမ ၁၃း၉ - သူ့ဥစ္စာကို မခိုးနှင့်။
န၀မပညတ်တော်
ရောမ ၁၃း၉ - မမှန်သောသက်သေကို မခံနှင့်။
ဒဿမပညတ်တော်
ရောမ ၁၃း၉ -
သူ့ဥစ္စာကိုတပ်မက်လိုချင်သောစိတ်မရှိစေနှင့်။
ဘုရားသခင်၏ပညတ်တရားတော်သည်
ဖြောင့်မတ်ခြင်းစည်းမျဉ်းတစ်ရပ်ဖြစ်
မဿဲ ၁၉း၁၆၊ ၁၇၊ “လူတစ်ယောက်သည် ချဉ်းကပ်၍၊
ကောင်းမြတ် သော ဆရာ၊ ထာ၀ရအသက်ကိုရအံ့သောငှာ၊ အကျွန်ုပ်သည် အဘယ်ကောင်း မှုကို
ပြုရပါမည်နည်းဟု မေးလျှောက်သော်၊ ငါ့ကို ကောင်းမြတ်သည်ဟု အဘယ်ကြောင့်ခေါ်သနည်း၊
ဘုရားသခင်တပါးတည်းသာ ကောင်းမြတ်တော် မူ၏။ အသက်ရှင်ခြင်းသို့ ဝင်စားလိုလျှင်
ပညတ်တော်တို့ကို စောင့်ရှောက် လော့ဟု မိန့်တော်မူ၏။”
ဒေသနာ ၁၂း၁၃၊ “အချုပ်အခြာစကားဟူမူကား၊
ဘုရားသခင်ကို ကြောက်ရွံ့၍၊ ပညတ်တော်တို့ကို စောင့်ရှောက်လော့။ ဤရွေ့ကား၊ လူနှင့်
ဆိုင်သော အမှုအရာအလုံးစုံတို့ကို ချုပ်ခြာသတည်း။”
မဿဲ ၅း၁၈၊ “ငါအမှန်ဆိုသည်ကား၊
ကောင်းကင်နှင့်မြေကြီး မပျက်စီးမီတိုင်အောင်၊ ပညတ္တိကျမ်း၌ အငယ်ဆုံးသောစာလုံး
ဗိန္ဓုတလုံးမျှ ပြည့်စုံခြင်းသို့ မရောက်မီ မပျက်စီးရ။”
ဆာလံ ၁၉း၇-၉၊ ထာ၀ရဘုရား၏ပညတ်တရားတော်သည်
စုံလင်၏။ ရောမ ၇း၁၂၊၁၄၊ ထာ၀ရဘုရား၏ပညတ်တရားတော်သည် သန့်ရှင်း၏ ဖြောင့်
မှန်၏၊ ကောင်းမြတ်၏၊ ဝိညာဉ်ပကတိနှင့်
စပ်ဆိုင်၏။
အခန်းကြီး - ၂၉
၂၉။ ထာ၀ရဘုရားသခင်၏ဥပုသ်တော်နေ့
THE
SABBATH OF THE LORD
ဥပုသ်နေ့ပညတ်တော်
ထွက်မြောက်ရာ ၂ဝး၈-၁၁၊
“ဥပုသ်နေ့ကိုသန့်ရှင်းစေခြင်းငှာ ထိုနေ့ ရက်ကို အောက်မေ့လော့။ ခြောက်ရက်ပတ်လုံး
အလုပ်မျိုးကို ကြိုးစား၍ လုပ်ဆောင်လော့။ သတ္တမနေ့ရက်သည် သင်၏ဘုရားသခင်ထာ၀ရဘုရား၏
ဥပုသ်နေ့ဖြစ်၏။ ထိုနေ့၌ သင်မှစ၍ သင်၏သားသမီး၊ ကျွန်ယောက်ျားမိန်းမ၊ တိရစ္ဆာန်၊ သင်၏တံခါးအတွင်း၌
နေသော ဧည့်သည် အာဂန္တုသည် အလုပ် မလုပ်ရ။ အကြောင်းမူကား၊ ထာ၀ရဘုရားသည်
မိုးကောင်းကင်၊ မြေကြီး၊ သမုဒ္ဒရာ၊ အရပ်ရပ်၌ရှိသမျှတို့ကို ခြောက်ရက်တွင် ဖန်ဆင်း၍
သတ္တမနေ့၌ ငြိမ်ဝပ်စွာ နေတော်မူ၏။ ထို့ကြောင့် ထာ၀ရဘုရားသည် သတ္တမနေ့ရက်ကို
ကောင်းချီးပေး၍ သန့်ရှင်းစေတော်မူ၏။”
ထွက်မြောက်ရာ ၃၁း၁၆၊၁၇ -
ကောင်းကင်နှင့်မြေကြီးကို ဘုရားသခင် ဖန်ဆင်းတော်မူရာဖြစ်ကြောင်း
အစ္စရေးလူတို့အတွက် ဥပုသ်နေ့သည်အမှတ် လက္ခဏာဖြစ်၏။
ယေဇကျေလ ၂ဝး၁၂၊၂၀ - ဘုရားသခင်သည်
သန့်ရှင်းစေတော်မူ သော သူဖြစ်ကြောင်း၊ ဥပုသ်နေ့သည် အမှတ် လက္ခဏာဖြစ်၏။
ယေရှာယ ၅၆း၁၊၂ - ဥပုသ်နေ့ကို
စောင့်ရှောက်သောသူတို့အပေါ်၌ ကောင်းချီးမင်္ဂလာသက်ရောက်၏။
ယေရှာယ ၅၈း၁၂-၁၄ - ဥပုသ်နေ့ပြန်လည်ပြုပြင်မည့်
အနာဂတ် စကား။
ယေရှာယ ၆၆း၂၂၊၂၃ - မြေကြီးသစ်၌ ဥပုသ်နေ့ရှိမည်။
ဓမ္မသစ်ကျမ်းစာ၌ပါသော ဥပုသ်နေ့
သခင်ယေရှု၏ စံနမူနာ၊
လုကာ ၄း၁၆ - “ကြီးပွားတော်မူရာ နာဇရက်
မြို့သို့ရောက်ပြန်လျှင်၊ ထုံးစံတော်ရှိသည်အတိုင်း ဥပုသ်နေ့၌
တရားစရပ်သို့ဝင်၍ကျမ်းစာကို ဖတ် ရွတ်ခြင်းငှာ ထတော်မူ၏။”
တမန်တော်ပေါလု၏ စံနမူနာ၊
တမန်တော် ၁၇း၂ - “ပေါလုသည်
မိမိထုံးစံရှိသည်အတိုင်း ထိုစရပ်သို့ ဝင်၍၊ ဥပုသ်နေ့သုံးရက်တွင် ကျမ်းစာကို
အမှီပြု၍ ထိုသူတို့နှင့်ဆွေးနွေး နှီးနှောသဖြင့်၊”
သခင်ယေရှုသည် ဥပုသ်နေ့၏ အရှင်သခင်ဖြစ်သည်။
ဥပုသ်နေ့သည် လူ့အတွက်ဖြစ်သည်ဟု မိန့်တော်မူခဲ့သည်။
မာကု ၂း၂၇၊၂၈ - “ဥပုသ်နေ့သည် လူအဖို့ဖြစ်၏။
လူသည် ဥပုသ်နေ့ အဖို့ ဖြစ်သည်မဟုတ်။ သို့ဖြစ်၍ လူသားသည် ဥပုသ်နေ့ကိုပင်
အစိုးရသည်။”
ယေရုရှလင်မြို့ မပျက်စီးမီ၊ မိမိတို hထွက်ပြေးရမည့် အချိန်သည် ဆောင်းကာလနှင့် ဥပုသ်နေ့၌
မဖြစ်ရန်ဆုတောင်းကြဖို့ တပည့်တော်တို့အား ခရစ်တော်သွန်သင်ထားပါသည်။
မဿဲ ၂၄း၂၀ - “သင်တို့ပြေးရသောအချိန်သည်
ဆောင်းကာလ၌ မကျ၊ ဥပုသ်နေ့၌လည်းမကျမည်အကြောင်း ဆုတောင်းကြလော့။” လက်ဝါး တိုင်၌
သခင်ခရစ်တော်အသေခံပြီးနှစ်ပေါင်းများစွာကြာမှ ထိုသို့ဖြစ်ပျက်ခဲ့ပါ သည်။
လက်ဝါးကပ်တိုင်၌ သခင်ခရစ်တော်အသေခံသော
အဖိတ်နေ့၌ တပည့်တော်မတို့သည် နောက်တော်ကိုလိုက်ကြသည်။
လုကာ ၂၃း၅၄-၅၆ - “ထိုနေ့ကား အဖိတ်နေ့ဖြစ်၍
ဥပုသ်နေ့အချိန် နီးသတည်း။ ဂါလိလဲပြည်က ကိုယ်တော်နှင့် အတူလာသော မိန်းမများသည်
သင်္ချိုင်းတော်ကို၎င်း၊ အလောင်းတော်ကို အဘယ်သို့ထားသည်ကို၎င်း အကြည့် အရှု
လိုက်လာကြ၏။ ထိုနောက်မှ ပြန်သွားပြီးလျှင် ဆီးမွှေးနှင့် နံ့သာမျိုးကို ပြင်ဆင်၍
ပညတ်တော်အတိုင်းဥပုသ်နေ့၌ အလုပ်မလုပ်ဘဲနေကြ၏။”
ဥပုသ်နေ့သည် တစ်သိတင်းတွင်
ပထမနေ့ရက်မတိုင်မီနေ့ ဖြစ်သည်။
မဿဲ ၂၈း၁ - “ဥပုသ်နေ့လွန်၍ ခုနှစ်ရက်တွင်
ပထမနေ့ရက်မိုးလင်း အံ့ဆဲဆဲ အချိန်၌၊ မာဂဒလမာရိနှင့် အခြားသော မာရိသည်
သင်္ချိုင်းတော်ကို အကြည့်အရှုသွားကြ၏။ ဥပုသ်နေ့မတိုင်မီနေ့သည် ပြင်ဆင်ရသော
အဖိတ်နေ့ ဖြစ်၏။
မာကု ၁၅း၄၂ - “ထိုနေ့ကား (ဥပုသ်နေ့မတိုင်မီနေ့)
အဖိတ်နေ့တည်း ဟူသော ပရက္ကူနေ့ဖြစ်သောကြောင့် ညအချိန်ရောက်မှ” ဥပုသ်နေ့အချိန်လွန်
သွားသောအခါ တစ်သိတင်း၏ ပထမနေ့ ရောက်လာသည်။
မာကု ၁၆း၁၊ ၂ - “ဥပုသ်နေ့လွန်မှ မာဂဒလမာရိ၊
ယာကုပ်၏ အမိဖြစ်သော မာရိနှင့် ရှာလုံတို့သည်သွား၍ အလောင်းတော်ကို လိမ်းခြင်းငှာ
နံ့သာမျိုးကို ဝယ်ပြီးလျှင်၊ ခုနစ်ရက်တွင် ပထမနေ့ရက်နံနက်စောစော၊ နေ
ထွက်သောအချိန်၌ သင်္ချိုင်းတော်သို့ သွားကြ၏။”
တမန်တော် ၁း၁၂ - ဥပုသ်နေ့တစ်နေ့ခရီး။
တမန်တော် ၁၃း၄၂၊ ၄၄ - တမန်တော်ပေါလုသည်
ဂျူးအမျိုးသားများ နှင့် တပါးအမျိုးသားများအား၊ ဥပုသ်နေ့တွင် တရားစရပ်၌
ဟောပြောတော်မူ ၏။
တမန်တော် ၁၆း၁၃ - ဥပုသ်နေ့တွင် မြစ်ကမ်းနာ၌
ဆုတောင်းရန် အမျိုးသမီးများ စုဝေးကြ၏။
တမန်တော် ၁၈း၄ - ကောရိန်သုမြို့ရှိ တရားစရပ်၌
တမန်တော်ပေါလု သည် ဥပုသ်နေ့တိုင်း ဂျူးအမျိုးသားများနှင့် တပါးအမျိုးသားများကို
သွေး ဆောင်လေ၏။
ဟေဗြဲ ၄း၉ - “ထို hကြောင့်
ဘုရားသခင်၏လူတို hအဖို hအလိုငှာ ငြိမ်
ဝပ်ခြင်းချမ်းသာ (ခုနစ်ရက်မြောက်သော ဥပုသ်နေ့ ဟေဗြဲ ၄း၄) တမျိုးသည် ကျန်ရစ်သေး၏။”
အခန်းကြီး - ၃၀
၃၀။ သမ္မာကျမ်းစာ၌ပါရှိသမျှသောပထမနေ့
ALL
THE FIRST DAY TEXTS IN THE BIBLE
သမ္မာကျမ်းစာတွင် “တနင်္ဂနွေနေ့” ဟူသော
စကားလုံးမတွေ့ ရသော် လည်း “ခုနစ်ရက်တွင် ပထမနေ့ရက်” ဟူသော စကားအသုံးအနှုန်းကို
ရှစ် ကြိမ်တွေ့ရပါသည်။ မဿဲ ၂၈း၁။ မာကု ၁၆း၁၊၂၊၉။ လုကာ ၂၄း၁။ ယောဟန် ၂ဝး၁၊၁၉။
တမန်တော် ၂ဝး၇။ ၁ ကောရိန်သု ၁၆း၁၊၂။
ပထမပိုင်းခြောက်ချက်သည်
သခင်ခရစ်တော်ရှင်ပြန်ထမြောက်ခြင်းနှင့် ဆက်စပ်သောအဖြစ်အပျက်များကို
ဖော်ပြထားပါသည်။
တမန်တော် ၂၀ သည် တရောမြို့ ၌
တမန်တော်ပေါလုကျင်းပပြုလုပ် သော အထူးအစည်းအဝေးနှင့် သမ္မာကျမ်းစာ၏
သတ်မှတ်ချက်အတိုင်း နေဝင်သောအချိန်၌ အစပြုသောနောက်တစ်ရက်ဖြစ်သည့် (၂ဝး၈) ညအချိန်
အစည်းအဝေးတို့ကို ဖေါ်ပြထားပါသည်(ဝတ်ပြုရာ ၂၃း၃၂။ မာကု ၁း၃၂)။ ၎င်းသည် စနေနေ့ည၌
ပြုလုပ်သောအစည်းအဝေးဖြစ်ပါသည်။ ထိုနေ့ (တနင်္ဂ နွေ) နေထွက်သောအခါ ပေါလုသည် ၁၉
မိုင်ဝေးသော အမြို့ သို့ ခြေလျင်ခရီး သွားပါသည်။
၁ ကောရိန်သု ၁၆း၂၊
ဆင်းရဲသောသန့်ရှင်းသူများအတွက် စုဆောင်း ထားရမည့်အရာများကို အိမ်၌ရှိသော
စတိုးခန်း၌ စုထားရပါမည်။ ပရိသတ် အစည်းအဝေး၌ စုထားရန်ပြောဆိုခြင်းမရှိပါ။
သတ္တမနေ့ဖြစ်သော ဘုရားသခင်၏ဥပုသ်တော်နေ့မှအပ
အခြားနေ့ ရက် တစ်ရက်မျှ သန့်ရှင်းသည်ဟု ဤကျမ်းချက်များက ဖော်ပြမထားပါ (ဗျာဒိတ်
၁း၁၀။ မာကု ၂း၂၈။ ယေရှာယ ၅၈း၁၃။ ထွက်မြောက်ရာ ၂ဝး၈-၁၁။ လုကာ ၄း၁၆။ မ ၂၄း၂၀
တို့ကိုလည်းကြည့်ပါ)။
အခန်းကြီး - ၃၁
၃၁။ အချိန်ကာလမှတ်တမ်းပျောက်ဆုံးဖူးသလား
HAS
THE RECORD OF TIME BEEN LOST?
ကမ္ဘာဦး ၁၊ ၂ - တစ်သိတင်း၏အစမူလကို
ဖော်ပြထားသည်။
ကမ္ဘာဦး ၇း၄။ ၈း၁၀၊၁၂။ ၂၉း၂၇၊၂၈ - တစ်သိတင်းသည်
ခုနှစ်ရက် ဖြစ်သည်။
ဧဒင်ဥယျာဉ်မှ အာဗြဟံအထိ
အချိန်ကာလပျောက်သွားခြင်းမရှိ
အာဒံနှင့်မသုရှလ - နှစ်ပေါင်း ၂၄၀ ထက်မနည်းအတူ
အသက်ရှင် သည်။
မသုရှလနှင့်ရှေမ - နှစ်ပေါင်း ၁၀၀
အတူအသက်ရှင်သည်။
ရှေမနှင့်အာဗြဟံ - နှစ်ပေါင်း ၁၅၀
အတူအသက်ရှင်သည်။
ထို့ကြောင့် ကမ္ဘာဦးကျမ်း ၁ နှင့် ၂
၌မှတ်တမ်းတင်ထားသည့်အတိုင်း ဖန်ဆင်းခြင်းအကြောင်းနှင့် ဥပုသ်နေ့အစပြု
တည်ထောင်သည့်အကြောင်းတို့ သည် မေ့ပျောက်သွားနိုင်သည့်ကာလမရှိပါ။
အီဂျစ်၌ဥပုသ်နေ့ပျောက်သွားခြင်းမရှိ
ထွက်မြောက်ရာ ၁၆း၄၊၅၊၂၁-၃၀၊၃၅ - သိနဲတောင်မှ
ပညတ်တော် ဆယ်ပါးမရရှိမီ၊ အီဂျစ်တိုင်းပြည်မှ အစ္စရေးတို့
ထွက်သွားပြီးသည့်နောက်တွင်၊
ဥပုသ်နေ့ဖြစ်ပေါ်လာသောအချိန်ကို
သူတို့သိရှိကြပါသည်။
ထွက်မြောက်ရာ ၂ဝး၈-၁၁ - ဤဥပုသ်နေ့သည်
ဖန်ဆင်းခြင်းကာလ၌ ရှိသောဥပုသ်နေ့၊ တစ်သိတင်း၏ သတ္တမနေ့၊ ဘုရားသခင်၏အမိန့်တော်နှင့်
ကောင်းချီးပေးသောနေ့၊ အခြားနေ့ရက်များနှင့်မတူဘဲ သန့်ရှင်းစွာအသုံးပြုရန်
သီးသန့်ထားသောနေ့ ဖြစ်ပါသည်။
ကတိထားသောပြည်တော်၌
ဥပုသ်နေ့ပျောက်သွားခြင်းမရှိ
ပရောဖက်တို့သည် ဥပုသ်နေ့ကို ဂရုစိုက်သကဲ့သို့၊
ဥပုသ်နေ့နှင့်ဆိုင် သော တရားများလည်းရှိပါသည် (ယေရမိ ၁ရး၂၄-၂၆။ အာမုတ် ၈း၄-၆။
ယေရှာယ ၅၈း၁၃၊ ၁၄။ ၄ ဓမ္မရာဇဝင် ၄း၂၃။ ၁ ရာဇဝင်ချုပ် ၉း၃၂။ ယေရှာယ ၅၆း၂-၆)။
နှစ်ပေါင်း ၇၀
ကျွန်ဘ၀၌ဥပုသ်နေ့ပျောက်သွားခြင်းမရှိ
မှတ်ချက်။ ဥပုသ်နေ့ချိုးဖောက်သောကြောင့်
အစ္စရေးတို့သည် တိုင်း တစ်ပါးသို့ ကျွန်ဘ၀သို့ရောက်ရှိသွားသည် (ယေရမိ ၁၇။ နေဟမိ
၁၃း၁၅)။ ကျွန်ဘ၀မှ ပြန်လွှတ်လာကြသောအခါ သူတို့သည် ဥပုသ်နေ့ကို စောင့်ရှောက် လျက်၊
ဘယ်အချိန်က စတင်လာသည်ကိုလည်း သိရှိလာကြပါသည်။ လူမျိုး တစ်မျိုးအနေဖြင့်
ပြက္ခဒိန်ကို မေ့ပျောက်ရန်အနှစ် ၇၀ သည် အလွန်တို တောင်းသောကာလဖြစ်သည်။ ဧဇရမှတ်စာ၌
ဖတ်ရသကဲ့သို့၊ မျိုးနွှယ်စုစာရင်း များလည်းရှိပါသေးသည်။ ဘေဘီလုံ ကျွန်ဘ၀မှ
သန့်ရှင်းသော ပြည်တော်သို့ ပြန်လာကြသောအခါ သူတို့သည် ဥပုသ်နေ့ကို
စောင့်ရှောက်ကြပါသည်။
ခရစ်တော်အချိန်၌ဥပုသ်နေ့အသိတရားနှင့်မှတ်တမ်းတို့ပျောက်သွားခြင်းမရှိ
မဿဲ ၁၂း၁-၁၂ - အစ္စရေးတို့ဥပုသ်နေ့ကို
ကြပ်ကြပ်မတ်မတ်စောင့် ရှောက်နေကြသည်ကို သခင်ယေရှုတွေ့ မြင်ပါသည်။
မာကု ၂း၂၇ -
သူတို့စောင့်ရှောက်နေသောဥပုသ်နေ့သည် လူအတွက် ဖြစ်သည်ဟု
ခရစ်တော်မိန့်တော်မူခဲ့ပါသည်။
ကမ္ဘာဦး ၂း၁-၃၊ ထွက်မြောက်ရာ ၂ဝး၈-၁၁ -
ဥပုသ်နေ့သည် ဖန်ဆင်းခြင်း ကာလက ဥပုသ်နေ့ပင်ဖြစ်သည်။
လုကာ ၂၃း၅၄၊ “ထိုနေ့ကား အဖိတ်နေ့ဖြစ်၍ ဥပုသ်နေ့
အချိန်နီး သတည်း။” ဤဥပုသ်နေ့သည် ပညတ်တော်၌ပါသော ဥပုသ်နေ့ဖြစ်သော ကြောင့်၊
ဖန်ဆင်းခြင်း ကာလဥပုသ်နေ့ဖြစ်ပါသည်။ အဘယ်ကြောင့်ဆိုသော် စတုတ္ထပညတ်သည်
ဖန်ဆင်းခြင်းကာလကို ပြန်လည်၍ ရည်ညွှန်းထားပါ သည်။ ထို့အတွက်ကြောင့် ဥပုသ်နေ့သည်
ဖန်ဆင်းခြင်းကာလမှစ၍ နှစ်ပေါင်း ၄၀၀၀ ကျော်သည်အထိ ခရစ်သက္ကရာဇ်
ပထမရာစုကုန်လွန်သည်တိုင်အောင် ပြတ်တောက်သွားခြင်း မရှိပါ။
ခရစ်တော်ခေတ်ကာလမှစ၍
ခရစ်တော်အချိန်ကာလမှစ၍ မည်သည့်အချိန်ကာလမျှ၊
ပျောက်ဆုံး သွားခြင်းမရှိပါ။ ယနေ့ကျွန်ုပ်တို့အသုံးပြုသော ပြက္ခဒိန်သည်၊
လများကိုပြင် ဆင်မှု ရှိသော်လည်း၊ သိတင်းပတ်များလုံး၀ထိခိုက်ခြင်းမရှိပါ။
၎င်းပြက္ခဒိန်ကို ဘုရင် ဂျူးလိယပ်စ်ဆီစာ၏ အမိန့်အရ ခရစ်တော်မတိုင်မီနှစ်ပေါင်း ၄၀
ကျော်အသုံးပြုခဲ့သော ပြက္ခဒိန်ဖြစ်ပါသည်။
နက္ခတ္တဗေဒပညာအရလည်း
အချိန်ကာလပျောက်ဆုံးခြင်းမရှိပါ။ ပြက္ခ ဒိန်များ၊ ရာဇဝင်သမိုင်းများ၊
စွယ်စုံကျမ်းများ၊ အဘိဓာန်များ၊ ခေတ်ဟောင်း မိသားစုကျမ်းစာအုပ်များ၊
ခရစ်ယာန်လောကတရားဥပဒေများ၊ အစ္စလမ်၏ ထုံးတမ်းစဉ်လာများ၊ ဂရိကာသိုလိပ်အသင်းတော်၊
ရောမကာသိုလိပ်အသင်း တော်၊ ပရိုတက်စတန်အသင်းတော်၊ တစ်ကမ္ဘာလုံးရှိ
ဂျူးလူမျိုးများနှင့် ခေတ် သစ်သိပ္ပံပညာ စသည်တို့ကပင်၊ သိတင်းပတ်၏နေ့ရက်များ
ပျောက်ဆုံးသွား ခြင်းမရှိကြောင်း သက်သေပြကြပါသည်။
အခန်းကြီး - ၃၂
၃၂။ ခရစ်ယာန်၏ဥပုသ်နေ့
THE
CHRISTIAN SABBATH
ဘုရားသခင်သည် နေ့ရက်တစ်ရက်ရှိသည်။
ဗျာဒိတ် ၁း၁၀၊ “သခင်ဘုရားနေ့၌ ဝိညာဉ်တော်ကို
ခံရ၍၊ တံပိုးခရာ အသံကဲ့သို့ငါ့နောက်၌မြည်သောအသံကြီးကိုကြား၏။” (ယေရှာယ ၅၈း၁၃၊ ငါ၏
သန့်ရှင်းသောနေ့)။
ထိုနေ့သည် ဥပုသ်နေ့၊ သို့မဟုတ်
ငြိမ်ဝမ်စွာနေရသောနေ့ဖြစ်၏။
မာကု ၂း၂၇၊၂၈၊ “ဥပုသ်နေ့သည် လူအဖို့ဖြစ်၏။
လူသည်ဥပုသ်နေ့ အဖို့ ဖြစ်သည်မဟုတ်။ သို့ဖြစ်၍ လူ၏သားသည် ဥပုသ်နေ့ကိုပင် အစိုးရ၏။”
ယောဟန် (၁) ၌ပါသည့်အတိုင်း နှုတ်ကပတ်တော်သည်
အစအဦး၌ ဘုရားသခင်နှင့်အတူရှိ၍၊ ဘုရားသခင်ဖြစ်တော်မူ၏။ သူသည်အရာခပ်သိမ်း ကို
ဖန်ဆင်းတော်မူ၏ (ယောဟန် ၁း၁-၃)။ ထိုနှုတ်ကပတ်တော်သည် ခမည်း တော်၏ တစ်ဦးတည်းသောသား၊
ယေရှုခရစ်တော်ဖြစ်တော်မူ၏ (၁း၁၄)။ ကောင်းကင်နှင့် မြေကြီးတွင်
ရှိရှိသမျှသောအရာတို့ကို ခရစ်တော်ဖန်ဆင်း တော်မူကြောင်း ကောလောသဲ ၁း၁၄-၁၇ ၌လည်း
ကျွန်ုပ်တို့တွေ့ ရပါသည်။
ဟေဗြဲ ၁း၁၊၂၊ “ရှေးလွန်လေပြီးသောအခါ
ပရောဖက်များအားဖြင့် ဘိုးဘေးတို့အား အထပ်ထပ် အနည်းနည်းဗျာဒိတ် ပေးတော်မူသော ဘုရား
သခင်သည်၊ ဤနောက်ဆုံးသောကာလအခါ မိမိသားတော်အားဖြင့် ငါတို့အား ဗျာဒိတ်ပေးတော်မူပြီ။
ထိုသားတော်ကိုအလုံးစုံတို့၏ အမွေခံသခင်အရာ၌ ခန့် ထားတော်မူ၏။ သားတော်အားဖြင့်လည်းလောကဓာတ်တို့ကိုတည်တော်မူ၏”
ခမည်းတော်ဘုရားသခင်သည် သားတော်အားဖြင့်
အရာခပ်သိမ်းကို ဖန်ဆင်းတော်မူ၏။ ဖန်ဆင်းခြင်း၌ သခင်ယေရှုသည် အဓိကလှုပ်ရှားသော
ပုဂ္ဂိုလ်ဖြစ်သောကြောင့်၊ ဥပုသ်နေ့သည် လူအတွက်ဖြစ်၏ဟု ဆိုရာ၌၊ ကိုယ် တော်သည်
မိမိကိုယ်တိုင်၏ အလုပ်ကို ပြောဆိုနေခြင်းဖြစ်ပါသည်။ သို့ဖြစ်၍ ဥပုသ်နေ့သည်
ခရစ်တော်၏ နေ့ရက်ပင်ဖြစ်သည်။ သခင်ဘုရား၏ နေ့ရက် အမှန်ပင် ဖြစ်သည်။
ခမည်းတော်နှင့်အတူ သခင်ယေရှုခရစ်တော်ကိုယ်တော် တိုင်သတ်မှတ်ထားသော
နေ့ရက်ဖြစ်ပါသည်။ ငါသည် ဥပုသ်နေ့၏ အရှင် သခင် ဖြစ်သည်ဟု သခင်ယေရှု
ကြေငြာနေခြင်းဖြစ်ပါသည် (မာကု ၂း၂၈)။ ခရစ်တော်ကိုယ်တိုင်သတ်မှတ် ပြုလုပ်ထားသော
ဥပုသ်နေ့ဖြစ်သောကြောင့် ဥပုသ်နေ့သည် သခင်ဘုရား၏ နေ့ပင်ဖြစ်ပါသည်။
ဥပုသ်နေ့သည်သတ္တမနေ့ရက်ဖြစ်၏
ဘုရားသခင်သည် နေ့ရက်တစ်ရက်ရှိတော်မူ၍၊
ထိုနေ့ရက်သည် ငြိမ် ဝပ်စွာ နေရသော ဥပုသ်နေ့တစ်နေ့ဖြစ်ရုံမက၊ သတ္တမနေ့ရက်ဖြစ်ပါသည်။
ကမ္ဘာဦး ၂း၁-၃ -
“ထိုသို့ကောင်းကင်မြေကြီးနှင့်တကွ၊ ခပ်သိမ်းသော
တန်ဆာတို့သည် ပြီးစီးလျက်ရှိကြ၏။ သတ္တမနေ့ရက် ရောက်လျှင်၊ ဘုရား သခင်သည်
ဖန်ဆင်းသောအမှုကို လက်စသတ်တော်မူခဲ့ပြီးသည်ဖြစ်၍ ဖန် ဆင်းသမျှသော အမှုအရာတို့သည်
ပြီးစီးပြီးမှ၊ ထိုသတ္တမနေ့၌ ငြိမ်ဝပ်စွာ နေတော်မူ၏။ ထိုသတ္တမနေ့ကို ဘုရားသခင်သည်
ကောင်းချီးပေး၍ သန့်ရှင်း စေတော်မူ၏။ အကြောင်းမူကား ဖန်ဆင်းပြုပြင်တော်မူသော
အမှုအရာ အလုံးစုံတို့သည် ပြီးစီးသောကြောင့်၊ ထိုနေ့ရက်၌ငြိမ်ဝပ်စွာနေတော်မူ၏”
ထွက်မြောက်ရာ ၂ဝး၈-၁၁၊ “ဥပုသ်နေ့ကို
သန့်ရှင်းစေခြင်းငှာ ထိုနေ့ ရက်ကို အောက်မေ့လော့။ ခြောက်ရက်ပတ်လုံး အလုပ်မျိုးကို
ကြိုးစား၍ လုပ် ဆောင်လော့။ သတ္တမနေ့ရက်သည် သင်၏ဘုရားသခင်ထာ၀ရဘုရာ၏ ဥပုသ် နေ့ဖြစ်၏။
ထိုနေ့၌ သင်မှစ၍ သင်၏သားသမီး၊ ကျွန်ယောက်ျားမိန်းမ၊ တိရ စ္ဆာန်၊ သင်၏တံခါးအတွင်း၌
နေသော ဧည့်သည်အာဂန္တုသည် အလုပ်မလုပ်ရ။ အကြောင်းမူကား ထာ၀ရဘုရားသည် မိုးကောင်းကင်၊
မြေကြီး၊ သမုဒ္ဒရာ၊ အရပ်ရပ်၌ရှိသမျှတို့ကို ခြောက်ရက်တွင် ဖန်ဆင်း၍ သတ္တမ
နေ့ရက်၌ငြိမ်ဝပ် စွာနေတော်မူ၏။ ထို့ကြောင့် ထာ၀ရဘုရားသည် သတ္တမနေ့ရက်ကိုကောင်းချီး
ပေး၍ သန့်ရှင်းစေတော်မူ၏။”
ဟေဗြဲ ၄း၄၊ “ခုနှစ်ရက်မြောက်သောနေ့ကို
အကြောင်းပြု၍၊ ကျမ်းစာ တချက်၌၊ ဘုရားသခင်သည် မိမိအမှုအရာအလုံးစုံ တို့ကို ပြီးစီး၍
ခုနှစ်ရက် မြောက်သောနေ့၌ ငြိမ်ဝပ်စွာနေတော်မူ၏ဟု လာသတည်း။”
ခုနစ်ရက်မြောက်သောနေ့၊ သတ္တမနေ့သည်
ခရစ်ယာန်ဥပုသ်နေ့ဖြစ် ၏။
ယောဟန် ၁း၁-၃၊ “အစအဦး၌ နှုတ်ကပတ်တော်ရှိ၏။
နှုတ်ကပတ် တော်သည် ဘုရားသခင်နှင့်အတူရှိ၏။ နှုတ်ကပတ်တော်သည်လည်း ဘုရား သခင်
ဖြစ်တော်မူ၏။ ထိုနှုတ်ကပတ်တော်သည် အစအဦး၌ ဘုရားသခင်နှင့် အတူရှိ၏။
ထိုနှုတ်ကပတ်တော်သည် ခပ်သိမ်းသောအရာတို့ကို ဖန်ဆင်းတော် မူ၏။ ဖန်ဆင်းတော်မူခြင်းနှင့်
ကင်းလွှတ်လျက်ဖြစ်သော အရာတစ်စုံတစ်ခုမျှ မရှိ။”
ယောဟန် ၁း၁၄၊ “နှုတ်ကပတ်တော်သည်လည်း
လူဇာတိအဖြစ်ခံယူ ၍၊ ကျေးဇူးတော်နှင့်၎င်း၊ သစ္စာတော်နှင့်၎င်း ပြည့်စုံလျက်
ငါတို့တွင်တည်နေ တော်မူသည်ဖြစ်၍၊ ခမည်းတော်၌ တပါးတည်းသောသားတော်၏ ဘုန်းကဲ့သို့
သူ၏ဘုန်းတော်ကို ငါတို့သည် မြင်ရကြပြီ။” (ဟေဗြဲ ၁း၁-၃၊ ၉၊ ၁၀)။
မာကု ၂း၂၇၊၂၈၊ “ဥပုသ်နေ့သည် လူအဖို့ဖြစ်၏။
လူသည် ဥပုသ်နေ့ အဖို့ ဖြစ်သည်မဟုတ်။ သို့ဖြစ်၍ လူ၏သားသည် ဥပုသ်နေ့ကိုပင် အစိုးရ၏။”
လူအတွက် ဖြစ်သည်ဟု ဆိုထားပါသည်။
ကောလောသဲ ၁း၁၄၊၁၇၊ ဖန်ဆင်းခြင်းကာလ၌
ခရစ်တော်သည် အရာ ခပ်သိမ်းကို ဖန်ဆင်းခြင်းပြုလုပ်တော်မူခဲ့သည်။ ထိုအချိန်၌ပင်
ဥပုသ်နေ့ကို ပြုလုပ်သတ်မှတ်ထားသည် ဖြစ်သောကြောင့် ဥပုသ်နေ့ကို ပြုလုပ်သတ်မှတ် သော
သူသည် ခရစ်တော်ပင် ဖြစ်ပါသည် (ကမ္ဘာဦး ၂း၁၊ ၂။ ထွက်မြောက်ရာ ၂ဝး၈-၁၁)။ သို့ဖြစ်၍
ထိုနေ့ရက်သည် ခရစ်ယာန်ဥပုသ်နေ့ပင် ဖြစ်ပါသည်။
ဥပုသ်နေ့အချိန်သည် နေဝင်ချိန်မှ အစပြု၍
နောက်တစ်နေ့နေဝင်ချိန် ၌ ကုန်ဆုံးသွားသည်။
ဝတ်ပြုရာ ၂၃း၃၂ - “ထိုနေ့သည် ငြိမ်ဝပ်စွာနေရသော
(ဥပုသ်) နေ့၊ ခြိုခြံစွာကျင့်ရသောနေ့ဖြစ်၏။ (၎င်းလ) န၀မနေ့ ညဦးမှစ၍
နက်ဖြန်ညဦးတိုင် အောင် ဥပုသ်စောင့်ရမည်။”
မာကု ၁း၃၂ - “နေဝင်၍ (ညဦး) အချိန်ရောက်လျှင်၊
မကျန်းမမာ သောသူနှင့် နတ်ဆိုးစွဲသောသူ ရှိသမျှတို့ကို အထံတော်သို hဆောင်ခဲ့၍၊” (ကမ္ဘာဦး ၁း၅၊၈၊၁၃၊၁၉၊၂၃၊၃၁။ ၂း၁-၃)။
ခရစ်တော်၏ပုံစံနမူနာ
လုကာ ၄း၁၆ - “ကြီးပွားတော်မူရာနာဇရက်မြို့သို့
ရောက်ပြန်လျှင်၊ ထုံးစံတော်ရှိသည့်အတိုင်း ဥပုသ်နေ့၌ တရားစရပ်သို့ ဝင်၍ ကျမ်းစာကို
ဖတ် ရွတ်ခြင်းငှာ ထတော်မူ၏။”
၁ ပေတရု ၂း၂၁ - “ထိုသို့အလို့ငှာ သင်တို့ကို
ခေါ်တော်မူပြီ။ ခရစ် တော်သည် ငါတို့အတွက်ခံတော်မူပြီဖြစ်၍၊ ခြေတော်ရာကို
ရှောက်လိုက်စေ ခြင်းငှာ ပုံသက်သေကို ထားတော်မူပြီ။”
အခန်းကြီး - ၃၃
၃၃။ ဥပုသ်နေ့ကို ပြောင်းလဲရန်
ကြိုးစားအားထုတ်ခြင်း
THE
ATTEMPTED CHANGE OF THE SABBATH
သတ္တမနေ့သည် ဖန်ဆင်းခြင်းကာလ၌
ခရစ်တော်သတ်မှတ်သော သမ္မာကျမ်းစာ၏ စစ်မှန်သော ဥပုသ်နေ့၊ သို့မဟုတ်
သခင်ဘုရားနေ့ဖြစ်သော် လည်း၊ ပထမနေ့ကို လူအများက စောင့်ရှောက်နေကြသည်။ အဘယ်ကြောင့်နည်း။
ဘုရားသခင်၏ အမိန့်တော်လုံး၀မရှိသော်လည်း အလေ့အကျင့်၌
ပြောင်းလဲသွားခြင်းသာဖြစ်ပါသည်။ ခရစ်တော်သည်လည်း ဘုရားသခင်၏ ပညတ်တရားကို
မပြောင်းလဲခဲ့ပါ။
မဿဲ ၅း၁၇-၁၉ - “ပညတ္တိကျမ်း၊
အနာဂတ္တိကျမ်းများကို ဖျက်ပယ် ခြင်းငှာ ငါလာသည်ဟု မထင်ကြနှင့်။ ဖျက်ပယ်ခြင်းငှာ
ငါလာသည်မဟုတ်၊ ပြည့်စုံစေခြင်းငှာ ငါလာသတည်း။ ငါအမှန်ဆိုသည်ကား၊ ကောင်းကင်နှင့်
မြေ ကြီး မပျက်စီးမီတိုင်အောင်၊ ပညတ္တိကျမ်း၌ အငယ်ဆုံးသောစာလုံး ဗိန္ဓုတလုံးမျှ
ပြည့်စုံခြင်းသို့မရောက်မီ မပျက်စီးရ။ ထို့ကြောင့် အကြင်သူသည်၊ အငယ်ဆုံး သော
ပညတ်တခုကို ကိုယ်တိုင်လွန်ကျူး၍ သူတပါးတို့အားလည်း ထိုအတူ သွန်သင်၏။ ထိုသူသည်
ကောင်းကင်နိုင်ငံတော်၌ အငယ်ဆုံးသောသူဖြစ်လိမ့် မည်။ အကြင်သူသည် ကိုယ်တိုင်ကျင့်၍
သူတပါးတို့အားလည်း သွန်သင်၏။ ထိုသူသည် ကောင်းကင် နိုင်ငံတော်၌
ကြီးသောသူဖြစ်လိမ့်မည်။”
မာကု ၂း၂၇၊၂၈ - ဥပုသ်နေ့သည် လူအဖို့ဖြစ်၏။
လူ၏သားသည် ဥပုသ်နေ့၏အရှင်သခင်ဖြစ်၏ဟု ခရစ်တော် မိန့်တော်မူပါသည်။
လုကာ ၄း၁၆ - ဥပုသ်နေ့၌ ဘုရားကျောင်းတက်ခြင်းသည်
ခရစ် တော်၏ ထုံးစံတော်ဖြစ်၏။
တမန်တော်ပေါလှသည် ဘုရားသခင်၏ပညတ်တရားကို
မပြောင်းလဲခဲ့ ပါ။
ရောမ ၇း၇ - “သို့ဖြစ်၍ အဘယ်သို့ပြောရမည်နည်း၊
ပညတ်တရား၌ အပြစ်ရှိသလော။ အပြစ်မရှိနိုင်ရာ။ သို့ရာတွင် အပြစ်တရားအားဖြင့်သာ
အပြစ်သဘောကို ငါသိရ၏။ အဘယ်သို့နည်းဟူမူကား၊ လောဘစိတ်မရှိစေနှင့် ဟု
ပညတ်တရားမဆိုလျှင်၊ လောဘသဘောကို ငါမသိ။”
ရောမ ၇း၁၂ - “ထို့ကြောင့် တရားတော်သည်
သန့်ရှင်းခြင်းရှိ၏။ ပညတ်တရားလည်းသန့်ရှင်းခြင်း၊ ဖြောင့်မတ်ခြင်း၊
ကောင်းမြတ်ခြင်းရှိ၏။”
ရောမ ၇း၁၄ - “ပညတ်တရားသည် ဝိညာဉ်ပကတိနှင့်
စပ်ဆိုင်သည် ကို ငါတို့သိကြ၏။ ငါမူကားဇာတိပကတိရှိ၏။ အပြစ်တရားလက်၌ ကျေးကျွန်
ဖြစ်၏။”
တမန်တော် ၁၇း၂ - ဥပုသ်နေ့၌ ဘုရားသခင်၏
နှုတ်ကပတ်တော် ဟောကြားခြင်းသည် ပေါလု၏ထုံးစံဖြစ်၏ (တမန်တော် ၁၃း၁၄၊ ၄၂၊ ၄၄။
၁၆း၃၃)။
တမန်တော် ၂ဝး၂၇ - “ဘုရားသခင်၏အလိုတော်ကို
သင်တို့အား အကုန်အစင်ဟောပြောပြသခြင်းအမှုကို ငါသည် မလွှဲမရှောင်ဘဲ ပြုခဲ့ပြီ။”
မှတ်ချက်။ ဖန်ဆင်းခြင်းကာလ၌
ခရစ်တော်ဖန်တီးခဲ့သော ဘုရား သခင်၏ ဥပုသ်တော်နေ့ကို မစောင့်ရှောက်ရန်၊ သို hမဟုတ် ၎င်းနေ့ရက် အခြား နေ့ရက်တစ်နေ့နေ့ကို
စောင့်ရှောက်ကြရန် ရှင်ပေါလု၏ ပေးစာများအားလုံး၌ သွန်သင်ခြင်း တစ်စုံတစ်ခုမျှ
မရှိပါ။ ဥပုသ်နေ့ပြောင်းလဲမည့်အကြောင်းကို လည်း ဖော်ပြခြင်းလုံး၀မရှိပါ။ သို့ဖြစ်၍
သတ္တမနေ့မှ ပထမနေ့သို့ ပြောင်းလဲ ခြင်းသည် ဘုရားသခင်၏ အလိုတော်မဟုတ်ပါ။
ဘုရားသခင်၏အလိုတော်ရှိ သမျှကို လူတို့အား တမန်တော်သည် အကုန်အစင်ဟောပြောခဲ့ပါသည်။
ဘုရားသခင့်လူတို့၏ ထုံးတမ်းကိုလည်း တမန်တော်သည် တစ်ခုမျှမပယ်ခဲ့ပါ (တမန်တော်
၂၈း၁၇)၊ ဥပုသ်နေ့သည် သူတို့ကျင့်သုံးခဲ့သော ထုံးတမ်းတစ်ခု ဖြစ်သော်လည်း၊
စောင့်ရှောက်ရန် အများက ပျက်ကွက်ကြပါသည်။
ဘုရားသခင်၏အချိန်ကာလနှင့်ပညတ်တရားများ
ပြောင်းလဲရန်လူတို့ ကြိုးစား အားထုတ်မည်ဖြစ်ကြောင်း ကြိုတင်ဟောထားခြင်းရှိ
ဒံယေလ ၇း၂၅၊
“အမြင့်ဆုံးသောဘုရားကိုဆန့်ကျင်ဘက်ပြု၍၊ ကြီးစွာ သော စကားကို ပြောလိမ့်မည်။
အမြင့်ဆုံးသော ဘုရား၏ သန့်ရှင်းသူတို့ကို ညှဉ်းဆဲနှိပ်စက်လိမ့်မည်။
ကာလအချိန်နှင့်ပညတ်တရားတို့ကို ပြောင်းလဲစေ ခြင်းငှာ ကြံစည်လိမ့်မည်။ တကာလ၊
နှစ်ကာလ၊ ကာလတဝက်ပတ်လုံး သူ သည်အခွင့်ရလိမ့်မည်။” (၂ သက်သာလောနိတ် ၂း၃၊ ၄)။
ဘုရားသခင်၏ ပညတ်တရားကို ပြောင်းလဲရန် ကြိုးစားရာ၌ ဘုရားသခင်၏အထက်၌ လူ၏
အာဏာတန်ခိုးကို မြှင့်တင်ထားလိမ့်မည်။
ရောမအသင်းတော်၏ဝန်ခံချက်များ
“မေးခွန်း - အသင်းတော်သည် ပွဲလမ်းသဘင်ဆိုင်ရာ
ကျင့်ဝတ်များ ပြဌာန်းပိုင်ခွင့်ရှိကြောင်း ထောက်ပြနိုင်သည့် အခြား နည်းလမ်း
သင်၌ရှိပါ သလား။”
“အဖြေ - ထိုသို့ပြဌာန်းနိုင်သည့်အခွင့်မရှိလျှင်
လက်ရှိဘာသာရေး သမားများ၊ အသင်းတော် (ကာသိုလိပ်)နှင့် သဘောတူသော အချက်များပြု
လုပ်နိုင်မည်မဟုတ်ပါ။ နှုတ်ကပတ်တော်၏ခွင့်ပြုချက်မပါတဲ့ အပြောင်းအလဲ
ဖြစ်သော၊သတ္တမနေ့ဖြစ်သည့် စနေနေ့စောင့်စည်းခြင်းနေရာတွင်၊ တစ်သိတင်း ၏ ပထမနေ့ဖြစ်သော
တနင်္ဂနွေနေ့ စောင့်စည်းခြင်းကို အစားထိုးနိုင်မည် မဟုတ်ပါ။” A
Doctrinal
Catechism, by Rev. Stephen Keenan p 174
“မေးခွန်း -
ဥပုသ်နေ့သည်မည်သည့်နေ့ရက်ဖြစ်ပါသနည်း။”
“အဖြေ - စနေနေ့ဖြစ်ပါသည်။”
“မေးခွန်း - မည်သူပြောင်းလဲခဲ့ပါသနည်း။”
“အဖြေ - ရောမ (ကာသိုလိပ်)အသင်းတော်ဖြစ်ပါသည်” Rev:
Dr. Butler’s Catechism, Revised, p. 57 “ရောမ (ကာသိုလိပ်)
အသင်းတော်သည်၊ ယေရှုခရစ်တော်၏ အမိန့် အာဏာအရ၊ သခင်ဘုရား၏ ရှင်ပြန်ထမြောက်ခြင်းကို
အောက်မေ့သတိရ သောအားဖြင့် ဤဥပုသ်(ငြိမ်ဝပ်ရာ) နေ့ကို တနင်္ဂနွေနေ့သို့
ကူးပြောင်းစေခြင်း ဖြစ်ပါသည်။ ထိုသို့အားဖြင့် ပရိုတက်စ်တန့်ဘာသာဝင်တို့သည်
တနင်္ဂနွေနေ့ကို စောင့်စည်းရာ၌ မိမိတို့ကိုယ်ကို သစ္စာခံမည့်အစား၊ ရောမအသင်းတော်၏
အခွင့်အာဏာအား သစ္စာခံနေခြင်းဖြစ်ပါသည်။” - Plain Talk About
the Prostestantism of To- day, by Msgr. Segur, p. 213
ခသ ၃၂၁ ခုနှစ်မတ်လ ၇ နေ့စွဲဖြင့် ဧကရာဇ်ဘုရင်
ကွန်စတန်တင်း ပထမဦးဆုံးထုတ်ပြန်ခဲ့သော တနင်္ဂနွေနေ့ ဥပဒေမှာ အောက်ပါအတိုင်း
ဖြစ်ပါသည်။
“တရားသူကြီးများ၊မြို့သူမြို့သားများနှင့်
ကုန်သွယ်ရေးလုပ်ငန်းရှင်များ အားလုံးသည် နေမင်းကြီး၏ ကြည်ညိုလေးမြတ်ဖွယ်သော
နေ့ကြီး၌ အလုပ် မလုပ်ဘဲ နားနေကြရပါမည်။ သို့သော်လည်း ကျေးလက်ဒေသ၌ နေထိုင်ကြ
ကုန်သော သူတို့သည် အချုပ်အချယ်မရှိလွတ်လပ်စွာဖြင့် စိုက်ပျိုးခြင်းလုပ်ငန်း
များကို လုပ်ကိုင်ဆောင်ရွက်နိုင်ပါသည်။ အဘယ်ကြောင့်ဆိုသော် သီးနှံများ
မျိုးကြဲရန်နှင့် စပျစ်နွယ်ပင်များ စိုက်ပျိုးရန် သင့်လျော်သော အခြားနေ့ရက်
ရှိလေ့မရှိပါ။ မိုးနတ်မင်းပေးသနားသော ကုန်စည်များဆုံးရှုံးပါစေ၊ အရေးပါ
သောအချိန်သမယကိုတော့ လွတ်မသွားစေကြနှင့်။” Corpus Jurius
Civilis Cod,: lib. 3, tit. 12, 3.
မှတ်ချက်။ ကွန်စတန်တင်းထုတ်ပြန်သော
ဥပဒေအမိန့်တွင် ခရစ်တော် အကြောင်း၊ ထာ၀ရဘုရားအကြောင်း၊ သမ္မာကျမ်းစာအကြောင်း
တစ်ချက်မျှ မပါပါ။ မြို့ကြီးသားများနှင့်သာဆိုင်သောအမိန့်ဖြစ်၍၊ ကျေးလက်ဒေသ နေသူ
များနှင့် မသက်ဆိုင်ပါ။ ဧကရာဇ်ဘုရင်ကွန်စတန်တင်းနှင့် နီးနီးကပ်ကပ် အလုပ်လုပ်ခဲ့သော
ဘုန်းတော်ကြီးယူးစေးဘီယူးစ် (Eusebius, AD 270-338) ၏ရှင်းလင်းချက်သည် စိတ်ဝင်စားဖွယ်ကောင်းပါသည်၊
“ဥပုသ်နေ့၌လုပ်ရမည့် တာဝန်ဝတ္တရားရှိသမျှကိုပါ၊ သခင်ဘုရားနေ့သို့ ကျွန်ုပ်တို့
လွှဲပြောင်းလိုက်ပါ သည်။” - Eusebius, Commentary on
the Psalm.
ခသ ၃၆၄ ခုနှစ်တွင် ခရစ်ယာန်အများစုသည်၊
ဖန်ဆင်းခြင်းကာလ၌ ခရစ်တော်သီးသန့်ထားရှိခဲ့သော သခင်ဘုရားနေ့ အစစ်အမှန်ဖြစ်သည့်
သတ္တ မနေ့ ဥပုသ်တော်နေ့ကို စောင့်ထိန်းနေဆဲဖြစ်ပါသည်။ လောဒိကိမြို့တွင်
အသင်းတော်ကောင်စီ အစည်းအဝေးမှပြုလုပ်သော (ဗီ ၃၆၄) သမ္မာကျမ်းစာ ၏ ဥပုသ်နေ့
စောင့်ထိန်းခြင်းကို တားမြစ်သည့် ဆုံးဖြတ်ချက်က အထက်ပါ အချက်မှန်ကန်ကြောင်း
ထောက်ပြနေပါသည်။
“(ခသ ၃၆၃ ခုနှစ်)
လောဒိကိကောင်စီအစည်းအဝေးဆုံးဖြတ်ချက်မှ ဥပုသ်နေ့ပြောင်းလဲခြင်း - ခရစ်ယာန်တို့သည်
ယုဒ(ဂျူး)ဘာသာမလိုက်ဘဲ၊ စနေ(ဥပုသ်)နေ့တွင် ပျင်းရိစွာမနေ၊ ထိုနေ့၌အလုပ်လုပ်ရမည်။
သို့သော်လည်း သခင်ဘုရားနေ့ကို အထူးရိုသေရမည်။ ခရစ်ယာန်များဖြစ်သည့်အတိုင်း၊ ဖြစ်
နိုင်လျှင် ထိုနေ့ (တနင်္ဂနွေ) ၌ အလုပ်မလုပ်ရ။ အကယ်၍ ယုဒဘာသာ လိုက်
နာကြောင်းတွေ့ရှိပါက၊ ခရစ်တော်ထံမှ ထိုသူတို့ကို ဖယ်ရှားပစ်ရမည်။” - A
History of the Councils of the Church: from the Original Document, Rev. Charles
Joseph Hefele, D. D., vol. II, p. 316.
ပရိုတက်စ်တန်တို့မည်သို့ပြောဆိုကြပါသနည်း
လူသာရန်အသင်းတော်
“ကာသိုလိပ်တို့သည် ဥပုသ်နေ့ကို
မဟုတ်မမှန်ငြင်းချက်ထုတ်ကာ၊ မူရင်းပညတ်တော်ဆယ်ပါးနှင့် ဆန့်ကျင်၍ သခင်ဘုရားနေ့ဟု
သမှုတ်လျက် တနင်္ဂနွေနေ့သို့ ပြောင်းခဲ့ပါသည်။ ဥပုသ်နေ့ပြောင်းလဲခြင်းထက်
သူတို့ဝါကြွား စရာ အခြားအကြောင်း ကိစ္စတစ်ခုမျှမရှိပါ။ ပညတ်တော်ဆယ်ပါးထဲမှ တစ်ပါး
နှင့် လွှတ်ငြိမ်းခွင့်ပြုနိုင်သည့်အတွက် အသင်းတော်၏ တန်ခိုးအာဏာသည် ကြီးမား
လှပါသည်ဟု သူတို့ဆိုကြပါသည်။” - Auxsburg Confession, art.
XXVIII. မတ်သဒစ်အသင်းတော်
“အာဗြဟံဆိုင်ရာ ပဋိညာဉ်၌ ဂျူး (ယုဒ)
လူမျိုးမိဘတို့၏ ရသင့်ရ ထိုက်သော အခွင့်အရေးကို လျော့အောင်လုပ်ဖို့
ခရစ်တော်၌ရည်ရွယ်ချက် မရှိ သကဲ့သို့၊ ကလေးသူငယ်များ ဗတ္တိဇံပေးဖို့ အမိန့်မရှိပါ၊
ဆန့်ကျင်ခြင်းလည်း မရှိပါ။ ခုနစ်ရက်တွင် ပထမနေ့ကို သန့်ရှင်းစေဖို့အမိန့်မရှိပါ၊
မိသားစုဘုရား ဝတ်ပြုဖို့အမိန့်၊ အမျိုးသမီးများ သခင်ဘုရားညစာသုံးဆောင်ဖို့
အမိန့်တို့လည်း မရှိပါ။ ကျိုးကြောင်းထင်ရှားလျက်ရှိပါသည်၊ ၎င်းကိစ္စများအတွက်
အငြင်းပွား စရာမရှိပါ။” - Rev.
Amos Binney, Theological Compend., pp. 180, 181.
ခရစ်ယာန်အသင်းတော်
“ယုဒလူတို့၏ဥပုသ်နေ့နေရာ၌
သခင်ဘုရားနေ့ဝင်လာသည်ဟု ငါမယုံ ပါ။ ဥပုသ်နေ့ကို သတ္တမနေ့မှ ပထမနေ့သို့
ပြောင်းသွားသည်ဟုလည်း မယုံပါ။ အကြောင်းမှာ၊ သက်သေခံချက်တစ်ခုမှမရှိလို့၊
ယုံကြည်သက်ဝင်သောသူမရှိလို့ ဖြစ်ပါသည်။ ဥပုသ်နေ့ပြောင်းလဲပြီး၊
သခင်ဘုရားနေ့အစားထိုးဝင်လာပြီဟု ကောင်းကင်မှ ဗျာဒိတ်လာသည်ဟူသော အထောက်အထားမရှိပါ။
ဥပုသ်နေ့ ပြောင်းလဲပြီဖြစ်ကြောင်း၊ သခင်ဘုရားနေ့ အစားထိုးဝင်လာပြီ ဖြစ်ကြောင်း၊
ဘုရားသခင်၏သက်သေပြချက်မရှိသည် ဖြစ်သောကြောင့်၊ ဥပုသ်နေ့ပြောင်း လဲပြီ၊
သခင်ဘုရားနေ့ဖြင့်အစားထိုးပြီဟု ယုံကြည်သက်ဝင်နိုင်သော အခြေ အနေမရှိပါ။” - Alexander
Campbell (Candidus), in Washington (Pa.) Reporter,
Oct. 8, 1821.
ကွန်ဂရီးဂေးရှင်းနယ်လစ်အသင်းတော်
“မည်မျှပင်သက်ဝင်ယုံကြည်၍ တနင်္ဂနွေနေ့ကို
တင်းကျပ်စွာ စောင့် ထိန်းကြစေကာမူ၊ ကျွန်ုပ်တို့သည် ဥပုသ်နေ့ကို
စောင့်ထိန်းခြင်းမဟုတ်ကြောင်း အလွန်ထင်ရှားပါသည်။ ဥပုသ်နေ့သည် တိကျသော ဘုရားသခင်၏
အမိန့် တော်၌ အခြေပြုထားပါသည်။ တနင်္ဂနွေနေ့စောင့်ရှောက်နိုင်ဖို့ရန် ၎င်းအမိန့်
တော်မျိုးကျွန်ုပ်တို့ တောင်းဆိုလို့မရပါ။ တနင်္ဂနွေနေ့စောင့်ထိန်းထိုက်သည် ဟူသော
ယူဆချက်ကို ကျူးလွန်ဖောက်ဖျက်ခြင်းဖြင့် ပြစ်ဒဏ်သင့်မည်ဟူသော အရိပ်အမြွက် တစ်ခုမျှ
ဓမ္မသစ်ကျမ်းတွင် စာကြောင်းတစ်ကြောင်းမျှ မရှိပါ။” R.
W. Dale, D.D., The Ten Commandments, pp. 106, 107.
ပရက်စ်ဘီတီးရီးယန်းအသင်းတော်
“လူ့ကျင့်ဝတ်တရား (ပညတ်တော်ဆယ်ပါး) သည်
ဖြောင့်မှန်သူများ ရော မဖြောင့်မှန်သောသူများပါ လိုက်နာရန် လူတိုင်းကို
အစဉ်ချည်နှောင် ထားပါသည်။ တရား၌ပါသောအချက်များသာမကဘဲ၊ အမိန့်တော်ရှိသော
ဖန်ဆင်းရှင်ဘုရား သခင်၏ တန်ခိုးအာဏာတော်ကို ရိုသေသောအားဖြင့် နားထောင်ကြရပါမည်။ ခရစ်တော်ကလည်း
ဧဝံဂေလိကျမ်း (ခရစ်ဝင်ကျမ်း) ထဲ၌ ပယ်ဖျက်ထားခြင်း မရှိသည့်အပြင်၊ လိုက်နာရန်
လူတိုင်းကို အစဉ် ချည်နှောင်ထားပါသည်။ တရား၌ပါသောအချက်များသာမကဘဲ၊ အမိန့်တော်ရှိ
သော ဖန်ဆင်းရှင် ဘုရားသခင်၏တန်ခိုးအာဏာတော်ကို ရိုသေသောအားဖြင့် နားထောင်ကြရပါမည်။
ခရစ်တော်ကလည်း ဧဝံဂေလိကျမ်း (ခရစ်ဝင်ကျမ်း) ထဲ၌ ပယ်ဖျက်ထားခြင်း မရှိသည့်အပြင်၊
လိုက်နာရန်တာဝန်ရှိကြောင်း ဖိအားပေးထားပါသည်။” – The
Constitution of the Presbyterian Church in the USA.
အင်္ဂလန်အသင်းတော်
“တနင်္ဂနွေနေ့၌ အလုပ်လုပ်ခြင်းရှောင်ကြဉ်ရန်
စကားတစ်ခွန်းမျှ၊ အရိပ်အမြွက်တစ်ခုမျှ ဓမ္မသစ်ကျမ်း၌ မရှိပါ။. . .
အင်္ဂလိပ်ဝါတွင်းရက်များ၊ ရောမကာသိုလိပ်ဝါတွင်းရက်များနှင့်
တနင်္ဂနွေနေ့စောင့်ရှောက်ခြင်းတို့သည် အခြေခံထပ်တူထပ်မျှ ဖြစ်ပါသည်။. . .
တနင်္ဂနွေနေ့၌ ငြိမ်ဝပ်စွာ (နား) ရန်၊ ဘုရားသခင်၏တရားတော်မရှိ။”- The
Ten Commandment, Canon Eyton.
ဗတ္တစ်ခေါ် နှစ်ခြင်းအသင်းတော်
“ဥပုသ်နေ့ကို သန့်ရှင်းစေရန် ပညတ်တော်ရှိခဲ့သည်၊
ရှိနေဆဲလည်းဖြစ် သည်။ သို့သော်ဥပုသ်နေ့သည် တနင်္ဂနွေနေ့ မဟုတ်ပါ။ သို့သော်
အောင်ပွဲ အချို့ကြောင့် ဥပုသ်နေ့ကို၊ ၎င်းနှင့်စပ်ဆိုင်သော တာဝန်ဝတ္တရားများ၊
အခွင့် အလမ်းများနှင့် အခွင့်အာဏာတို့နှင့်အတူ သတ္တမနေ့မှ ပထမနေ့သို့ ပြောင်းလဲ
ခဲ့သည်ဟု ဆိုရပါမည်။ ကျွန်တော်သည် နှစ်ပေါင်းများစွာ လေ့လာခဲ့သည့် အတိုင်း၊
ထိုအကြောင်းကို ကြားသိချင်သောဆန္ဒပြင်းပြစွာဖြင့်၊ ထိုသို့ပြောင်းလဲ ခြင်းအတွက်
မှတ်တမ်း ဘယ်မှာရှိမည်နည်း ဟုမေးခွန်းမေးခဲ့ပါသည်။ ဓမ္မ သစ်ကျမ်းစာတွင် မတွေ့ရပါ။
လုံး၀မရှိပါ။ တစ်သိတင်း၏ သတ္တမနေ့မှ ပထမ နေ့သို့ ဥပုသ်နေ့ပြောင်းလဲခြင်းအတွက်
ကျမ်းစာအထောက်အထားမရှိပါ။
“ကောင်းပြီ။
ခရစ်ယာန်ဖာသာများနှင့်အခြားသောပုဂ္ဂိုလ်ကြီးများထံမှ
ကျွန်ုပ်တို့ကြားသိခဲ့သကဲ့သို့၊ တနင်္ဂနွေနေ့ကို ဘာသာရေးနေ့ကြီးတစ်နေ့အဖြစ်
ရှေးဦးခရစ်ယာန်သမိုင်းတွင် အသုံးပြုခြင်းမရှိခဲ့ကြောင်းကို ကျွန်တော် အသေ အချာ
သိရှိလာရပါသည်။ သို့သော် ထိုနေ့ရက်သည် ရုပ်တုကိုးကွယ်ခြင်းဓလေ့ အမှတ်အသား
တစ်ခုအနေဖြင့် စွဲကပ်ပါလာလျက်၊ နေနတ်ဘုရား၏ နာမနှင့် အမည်ပေးကာ၊ ဖောက်ပြန်သော
ရောမရဟန်းမင်းတို့ အခွင့်အာဏာနှင့် မွေးစားထားခဲ့ရင်းက၊ ပရိုတက်စတန် တို hအား တရားဝင် အမွေအဖြစ်ပေးထား ခြင်းဖြစ်ကြောင်း
ဝမ်းနည်းဖွယ်တွေ့ရှိရပါသည်။” - Dr. Edward T. Hiscox,
author of The Baptist Manual, in a paper read before a New York
Ministers’ Conference held Nov. 13, 1893.
အခန်းကြီး - ၃၄
၃၄။ ဘုရားသခင်၏ပညတ်တရားတော်
THE
LAW OF GOD
ဘုရားသခင်ပေးထားသည့်အတိုင်း၊
“ငါ၏ပဋိညာဉ်တရားကိုလည်းမရှုတ်ချရ။
ငါမိန့်မြွက်သောစကားလည်းဖောက်ပြန်ခြင်းမရှိရ။” ဆာလံ ၈၉း၃၄။
ပထမ
ငါမှတပါး အခြားသောဘုရားကို မကိုးကွယ်နှင့်။
ဒုတိယ
အထက်မိုးကောင်းကင်၌၎င်း၊
အောက်အရပ်မြေကြီးပေါ်၌၎င်း၊ မြေ ကြီး အောက်ရေထဲ၌၎င်း
ရှိသောအရာနှင့်ပုံသဏ္ဍာန်တူအောင်၊ ရုပ်တုဆင်းတု ကို ကိုယ့်အဘို့မလုပ်နှင့်။
ဦးမချဝတ်မပြုနှင့်။ အကြောင်းမူကား သင်၏ ဘုရား သခင် ငါထာ၀ရဘုရားသည်၊
သင်၌အပြစ်ရှိသည်ဟု ယုံလွယ်သောဘုရား၊ ငါ့ကိုမုန်းသော သူတို့၏ အမျိုးအစဉ်အဆက်၊
တတိယအဆက်၊ စတုတ္ထ အဆက်တိုင်အောင်၊ အဘတို့၏အပြစ်ကို သားတို့၌ဆပ်ပေးစီရင်သောဘုရား၊
ငါ့ကိုချစ်၍ ငါ့ပညတ်တို့ကိုကျင့်သောသူတို့၏ အမျိုးအစဉ်အဆက်အထောင်
အသောင်းတိုင်အောင် ကရုဏာကိုပြသော ဘုရားဖြစ်၏။
တတိယ
သင်၏ ဘုရားသခင်ထာ၀ရဘုရား၏ နာမတော်ကို
မုသာနှင့်ဆိုင်၍
မမြွက် မဆိုနှင့်။ အကြောင်းမူကား၊
နာမတော်ကိုမုသာနှင့် ဆိုင်၍မြွက်ဆိုသော သူကို အပြစ်မရှိဟု ထာ၀ရဘုရားမှတ်တော်မမူ။
စတုတ္ထ
ဥပုသ်နေ့ကို သန့်ရှင်းစေခြင်းငှာ၊ ထိုနေ့ရက်ကို
အောက်မေ့လော့။ ခြောက်ရက်ပတ်လုံးအလုပ်မျိုးကို ကြိုးစား၍ လုပ်ဆောင်လော့။ သတ္တမနေ့
ရက်သည် သင်၏ဘုရားသခင်ထာ၀ရဘုရား၏ဥပုသ်နေ့ဖြစ်၏။ ထိုနေ့၌ သင်မှ စ၍ သင်၏ သားသမီး၊
ကျွန်ယောက်ျားမိန်းမ၊ တိရစ္ဆာန်၊ သင်၏တံခါးအတွင်း ၌နေသော ဧည့်သည်အာဂန္တုသည်
အလုပ်မလုပ်ရ။ အကြောင်းမူကား၊ ထာ၀ရ ဘုရားသည် မိုးကောင်းကင်၊ မြေကြီး၊ သမုဒ္ဒရာ၊
အရပ်ရပ်၌ရှိသမျှတို့ကို ခြောက်ရက်တွင် ဖန်ဆင်း၍ သတ္တမနေ့ရက်၌
ငြိမ်ဝပ်စွာနေတော်မူ၏။ ထို့ကြောင့် ထာ၀ရဘုရားသည် သတ္တမနေ့ရက်ကို ကောင်းချီးပေး၍
သန့်ရှင်း စေတော်မူ၏။
ပဉ္စမ
သင်၏ဘုရားသခင်ထာ၀ရဘုရားပေးသနားတော်မူသောပြည်၌သင်၏
အသက်တာရှည်မည်အကြောင်း၊ သင်၏မိဘကို ရိုသေစွာပြုလော့။
ဆဌမ
လူအသက်ကို မသတ်နှင့်။
သတ္တမ
သူ့မယားကို မပြစ်မှားနှင့်။
အဌမ
သူ့ဥစ္စာကိုမခိုးနှင့်။
န၀မ
ကိုယ်နှင့်စပ်ဆိုင်သောသူတဘက်၌ မမှန်သောသက်သေကို
မခံနှင့်။
ဒဿမ
ကိုယ်နှင့်စပ်ဆိုင်သောသူ၏အိမ်ကို
တပ်မက်လိုချင်သောစိတ်မရှိစေ နှင့်။ ကိုယ်နှင့်စပ်ဆိုင်သောသူ၏မယား၊ သူ၏
ကျွန်ယောက်ျား မိန်းမ၊ နွား၊ မြည်းမှစ၍ ကိုယ်နှင့်စပ်ဆိုင်သောသူ၏
ဥစ္စာတစုံတခုကိုမျှ တပ်မက်လိုချင် သော စိတ်မရှိစေနှင့်။ ထွက်မြောက်ရာ ၂ဝး၃-၁၇။
လူပြောင်းလဲသည့်အတိုင်း
“ကာလအချိန်နှင့်ပညတ်တရားတို့ကို
ပြောင်းလဲစေခြင်းငှာ ကြံစည် လိမ့်မည်။” ဒံယေလ ၇း၂၅။
ပထမ
ငါသည်သင်၏ ဘုရားသခင်ထာ၀ရဘုရားဖြစ်၏။
ငါမှတပါးအခြား သော ဘုရားများ သင်၌မရှိစေရ။
ဒုတိယ
သင်၏ဘုရားသခင်ထာ၀ရဘုရား၏ နာမတော်ကို
မုသာနှင့်ဆိုင်၍ မမြွက်မဆိုနှင့်။
တတိယ
ဥပုသ်နေ့ကို သင်သည်သန့်ရှင်းစေသည်ဟု
အောက်မေ့လော့။
စတုတ္ထ
သင်၏မိဘကို ရိုသေစွာပြုလော့။
ပဉ္စမ
လူ့အသက်ကိုမသတ်နှင့်။
ဆဌမ
သို့နှင့် သူ့မယားကိုမပြစ်မှားနှင့်။
သတ္တမ
သူ့ဥစ္စာကို မခိုးနှင့်။
အဌမ
ကိုယ်နှင့်စပ်ဆိုင်သောသူတဘက်၌မမှန်သောသက်သေကို
မခံနှင့်။
န၀မ
ကိုယ်နှင့်စပ်ဆိုင်သောသူ၏မယားကို
တပ်မက်လိုချင်သောစိတ်မရှိစေ နှင့်။
ဒဿမ
ကိုယ်နှင့်စပ်ဆိုင်သောသူ၏ပစ္စည်းဥစ္စာကိုတပ်မက်လိုချင်သောစိတ်မရှိစေနှင့်။
(Convert’s
Catechism of Catholic Doctrine, p. 37, Edition 1921)
အခန်းကြီး - ၃၅
၃၅။ သားရဲပုံဆောင်သော ဗျာဒိတ်ကျမ်း ၁၃
THE
BEAST SYMBOL OF REVELATION 13
တစ်ခန်းလုံးဖတ်ပါ။ ဗျာဒိတ် ၁၃း၁-၁၀
၌ဖော်ပြသောသားရဲသည် အခန်းငယ် ၁၇၊ ၁၈ ၌ဖော်ပြသော သားရဲပင်ဖြစ်သည်။ ဒံယေလ အနာဂတ္တိ
ကျမ်းနှင့် ဗျာဒိတ်ကျမ်းအခြားအခန်းကြီးများမှာကဲ့သို့ သားရဲသည် အုပ်စိုး သော
အာဏာတန်ခိုးကိုပုံဆောင်သည်။
ဗျာဒိတ် ၁၃း၂၊ “ငါမြင်သောသားရဲသည်
ကျားသစ်နှင့်တူ၏။ သူ၏ ခြေသည် ဝံခြေကဲ့သို့ဖြစ်၏။ သူ၏နှုတ်သည်လည်း
ခြင်္သေ့နှုတ်ကဲ့သို့ဖြစ်၏။ နဂါးသည် မိမိတန်ခိုး နှင့် မိမိပလ္လင်ကို၎င်း၊
ကြီးစွာသောအာဏာစက်ကို၎င်း၊ သားရဲ၌အပ်ပေး၏။”
ဤတန်ခိုးရှင်သည် ရုပ်တု၊ တံဆိပ်လက်မှတ်နှင့်
အရေအတွက် (နံပါတ်) ရှိ၏ (ဗျာဒိတ် ၁၅း၂ KJဠ.)။ သားရဲသည်
နဂါး၏ရာထူးကို ဆက်ခံလျက်၊ နဂါး၏နန်းတော်ကိုလည်းရရှိ၏ (ဗျာဒိတ် ၁၃း၁-၆)။ နဂါးသည်
မူလအားဖြင့် စာတန်မာရ်နတ်ဖြစ်၏(ဗျာဒိတ် ၁၂း၁-၉)။ ဒုတိယအနေဖြင့်၊ ခရစ်တော်ကို
ဖျက်ဆီး ရန် လက်ကိုင်တုတ်အနေဖြင့် စာတန်အသုံးပြုသော ရုပ်တုကိုးကွယ်သည့်
ရောမနိုင်ငံ တော်အစိုးရဖြစ်၏။ ပုံဆောင်ချက် သုံးချက် ကို မှတ်ထားပါ။
“နဂါး” - ရောမ အစိုးရ
“မိန်းမ” - အသင်းတော် ( ၂ ကောရိန်သု ၁၁း၂)
“သားယောက်ျား” - ခရစ်တော် (ဗျာဒိတ် ၁၉း၁၅၊ ၁၆)
ရုပ်တုကိုးကွယ်သောရောမအစိုးရကို၊
နန်းတော်ပါလက်ခံရရှိသော ရောမခရစ်ယာန်အသင်းတော်က ဆက်ခံလိုက်ပါသည် (ဗျာဒိတ် ၁၃း၁။
ယောဟန် ၁ဝး၃၃။ လုကာ ၅း၂၁)။ အသရေတော်ကိုရှုတ်ချခြင်းသည် ဘာသာ ရေးပြစ်မှုတစ်ခု
ဖြစ်သည်။ အပြစ်လွှတ်နိုင်သော အခွင့်အာဏာသည် ဘုရား သခင်နှင့်သာ သက်ဆိုင်သည်။
ဘုရားသခင်ခံထိုက်သော ဂုဏ်အသရေကို လူမခံထိုက်ပါ။
၆၆၆ သည် လူ(ယောက်ျား)၏နံပါတ်အရေအတွက်ဖြစ်သည်။
ရောမသာသနာ့ ဂိုဏ်းချုပ်ကြီး၏ ဘွဲ့နာမတစ်ခုသည်
ဘုရားသခင့်
သားတော်၏ကိုယ်စားတော်၊ လက်တင်ဘာသာဖြင့်
ဠငခမေငကျ Fငူငင Dနင ဖြစ်ပါသည်။
ဤတရားဝင်နာမသည် ပုပ်ရဟန်မင်းများအသုံးပြုသော ဘွဲ့နာမ တစ်ခုအဖြစ် အသိအမှတ်
ပြုကြသည်။ ဤလက်တင် သို့မဟုတ် ရောမစကား ပိုဒ်မှ အက္ခရာများသည် နံပါတ် ၆၆၆
အရေအတွက်ရှိပါသည်။
ဠ - ၅ F
– ၁ D
- ၅၀၀
I – ၁ I
– ၁ န
- ၀
ဃ – ၁၀၀ L
- ၅၀ I
- ၁
ဗ – ၀ I
- ၁
R – ၀ I
– ၁
I – ၁
U – ၅
S – ၀
စုစုပေါင်း ၆၆၆ ဖြစ်သည်။
“Donation of Constantine”
ဟုခေါ်ဆိုသော ကမ္ဗည်းစာတွင် ဤသို့
ရေးထိုးထားပါသည်။
“မင်္ဂလာရှိပေတရုသည် မြေကြီးပေါ်တွင်
ဘုရားသခင့်သားတော်၏ ကိုယ်စားတော်အဖြစ်ခန့်အပ်ခြင်းခံခဲ့သကဲ့သို့၊ တမန်တော်များ၏
အကြီးအမှူး ဖြစ်ရန် သင့်လျော်သော ကိုယ်စားလှယ်တော်များဖြစ်သည့် ဂုဏ်းချုပ်ကြီးများ
သည်လည်း၊ ကျွန်ုပ်တို့၏ နိုင်ငံတော်ထံမှ လောကဧကရာဇ်ဘုရင်တို့ထက် အမွန်မြတ်ဆုံးသော
ဂုဏ်ပြုခြင်းကိုခံထိုက်ကြပါသည်။” - Christopher B. Coleman, The
Treatise of Lorenzo on the Donation of Constantine, pp. 12, 13.
သားရဲတံဆိပ်အမှတ်
ဗျာဒိတ် ၁၄း၉-၁၂၊ “တတိယကောင်းကင်တမန်က၊
အကြင်သူသည် သားရဲနှင့်သူ၏ရုပ်တုကို ကိုးကွယ်၍၊ သူ၏တံဆိပ်လက်မှတ်ကို နဖူး၌ခံသည်
ဖြစ်စေ၊ လက်၌ခံသည်ဖြစ်စေ၊ ထိုသူသည် ဘုရားသခင်၏ဒေါသဖလား၌ လောင်းသော
အမျက်တော်စပျစ်ရည်စစ်ကို သောက်ရလိမ့်မည်။ သန့်ရှင်း သော ကောင်းကင်တမန်တို့ရှေ့၊
သိုးသငယ်ရှေ့တွင်၊ ကန့်နှင့်ရောသော မီးထဲ မှာ ပြင်းစွာသော ညှဉ်းဆဲခြင်းကို
ခံရလိမ့်မည်။ ထိုညှဉ်းဆဲခြင်း၏ မီးခိုးသည် ကမ္ဘာအဆက်ဆက် တက်လျက်ရှိ၏။
သားရဲနှင့်သူ၏ရုပ်တုကို ကိုးကွယ်၍ သူ၏နာမတံဆိပ်လက်မှတ်ကိုခံသောသူတို့သည် နေ့ညမပြတ်
သက်သာမရကြ ဟု လိုက်၍ကြီးသောအသံ နှင့် ပြောဆို၏။ ဘုရားသခင်၏ပညတ်တို့ကို၎င်း၊
ယေရှု၏ယုံကြည်ခြင်းကို၎င်း၊ စောင့်ရှောက်သော သန့်ရှင်းသူတို့သည် ဤအရာ ၌
သည်းခံစရာအကြောင်းရှိ၏။”
ဤတွင် “တံဆိပ်လက်မှတ်” လက်ခံခြင်းသည်
သားရဲတို့ကို ကိုးကွယ် ရာ ရောက်သောကြောင့်၊ ၎င်းတံဆိပ်လက်မှတ်သည် ဘာသာရေးကို
ပုံဆောင် နေပါသည်။ အပြင်အပအားဖြင့် ပုံဆောင်ခြင်းမဟုတ်ပါ။ ဟုတ်ခဲ့သော်
ငြင်းဆန်သောသူတို့အပေါ်၌ အတင်းအကျပ်ပြုလုပ်ပါလိမ့်မည်။ ၎င်းတံဆိပ် လက်မှတ်ကို လက်မခံငြင်းပယ်သော
သူတို hသည် ဘုရားသခင်၏ ပညတ် တော်နှင့်
ယေရှု၏ယုံကြည်ခြင်းတို့ကို စောင့်ရှောက်ကြပါသည်။ သားရဲ၏ တံဆိပ်လက်မှတ်ကို
ရရှိသောသူတို့သည် ၎င်းတို့ကို မစောင့်ရှောက်ကြပါ။ ဘုရားသခင်၏တံဆိပ်တော်ကို
လက်ခံသောသူတို့သည် သားရဲ၏တံဆိပ်လက် မှတ်အပေါ် အောင်မြင်ခြင်းရရှိကြပါသည်။
ဘုရားသခင်၏ တံဆိပ်တော်သည် ဥပုသ်နေ့နှင့်စပ်ဆိုင်သည် ဖြစ်သောကြောင့်၊ သားရဲ၏တံဆိပ်
လက်မှတ်သည် စတုတ္ထပညတ်ကို ချိုးဖောက်ခြင်း၏အမှတ်အသားဖြစ်ပါသည်။
ဗျာဒိတ် ၇း၃၊ “ငါတို့ဘုရားသခင်၏
ကျွန်တို့ကိုနဖူး၌ တံဆိပ်မခတ်မီ တိုင်အောင်မြေ၊ ပင်လယ်၊ သစ်ပင်တို့ကို
မညှဉ်းဆဲပါနှင့်ဟု ကြီးသောအသံနှင့် ကြွေးကြော်လေ၏။”
သားရဲ၏တံဆိပ်လက်မှတ်ကို နဖူး၌ဖြစ်စေ၊
လက်၌ဖြစ်စေ လက်ခံ သည် ဟုဆိုရာ၌၊ နဖူးသည် စိတ်နှလုံး၏ဗဟိုချက်မဖြစ်ပြီး၊ လက်သည်သဘော
တူ ပူးပေါင်းခြင်းကို ဆိုလိုပါသည်။ ယနေ့တွင် မည်သူကမျှ ၎င်းတံဆိပ် လက်မှတ်ကို
မရရှိကြသေး။ တစ်နိုင်ငံလုံးနှင့်ဆိုင်သော တနင်္ဂနွေနေ့ ဥပဒေ အတည်ဖြစ်လာလျက်၊
၎င်းကို လိုက်လျောခွင့်ပြုခြင်းသည် ပညတ်တော် ဆယ် ပါးမှ စတုတ္ထပညတ်ကို
ချိုးဖောက်ခြင်းဖြစ်လာသောအခါ၊ သားရဲတံဆိပ်လက် မှတ် လက်ခံရရှိခြင်းဖြစ်ပါလိမ့်မည်။
မှတ်ချက်။ ဗျာဒိတ်ကျမ်း ၁၃ က
သိုးသငယ်နှင့်တူသောသားရဲသည်၊ ကျားသစ်နှင့်တူသောသားရဲဖြစ်စေ၊
၎င်းသားရဲ၏ရုပ်တုကိုဖြစ်စေ၊ လူတို့ကို ကိုးကွယ်ခိုင်းပါသည်။ ၎င်းသည်
ရောမကာသိုလိပ်အယူဝါဒနှင့် ခေတ်ပေါ် ပရိုတက်စတန့် အယူဝါဒတို့ နိုင်ငံရေးအစိုးရနှင့်
ပူးပေါင်းလက်တွဲလုပ်ဆောင် ခြင်း ဖြစ်ပါသည်။
ရောမကာသိုလိပ်သည်
ငြိမ်ဝပ်ရာ(ဥပုသ်)နေ့ကိုတစ်သိတင်း၏ သတ္တမ နေ့မှ ပထမနေ့သို့
သူတို့ပြောင်းလဲခဲ့ခြင်းဖြစ်၍၊ ဘာသာရေး ကိစ္စများ၌ သူတို့ အခွင့်အာဏာရှိကြောင်း
အမှတ်အသားဖြစ်သည်ဟု အရေးဆိုနေပါသည်။
“မေးခွန်း” - အသင်းတော်သည် ပွဲလမ်းသဘင်ဆိုင်ရာ
ကျင့်ဝတ်များ ပြဌာန်းပိုင်ခွင့်ရှိကြောင်း ထောက်ပြနိုင်သည့် အခြားနည်းလမ်း
သင်၌ရှိပါ သလား။
“အဖြေ” - ထိုသို့ပြဌာန်းနိုင်သည့်
အခွင့်မရှိလျှင်၊ လက်ရှိဘာသာရေး သမားများ၊ အသင်းတော် (ကာသိုလိပ်) နှင့်သဘောတူသော
အချက်များ ပြုလုပ်နိုင်မည် မဟုတ်ပါ။ နှုတ်ကပတ်တော်၏ ခွင့်ပြုချက်မပါတဲ့ အပြောင်း
အလဲဖြစ်သော၊ သတ္တမနေ့ဖြစ်သည့် စနေနေ့စောင့်စည်းခြင်းနေရာတွင်၊ တစ် သိတင်း၏
ပထမနေ့ဖြစ်သော တနင်္ဂနွေနေ့စောင့်စည်းခြင်းကို အစားထိုးနိုင် မည်မဟုတ်ပါ။” - A
Doctrinal Catechism, by Rev. Stephen Keenan, p. 174.
“၎င်းအပြောင်းအလဲသည် သူ(ရောမကာသိုလိပ်)၏
လုပ်ဆောင်ချက် ဖြစ်ကြောင်း၊ . . . . ၎င်းလုပ်ဆောင်ချက်သည် ဘာသာရေးကိစ္စများ၌
ဘုန်းတော်ကြီး၏ လုပ်ပိုင်ခွင့်အမှတ်အသားတစ်ခုဖြစ်ကြောင်း၊ ရောမကာသို
လိပ်အသင်းတော်က အရေးဆိုနေပါသည်။” - Mr. H. F. Thomas,
Chancellor to Cardinal Gibbons, letter Nov. 1895.
အခန်းကြီး - ၃၆
၃၆။ ဘုရားသခင်၏တံဆိပ်တော်
THE
SEAL OF GOD
နောက်ဆုံးသောကာလ၌ ဘုရားသခင်၏ကျွန်တို့သည်
တံဆိပ်ခတ်ခြင်း ကို ခံရမည်။ ဗျာဒိတ် ၇း၁-၃၊ “ထိုနောက်မှ မြေကြီး၊ ပင်လယ်၊
သစ်ပင်များတို့၌ လေမလာစေခြင်းငှာ၊ ကောင်းကင်တမန်လေးပါးတို့သည် မြေ၏လေးမျက်နှာ
လေတို့ကို ကိုင်၍၊ မြေ လေးမျက်နှာ၌ရပ်နေသည်ကို ငါမြင်၏။ အသက် ရှင်တော်မူသော
ဘုရားသခင်၏ တံဆိပ်ပါသော ကောင်းကင်တမန်တပါး သည် အရှေ့မျက်နှာက တက်လာသည်ကို ငါမြင်၏။
သူသည်လည်း မြေနှင့် ပင်လယ်ကို ညှဉ်းဆဲရသော အခွင့်ရှိသော ကောင်းကင်တမန်လေးပါးကို
အသံ လွှင့်၍၊ ငါတို့ဘုရားသခင်၏ ကျွန်တို့ကို နဖူး၌ တံဆိပ်မခတ်မီတိုင်အောင်၊ မြေ၊
ပင်လယ်၊ သစ်ပင်တို့ကို မညှဉ်းဆဲပါနှင့် ဟု ကြီးသောအသံနှင့် ကြွေးကြော်လေ ၏။”
(ဗျာဒိတ် ၁၄း ၁။ ယေဇကျေလ ၉း၁-၆)။
တံဆိပ်သို့မဟုတ် လက်မှတ်သည်
တရားဥပဒေနှင့်ဆိုင်သော စာချုပ် စာတမ်းများနှင့်ဆက်နွှယ်၍ သမ္မာကျမ်းစာ၌လည်း၊
၎င်းအဓိပ္ပါယ်နှင့် အသုံးပြု ခဲ့ပါသည်။
၃ ဓမ္မရာဇဝင် ၂၁း၈၊ “အာဟပ်မင်း၏အခွင့်နှင့်
စာရေး၍ တံဆိပ် တော်နှင့် ခတ်ပြီးမှ။ နာဗုတ်နေရာမြို့၌ သူနှင့်အတူနေသော
အသက်ကြီးသူနှင့် မှူးမတ်များ ထံသို့ပေးလိုက်လေ၏။”
ဧသတာ ၃း၁၂၊ “ပထမလ ၁၃ ရက်နေ့တွင်၊
စာရေးတော်ကြီးတို့ကို ခေါ်၍ ကိုယ်စားတော်မင်း၊ အပြည်ပြည်အုပ်သော မြို့ဝန်၊
အရပ်ရပ်စီရင်သော သူကြီးတို့ကို ဟာမန်မှာထားသမျှအတိုင်း၊
လူအမျိုးမျိုးပြောသောစကားအသီး အသီးအားဖြင့် ရှင်ဘုရင်အာရွှေရု၏ အမိန့်တော်စာကို
ရေး၍၊ ရှင်ဘုရင်၏ လက်စွပ်တော်နှင့် တံဆိပ်ခတ်လေ၏။”
ဒံယေလ ၆း၈၊ “အရှင်မင်းကြီး၊ အမိန့်ရှိတော်မူပါ။
မပြောင်းလဲတတ် သော မေးဒီးယား၊ ပါးရှားဓမ္မသတ်အတိုင်း အမိန့်တော်တည်စေခြင်းငှာ၊
တံဆိပ်ခတ်တော်မူပါ။”
မှတ်ချက်။ တရားဝင်တံဆိပ်တွင်
အချက်သုံးချက်ပါရပါသည်။ (၁) အမိန့်ရှိသူ၏နာမည်၊ (၂) သူ၏တရားဝင်ရာထူး၊ (သို့)
ပိုင်ဆိုင်ခွင့်၊ (သို့) အုပ်ချုပ်ခွင့်၊ (၃) သူ၏နိုင်ငံ (သို့) ပိုင်နက်နယ်မြေ၊
ဥပမာ-
ပုဂ္ဂိုလ်နာမည် - ဂျော့ဝါရှင်တန်
တရားဝင်ရာထူး - သမ္မတ
ပိုင်နက်နယ်မြေ - အမေရိကန်ပြည်ထောင်စု
ဘုရားသခင်၏တံဆိပ်တော်သည် ပညတ်တော်နှင့်
ဆယ်နွှယ်လျက်ရှိ ရာ၊ စတုတ္ထပညတ်တွင် တွေ့ရပါသည်။
ထွက်မြောက်ရာ ၂ဝး၈-၁၁၊ “ဥပုသ်နေ့ကို
သန့်ရှင်းစေခြင်းငှာ၊ ထို နေ့ရက်ကို အောင်မေ့လော့။ ခြောက်ရက်ပတ်လုံး အလုပ်မျိုးကို
ကြိုးစား၍ လုပ်ဆောင်လော့။ သတ္တမနေ့ရက်သည် သင်၏ဘုရားသခင် ထာ၀ရဘုရား၏ ဥပုသ်နေ့ဖြစ်၏။
ထိုနေ့၌ သင်မှစ၍ သင်၏သားသမီး၊ ကျွန်ယောက်ျားမိန်းမ၊ တိရစ္ဆာန်၊ သင်၏
တံခါးအတွင်း၌နေသော ဧည့်သည်အာဂန္တုသည် အလုပ် မလုပ်ရ။ အကြောင်းမူကား၊ ထာ၀ရဘုရားသည်
မိုးကောင်းကင်၊ မြေကြီး၊ သမုဒ္ဒရာ၊ အရပ်ရပ်၌ရှိသမျှတို့ကို ခြောက်ရက်တွင်
ဖန်ဆင်း၍၊ သတ္တမနေ့ရက် ၌ ငြိမ်ဝပ်စွာနေတော်မူ၏။ ထို့ကြောင့် ထာ၀ရဘုရားသည်သတ္တမနေ့ရက်ကို
ကောင်းချီးပေး၍၊ သန့်ရှင်းစေတော်မူ၏”
ပညတ်တော်ဆယ်ပါးအားလုံးကို ဖတ်ကြည့်ပါ။
စတုတ္ထပညတ်၌သာ (၁) ဘုရားသခင်၏နာမတော် “ထာ၀ရဘုရား”၊ (၂) တရားဝင်ရာထူးတော်
“ဖန်ဆင်းရှင်”၊ (၃) ပိုင်နက်နယ်မြေ “ကောင်းကင်၊ မြေကြီး”၊ တို့ကို တွေ့ ရပါသည်။
သမ္မာကျမ်းစာက၊ ဥပုသ်နေ့သည်
ဘုရားသခင်၏လက်မှတ်(တံဆိပ်) ဖြစ်သည်ဟု ဆိုပါသည်။
ယေဇကျေလ ၂ဝး၁၂၊၂၀၊ “ငါထာ၀ရဘုရားသည် သူတို့ကို
သန့်ရှင်း စေသည်ဟု သူတို့သည်သိမည်အကြောင်း၊ ငါနှင့်သူတို့ စပ်ကြားမှာ လက္ခဏာ သက်သေ
ဖြစ်စေခြင်းငှာ၊ ငါ၏ဥပုသ်နေ့ကို ငါခန့်ထား၏။” “ငါ၏ဥပုသ်နေ့
တို့ကိုလည်းသန့်ရှင်းစေကြလော့။ ငါသည် သင်တို့၏ဘုရားသခင်ထာ၀ရဘုရား ဖြစ်သည်ဟု၊
သင်တို့သည်သိမည်အကြောင်း၊ ထိုဥပုသ်နေ့တို့ကို ငါနှင့်သင်တို့ စပ်ကြားမှာ
လက္ခဏာသက်သေဖြစ်စေကြလော့။” (ထွက်မြောက်ရာ ၃၁း၁၃၊ ၁၇)။
ယေရှာယ ၈း၁၆၊ “ဤသက်သေခံချက်ကို
ငါ့တပည့်တို့တွင် ထုပ်ထား ၍၊ ပညတ်တရားကိုတံဆိပ်ခတ်လော့။” ဤသတင်းစကားသည် သခင်ဘုရား
ကြွလာဖို့ စောင့်မျှော်နေသောသူများအတွက်ဖြစ်ကြောင်း၊ အငယ် ၁၇ က ဖော်ပြပါသည်။
ထာ၀ရဘုရားသည် ဖန်ဆင်းရှင်ဖြစ်ကြောင်း၊
ဥပုသ်နေ့က သိတင်းပတ် တိုင်း သတိရစေသည့်အပြင်၊ မမှန်သောဘုရားများမှ
ခြားနားထင်းရှားသိသာ စေပါသည်။
ဆာလံ ၉၆း၅၊
“တပါးအမျိုးသားတို့၏ဘုရားရှိသမျှတို့သည် အချည်းနှီး သက်သက်(ရုပ်တုများ KJV) ဖြစ်ကြ၏။ ထာ၀ရဘုရားမူကား၊ မိုးကောင်းကင် ကို
ဖန်ဆင်းတော်မူ၏။”
တမန်တော် ၁၇း၂၄၊ “ကမ္ဘာနှင့်ကမ္ဘာ၌ရှိသမျှသော
အရာတို့ကို ဖန် ဆင်းတော်မူသောဘုရားသခင်သည် ကောင်းကင်နှင့်မြေကြီးကို အစိုးရတော်မူ
သော အရှင်ဖြစ်၍၊ လူတို့လက်ဖြင့်လုပ်သော ဗိမာန်၌ ကျိန်းဝပ်တော်မူသည် မဟုတ်။” ယေရမိ
၁ဝး၁၀-၁၂)။
ကမ္ဘာလောက အသစ်ဖန်ဆင်းနိုင်သော ခရစ်တော်၏
တန်ခိုးသည် အပြစ်သားအား စိတ်နှလုံးအသစ်ကို ဖန်ဆင်းပေးနိုင်သည်။
၂ ကောရိန်သု ၅း၁၇၊ “လူမည်သည်ကား၊
ခရစ်တော်၌ရှိလျှင် အသစ် ပြုပြင်သောသတ္တဝါဖြစ်၏။ ဟောင်းသောအရာတို့သည် ပြောင်းလဲ၍၊
ခပ်သိမ်း သောအရာတို့သည် အသစ်ဖြစ်ကြပြီ။”
ဆာလံ ၅၁း၁၀၊ “အိုဘုရားသခင်၊ အကျွန်ုပ်အထဲ၌
စင်ကြယ်သော နှလုံးကို ဖန်ဆင်းတော်မူပါ။ မြဲမြံတည်ကြည်သော သဘောကို အသစ်ပြုပြင်
တော်မူပါ။” (၁ ကောရိန်သု ၆း၁၁။ ၂ သက်သာလောနိတ် ၂း၁၃။ ဧဖက် ၂း၁၀။ ယေရှာယ ၄၃း၁။
ကောလောသဲ ၁း၁၃-၁၆)။
ဥပုသ်နေ့သည် သန့်ရှင်းသောဝိညာဉ်တော်အားဖြင့်
လှုပ်ရှားသော ဘုရားသခင်၏ ဖန်ဆင်းခြင်းနှင့် စင်ကြယ်စေခြင်းတန်ခိုး၏ အမှတ်တံဆိပ်
ဖြစ်ပါသည်။
ကမ္ဘာဦး ၁း၁၊ ၂၊ “အစအဦး၌ ဘုရားသခင်သည်
ကောင်းကင်နှင့် မြေကြီးကို ဖန်ဆင်းတော်မူ၏။ မြေကြီးသည် အဆင်းသဏ္ဍာန်မရှိ၊ လွတ်လပ်
လဟာဖြစ်၏ နက်နဲရာအရပ်ကို မှောင်မိုက်ဖုံးလွှမ်း၍၊ ဘုရားသခင်၏ဝိညာဉ် တော်သည်
ရေမျက်နှာပြင်ပေါ်မှာ လှုပ်ရှားတော်မူ၏။”
ဧဖက် ၄း၃၀၊ “ရွေးနှုတ်ခြင်းနေ့ရက်တိုင်အောင်
သင်တို့ကို တံဆိပ်ခတ် တော်မူသော ဘုရားသခင်၏သန့်ရှင်းသော ဝိညာဉ်တော်ကို စိတ်မနာစေကြ
နှင့်။”
အီဂျစ်ကျွန်ဘ၀မှ
အစ္စရေးတို့၏လွတ်မြှောက်ခြင်းကို အမှတ်ရစေသည့် အထူးနေ့ဖြစ်သော ပဿခါပွဲနေ့ကို
အစ္စရေး တို့အတွက် အမှတ်လက္ခဏာ တစ်ခုဟု ခေါ်ဆိုပါသည်။
ထွက်မြောက်ရာ ၁၃း၃၊၉၊၁၀ - “မောရှေကလည်း၊
သင်တို့သည် ကျွန်ခံ နေရာအီဂျစ်ပြည်မှထွက်သွားသော ဤနေ့ရက်ကို အောက်မေ့ကြလော့။
ထာ၀ရဘုရားသည် အားကြီးသောလက်တော်ဖြင့်သင်တို့ကို ထိုပြည်မှ နှုတ် ဆောင်တော်မူပြီ။
တဆေးပါသော မုန့်ကိုမစားရ။” “ထာ၀ရဘုရား၏တရား သည်၊ သင်၏နှုတ်၌တည်မည်အကြောင်း၊
ဤအရာသည်သင်၏လက်၌ လက္ခ ဏာသက်သေ၊ သင်၏မျက်စိကြားမှာ အောက်မေ့ဘို့ရာဖြစ်ရမည်။ အားကြီး
သော လက်တော်ဖြင့် ထာ၀ရဘုရားသည် သင့်ကိုအီဂျစ်ပြည်မှ နှုတ်ဆောင် တော်မူပြီ။
ထို့ကြောင့် စီရင်တော်မူသော ဤထုံးစံကို မိမိအချိန်၌ နှစ်စဉ်နှစ် တိုင်း
စောင့်ရကြမည်။” (ထွက်မြောက်ရာ ၁၂း၁၄)။
ခရစ်တော်ပြန်လည်မကြွလာမီ အစေခံတို့၏
နဖူး၌ဘုရားသခင်၏ တံဆိပ်ကိုခတ်ထားရမည်။
ဗျာဒိတ် ၇း၃၊ “ငါတို့ဘုရားသခင်၏ကျွန်တို့ကို
နဖူး၌တံဆိပ်မခတ်မီ တိုင်အောင် မြေ၊ ပင်လယ်၊ သစ်ပင်တို့ကို မညှဉ်းဆဲပါနှင့်
ဟုကြီးသောအသံနှင့် ကြွေးကြော်လေ၏။”
ဗျာဒိတ် ၇း၁-၄ ကိုဗျာဒိတ် ၁၄း၁ နှင့် ၁၅း၂၊ ၃
တို့နှင့် နှိုင်းယှဉ်ကြည့် ပါ။ ၁၄၄၀၀၀ တို့သည် ဘုရားသခင်၏ တံဆိပ်ခတ်ခြင်း
ကိုခံရလျက်၊ သားရဲ၏ အမှတ်တံဆိပ်ကိုလည်း လက်မခံဘဲ အောင်မြင်ခြင်းကို ရရှိကြသည်။
အခန်းကြီး - ၃၇
၃၇။ ဘုရားသခင်ပေးတော်မူသော
ပညတ်တရားများနှင့်ကွဲလွဲချက်
LAWS
GIVEN BY GOD, CONTRASTED
အမျိုးဘာသာထုံးတမ်းစဉ်လာ အခမ်းအနားဆိုင်ရာ
စည်းမျဉ်းများကို လက်ဝါးကပ်တိုင်၌ ရိုက်ထားခြင်းခံရသည်။
ကောလောသဲ ၂း၁၄-၁၇၊
“ငါတို့နှင့်ဆန့်ကျင်ဘက်ဖြစ်သော ဝိနည်း အထုံးအဖွဲ့နှင့် စပ်ဆိုင်သော
လက်မှတ်ကိုချေ၍၊ လက်ဝါးကပ်တိုင်မှာ ရိုက် ထားလျက်၊
ငါတို့စပ်ကြားထဲကပယ်ရှင်းတော်မူပြီ။ အထွဋ်အမြတ်အာဏာစက် များကို လုယူလျှင်၊
ထင်ရှားစွာ ထုတ်ပြ၍ လက်ဝါးကပ်တိုင်တော်အားဖြင့် အောင်ပွဲကိုခံတော်မူပြီ။
ထို့ကြောင့် စားသောက်ခြင်းအမှု၊ ပွဲနေ့၊ လဆန်းနေ့၊ ဥပုသ်နေ့တို့ကို စောင့်ခြင်း
အမှုတွင်သင်တို့ကို အဘယ်သူမျှမစစ်ကြောမစီရင် စေနှင့်။ ထိုအရာတို့သည်
နောက်ဖြစ်လတံ့သောအရာတို့၏ အရိပ်ဖြစ်ကြ၏။ ကိုယ်မူကား ခရစ်တော်၏ ကိုယ်ဖြစ်၏။”
ကျောက်ပြားနှစ်ပြားပေါ်မှာ ကမ္ဗည်းထိုးထားသော
ပညတ်တော် ဆယ် ပါးကို ပယ်ဖျက်လို့မရပါ (တရားဟောရာ ၄း၁၃)။ ထာ၀ရဘုရား၏ လက်ညိုး
တော်ဖြင့် ကမ္ဗည်းထိုးထားသော စာဖြစ်ပါသည် (ထွက်မြောက်ရာ ၃၁း၁၈။ ၃၂း၁၆)။
ကောလောသဲ ၂း၁၄-၁၇ သည် ပညတ်တော်ဆယ်ပါးကို
ဆိုလိုခြင်း မဟုတ်ပါ။ စာစောင်ထဲ၌ မောရှေရေးသားထားသော ဝိနည်းအထုံးအဖွဲ့ဆိုင်ရာ
လက်ရေးစာများကို ဆိုလိုခြင်းဖြစ်ပါသည်။ နောင်ဖြစ်လတံ့သောအရိပ်များဖြစ် သည့်
နှစ်စဉ်ပွဲများနှင့် ဥပုသ်နေ့များဖြစ်သော အမျိုးဘာသာထုံးတမ်းစဉ်လာ အခမ်းအနားများဆိုင်ရာ
စည်းမျဉ်းများကို ဖော်ပြသောစာများကို ရည်ညွှန်း ထားပါသည်။ ပွဲများနှင့်
ယဇ်ပူဇော်ခြင်းအမျိုးမျိုးဆိုင်ရာ ဘောဇဉ်ပူဇော်သက္ကာ များကို ဖော်ပြသော တရားများ
ဖြစ်ပါသည်။ ပညတ်တော်ဆယ်ပါးတွင် ဘောဇဉ်ပူဇော်သက္ကာအကြောင်း မပါရှိပါ။ ဝတ်ပြုရာ
၂၃း၂၄၊ ၂၇-၃၂၊ ၃၇ တွင် နှစ်စဉ်ဥပုသ်အကြောင်း ဖော်ပြထားပါသည်။
၎င်းနှစ်စဉ်ဥပုသ်များသည် ထာ၀ရဘုရား၏ဥပုသ်နေ့မှတပါး အခြားဥပုသ်နေ့များ ဖြစ်ပါသည်
(ဝတ်ပြုရာ ၂၃း၃၈၊ ဟေဗြဲ ၉း၁၀)။
ပညတ်တော်ဆယ်ပါးများ
(၁) တရားဟောရာ ၄း၁၂၁၃ - ထာ၀ရဘုရားမြွက်ဆိုသည်။
(၂) ယာကုပ် ၂း၈ - ရွှေ (တော်ဝင်) ပညတ်ဟုခေါ်သည်။
(၃) ထွက်မြောက်ရာ ၂၄း၁၂ - ထာ၀ရဘုရားရေးထားသည်။
(၄)တရားဟောရာ ၁ဝး၁-၄-
ကျောက်ပြားနှစ်ပြားပေါ်ရေးထားသည်။
(၅) ထွက်မြောက်ရာ၃၁း၁၈ -
ထာ၀ရဘုရားလက်ညိုးတော်ဖြင့် ရေး
သည်။
(၆) တရားဟောရာ ၁ဝး၅ -
ပဋိညာဉ်သေတ္တာအထဲတွင်ထားသည်။
(၇) ထွက်မြောက်ရာ ၄ဝး၂၀ - သက်သေခံချက်
ဟုခေါ်ဆိုသည်
(၃၁း၁၈)။
(၈) ဆာလံ ၁း၂။ ၁၁၉း၁ -
ထာ၀ရဘုရား၏တရားတော်ဟုခေါ်သည်။
(၉) ဆာလံ ၁၁၁း၇၊ ၈ - အစဉ်အမြဲတည်သည်။
(၁၀) ဆာလံ ၁၉း၇ - စုံလင်သောတရားစ်ြသည်။
(၁၁) ၁ ယောဟန် ၃း၄ - အပြစ်ကိုဖော်ပြသည်။
(၁၂) ရောမ ၃း၂၀ - ဒုစရိုက်အပြစ်ကိုထင်ရှားစေသည်
(ရောမ ရး၇)၊ (၁၃) မဿဲ ၅း၁၇ - ခရစ်တော်က မပယ်ဖျက်ပါ။
(၁၄) ယေရှာယ ၄၂း၂၁ - ခရစ်တော်က
ချီးမြှောက်တိုးချဲ့သည်။
(၁၅)ရောမ ၇း၁၂-သန့်ရှင်းသည်၊ ဖြောင့်မှန်သည်၊
ကောင်းမြတ်သည်။ (၁၆) ရောမ ၃း၃၁ - ယုံကြည်ခြင်းဖြင့် သာ၍တည်စေသည်။
(၁၇) ရောမ ရး၁၄ - ဝိညာဉ်ပကတိနှင့်စပ်ဆိုင်သည်။
ဝိနည်းအထုံးအဖွဲ့များ
(၁) ဝတ်ပြုရာ ၁း၁၊ ၂ - မောရှေမြွက်ဆိုသည်။
(၂) ဧဖက် ၂း၁၅-
ဝိနည်းအထုံးအဖွဲ့နှင့်ဆိုင်သောတရားဟုခေါ်သည်။
(၃) တရားဟောရာ ၃၁း၉ - မောရှေရေးထားသည်။
(၄) တရားဟောရာ ၃၁း၂၄ - စာစောင်တွင်ရေးထားသည်
(၂ ရာဇဝင်ချုပ် ၃၅း၁၂)။
(၅) ကောလောသဲ ၂း၁၄ - လက်ရေးစာဖြစ်သည်။
(၆) တရားဟောရာ ၃၁း၂၆ - ပဋိညာဉ်သေတ္တာ
နံဘေး၌ထားသည်။
(၇) တရားဟောရာ ၃၁း၂၆ - ပညတ္တိကျမ်းစာ ဟုခေါ်သည်။
(၈) မာလခိ ၄း၄ - မောရှေ၏တရားဟုခေါ်သည်။
(၉) ကောလောသဲ ၂း၁၄ - လက်ဝါးကပ်တိုင်၌
အဆုံးသတ်သည်။
(၁၀) ဟေဗြဲ ရး၁၉ - ပြည့်စုံခြင်းမဖြစ်စေနိုင်ပါ။
(၁၁) ကောလောသဲ ၂း၁၄-၁၇ -
ခရစ်တော်၏ဆက်ကပ်ပူဇော်ခြင်းကို
ညွှန်ပြသည်။
(၁၂) ဝတ်ပြုရာ ၃-၇ -
အပြစ်၏အကျိုးဆက်အဖြစ်ပေးထားသည်။
(၁၃) ဧဖက် ၂း၁၅ - ခရစ်တော်ကပယ်ရှင်းခဲ့သည်။
(၁၄) ကောလောသဲ၂း၁၄ - ခရစ်တော်က လက်ဝါးကပ်တိုင်၌
ရိုက်
ထားသည်။
(၁၅) ဟေဗြဲ ၁ဝး၁ -
နောင်ဖြစ်လတံ့သောအရာတို့၏အရိပ်ဖြစ်သည်။
(၁၆) ဂလာတိ ၅း၂-၅ - ယခုကျင့်သုံးလျှင်၊
ခရစ်တော်ကို ကယ်တင်
ရှင် အဖြစ်မယုံကြည်ကြောင်းပြသည်။
(၁၇)ဟေဗြဲ ၉း၁၀ - စားခြင်း၊ သောက်ခြင်း၊
ဆေးကြောခြင်းများနှင့်
ဆိုင်သည်။
တစ်သိတင်း၏နေ့ရက်များ
ဘုရားပေးနာမည် လက်တင်နာမည် မြန်မာနာမည် အင်္ဂလိပ်နာမည်
ပထမနေ့ (ကမ္ဘာဦး ၁း၅) Dies Solis တနင်္ဂနွေနေ့ Sunday
ဒုတိယနေ့ (ကမ္ဘာဦး ၁း၈) Dies
Lunae တနင်္လာနေ့
Monday
တတိယနေ့ (ကမ္ဘာဦး ၁း၁၃) Dies Martis အင်္ဂါနေ့ Tuesday
စတုတ္ထနေ့ (ကမ္ဘာဦး ၁း၁၉) Dies Mercuri ဗုဒ္ဓဟူးနေ့ Wednesday
ပဉ္စမနေ့ (ကမ္ဘာဦး ၁း၂၃) Dies Jovis ကြာသပတေးနေ့ Thursday
ဆဌမနေ့ (ကမ္ဘာဦး ၁း၃၁) Dies Veneris သောကြာနေ့ Friday
သတ္တမနေ့ (ကမ္ဘာဦး ၂း၁-၃) Dies Saturni စနေနေ့ Saturday
“တစ်သိတင်းသည် ခုနစ်ရက်ကာလဖြစ်သည်။ နက္ခတ်တာရာ၏
လှုပ် ရှားမှုနှင့် သက်ဆိုင်ခြင်းမရှိပါ။ မပြောင်းလဲနိုင်သော
ပုံမှန်လည်ပတ်မှုဖြစ်စဉ် တစ်ခုဖြစ်ပါသည်။ အင်္ဂလိပ်နာမည်များသည်
အရှေ့တိုင်းနာမည်များမှ ကူး ပြောင်းလာသောနာမည်များ ဖြစ်၍၊ ဂရိဘုရားများ၏
နာမည်များမှ မှည့်ခေါ် ထားခြင်းဖြစ်ပါသည်။ တရားသူကြီးများနှင့် ဥပဒေပြုအဖွဲ့တို့၏
အတည်ပြု ချက်အရ လက်တင်နေ့ရက် နာမည်များ ယနေ့ထက်တိုင် အသုံးပြုနေဆဲဖြစ်ပါ သည်။” – Encyclopedia
Britanica.
အခန်းကြီး - ၃၈
၃၈။ ပဋိညာဉ်ခေါ် သဘောတူညီချက်နှစ်ပါး
THE
TWO COVENANTS
အစ္စရေးတို့လူမျိုးတစ်မျိုးအနေဖြင့်တည်ရှိလာသောအခါ
ဘုရားသခင် သည် မိမိ၏ပဋိညာဉ်တရားဖြစ်သည့် ပညတ်တော်များကို လိုက်နာရမည်ဟူ သော
သဘောတူညီချက်ကို သူတို့နှင့်အတူ ပြုလုပ်တော်မူခဲ့ပါသည်။
ထွက်မြောက်ရာ ၁၉း၅၊ “ယခုတွင်သင်တို့သည်
ငါ့စကားကိုအမှန် နားထောင်၍ ငါ့ပဋိညာဉ်ကို စောင့်ရှောက်လျှင်
အခြားသောလူမျိုးတကာတို့ ထက် သင်တို့သည်ငါပိုင်ထိုက်သော ဘဏ္ဍာတော်ဖြစ်ရကြလိမ့်မည်။”
သိနဲတောင်ပေါ်ရှိဘုရားသခင့်ထံတော်မှ
ပညတ်တော်ဆယ်ပါးကို လူ တို့သည် ကြားနာပြီး (ထွက်မြောက်ရာ ၂ဝး၃-၁၇)၊ မောရှေက
သူတို့အား တဆင့် ဖတ်ကြားပြီးသွားသောအခါ၊ လူတို့သည်၊ လိုက်နာပါမည်ဟု နှစ်ကြိမ် တိတိ
ကတိပေးကြပါသည်။
ထွက်မြောက်ရာ ၂၄း၃၊၇၊ “မောရှေသည်လည်း
လူများရှိရာသို့လာ၍၊ ထာ၀ရဘုရား၏စကားတော်အလုံးစုံကို၎င်း၊
စီရင်တော်မူချက်အလုံးစုံကို၎င်း ပြန်ကြား၍၊ လူများအပေါင်းကလည်း၊
ထာ၀ရဘုရားမိန့်တော်မူသမျှအတိုင်း အကျွန်ုပ်တို့ပြုပါမည်ဟု တသံတည်းပြန်ပြောကြ၏။”
“ပဋိညာဉ်စာကိုလည်း ယူ၍၊ ပရိသတ်များရှေ့မှာ ဖတ်ပြီးလျှင်၊ သူတို့ကလည်း၊
ထာ၀ရဘုရားမိန့်တော် မူ သမျှအတိုင်း ကျွန်ုပ်တို့ပြုပါမည်။ နာထောင်ပါမည်ဟု
ပြောဆိုကြ၏။”
ထိုအခါ သဘောတူညီချက်ကို
ယဇ်ကောင်တစ်ကောင်၏အသွေးဖြင့် တံဆိပ်ခတ်ကြပါသည်။ ထွက်မြောက်ရာ ၂၄း၈၊ “မောရှေသည်လည်း
အသွေးကိုယူ၍ လူများ အပေါ်မှာဖြန်းလျက်၊ ဤအသွေးကား ဤအမှုအရာ တို့တွင်
သင်တို့၌ထာ၀ရဘုရား ဝန်ခံတော်မူသော ပဋိညာဉ်၏အသွေးဖြစ်သည် ဟု ပြောဆို၏။” (ဟေဗြဲ
၉း၁၉-၂၀)၊
သိနဲတောင်၌ အစ္စရေးလူအများစုတို့သည်၊
ဘုရားသခင်နှင့်သူတို့ စပ် ကြား၌ ပြုလုပ်သောသဘောတူညီချက်တွင် ကြီးမားသော
အမှားတစ်ခုပြု လုပ်မိကြလေသည်။ သူတို့ကိုကူညီရန် ဘုရားသခင်သည် ကတိပြုခဲ့သော် လည်း၊
ဘုရားသခင်၏ ပညတ်တော်များကို လိုက်နာနိုင်ရန် သူတို့သည် ဘုရားသခင်၏အကူအညီကို
တောင်းဆိုရန် ပျက်ကွက်ခဲ့ကြလေသည်။
မှတ်ချက်။
ဘုရားသခင်၏သန့်ရှင်းသောပညတ်တော်များကို သူတို့၏ ခွန်အားနှင့်သာစောင့်ရှောက်ရန်
မဖြစ်နိုင်သကဲ့သို့၊ “သာ၍ကောင်းသောကတိ တော်” ရှိသောပဋိညာဉ်အသစ်လက်ထက်၌
သခင်ယေရှုခရစ်တော်၏ ကျေးဇူး တော်မပါလျှင် ကျွန်ုပ်တို့သည်လည်း ပညတ်တော်များကို
စောင့်ရှောက်နိုင်မည် မဟုတ်ပါ။ ဘုရားသခင်ကိုယ်တော်တိုင်သည် ကျွန်ုပ်တို့၌
ရှိခဲ့သောအပြစ်များ ကို ဖြေလွှတ်ဖြေရှင်းပေးမည့်အပြင်၊ ကျွန်ုပ်တို့၏စိတ်နှလုံးထဲ၌
မိမိကျေးဇူး တော်နှင့် ဝိညာဉ်တော်ဖြင့်၎င်း သန့်ရှင်းသောပညတ်တော်ကို ရေးထားမည်ဖြစ်
ပါသည်။
အချိန်တိုအတွင်း၌ပင် ကတိပေးရာ၌
လူတို့၏အားနည်းချက်ပေါ်လာ ပါတော့သည်။ သူတို့သည်ရွှေဖြင့်နွားသငယ်ရုပ်တုကို
ထုလုပ်လျက်၊ အီဂျစ် ပြည်သို့ ပြန်သွားရန် ဆန္ဒရှိလာကြသည် (ထွက်မြောက်ရာ ၃၂)။
ထိုသို့သူတို့၏ အရေးယူလောက်သော မှားယွင်းမှုကြောင့်၊ အစ္စရေးတို့အားရှေ့ဆက်၍ အခွင့်
အရေးပေးခြင်းသည် အချည်းနှီးသာဖြစ်မည်ဖြစ်သဖြင့်၊ ပဋိညာဉ် (သဘောတူ ညီချက်)
အသစ်ပြုလုပ်ရန်လိုအပ်လာပါသည် (ဟေဗြဲ ၈း၇၊ ၈)။
ဒုတိယ (သို့မဟုတ်) အသစ်သောပဋိညာဉ်
ပထမပဋိညာဉ်၌ အမှားသည်လူတို့၏ကတိ၌
အားနည်းချက်ဖြစ်ပါ သည်။ ထိုအတွက်ကြောင့် ဘုရားသခင်သည် “သာ၍ကောင်းသောကတိတော် များ”
နှင့်အတူ ပဋိညာဉ်အသစ်ကို တည်စေမည်။ ဘုရားသခင်၏ကတိတော် များသည် ခရစ်တော်အားဖြင့်
ဖြစ်သည်။
ဟေဗြဲ ၈း၆-၈၊ “ယေရှုသည်သာ၍ မြတ်သော
ဂတိတော်တို့၌ တည် သောသာ၍ မြတ်သောပဋိညာဉ်တရား၏ အာမခံဖြစ်သည်နှင့်အညီ၊ သာ၍ မြတ်သော
ဝတ်ပြုခြင်း အခွင့်အရာကို ရတော်မူ၏။ ပထမပဋိညာဉ်တရား သည် အပြစ်တင်ခွင့်မရှိသည်
မှန်လျှင်၊ ဒုကိယပဋိညာဉ်တရားတည်ရသော အခွင့်ကို အဘယ်ကြောင့် ရှာရသနည်း။
ပထမပဋိညာဉ်တရားကို ထာ၀ရ ဘုရားသည် အပြစ်တင်၍ မိန့်တော်မူသည်ကား၊ . . . .
ပဋိညာဉ်တရား သစ်ကို အစ္စရေးအမျိုးသား၊ ယူဒအမျိုးသားတို့၌ ငါပေးသောအချိန်ကာလ
ရောက်လိမ့်မည်။ အရင်ငါပေးဘူးသော ပဋိညာဉ်တရား၌ သူတို့သည် မတည် ကြ။”
အစ္စရေးတို့နှင့်
ပဋိညာဉ်အသစ်ပြုသည်ဟုဆိုရသော်လည်း၊ ဝိညာဉ် ရေးဆိုင်ရာ
အစ္စရေးတို့နှင့်ပြုလုပ်ခြင်းဖြစ်ပါသည်။ တပါးအမျိုးသားတို့သည်
၎င်း၏အကျိုးကျေးဇူးကို မခံစားရပါ။
ယေရမိ ၃၁း၃၁၊၃၂၊ “ထာ၀ရဘုရားမိန့်တော်မူသည်ကား၊
ငါသည် ဤလူမျိုး၏ ဘိုးဘေးတို့ကို လက်ဆွဲ၍ အီဂျစ်ပြည်မှ ဆောင်သွားသောအခါ
သူတို့၌ငါပေးသောပဋိညာဉ်တရားနှင့် ခြားနားသောပဋိညာဉ်တရားသစ်ကို အစ္စရေးအမျိုးသား၊
ယုဒ အမျိုးသားတို့၌ ငါပေးသောအချိန်ကာလ ရောက် လိမ့်မည်။ အရင်ငါပေးဘူးသောပဋိညာဉ်တရားကို
သူတို့သည်ဖျက်၍၊ ငါသည် လည်း သူတို့ကို ရွံရှာ၏။”
ဤဒုတိယ (သို့မဟုတ်) ပဋိညာဉ်အသစ်သည်
အမှန်တကယ်ကျေးဇူး တရားနှင့်ဆိုင်သော ပဋိညာဉ်ဖြစ်၍၊ ဧဒင်ဥယျာဉ်၌ မိဦးဖဦးတို့နှင့်
ခရစ်တော် ပြုခဲ့သောပဋိညာဉ်၊ နောဧ၊ အာဗြဟံ၊ အိဇက်၊ ယာကုပ်တို့နှင့် ထပ်မံပြုခဲ့သော
ပဋိညာဉ်ပင်ဖြစ်ပါသည်။ ၎င်းသည် ဧဝံဂေလိတရားခေါ် သတင်းကောင်းဖြစ်ပါ သည်။
၎င်းကို ဒုတိယ (သို့မဟုတ်)
ပဋိညာဉ်အသစ်ဟုခေါ်ဆိုရခြင်းမှာ၊ ပထ မ (သို့မဟုတ်) ပဋိညာဉ်အဟောင်းပြီးသည်နောက်တွင်
သွေးဖြင့်ဆက်ကပ်ခြင်း (အတည်ပြုခြင်း) မရှိသေးသောကြောင့်ဖြစ်ပါသည် (ဟေဗြဲ ၉း၁၆-၁၈)။
မှတ်ချက်။ လက်ဝါးကပ်တိုင်၌ “အမှုပြီးပြီ”
ဟုခရစ်တော်ကြွေးကြော် သောအခါ၊ အသွေးတော်ဖြင့် ပဋိညာဉ်အသစ်ကို တံဆိပ်ခတ် (အတည်ပြု)
ခဲ့ပါသည်။ လုကာ ၂၂း၂၀၊ “ထိုနည်းတူညစာစားပြီးမှ ခွက်ကိုလည်းယူ၍၊ ဤခွက်ကားသင်တို့
အဘို့အလို့ငှာ သွန်းသောငါ၏အသွေး၌တည်သော ပဋိညာဉ်တရားသစ်ဖြစ်၏ . . ဟု မိန့်တော်မူ၏။”
(ဒံယေလ ၉း၂၇)။
ပဋိညာဉ်သစ်သည် ကတိတော်နှင့်ဆိုင်သော
ဧဝံဂေလိတရားပင်ဖြစ်၍၊ ထာ၀ရပဋိညာဉ်ဟုလည်းခေါ်ဆိုပါသည်။ ဤကတိတော်များသည် ဤကမ္ဘာသို့
အပြစ်ဝင်လာသော အချိန်မှစ၍၊ ဖြောင့်မတ်သောသူများ နောက်ဆုံးတွင် အကျိုး(ဆု)
ခံစားရမည့်အချိန်အထိ ကျယ်ပြန့်စွာ အကျိုးပြုလျက်ရှိပါသည်။
ယေရမိ ၃၁း၃၃၊၃၄၊ “နောင်ကာလအခါ
အစ္စရေးအမျိုးသားတို့၌ ငါ ပေးအံ့သော ပဋိညာဉ်တရားဟူမူကား၊ ငါထာ၀ရဘုရားသည် ငါ၏ပညတ်
တရားကို သူတို့အတွင်းထဲသို့သွင်းမည်။ သူတို့နှလုံးပေါ်မှာ ရေးထားမည်။ ငါသည်သူတို့၏
ဘုရားဖြစ်မည်။ သူတို့သည်လည်း ငါ၏လူဖြစ်ကြလိမ့်မည်။ ထိုသူတို့က၊ ထာ၀ရဘုရားကို
သိလော့ဟု၊ အမျိုးသားချင်း၊ ညီအစ်ကို အချင်း ချင်း တယောက်ကိုတယောက်
ဆုံးမဩဝါဒမပေးရကြ။ အကြောင်းမူကား၊ အငယ်ဆုံးသောသူမှစ၍ အကြီးဆုံးသောသူတိုင်အောင်၊
ထိုသူအပေါင်းတို့ သည် ငါ့ကိုသိကြလိမ့်မည်။ ထိုအခါ ငါသည် သူတို့အပြစ်များကို
သည်းခံမည်။ သူတို့ပြုသော ဒုစရိုက်များကို မအောက်မေ့ဘဲနေမည်ဟု ထာ၀ရဘုရားမိန့်
တော်မူ၏။”
မှတ်ချက်။ ပဋိညာဉ်အသစ်တွင် ဖြောင့်မတ်စေခြင်း၊
သန့်ရှင်းစေခြင်း နှင့် သိဒ္ဓိတင်(ချီးမြှောက်)ခြင်း တို့ပါဝင်သည်။
စီစဉ်တကျမုချဖြစ်ခြင်း
(၁) အပြစ်ဖြေလွှတ်ခြင်း၊ (၂)
နှလုံးသားပေါ်ပညတ်တော်ရေးသား တော်မူခြင်း၊ (၃) အပြစ်များကို
အောက်မေ့တော်မမူတော့ခြင်း၊ စုံစမ်းစစ်ဆေး ခြင်း၌ အပြစ်များဖယ်ရှားခြင်း၊ (၄)
ဘုရားသခင်ကို အားလုံးကသိကျွမ်းကြမည့် နေရာဖြစ်သော
နယူးယေရုရှလင်မြို့တော်နှင့်ကမ္ဘာသစ်သို့ ဘုရားသခင်၏ လူများရွှေ့ပြောင်း
နေထိုင်ခြင်း (ယေရှာယ ၅၄း၁၁-၁၃။ ဗျာဒိတ် ၂၁း၂-၄)။
ကတိတော်အတိုင်း အာဗြဟံနှင့်ပြုခဲ့သော
ပဋိညာဉ်အသစ်သည် အစ္စ ရေး၏ သွေးသားအမျိုးအနွယ်အတွက်သာမကဘဲ၊ ယေရှုခရစ်တော်၏ ဝိညာဉ်
ရေးအစ္စရေး
အမျိုးဖြစ်လာသောတပါးအမျိုးသားများအတွက်ပါဖြစ်ပါသည်။
ဧဖက် ၂း၁၂၊၁၃၊ “ထိုအခါ သင်တို့သည်
ခရစ်တော်ကိုမသိ၊ အစ္စရေး အပေါင်းအသင်း၌မဝင်၊ ကတိတော်ပါသော ပဋိညာဉ်
တရားတို့နှင့်မဆိုင်၊ မြော်လင့်ခြင်းမရှိ၊ လောက၌ဘုရားမဲ့နေကြသည်ကို၎င်း၊
အောက်မေ့ကြလော့။ သင်တို့သည်အထက်က ဝေးလျက်ရှိသော်လည်း၊ ယခုမှာ ယေရှုခရစ်တော်၌
ဖြစ်၍၊ အသွေးတော်အားဖြင့် အနီးသို့ရောက်ကြပြီ။” (အငယ် ၁၄-၁၉)။
ပဋိညာဉ်အသစ်၊ သို့မဟုတ် ထာ၀ရပဋိညာဉ်၌
အပြစ်ဖြေလွှတ်ခြင်းနှင့် ကယ်တင်ခြင်းတို့ စီမံပေးထားသောကြောင့်
ပဋိညာဉ်အဟောင်း၏လိုအပ်ချက် မှာ ထင်ရှားခဲ့ပါသည်။
ဟေဗြဲ ၉း၁၄၊၁၅၊ “ထိုမျှမက
အပြစ်ကင်းသောကိုယ်တော်ကို ထာ၀ရ ဝိညာဉ်တော်အားဖြင့် ဘုရားသခင့်ရှေ့၌
တင်လှူပူဇော်သောခရစ်တော်၏ အသွေးသည် သေခြင်းနှင့်စပ်ဆိုင်သောအကျင့်ကို ပယ်ရှင်း၍၊
သင်တို့သည် အသက်ရှင်တော်မူသော ဘုရားသခင်ကို ဝတ်ပြုမည်အကြောင်း၊ သင်တို့၌
ကိုယ့်ကိုယ်ကို သိသောစိတ်ကို စင်ကြယ်စေခြင်းငှာ၊ သာ၍တတ်နိုင်တော်မူ သည် မဟုတ်လော။
ထို့ကြောင့် ပထမပဋိညာဉ်တရားလက်ထက်၌ ပြစ်မှား သောအပြစ်ကိုလည်း လွတ်စေခြင်းငှာ
ခရစ်တော်သည် အသေခံတော်မူသည် ဖြစ်၍၊ ခေါ်တော်မူသောသူတို့သည် ကတိတော်နှင့်ယှဉ်သော
ထာ၀ရအမွေကို ခံရမည်အကြောင်း၊ ထိုသခင်သည် ပဋိညာဉ်တရားသစ်၏ အာမခံဖြစ်တော်မူ ၏။”
ပညတ်တရားတောင်းဆိုနေသော ဖြောင့်မတ်ခြင်း၏
အကျင့်သည် ပဋိညာဉ် တရားသစ်၏ လက်ထက်၌သန့်ရှင်းသော ဝိညာဉ်တော်၏တန်ခိုးဖြင့်
ကျွန်ုပ်တို့၏ စိတ်နှလုံးထဲ၌ ပညတ်တရားကို ဘုရားသခင်သည် ကတိတော် အတိုင်းရေးထားသော
အခါမှသာ၊ ထင်ရှားလျက်ရှိပါသည်။
ဟေဗြဲ ၈း၁၀၊၁၁ “နောင်ကာလအခါ
အစ္စရေးအမျိုးသားတို့၌ ငါပေးအံ့သော ပဋိညာဉ်တရားဟူမူကား၊ ငါထာ၀ရဘုရားသည်
ငါ့ပညတ်တို့ကို သူတို့စိတ်ဝိညာဉ်ထဲသို့ သွင်းမည်။ သူတို့နှလုံးပေါ်မှာရေးထားမည်။
ငါသည် သူတို့၏ ဘုရားဖြစ်မည်။ သူတို့သည်လည်း ငါ၏လူဖြစ်ကြလိမ့်မည်။ ထိုသူတို့ က
ထာ၀ရဘုရားကို သိလော့ဟုအမျိုးသားချင်း၊ ညီအစ်ကို အချင်းချင်း တယောက်ကိုတယောက်
ဆုံးမဩဝါဒမပေးရကြ။ အကြောင်းမူကား၊ အငယ် ဆုံးသောသူမှစ၍ အကြီးဆုံးသော သူတိုင်အောင်
ထိုသူအပေါင်းတို့သည် ငါ့ ကိုသိကြလိမ့်မည်။” (ယောဟန် ၁၅း၄၊ ၅။ ဧဖက် ၂း၁၀။ ဟေဗြဲ
၁၃း၂၁။ ဂလာတိ ၂း၂၀။ ဖိလိပ္ပိ ၂း၁၃)။
အခန်းကြီး - ၃၉
၃၉။ ကျေးဇူးတော်ကြောင့် ကယ်တင်ခြင်း
SAVED
BY GRACE
ဧဖက် ၂း၇-၁၀၊ “ယေရှုခရစ်တော်အားဖြင့်
ငါတို့၌ကျေးဇူးပြု၍၊ ကျေး ဇူးတော်၏ အလွန်ကြွယ်၀ခြင်းကို နောင်ကပ်ကာလတို့၌
ထင်ရှားစေမည် အကြောင်းဖြစ်သတည်း။ ယုံကြည်သောအားဖြင့် ကျေးဇူးတော်ကြောင့် ကယ်
တင်ခြင်းသို့ ရောက်ရ၏။ ကိုယ်အလိုအလျောက်ရောက်သည်မဟုတ်။ ဘုရား သခင်သနားတော်မူရာ
ဖြစ်သတည်း။ ကိုယ်ကုသိုလ်ကြောင့် ကယ်တင်တော် မူခြင်းသို့ ရောက်သည်မဟုတ်။ သို့ဖြစ်၍
အဘယ်သူမျှ ဝါကြွားစရာအခွင့်မရှိ။ အဘယ်ကြောင့်နည်းဟူမူကား၊ ငါတို့သည် ကောင်းသော
အကျင့်တို့ကို ကျင့်ရ မည်အကြောင်း၊ ယေရှုခရစ်တော်၌ ပြုပြင်၍
ဖန်ဆင်းတော်မူရာဖြစ်ကြ၏။ ထိုကောင်းသောအကျင့်တို့၌ ငါတို့သည် ကျင်လည်ရမည်အကြောင်း၊
ဘုရား သခင်သည် ငါတို့ကိုပြင်ဆင်တော်မူနှင့်ပြီ။”
အပြစ်သားများသည် ခေတ်အဆက်ဆက်တွင်
ကျေးဇူးတော်ကြောင့် ဂယ်တင်ခြင်းခံရကြပါသည်။
တိတု ၂း၁၁၊ “လူအပေါင်းတို့ကို
ကယ်တင်တတ်သောဘုရားသခင်၏ ကျေးဇူးတော်သည် ထင်ရှားပေါ်ထွန်းလျက်ရှိ၏ (အငယ် ၁၃)။”
ဘုရားသခင့် ကျေးဇူးတော်၏ ဘုန်းအသရေတော်သည်
သားတော် ယေရှုခရစ်တော်ဖြစ်တော်မူသော ဆုကျေးဇူးတော်အားဖြင့် ကယ်တင်တော်မူ ခြင်း
ဖြစ်စေခဲ့ပါသည်။ ဧဖက် ၁း၆၊ “ဘုရားသခင်သည် ချစ်တော်မူသော သားတော်ကြောင့် ငါတို့အား
ပေးတော်မူသောကျေးဇူးတော်၏ ဘုန်းအသရေ ကို ချီးမွမ်းစေခြင်းငှာ၊ ငါတို့သည်
ယေရှုခရစ်အားဖြင့် သားအရာကိုရမည် အကြောင်း၊ အလိုတော်ရှိသော စေတနာအတိုင်း ရှေးမဆွက
ခွဲခန့်မှတ်သား တော်မူ၏။”
ရောမ ၅း၂၁ - “အပြစ်တရားသည် သေခြင်းအားဖြင့်
အစိုးရသည် နည်းတူ၊ ငါတို့သခင်ယေရှုခရစ်တော်ပြုစုတော်မူ၍ ကျေးဇူးတရားသည် ထာ၀
ရအသက်နှင့် ယှဉ်သောဖြောင့်မတ်ရာသို့ သွင်းခြင်းအားဖြင့် အစိုးရလေအံ့ သတည်း။”
ကျွန်ုပ်တို့သည် ယုံကြည်ခြင်းအားဖြင့်
ဘုရားသခင့်ကျေးဇူးတော် ကောင်းချီးကို ခံရကြပါသည်။
ရောမ ၅း၁၊ ၂ - “ထို့ကြောင့် ငါတို့သည်
ယုံကြည်ခြင်းရှိ၍ ဖြောင့်မတ် ရာသို့ ရောက်လျှင်၊ ငါတို့သခင်ယေရှု ခရစ်တော်အားဖြင့်
ဘုရားသခင့် ရှေ့တော်၌ ငြိမ်သက်ခြင်းကို ခံစားကြ၏။ ယုံကြည်ခြင်းရှိ၍
ထိုသခင်အားဖြင့် သာ ကျေးဇူးတော်ကို ခံစားရသည် ဖြစ်သောကြောင့်၊ ဘုရားသခင်၏ ဘုန်းတော်ကို
မြော်လင့်၍ ဝါကြွားဝမ်းမြောက်ခြင်းရှိကြ၏။”
ပညတ်တရား၏တောင်းဆိုချက်ဖြစ်သော
ဖြောင့်မတ်ခြင်းကို ဘုရား သခင်သည် ကျွန်ုပ်တို့နှင့် သက်ဆိုင်ကြောင်း မှတ်ယူလျက်
ဝေမျှပေးတော်မူပါ သည်။
ရောမ ၄း၆-၈၊ “ဘုရားသခင်သည် အကျင့်ကိုမထောက်ဘဲ၊
ပေးတော် မူသော ဖြောင့်မတ်ခြင်းကို ရသောသူ၏မင်္ဂလာကို ဒါဝိဒ်သည် ရည်မှတ်၍
ဆိုသည်ကား၊ အပြစ်မှလွှတ်ခြင်း၊ ဒုစရိုက်အပြစ်ကို ဖုံးအုပ်ခြင်းသို့ရောက်သော
သူတို့သည် မင်္ဂလာရှိကြ၏။ ထာ၀ရဘုရား၏ အပြစ်တင်တော်မူခြင်းနှင့် လွတ်သောသူသည်
မင်္ဂလာရှိ၏ဟု ပြောဆိုသတည်း။” (၄း၂၃၊ ၂၄။ ၅း၁)။
မှတ်ချက်၊ ဘုရားသခင်၏ပညတ်တရားနှင့်၊ ဘုရားသခင်၏
ကျေးဇူး တရားတို့သည် ဆန့်ကျင်ဖီလာမဖြစ်ကြပါ။ ဘုရားသခင်၏ပညတ်တရားသည် ထာ၀ရတည်ရှိ၍
ပြောင်းလဲခြင်းမရှိသောကြောင့်၊ အပြစ်၏အခသည်သေခြင်း (ရောမ ၆း၂၃)
ဖြစ်သည့်အားလျော်ညီစွာ၊ ပညတ်တရားကိုလွန်ကျူးသော သူ၏အသက်ကို အတင်းတောင်းဆိုလျက်ရှိပါသည်။
သို့ဖြစ်၍ အပြစ်သားများ ကယ်လွှတ်ခြင်းရရှိနိုင်ရန် ကျေးဇူးတရားလိုအပ်လာပါသည်။
ဘုရားသခင်၏ ကျေးဇူးတော်သည် မထိုက်တန်သူများပင် ခံစားရသောဘုရားသခင်၏ မေတ္တာ နှင့်
နှစ်သက်မြတ်နိုးခြင်းဖြစ်ပါသည်။ ဧဒင်ဥယျာဉ်တံခါး၀မှစ၍ အပြစ်သား ကိုယ်စား
အပြစ်မဲ့သူတစ်ယောက် အသေခံသည့် ဖြစ်ရပ်မှန်ကိုသော်လည်း ကောင်း၊ သခင်ခရစ်တော်ခေတ်၌
သခင်ဘုရား၏ ညစာစားပွဲအားဖြင့်သော် လည်းကောင်း၊ အပြစ်သားများအား သွန်သင်ဆုံးမလျက်
ရှိပါသည်။ ဘုရား သခင်၏ ပညတ်တရား၌ ပြဿနာမရှိပါ။ ၎င်းသည် သန့်ရှင်းခြင်း၊
ဖြောင့်မှန် ခြင်း၊ ကောင်းမြတ်ခြင်းရှိပါသည်။ (ရောမ ၇း၁၂)။ ဝိညာဉ်တော်နှင့်လည်း
စပ်ဆိုင်၏ (အငယ် ၁၄)။ အပြစ်သားသာလျှင် ပြဿနာဖြစ်ပါသည်။
ဒုစရိုက်အပြစ်သည် ဘုရားသခင်၏ ပညတ်တရားကို
လွန်ကျူးခြင်းဖြစ် သည် (၁ ယောဟန် ၃း၄)။
အပြစ်သားသည် ယုံကြည်ခြင်းဖြင့်
ခရစ်တော်ထံဘက်ပြောင်းလာ သည်။ ဘုရားသခင်၏ကျေးဇူးတော်သည် သူ့အား လက်ကမ်းကြိုဆိုသည်။
ထိုအခါသူသည် ပညတ်တရား၏ စီရင်ခြင်းကို မခံရတော့ဘဲ၊ ကျေးဇူးတရား၌ ရှိသောကြောင့်၊
ပညတ်တရား စောင့်ရှောက်ခြင်းဖြစ်သောလူ၏ ကြိုးစားခြင်း လောက်နှင့် ကယ်တင်ခြင်း
ရှာဖွေရန် မကြိုးစားရတော့ပါ။ မည်သူမျှ ဝါကြွား ခွင့်မရှိရလေအောင် ကယ်တင်ခြင်းသည်
အကျင့်အားဖြင့် ကြိုးစားရယူခြင်း မဟုတ်ပါ။ ယခုတွင် သူသည် ယုံကြည်ခြင်းဖြင့်
ဖြောင့်မတ်စေခြင်း ခံစားရပြီး၊ ဘုရားသခင်၏ပညတ်တရားနှင့်
စည်းဝါးကိုက်ညီသောဖြောင့်မတ်သူဖြစ်လာပါ သည်။ သန့်ရှင်းသောဝိညာဉ်တော်သည်လည်း
သူ၏စိတ်နှလုံးထဲ၌ ၎င်းပညတ် တရားကို ရေးသားထားပါသည်။
ရောမ ၈း၃၊ ၄၊ “ဇာတိပကတိကြောင့် ပညတ်တရားသည်
အားနည်း၍ မတတ်နိုင်သောအမှုကို ဘုရားသခင် ပြုတော်မူခြင်းငှာ၊ အပြစ်နှင့်ပြည့်စုံသော
ဇာတိပကတိ၏သဏ္ဍာန်ကို ဆောင်သော မိမိသားတော်ကိုစေလွှတ်တော်မူ၍ အပြစ်ဖြေဘို့ရာ
ဇာတိပကတိ၌ အပြစ်ကိုဒဏ်ပေးတော်မူ၏။ အကြောင်းမူ ကား၊ ဇာတိပကတိအတိုင်းမကျင့်၊
ဝိညာဉ်ပကတိအတိုင်းကျင့်သော ငါတို့သည် တရား၌ပါသော ပညတ်တို့ကို
စောင့်ရှောက်မည်အကြောင်းတည်း။”
ကျေးဇူးတော်ကြောင့်
ကျွန်ုပ်တို့ကယ်တင်ခြင်းရသည်မှန်လျှင်၊ ဘုရား သခင်၏ ပညတ်တရားနှင့်
ကျွန်ုပ်တို့မည်သို့ သက်ဆိုင်မှုရှိပါသနည်း။
ရောမ ၆း၁၄၊ ၁၅၊ “သင်တို့သည် ပညတ်တရားလက်၌မရှိ၊
ကျေးဇူး တရားလက်၌ ရှိသောကြောင့်၊ အပြစ်တရားသည် သင်တို့ကို မအုပ်စိုးရ။
သို့ဖြစ်လျှင် အဘယ်သို့နည်း။ ငါတို့သည် ပညတ်တရားလက်၌မရှိ၊ ကျေးဇူး တရားလက်၌
ရှိသောကြောင့်၊ ဒုစရိုက်ကို ပြုရမည်လော။ ထိုသို့မပြုရ။”
မှတ်ချက်။ အပြစ်ဒုစရိုက်သည် ဘုရားသခင်၏
ပညတ်တရားကို လွန်ကျူးခြင်း၊ ချိုးဖောက်ခြင်းဖြစ်ပါသည်။ ကျွန်ုပ်တို့သည်
ကျေးဇူးတော် ကြောင့် ကယ်တင်ခြင်း ရရှိပါသည်။ ၎င်းသည် အပြစ်လုပ်နိုင်သည်၊ ဘုရား
သခင်၏ ပညတ်တရားကို ချိုးဖျက်နိုင်သည်ဟူသော အဓိပ္ပါယ်မဟုတ်ပါ။ သန့်ရှင်းသောဝိညာဉ်တော်၏
တန်ခိုးတော်ဖြင့်၊ ပညတ်တရားတော်နှင့်အညီ ကျွန်ုပ်တို့ အသက်ရှင်ရပါမည်။
အခန်းကြီး - ၄၀
၄၀။ လူ၏ပင်ကိုသဘာ၀
THE
NATURE OF MAN
သဘာ၀အားဖြင့် လူသည် သေသည့်အမျိုးအစားဖြစ်ပါသည်။
သေ ခြင်းနှင့် ကင်းလွှတ်သောအမျိုးမဟုတ်ပါ။
ယောဘ ၄း၁၇၊ “သေတတ်သောလူသည် ဘုရားသခင့်ရှေ့မှာ
ဖြောင့်မတ်ခြင်းရှိရသလော။ လူသတ္တဝါသည် ဖန်ဆင်းတော်မူသော အရှင်ရှေ့ မှာ
သန့်ရှင်းခြင်း ရှိရသလော။”
မှတ်ချက်။ အပြစ်ဒုစရိုက်၏အခသည် သေခြင်းဖြစ်သည်
(ရောမ ၆း၂၃)။ လူသည် အပြစ်ပြုသောကြောင့် သားစဉ်မြေးဆက်အားလုံးတို့သည် သေခြင်း၏
တယောက်သောသူအားဖြင့် ဤလောကသို့ဝင်၍၊ အပြစ်တရား အားဖြင့် သေခြင်း
သားကောင်ဖြစ်သွားပါသည်။ ရောမ ၅း၁၂ - “အကြောင်း မူကား၊ အပြစ်တရားသည် တရားဝင်သည်နှင့်အညီ၊
လူအပေါင်းတို့သည် အပြစ်ရှိသောကြောင့် သေခြင်းသို့ ရောက်ရကြ၏။”
ဘုရားသခင်သာလျှင် ပင်ကိုသဘာ၀အားဖြင့်
သေခြင်းနှင့်ကင်းလွှတ်
တော်မူပါသည်။
တိမောသေ ၆း၁၅၊ ၁၆ - “မရဏာနှင့် ကင်းလွှတ်သော
သူတပါးတည်း ဖြစ်တော်မူထသော၊ အဘယ်သူမျှမချဉ်းကပ်နိုင်သော အလင်းထဲ၌နေတော်မူ ထသော။
အဘယ်သူမျှ မမြင်ဖူးရာ၊ မမြင်နိုင်ရာဖြစ်တော်မူထသော၊ မင်္ဂလာရှိ သော တပါးတည်းသော
အရှင်ဖြစ်တော်မူထသော၊ ဘုရင်တကာတို့၏ဘုရင်၊ သခင်တကာတို့၏ သခင်သည်၊
ကာလအချိန်ရောက်သောအခါ၊ သခင်ယေရှု ခရစ်တော်၏ထင်ရှား ပေါ်ထွန်းခြင်းကို
ပြတော်မူလိမ့်မည်”
သေခြင်းနှင့်ကင်းလွတ်သော ထာ၀ရအသက်သည်
ယေရှုခရစ်တော် အားဖြင့် လူတို့အား ဘုရားသခင်ပေးသနား တော်မူသော ဆုကျေးဇူးတစ်ပါး
ဖြစ်သည်။
ရောမ ၂း၆၊ ၇၊ “ဘုရားသခင်သည် လူအသီးအသီးတို့အား
မိမိတို့ အကျင့်နှင့်အလျောက် အကျိုးအပြစ်ကို ဆပ်ပေးတော်မူလတံ့။ ကောင်းသော
အကျင့်ကို အမြဲကျင့်၍၊ ဘုန်းအသရေကို၎င်း၊ မဖေါက်ပြန်သောဇာတိကို၎င်း၊
ရှာသောသူတို့အား ထာ၀ရအသက်ကို ပေးတော်မူလတံ့။”
ရောမ ၆း၂၃၊ “အပြစ်တရား၏အခကား သေခြင်းပေတည်း။
ဘုရား သခင်ပေးတော်မူသော ဆုကျေးဇူးတော်ကား၊ ငါတို့သခင်ယေရှုခရစ်တော်အား ဖြင့်
ထာ၀ရအသက်ပေတည်း။”
ခရစ်တော်ဒုတိယအကြိမ်ကြွလာသောအခါ
သေခြင်းနှင့်လွှတ်ကင်း ခြင်း ဘ၀ကို ယုံကြည်သူတို့အား ပေးသနားတော်မူမည်။
၁ ကောရိန်သု ၁၅း၅၁-၅၄၊ “နက်နဲသောအရာတခုကို
ငါပြဦးမည်။ ငါတို့ရှိသမျှသည် အိပ်ပျော်ရကြမည်မဟုတ်။ သို့သော်လည်း နောက်ဆုံးသော
တံပိုးမှုတ်သောအခါ၊ တခဏခြင်းတွင် မျက်စိတမှိတ်၌ ငါတို့ရှိသမျှသည်
ပြောင်းလဲခြင်းသို့ ရောက်ရကြမည်။ ထိုတံပိုးမှုတ်ချိန်ရောက်သောအခါ၊ ဗသ လွန်သော
သူတို့သည် မပုပ်နိုင်သောအဖြစ်၌တည်လျက် ထမြောက်၍၊ ငါတို့ရှိ သမျှသည်
ပြောင်းလဲခြင်းသို့ရောက်ရကြမည်။ ယခုမျက်မှောက်ပုပ်တတ်သော အရာသည်
မပုပ်နိုင်သောအဖြစ်သို့ ဝင်စားရမည်။ ယခုမျက်မှောက်သေတတ် သောအရာသည်
မသေနိုင်သောအဖြစ်သို့ ဝင်စားရမည်။ ဤပုပ်တတ်သော အရာသည် မပုပ်နိုင်သော အဖြစ်သို့၎င်း၊
ဤသေတတ်သောအရာသည် မသေ နိုင်သောအဖြစ်သို့၎င်း၊ ဝင်စားသောအခါ၊ သေခြင်းသည်အောင်ခြင်း၌
နစ်မြုပ် ပြီဟု ကျမ်းစာ၌လာချက် သည်ပြည့်စုံလိမ့်မည်။” (၁ သက်သာလောနိတ် ၄း၁၃-၁၈)။
ဘုရားသခင်၏ လူတို့သည် မိမိတို့၏ ဆုလာဘ်ကို
ခရစ်တော်ဒုတိယ အကြိမ် ကြွလာသောရှင်ပြန်ထမြောက်ရာနေ့တွင် ရရှိခံစားကြမည်။
လုကာ ၁၄း၁၄၊ “ထိုသို့ခေါ်ဖိတ်လျှင်
မင်္ဂလာရှိလိမ့်မည်။ အကြောင်းမူ ကား၊ ထိုသူတို့သည် ကျေးဇူးမဆပ်နိုင်သည်ဖြစ်၍ -
ဖြောင့်မတ်သောသူတို့ ထမြောက်သည့် ကာလ၌ သင်သည် ကျေးဇူးဆပ်ခြင်းအကျိုးကို ခံရလတံ့။”
ဗျာဒိတ် ၂၂း၁၂၊ “ငါသည်အလျင်အမြန်လာမည်။
ငါသည်အကျိုး အပြစ်ကို ဆောင်ခဲ့သည်ဖြစ်၍ လူအသီးအသီးတို့အား မိမိတို့အကျင့်အတိုင်း
ဆပ်ပေးမည်။”
ဆိုးသွမ်းသောသူတို့သည် သေမျိုးဖြစ်သောကြောင့်
ထာ၀ရအသက်ရ ရန် ခွင့်မရှိပါ။
ယောဟန် ၃း၁၆၊ “ဘုရားသခင်သည် လောကီသားတို့ကို
အလွန် ချစ် သည်ဖြစ်၍၊ တပါးတည်းသောသားတော်ကို ပေးတော်မူ၏။ ထိုသားတော်ကို ယုံကြည်သော
သူအပေါင်းတို့သည်ပျက်စီးခြင်းသို့မရောက်ဘဲ၊ ထာ၀ရအသက် ကို ရရှိလိမ့်မည်။”
ယောဟန် ၃း၃၆၊ “သားတော်ကို ယုံကြည်သောသူသည် ထာ၀ရ
အသက်ကို ရ၏။ သားတော်ကိုမယုံကြည်သောသူမူကား အသက်ကိုမတွေ့ရ။ ဘုရားသခင်၏ အမျက်တော်သည်
ထိုသူ၌တည်၏။”
၂ သက်သာလောနိတ် ၁း၇-၉၊ “တန်ခိုးကြီးသော
ကောင်းကင်တမန် များနှင့်အတူ ကောင်းကင်ဘုံမှ သခင်ယေရှုပေါ်ထွန်းတော်မူသောအခါ၊ ဆင်း
ရဲခံရသော သင်တို့ကို ငါတို့နှင့်အတူ ချမ်းသာပေးတော်မူ၍၊ ဘုရားသခင်ကို
မသိသောသူများနှင့် ငါတို့သခင် ယေရှုခရစ်တော်၏ ဧဝံဂေလိတရားကို နား မထောင်သောသူတို့ကို
မီးလျှံနှင့်၎င်း၊ သခင်ဘုရား၏ရှေ့တော်၊ တန်ခိုးအာနု ဘော်တော်နှင့်ခွာ၍
ထာ၀ရပျက်စီးခြင်းနှင့်၎င်း ဒဏ်ခတ်တော်မူလိမ့်မည်။”
လူကိုဖန်ဆင်းခြင်း
ကမ္ဘာဦး ၂း၇၊ “ထာ၀ရအရှင်ဘုရားသခင်သည်
မြေမှုန့်ဖြင်လူကိုဖန်ဆင်း၍၊
သူ၏နှာခေါင်းထဲသို့ ဇီ၀အသက်ကို
မှုတ်တော်မူလျှင်၊ လူသည်အသက်ရှင် သော သတ္တဝါဖြစ်လေ၏။”
မှတ်ချက်။ ဤတွင်စုံလင်သော လူကို
အသက်ရှင်သောသတ္တဝါဟု ခေါ် ဆိုသည်။ မြေမှုန့်နှင့်ဇီ၀အသက်ပေါင်းစပ်ပြီး
အသက်ရှင်သောလူသတ္တဝါ ဖြစ် လာသည်။ တစ်ခါတရံသမ္မာကျမ်းစာသည် လူ၏အသိဉာဏ်ပိုင်းကို
စိတ် ဝိညာဉ် (သတ္တဝါ)ဟု သုံးနှုန်းခေါ်ဆိုထားသည်။
အသက်ဝိညာဉ်နှင့် စိတ်ဝိညာဉ်တို့၏ခြားနားချက်ကို
သမ္မာကျမ်းစာက သာ ရှင်းပြထားပါသည်။
ဟေဗြဲ ၄း၁၂၊ “ဘုရားသခင်၏နှုတ်ကပတ်တော်သည်
အသက်ရှင် လျက်၊ တန်ခိုးကြီးလျက်၊ နှစ်ဘက်အသွားရှိ ဓားတကာတို့ထက် ထက်သော ကြောင့်၊
အသက်ဝိညာဉ်နှင့်စိတ်ဝိညာဉ်ကို၎င်း၊ အရိုးဆစ်နှင့်ခြင်ဆီကို၎င်း ပိုင်းခြား၍
ထုတ်ချင်းခွင်းတတ်၏။ စိတ်နှလုံးအကြံအစည်များကိုလည်း သိမြင် တတ်၏။”
ဘုရားသခင်သည် အသက်ဝိညာဉ်ကို ပေးပိုင်သောအခွင့်၊
ရုပ်သိမ်းပိုင် သော အခွင့်ရှိတော်မူသည်။
ဆာလံ ၁၀၄း၂၉၊ “မျက်နှာတော်ကိုလွှဲတော်မူလျှင်၊
သူတို့သည်ပင်ပန်း (စိုးရိမ်)ကြပါ၏။ သူတို့အသက်ကို ရုပ်သိမ်းတော်မူလျှင်၊ သူတို့သည်
သေ၍ မိမိတို့ မြေမှုန့်သို့ပြန်သွားကြပါ၏။”
ယောဘ ၃၄း၁၄၊ ၁၅၊ “ဘုရားသခင်သည်
လူကိုအလိုတော်မရှိ၍၊ လူ၏ အသက်ဝိညာဉ်ကို ရုပ်သိမ်းတော်မူလျှင်၊ ခပ်သိမ်းသော
လူသတ္တဝါတို့ သည် ချက်ခြင်း သေပျောက်၍ မြေမှုန့်သို့တဖန် ရောက်ရကြလိမ့်မည်။”
ဤနေရာတွင် ဝိညာဉ်သည် ဇီ၀အသက်ဖြစ်ကြောင်း
သတိပြုပါ။
လူနှင့်တိရစ္ဆာန်တို့သည် သူတို့၏နှာခေါင်းထဲ၌
ဇီ၀အသက်ရှိကြသည်။
ကမ္ဘာဦး ၇း၂၁၊ ၂၂၊ “မြေပေါ်မှာ လှုပ်ရှားတတ်သော
တိရစ္ဆာန်မျိုး တည်းဟူသော ငှက်၊ သားယဉ်၊ သားရဲ၊ မြေပေါ်မှာ တွားတတ်သော တိရစ္ဆာန်
အပေါင်းတို့နှင့် လူအပေါင်းတို့သည် သေကြကုန်၏။ အသက်ရှူလျက် (နှာခေါင်း၌ဇီ၀အသက်)
ကုန်းပေါ်မှာ ရှိသမျှတို့သည် သေကြကုန်၏။”
ဒေသနာ ၃း၁၉-၂၁၊ “လူသားတွေ့ကြုံသောအမှုကို
တိရစ္ဆာန်တွေ့ကြုံ တတ်၏။ ထိုနှစ်ဦးတို့သည် တပါးတည်းသောအမှုကို တွေ့ကြုံလျက်၊ တဦးသေ
သကဲ့သို့ တဦးသေတတ်၏။ အလုံးစုံတို့သည် အသက်တမျိုးတည်းရှိကြ၏။ သို့ဖြစ်၍ လူသည်
တိရစ္ဆာန်ထက် ထူးမြတ်သောအကြောင်းမရှိ။ အလုံးစုံတို့ သည် အနတ္တဖြစ်ကြ၏။
အလုံးစုံတို့သည် တခုတည်းသောအရပ်သို့ ရောက် တတ်ကြ၏။ အလုံးစုံတို့သည်
မြေမှုန့်ကဖြစ်သည်နှင့်အညီ၊ မြေမှုန့်သို့ပြန်သွား တတ်ကြ၏။ သို့ရာတွင် အထက်သို့
တက်တတ်သောလူသား၏ ဝိညာဉ်ကို၎င်း၊ အောက်အရပ်မြေသို့ ဆင်းတတ်သော
တိရစ္ဆာန်၏ဝိညာဉ်ကို၎င်း၊ အဘယ်သူ သည်ပိုင်းခြား၍သိသနည်း။” အားလုံးတို့သည်
“အသက်ရှင်သောသတ္တဝါ” ဖြစ်ကြသည်။ (ကမ္ဘာဦး ၁း၃၀။ ဗျာဒိတ်ကျမ်း ၁၆း၃)။
လူ၏ပင်ကိုသဘာ၀အရ စိတ်ဝိညာဉ်သည် လူ၏အစိတ်အပိုင်း
ဖြစ် သောကြောင့်၊ အပြစ်ပြုမိလျှင် ၎င်းအပြစ်အတွက် သေရသည်။ ၎င်းသည် အသက်ဝိညာဉ်
မဟုတ်ပါ။ ဘုရားသခင်ထံမှလာသော ဇီ၀အသက်နှင့်မရှုပ် ထွေးစေသင့်ပါ။ ( ၁ သက်သာလောနိတ်
၅း၂၃)။
ယေဇကျေလ ၁၈း၄၊ “ဝိညာဉ်အပေါင်းတို့ကိုငါပိုင်၏။
အဘ၏ဝိညာဉ် ကို ငါပိုင်သကဲ့သို့ သား၏ဝိညာဉ်ကိုလည်း ငါပိုင်၏။ ပြစ်မှားသော ဝိညာဉ်
သည် သေရမည်။”
“မုန်းတီးခြင်း” သည် အပြစ်ဖြစ်သည်ဟု ကျမ်းစာက
ပြောထားပါသည် (၁ ယောဟန် ၃း၁၄။ မဿဲ ၅း၂၁၊ ၂၂)။ ကာမဇောနှင့် ကြည့်ခြင်းသည်
စိတ်နှလုံးထဲ၌ အပြစ်ဖြစ်သည် (မဿဲ ၅း၂၇၊ ၂၈)။ စိတ်နှလုံးထဲတွင် ကျွန်ုပ်တို့
စဉ်းစားသည် (သုတ္တံ ၂၃း၇)။ ယနေ့တွင် ၎င်းကိုစိတ်သဘောဟု ကျွန်ုပ်တို့ခေါ် ဆိုသည်။
အမှန်ကိုသိလျက်နှင့် ကျွန်ုပ်တို့မပြုလုပ်လျှင် ၎င်းသည် အပြစ်လုပ် ခြင်းဖြစ်သည်
(ယာကုပ် ၄း၁၇)။ ထို့အတွက်ကြောင့် လူ၏သိရှိနားလည်တတ် သော အာရုံရှိသည့်
စိတ်နှလုံး(သို့မဟုတ်) စိတ်သဘောသည် လူ၏ “စိတ် ဝိညာဉ်”
ဟုခေါ်ဆိုသောအစိတ်အပိုင်းဖြစ်သည်။
လူသေသောအခါမည်သို့ဖြစ်သွားသနည်း။
ဒေသနာ ၁၂း၇၊ “ထိုအခါ မြေမှုန့်သည်
နေရင်းမြေသို့၎င်း၊ ဝိညာဉ် (အသက်) သည် အရင်ပေးတော်မူသောဘုရားသခင်ထံသို့ ၎င်း
ပြန်သွားရလိမ့်
မည်။”
ဘုရားသခင် ပေးသောအသက်ဝိညာဉ်ဖြစ်သည်။
လူ၏သိရှိနိုင်သော အာရုံသည် ရပ်တန့်သွားသည်(ဒေသနာ ၉း၅၊ ၆၊ ၁၀)။ လူ၏နားလည်နိုင်သော
အာရုံလည်းအလုပ်မလုပ်တော့ပါ။ နားလည်တတ်ခြင်း၊ စိတ်၏လှုပ်ရှားခြင်းနှင့်
ဆန္ဒသဘောထားစသော စိတ်၏လုပ်ဆောင်မှုအားလုံးရပ်ဆိုင်းသွားပါသည်။
ဆာလံ ၁၄၆း၃၊ ၄၊ “မင်းများမှစ၍ မကယ်တင်နိုင်သော
လူသားကို မကိုးစားကြနှင့်။ သူသည် အသက်ထွက်၍ မြေသို့ပြန်သွားတတ်၏။ ထိုနေ့ခြင်း
တွင်၊ သူ၏အကြံအစည်တို့သည် ပျက်စီးကြ၏။”
မှတ်ချက်၊ လူ၏နားလည်တတ်ခြင်း (ဥာဏ်)၊
ချစ်တတ်ခြင်းနှင့် မုန်းတီး တတ်ခြင်းတို့သည် သေခြင်း၌ မရှိတော့ပါ။
ဝိညာဉ်၏မျှော်လင့်ခြင်းသည်ခရစ်တော်ဒုတိယအကြိမ်ကြွလာချိန်၌
ရှင်ပြန် ထမြောက်ခြင်းဖြစ်သည်
ဆာလံ ၈၉း၄၈၊ “သေခြင်းသို့မရောက်၊ အသက်ရှင်၍
မိမိဝိညာဉ်ကို မရဏာနိုင်ငံတန်ခိုးမှ ကယ်နှုတ်နိုင်သောသူကား အဘယ်သူနည်း။”
ဆာလံ ၁၆း၁၀၊ “ကိုယ်တော်သည် အကျွန်ုပ်၏ဝိညာဉ်ကို
မရဏာနိုင်ငံ ၌ ပစ်ထားတော်မမူ၊ ကိုယ်တော်၏သန့်ရှင်းသော သူအားလည်း ပုပ်စပ်ခြင်းကို
ရှိစေတော်မမူ။”
တမန်တော်ပေတရုသည် ဤကျမ်းချက်ကို ကိုးကားပြီး၊
ခရစ်တော်နှင့် သက်ဆိုင်သည်ဟုဆိုသည်။ ထိုသူသည် ဒါဝိဒ်မဟုတ်နိုင်၊ အကြောင်းမှာ
ဒါဝိဒ် သည် သေ၍ သင်္ဂြိုဟ်သော တွင်းသည် ယခုတိုင်အောင် ငါတို့၌ရှိသည်ဟု ဆို သည်
(တမန်တော် ၂း၂၉)။ “ဒါဝိဒ်သည် ကောင်းကင်သို့မတက်သေး” ဟု လည်းဆိုသည် (တမန်တော်
၂း၃၀-၃၄)။ လူသည် သေခြင်းမှမထမြောက်ပါက သူ၏ဝိညာဉ်သည် သင်္ချိုင်းတွင်း၌
သာရှိနေသေးသည်ဖြစ်ကြောင်း ထင်ရှားပါ သည်။ ဒါဝိဒ်သေပြီးနှစ်ပေါင်း ၁၀၀၀
ခန့်အကြာမှာလည်း သူကောင်းကင်သို့ မတက်သေးကြောင်း ပေတရု အတိအလင်း ပြောဆိုခဲ့သည်။
ယေရှာယ ၅၃း၂၊ ယေရှုသည် မိမိအသက်(ဝိညာဉ်)ကို
သေခြင်း၌ သွန်ခဲ့သည်။
ဝိညာဉ်ကိုပင်ဘုရားသခင်ဖျက်ဆီးပစ်နိုင်သည်။
မဿဲ ၁ဝး၂၈၊ “ကိုယ်ခန္ဓာကိုသာသတ်၍ စိတ်ဝိညာဉ်ကို
မသတ်နိုင် သော သူတို့ကို မကြောက်ကြနှင့်။ ကိုယ်ခန္ဓာနှင့် စိတ်ဝိညာဉ်ကို
ငရဲ၌ဖျက်ဆီး နိုင်သော သူကိုသာ ကြောက်ကြလော့။”
အခန်းကြီး - ၄၁
၄၁။ သေသောသူ၏အခြေအနေ
THE STATE OF THE DEAD
သမ္မာကျမ်းစာတွင် သေခြင်းကို အိပ်ပျော်ခြင်းဟု
ခေါ်ဆိုသည်။ ယော ဟန် ၁၁း၁၁၊ “ငါတို့အဆွေလာဇရုသည် အိပ်ပျော်၏။
သူ့ကိုနှိုးခြင်းငှာငါသွား မည်။”
တမန်တော် ၇း၆၀၊ “ဒူးထောက်လျက်၊ သခင်၊
သူတို့ပြုသော ဒုစရိုက် အပြစ်ကို မှတ်တော်မမူပါနှင့်ဟု ကြီးသောအသံနှင့်
ကြွေးကြော်ပြီးမှ ကျိန်းစက် (အိပ်ပျော်) လေ၏။”
ယောဘ ၁၄း၁၂-၁၄၊ “လူသည် အိပ်ပြီးမှ
နောက်တဖန်မထရ။ မိုး ကောင်းကင်မကုန်ဆုံးမီတိုင်အောင်မနိုးရ။ အအိပ်အပျော်မပျက်ရ။
ကိုယ်တော် သည် အကျွန်ုပ်ကို သင်္ချိုင်းတွင်း၌ဝှက်ထားတော်မူပါစေ။ အမျက်တော်မလွန်မီ
တိုင်အောင် ကွယ်ကာတော်မူပါစေ။ အကျွန်ုပ်ကို အောက်မေ့စရာအချိန်ကို ချိန်းချက်တော်မူပါစေ။
လူသည်သေလျှင် အသက်ရှင်ပြန်ပါလိမ့်မည်လော။ အကျွန်ုပ်ပြောင်းလဲချိန်မရောက်မီ
ပင်ပန်းစွာအမှုထမ်းရသော နေ့ရက်ကာလ ပတ်လုံး သည်းခံလျက်နေပါမည်။”
သေခြင်း၌ကောင်းသည်ဖြစ်စေ၊ ဆိုးသည်ဖြစ်စေ
လူအားလုံးတို့သည်
သင်္ချိုင်း၌နားနေကြရသည်။
ယောဟန် ၅း၂၈ - “ဤအမှုအရာကို
အံ့ဩခြင်းမရှိကြနှင့်။ သင်္ချိုင်း များမှာ ရှိသောသူအပေါင်းတို့သည် သားတော်၏အသံကို
ကြား၍၊ ထွက်လာ ရမည့်အချိန် ကာလရောက်လတံ့။”
တမန်တော် ၂း၂၉၊ ၃၄၊ “ညီအစ်ကိုတို့၊ အမျိုး၏
အဘဖြစ်သော ဒါဝိဒ်၏ အကြောင်းကို ငါသည်သင်တို့အားအတည့်အလင်း ပြောပါရစေ။
ထိုဒါဝိဒ်သည်သေ၍ သင်္ဂြိုဟ်သောတွင်းသည် ယခုတိုင်အောင်ငါတို့၌ရှိ၏။” “ဒါဝိဒ်သည်
ကောင်းကင်သို့ မတက်သေး”
ပထမထမြောက်ခြင်းကာလ၌ ဖြောင့်မတ်သောသူတို့သည်
ခရစ်တော် နှင့် အတူကောင်းကင်သို့တက်ကြမည်။
ဗျာဒိတ် ၂ဝး၆၊ “ပထမထမြောက်ခြင်းကို
ဝင်စားသောသူသည် မင်္ဂလာ ရှိသောသူ၊ သန့်ရှင်းသောသူဖြစ်၏။ ထိုသို့သောသူသည်
ဒုတိယသေခြင်း၏ လက်နှင့်ကင်းလွှတ်လျက်၊ ဘုရားသခင်၏ယဇ်ပုရောဟိတ်၊ ခရစ်တော်၏ ယဇ်
ပုရောဟိတ်ဖြစ်၍၊ အနှစ်တထောင်ပတ်လုံး ခရစ်တော်နှင့်အတူ စိုးစံရကြလိမ့် မည်။” (၁
သက်သာလောနိတ် ၄း၁၃-၁၈)။
ဒုတိယထမြောက်ခြင်းဖြစ်သော-မဖြောင့်မတ်သောသူတို့ထမြောက်
ခြင်း၊ အပြစ်စီရင်ရာ ထမြောက်ခြင်းသည် အနှစ်တစ်ထောင်အဆုံး၌ ဖြစ်လိမ့် မည်။ (ယောဟန်
၅း၂၉။ တမန်တော် ၂၄း၁၅။ ဗျာဒိတ် ၂ဝး၄၊ ၅)။
ငရဲဆိုတာဘာလဲ၊ ဘယ်မှာရှိသလဲ
မေးခွန်း။ ။၁ပေတရု ၄း၁၇၊ “ဘုရားသခင်၏အိမ်တော်
သားတို့ကို ရှေးဦးစွာစစ်ကြောစီရင်ရသော အချိန်ရှိပြီ။ ငါတို့ကို ရှေးဦးစွာစစ်ကြော
စီရင် လျှင်၊ ဘုရားသခင်၏ ဧဝံဂေလိတရားစကားကို နားမထောင်သောသူတို့၏ အမှုသည်
အဘယ်သို့ပြီး(အဆုံးသတ်)လိမ့်မည်နည်း။”
အဖြေ။ ။ဆာလံ ၉း၁၇၊
“မတရားသောသူတို့နှင့်ဘုရားသခင်ကို မေ့လျော့သော အမျိုးသားအပေါင်းတို့သည်
မရဏာနိုင်ငံသို့နှင်ခြင်းကိုခံရလိမ့် မည်။”
ဆိုးသွမ်းသောသူတို့နောက်ဆုံးသေကြေပျက်စီးခြင်း
ဆိုးသွမ်းသောသူတို့သည် အသက်မရှိချေ။
ယောဟန် ၃း၃၆၊ “သားတော်ကို ယုံကြည်သောသူသည် ထာ၀ရ
အသက်ကို ရ၏။ သားတော်ကို မယုံကြည်သောသူမူကား အသက်ကိုမတွေ့ရ။ ထိုသူအပေါ်၌
ဘုရားသခင်၏အမျက်တော်တည်နေသည်။”
ယောဟန် ၁ဝး၁၀၊ “သူခိုးသည် ခိုးခြင်း၊ သတ်ခြင်း၊
ဖျက်ဆီးခြင်းငှာ သာ လာတတ်၏။ ငါမူကား၊ သိုးတို့သည် အသက်လွတ်ရုံမျှမက၊ အထူးသဖြင့်
အသက်နှင့်ပြည့်စုံစေခြင်းငှာလာသတည်း။”
ဆိုးသွမ်းသောသူတို့သည်
မည်သည့်အပြစ်ဒဏ်ကိုခံရမည်နည်း။
၂ သက်သာလောနိတ် ၁း၉၊ “ထိုသူတို hသည် သခင်ဘုရား၏ မျက်နှာ တော်နှင့်၎င်း၊ တန်ခိုးရှိသော
ဘုန်းတော်နှင့်၎င်း ကွာ၍၊ ထာ၀ရပျက်စီးခြင်း တည်းဟူသောအပြစ်ဒဏ်ကိုခံရကြလတံ့။”
ဆိုးသွမ်းသောသူတို့၏ ပျက်စီးခြင်းသည်
ကိုယ်ခန္ဓာနှင့်စိတ်ဝိညာဉ်တို့ လုံးလုံး ပျက်စီးသွားခြင်းဖြစ်သည်။
မဿဲ ၁ဝး၂၈၊ “ကိုယ်ခန္ဓာကိုသာသတ်၍
စိတ်ဝိညာဉ်ကိုမသတ်နိုင် သော သူတို့ကို မကြောက်ကြနှင့်။ ကိုယ်ခန္ဓာနှင့်
စိတ်ဝိညာဉ်ကို ငရဲ၌ဖျက်ဆီး နိုင်သော သူကိုသာ၍ ကြောက်ကြလော့။”
ယေဇကျေလ ၁၈း၄၊ “ဝိညာဉ်အပေါင်းတို့ကို ငါပိုင်၏။
အဘ၏ ဝိညာဉ်ကို ငါပိုင်သကဲ့သို့ သား၏ဝိညာဉ်ကိုလည်းငါပိုင်၏။ ပြစ်မှားသော ဝိညာဉ်သည်
အသက်သေရမည်။”
ဆာလံ ၃၇း၂၀၊ “မတရားသောသူတို့မူကား၊
ပျက်စီးခြင်းသို့ရောက်ရ ကြမည်။ ထာ၀ရဘုရား၏ ရန်သူတို့သည် ကျက်စားရာအရပ်၏ အသရေကဲ့
သို့ဆုံး၍၊ မီးခိုးဖြစ်လျက် ကွယ်ပျောက်ကြလိမ့်မည်။” (နာဟုံ ၁း၁၀)။
ဆိုးသွမ်းသောသူတို့ကို ဖျက်ဆီးသောမီး၏
ဖျက်ဆီးခြင်းသည်ထာ၀ရ ထိရောက်မှုရှိမည်ဖြစ်သောကြောင့် ထာ၀ရမီးဟုခေါ်ဆိုသည်။
မဿဲ ၂၅း၄၁၊ “ကျိန်ခြင်းကိုခံရသောသူတို့၊
မာရ်နတ်နှင့်သူ၏တမန်တို့ အဖို့ ပြင်ဆင်သောထာ၀ရမီးထဲသို့ ငါ့ထံမှခွာသွားကြလော့။”
သောဒုံနှင့် ဂေါမောရမြို့တို့၏ ပျက်စီးခြင်းသည်
ထာ၀ရမီး၏ လုပ်ဆောင်ချက်ကို ပြသထားသည်။
ယုဒ ၇၊ “ထိုနည်းတူ၊
သောဒုံမြို့နှင့်ဂေါမောရမြို့မှစ၍ ပတ်ဝန်းကျင်၌ ရှိသောမြို့တို့သည်၊ အထက်က
ဆိုခဲ့ပြီးသော လူဆိုးကဲ့သို့ မတရားသော မေထုန်ကို အလွန်ပြု၍၊
ကိုယ့်ခင်ပွန်းမဟုတ်သောသူတို့နှင့်မှားယွင်းခြင်းအမှု၌ ကျင်လည်သောကြောင့်၊
ထာ၀ရမီးနှင့် ကျွမ်းလောင်ခြင်းဒဏ်ကို ခံရ၍ ပုံသက် သေ ထင်ရှားလျက်ရှိကြ၏။”
၂ ပေတရု ၂း၆၊ “သောဒုံမြို့ နှင့်
ဂေါမောရမြို့တို့ကို မီးရှို့၍ ဖျက်ဆီး ရာ၊ ဒဏ်စီရင်တော်မူသဖြင့်၊ နောင်၌မတရားသော
အကျင့်ကိုကျင့်ခံ့သော သူတို့အား ပုံသက်သေကိုထားတော်မူ၏။”
မှတ်ချက်။ ဘုရားတရားမဲ့သောသူတို့အား ထာ၀ရမီး၏
စွမ်းဆောင် နိုင်မှုကို နမူနာပြသရန်၊ ၎င်းမြို့ကြီးများသည်
ပြာပုံအဖြစ်သို့ရောက်ရှိသွားခဲ့ သည်။ ယခုအချိန်တွင် ၎င်းမြို့ကြီးများ
မီးမလောင်တော့ပါ။ မီးခိုးများ “အစဉ်အမြဲ” တက်လျက်ရှိသည်ဟု ဗျာဒိတ် ၁၄း၁၁ တွင်
ဖော်ပြထားသည်။ ဧဒုံပြည်နှင့် စပ်ဆိုင်၍ ပြောဆိုရာ၌၊ ယခုအချိန်တွင်
မီးမလောင်သော်လည်း၊ မီးခိုးသည် “အစဉ်” တက်လိမ့်မည်ဟု ဆိုထားသည် (ယေရှာယ ၃၄း၁၀)။
“အစဉ်အမြဲ” ဟူသောစကားသည်
အချိန်ကာလအကန့်အသတ်တစ်ခု ကို ဆိုလိုပါသည်။ ဥပမာ၊ လူ၏တစ်သက်တာကို ဆိုလိုသည်
(ထွက်မြောက်ရာ ၂၁း၅၊ ၆)။ “သုံးနေ့နှင့်သုံးည။” (ယောန ၁း၁၇။ ၂း၆)။
ဆိုးသွမ်းသောသူတို့အား ဖျက်ဆီးသောမီးသည်
ငြိမ်းသတ်လို့မရသော မီးဖြစ်သည်။
မဿဲ ၃း၁၁၊၁၂ - “ငါသည်နောင်တရဖို့အလို့ငှာ
သင်တို့ကိုရေနှင့် ဗတ္တိဇံပေး၏။ ငါ့နောက်ကြွလာသော သူသည်ငါ့ထက်တတ် စွမ်းနိုင်၏။
ထိုသူ ၏ ခြေနင်းတော်ကိုမျှ ဆောင်ခြင်းငှာ ငါမထိုက်။ ထိုသူသည် သန့်ရှင်းသော
ဝိညာဉ်တော်နှင့်၎င်း၊ မီးနှင့်၎င်း၊ သင်တို့ကို ဗတ္တိဇံပေးမည်။ လက်တော်တွင်
စကောပါလျက်၊ မိမိ ကောက်နယ်တလင်းကိုရှင်းလင်းစေသဖြင့်၊ မိမိဂျုံစပါးကို
ကျီ၌စုသိမ်းသွင်းထား၍၊ အဖျင်းကိုကား မငြိမ်းနိုင်သောမီးနှင့် ရှို့တော်မူ လတံ့။”
ယေရမိ ၁၇း၁၉-၂၇ - “မငြိမ်းမသေနိုင်သော
မီးနှင့်ယေရုရှလင်မြို့ တံခါးတို့ကို မီးရှို့မည်ဖြစ်ကြောင်း၊ ဘုရားသခင်
ခြိမ်းခြောက်ခဲ့ပါသည်။ ဘေဘီ လုံလူမျိုးတို့သည် ယေရုရှလင်မြို့ကို သိမ်းပိုက်ရာ၌
မီးရှို့ခဲ့ကြသည် (၂ ရာဇဝင် ချုပ် ၃၆း၁၄-၁၉)။ ငြိမ်းသတ်လို့မရသောမီးဖြစ်၍
လောင်မည့်အရာ အားလုံး ကိုကျွမ်းလောင်သွားစေသည်။ နှုတ်ကပတ်တော်လာသည့်အတိုင်း
ငြိမ်းသတ် လို့မရသောမီးဖြစ်သော်လည်း ယေရုရှလင်မြို့တံခါးများလောင်ကျွမ်းပြီးနောက်
တွင် မီးမလောင်တော့ပါ။
မီးလောင်သောနေ့ကြီး၌ ဆိုးသွမ်းသူရှိသမျှသည်
မြက်ခြောက်ကဲ့သို့ ဖြစ်လျက်ပြာကျသွားမည်။
မာလခိ ၄း၁၊ ၃ - “မီးဖို၌မီးလောင်သကဲ့သို့
လောင်သောနေ့ရက် ကာလသည် ရောက်လိမ့်မည်။ မာနကြီးသောသူနှင့် ဒုစရိုက်ကိုပြုသောသူ
အပေါင်းတို့သည် အမှိုက်ခြောက်ဖြစ်ကြလိမ့်မည်။ သူတို့အရင်းအဖျားမျှမကျန်
ကြွင်းစေခြင်းငှာ၊ ထိုနေ့ရက်သည် လောင်လိမ့်မည်ဟု ကောင်းကင်ဗိုလ်ခြေ အရှင်ထာ၀ရဘုရား
မိန့်တော်မူ၏။” “မတရားသောသူတို့ကိုလည်း (သင်တို့ သည်) နင်းကြလိမ့်မည်။
ထိုသို့ငါစီရင်သောနေ့ရက်၌ သူတို့သည် သင်တို့ ခြေဖဝါးအောက်၌ မြေမှုန်ကဲ့သို့
ဖြစ်ကြလိမ့်မည် ဟုကောင်းကင်ဗိုလ်ခြေ အရှင် ထာ၀ရဘုရားမိန့်တော်မူ၏။”
ဆိုးသွမ်းသောသူများသည် ငရဲမီးထဲ၌ ယခုအချိန်တွင်
ဒဏ်ခတ်ခြင်း ခံနေကြပါသလား။
၂ ပေတရု ၂း၄၊၉ -
“ပြစ်မှားသောကောင်းကင်တမန်တို့ကို ဘုရား သခင်သည် နှမြောတော်မမူ၊
ငရဲထဲသို့ချလိုက်ပြီးမှ စစ်ကြော်စီရင်ခြင်းအလိုငှာ ချုပ်ထား၍၊
မှောင်မိုက်သံကြိုးနှင့် ချည်နှောင်တော်မူ၏။ . . . ဘုရားဝတ်၌
မွေ့လျော်သောသူတို့ကို စုံစမ်းနှောင့်ရှက်ခြင်းအထဲက ကယ်နှုတ်ခြင်းငှာ၎င်း၊
မတရားသောသူတို့ကို ဒဏ်ခံစေမည်အကြောင်း၊ . . . ထာ၀ရဘုရားသည် တတ်နိုင်တော်မူ၏။”
မှတ်ချက်။ တရားစီရင်သောနေ့၌
ဒဏ်ခတ်ဖို့ရာမတရားသော သူတို့ကို မည်သို့ချုပ်ထားရမည်အကြောင်း
ဘုရားသခင်သိတော်မူသည်။ ရှေးခေတ်၌ ဆိုးသွမ်းသောဤကမ္ဘာကို ရေလွှမ်းမိုးစေခြင်းဖြင့်
ဖျက်ဆီးခဲ့သကဲ့သို့၊ ဤကမ္ဘာ မြေကြီးနှင့် ကမ္ဘာ့လေထုသည် တစ်နေ့သောအခါ၊
ဆိုးသွမ်းသောသူများကို ဖျက်ဆီးမည့် မီးအိုင်ကြီး ဖြစ်လာပါလိမ့်မည်။
၂ ပေတရု ၃း၇ - “ယခုရှိသောမိုးကောင်းကင်နှင့်
မြေကြီးမူကား၊ တရားဆုံးဖြတ်၍ အဓမ္မလူတို့ကို ဖျက်ဆီးသောနေ့ရက် တိုင်အောင်၊
ထိုနှုတ်က ပတ်တော်အားဖြင့် သိုထားလျက်ရှိ၍၊ မီးရှို့ခြင်းအဖို့အလိုငှာ
နေရစ်သတည်း။”
ဆိုးသွမ်းသောသူများငရဲမီးထဲဘယ်တော့ချမှာလဲ။
မဿဲ ၁၃း၃၀ - “စပါးရိတ်သည့်ကာလတိုင်အောင်
အပင်နှစ်မျိုးတို့ အတူ ကြီးပွားပါလေစေ။ စပါးရိတ်သည့်ကာလ ရောက်လျှင်၊ တောပင်တို့ကို
အရင်နှုတ်၍ မီးရှို့ခြင်းငှာစည်းနှောင်ကြလော့။ စပါးကိုကားကျီ၌စုသိမ်းသွင်း
ထားကြလော့။”
မှတ်ချက်။ စပါးရိတ်သောကာလသည် ဤကမ္ဘာကုန်သောကာလ
ဖြစ်သည်။ ထို့အတွက်ကြောင့် ဆိုးသွမ်းသောသူများ ယခုအချိန်၌ ဒဏ်ခတ် ခြင်း မခံရသေးပါ။
(မဿဲ ၁၃း၃၉)။
ငရဲမီးအိုင်သည် မည်သည့်နေရာဒေသ၌
လောင်ကျွမ်းမည်နည်း။
သုတ္တံ ၁၁း၃၁ - “ဖြောင့်မတ်သောသူများ
မြေကြီးပေါ်၌ ဆုချခြင်းခံရ လျှင်၊ အဓမ္မလူနှင့်အပြစ်သားများသည် မြေကြီးပေါ်၌
အပြစ်ဒဏ်သာ၍ ခံရ ကြမည်။” (KJဠ)
၂ ပေတရု ၃း၇၊၁၀၊၁၂၊
“ယခုရှိသောမိုးကောင်းကင်နှင့်မြေကြီးမူကား၊ တရားဆုံးဖြတ်၍ အဓမ္မလူတို့ကို
ဖျက်ဆီးသော နေ့ရက်တိုင်အောင်၊ ထိုနှုတ် ကပတ် တော်အားဖြင့် သိုထားလျက်ရှိ၍၊
မီးရှို့ခြင်းအလို့ငှာ နေရစ်သတည်း။” “သူခိုးသည် ညအခါ လာသကဲ့သို့၊
ထာ၀ရဘုရား၏နေ့ရက်သည် လာလိမ့် မည်။ ထိုနေ့၌ မိုးကောင်းကင်သည် ကြီးစွာသောအသံနှင့်တကွ
ပျောက်သွား လိမ့်မည်။ လောကဓာတ်တို့သည် ပူအားကြီး၍ အရည်ပျော်ကြလိမ့်မည်။
မြေကြီးကိုယ်မှစ၍ မြေကြီးပေါ်မှာ ပြုလုပ်သမျှသောအရာတို့သည် ကျွမ်း
လောင်ကြလိမ့်မည်။” “မိုးကောင်းကင်သည် မီးနှင့်ပျက်၍ လောကဓာတ်တို့ သည် ပူအားကြီးလျက်
အရည်ကျိုခြင်းကို ခံရသောနေ့တည်းဟူသော ဘုရားသခင်၏နေ့ရောက်လိမ့်မည်။”
အဓမ္မလူတို့သည် ဒုတိယထမြောက်ခြင်း၌
ထမြောက်လာကြပြီး၊ မီး အိုင်ထဲသို့ ချခြင်းခံရကြလိမ့်မည်။ (ဗျာဒိတ် ၂ဝး၅၊ ၁၂-၁၅။
ယောဘ ၂၁း၃၀)။
အခန်းကြီး - ၄၂
၄၂။ အသစ်ဖန်ဆင်းပြုပြင်သောမြေကြီး
THE
EARTH RENEWED
အဓမ္မလူတို့ဖျက်ဆီးခြင်းခံရပြီးသည့်နောက်
ကမ္ဘာမြေကြီးသည် အစ အဦးကဲ့သို့ အသစ်ဖန်ဆင်းပြုပြင်ခြင်းခံရမည်။ ထိုအခါ အပြစ်ရော
အပြစ်သား များပါ ရှိတော့မည်မဟုတ်ပါ။ ဘုရားသခင်သည် အပြစ်ကင်းစင်သော ကမ္ဘာ
မြေကြီးကို ပိုင်ဆိုင်လျက်၊ သတ္တဝါ အပေါင်းတို့သည် ကိုယ်တော်ကို ချီးမွမ်း
ထောမနာပြုကြမည်။
ဗျာဒိတ် ၅း၁၃၊ “ကောင်းကင်၊ မြေကြီး၊
သမုဒ္ဒရာအထဲ၊ အရပ်ရပ်တို့၌ ရှိသမျှသော ဝေနေယျအပေါင်းတို့က၊ ပလ္လင်တော်ပေါ်မှာ
ထိုင်တော်မူသော သူနှင့် သိုးသငယ်သည် ကမ္ဘာအဆက်ဆက်ကောင်းချီးမင်္ဂလာ၊ ဂုဏ်အသရေ၊
ဘုန်းအာနုဘော်၊ အစွမ်းသတ္တိရှိတော်မူစေသတည်းဟု ပြောဆိုကြသည်ကို ငါကြားလေ၏။”
ဆာလံ ၃၇း၁၀၊ “ခဏကြာပြီးမှ၊ မတရားသောသူသည်
မရှိရ။ သူ၏ နေရာကို စေ့စေ့ရှာ၍ မတွေ့ရ။” အဓမ္မလူတို့၏ နေရာ(ငရဲမီးအိုင်)ပင်လျှင်
ရှိတော့မည်မဟုတ်။
ယေရှာယ ၄၇း၁၄ -
နွေးစေရာဖို့မီးတခဲမျှမရှိတော့ချေ။
ဗျာဒိတ် ၂၁း၁-၄ - ပင်ပန်းခြင်း၊ နာကျင်ခြင်း၊
စိတ်ဒုက္ခရောက်ခြင်း မရှိတော့ပေ။
ဗျာဒိတ် ၂၂း၃ - ကျိန်ခြင်းဘေးလည်းတစုံတခုမျှ
မရှိတော့ချေ။
အခန်းကြီး - ၄၃
၄၃။ ခက်ခဲသောကျမ်းချက်များရှင်းပြခြင်း
DIFFICULT
SCRIPTURAL PASSAGES CONSIDERED
၁။ သူဌေးနှင့်လာဇရုပုံပမာ။ (လုကာ ၁၆း၁၉-၃၁)။
မုံညင်းစေ့၊ တဆေးစသော ပုံပမာများ (လုကာ ၁၃)၊
ကြီးစွာသောပွဲ၊ အငန်ဓာတ်ကင်းသော ဆားပုံပမာများ (လုကာ ၁၄)၊ ပျောက်သောသိုး၊
ပျောက်သောဒင်္ဂါးပြား၊ ပျောက်သောသားပုံပမာများ (လုကာ ၁၅)၊ မတရား သောဘဏ္ဍာစိုး၊
သူဌေးနှင့်လာဇရုပုံပမာများ (လုကာ ၁၆)၊ တို့သည် တဆက် တစပ်တည်းဖြစ်ပါသည်။
ဤပုံပမာသည် သေပြီးနောက်၌လူ၏
အခြေအနေအဖြစ်မှန်ကို ဖော်ပြ ခြင်းမဖြစ်နိုင်ချေ။
“အာဗြဟံ၏ရင်ခွင်” - သည်
ခိုင်းနှိုင်းခြင်းသာဖြစ်၍၊ အစစ်မဟုတ်ပါ။
“ရေအေးတစက်” - ငရဲထဲရောက်နေသောလူကို
အေးစေနိုင်လောက် သော ရေမဟုတ်။
လူများအပြန်အလှန်စကားပြောဆိုနိုင်လောက်အောင်
ကောင်းကင်နှင့် ငရဲမနီးကပ်ပါ။ တရားစီရင်သောနေ့မတိုင်မီ အပြစ်သားများဒဏ်ခတ်ခြင်း
မခံ ရချေ။
၂ ပေတရု ၂း၉ - “ဘုရားဝတ်၌မွေ့လျော်သောသူတို့ကို
စုံစမ်း နှောင့် ရှက်ခြင်းအထဲက ကယ်နှုတ်ခြင်းငှာ၎င်း၊ မတရားသော သူတို့ကို
ဒဏ်ခံစေမည် အကြောင်း၊ . . . ထာ၀ရဘုရားသည် တတ်နိုင်(သိရှိနားလည်) တော်မူ၏။”
(ဗျာဒိတ် ၂ဝး၁၅)။
ခရစ်တော်ဒုတိယအကြိမ်ကြွလာ၍
ရှင်ပြန်ထမြောက်ရာနေ့မတိုင်မီ ဖြောင့်မတ်သောသူများ အကျိုး(ဆု)မခံစားရသေးပါ။
ယောဟန် ၅း၂၈၊၂၉ - “ဤအမှုအရာကို
အံ့ဩခြင်းမရှိကြနှင့်။ သင်္ချိုင်း များမှာရှိသော သူအပေါင်းတို့သည် သားတော်၏
စကားသံကိုကြား၍ ထွက်ရ မည့်အချိန်ကာလရောက်လတံ့။ ကောင်းသောအကျင့်ရှိသော သူတို့သည်
အသက်ရှင်ရာ ထမြောက်ခြင်းသို့၎င်း၊ ဆိုးယုတ်သောအကျင့်ရှိသောသူတို့သည် အပြစ်စီရင်ရာထမြောက်ခြင်းသို့၎င်း
ထွက်ရကြလတံ့။”
ဗျာဒိတ် ၂၂၀၁၂- “ငါသည်အလျင်အမြန်လာမည်။
ငါသည်အကျိုး အပြစ်ကို ဆောင်ခဲ့သည်ဖြစ်၍၊ လူအသီးအသီးတို့အား မိမိတို့အကျင့်အတိုင်း
ဆပ်ပေးမည်။” (၁ သက်သာလောနိတ် ၄း၁၃-၁၈)။
“သူတို့၌ မောရှေမှစ၍ ပရောဖက်များရှိကြ၏” (လုကာ
၁၆း၂၉-၃၁) ဟူသော ပုံပမာထဲကစကားသည် သူဌေး၏ ညီအစ်ကိုများကို ရည်ညွှန်းလျက်
ပြောသောစကားဖြစ်၍၊ သေပြီးနောက်လူ၏အခြေအနေကို ဓမ္မဟောင်းကျမ်း က
အမှန်အကန်သွန်သင်ထားသည်ဖြစ်ကြောင်း ဖော်ပြခြင်းဖြစ်ပါသည်။ သေ သောသူတို့ အိပ်ပျော်ခြင်းအဖြစ်ကို
သွန်သင်ထားပါသည်။
သေသောသူသည် ဘာမျှမသိ။
ဆာလံ ၁၄၆း၃၊၄ - “မင်းများမှစ၍ မကယ်တင်နိုင်သော
လူသားကို မကိုးစားကြနှင့်။ သူသည်အသက်ထွက်၍ မြေသို့ပြန်သွားတတ်၏။ ထိုနေ့ခြင်း တွင်၊
သူ၏အကြံအစည်တို့သည် ပျက်စီးကြ၏။”
ဒေသနာ ၉း၅၆၊၁၀ - “အသက်ရှင်သောသူသည်
မိမိသေရမည်ကို သိ၏။ သေသောသူမူကား၊ အဘယ်အရာကိုမျှ မသိ။ အကျိုးအပြစ်ကိုလည်း မခံရ။
သူ့ကိုလည်းမေ့လျော့တတ်ကြ၏။ သူ၏ချစ်ခြင်း၊ ငြူစူခြင်းလည်း ပျောက် ပျက်၏။ နေအောက်မှာ
ပြုသမျှသောအမှု၌ သူတပါးနှင့်ရောနှော၍ မဆိုင်ရ။” “ဆောင်ရွက်စရာရှိသမျှကို
ကြိုးစားအားထုတ်၍ဆောင်ရွက်လော့။ အကြောင်း မူကား၊ သင်ယခုသွား၍
ရောက်ရလတံ့သောအရပ်တည်းဟူသော မရဏာနိုင်ငံ ၌ လုပ်ဆောင်ခြင်းမရှိ။ ကြံစည်ခြင်းမရှိ။
သိပ္ပံအတတ်မရှိ။ ပညာမရှိပါ တကား။”
ဤပုံပမာသည် ကျွန်ုပ်တို့၏ထာ၀ရကံကြမ္မာကို
ဤဘ၀၌အဆုံးအဖြတ် ပေးရသည်ဖြစ်ကြောင်းသွန်သင်ခြင်းဖြစ်ပါသည်။သေလွန်ပြီးမှ
အလွန်နက်ရှိုင်း သော ချောက်ကြီးသည် ခြားထားလျက်ရှိပါသည်။
မိမိပိုင်ဆိုင်သောပစ္စည်းဖြင့် တန်ဖိုးဖြတ်ခြင်း ခံရသောသူတစ်ယောက်မျှမရှိပါ။
၂။ ကိုယ်ခန္ဓာနှင့်ကွာဝေး၍
သခင်ဘုရားထံတော်၌နေခြင်း၊
၂ ကောရိန်သု ၅း၁-၆ -
“ယာယီတဲဖြစ်သောငါတို့မြေအိမ်သည်ပျက် လျှင်၊ ကောင်းကင်ဘုံ၌ လူလက်ဖြင့်မလုပ်ဘဲ၊
ဘုရားသခင် ဖန်ဆင်းတော်မူ သော နိစ္စထာ၀ရ အိမ်ရှိကြောင်းကို ငါတို့သိကြ၏။ ငါတို့သည်
မြေအိမ်၌ရှိစဉ် တွင်၊ ကောင်းကင် အိမ်ထဲသို့ ဝင်စား ခြင်းငှာအလွန်တောင့်တလိုချင်သော
စိတ်ရှိ၍၊ ညည်းတွားမြည်တမ်းလျက်နေကြ၏။ ထိုသို့ဝင်စားလျှင် နေရာမဲ့ဖြစ် မည်မဟုတ်။
ဤတဲ၌နေသောငါတို့သည် လေးသောဝန်ကိုထမ်း၍ ညည်တွား မြည်တမ်းကြ၏။ နေရာထဲက
ထွက်ချင်သောကြောင့် ညည်းတွားသည်မဟုတ်။ သေတတ်သောအရာကိုအသက်ရှင်ခြင်း၌
ဆုံးရှုံးစေခြင်းငှာ၊ မြဲသောနေရာထဲ သို့ ဝင်စားချင်သောကြောင့် ညည်းတွားကြ၏။
ထိုသို့သောအကျိုးကိုခံစေခြင်း ငှာ ငါတို့ကိုပြင်ဆင်သောသူကား၊ ဘုရားသခင်ပေတည်း။
ထိုဘုရားသခင်သည် ဝိညာဉ်တော်တည်းဟူသောစားရန်ကို ငါတို့အား ပေးတော်မူပြီ။
ထို့ကြောင့် ငါတို့သည် ကိုယ်ခန္ဓာ၌ နေမြဲနေစဉ်ကာလ၊ သခင်ဘုရားနှင့် ကွာဝေးရာအရပ်
၌နေသည်ကို ငါတို့သည်သိလျက်၊ အစဉ်ရဲရင့်သောစိတ်ရှိကြ၏။”
ရှင်ပြန်ထမြောက်သောနေ့မှာ သေတတ်သောလူသည် မသေတတ်
သော ဘ၀သို့ကူးပြောင်းကာ၊ သေခြင်းသည် အောင်ခြင်း၌ နစ်မြုပ်မည်ဖြစ် သည်။
ထိုသို့ဖြစ်မည့်အချိန်ကို တမန်တော်ပေါလုက ဤသို့ရေးထားပါသည်။
၁ ကောရိန်သု ၁၅း၅၁-၅၄၊ “နက်နဲသောအရာတခုကို
ငါပြဦးမည်။ ငါတို့ရှိသမျှသည် အိပ်ပျော်ရကြမည်မဟုတ်။ သို့သော်လည်း နောက်ဆုံးသော
တံပိုးမှုတ်သောခါ၊ တခဏခြင်းတွင် မျက်စိတမှိတ်၌ ငါတို့ရှိသမျှသည်ပြောင်း
လဲခြင်းသို့ ရောက်ရကြမည်။ ထိုတံပိုးမှုတ်ချိန်ရောက်သောအခါ၊ သေလွန်သော သူတို့သည်၊
မပုပ်နိုင်သောအဖြစ်၌တည်လျက် ထမြောက်၍၊ ငါတို့ရှိသမျှသည်
ပြောင်းလဲခြင်းသို့ရောက်ရကြမည်။ ယခုမျက်မှောက်သေတတ်သောအရာသည် မသေနိုင်သော
အဖြစ်သို့ဝင်စားရမည်။ ဤပုပ်တတ်သောအရာသည် မပုပ်နိုင် သောအဖြစ်သို့၎င်း၊
ဤသေတတ်သောအရာသည် မသေနိုင်သောအဖြစ်သို့ ၎င်း၊ ဝင်စားသောအခါ၊ သေခြင်းသည်အောင်ခြင်း၌
နစ်မြုပ်ပြီဟု ကျမ်းစာလာ ချက်ပြည့်စုံလိမ့်မည်။”
“သခင်ဘုရားနှင့်အတူနေမြဲနေခြင်း”ငှာ၊
ခရစ်တော်ဒုတိယအကြိမ်ကြွ လာ၍ ရှင်ပြန်ထမြောက်ခြင်းနှင့်ပြောင်းလဲခြင်း အချိန်ကို
ကျွန်ုပ်တို့စောင့်နေရ ကြမည်။
၁ သက်သာလောနိတ် ၄း၁၇၊ “ထိုအခါအသက်ရှင်၍
ကျန်ကြွင်းသော ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေခြင်း ငှာ၊
ထိုသူတို့နှင့်တကွ မိုးတိမ်ပေါ်သို့ချီဆောင်ခြင်းကို ခံရသောအားဖြင့် သခင်
ဘုရားနှင့် အတူအစဉ်မပြတ် နေရကြလိမ့်မည်။”
၃။ စုတေ့(ထွက်ခွာ)၍ ခရစ်တော်နှင့်အတူနေခြင်း၊
ဖိလိပ္ပိ ၁း၂၀-၂၅ -
“ငါသည်အလျှင်းရှက်ကြောက်ခြင်းမရှိ၊ ရဲရင့်ခြင်း နှင့် ပြည်စုံ၍ အသက်ရှင်သည်ဖြစ်စေ၊
သေသည်ဖြစ်စေ၊ ငါ့ကိုယ်ခန္ဓာ၌ ခရစ် တော်သည်
အစဉ်မပြတ်ဂုဏ်အသရေထင်ရှားတော်မူသကဲ့သို့၊ ယခုပင်ထင်ရှား တော်မူမည်ဟု
ငါမြော်လင့်အားကြီး၍ တောင့်တသည်နှင့်အညီ၊ . . . ငါ အသက်ရှင်သည်အရာမှာ
ခရစ်တော်ဖြစ်၏။ သေလျှင်မူကား၊ သာ၍အကျိုးရှိ ၏။ ဤကိုယ်ခန္ဓာ၌ ငါသည် အသက်ရှင်လျှင်၊
ငါပြုသောအမှု၏အကျိုးကား ထိုသို့သောအကျိုးဖြစ်၏။ သို့သော်လည်း အဘယ်အကျိုးကို
ရွေးယူရမည်ဟု ငါမသိ။ ထိုအကျိုးနှစ်ပါး၏ အကြား၌ ငါသည်ယခုကျဉ်းမြောင်းစွာနေရ၏။
စုတေ့၍ ခရစ်တော်နှင့်အတူ နေခြင်းငှာ တောင့်တလိုချင်သောစိတ်ရှိ၏။ သာ၍
အလွန်ထူးမြတ်သောအကျိုးဖြစ်၏။ သို့သော်လည်း ကိုယ်ခန္ဓာ၌နေရ လျှင် သင်တို့၌သာ၍
အကျိုးရှိလိမ့်မည်။ ထိုသို့ ရှိလိမ့်မည်ဟု ယုံမှားခြင်းနှင့် ကင်းလွတ်သည်ဖြစ်၍၊
... သင်တို့သည် ယုံကြည်ခြင်း၌ တိုးပွား ဝမ်းမြောက် မည်အကြောင်း ငါသည် ကိုယ်ခန္ဓာ၌
နေ၍ သင်တို့ရှိသမျှနှင့်ပေါင်းဖော်ရမည် ဟု ငါသိ၏။”
တမန်တော်၏အထက်ပါပြောဆိုချက်များကို
ကျမ်းစာ၌အများအားဖြင့် သူသွန်သင်သောအချက်များနှင့်တွဲ၍ အနက်ဖွင့်ရပါမည်။
ခရစ်တော်နှင့်အတူ နေခြင်းနှင့်စပ်လျဉ်း၍ သူသည်အချက်မြောက်မြားစွာ ရေးသားထားပါသည်။
သက်သာလောနိတ် ၄း၁၃-၁၈ ကိုဖတ်ပါ။ ရှင်ပြန်ထမြောက်ခြင်းဖြင့်လည်း ကောင်း ပြောင်းလဲခြင်းဖြင့်လည်းကောင်း၊
ဒုတိယအကြိမ် ခရစ်တော်ကြွလာ သောအခါ ဘုရားသခင်၏ လူတို့သည် ခရစ်တော်နှင့်အတူနေရကြမည်။
(၁ ကောရိန်သု ၁၅း၅၁-၅၄)။
ရှင်ပြန်ထမြောက်ခြင်းတွင် မသေနိုင်သောအဖြစ်သည်
ဘုရားသခင်၏ လူတို့၌ရောက်ရှိလာသည်ဟု တမန်တော်ပေါလု ဆိုခဲ့ပါသည်။ ကျွန်ုပ်တို့သည်
တံပိုးမှုတ်သောအခါ တခဏခြင်းတွင် မျက်စိတမှိတ်၌ပြောင်းလဲရကြမည်။
ကောလောသဲ ၃း၄ - “ငါတို့အသက်ဖြစ်သောခရစ်တော်သည်
ထင်ရှား တော်မူသောအခါ၊ ငါတို့သည်လည်းထိုသခင်နှင့်အတူ ဘုန်းကြီး၍ ထင်ရှားကြ လတံ့။”
“ထိုအခါ ငါတို့သည်ကိုယ်တော်နှင့်အတူ (ကြွလာသောအခါ) ထင်ရှား ရကြမည်။
၂ တိမောသေ ၄း၈၊ “ထိုနေ့ရက်၌”
“ဖြောင့်မတ်ခြင်းသရဖူ” ကိုငါ၌ အပ်ပေးတော်မူမည်။
၄။ လက်ဝါးကပ်တိုင်၌ယေရှုနှင့်အတူ
ကွပ်မျက်ခြင်းခံရသောဓားပြ၊
လုကာ ၂၃း၃၉-၄၅ - “တစ်ပိုဒ်လုံးကိုဖတ်ပါ။
ပုဒ်မငယ်ထားဖို့နေရာ များ ဘုရားသခင်သတ်မှတ်ပေးခြင်းမရှိပါ။ “ယနေ့တွင်”
ဟူသောစကားစုကို “ငါအမှန်ဆိုသည်ကား” ဟူသောစကားစု၏အရှေ့ (အစ) တွင်ထားမှသာ၊
အခြားကျမ်းချက်များနှင့်ကိုက်ညီမှုရှိ မည်ဖြစ်သည်။ ဇာခရိ ၉း၁၂၊ ဟေဗြဲ ၃း၇၊ ၁၅။ ၄း၇။
၅း၅ တို့၌ “ယနေ့တွင်^ပင်” ဟူသောစကားစုသုံးနှုန်းထားပုံကို ကြည့်ပါ။
မှတ်ချက်။ ထိုနေ့တွင်သခင်ယေရှု
ပါရဒိသုဘုံ၌မရှိသေးပါ။ အသက် ပင်သည် ပါရဒိသုဘုံ၌ရှိသည် (ဗျာဒိတ် ၂း၇)။
ထိုအသက်ပင်သည် ပလ္လင် တော်နား၌ ရှိသည် (ဗျာဒိတ် ၂၂း၁၊ ၂)။ ပါရဒိသုဘုံသည် ထာ၀ရဘုရား
ကျိန်းဝပ်တော်မူရာ တတိယကောင်းကင်ဘုံဖြစ်သည်(၂ ကောရိန်သု ၁၂း၁-၄)။
သခင်ယေရှုသည် ခမည်းတော်ထံသို့
သူမရောက်ရှိသေးကြောင်း နောက်သုံးရက်အကြာတွင် ဖော်ပြပြောဆိုပါသည် (ယောဟန် ၂ဝး၁၇)။
ထို့ပြင် မက၊ ထိုနေ့တွင် ဓားပြမသေသေးပါ (ယောဟန် ၁၉း၃၁-၃၇)။ သမ္မာကျမ်းစာ
မှတ်တမ်းအရ ဝတ်ပြုရာ ၂၃း၃၂)။ ဓားပြနှစ်ယောက်တို့ အသက်မသေသေး သောကြောင့်၊ ကားတိုင်တင်သော(ကွပ်မျက်ရာ)နေ့
နေမဝင်မီ စစ်သားတို့ သည် ထိုသူတို့၏ ခြေထောက်ကို ရိုက်ချိုးလိုက်ပါသည်။
၅။ ထောင်ထဲမှာ လှောင်ထားသောဝိညာဉ်တို့၊
၁ ပေတရု ၃း၁၈-၂၀၊ “ခရစ်တော်သည်
ကိုယ်ခန္ဓာအားဖြင့် အသေ သတ်ခြင်းကို ခံ၍၊ ဝိညာဉ်တော်အားဖြင့် အသက်ရှင်ခြင်းသို့
ရောက်တော်မူ သည်ဖြစ်၍၊ ငါတို့ကိုဘုရားသခင့်အထံတော်သို့ ပို့ဆောင်ခြင်းငှာ၊
ဖြောင့်မတ် တော်မူသောသူသည်၊ မဖြောင့်မတ်သောသူတို့အတွက် ဒုစရိုက်အပြစ်များ ကြောင့်
တခါခံတော်မူ၏။ ထိုဝိညာဉ်တော်အားဖြင့်လည်း ကြွသွားတော်မူ၍၊
(ယခု)ထောင်ထဲမှာလှောင်ထားသော ဝိညာဉ်တို hအား
တရားဟောတော်မူ၏။ ထိုဝိညာဉ်တို hမူကား၊ ရှေးကာလ
နောဧလက်ထက်၌၊ နည်းသောသူတည်းဟူ သော လူရှစ်ယောက်တို့ကို ရေအားဖြင့်
ကယ်ဆယ်သောသင်္ဘောကို တည်လုပ် စဉ်တွင်၊ ဘုရားသခင်၏ ခန္တီတော်သည်
ဆိုင်းလင့်တော်မူသော်လည်း၊ နားမထောင်သောဝိညာဉ်ဖြစ်သတည်း။” ခရစ်တော်သည်
ဝိညာဉ်တော်အား ဖြင့် ခေတ်အဆက်ဆက်တွင် အပြစ်သားများအားတရား ဟောတော်မူသည် (၁ ပေတရု
၁း၁၀-၁၂။ ရောမ ၁း၄။ ၈း၁၁)။
အားလုံးသော အပြစ်သားများသည် အပြစ်ထောင်ထဲ၌
ရှိနေကြသည် (ရောမ ၇း၁၄။ ဂလာတိ ၃း၂၂။ ၅း၁၆၊ ၁၇။ ၂ ပေတရု ၂း၁၉)။
မြေကြီးပေါ်၌ကယ်တင်ရှင်ရှိနေစဉ်၊
အပြစ်ထောင်ထဲ၌ရှိသော ထောင် သားများကို ကိုယ်တော်သည် မိမိဟောတော်မူသော
တရားတော်ဖြင့် လွှတ် တော်မူသည်။ (ဂလာတိ ၅း၁)။
လုကာ ၄း၁၆ - “ကြီးပွားတော်မူရာနာဇရက်မြို့သို့
ရောက်ပြန်လျှင်၊ ထုံးစံတော်ရှိသည်အတိုင်း ဥပုသ်နေ့၌ တရားစရပ်သို့ဝင်၍
ကျမ်းစာကိုဖတ် ရွတ်ခြင်းငှာ ထတော်မူ၏။” ကိုယ်တော်ဖတ်သောကျမ်းပိုဒ် ယေရှာယ ၆၁း၁
ကိုဖတ်ပါ။
ဤကျမ်းစာကို သခင်ယေရှုဖတ်ပြပြီးသွားသောအခါ၊
“ယနေ့ပင် ဤကျမ်းစာချက်သည် သင်တို့ကြားသည်အတိုင်း ပြည့်စုံလေပြီ၊” ဟုပြောဆိုခဲ့ သည်
(လုကာ ၄း၂၁)။ ထိုဥပုသ်နေ့၌ပင် ထိုအနာဂတ်စကားဖြစ်သော ယေရှာ ယ ၆၁
ပြည့်စုံပြီဖြစ်သည်။ ထောင်တံခါးပွင့်လာလျက် အပြစ်နှင့်အပြစ်ဒဏ် နှောင်ကြိုးမှ
ထောင်သားများ လွတ်လာပြီဖြစ်သည်။ (ယောဟန် ၈း၃၂၊ ၃၆)။
ရေကြီး၍ ရေမလွှမ်းမိုးမီ
အပြစ်ထောင်ထဲ၌ရှိသောသူများအား နောဧ မှတဆင့် ခရစ်တော်၏ဝိညာဉ်တော်သည် တရားဟောခဲ့သည်။
၂ ပေတရု ၂း၅ - “ရှေးကမ္ဘာကိုလည်းနှမြောတော်မမူ။
ဖြောင့်မတ်ခြင်း တရားကိုဟောသော နောဧနှင့် လူခုနစ်ယောက်တို့ကို စောင့်မတော်မူ၍၊
ဘုရားကို မကိုးကွယ်သောလောကီသားအပေါင်းတို့ကို ရေလွှမ်းမိုးစေတော်မူ ၏။” (ဟေဗြဲ
၁၁း၇။ ရောမ ၈း၁၊ ၂။ ကမ္ဘာဦး ၆း၃)။
ထောင်ထဲမှာရှိသောဝိညာဉ်များသည်
ခန္ဓာကိုယ်(ရုပ်)မရှိသော ဝိညာဉ် (နာမ်) များမဟုတ်။
ဟေဗြဲ ၁၂း၉၊၂၃၊
“ကိုယ်ကာယနှင့်စပ်ဆိုင်သောအဘတို့၏ဆုံးမခြင်း ကို ငါတို့သည်ခံရသောအခါ၊
သူတို့ကိုရိုသေကြ၏။ ထိုမျှမက၊ စိတ်ဝိညာဉ်တို့၏ အဘ အလိုသို့လိုက်၍
အသက်ချမ်းသာရကြမည်မဟုတ်လော။” “ကောင်း ကင်စာရင်း၌ ဝင်သော သားဦးတို့၏
အသင်းတော်သို့၎င်း၊ ခပ်သိမ်းသော သူ တို့ကို တရားစီရင်တော်မူသော
ဘုရားသခင်အထံတော်သို h၎င်း၊ စုံလင်ခြင်းသို့ ရောက်သော
သူတော်ကောင်းတို့၏ စိတ်ဝိညာဉ်တို့ထံသို့၎င်း” (တောလည်ရာ ၁၆း၂၂။ ၂၇း၁၆)။
ဤကျမ်းချက်များကို လေ့လာပြီးသွားသောအခါ၊ “ထောင် ထဲမှာရှိသောဝိညာဉ်များ”
သည်မြေကြီးပေါ်၌ အသက်ရှင်လျက်ရှိသော သူ များကို ဆိုလိုခြင်းဖြစ်ကြောင်း
သဘောပေါက်ကြပါလိမ့်မည်။
ယခုဘ၀အတွက် အသက်ရှင်နေစဉ်တွင်သာ၊
လူသည်ဧဝံဂေလိတရား ကို ကြားနာ၍ကယ်တင်ခြင်းကို လက်ခံနိုင်ပါသည်။
ဟေဗြဲ ၉း၂၇၊ “လူသည်တခါတည်းသေ၍၊
ထိုနောက်မှတရားစီရင် တော်မူခြင်းကိုခံရသကဲ့သို့၊” (ဒေသနာ ၉း၅၊ ၁၀)။
အခန်းကြီး - ၄၄
၄၄။ စာတန်နှင့်ကျဆုံးသောကောင်းကင်တမန်များ
SATAN
AND HIS FALLEN ANGELS
လူသားမိသားစုအပြင်၊ အပြစ်ဒုစရိုက်ပြုသော
အခြားသူများရှိပါ သလား။
၂ ပေတရု ၂း၄၊ “ပြစ်မှားသော
ကောင်းကင်တမန်တို့ကို ဘုရားသခင် သည် နှမြောတော်မမူ။ ငရဲထဲသို့ချလိုက်ပြီးမှ
စစ်ကြောစီရင်ခြင်းငှာ ချုပ်ထား ၍၊ မှောင်မိုက်သံကြိုးနှင့်ချည်နှောင်တော်မူ၏။”
ပြစ်မှားသောကောင်းကင်တမန်တို့ကို
မည်သူဦးဆောင်ပါသနည်း။
မဿဲ ၂၅း၄၁ - “ထိုအခါ
လက်ဝဲတော်ဘက်၌ရှိသောသူတို့အား မင်းကြီးက၊ ကျိန်ခြင်းခံရသောသူတို့ မာရ်နတ်နှင့်သူ၏
တမန်တို့အဖို့ပြင်ဆင်
သော ထာ၀ရမီးထဲသို့ ငါ့ထံမှခွာသွားကြလော့။”
စာတန်မာရ်နတ်မည်သည့်နေရာမှ ကျဆုံးပါသနည်း။
လုကာ ၁ဝး၁၈ - “ယေရှုကလည်း၊ စာတန်သည်
လျှပ်စစ်ကဲ့သို့ ကောင်းကင်မှကျသည်ကို ငါမြင်ပြီ။”
ဗျာဒိတ် ၁၂း၇-၉ - “ကောင်းကင်၌စစ်ဖြစ်၏။
မိက္ခေလနှင့် သူ၏ ကောင်းကင်တမန်တို့သည်နဂါးကိုစစ်တိုက်ကြ၏။
နဂါးနှင့်သူ၏တမန်တို့သည် စစ်တိုက်၍မနိုင်ကြ။ကောင်းကင်၌လည်းသူတို့နေစရာမရှိ။ထိုအခါ
ဤလောက တနိုင်ငံလုံးကို လှည့်ဖြား၍ မာရ်နတ်စာတန်အမည်ရှိသော ရှေးမြွေဟောင်း
တည်းဟူသောနဂါးကြီးကို၎င်း၊ သူနှင့်အတူသူ၏တမန်တို့ကို၎င်း၊ မြေကြီးသို့
ချလိုက်ကြ၏။”
ကောင်းကင်၌သူသည်မည်သည့်ရာထူးရှိပါသနည်း။
ယေဇကျေလ ၂၈း၁၄၊ “သင်သည်ဖြန့်၍ လွှမ်းမိုးသော
ခေရုဗိမ်ဖြစ် လျက်၊ ငါအခွင့်နှင့်ဘုရားသခင်၏ သန့်ရှင်းသော တောင်ပေါ်မှာ နေရာကျ၍
မီးတောက်သော ကျောက်တို့တွင် သွားလာရ၏။”
မှတ်ချက်။ မောရှေဆောက်လုပ်ခဲ့သော
မြေကြီးဆိုင်ရာ သန့်ရှင်းရာ ဌာန၌ ရွှေဖြင့်လုပ်ထားသော ပဋိညာဉ် သေတ္တာ၏အပေါ်
တစ်ဘက်တစ်ချက် ၌ ကရုဏာပလ္လင်ကို မိုးထားလျက်ရွှေခေရုဗိမ်ရုပ်နှစ်ခုကို
မျက်နှာချင်းဆိုင်တင် ထားသည် (ဟေဗြဲ ၉း၃-၅။ ထွက်မြောက်ရာ ၂၅း၁၆-၂၂)။ ၎င်းသည်
ကောင်းကင်၌ ရှိသောအရာတို့၏ ပုံတူအထိမ်းအမှတ်ဖြစ်သည် (ဟေဗြဲ ၉း၂၃။ ဗျာဒိတ် ၁၁း၁၉)။
မြေကြီးဆိုင်ရာ သန့်ရှင်းရာဌာန၌ရှိသော ခေရုဗိမ်နှစ်ခု အကြားမှ ဘုရားသခင်ရှိနေခြင်း
ထင်ရှားခြင်းသည် ကောင်းကင်ဘုံရှိ အသက် ရှင်သောခေရုဗိမ်တို့အကြားရှိ ဘုရားသခင်၏
ပလ္လင်တော်ရှိနေခြင်း၏ အမှတ် လက္ခဏာဖြစ်သည်။ လူစီဖာ (နံနက်သား မိုးသောက်ကြယ်) ခေါ်
စာတန်မာရ် နတ်သည် ဘုရားသခင်၏ ပလ္လင်တော်နားတွင် မြင့်မြတ်သောရာထူးနေရာ ရရှိခဲ့သည်။
ကျဆုံးချိန်မှစ၍ စာတန်၏အကျင့်စရိုက်သည်
ဆိုးသွမ်းလာခဲ့သည်။ ဖြစ်သည့်အလျောက် သင်တို့အဘ၏အလိုသို့ လိုက်တတ်ကြ၏။ သူသည် အစ
အဦး၌ပင် လူကိုသတ်သောသူဖြစ်၏။ သူ၌သစ္စာတရားမရှိသောကြောင့် သစ္စာ တရား၌မတည်။
သူသည်မုသာစကားပြောသောအခါ မိမိပကတိအတိုင်း ပြော ၏။ သူသည်လူညာဖြစ်၍ လူညာတို့၏အဘလည်းဖြစ်၏။”
၁ ယောဟန် ၃း၈၊ “မာရ်နတ်သည် ရှေးဦးစွာမှစ၍
ဒုစရိုက်ကို ပြုသော ကြောင့်၊ ဒုစရိုက်ပြုသောသူသည်မာရ်နတ်နှင့်ဆိုင်သောသူဖြစ်၏။
မာရ်နတ်၏ အမှုကို ပယ်ဖျက်ခြင်းငှာ ဘုရားသခင်၏သားတော်သည် ထင်ရှား ပေါ်ထွန်း
တော်မူ၏။”
မြေကြီးပေါ်တွင် ခရစ်တော်သည်
အမှုတော်ဆောင်ရွက်နေစဉ်၊ စာတန်က သူအားဆန့်ကျင်ခဲ့ပါသည်။
မဿဲ ၂း၁၃-၂၁ - ကလေးသူငယ်ဘ၀၌ပင်
သတ်ဖြတ်ရန်ကြိုးစားခဲ့ သည်။
မဿဲ ၄း၁-၁၁ - အပြစ်လုပ်ရန်
သွေးဆောင်ဖြားယောင်းခဲ့သည်။
ဟေဗြဲ ၂း၁၄ - ခရစ်တော်၏ရည်ရွယ်ချက်မှာ
စာတန်ကိုဖျက်ဆီးပစ်ဖို့ ဖြစ်သည်။
ယောဟန် ၁၂း၃၁ - စာတန်ကို “လောကကို
အစိုးရသောမင်း” ဟု ခေါ်ဆိုသည်။
နောက်ဆုံးသောကာလ၌ ဘုရားသခင်၏လူတို့အား
စာတန်တိုက်ခိုက် မည် ဖြစ်သည်။
ဗျာဒိတ် ၁၂း၁၇၊ “နဂါးသည် မိန်းမကိုအငြိုးထား၏။
ဘုရားသခင်၏ ပညတ်တော်တို့ကိုကျင့်၍၊ ယေရှု၏သက်သေခံတော်မူချက်ကို စွဲလမ်းသော
သူတည်းဟူသော၊ ထိုမိန်းမ၌ကြွင်းသောအမျိုးအနွှယ်ကို စစ်တိုက်ခြင်းငှာ သွား၏။”
(ဗျာဒိတ် ၁၆း၁၄)။
ငရဲမီးအိုင်၌ စာတန်သည် ဖျက်ဆီးပစ်ခြင်းခံရမည်
(ယေဇကျေလ ၂၈း၁)။
ဗျာဒိတ် ၂ဝး၇-၉။ မ ၂၅း၄၁။ မာလခိ ၄း၁)။
မှတ်ချက်။ စာတန်သည်
အဓမ္မအမှုအားလုံး၏အရင်းအမြစ် ဖြစ်သည်။ သူ့စိတ်တွင်းမှ အပြစ်ဒုစရိုက်
စတင်ဖြစ်ပေါ်လာသည်။
စာတန်ကိုမည်သို့ခုခံတွန်းလှန်ရမည်နည်း
၁ ပေတရု ၅း၈၊ ၉ - “သမ္မာသတိရှိလျက်
မအိပ်ဘဲစောင့်နေကြလော့။ အကြောင်းမူကား၊ သင်တို့၏ရန်သူမာရ်နတ်သည်
ဟောက်သောခြင်္သေ့ကဲ့သို့ အဘယ်သူကို မျိုရမည်နည်းဟူ၍ လှည့်လည်ရှာဖွေလျက်ရှိ၏။
သို့ဖြစ်၍ အရပ်ရပ်၌ရှိသော သင်တို့ ညီအစ်ကိုများတို့သည်
ထိုသို့သောဆင်းရဲဒုက္ခကိုခံရ သည်ဟု သိမှတ်လျက်၊ ယုံကြည်ခြင်း၌တည်၍
မာရ်နတ်ကိုဆီးတားကြလော့။”
ယာကုပ် ၄း၇ – “ဘုရားသခင်၏အလိုတော်သို့
လိုက်ကြလော့။ မာရ် နတ်ကိုဆီးတားကြလော့။ သို့ပြုလျှင် သူသည်သင်တို့ထံမှ
ပြေးသွားလိမ့်မည်။”
သခင်ယေရှုကို စာတန်မာရ်နတ်သွေးဆောင်သောအခါ၊
“ကျမ်းစာ လာသည်၊” ဟူသောစကားကို သခင်ယေရှုအသုံးပြု သကဲ့သို့ ကျွန်ုပ်တို့လည်း
အသုံးပြုရပါမည် (မဿဲ ၄း၄-၁၀)။
သမ္မာကျမ်းစာတွင် အသုံးပြုသောစာတန်၏နာမည်များ
“ညီအစ်ကိုများကို အပြစ်တင်သောရန်သူ”- ဗျာဒိတ် ၁၂း၁၀။
“တရားတွေ့ဘက်” - လုကာ ၁၂း၅၈။
“ဘိသိက်ခံသောခေရုဗိမ်” - ယေဇကျေလ
၂၈း၁၄။
“ဗေလဇေဗုလ” - မဿဲ ၁၂း၂၄။
“မာရ်နတ်” - မဿဲ ၄း၁။
ဓမ္မသစ်ကျမ်းစာ၌ ၃၅ ကြိမ်ပါရှိသည်။
“ကမ္ဘာတဝန်းလုံးကိုလှည့်ဖြားသောသူ” - ဗျာဒိတ်
၁၂၉။
“နဂါး” - ဗျာဒိတ် ၂ဝး၂။
“ရန်သူ” - မဿဲ ၁၃း၃၉။
“မုသာ၏အဘ” - ယောဟန် ၈း၄၄။
“ဤလောက၏ဘုရား” - ၂ ကောရိန်သု ၄း၄။
“မုသာစကားပြောသောသူ” - ယောဟန်
၈း၄၄။
“မိုးသောက်ကြယ်” - ယေရှာယ
၁၄း၁၂။
“လူကိုသတ်သောသူ” - ယောဟန်
၈း၄၄။
“ရှေးမြွေဟောင်း” - ဗျာဒိတ်
၁၂း၉။
“နတ်ဆိုးအကြီးအကဲ” - မဿဲ
၉း၃၄။
“ကောင်းကင်တန်ခိုးအစိုးရသောမင်း” - ဧဖက်
၂း၂။
“လောကကိုအစိုးရသောမင်း” - ယောဟန်
၁၄း၃၀။
“ဟောက်သောခြင်္သေ့” - ၁
ပေတရု ၅း၈။
“မှောင်မိုက်ကိုအစိုးရသောမင်း” - ဧဖက်
၆း၁၂။
“စာတန်” - ၁ ရာဇဝင်ချုပ် ၂၁း၁။
ဓမ္မဟောင်းကျမ်းစာ၌ ၁၅ ကြိမ်၊ ဓမ္မသစ်ကျမ်း၌ ၃၅
ကြိမ် အသုံးပြုထားသည်။
“စုံစမ်းသွေးဆောင်သူ” - မဿဲ ၄း၃။
“မာရ်နတ်^အဓမ္မလူ” - ၁ ယောဟန် ၃း၁၂။
စာတန်၏ကျဆုံးသောတမန်များ
ဗျာဒိတ် ၁၂း၉၊ “နဂါးကြီးကိုပစ်ချသည် (၂ ပေတရု
၂း၄)။ ၎င်းဝိညာဉ် ဆိုးများကို “နတ်ဆိုးများ” “မကောင်းဆိုးဝါးများ” ဟုသမ္မာကျမ်းစာက
ခေါ် ဝေါ်သမုတ်ထားသည်။ သူတို့သည် ခရစ်တော်၏ အမှုတော်လုပ်ငန်းကို အမြဲ တမ်းဆန့်ကျင်
လျက်ရှိသည်။
မာကု ၅း၉။ “ကိုယ်တော်ကလည်း၊ “သင်သည်
အဘယ်အမည်ရှိ သနည်းဟု မေးတော်မူလျှင်၊ အကျွန်ုပ်အမည်ကား၊ လေဂေါင် ဖြစ်ပါ၏။
အကျွန်ုပ်တို့သည် အများဖြစ်ကြပါ၏၊” ဟုလျှောက်ပြီးမှ၊”
မဿဲ ၈း၂၉၊ “ဘုရားသခင်၏သားတော်ယေရှု၊
ကိုယ်တော်သည် အကျွန်ုပ်တို့နှင့် အဘယ်သို့ဆိုင်သနည်း၊ အချိန်မရောက်မီ
အကျွန်ုပ်တို့ကို ညှဉ်းဆဲခြင်းငှာ ကြွလာတော်မူသလော၊ ဟုအော်ဟစ်၍လျှောက်ကြ၏။”
နတ်ဆိုးတို့သည် တစ်နေ့သောအခါ
မိမိတို့ဖျက်ဆီးပစ်ခြင်းခံရမည် ဖြစ် ကြောင်းကို သိသောကြောင့်၊ “အချိန်မရောက်မီ
အကျွန်ုပ်တို့ကို ညှဉ်းဆဲရန် ကြွလာတော်မူသလား၊” ဟုမေးလိုက်ခြင်းဖြစ်ပါသည်။
ကြီးစွာသောနေ့ရက်၌ တရားစီရင်ခြင်းကို
ရင်ဆိုင်ရန်ကောင်းကင်မှ ၎င်းနတ်ဆိုးများသည် နှင်ထုတ်ခြင်းခံရပါသည်။
ယုဒ ၁း၆၊ “မိမိတို့အခွင့်အရာကိုမစောင့်၊
မိမိတို့နေရာ အရပ်ကိုစွန့်ပစ် သော ကောင်းကင်တမန်တို့ကို၊ ကြီးစွာသောနေ့၌
စစ်ကြောစီရင်ဖို့ရန်၊ ထာ၀ရ ချည်နှောင်ခြင်းအားဖြင့် မှောင်မိုက်ထဲမှာ
ချုပ်ထားတော်မူ၏။” (၂ ပေတရု ၂း၄)။
ဤကောင်းကင်တမန်တို့သည် ဘုရားသခင်၏
အခွင့်အာဏာတော်ကို တိုက်ခံခဲ့ဖူးပါသည်။ (ဗျာဒိတ် ၁၂း၇၊ ၈)။
သူတို့၏ခေါင်းဆောင်ဖြစ်သော စာတန်သည် လူ့လောကတခုလုံးကို လှည့်ဖြားဖို့ဖြစ်ပါသည်
(ဗျာဒိတ် ၁၂း၉)။
စာတန်နှင့်သူ၏တမန်တို့သည် လူသားများကို
ကျွန်ပြုရန်မည်သို့ ကြိုး စားကြပါသနည်း။
အဆိုးကိုလုပ်ကြရန် လူတို့ကို
ပထမဦးဆုံးလှည့်ဖြားသွေးဆောင်သည်။
၂ ကောရိန်သု ၁၁း၃ - “မြွေသည်
မိမိပရိယာယ်အားဖြင့် ဧ၀ကို လှည့်စားသကဲ့သို့၊ သင်တို့သည် စိတ်ဆွေးမြေ့ယိုယွင်း၍၊
ခရစ်တော်ကို အကြွင်းမဲ့ချစ်သော စိတ်ပျောက်မည်ဟု စိုးရိမ်ခြင်းရှိ၏။”
နောက်ဆုံးသောကာလ၌ ဝိညာဉ်ဆိုးတို့၏
မည်သည့်အထူးလှုပ်ရှားမှု များ ကို သတိထားရန်ကျွန်ုပ်တို့အား သတိပေးထားခြင်း
ရှိပါသနည်း။
၁။ နတ်ဆိုးတို့၏ဩဝါဒများ၊
၁ တိမောသေ ၄း၁၊ “နောင်ကာလ၌ လူအချို့တို့သည်
ယုံကြည်ခြင်းမှ လွှဲသွား၍၊ လှည့်ဖြားတတ်သောဝိညာဉ်တို့နှင့် နတ်ဆိုးတို့၏
ဩဝါဒများကို အာရုံစိုက်ကြလိမ့်မည်ဟု ဝိညာဉ်တော်သည် အတည့်အလင်းဟောထားတော်မူ ၏။”
၂။ အပြည်ပြည်ဆိုင်ရာ ဒုက္ခဆင်းရဲများ၊
ဗျာဒိတ် ၁၆း၁၄၊ “၎င်းတို hသည် နိမိတ်လက္ခဏာတို hကို ပြသော နတ်ဆိုးတို့၏ဝိညာဉ်များဖြစ်လျက်၊
အနန္တတန်ခိုးရှင် ဘုရားသခင်၏နေ့ကြီး၌ ဖြစ်သော တိုက်ပွဲအတွက် ကမ္ဘာလောကတခွင်လုံးရှိ
ရှင်ဘုရင်များကို စုဝေးစေရန်သွားသော ဝိညာဉ်များဖြစ်ကြ၏။”
ဓမ္မသစ်ကျမ်း၌ “နတ်ဆိုးများ” “မကောင်းဆိုးဝါး”
ဟုခေါ်ဆိုသော၊ ကျဆုံးသော ကောင်းကင်တမန်များသည်
နံဝိညာဉ် ဝါဒ၏ ဝိညာဉ်များ၊ ဗသ လွန်သော သူတို့၏ ဝိညာဉ်များဖြစ်သည်ဟု အလွဲယူဆကြသော
ဝိညာဉ်များ ဖြစ်သည်။ ထိုသို့အားဖြင့် စာတန်၏ပထမမုသားစကားအမှန်ကဲ့သို့ဖြစ်သွားစေ
ပါသည်။ ကောင်းမကောင်းသိကျွမ်းရာအပင်၏ အသီးကို မစားရန် ဘုရား သခင်သည် လူကို
အမိန့်ပေးတော်မူခဲ့သည်။ “သင်သည်စားလျှင်၊ စားသော နေ့တွင် ဧကန်အမှန် သေရမည်၊”
ဟုဆိုပါသည် (ကမ္ဘာဦး ၂း၁၇)။ စာတန် သည် မြွေကိုကြားခံအဖြစ် အသုံးပြုလျက်၊
“သင်တို့သည် ဧကန်အမှန်သေရ မည် မဟုတ်၊” ဟုဆိုပါသည် (ကမ္ဘာဦး ၃း၄)။
နံဝိညာဉ်ဝါဒသည် အလွန်ပင်ရှေးကျခဲ့ပါသည်။
ဝတ်ပြုရာ ၁၉း၃၁၊ “သူတို့အားဖြင့်
ကိုယ်ကိုညစ်ညူးစေခြင်းငှာ၊ နတ် ဝင် (ဝိညာဉ်အရောဝင်)သူတို့ကို မမှီဝဲရ။
စုန်းလုပ်သူကိုလည်း မရှာဖွေရ။ ငါသည် သင်တို့၏ ဘုရားသခင်ထာ၀ရဘုရားဖြစ်၏။”
မှတ်ချက်။ ခရစ်တော်မတိုင်မီ
နှစ်ပေါင်းတစ်ထောင်ကျော်ကပင် ဝိညာဉ်အရောဝင်သူတို့နှင့် မဆက်ဆံရန်
ဘုရားသခင်တားမြစ်တော်မူခဲ့သည်။ ထိုသို hပြုလုပ်ခြင်းသည်
ဘုရားသခင်ရှေ့တော်၌ ရွံရှာဖွယ်ဖြစ်ပါသည် (တရား ဟောရာ ၁၈း၁၀-၁၂)။
အလွန်စက်ဆုပ်ရွံရှာဖွယ်ဖြစ်သောကြောင့် အစ္စရေးတို့
၏သီအိုကရေစီခေတ်တွင်သေခြင်းအပြစ်ဒဏ်ချခဲ့ပါသည်(ဝတ်ပြုရာ ၂ဝး၂၇)။
ယုံကြည်သူများသည်
ဝိညာဉ်အရောဝင်သူတို့ကိုဆည်းကပ်ခြင်းမပြုဘဲ၊ ဘုရားသခင်၏နှုတ်ကပတ်တော်ကိုသာ
ဆည်းကပ်ရပါမည်။
ယေရှာယ ၈း၁၉၊၂၀၊ “နတ်ဝင်သူတို့နှင့်ပြုကြည့်၍
တတွတ်တွတ် ရေရွတ်သော စုန်းဝိဇ္ဇာတို့ကို ဆည်းကပ်ကြလော့ဟု သင်တို့အားဆိုကြလျှင်၊
လူတို့သည်မိမိတို့၏ ဘုရားသခင်၌ မဆည်းကပ်အပ်သလော၊ အသက်ရှင် သောသူ၏ အမှုမှာ သေသောသူ၌
ဆည်းကပ်အပ်သလော။ တရားတော်နှင့် သက်သေခံတော်မူချက်တို့ကို နားထောင်ကြကုန်အံ့။
သူတို့ပြောသောစကား သည် နှုတ်ကပတ်တော်နှင့်မညီလျှင် သူတို့၌အလင်းမရှိ။”
သေသောသူသည်
အသက်ရှင်သောသူနှင့်စကားပြောဆက်သွယ်ခြင်း မပြုနိုင်ဟု သမ္မာကျမ်းစာက ဆိုထားပါသည်
(ဒေသနာ ၉း၆။ ယောဘ ၇း၁၀)၊ လူသည် သေသောအခါ မည်သည့် အရာကိုမျှ မသိသောကြောင့် အသက်ရှင်
သော သူနှင့်စကားပြော ဆက်သွယ်ခြင်းမပြုနိုင်ပါ။
ဒေသနာ ၉း၅၊၆၊ “အသက်ရှင်သောသူသည်
မိမိသေရမည်ကိုသိ၏။ သေသောသူမူကား၊ အဘယ်အရာကိုမျှမသိ။ အကျိုးအပြစ်ကိုလည်းမခံရ၊
သူ့ကိုလည်း မေ့လျော့တတ်ကြ၏။ သူ၏ချစ်ခြင်း၊ မုန်းခြင်း၊ ငြူစူခြင်းလည်း
ပျောက်ပျက်၏။ နေအောက်မှာ ပြုသမျှသောအမှု၌ သူတပါးနှင့်ရောနှော၍ မဆိုင်ရ။”
ယောဘ ၁၄း၂၀၊၂၁ - “လူကိုအစဉ်နိုင်တော်မူ၍၊
လူသည်ကွယ် ပျောက်တတ်ပါ၏။ ထူးခြားသောမျက်နှာကိုပေး၍ အခြားသို့ လွှတ်လိုက်တော် မူ၏။
သူ၏သားတို့သည် ချီးမြှောက်ခြင်းသို့ ရောက်သော်လည်း သူသည်မသိရ ပါ။
နှိမ့်ချခြင်းသို့ ရောက်သော်လည်း ထိုအမှုကိုပင်မရိပ်မိပါ။”
သေလွန်သောမိတ်ဆွေများဖြစ်သည်ဟုဆို၍ ဝိညာဉ်များက
နိမိတ် လက္ခဏာများပြသောအခါ၊ မည်သူများဖြစ်သည်ဟု ကျွန်ုပ်တို့စွပ်စွဲရမည်နည်း။
ဗျာဒိတ် ၁၆း၁၄၊ “သူတို့သည်
နိမိတ်လက္ခဏာတို့ကိုပြသော နတ်ဆိုး တို့၏ ဝိညာဉ်များဖြစ်၏။”
နောက်ဆုံးသောကာလ၌ ဝိညာဉ်များ၏လှုပ်ရှားမှုသည်
ပြန်လည်၍ နိုးကြားထကြွလာပါလိမ့်မည်။
၁ တိမောသေ ၄း၁၊ “နောင်ကာလ၌ လူအချို့တို့သည်
ယုံကြည်ခြင်းမှ
လွှဲသွား၍၊ လှည့်ဖြားတတ်သော ဝိညာဉ်တို့နှင့်
နတ်ဆိုးတို့၏ ဩဝါဒများကို အာရုံစိုက်ကြလိမ့်မည်ဟု ဝိညာဉ်တော်သည်
အတည့်အလင်းဟောထားတော် မူ၏။”
ဖြောင့်မတ်သောသူတို့ကို လှည့်ဖြားရန် စာတန်သည်
မည်သို့ကြိုးစား မည်နည်း။
၂ ကောရိန်သု ၁၁ါ်၁၄၊ ၁၅၊ “အံ့ဩခြင်း
မရှိကြနှင့်။ စာတန်ပင်လျှင် အလင်း၏တမန်ဖြစ်ယောင်ဆောင်တတ်၏။ သို့ဖြစ်၍
သူ၏အစေအပါးတို့ သည် ဖြောင့်မတ်ခြင်း တရားဟောဆရာဖြစ်ယောင်ဆောင်လျှင် အဘယ်ဆို
ဖွယ်ရှိသနည်း။ ထိုသူတို့သည် မိမိတို့အကျင့်အတိုင်း အကျိုးအပြစ်ကို ခံရကြ လတံ့”
မဿဲ ၂၄း၂၄၊ ခရစ်တော်အတုနှင့်ပရောဖက်အတုတို့သည်
ပေါ်လာ ၍၊ ကြီးစွာသောနိမိတ်လက္ခဏာများနှင့် အံ့ဖွယ်သောအမှုတို့ကို ပြကြလိမ့်မည်။
ရွေးချယ်ထားသောသူတို့ကိုပင် တတ်နိုင်လျှင် လှည့်ဖြားလောက်အောင် ပြုကြ လိမ့်မည်။”
ဗျာဒိတ် ၁၃း၁၃၊
“ကြီးစွာသောနိမိတ်လက္ခဏာတို့ကိုပြ၏။ လူတို့ မျက်မှောက်၌ ကောင်းကင်မှ
မြေကြီးပေါ်သို့ မီးကိုလည်းဆင်းစေ၏။”
ဤအရာအားလုံးကို ဆင်ခြင်သုံးသပ်လျက် ယုံကြည်
သူတို hသည် မည် သည့်အရာကို ပြုလုပ်ရမည်နည်း။
၁ ပေတရု ၅း၈ “သမ္မာသတိရှိလျက်
မအိပ်ဘဲစောင့်နေကြလော့။ သင်တို့၏ ရန်သူမာရ်နတ်သည် ဟောက်သောခြင်္သေ့ကဲ့သို့
အဘယ်သူကိုမျိုးရ မည်နည်းဟု လှည့်လည်ရှာဖွေလျက်ရှိ၏။”
အခန်းကြီး - ၄၅
၄၅။ ဘုရားသခင်၏သန့်ရှင်းသောကောင်းကင်တမန်များ
THE
HOLY ANGELS OF GOD
ကောင်းကင်တမန်တို့သည် လူထက်ပို၍
အဆင့်မြင့်သောဖန်ဆင်းခြင်း ခံသည့် သတ္တဝါများဖြစ်ကြသည်။
ဆာလံ ၈း၄၊၅၊ “လူသည်အဘယ်သို့သောသူဖြစ်၍၊
ကိုယ်တော်သည် အောက်မေ့တော်မူရသနည်း။ လူ၏သားသည် အဘယ်သို့သောသူဖြစ်၍၊ အကြည့်အရှု
ကြွလာတော်မူရသနည်း။ သူ့ကိုကောင်းကင်တမန်တို့အောက်၌ အနည်းငယ်နှိမ့်တော်မူပြီ။
သူ၏ခေါင်းကို ဘုန်းအသရေနှင့်ပတ်ရစ်တော်မူပြီ။”
ကောင်းကင်တမန်အရေအတွက်၊
ဗျာဒိတ် ၅း၁၁၊ “ထိုအခါ ငါကြည့်၍၊
ပလ္လင်တော်မှစသော သတ္တဝါ တို့နှင့် အသက်ကြီးသူတို့၏ ပတ်ဝန်းကျင်၌၊
ကုဋေသင်္ချေမကအတိုင်းမသိ များစွာသော ကောင်းကင်တမန်တို့၏အသံကို ငါကြား၏ (ဒံယေလ
၇း၁၀)။
မှတ်ချက်။ ၁၀၀၀၀ လီ ၁၀၀၀၀ သည်သန်း ၁၀၀ ဖြစ်သည်။
၎င်း အပြင် ထောင်ဂဏန်းတို့၏ ထောင်ဂဏန်း (အလွန်များသောအရေအတွက်) ဖြင့် ရှိသေးသည်။
ဟေဗြဲ ၁၂း၂၂၊ “သင်တို့သည် ဇိအုန်တောင်သို့၎င်း၊ အသက်ရှင်တော်မူသော ဘုရားသခင်၏
မြို့တော်ကောင်းကင်ယေရုရှလင်မြို့ သို့၎င်း၊ အတိုင်းမသိများစွာသော
ကောင်းကင်တမန်တို့၏ စည်းဝေးခြင်းသို့ ၎င်း၊ . . ရောက်ကြ၏။”
ကောင်းကင်တမန်တို့သည် (သတ္တဝါစင်စစ်ဖြစ်၍၊
စိတ်ကူးယဉ်မျှသာ မဟုတ်ပါ။
ကမ္ဘာဦး ၁၈း၈ - “နို့နှင့်နို့ဓမ်းကို၎င်း၊
ပြင်ဆင်သောနွားသငယ်ကို၎င်း ယူ၍၊ ထိုသူတို့ရှေ့၌တည်ခင်းပြီးလျှင်၊ သစ်ပင်အောက်၊
သူတို့အနားမှာရပ်နေ ၍၊ သူတို့သည် စားကြ၏။” (၁၉း၃)။
ကောင်းကင်တမန်များသည် သေလွန်သော သူတို့၏
ဝိညာဉ်များ မဟုတ်ပါ။ သေသောသူတစ်ယောက်မျှ မရှိမီ သူတို့ရှိနေခဲ့ပါပြီ။
ကမ္ဘာဦး ၃း၃၄၊ “ထိုသို့လူကို
နှင်ထုတ်ပြီးလျှင်၊ အသက်ပင်လမ်းကို စောင့်ရှောက်စေခြင်းငှာ၊ မီးစက်လက်နက်နှင့်တကွ
ခေရုဗိမ်တို့ကို ဧဒင် ဥယျာဉ် အရှေ့ဘက်၌ ထားတော်မူ၏။”
မှတ်ချက်။ ခေရုဗိမ်တို့သည်
အဆင့်မြင့်ကောင်းကင်တမန် အမျိုး အစားဖြစ်သည်။ ကောင်းကင်တမန်တို့၏ အဓိကအလုပ်သည်
ဘုရားသခင်၏ လူတို့အား ပြုစုစောင့်ရှောက်သည့်အလုပ်ဖြစ်သည်။
ဟေဗြဲ ၁း၁၄ - “ကောင်းကင်တမန်များတို့ကား၊
ကယ်တင်တော်မူခြင်း ကျေးဇူးကို အမွေခံလတံ့သောသူတို့ကိုပြုစုစေခြင်းငှာ၊
စေလွှတ်တော်မူသော အစေခံနာမ်ဝိညာဉ်များဖြစ်ကြသည် မဟုတ်လော။”
ဆာလံ ၃၄း၇ - “ထာ၀ရဘုရားကို
ကြောက်ရွံ့(ရိုသေ)သော သူတို့ ပတ်လည်၌ ကောင်းကင်တမန်တို့သည် တပ်ချ၍
ကယ်လွှတ်တတ်ကြ၏။”
ကောင်းကင်တမန်တို့၏
ပြုစုစောင့်ရှောက်ခြင်းများ၊
ထောင်ထဲမှ ပေတရုလွှတ်မြောက်လာခြင်း (တမန်တော်
၁၂း၅-၁၁)နှင့် ဟောရပ်တောင်သို့ ဧလိယခရီးသွားခြင်း (၃ ဓမ္မရာဇဝင် ၁၉၉၇၊ ၈)။
ဘုရားသခင်၏သားသမီးတိုင်း၌ စောင့်(အုပ်)ထိန်းသူ
ကောင်းကင် တမန်ရှိသည် (မဿဲ ၁၈း၁၀)။
ကယ်တင်ခြင်းလုပ်ငန်း၌
ကောင်းကင်တမန်များစိတ်ဝင်စားကြသည်။
၁ ပေတရု ၁း၁၂၊ “ကောင်းကင်တမန်တို့သည်
စေ့စေ့ကြည့်ရှုစဉ်းစား
ချင်သော စေတနာစိတ်ရှိကြ၏။”
လုကာ ၁၅း၁၀၊ “ဘုရားသခင်၏ ကောင်းကင်တမန်တို့သည်
နောင်တ ရသော လူဆိုးတယောက်၌ ဝမ်းမြောက်ခြင်း ရှိကြသည်”
ကောင်းကင်တမန်တို့သည် ကျွန်ုပ်တို့၏ အပြောအဆို
အပြုအမူတို့ကို သက်သေခံရန် တရားစီရင်ရာနေ့၌ ပါဝင်ကြပါလိမ့်မည်။
ဒေသနာ ၅း၅၊၆၊ “သစ္စာကတိပြု၍
ဝတ်ကိုမဖြေဘဲနေသည်ထက်၊ သစ္စာကတိအလျှင်းမပြုဘဲနေသော် သာ၍ကောင်း၏။ သင်၏နှုတ်သည် သင်
၏ ကိုယ်ခန္ဓာ၌အပြစ်မရောက်စေနှင့်။ အကျွန်ုပ်မှားပါပြီဟု ကောင်းကင်တမန် ရှေ့မှာ
ပြောရသောအကြောင်း မရှိစေနှင့်။ ဘုရားသခင်သည် သင်၏စကားသံ ကို အမျက်တော်ထွက်၍
သင်ပြုစုသောအမှုကိုအဘယ်ကြောင့် ဖျက်ဆီးတော် မူရမည်နည်း။” (ဒံယေလ ၇း၁၀)။
ဘုရားသခင်၏ကောင်းကင်တမန်များရှေ့၌၊
အောင်မြင်သောသူတို့၏ နာမည်များကို ခရစ်တော်သည်ဖော်ပြပါလိမ့်မည်။
ဗျာဒိတ် ၃း၅၊ “အောင်မြင်သောသူသည် ဖြူသောအဝတ်ကို
ဝတ်ဆင် လိမ့်မည်။ ထိုသူ၏နာမကို အသက်စာစောင်မှ ငါသည်အလျှင်းမချေ။ ငါ့ ခမည်းတော်
ရှေ့၌၎င်း၊ ကောင်းကင်တမန်တော်တို့ရှေ့၌၎င်း၊ သူ၏နာမကို ငါဝန်ခံမည်။”
ဘုန်းတော်နှင့်တကွ ကယ်တင်ရှင်
ပြန်လည်ကြွလာသောအခါ ကောင်း ကင် တမန်ရှိသမျှတို့သည် အတူလိုက်ပါလာမည်။
မဿဲ ၂၅း၃၁၊ “လူ၏သားသည်
မိမိဘုန်းအာနုဘော်ကိုဆောင်လျက်၊ သန့်ရှင်းသောကောင်းကင်တမန်များ
အခြံအရံတို့နှင့်တကွ ကြွလာတော်မူ သောအခါ ဘုန်းရှိသောပလ္လင်တော်ပေါ်မှာ ထိုင်၍၊”
ထိုအခါ ကောင်းကင်တမန်တို့သည်
ရွေးနုတ်ခြင်းခံသောသူတို့ကို ခရစ် တော်ထံတော်သို့ စုဝေးစေတော်မူမည်။
မဿဲ ၂၄း၃၁၊ “လူ၏သားသည် မိမိတမန်တို့ကို
စေလွှတ်၍ တံပိုးကို ပြင်းစွာမှုတ်စေတော်မူသဖြင့်၊ သူတို့သည်
ရွေးချယ်တော်မူသောသူတို့ကို အရပ် လေးမျက်နှာ၊ ကောင်းကင်အောက်ထက်ဝန်းကျင်တို့မှ
ခေါ်၍စုရုံးကြလတံ့။”
ကောင်းကင်တမန်များနှင့်ဆိုင်သောအခြားအချက်များ၊
၄ ဓမ္မရာဇဝင် ၁၉း၃၅၊ - ကောင်းကင်တမန်တပါးသည် ဆိုးသော တပ်မကြီး
တစ်တပ်ကို ဖျက်ဆီးပစ်ခဲ့သည်။
ဆာလံ ၁၀၃း၂၀၊ -
ကောင်းကင်တမန်များခွန်အားကြီးမားသည်။
ဘုရားသခင်၏အမိန့်တော်ကို နားထောင်သည်။
ဆာလံ ၁၀၃း၂၁၊ -
ဘုရားသခင်၏အလိုတော်သို့လိုက်သည်။
ဆာလံ ၁၀၄း၄၊ -
ကောင်းကင်တမန်တို့သည် လေ(ဝိညာဉ်များ) ဖြစ်
ကြသည်။
မဿဲ ၂၅း၃၁၊ -
သန့်ရှင်းခြင်းရှိကြသည်။
မဿဲ ၂၈း၃၊ -
ဘုန်းရောင်ခြည်ရှိသည်။
ဟေဗြဲ ၁း၆၊ -
ယေရှုကိုကိုးကွယ်ကြသည်။
၂ ပေတရု ၂း၁၁၊ -
ခွန်အားတန်ခိုးကြီးသည်။
ဗျာဒိတ် ၇း၁၁၊ ၁၂၊ - ဘုရားသခင်ကိုကိုးကွယ်ကြသည်။
အခန်းကြီး - ၄၆
၄၆။ ခရစ်ယာန်ဖြစ်လာရန်နည်းလမ်း
HOW
TO BECOME A CHRISTIAN
ခရစ်တော်ကို လက်ခံယုံကြည်၍
နှုတ်ကပတ်တော်အတိုင်း နေထိုင် သော သူတို့သည် ခရစ်တော်၏တပည့်တော်များ ဖြစ်ကြသည်။
ယောဟန် ၈း၃၀၊၃၁၊
“ထိုစကားတော်ကိုမိန့်တော်မူစဉ်၊ လူများတို့ သည် ယုံကြည်ခြင်းသို့ ရောက်ကြ၏။ ထိုအခါ ယေရှုက၊ သင်တို့ သည် ငါ၏
ဒေသနာ၌တည်လျှင် ငါ့တပည်အမှန်ဖြစ်ကြ၏. . . ဟုမိန့်တော်မူ၏။”
ခရစ်တော်၏တပည့်တော်ဖြစ်လျှင်
ခရစ်ယာန်များဖြစ်ကြသည်။
တမန်တော် ၁၁း၂၆၊ “ထိုသူတို့သည် တနှစ်ပတ်လုံး
ထိုအသင်းတော် နှင့်အတူ စည်းဝေး၍၊ လူများအပေါင်းတို့အား ဆုံးမဩဝါဒပေးကြ၏။ တပည့်
တော်တို့သည်လည်းခရစ်ယာန်ဟူသောခေါ်ဝေါ် သမုတ်ခြင်းကို အန္တိအုတ်မြို့၌ အဦးခံရကြ၏။”
၁။ ပထမခြေလှမ်း - သခင်ယေရှုခရစ်တော်ကို
ယုံကြည်ပါ။
တမန်တော် ၁၆း၃၁၊ ၃၂ - “ထိုသူတို့ကလည်း၊
သခင်ယေရှုခရစ်တော် ကို ယုံကြည်လော့။ ယုံကြည်လျှင် သင်နှင့်သင်၏
အိမ်သူအိမ်သားတို့သည် ကယ်တင်ခြင်းသို့ ရောက်ကြလိမ့်မည်ဟု ပြောဆိုလျက်၊ ထိုသူမှစ၍
သူ၏ အိမ်၌ရှိသမျှသောသူတို့အား သခင်ဘုရား၏ နှုတ်ကပတ်တရားတော်ကို ဟော ကြ၏။”
၂။ ဒုတိယ ခြေလှမ်း - အပြစ်ကိုနောင်တရပါ။
လုကာ ၂၄း၄၇ - “ခရစ်တော်၏အခွင့်အားဖြင့်
နောင်တတရားနှင့် အပြစ်လွှတ်ခြင်းတရားကို ယေရုရှလင်မြို့မှ စသော လူမျိုးတကာတို hအား ဟောပြောရမည်။”
မှတ်ချက်။ စစ်မှန်သောနောင်တကို အသက်တာ၌
မြင်နိုင်သည်။ နောင်တရခြင်းနှင့် ဆီလျော်သော အကျင့်များ ရှိလာသည် (တမန်တော်
၂၆း၂၀)။
၃။
တတိယခြေလှမ်း - သူတပါးရှေ့၌ခရစ်တော်ကို ဝန်ခံပါ။
လုကာ ၁၂း၈ - “ငါဆိုသည်ကား၊ အကြင်သူသည်
လူတို့ရှေ့မှာ ငါ့ကိုဝန်ခံအံ့။ ဘုရားသခင်၏ကောင်းကင်တမန်တို့ရှေ့မှာ၊ လူ၏သားသည်
ထိုသူကို ဝန်ခံမည်။”
၄။ စတုတ္ထခြေလှမ်း - ဗတ္တိဇံခေါ်
ရေနှစ်ခြင်းမင်္ဂလာခံယူပါ။
မာကု ၁၆း၁၆၊ “ယုံကြည်၍၏ ဗတ္တိဇံကိုခံသောသူသည်
ကယ်တင် တော်မူခြင်းသို့ရောက်လတံ့။”
တမန်တော် ၂း၃၈ -
“သင်တို့၏အပြစ်ကိုလွှတ်စေခြင်းငှာ နောင်တရ ၍ တယောက်မျှမကြွင်း၊ ယေရှုခရစ်တော်၏နာမ၌
ဗတ္တိဇံကိုခံကြလော့။ သို့ပြုလျှင် သန့်ရှင်းသောဝိညာဉ်တော်ဆုကျေးဇူးတော်ကို
ခံရကြလိမ့်မည်။”
မှတ်ချက်။ အပြစ်သား^သူ၏တာဝန်မှာ ယုံကြည်ဖို့၊ ယုံကြည်ခြင်း အတိုင်း
ပြုမူကျင့်ကြံဖို့၊ အပြစ်နောင်တရဖို့၊ ခရစ်တော်ကိုဝန်ခံဖို့၊ နားထောင် ခြင်းဖြင့်
ချီတက်ဖို့၊ နှစ်ခြင်းမင်္ဂလာခံယူဖို့၊ နှုတ်ကပတ်တော်အတိုင်း အသက် ရှင်ဖို့၊
စသည်တို့ဖြစ်ပါသည်။ ဘုရားသခင်၏ တာဝန်မှာ၊ ထိုသူအားစိတ် သဘောအသစ်ကို
ပေးဖို့ဖြစ်ပါသည်။ ၎င်းကို အသစ်မွေးဖွားခြင်းဟု ခေါ်ဆိုပါ သည် (ယောဟန် ၃း၃-၈)။
အခန်းကြီး - ၄၇
၄၇။ ယုံကြည်ခြင်း
FAITH
ယုံကြည်ခြင်းရှိကြရန်သခင်ယေရှုဖိအားပေးတော်မူပါသည်။
မာကု ၁၁း၂၂-၂၄၊ “ယေရှုကလည်း၊ သင်တို့သည်
ဘုရားသခင်ကို ယုံကြည်ခြင်းရှိကြလော။ ငါအမှန်ဆိုသည်ကား၊ အကြင်သူသည် ယုံမှားသော
စိတ်နှင့် ကင်း၍ မိမိဆိုသည်အတိုင်းဖြစ်မည်ဟု ယုံကြည်လျက်၊ ထိုတောင်ကို
နေရာမှရွှေ့လော့၊ ပင်လယ်၌ ကျလော့ဟုဆိုလျှင်၊ ထိုသူဆိုသည်အတိုင်း ဖြစ်လိမ့်မည်။
ထို့ကြောင့် ငါဆိုသည်ကား၊ သင်တို့သည် ဆုကျေးဇူးကိုရမည် ဟုယုံကြည်သော
စိက်နှင့်ဆုတောင်း သမျှတို့ကိုရကြလိမ့်မည်။”
ယုံကြည်ခြင်းမပါလျှင် မည်သူမျှ
ဘုရားသခင်ကိုမကျေနပ်စေနိုင်ပါ။
ဟေဗြဲ ၁၁း၁၊၆၊ “ယုံကြည်ခြင်းသည်
မြော်လင့်သောအရာတို့ကို မျက်မှောက်ပြုခြင်းဖြစ်၏။ မမြင်သေးသောအရာတို့ကို
သိမှတ်စွဲလမ်းခြင်း အကြောင်း ဖြစ်၏။” “ယုံကြည်ခြင်းမရှိလျှင်
ဘုရားသခင်၏စိတ်တော်နှင့် မတွေ့နိုင်။ အကြောင်းမူကား၊ ဘုရားသခင်အထံတော်သို့
ချဉ်းကပ်သော သူ သည်၊ ဘုရားသခင်ရှိတော်မူသည်ကို၎င်း၊ ကိုယ်တော်ကိုရှာသောသူအား
အကျိုးပေးတော်မူသည်ကို၎င်း၊ ယုံကြည်ရမည်။”
အပြစ်ဖြေရာအဖြစ်လက်ဝါးကပ်တိုင်၌ အသေခံသော
ကယ်တင်ရှင် ယေရှုခရစ်တော်ကို ယုံကြည်ခြင်းသည် ကယ်တင်ခြင်း၏ အခြေခံအုတ်မြစ်ဖြစ်
ပါသည်။
ယောဟန် ၃း၁၄၊ ၁၅၊ “မောရှေသည်
တော၌မြွေကိုမြှောက်ထားသကဲ့ သို့ လူ၏သားသည် မြှောက်ထားခြင်းကိုခံရမည်။
အကြောင်းမူကား၊ ထိုသား တော်ကို ယုံကြည်သော သူအပေါင်းတို့သည်
ပျက်စီးခြင်းသို့မရောက်၊ ထာ၀ရ အသက်ကိုရမည် အကြောင်းတည်း။”
ခရစ်တော်ကို ကျွန်ုပ်တို့၏
ကယ်တင်ရှင်အဖြစ်ယုံကြည်ခြင်းသည် ပြစ် ဒဏ်စီရင်ခြင်းမှ
ကျွန်ုပ်တို့ကိုလွတ်မြောက်စေပါသည်။
ယောဟန် ၃း၁၇၊၁၈၊
“လောကီသားတို့အားအပြစ်စီရင်ခြင်းငှာ၊ ဘုရား သခင်သည် သားတော်ကို ဤလောကသို့
စေလွှတ်တော်မူသည်မဟုတ်။ လောကီသားတို့သည် ကိုယ်တော်အားဖြင့်
ကယ်တင်ခြင်းသို့ရောက်မည် အကြောင်းစေလွှတ်တော်မူ၏။သားတော်ကိုယုံကြည်သောသူသည်
အပြစ်စီရင် ခြင်းကို မခံရ။ မယုံကြည်သောသူမူကား၊ ဘုရားသခင်၌ တပါးတည်းသော သားတော်ကို
မယုံကြည်သောကြောင့် ယခုပင် အပြစ်စီရင်ခြင်းကိုခံရ၏။”
ကယ်တင်ခြင်းသည် သခင်ယေရှုအား ကျွန်ုပ်တို့၏
ယုံကြည်ခြင်း အပေါ်မူတည်နေပါသည်။
ယောဟန် ၃း၁၆၊ “ဘုရားသခင်၏
သားတော်ကိုယုံကြည်သောသူ အပေါင်းတို့သည် ပျက်စီးခြင်းသို့မရောက်၊ ထာ၀ရ
အသက်ကိုရစေခြင်းငှာ၊ ဘုရားသခင်သည် မိမိ၌တပါးတည်းသော သားတော်ကို
စွန့်တော်မူသည့်တိုင် အောင် လောကီသားတို့ကိုချစ်တော်မူ၏။”
ကျွန်ုပ်တို့သည် ယုံကြည်ခြင်းအားဖြင့်
ကျေးဇူးတော်ကြောင့် ကယ်တင် ခြင်း ရရှိပါသည်။
ဧဖက် ၂း၈၊ “ယုံကြည်သောအားဖြင့်
ကျေးဇူးတော်ကြောင့် ကယ်တင် ခြင်းသို့ ရောက်ရ၏။ ကိုယ်အလိုအလျောက် ရောက်သည်မဟုတ်။
ဘုရား သခင်၏ သနားတော်မူရာဖြစ်သတည်း။”
ကျွန်ုပ်တို့ဖြောင့်မတ်ရာသို့ ရောက်ခြင်းသည်
ဘုရားသခင်၏ ကျေးဇူး တော်ကြောင့်ဖြစ်သည်။
တိတု ၃း၇၊ “ငါတို့သည် ဘုရားသခင်၏
ကျေးဇူးတော်အားဖြင့် ဖြောင့်မတ်ရာ သို့ရောက်၍ ထာ၀ရအသက်ကို မြော်လင့်သည်နှင့်အညီ
အမွေ ခံဖြစ်ကြမည် အကြောင်းတည်း။”
ခရစ်တော်၏အသွေးတော်ကို ယုံကြည်ခြင်းအားဖြင့်
ကျွန်ုပ်တို့သည် ဖြောင့်မတ်ရာသို့ရောက်ရှိပါသည်။
ရောမ ၅း၉၊ “ယခုတွင် အသွေးတော်အားဖြင့်
ဖြောင့်မတ်ရာသို့ ရောက်ပြီးမှ၊ ထိုသခင်အားဖြင့် အပြစ်ငရဲမှ ကယ်ချွတ်တော်
မူခြင်းသို့ရောက်
မည်ဟုသာ၍ မြော်လင့်စရာရှိ၏။”
သို့သော်လည်း ကျွန်ုပ်တို့သည်
ယုံကြည်ခြင်းအားဖြင့် ထိုဖြောင့်မတ် ခြင်းကို စွဲကိုင်ထားရပါမည်။
ရောမ ၃း၂၈၊ “ထို့ကြောင့် လူမည်သည်ကား၊
ပညတ်တရား၏အကျင့် မရှိဘဲ၊ ယုံကြည်ခြင်းအားဖြင့် ဖြောင့်မတ်ရာသို့ ရောက်တတ်သည်ဟု
ယူရ၏။”
ကျွန်ုပ်တို့၏ကောင်းသောအကျင့်များ၊ ဘုရားသခင်၏
ပညတ်တရား တို့ကို နာခံခြင်းများတို့သည်၊ ယုံကြည်ခြင်းအားဖြင့် ကျေးဇူးတော်ကြောင့်
ဖြောင့်မတ်ရာသို့ ယုံကြည်သူရောက်ရှိခြင်း၏ ထင်ရှားသောသာဓကများ ဖြစ် သည်။
ဧဖက် ၂း၈-၁၀၊ “ယုံကြည်သောအားဖြင့်
ကျေးဇူးတော်ကြောင့် ကယ်တင်ခြင်းသို့ရောက်ရ၏။ ကိုယ်အလိုအလျောက် ရောက်သည်မဟုတ်။
ဘုရားသခင်သနားတော်မူရာဖြစ်သတည်း။ ကိုယ့်ကုသိုလ်ကြောင့် ကယ်တင် တော်မူခြင်းသို့
ရောက်သည်မဟုတ်။ သို့ဖြစ်၍ အဘယ်သူမျှ ဝါကြွားစရာ အခွင့်မရှိ။ အဘယ်ကြောင့်နည်းဟူမူကား၊
ငါတို့သည် ကောင်းသောအကျင့် တို့ကိုကျင့်ရမည်အကြောင်း၊ ယေရှုခရစ်တော်၌ ပြုပြင်၍
ဖန်ဆင်းတော်မူရာ ဖြစ်ကြ၏။ ထိုကောင်းသော အကျင့်တို့၌ ငါတို့သည် ကျင်လည်ရမည်
အကြောင်း၊ ဘုရားသခင်သည် ငါတို့ကို ပြင်ဆင်တော်မူနှင့်ပြီ။”
ခရစ်တော်သည် ကျွန်ုပ်တို့အတွက်
ပြုလုပ်ပေးတော်မူခဲ့သော အရာ များနှင့်၊ ပြုလုပ်ပေးဦးမည့်အရာများဖြစ်သော ဧဝံဂေလိ
တရားခေါ် သတင်း ကောင်းတို့ကို ကျွန်ုပ်တို့ယုံကြည်ရပါမည်။
၁ ကောရိန်သု ၁၅း၁-၄၊ “ညီအစ်ကိုတို့၊
ငါသည်သင်တို့အား ဟော ပြောဘူးသည်နှင့်အညီ၊ သင်တို့သည် ခံယူ၍မှီဝဲဆည်းကပ်သော ဧဝံဂေလိ
တရားကို သင်တို့အား တဖန်ငါကြားလိုက်၏။ အထက်ကငါဟောပြောသည့် အကြောင်းများကို
သင်တို့သည် အကျိုးမဲ့မယုံဘဲ စိတ်စွဲလမ်းလျှင်၊ ထိုဧဝံဂေလိ တရားအားဖြင့်
ကယ်တင်တော်မူခြင်းသို့ရောက်ကြ၏။ ငါသည် ကိုယ်တိုင် ခံယူသည်အတိုင်း၊ သင်တို့အား
ရှေးဦးစွာ အပ်ပေးသော အကြောင်းအရာဟူ မူကား၊ ခရစ်တော်သည် ကျမ်းစာလာသည်အတိုင်း၊
ငါတို့အပြစ်ကြောင့်အသေ ခံတော်မူ၏။”
မှတ်ချက်။ လူအပေါင်းတို့သည် ဒုစရိုက်ကိုပြု၍
ဘုရားသခင် ရှေ့တော် ၌ အသရေပျက်ကြပြီဟု ကျမ်းစာက ဆိုထားပါသည် (ရောမ ၃း၂၃)။ သခင်
ယေရှုသည် ဘုရားသခင်၏ ပညတ်တရားတော်နှင့်အညီ ဖြောင့်မတ်သော အသက်တာဖြင့်
နေထိုင်သွားပါသည်။ အပြစ်ဒုစရိုက်၏အခသည် သေခြင်း ဖြစ်သောကြောင့် (ရောမ ၆း၂၃)
ကယ်တင်ရှင်သည် ပညတ်တရား၏ ပြစ်ဒဏ် စီရင်ရာတွင် ကျွန်ုပ်တို့၏နေရာကို ယူကာ၊
ကျွန်ုပ်တို့ကိုယ်စား ပြစ်ဒဏ်ခံတော် မူခဲ့ပါသည်။ ကျွန်ုပ်တို့သည် ကိုယ်တော်ကို
မိမိတို့၏ ကယ်တင်ရှင်အဖြစ်ဖြင့် လည်းကောင်း၊ လက်ဝါးကပ်တိုင်၌ ကိုယ်တော်၏
အသေခံတော်မူခြင်းကို လည်းကောင်း လက်ခံလိုက်သောအခါ၊
ကိုယ်တော်၏ဖြောင့်မတ်တော်မူခြင်းကို ကျွန်ုပ်တို့၏ ဖြောင့်မတ်ခြင်းအဖြစ်
ဘုရားသခင်သည် မှတ်ယူပေးတော်မူလျက်၊ ကျွန်ုပ်တို့ခံရမည့် အပြစ်ဒဏ်ဖြစ်သော
ထာ၀ရသေခြင်းမှ ကျွန်ုပ်တို့လွတ် မြောက်သွားခြင်းဖြစ်ပါသည်။ ထိုအခါ ကျွန်ုပ်တို့သည်
“ခရစ်တော်၌ရှိသော” သူများဖြစ်သွားပါသည်။ ဖိလိပ္ပိ ၃း၉၊ “ပညတ်တရားအားဖြင့်ရသော
ကိုယ့် ဖြောင့်မတ်ခြင်းကို မကိုးစားဘဲ၊ ခရစ်တော်ကို ယုံကြည်ခြင်းအားဖြင့်ရသော
ကိုယ့်ဖြောင့်မတ်ခြင်းကို ကိုးစားသဖြင့်၊ ထိုသခင်၌ တည်ပါမည်အကြောင်း၊” ဟုဆို၍
ရှင်ပေါလုရေးသားခဲ့ပါသည်။
အာဗြဟံသည် ဘုရားသခင်၏အစေခံဖြစ်လျက်၊
သူ၏ယုံကြည်ခြင်းကို သူ၏ဖြောင့်မတ်ခြင်းအဖြစ် ဘုရားသခင် မှတ်ယူတော်မူပါသည်။
ကမ္ဘာဦး ၁၅း၆၊ “အာဗြဟံသည် ထာ၀ရဘုရားကို
ယုံကြည်သည်ဖြစ်၍၊ သူ၏ယုံကြည်ခြင်းကို ဖြောင့်မတ်ခြင်းကဲ့သို့ မှတ်တော်မူ၏။”
လက်ဝါးကပ်တိုင်၌ သခင်ယေရှု၏အသေခံတော်မူခြင်းကို
ကျွန်ုပ်တို့ သည် ယုံကြည်လျှင်၊ ကျွန်ုပ်တို့သည် ဘုရားသခင်နှင့်
သင့်မြတ်ခြင်းရရှိပါသည်။
ရောမ ၅း၁၊ “ငါတို့သည်ယုံကြည်ခြင်းရှိ၍
ဖြောင့်မတ်ရာသို့ရောက် လျှင်၊ ငါတို့သခင်ယေရှုခရစ်တော်အားဖြင့် ဘုရားသခင်ရှေ့တော်၌
ငြိမ်သက် ခြင်းကို ခံစားကြ၏ (ဘုရားသခင်နှင့်သင့်မြတ်ခြင်းရှိ၏)။”
ဘုရားသခင်သည် ယုံကြည်သူတိုင်းအား
ယုံကြည်ခြင်းကို အတိုင်း အဆအားဖြင့် ခွဲဝေပေးထားသော်လည်း၊ ထိုယုံကြည်ခြင်းကို
တိုးပွားအောင် ပြုလုပ်လို့ရပါသည်။
ရောမ ၁၂း၃၊ “သင်တို့သည်
ကိုယ်ကိုထင်သင့်သည်အတိုင်းထက်လွန် ၍ မထင်ဘဲ၊ ဘုရားသခင်သည် လူအသီးအသီးတို့အား
ယုံကြည်ခြင်းကို ဝေပေးတော်မူသည်နှင့်အညီ၊ ကိုယ်ကိုလျောက်ပတ်စွာ ထင်ရမည်အကြောင်း၊
ငါသည်ကိုယ်ခံရသော ကျေးဇူးတော်ကို အမှီပြုလျက် သင်တို့တွင်ရှိသမျှသော သူတို့ကို မှာထား၏။”
ရောမ
၁ဝး၁၇၊ “ယုံကြည်ခြင်းသည် ကြားနာခြင်းအားဖြင့် ဖြစ်၏။ ကြားနာခြင်းသည်လည်း၊
ဘုရားသခင်စကားတော်အားဖြင့်ဖြစ်၏။”
မှတ်ချက်။ ဘုရားသခင်၏နှုတ်ကပတ်တရားတော်ကို
စိတ်ရင်းနှင့် အမှန်ကြားနာခြင်းသည် ယုံကြည်ခြင်းကို တိုးပွားစေပါသည်။
၎င်းနှုတ်ကပတ် တော်ကို များများကြားနာလျက်အသက်တာ၌ ပိုမိုကျင့်သုံးလေလေ၊ ယုံကြည်
ခြင်းပိုတိုးလေလေ ဖြစ်သည်။ သို့ဖြစ်၍ သမ္မာကျမ်းစာဖတ်ရှု လေ့လာခြင်း သည်
အလွန်အရေးကြီးပါသည်။
ယုံကြည်ခြင်းအားဖြင့် ကျွန်ုပ်တို့သည်
ထာ၀ရအသက်ကို တွေ့ရှိပါ သည်။
ရောမ ၁း၁၇၊ “ဖြောင့်မတ်သောသူသည်
ယုံကြည်ခြင်းအားဖြင့် အသက်ရှင်လိမ့်မည်ဟု ကျမ်းစာလာသည်နှင့်အညီ၊
ယုံကြည်ခြင်း၌တည်သော ဘုရားသခင်၏ ဖြောင့်မတ်ခြင်းတရားသည် ယုံကြည်ခြင်းအဖို့အလို့ငှာ
ဧဝံဂေ လိတရား အားဖြင့် ထင်ရှားလျက်ရှိ၏။”
ယုံကြည်ခြင်းသည်
စာတန်၏တိုက်ခိုက်ခြင်းအမျိုးမျိုးမှ ကျွန်ုပ်တို့ကို ကာကွယ်စောင့်ရှောက်သည်။
၁ သက်သာလောနိတ် ၅း၈၊ “ယုံကြည်ခြင်းနှင့်
ချစ်ခြင်းတည်းဟူသော ရင်အုပ်တန်ဆာကို၎င်း၊ . . . ဝတ်ဆောင်ကြကုန်အံ့”
မှတ်ချက်။ အခြားတစ်နေရာတွင် ရှင်ပေါလုသည်
“ယုံကြည်ခြင်း ဒိုင်း လွှား” အကြောင်းကို ဖော်ပြထားပါသည်။ ၎င်းသည်တစ်ကိုယ်လုံးကို
အကာ အကွယ်ပေးထားသောကြောင့်၊ ရန်သူပစ်သောမြားနှင့် လှံတို့ကို တားဆီးနိုင် သည်
(ဧဖက် ၆း၁၆)။
ကျွန်ုပ်တို့၌ကြီးပွားသောယုံကြည်ခြင်းလိုအပ်လျက်ရှိသည်။
၂ သက်သာလောနိတ် ၁း၃၊ “ညီအစ်ကိုတို့၊
သင်တို့၏ယုံကြည်ခြင်း သည် အလွန်တိုးပွား၍၊ လူတိုင်းအသီးအသီးတို့သည်
အချင်းချင်းချစ်ခြင်း မေတ္တာနှင့် ပြည့်စုံကြသည်ဖြစ်၍၊ ငါတို့သည်
ပြုသင့်သည်အတိုင်း သင်တို့ ကြောင့် ဘုရားသခင်၏ ကျေးဇူးတော်ကို အစဉ်မပြတ်
ချီးမွမ်းကြ၏။”
ဘုရားသခင်၏နှုတ်ကပတ်တော်ကျမ်းစာကို
ဖတ်ရှုခြင်းနှင့် ကြားနာ ခြင်းအားဖြင့် အကျိုးကျေးဇူးခံစားနိုင်ရန်
ကျွန်ုပ်တို့သည် ယုံကြည်ခြင်းရှိရမည်။
ဟေဗြဲ ၄း၂၊ “ငါတို့သည် ဧဝံဂေလိတရားကို
ထိုသူတို့ကဲ့သို့ ကြားရကြ ပြီ၊ သို့သော်လည်း သူတို့ကြားရသော နှုတ်ကပတ်တရားသည်၊
ကြားရသော သူတို့အထဲ၌ ယုံကြည်ခြင်းနှင့် မရောနှောသောကြောင့် အကျိုးကိုမပေး။”
ယုံကြည်ခြင်းအားဖြင့် ကျွန်ုပ်တို့သည်
ဘုရားသခင်ထံတော်သို့ တိုးဝင် ချဉ်းကပ်နိုင်သည်။
ဟေဗြဲ ၁ဝး၂၂၊
“ကျွန်ုပ်တို့သည်ယုံကြည်ခြင်း၌မချွတ်မလွဲ၊ စစ်မှန် သော စိတ်နှလုံးနှင့်
အထံတော်သို့ တိုးဝင် ချဉ်းကပ်ကြကုန်အံ့။”
ကျွန်ုပ်တို့သည် ယုံကြည်ခြင်း၌
ရှေ့သို့ချီတက်နေချိန်တွင် မည်သည့် အရာကို နေ့စဉ်မျှော်လင့်ရမည်နည်း။
ရောမ ၁၅း၁၃၊ “သန့်ရှင်းသောဝိညာဉ်တော်၏
တန်ခိုးအားဖြင့် မြော်လင့်ခြင်းနှင့် သင်တို့ကြွယ်၀ခြင်းငှာ၊ ယုံကြည်ခြင်း၌
ဝမ်းမြောက်ခြင်းနှင် ငြိမ်သက်ခြင်း အမျိုးမျိုးတို့နှင့်၊
မြော်လင့်ခြင်းအရှင်ဘုရားသခင်သည် သင်တို့ ကို ပြည့်၀တော်မူပါစေသော။”
အခန်းကြီး - ၄၈
၄၈။ ဗတ္တိဇံခေါ် ရေနှစ်ခြင်းမင်္ဂလာ
BAPTISM
ဧဝံဂေလိတရား၏ ကြီးမားသောလုပ်ဆောင်ချက်များကို
အမှတ်ရ အောက်မေ့စေခြင်းငှာ ရေနှစ်ခြင်းမင်္ဂလာပြုလုပ်ရန် ခရစ်တော်မိန့်တော်မူခဲ့
သည်။
မဿဲ ၂၈း၁၉၊ “သင်တို့သွား၍လူမျိုးတကာတို့ကို
ငါ့တပည့်ဖြစ်စေ လျက်၊ ခမည်းတော်၊ သားတော်၊ သန့်ရှင်းသောဝိညာဉ်တော်၏နာမ၌ ဗတ္တိဇံကို
ပေးကြလော့။”
ကယ်တင်ရှင်၏အသေခံတော်မူခြင်း၊
မြုပ်နှံသင်္ဂြိုဟ်ခြင်းနှင့် ရှင်ပြန်ထ
မြောက်တော်မူခြင်းတို့သည်ဗတ္တိဇံ၌သရုပ်ဖော်ထားလျက်ရှိပါသည်(၁ ကောရိန် သု ၁၅း၃၊ ၄)။
ခရစ်တော်ကြွလာမည်ကို ကြိုတင်မြင်ယောင်လျက်
ဗတ္တိဇံဆရာ ယော ဟန်သည် ၎င်းထုံးစံကို ကျင်းပပြုလုပ်ခဲ့သည် (တမန်တော် ၁၉း၄)။
ဗတ္တိဇံသည် ဧဝံဂေလိတရားကို ကြားနာရုံသာမက၊
ယုံကြည်လက်ခံ၍ အပြစ်နောင်တရသောသူများလိုက်နာကျင့်သုံးရမည့် အစဉ်အလာတစ်ခု ဖြစ် သည်။
ဗတ္တိဇံမခံမီ သူတို့သည် အပြစ်ကို နောင်တရလျက် စွန့်ပစ်ရပါမည်။
တမန်တော် ၂း၃၈၊ “သင်တို့၏အပြစ်ကို
လွတ်စေခြင်းငှာ နောင်တရ၍ တယောက်မျှမကြွင်း၊ ယေရှုခရစ်တော်၏နာမ၌
ဗတ္တိဇံကိုခံကြလော့။ သို့ပြုလျှင် သန့်ရှင်းသောဝိညာဉ်တော်ဆုကျေးဇူးတော်ကို
ခံရကြလိမ့်မည်။”
တမန်တော် ၂ဝး၂၁၊ “ဘုရားသခင့်ရှေ့တော်၌
နောင်တရခြင်းတရား ကို၎င်း၊ ငါတို့သခင်ယေရှုခရစ်တော်အား ယုံကြည်ခြင်းတရားကို၎င်း၊
ဂျူး(ယုဒ) လူမျိုးတို့နှင့် ဂရိလူမျိုးတို့အား သက်သေခံသည်ကို သင်တို့သိကြ၏။”
အဘယ်ကြောင့်လူသည် ဘုရားသခင်ဘက်သို့
နောင်တနှင့်ပြန်လာရ မည်နည်း။
ရောမ ၃း၂၃၊ “လူအပေါင်းတို့သည် ဒုစရိုက်ကိုပြု၍
ဘုရားသခင့်ရှေ့ တော်၌ အသရေပျက်ကြပြီ။”
မှတ်ချက်။ အပြစ်သားသည် ဧဝံဂေလိတရားကို
ကြားနာသောအခါ သခင်ယေရှုခရစ်တော်ကို မိမိကယ်တင်ရှင် အဖြစ်ယုံကြည်လက်ခံလာပါသည်။
ဘုရားသခင်၏ဖြောင့်မတ်ခြင်းတရားတော်အားဖြင့် သူသည် အပြစ်ရှိကြောင်း၊ သူ့ကိုယ်သူ
သိမြင်လာကာ၊ အပြစ်၌သူသေကဲ့သို့ဖြစ်ပြီးလျှင်၊ ခရစ်တော်ကို ယုံကြည်ခြင်း၌
ရှင်ပြန်ထမြောက်လာပါသည်။
ရောမ ၇း၉၊ “အထက်ကငါသည်
တရားမဲ့လျက်အသက်ရှင်ခဲ့သော် လည်း၊ ပညတ်တရားရောက်လာသောအခါ၊ အပြစ်သည် အသက်ရှင်လာ၍၊
ငါလည်း သေ၏။” ရောမ ၆း၆၊ ၈၊ “အပြစ်ခန္ဓာကိုယ်ကို ဖျက်ဆီးလျက်၊ ငါတို့ သည် အပြစ်၏
အစေကိုမခံရတော့မည်အကြောင်း၊ ငါတို့၏လူဟောင်းသည် ကိုယ်တော်နှင့်အတူ လက်ဝါးကပ်တိုင်၌
အသေခံပြီဟု ငါတို့သည် သိကြ၏။” “ယခုတွင် ငါတို့သည် ခရစ်တော်နှင့်အတူအသေခံရလျှင်၊
ကိုယ်တော်နှင့်အတူ အသက်ရှင်ရမည်ဟု ငါတို့သည် ယုံကြည်ကြ၏။”
ခရစ်တော်နှင့်အတူ သေသောသူသည်
မည်သို့ဖြစ်လာမည်နည်း။
ရောမ ၆း၄၊၅၊ “ထို့ကြောင့် ငါတို့သည်
ဗတ္တိဇံအားဖြင့်ကိုယ်တော်နှင့် အတူ သေခြင်း၌သင်္ဂြိုဟ်ခြင်းခံရလျှင်၊ ခမည်းတော်၏
ဘုန်းတန်ခိုးတော်အား ဖြင့် သေခြင်းမှ ခရစ်တော်ကဲ့သို့ ထမြောက်လျက်၊ ငါတို့သည်
အသစ်သော အသက်တာ၌ ကျင်လည်ရကြလိမ့်မည်။ ကိုယ်တော်၏သေခြင်း၌ ငါတို့သည် အတူတကွ
စိုက်ပျိုးခြင်းခံရလျှင်၊ ငါတို့သည် ကိုယ်တော်နှင့်အတူတကွ ရှင်ပြန် ရကြလိမ့်မည်။”
ယုံကြည်သူသည် မည်သည့်ရည်ရွယ်ချက်နှင့်
ဗတ္တိဇံခံပါသနည်း။
ကောလောသဲ ၂း၁၂၊ “ဗတ္တိဇံအားဖြင့်
ထိုသခင်နှင့်အတူသင်တို့သည် သင်္ဂြိုဟ်ခြင်းကို ခံရသည်နည်းတူ၊ သေခြင်းမှထိုသခင်ကို
ထမြောက်စေတော်မူ သော ဘုရားသခင်၏ စီမံတော်မူရာဖြစ်သည့် ယုံကြည်ခြင်းအားဖြင့်
ထိုသခင် နှင့်အတူ သင်တို့သည် ထမြောက်ရကြ၏။”
မှတ်ချက်။ မိမိအပြစ်အတွက် ခရစ်တော်သည်
အသေခံတော်မူ၍၊ ဖြောင့်မတ်ရာသို့ မိမိရောက်ရှိရန်အတွက် ပြန်လည်ထမြောက်သည်ဟု မိမိ၏
ယုံကြည်ခြင်းကို ပြသသည့်အနေဖြင့် ယုံကြည်သူသည် ဗတ္တိဇံခံရခြင်းဖြစ်ပါ သည်။
မိမိသေသွားသော်လည်း ရှင်ပြန်ထမြောက်ရာနေ့၌ ပြန်လည်ထမြောက် မည် ဖြစ်ကြောင်း၊
မိမိအပြစ်ဘ၀ဟောင်း၌ သူသည်သေ၍၊ ခရစ်တော်နှင့် အတူဘ၀သစ်၌ ကျင်လည်ရန်
ထမြောက်ခြင်းဖြစ်သည်ဟုလည်း သူသည် ယုံကြည်ကြောင်း ပြသခြင်းဖြစ်ပါသည်။
ခရစ်တော်၌ ဗတ္တိဇံခံသောအခါ ယုံကြည်သူသည်
မည်သည့်အရာကို ဝတ်ဆင်ခြင်းဖြစ်ပါသနည်း။
ဂလာတိ ၃း၂၇၊
“ခရစ်တော်၌ဗတ္တိဇံကိုခံသောသူရှိသမျှတို့သည် ခရစ် တော်ကို
ယူတင်ဝတ်ဆောင်သောသူဖြစ်ကြ၏။” လူသူအများရှေ့၌ ကျွန်ုပ်တို့ သည် ခရစ်တော်ကို
ဝန်ခံခြင်းဖြစ်သည်။ ဗတ္တိဇံခံသောသူသည် ခရစ်တော်ကို ယူတင်ဝတ်ဆင်သည် ဖြစ်ကြောင်း
ဗတ္တိဇံခံခြင်းဖြင့် လူသူအများရှေ့၌ သက် သေခံခြင်း ဖြစ်သည်။ ဗတ္တိဇံခံယူရန်
ပြင်ဆင်ရာ၌ ခရစ်တော်ကို ယုံကြည်လက် ခံခြင်းသည် မပါမဖြစ်ဖြစ်ပါသည် (တမန်တော် ၈း၃၆၊
၃၇)။
ဗတ္တိဇံခံရာ၌ ခံသောသူနှင့်
ဗတ္တိဇံပေးသောသူတို့သည် အတူတကွ ရေထဲ၌ ဆင်းရပါသည်။
တမန်တော် ၈း၃၈၊ ၃၉၊ “ရထားကိုရပ်စေခြင်းငှာ
စီရင်ပြီးမှ၊ ဖိလိပ္ပု သည် ထိုအမတ်နှင့်တကွ ရေထဲသို့ဆင်း၍ ဗတ္တိဇံကို ပေး၏။
ရေထဲကတက်ကြ လျှင်၊ ထာ၀ရဘုရား၏ ဝိညာဉ်တော်သည် ဖိလိပ္ပုကို ဆောင်ယူတော်မူ၍၊ အမတ်သည်
ဖိလိပ္ပုကို နောက်တဖန်မတွေ့မမြင်ရ။ ဝမ်းမြောက်ဝမ်းသာခြင်း နှင့် မိမိသွား
သောလမ်းကို သွားလေ၏။”
ဘုရားသခင်၏ နှုတ်ကပတ်တော်ကို လက်ခံလျက်၊
ခရစ်တော်ကို ယုံကြည်သော သူများသာ ဗတ္တိဇံခံဖို့ရန် သင့်လျော်သော သူများဖြစ်ကြသည်။
တမန်တော် ၂း၄၁၊ “ထိုစကားကို
အသင့်နှလုံးသွင်းမိသောသူတို့သည် ဗတ္တိဇံကိုခံ၍၊ ထိုနေ့၌အရေအတွက်အားဖြင့်
သုံးထောင်မျှလောက်သောသူတို့ သည် ဝင်ကြ၏။”
မာကု ၁၆း၁၆၊ “ယုံကြည်၍ ဗတ္တိဇံကိုခံသောသူသည်
ကယ်တင်တော် မူခြင်းသို့ရောက်လတံ့။ မယုံကြည်သောသူမူကား အပြစ်စီရင်ခြင်းကို ခံရလ
တံ့။”
ဗတ္တိဇံခံမည့်သူသည် နှုတ်ကပတ်တော်မှ
ဟောကြားသောတရားများကို နားလည်လျက်၊ မိမိကယ်တင်ခြင်းအတွက် ခရစ်တော်ကို ယုံကြည်ရမည်။
တမန်တော် ၁၆း၃၀-၃၄၊ “သူတို့ကို
ပြင်သို့ထုတ်ပြီးလျှင်၊ သခင်တို့ ကျွန်ုပ်သည် ကယ်တင်ခြင်းရရှိဖို့
ဘာလုပ်ရမည်နည်းဟု မေးလေ၏။ ထိုသူတို့ ကလည်း၊ သခင်ယေရှုခရစ်တော်ကို ယုံကြည်လော့။
ယုံကြည်လျှင် သင်နှင့် သင်၏အိမ်သူ အိမ်သားတို့သည် ကယ်တင်ခြင်းခံရကြလိမ့်မည်ဟု
ဆိုလျက်၊ ထိုသူမှစ၍ သူ၏ အိမ်သူအိမ်သားရှိသမျှတို့အား သခင်ဘုရား၏နှုတ်ကပတ်
တရားတော်ကို ဟောကြ၏။ ထိုည၊ ထိုနာရီအချိန်၌ပင်၊ ထောင်မှူးသည် ပေါလုနှင့်သိလတို့ကို
ယူ၍ ဒဏ်ချက်ရာများကို ဆေးကြောပြီးလျှင်၊ မိမိလူ အပေါင်းတို့နှင့်တကွ
ဗတ္တိဇံကိုချက်ခြင်းခံလေ၏။ ပေါလုနှင့်သိလတို့ကို မိမိ အိမ်သို့ခေါ်ပင့်ပြီးမှ
သူတို့ကို လုပ်ကျွေး၍၊ ဘုရားသခင်ကို ယုံကြည်လျက် အိမ်သူအိမ်သားအပေါင်းတို့နှင့်တကွ
ဝမ်းမြောက်ခြင်းသို့ ရောက်လေ၏။”
မှတ်ချက်။ ဗတ္တိဇံမခံမီ ယုံကြည်ခြင်းကို
အလေးပေးရန် အရေးကြီး ကြောင်းထင်ရှားလျက်ရှိသည် (တမန်တော် ၈း၁၂၊ ၃၇။ ၁၈း၈။ မာကု
၁၆း၁၆။ ကောလောသဲ ၂း၁၂)။ ဤအချက်သည် မိမိကယ်တင်ခြင်းအတွက် သခင်ယေ ရှုခရစ်တော်ကို
ယုံကြည်ရန် လိုအပ်ကြောင်း မသိနားမလည်သေးသော ကလေးသူငယ်များအား ဗတ္တိဇံပေးခြင်းကို
ကြိုတင်တားဆီးခြင်းဖြစ်သည်။
ပင်တေကုတ္တေပွဲနေ့၌ အသင်းတော်သို့
ယုံကြည်သူမည်မျှဝင်လာပါ သနည်း (တမန်တော် ၂း၄၁)။ တစ်ကြိမ်တည်းဖြင့် ဤမျှများပြားသော
လူအုပ် ကြီး ဗတ္တိဇံခံသည်ကို အသိအမှတ်ပြုလျက်၊ ထိုအချိန်၌တပည့်တော်အပါး ၁၂၀
ရှိကြောင်းကိုလည်း မမေ့သင့်ပေ (တမန်တော် ၁း၁၅)။ ၁၂၀ တွင် ထက်ဝတ် (၆၀)သော
တပည့်တော်တို့သည် ဗတ္တိဇံပေးခဲ့လျှင်၊ တစ်ပါးသည် လူသစ် (၅၀)ကို
ဗတ္တိဇံပေးရမည်ဖြစ်ပြီး၊ အချိန်တစ်နာရီအတွင်း ပြီးစီးနိုင်ပါသည်။
ဗတ္တိဇံနှင့်စပ်လျဉ်း၍ သခင်ယေရှုသည်
မည်သည့်ပုံသက်သေပြခဲ့ပါ သနည်း။
မဿဲ ၃း၁၃-၁၅၊ “ထိုအခါ ယေရှုသည်
ဗတ္တိဇံကိုခံအံ့သောငှာ ဂါလိလဲပြည်မှ ယောဒန်မြစ်နားယောဟန်ထံသို့ ကြွတော်မူ၏။
ယောဟန်က လည်း၊ အကျွန်ုပ်သည် ကိုယ်တော်ထံ၌ ဗတ္တိဇံကိုခံရမည်အကြောင်းရှိပါသည် ဖြစ်၍၊
ကိုယ်တော်သည် အကျွန်ုပ်ထံသို့ ကြွလာတော်မူသလောဟု ယေရှုကို ဆီးတားလေ၏။ ယေရှုကလည်း
အလုံးစုံသောတရားတို့ကို အကုန်အစင်ကျင့် သင့်သည်ဖြစ်၍၊ ယခုအခွင့်ပေးပါဟု
ပြန်ပြောတော်မူ၏။ ထိုအခါ ယောဟန် သည် ဝန်ခံလေ၏။”
မှတ်ချက်။ ယောဟန်၏ဗတ္တိဇံသည်
“အပြစ်လွှတ်ခြင်းအဖို့ နောင်တ နှင့် ဆိုင်သောဗတ္တိဇံတရား” ဖြစ်သည် (မာကု ၁း၄)။
သခင်ယေရှုကိုယ်တိုင် သည် ဝန်ချစရာအပြစ်မရှိသောကြောင့် နောင်တရစရာမရှိပါ။
သို့သော်လည်း ထာ၀ရဘုရားသခင်သည် လူတကာတို့၏အပြစ်ကို သူ့အပေါ်၌ တင်ထားသည်
ဖြစ်သောကြောင့်၊ ဗတ္တိဇံခံရန်လိုအပ်သောအပြစ်သားများကိုယ်စား ရပ်တည် ပေးရသဖြင့်၊
သူတို့ပြုသင့်သည့်အတိုင်း ဗတ္တိဇံခံဖို့ သင့်အပ်လျော်ကန်ခြင်း ဖြစ်သည်။ (J.
H. Waggoner, Thoughts on Baptism, pp. 61, 62)
ဗတ္တိဇံသည်
သင်္ဂြိုဟ်ခြင်းကိုပုံဆောင်ထားသည်ဖြစ်သောကြောင့် ရေထဲ ၌ နှစ်ခြင်းကို ပြုရသည်။
ကောလောသဲ ၂း၁၂၊
“ဗတ္တိဇံအားဖြင့်ထိုသခင်နှင့်အတူ သင်တို့သည် သင်္ဂြိုဟ်ခြင်းကို ခံရသည်နည်းတူ၊
သေခြင်းမှ ထိုသခင်ကို ထမြောက်စေတော်မူ သော ဘုရားသခင်၏ စီမံတော်မူရာဖြစ်သည့်
ယုံကြည်ခြင်းအားဖြင့် ထိုသခင် နှင့်အတူ သင်တို့သည် ထမြောက်ရကြ၏။”
ဧဖက် ၄း၅ -
“သခင်တပါး၊ ယုံကြည်ခြင်းတပါး၊ ဗတ္တိဇံတပါး။”
မဿဲ ၃း၁၆ -
“ဗတ္တိဇံကိုခံတော်မူပြီးလျှင်၊ ရေမှပေါ်ထစဉ်တွင်။”
တမန်တော် ၈း၃၈ - “ရေထဲသို့ဆင်း၍
ဗတ္တိဇံကိုပေး၏။”
ရောမ ၆း၄၊ ၅ -
“ဗတ္တိဇံသည် သင်္ဂြိုဟ်ခြင်းဖြစ်သည်။”
ယောဟန် ၃း၂၃ - “ရေများများလိုအပ်သည်။”
ဟေဗြဲ ၁ဝး၂၂ -
“စိတ်နှလုံးများကိုရေဖျန်း၍ ခန္ဓာကိုယ်များကိုကြည်
သာ
ရေဖြင့် ဆေးကြောရမည်။”
၁ ပေတရု ၂း၂၁ -
“ခရစ်တော်၏ခြေတော်ရာကိုလိုက်ရှောက်ရမည်။”
မာကု ၁း၅ -
“ယောဒန်မြစ်ထဲ၌”
ဗတ္တိဇံအားဖြင့် ပုံဆောင်ထားသော
အသက်တာမျိုးမရှိပါက ကျွန်ုပ်တို့ ၏ ရှေ့ရေးသည် မည်သို့ဖြစ်မည်နည်း။
ယောဟန် ၃း၅၊ “ယေရှုကလည်း၊ ရေနှင့်ဝိညာဉ်တော်၌
မမွေးသောသူ မည်သည်ကား၊ ဘုရားသခင်၏နိုင်ငံတော်သို့ မဝင်ရဟု . . . မိန့်တော်မူ၏။”
ယုံကြည်၍ ပြောင်းလဲသောသူသည် ဗတ္တိဇံခံဖို့
မည်မျှကြာအောင် စောင့်ဆိုင်းရမည်နည်း။
တမန်တော် ၂၂း၁၆၊ “ယခုလည်း
သင်သည်အဘယ်ကြောင့်ဆိုင်းလင့် ၍ နေသနည်း။ ထလော့၊ သခင်ဘုရားကို ပဌနာပြုလျက်
ဗတ္တိဇံကိုခံ၍၊ သင်၏ အပြစ်များကို ဆေးကြောလော့။”
ဗတ္တိဇံခံပြီးသွားသောသူသည် ဘာလုပ်ရမည်နည်း။
ကောလောသဲ ၃း၁၊ “သင်တို့သည် ခရစ်တော်နှင့်အတူ
ထမြောက်ကြ သည် မှန်လျှင်၊ ဘုရားသခင်၏လက်ျာတော်ဘက်မှာ ခရစ်တော်ထိုင်တော်မူရာ
အရပ်၌ရှိသော အထက်အရာတို့ကို ရှာကြလော့။”
မှတ်ချက်။ အပြစ်သားသည် ဘုရားသခင်၏ပညတ်တရားကို
ချိုး ဖောက်ခဲ့သည်။ ဝိညာဉ်တော်၏ ဩဇာညောင်းမှုအားဖြင့် သူသည်နောင်တ တရား ရလာသည်။
ခရစ်တော်၏အသွေးတော်သည် အပြစ်မှသူ့ကိုကယ်တင် သည်။ အပြစ်သားကိုယ်စား အသေခံ၍၊
သင်္ဂြိုဟ်ခြင်းခံပြီးလျင်၊ ဝိညာဉ်တော် တန်ခိုးဖြင့် ဘုရားသခင် ထမြောက်စေတော်မူသော
ခရစ်တော်ကို၊ သူသည် ယုံကြည်သည် ဖြစ်ကြောင်း ဗတ္တိဇံခံခြင်းဖြင့် အပြစ်သားသည်
ပြသပါသည် (ရောမ ၈း၁၁။ ၁ ကောရိန်သု ၁၅း၁၅)။ သေခြင်းမှခရစ်တော်ကို ရှင်ပြန်ထ
မြောက်စေခြင်း၌လည်းကောင်း၊ အပြစ်သား ပြောင်းလဲစေရန် လုပ်ဆောင်ရာ၌ လည်းကောင်း
ဤနာမတော်သုံးပါးသည် ညီညွှတ်ဆက်စပ်မှုရှိသောကြောင့်၊ အပြစ်သားသည် ခမည်းတော်၏
နာမတော်၊ သားတော်၏ နာမတော်နှင့်၊ သန့်ရှင်းသော ဝိညာဉ်တော်၏နာမတော်၌
ဗတ္တိဇံခံခဲ့ခြင်း ဖြစ်ပါသည် (မဿဲ ၂၈း၁၉)။
အခန်းကြီး - ၄၉
၄၉။ ဧဝံဂေလီလုပ်ငန်းကိုထောက်ပံ့ခြင်း
THE
SUPPORT OF THE GOSPEL MINISTRY
ဤလောက၌လူသည်
ဥစ္စာမည်မျှလောက်ပိုင်ဆိုင်ပါသနည်း။
ဟဂ္ဂဲ ၂း၈၊ “ရွှေနှင့်ငွေကို ငါပိုင်သည်ဟု
ကောင်းကင်ဗိုလ်ခြေအရှင် ထာ၀ရ ဘုရားမိန့်တော်မူ၏။”
၁ ဆာလံ ၅ဝး၁၀၊၁၁၊
“တောတိရစ္ဆာန်ရှိသမျှတို့နှင့် တထောင်သော တောင်ပေါ်မှာရှိသော တိရစ္ဆာန်တို့သည်
ငါ၏ဥစ္စာဖြစ်ကြ၏။ တောင်ပေါ်မှာ နေတတ်သော ငှက်အပေါင်းတို့ကို ငါသိ၏။
တောသားရဲတို့ကိုလည်း ငါပိုင် ၏။”
ဆာလံ ၂၄း၁၊ “မြေကြီးနှင့်မြေကြီးတန်ဆာကို၎င်း၊
လောကနှင့် လောကသားတို့ကို၎င်း ထာ၀ရဘုရားပိုင်တော်မူ၏။”
မည်သူသည်ဥစ္စာရတတ်ခြင်းကို
လူတို့အားပေးပါသနည်း။
တရားဟောရာ ၈း၁၈၊ “သင်၏ဘုရားသခင်ထာ၀ရဘုရားကိုသာ
အောက်မေ့ရမည်။ အကြောင်းမူကား . . . စည်းစိမ်ရ တတ်သောအစွမ်း သတ္တိကို
ဘုရားသခင်ပေးတော်မူ၏။”
မှတ်ချက်။ ဤလောကတွင်
ကျွန်ုပ်တို့၌ဥစ္စာရှိသမျှသည် မိမိဘဏ္ဍာ ထိန်းများသဖွယ် ကျွန်ုပ်တို့အား ဘုရားသခင်
ချေးငှားထားသော ဥစ္စာသက် သက်ဖြစ်သည် (မဿဲ ၂၅း၁၄-၃၀)။
မည်သည့်နည်းဖြင့် ကျွန်ုပ်တို့သည် ဘုရားသခင်ကို
ဂုဏ်ပြုချီးမြှောက် နိုင်မည်နည်း။
သုတ္တံ ၃း၉၊ “သင်သည် ကိုယ့်ဥစ္စာနှင့်
အဦးသီးသောအသီးအနှံရှိသမျှ နှင့် ထာ၀ရဘုရားကို ပူဇော်လော့
(ဂုဏ်ပြုချီးမြှောက်လော့)။” ထာ၀ရဘုရား သည် မိမိပိုင်သော ဥစ္စာကို
တောင်းဆိုတော်မူခြင်းဖြစ်သည်။
ဝတ်ပြုရာ ၂၇း၃၀၊ “အသီးအနှံဖြစ်စေ၊
သစ်သီးဖြစ်စေ၊ မြေကဖြစ်သမျှ ဆယ်စုတစုသည် ထာ၀ရဘုရား၏ ဘဏ္ဍာတော်ဖြစ်၏။
ထာ၀ရဘုရားအဖို့ သန့်ရှင်း၏။”
မှတ်ချက်။ ဆယ်ဖို့တစ်ဖို့၊ သို့မဟုတ်
ဆယ်စုတစ်စုသည် ဘုရားသခင် ၏ ပိုင်ဆိုင်မှုနှင့် ဘဏ္ဍာစိုးလုပ်ငန်းတို့ကို
သတိရစေပါသည်။ ၎င်းသည် ရှေးအခါက မိမိလူတို့အား ဘုရားသခင်တောင်းဆိုသကဲ့သို့
ယနေ့တွင်ရှိသော ကျွန်ုပ်တို့အား လျှော့ပြီး တောင်းဆိုပါမည်လား။
ဆယ်ဖို့တစ်ဖို့ပေးခြင်းသည်
ဘုရားသခင်၏အစီအစဉ်ဖြစ်၍၊ အစ္စရေး
လူမျိုးနွယ်စုဖြစ်ပေါ်မလာမီကပင်
ရှိနှင့်ပြီဖြစ်ကြောင်း၊ ကျွန်ုပ်တို့မည်သို့ သိရှိရ ပါသနည်း။
ကမ္ဘာဦး ၁၄း၁၈-၂၀၊ “အမြင့်ဆုံးသောဘုရားသခင်၏
ယဇ်ပုရော ဟိတ်ဖြစ်သော ရှာလင်မင်းကြီး မေလခိဇေဒက်သည်လည်း၊ မုန့်နှင့်စပျစ်ရည် ကို
ဆောင်ခဲ့ပြီးလျှင်၊ ကောင်းကင်မြေကြီးရှင်၊ အမြင့်ဆုံးသောဘုရားသခင် သည် အာဗြဟံအား
ကောင်းကြီးပေးပါစေသောဟု၊ အာဗြဟံကိုကောင်းကြီး ပေး၏။ . . . အာဗြဟံသည်လည်း
ဥစ္စာရှိသမျှတို့ကို မင်းအားဆယ်ဖို့တဖို့ လှူလေ၏။”
မှတ်ချက်။
ဂျူးလူမျိုးနွယ်စုတစ်ဦးတစ်ယောက်မျှမရှိမီ၊ နှစ်ပေါင်းများ စွာကတည်းက လူတို့သည်
ဆယ်ဖို့တဖို့ လှူဒါန်းခြင်းကို ကျင့်သုံးခဲ့ပါသည်။ အာဗြဟံ၏
ပေးကမ်းစွန့်ကြဲခြင်းသည် ကျွန်ုပ်တို့အတွက် စံပြဖြစ်သည်။ ဆယ်ဖို့ တဖို့ပေးခြင်းသည်
ဂျူးလူမျိုးတို့၏ ထုံးစံဓလေ့ဖြစ်သည်ဟု အတိုက်အခံပြုခြင်း သည် လုံး၀
အခြေအမြစ်မရှိပါ။ ဘုရားသခင်အား ဆယ်ဖို့တဖို့ပေးရန် ယာကုပ် ကတိပေးခဲ့ပါသည်။ ကမ္ဘာဦး
၂၈း၂၂၊ “ပေးသနားတော်မူသမျှတို့မှ ဆယ်ဖို့တ ဖို့ ပူဇော်ပါမည်။”
နောက်ပိုင်းတွင် ဘုရားသခင်၏
လူဖြစ်သောအစ္စရေးတို့အနေဖြင့် ဆယ်ဖို့တဖို့ သီးသန့်လှူဒါန်းရန်
အမိန့်တော်ရှိပါသည်။
တရားဟောရာ ၁၄း၂၂၊ “လယ်ယာ၌တနှစ်တနှစ်တွင်
သိမ်းရသော အသီးအနှံဆယ်ဖို့တဖို့ကို အမှန်ခွဲထားရမည်။”
နေဟမိ ၁၃း၁၂၊ “ယုဒလူအပေါင်းတို့သည် ဆန်စပါး၊
စပျစ်ရည်နှင့် ဆီတို့မှ ဆယ်ဖို့တဖို့ကို ဘဏ္ဍာတော်တိုက်သို့ ဆောင်ခဲ့ကြ၏။”
ဆယ်ဖို hတဖို hသည် ဘုရားသခင် ၏။
အမှုတော်ကို ဆောင်ရွက်သော လေဝိအမျိုးနှင့် ယဇ်ပုရောဟိတ်တို့အား
ထောက်ပံ့ရန်အတွက်ဖြစ်ပါသည်။
တော်လည်ရာ ၁၈း၂၁၊ “လေဝိသားတို့သည်
ပရိသတ်စည်းဝေးရာ တဲတော်အမှုကို ဆောင်ရွက်သောကြောင့်၊ သူတို့အမွေခံစရာဖို့
အစ္စရေးအမျိုး သားတို့၏ ဥစ္စာဆယ်ဖို့တဖို့ကို ငါပေးပြီ။”
နေဟမိ ၁၂း၄၄၊၄၅၊
“ထိုအခါယဇ်ပုရောဟိတ်နှင့်လေဝိသားတို့သည် အမှုတော်ကိုစောင့်လျက်နေသောကြောင့်၊
ယုဒအမျိုးသားတို့သည် အားရဝမ်း မြောက်ကြသည်ဖြစ်၍၊ . . . ပူဇော်သက္ကာ၊ အဦးသောအသီး၊
ဆယ်ဖို့တဖို့ကို . . . သိုထားစရာ တိုက်များကိုအုပ်ရသော ဘဏ္ဍာစိုးတို့ကို
ခန့်ထားကြ၏။ သီချင်းသည်နှင့် တံခါးစောင့်တို့သည်လည်း၊. .ဘုရားသခင်အမှုနှင့်
စင်ကြယ် ခြင်းအမှုကို စောင့်ရှောက်လျက်နေကြ၏။”
ဆယ်ဖို့တဖို့ကို ထိန်းချုပ်ဟန့်တားခြင်းအား
ဘုရားသခင်မည်သို့ သဘောထားပါသနည်း။
မာလခိ ၃း၈၊၉၊ “လူသည်ဘုရားသခင်ကိုလုယူရမည်လော။
သင်တို့ သည် ငါ့ကိုလုယူနေပါလျက်နှင့် မည်သည့်အရာကို လုယူပါသနည်းဟု ဆိုကြ ၏။
ဆယ်ဖို့တဖို့များနှင့်ပူဇော်သက္ကာများကို လုယူကြပြီ။ သင်တို့သည် ကျိန် ခြင်း
အမင်္ဂလာခံရကြ၏။ အကြောင်းမူကား၊ တမျိုးသားလုံးသည် ငါ့ကိုလုယူ ကြပြီ။”
ဧဝံဂေလိတရားခေတ်ကာလ၌ ယုံကြည်သူတို့သည် မည်သည့်
ဘဏ္ဍာ စိုးအရာကိုရရှိကြပါသနည်း။
၁ ကောရိန်သု ၉း၁၃၊၁၄၊
“ဓမ္မကိစ္စအမှုကိုဆောင်ရွက်သောသူတို့သည် ဗိမာန်တော်ကိုအမှီပြု၍ စားရသည်ကို၎င်း၊
ယဇ်ပူဇော်ခြင်းအမှုကို ဆောင်ရွက် သော သူတို့သည် ယဇ်ပလ္လင်နှင့်ဆက်ဆံ၍
စားရသည်ကို၎င်း၊ သင်တို့မသိကြ သလော။ ထိုနည်းတူ ဧဝံဂေလိတရားကိုဟောသော သူတို့သည်
ဧဝံဂေလိ တရားကို အမှီပြု၍ အသက်မွေးရမည်အကြောင်း သခင်ဘုရားစီရင်တော်မူ ၏”
မေလခိဇေဒက်ယဇ်ပုရောဟိတ်လက်ထက်၌လည်း
ဆယ်ဖို့တဖို့ကို ကောက်ခံစုဆောင်းခဲ့သည် (ကမ္ဘာဦး ၁၄း၁၈-၂၀)။
ယခုတွင် ခရစ်တော်သည် မေလခိဇေဒက်နည်းတူ
ယဇ်ပုရောဟိတ်မင်း ဖြစ်နေပါသည် (ဟေဗြဲ ၆း၂၀)။
ကျွန်ုပ်တို့သည် ခရစ်တော်နှင့်စပ်ဆိုင်လျှင်၊
ယုံကြည်ခြင်းအားဖြင့် အာဗြဟံ၏ သားသမီများ ဖြစ်ကြသည် (ဂလာတိ ၃း၂၉)။
ကျွန်ုပ်တို့သည်
အာဗြဟံ၏သားသမီးအစစ်အမှန်ဖြစ်ပါက အာဗြဟံ ကျင့်သကဲ့သို့ ကျွန်ုပ်တို့လည်းကျင့်ရပါမည်
(ယောဟန် ၈း၃၉)။
မြေကြီးပေါ်၌ရှိစဉ်ကာလ
ဆယ်ဖို့တဖို့ပေးခြင်းစနစ်ကို ခရစ်တော် ထောက်ခံပါသလား (မဿဲ ၂၊၃း၂၃)။
ဧဝံဂေလိလုပ်ငန်းအထောက်အပံ့ပေးခြင်းအတွက်
တာဝန်ရှိသည်ဟု မည်သူတို့ခံစားသင့်ပါသနည်း။
၁ ကောရိန်သု ၉း၁၁၊ “ငါတို့သည် သင်တို့၌
ဓမ္မမျိုးစေ့ကိုစိုက်ပြီးမှ သင်တို့၏လောကီအသီးကို သုံးဆောင်လျှင်။”
ရောမ ၁၅း၂၇၊ “တပါးအမျိုးသားတို့သည်
ဓမ္မဥစ္စာကိုယုဒ အမျိုးသား တို့နှင့်ဆက်ဆံ၍ရသည်မှန်လျှင် လောကီဥစ္စာကို
လှူ၍လုပ်ကျွေးအပ်၏။”
၁ တိမောသေ ၅း၁၈၊ “လုပ်ဆောင်သောသူသည်
အခကိုခံထိုက်ပေ သည်။”
မည်သည့်အရာကိုအခြေခံလျက် ခရစ်ယာန်တို့သည်
ဆယ်ဖို့တဖို့နှင့် အလှူငွေများကိုမည်မျှလောက်စည်းစနစ်ကျစွာဖြင့်
သီးသန့်ထားရှိရမည်နည်း။
၁ ကောရိန်သု ၁၆း၂၊ “ခုနစ်ရက်တွင်
ပထမနေ့ရက်၌အသီးအသီး ကောင်းစားသည်အတိုင်း၊ မိမိတို့ဥစ္စာတဖို့ကို ထုတ်၍
စုထားကြလော့။”
မှတ်ချက်။ ဆယ်ဖို့တဖို့ပေးခြင်းသည်
ခရစ်တော်၏လက်ဝါးကပ်တိုင်၌ ရိုက်ထားသောဝိနည်းအထုံးအဖွဲ့များနှင့် မစပ်ဆိုင်ပါ။
နမူနာလည်း မဟုတ်ပါ။ အရိပ်နိမိတ်ပြခြင်းလည်းမဟုတ်ပါ။ ဘုရားသခင်၏ ပိုင်ဆိုင်မှုကို
အမြဲသတိရ စေသောအရာတစ်ခုဖြစ်သည်။ ခရစ်တော်၏အသေခံခြင်းသည် ဘုရားသခင် ၏ပိုင်ဆိုင်မှုကို
အပြောင်းအလဲမဖြစ်စေပါ။ ခရစ်ယာန်တို့၏ တာဝန် ဝတ္တရား ကို ပို၍လေးနက်စေပါသည်။
ကျွန်ုပ်တို့၏တာဝန်မှာ ဘုရားသခင်၏ ပိုင်ဆိုင်မှု ကို အသိအမှတ်ပြု၍၊
အံ့ဖွယ်ကျေးဇူးတော်နှင့် ကယ်တင်ခြင်းကို အထူးတန်ဖိုး ထားဖို့ဖြစ်ပါသည်။
ကိုယ်တော်၏ခွန်အားစွမ်းအင်သည် ယုတ်လျော့သွားခြင်း မရှိပါ။
ရှေးခေတ်က မိမိလူတို့အပေါ် ဘုရားသခင်ထားရှိသော
မည်သည့် ကတိတော်ကို ယနေ့တွင်ယုံကြည်သူတို့သည် ထပ်တူထပ်မျှ တောင်းဆိုနိုင်ပါ သနည်း။
မာလခိ ၃း၁၀၊ “ဆယ်ဖို့တဖို့ရှိသမျှကို
ဘဏ္ဍာတိုက်ထဲသို့သွင်း၍၊ ငါ့အိမ်တော်၌စားစရာရှိစေခြင်းငှာ ပြုကြလော့။ ငါသည်
မိုးကောင်းကင် ပြတင်းပေါက်တို့ကို
ဖွင့်၍ ကောင်းကြီးမင်္ဂလာကိုထားစရာမရှိလောက်အောင် သွန်းလောင်းမည် မသွန်းလောင်းမည်ကို
ထိုသို့စုံစမ်းကြလော့၊ ဟုဗိုလ်ခြေတို့၏ အရှင်ထာ၀ရဘုရား မိန့်တော်မူ၏။”
မှတ်ချက်။ တစ်ကမ္ဘာလုံး၌ရှိသော
ယုံကြည်သူခရစ်ယာန် အထောင် အသောင်းတို့သည်၊ ဆယ်ဖို့တဖို့နှင့်
အလှူတော်ငွေများအားဖြင့် ဘုရားသခင် ၏ အမှုတော်ကိုထောက်ပံ့၍ ကျယ်ပြန့်စေရန်
ဤစီမံကိန်းကိုလက်ခံကျင့်သုံး ကြပါသည်။ ဆယ်ဖို့တဖို့သို့မဟုတ် ဆယ်စုတစုကို
ဘုရားသခင်ထံတော်သို့ ပြန်လည်အပ်နှံရပါသည်။ ကျန်ရှိသော ဆယ်စုကိုးစုထဲမှ မိမိတို့၏
ဆန္ဒ အလျောက် ကိုယ်တော်အား အလှူတော်ငွေအဖြစ် ပေးအပ်ရသော အခွင့်
အရေးကျွန်ုပ်တို့၌ရှိပါသည်။ ယုံကြည်သူတို့သည် မိမိတို့၏ ပေးကမ်းလှူဒါန်း
ခြင်းအားဖြင့် ဘုရားသခင်၏ နိုင်ငံတော်အတွက် ရရှိသော ကျေနပ်ဝမ်းမြောက် ခြင်းရှိလာကြပါသည်။
အခန်းကြီး - ၅၀
၅၀။ သမ္မာကျမ်းတစ်ခုလုံး၌ တွေ့ရသောခရစ်တော်
CHRIST
IN ALL THE BIBLE
ဗျာဒိတ် ၂၂း၁၃၊ “ငါသည် အာလဖဖြစ်၏။
ဩမေဃလည်းဖြစ်၏။ အဦးဆုံးသောသူ၊ နောက်ဆုံးသောသူဖြစ်၏။”
ယောဟန် ၁း၁၊ “အစအဦး၌ နှုတ်ကပတ်တော်ရှိ၏။
နှုတ်ကပတ်တော် သည် ဘုရားသခင်နှင့်အတူရှိ၏။ နှုတ်ကပတ်တော်သည်လည်း ဘုရားသခင်
ဖြစ်တော်မူ၏။”
ဗျာဒိတ် ၂၂း၂၁၊ “ငါတို့သခင်ယေရှုခရစ်တော်၏
ကျေးဇူးတော်သည် သန့်ရှင်းသူအပေါင်းတို့၌ ရှိစေသတည်း။”
မှတ်ချက်။ ဖန်ဆင်းနိုင်သောနှုတ်ကပတ်တော်သည်
အစအဦး၌ ဘုရား သခင်ဖြစ်တော်မူ၏။ သူအားဖြင့် အရာခပ်သိမ်းဖန်ဆင်းခြင်းခံရ၏။
ယောဟန် ၁း၁၊၂ ၌ ဖော်ပြသော “နှုတ်ကပတ်တော်” သည်
အခြား မဟုတ်၊ ခရစ်တော်ယေရှုဖြစ်၏ (ယောဟန် ၁း၁၄)။ အစအဦး၌ ကတိထား တော်မူသော
မိန်းမ၏အမျိုးအနွှယ်သည် ခရစ်တော်ဖြစ်၏။ သမ္မာကျမ်းစာ၏ နောက်ဆုံးအခန်းကြီးတွင်
သူပြန်လည်ကြွလာမည်ဖြစ်ကြောင်း ကတိတော်ကို သုံးကြိမ်ဖော်ပြထားပါသည်။
ခရစ်တော်အပြည့်အစုံဖော်ပြနိုင်ရန်
ဓမ္မဟောင်းနှင့်ဓမ္မသစ် နှစ်ခုစလုံး
လိုအပ်ပါသည်။
လုကာ ၂၄း၂၇၊ ၄၄၊ “မောရှေ၏ကျမ်းမှစ၍
ပရောဖက်တို့၏ကျမ်းစာ များ၌ ကိုယ်တော်ကိုရည်မှတ်၍ ရေးထားသမျှသော ကျမ်းစာချက်အနက်ကို
ရှင်းလင်းစွာ ဖော်ပြတော်မူ၏။” “မောရှေ၏ပညတ္တိကျမ်းစာ၌၎င်း၊ ပရောဖက်
တို့၏ကျမ်းစာ၌၎င်း၊ ဆာလံကျမ်းစာ၌၎င်း၊ ငါ့ကိုရည်မှတ်၍ ရေးထားသမျှ သောအချက်တို့သည်
ပြည့်စုံမည်ဟု ငါသည်သင်တို့နှင့်အတူရှိစဉ်အခါ သင်တို့
အားဟောပြောသောအကြောင်းအရာတို့ကား၊ ဤအကြောင်းအရာပေတည်း။”
၂ ပေတရု ၃း၂၊ “သန့်ရှင်းသောပရောဖက်တို့သည်၊
အထက်ကဟော ပြောသောစကားများကို၎င်း၊ ကယ်တင်တော်မူသော အရှင်သခင်ဘုရား၏
တမန်တော်ဖြစ်သော ငါတို့၏ပညတ်ကို၎င်း၊ သင်တို့သည် အောက်မေ့စေခြင်း ငှာ။”
မှတ်ချက်။ တမန်တော်တို့ခေတ်ကာလတွင်
ဓမ္မဟောင်းကျမ်းစာ တစ် အုပ်တည်းသာ ရှိခဲ့ပါသည်။ ၎င်းကိုအခြေခံ၍ သူတို့သည်
ခရစ်တော်သည် ဘုရားသခင်၏ သားတော်ဖြစ်ကြောင်း၊ လောကီသားတို့ကို ကယ်တင်သော
အရှင်ဖြစ်ကြောင်း၊ ဓမ္မဟောင်းကျမ်းစာမှ အနာဂတ်စကားတို့၏ ပြည့်စုံခြင်း
ဖြစ်ကြောင်းတို့ကို သက်သေပြ၍ ဟောပြောကြပါသည်။ တမန်တော် ၂၆း၂၂ ၌ပါသောပေါလု၏
မိန့်ခွန်းသည် အထောက်အထားတစ်ခုဖြစ်ပါသည်။
ခရစ်တော်(မေရှိယ)ပေါ်ထွန်းမည်ဖြစ်ကြောင်းဓမ္မဟောင်းကျမ်းစာ၏အနာဂတ်စကားများ၊
- ကမ္ဘာဦး ၃း၁၅၊ ဂတိထားတော်မူသော “အမျိုးအနွယ်။”
- ကမ္ဘာဦး ၄၉း၁၀၊ “ရှိလော။”
- ထွက်မြောက်ရာ ၃း၁၄၊ “ငါ။” (ယောဟန် ၁း၂၉၊
“ဘုရားသခင်၏ သိုးသငယ်” ရှေးကာလ၌ရှိသောသူတို့အား ဧဝံဂေလိတရားဟော ကြားထားပါ သည်)။
- ဟေဗြဲ ၄း၂၊ “ငါတို့သည် ဧဝံဂေလိတရားကို
ခိုသူတို့ကဲ့သို့ကြားရပြီ။ သို့သော်လည်းသူတို့ကြားရသော နှုတ်ကပတ်တရားသည်
ကြားရသောသူတို့ အထဲ၌ ယုံကြည်ခြင်းနှင့်မရောနှောသောကြောင့် အကျိုးကိုမပေး။”
- တရားဟောရာ ၁၈း၁၅ - “ငါကဲ့သို့သောပရောဖက်။”
- ၂ ဓမ္မရာဇဝင် ၇၊ “ဒါဝိဒ်၏အမျိုးအနွှယ်”။
ဒါဝိဒ်၏ရာဇပလ္လင်
(လုကာ ၁း၃၂)။
- ဆာလံ ၁၁၀၊ ယဇ်ပုရောဟိတ်မင်း။
- ယေရှာယ ၅၃၊ ဒုက္ခခံစားသောကျွန်။
- ယေရမိ ၂၃း၆၊ “ငါတို့၏ဖြောင့်မတ်ခြင်းသခင်” -
ယေဟောဝါဇေဒ
ကနု။
- ယေဇကျေလ ၂၁း၂၇ - ကြွလာမည့်မင်းကြီး၊ “အစိုးပိုင်သောသူ။”
- ဒံယေလ ရး၁၃၊ “လူ၏သား။”
- ဇာခရိ ၆း၁၂၊ “အညွန့်။”
- မာလခိ ၃း၁၊ “ဘုရားသခင်၏ပဋိညာဉ်တမန်တော်။”
မှတ်ချက်။ ဓမ္မသစ်ကျမ်းတွင်
ပထမပိုင်းကျမ်းပိုင်း လေးကျမ်းဖြစ်သော ခရစ်ဝင်ကျမ်းတို့သည် ခရစ်တော်၏အကြောင်းကိုသာ
ဖော်ပြကြပါသည်။ ၎င်း တို့ နောက်တွင်ပေးစာကျမ်းပိုင်းများနှင့်
ဗျာဒိတ်ကျမ်းတို့သည်လည်း ခရစ် တော်အကြောင်း၊ သူ၏အမှုတော်အကြောင်းနှင့်၊
ဘုန်းတော်နှင့်ပြန်လည် ကြွလာသောအခါ ကယ်တင်ခြင်းခံသူတို့အား
ယူဆောင်သွားမည့်အကြောင်း တို့ကိုဗဟိုမဏ္ဍိုင် ထားကြပါသည်။
သက်ရှိနှုတ်ကပတ်တော်ဖြစ်သောခရစ်တော်နှင့်စာပေဖြင့်ရေးသားထားသော
နှုတ်ကပတ်တော်တို့နှိုင်းယှဉ်ချက်
ခရစ်တော် နှုတ်ကပတ်တော်
အစဉ်အမြဲ - ယောဟန် ၈း၃၅ အစဉ်အမြဲ - ၁ ပေတရု ၁း၂၃
အသက်ရှင်သော - ၁ ယောဟန် ၁း၁ အသက်ရှင်သော - ဖိလိပ္ပိ ၂း၁၆
မြဲမြံသော - ယေရှာယ ၂၈း၁၆ ဟုတ်မှန် - ဆာလံ ၁၉း၇
သမ္မာတရား - ယောဟန် ၁၄း၆ သမ္မာတရား - ယောဟန် ၁၇း၁၇
သန့်ရှင်းစင်ကြယ် - ဟေဗြဲ ၇း၂၆ ဓမ္မကျမ်းစာ - ၂ တိမောသေ ၃း၁၅
သန့်ရှင်း - ၁ ယောဟန် ၃း၃ အလွန်စင်ကြယ် - ဆာလံ ၁၁၉း၁၄၀
တန်ခိုးကြီး - ၁ ကောရိန်သု ၁း၂၄ တန်ခိုးကြီး - ဟေဗြဲ ၄း၁၂
သစ္စာရှိ - ဟေဗြဲ ၃း၁၊ ၂ သစ္စာစကား - ဗျာဒိတ် ၂၁း၅
ဖြောင့်မတ် - ၁ ယောဟန် ၂း၂၉ ဖြောင့်မတ် - ဆာလံ ၃၃း၄
စားစရာမုန့် - ယောဟန် ၆း၃၅ မုန့် - မဿဲ ၄း၄
အလင်း - ယောဟန် ၁း၈၊ ၉ အလင်း - ဆာလံ ၁၁၉း၁၀၅
နာမ်ဝိညာဉ် - ယောဟန် ၄း၂၄ ဝိညာဉ် - ယောဟန် ၆း၆၃
ကယ်တင်ခြင်းကျောက်ဆောင်ဖြစ်သောခရစ်တော်
မဿဲ ၁၆း၁၅-၁၈၊ “သင်တို့လည်း ငါ့ကို
အဘယ်သူဖြစ်သည်ဆိုကြ သနည်းဟု မေးတော်မူလျှင်၊ ရှိမုန်ပေတရုက၊ ကိုယ်တော်သည် ခရစ်တော်
တည်းဟူသော အသက်ရှင်တော်မူသောဘုရားသခင်၏ သားတော်ဖြစ်တော်မူ သည်ဟု လျှောက်လေ၏။
ယေရှုကလည်း၊ ရှိမုန်သားယောန၊ သင်သည်မင်္ဂလာ ရှိ၏။ အကြောင်းမူကား၊ အသွေးအသားသည်
ဤအကြောင်းအရာကို သင့်အားဖော်ပြသည်မဟုတ်။ ကောင်းကင်ဘုံ၌ရှိတော်မူသော ငါ့ခမည်းတော်
သည် ဖော်ပြတော်မူသတည်း။ ငါဆိုသည်ကား၊ သင်သည် ပေတရုဖြစ်၏။ ဤကျောက်ပေါ်မှာ
ငါ့အသင်းကို ငါတည်ဆောက်မည်။ ထိုအသင်းကို မရဏာ နိုင်ငံတံခါးတို့သည် မနိုင်ရာ။”
တမန်တော်ပေါလုက၊ ခရစ်တော်သည်
ကျောက်(ဆောင်)ဖြစ်သည်ဟု အတိအလင်းပြောဆိုပါသည်။
၁ ကောရိန်သု ၁ဝး၄၊ “ရှိသမျှတို့သည်
ဓမ္မရေကိုသောက်ကြ၏။ အကြောင်းမူကား၊ ထိုသူတို့သည် သူတို့နောက်၌လိုက်သော ဓမ္မကျောက်
ဆောင်မှ သောက်ကြ၏။ ထိုကျောက်ဆောင်ကား ခရစ်တော်ဖြစ်သတည်း။”
၁ ကောရိန်သု ၃း၁၁၊ “ယေရှုခရစ်တော်တည်းဟူသော၊
ချလျက်ရှိ သော တိုက်မြစ်မှတပါး အခြားသောတိုက်မြစ်ကို အဘယ်သူမျှမချနိုင်။”
တမန်တော် ပေတရုကလည်း
ကျောက်ဆောင်ဖြစ်သောခရစ်တော် အကြောင်းကို ပြောဆိုပါသည်။
တမန်တော် ၄း၁၁၊၁၂၊ “ထိုသခင်ကား
တိုက်ကိုတည်လုပ်သော သင် တို့ ပယ်ထားပြီးမှ တိုက်ထောင့်အချုပ်ဖြစ်လာသော
ကျောက်ဖြစ်တော်မူ၏။ ထိုသခင်မှ တပါး အခြားအဘယ်သူ၌မျှ ကယ်တင်ခြင်းမရှိ။
အကြောင်းမူကား၊ ထိုသခင်၏ နာမတော်မှတပါး ငါတို့ကိုကယ်တင်နိုင်သော အခြားနာမတစုံ
တခုမျှ ကောင်းကင်အောက်လူတို့တွင် မရှိ။”
၁ ပေတရု ၂း၄-၈၊ “လူတို့ပယ်ထား၍
ဘုရားသခင်ရွေးချယ်တော်မူ သော အသက်ကျောက်မြတ်တည်းဟူသော ထိုသခင်ထံသို့
သင်တို့သည်ရောက် ၍၊ အသက်ကျောက်များကဲ့သို့ အဆင့်ဆင့်အထပ်ထပ်တည်ဆောက်လျက် ရှိသဖြင့်
ဓမ္မတိုက်ဖြစ်ကြ၏။ ယေရှုခရစ်တော်အားဖြင့် ဘုရားသခင်နှစ်သက် တော်မူရာ ဓမ္မယဇ်ကို ပူဇော်ရသောသန့်ရှင်းသော
ယဇ်ပုရောဟိတ်မျိုးလည်း ဖြစ်ကြ၏။ ထိုသို့နှင့်အညီ ကျမ်းစာလာသည်ကား၊
ရွေးချယ်သောတိုက်ထောင့် အမြစ်ကျောက်မြတ်ကို ဇိအုန်တောင်ပေါ်မှာ ငါချထား၏။
ထိုကျောက်ကို အမှီ ပြုသောသူသည် ရှက်ကြောက်ခြင်းမရှိနိုင်ရာဟု လာသတည်း။ သို့ဖြစ်၍
ယုံကြည်ခြင်းရှိသော သင်တို့၌ကား၊ တိုက်ကိုတည်လုပ်သောသူများ ပယ်ထား သောကျောက်သည်
နောက်တဖန် တိုက်ထောင့်အထွတ်ဖျားသို့ရောက် (အချုပ် ဖြစ်)ပြန်၏။ နားမထောင်ဘဲ
နှုတ်ကပတ်တော်ကို ထိမိ၍လဲသောသူတို့သည် ထိမိ၍လဲစရာကျောက်၊ မှားယွင်းစရာ
ကျောက်လည်းဖြစ်၏။ ထိုအမှုနှင့်တွေ့ စေခြင်းငှာ ထိုသူတို့ကိုခန့်ထားတော်မူသတည်း။”
အရေးကြီးသောတမန်တော်များညီလာခံ၌
သဘာပတိလုပ်သောသူ သည် ပေတရုမဟုတ်ဘဲ၊ တမန်တော် ယာကုပ်ဖြစ်ပါသည်။
တမန်တော် ၁၅း၇၊၁၃၊
“များစွာသောဆွေးနွေးငြင်းခုံခြင်းရှိသောအခါ ပေတရုသည်ထလျက်၊ ညီအစ်ကိုတို့၊
ဘုရားသခင်သည် ရှေ့ဦးစွာငါတို့တွင် ရွေးကောက်တော်မူ၍၊ ငါဟောပြောသောအားဖြင့်
တပါးအမျိုးသားတို့သည် ဧဝံဂေလိတရားကို ကြားနာ၍ ယုံကြည်ရမည်အကြောင်း
စီရင်တော်မူသည်ကို သင်တို့သိကြ၏။” “ထိုသူတို့သည် အကုန်အစင်ပြောဆိုပြီးမှ၊ ယာကုပ်က၊
ညီအစ်ကိုတို့၊ ငါ့စကားကိုနားထောင်ကြလော့။”
သင်းအုပ်ဆရာတို့၏စီရင်ပြဌာန်းချက်၊
တမန်တော်·၁၆း၄၊ “သူတို့သည် မြို့များကိုရှောက်သွားစဉ်တွင်၊ ယေရု
ရှလင် မြို့၌နေသော တမန်တော်တို့နှင့် သင်းအုပ်တို့သည် စီရင်သောပညတ် တို့ကို
အသင်းများ ကျင့်စောင့်ဖို့ရာအပ်ပေးကြ၏။”
မှတ်ချက်။ တမန်တော်ပေတရုက
“တမန်တော်ဖြစ်သောငါတို့” ဟူ သော စကားမျိုးသုံးပါသည် (၂ ပေတရု ၃း၂)။
သင်းအုပ်ဆရာတစ်ယောက် ဖြစ်သည်ဟုလည်း ပေတရုပြောပါသည် (၁ ပေတရု ၅း၁-၃)။ တမန်တော်တစ်
ယောက်ဖြစ်သည်ဟုလည်း သူ့ကိုယ်သူပြောပါသည် (၁ ပေတရု ၁း၁)။
တမန်တော်ပေါလုကသူပေတရုနှင့်တန်းတူဖြစ်ကြောင်းပြောပါသည်။
၂ ကောရိန်သု ၁၁း၅၊
“ငါသည်ဝါကြွားတတ်သောသူရူးဖြစ်သလော။ ထိုသို့ဖြစ်လျှင် သင်တို့သည် ငါ့ကိုအနိုင်အထက်
ဖြစ်စေကြပြီ။ အဘယ်သို့နည်း ဟူမူကား၊ သင်တို့ချီးမွမ်းခြင်းကို ငါခံသင့်၏။
ငါသည်ဘာမျှမဟုတ်သော်လည်း၊ အကြီးဆုံးသော တမန်တော်အောက်အလျှင်းမယုတ်မညံ့။” (ဂလာတိ
၂း၆-၁၄)။
ရှမာရိပြည်၌တရားသွားဟောရန်
အခြားတမန်တော်တို့သည် တမန် တော် ပေတရုကိုစေလွှတ်လေသည်။
တမန်တော် ၈း၁၄၊ “ရှမာရိမြို့သားတို့သည်
ဘုရားသခင်၏ နှုတ် ကပတ်တရားတော်ကို ခံယူကြပြီဟု ယေရုရှလင်မြို့၌ရှိသော တမန်တော်တို့
သည် သတင်းကြားလျှင်၊ ပေတရုနှင့်ယောဟန်တို့ကို စေလွှတ်ကြ၏။”
မှတ်ချက်။ အခြားတမန်တော်များနှင့်အတူ
နာမည်ဖော်ပြသောအခါ တမန်တော်ပေတရု၏ နာမည်သည် ပထမ လာလေ့မရှိပါ (ယောဟန် ၁း၄၄။ မာကု
၁၆း၇)။ အခြားတမန် တော်များနှင့်အတူ အသင်းတော်ဦးဆောင်မှုကို ခွဲဝေတာဝန်ယူကြပါသည်
(ဂလာတိ ၂း၉)။
အခန်းကြီး - ၅၁
၅၁။ ကျန်းမာခြင်းဆိုင်ရာ
သမ္မာကျမ်းစာသွန်သင်ချက်
BIBLE
TEACHING ON HEALTH
တမန်တော်ယောဟန်သည် ယုံကြည်သူဂါယုအတွက် မည်သည့်
စေတနာမျိုး ရှိသနည်း။
၃ ယောဟန် ၂၊ “အချင်းချစ်သူ၊
သင်၏စိတ်ဝိညာဉ်ကောင်းစားသကဲ့ သို့၊ အခြားအရာအားလုံးထက် သင်သည်
ကောင်းစားခြင်းနှင့်ကျန်းမာခြင်း
ရှိမည် အကြောင်းငါအလိုရှိ၏။”
မှတ်ချက်။ ဂါယုအတွက် မေတ္တာပို့ရာ၌၊
ကိုယ်ကာယကျန်းမာခြင်း၊ စိတ်ဝိညာဉ်ကျန်းမာခြင်းနှင့်၊ လောကီရေးရာ၌
ကောင်းစားခြင်းတို့ပါဝင်သည်။ ဤအရာသုံးမျိုးအတွက်
ကျွန်ုပ်တို့ယုံကြည်စွာဆုတောင်းပါက၊ ဤသုံးမျိုးထက် မက ရရှိခံစားရပါလိမ့်မည်။
ကျန်းမာခြင်းထိန်းသိမ်းရာ၌ ဘုရားသခင်၏
နှုတ်ကပတ်တော်သည် အရေးကြီးသောကဏ္ဍ၌ပါဝင်သည်။
သုတ္တံ ၄း၂၀-၂၂၊ “ငါ့သား၊
ငါ့စကားကိုနားထောင်လော့။ ငါဟော ပြောချက်တို့ကိုနားသွင်းလော့။ သင့်မျက်မှောက်မှ
မကွာစေနှင့်။ နှလုံးတွင်း၌ စောင့်ထားလော့။ အကြောင်းမူကား၊ ထိုတရားစကားကို တွေ့ရသော
သူတို့ သည် အသက်ရှင်ခြင်း၊ တကိုယ်လုံးကျန်းမာခြင်းအကြောင်းကိုတွေ့ရပြီ။”
မဿဲ ၄း၄၊ “လူသည် မုန့်(အစာ)အားဖြင့်သာ
အသက်ကိုမွေးရမည် မဟုတ်။ ဘုရားသခင်မိန့်တော်မူသမျှအားဖြင့် အသက်ကို မွေးရမည်၊
ကျမ်းစာ လာသည်။”
ဝိညာဉ်ရေးအသက်ရှင်ခြင်းသည် ခန္ဓာကိုယ်အား
ကောင်းမွန်စွာ ပြုစု ခြင်းပါဝင်သည်။
၁ သက်သာလောနိတ် ၅း၂၃၊ “ငြိမ်သက်ခြင်း၏
အရှင်ဘုရားသခင် ကိုယ်တော်တိုင်လည်း၊ သင်တို့ကိုအကုန်အစင်
သန့်ရှင်းစေတော်မူပါစေသော။
ငါတို့သခင်ယေရှုခရစ်တော်ကြွလာတော်မူသောအခါ
သင်တို့၏ ကိုယ်ခန္ဓာ၊ စိတ်၊ ဝိညာဉ်အပေါင်းတို့ကို အပြစ်တင်ခွင့်နှင့်
ကင်းလွတ်စေခြင်းငှာ စောင့်မ တော်မူပါစေသော။
ရောမ ၁၂း၁၊ “ညီအစ်ကိုတို့၊
အသက်ရှင်ခြင်းလက္ခဏာ၊ သန့်ရှင်းခြင်း လက္ခဏာ၊ ဘုရားသခင်နှစ်သက်တော်မူဖွယ်သော
လက္ခဏာနှင့်ပြည့်စုံသော ယဇ်ကိုသင်တို့သည်ပူဇော်၍၊ မိမိကိုယ်ခန္ဓာကို ဘုရားသခင်အား
ဆက်ကပ် ခြင်းတည်းဟူသော သင်တို့ပြုအပ်သော ဝတ်ကိုပြုမည်အကြောင်း၊ ဘုရား သခင်၏ ကရုဏာတော်ကို
ထောက်ထား၍၊ သင်တို့ကို ငါတိုက်တွန်းနှိုးဆော် ပေ၏။”
ဘုရားသခင်၏ရှေ့တော်၌ ကိုယ်ခန္ဓာ၏အကျင့်ဓလေ့များ
အရေးကြီး
ပါသလား။
၁ ကောရိန်သု ၁ဝး၃၁၊ “သင်တို့သည် စားသော်၎င်း၊
သောက်သော် ၎င်း၊ မည်သည့်အမှုကိုပြုသော်၎င်း၊ ဘုရားသခင်၏ ဘုန်းတော်ထင်ရှားစေရန်
(ကိုထောက်၍) ခပ်သိမ်းသောအမှုကိစ္စကိုပြုကြလော့။”
ကျွန်ုပ်တို့၏ခန္ဓာကိုယ်သည်
မည်သည့်အရာဖြစ်ပါသနည်း။
၁ ကောရိန်သု ၆း၁၉၊၂၀၊ “အဘယ်သို့နည်း။
သင်တို့ကိုယ်ခန္ဓာသည် ဘုရားသခင်ပေးသနားတော်မူသော၊ သင်တို့အထဲ၌ရှိသော သန့်ရှင်းသော
ဝိညာဉ်တော်၏ (ဗိမာန်ဖြစ်ကြောင်းကို၎င်း၊ မိမိတို့ကို မိမိတို့မပိုင်ကြောင်းကို
၎င်း၊ မသိကြသလော။ သင်တို့သည် အဖိုးနှင့်ဝယ်တော်မူသောသူဖြစ်သော ကြောင့်၊ ဘုရားသခင်
ပိုင်တော်မူသော သင်တို့၏ ကိုယ်ခန္ဓာနှင့်စိတ်ဝိညာဉ် အားဖြင့် ဘုရားသခင်ကို
ချီးမြှောက်ကြလော့။”
မှတ်ချက်။ လူတစ်ယောက်၏အထဲတွင် ဘုရားသခင်၏
ဝိညာဉ်တော် ကိန်းအောင်းလာသောအခါ၊ သူ၏ ကိုယ်ခန္ဓာကို သူမပိုင်တော့ပါ။ သို့သော်
သူသည် ပြုစုရပါသည်။ သူ၏ကိုယ်ခန္ဓာဖြင့် ဘုရားသခင်၏ဘုန်းတော်ကို ထင်ရှားစေနိုင်ရန်
သူသည်ဘုရားသခင်၏ ဥစ္စာဖြစ်သော သူ့ကိုယ်ခန္ဓာကိုပြုစု ရန် တာဝန်ရှိပါသည်။
ဘုရားသခင်၏ဗိမာန်တော်ကို ညိုးနွမ်းညစ်ပေစေသော
သူတို့ အကြောင်းကို တမန်တော်သည် မည်သို့ပြောဆိုပါသနည်း။
၁ ကောရိန်သု ၃း၁၇၊ “အကြင်သူသည် ဘုရားသခင်၏
ဗိမာန်တော်ကို ဖျက်ဆီး(ညစ်ညူးစေ)၏။ ထိုသူကိုဘုရားသခင် ဖျက်ဆီးဟော်မူလိမ့်မည်။
ဘုရားသခင်၏ ဗိမာန်တော်သည် သန့်ရှင်းရ၏။ သင်တို့သည်လည်း၊ ထိုဗိမာန် တော်ဖြစ်ကြ၏။”
မည်သည့်တရားကို အခြေခံ၍
ရှေးအစ္စရေးတို့ထံမှအနာရောဂါ မကျ ရောက်စေရန် ဘုရားသခင်ကတိပေးတော်မူပါသနည်း။
ထွက်မြောက်ရာ ၂၃း၂၅၊ “သင်တို့၏
ဘုရားသခင်ထာ၀ရဘုရားကို ဝတ်ပြုရမည်။ သင်၏ အစာကို၎င်း၊ ရေကို၎င်း၊
ကောင်းကြီးပေးတော်မူမည်။ အနာရောဂါကိုလည်း သင်၏အထဲကနှုတ်ယူပယ်ရှားတော်မူမည်။”
ဝိညာဉ်ရေးနှင့် ကျန်းမာရေးဆိုင်ရာတရားများကို
ပေးထားသည့်အပြင်၊ ဘုရားသခင်သည် မိမိ၏လူတို့အတွက် မည်သည့်ကျန်းမာရေးဆိုင်ရာ
လမ်းပြမှု ကို ပေးတော်မူပါသနည်း။
၁။ အစားအစာဆိုင်ရာ တရားများ၊
ဝတ်ပြုရာ ၁၁း၄၆၊၄၇ “ဤရွေ့ကား၊ စင်ကြယ်၊
မစင်ကြယ်၊ စားအပ်၊ မစားအပ်သောတိရစ္ဆာန်တို့ကို ပိုင်းခြားစေခြင်းငှာ၊ သား၊ ငှက်၊
ရေ၌သွား၍ အသက်ရှင်သောတိရစ္ဆာန်၊ မြေပေါ်မှာတွားတတ်သော တိရစ္ဆာန်ရှိသမျှနှင့်ဆိုင်
သော တရားဖြစ်သတည်း။” (ဝတ်ပြုရာ ၁၁း၂-၄၇။ တရားဟောရာ ၁၄း၃-၂၀)။
၂။ အလုပ်လုပ်ရက်နှင့် နားရက်ဆိုင်ရာတရားများ၊
ထွက်မြောက်ရာ ၂ဝး၉၊၁၀၊
“ခြောက်ရက်ပတ်လုံးအလုပ်မျိုးကို ကြိုး စား၍ လုပ်ဆောင်လော့။ သတ္တမနေ့ရက်သည်
သင်၏ဘုရားသခင်ထာ၀ရ ဘုရား၏ဥပုသ်နေ့ဖြစ်၏။ ထိုနေ့၌သင်မှစ၍ သင်၏သားသမီး၊
ကျွန်ယောက်ျား မိန်းမ၊ တိရစ္ဆာန်၊ သင်၏တခါးအတွင်း၌နေသော ဧည့်သည်အာဂန္တုသည်
အလုပ်မလုပ်ရ။”
၃။
တကိုယ်ရည်သန့်ရှင်းရေးဆိုင်ရာတရားများ၊
ဝတ်ပြုရာ ၁၄း၈၊ “စင်ကြယ်စေရသောသူသည်
မိမိအဝတ်ကိုလျှော်၍၊ မိမိဆံပင်ကိုအကုန်အစင်ရိတ်ပြီးမှ၊ စင်ကြယ်စေခြင်းငှာ
ရေချိုးရမည်။” (တော လည်ရာ ၅း၂၊၃)။
၄။ ကျင့်ဝတ်စရိုက်ဆိုင်ရာတရားများ၊
ထွက်မြောက်ရာ ၂ဝး၁၄၊ “သူ့လင်သူ့မယားကို
မပြစ်မှားနှင့်။”
ကျန်းမာခြင်းနှင့်ဆိုင်သော ဘုရားသခင်၏
အကြံပေးချက်များကို အစ္စရေးတို့ လိုက်နာပါက၊ သူတို့သည် ကောင်းချီးမည်သို့
ခံစားကြရမည်နည်း။
ဆာလံ ၁၀၅း၃၇၊ “မိမိလူတို့ကို
ရွှေငွေပါလျက်ထုတ်ဆောင်တော်မူ၍၊ သူတို့အစုစု၌အားနည်းသောသူတစ်ယောက်မျှမရှိ”
မှတ်ချက်။ သဘာ၀တရားများသည်
ဘုရားသခင်၏တရားတော်များ ဖြစ်ပါသည်။ ၎င်းတို့အားမသိဘဲ ပြစ်မှားမိခြင်းကို
နောင်တတရားရသင့်သည်။
စစ်မှန်သောရောဂါငြိမ်းစေခြင်းကို မည်သည်အရပ်မှ
ဖြစ်လာပါ သနည်း။
ထွက်မြောက်ရာ ၁၅း၂၆၊ “ငါသည် သင်တို့၏ရောဂါကို
ငြိမ်းစေသော ထာ၀ရဘုရားဖြစ်၏။”
ဆာလံ ၁၀၃း၃၊
“သင်၏အပြစ်အလုံးစုံတို့ကိုဖြေလွှတ်၍၊ သင်၏အနာ ရောဂါရှိသမျှတို့ကိုလည်း
ပျောက်စေတော်မူ၏။” (ဆာလံ ၄၁း၃)။
အဖျားအနာ၊ ရောဂါဝေဒနာရှိသမျှတို့သည်၊
မသေနိုင်သောဘ၀သို့ ဘုရားသခင်၏ လူများဝင်စားသွားသောအခါ ကွယ်ပျောက်သွားပါလိမ့်မည်။
ဗျာဒိတ် ၂၁း၄၊ “ဘုရားသခင်သည်
သူတို့၏မျက်စိမှမျက်ရည်ရှိသမျှ တို့ကို သုတ်တော်မူမည်။ နောက်တဖန်သေဘေးမရှိရ။
စိတ်မသာညည်းတွား ခြင်း၊ အော်ဟစ်ခြင်း၊ ပင်ပန်းခြင်းလည်းမရှိရ။ အကြောင်းမူကား
ရှေးဖြစ်ဖူး သောအရာတို့ သည်ရွေ့သွားကြပြီ”
အစအဦး၌ ဘုရားသခင်သည် လူအတွက် မည်သည့်အစားအစာကို
စီစဉ်ပေးထားပါသနည်း။
ကမ္ဘာဦး ၁း၂၉၊ “ဘုရားသခင်ကလည်း၊ ကြည့်ရှုလော့။
မြေတပြင်လုံး၌ စပါးကိုဖြစ်စေသောအပင်အမျိုးမျိုးတို့ကို၎င်း၊ မျိုးစေ့ကိုဖြစ်စေသော
သစ်သီး ပင် အမျိုးမျိုးတို့ကို၎င်း၊ သင်တို့စားစရာဖို့ငါပေး၏။”
ရေလွှမ်းမိုးခြင်းဘေးရောက်ပြီးနောက်
မြေကြီးပေါ်တွင် စားစရာရှားပါး သောအခါ၊ ဘုရားသခင်သည် မည်သည့်အရေးပေါ် အစာကို
စားခွင့်ပြုပါ သနည်း။
ကမ္ဘာဦး ၉း၃၊ “အသက်ရှင်၍ လှုပ်ရှားတတ်သမျှသည်၊
စပါးရှိသမျှကို ငါပေးသကဲ့သို့၊ သင်တို့စားစရာဖို့ဖြစ်ရမည်။”
မှတ်ချက်။ အသားစားခြင်းနှင့်စပ်လျဉ်း၍
ဘုရားသခင်သည် “စင် ကြယ်သောအကောင်” “မစင်ကြယ်သောအကောင်” ဟုခွဲခြားထားလျက်၊
သတိပေးတားမြစ် ချက်များပြုလုပ်တော်မူခဲ့ပါသည် (ဝတ်ပြုရာ ၁၁း၁-၄၇)။
အစ္စရေးတို့၏ အစားအစာနှင့်ပတ်သက်၍ အဘယ်ကြောင့်
ဘုရား သခင်သည် ထူးခြားမှုရှိစေပါသနည်း။
တရားဟောရာ ၁၄း၂၊၃၊ “သင်တို့သည်၊
သင်တို့၏ဘုရားသခင်ထာ၀ရ
ဘုရားအဖို့၊ သန့်ရှင်းသောလူမျိုးဖြစ်ကြ၏။
ထာ၀ရဘုရားသည် မြေကြီးပေါ်မှာ ရှိသမျှသော လူမျိုးထက်၊ ကိုယ်တော်ပိုင်ထိုက်သော
အမျိုးဖြစ်စေခြင်းငှာ၊ သင်တို့ကို ရွေးချယ်တော်မူပြီ။ စက်ဆုပ်ရွံရှာဖွယ်သောအရာကို
သင်တို့မစား ရ။”
သမ္မာကျမ်းစာ၌ဖော်ပြထားသော
ကျန်းမာကြံ့ခိုင်စေသည့် အစားအစာ
တစ်မျိုးမှာ-
ကောက်ပဲသီးနှံများ - တရားဟောရာ ၈း၈။ ၁ ဓမ္မရာဇဝင် ၁၇း၁၇။
ပျားရည်၊ ထောပတ်ဒိန်ခဲ - ထွက်မြောက်ရာ ၃း၈။ ၂
ဓမ္မရာဇဝင် ၁၇း၂၉။
ပဲတောင့်နှင့်ပဲစေ့အမျိုးအမျိုး- ၂ ဓမ္မရာဇဝင်
၁ရး၂၈။
ဟင်းသီးဟင်းရွက်များ - ဟေဗြဲ ၆း၇။
သစ်သီး၀လံများ - တရားဟောရာ ၈း၈။
အခန်းကြီး - ၅၂
၅၂။ ချုပ်တည်းခြင်းဆိုင်ရာအခြေခံတရားများ
TEMPERANCE
PRINCIPLES
၂ ပေတရု ၁း၅၊၆၊ “ထိုသို့အလိုငှာ၊ သင်တို့သည်
ယုံကြည်ခြင်း၌ သီလ ကို၎င်း၊ သီလ၌ပညာကို၎င်း၊ ပညာ၌ ကာမဂုဏ် ချုပ်တည်းခြင်းကို၎င်း၊
ကာမ ဂုဏ်ချုပ်တည်းခြင်း၌ သည်းခံခြင်းကို၎င်း၊ သည်းခံခြင်း၌ ဘုရားဝတ်ကိုပြု၍
မွေ့လျော်ခြင်းကို၎င်း အလွန်ကြိုးစားအားထုတ်၍ ထပ်ဆင့်ကြလော့။”
တိတု ၂း၁၂၊ “ဘုရားမဲ့တရားမဲ့နေခြင်း၊
လောကီတပ်မက်ခြင်းကို ပယ် ရှားလျက်၊ ယခုဘ၀၌ ဣန္ဒြေစောင့်ခြင်း၊
တရားသဖြင့်ကျင့်ခြင်း၊ ဘုရားဝတ်၌ မွေ့လျော်ခြင်းတို့ကို ပြုနေရမည်အကြောင်း၊
ငါတို့ကိုဆုံးမသွန်သင်၍။”
ဖိလိပ္ပိ ၄း၅၊ “လူအပေါင်းတို့ရှေ့၌
သင်တို့၏ဖြည်းညင်းခြင်းသဘောကို ထင်ရှားစေကြလော့။ သခင်ဘုရားသည် အနီးအပါး၌
ရှိတော်မူ၏။”
၁ ကောရိန်သု ၉း၂၅၊ “ပြိုင်ပွဲ၌ယှဉ်ပြိုင်သော
သူရှိသမျှတို့သည် အရာ ရာ၌ တပ်မက်ခြင်းကို ချုပ်တည်းကြ၏။”
စစ်မှန်သောချုပ်တည်းခြင်း၌
မည်သည့်အရာများပါဝင်ပါသနည်း။
၁။ သင့်တင့်စွာစားသောက်ခြင်း၊
ဒေသနာ ၁ဝး၁၇၊ “ကျက်သရေရှိသောမင်းသားအစိုးရ၍၊
မှူးမတ်တို့ သည် လွန်ကျူးစွာ မစားမသောက်၊ အားဖြည့်ခြင်းငှာသာ အချိန်တန်မှ စား
သောက်တတ်သော ပြည်သည်မင်္ဂလာရှိ၏။”
၂။ လုံ၀ဥသုံချုပ်တည်းခြင်း၊
၁ ကောရိန်သု ၉း၂၇၊
“သူတပါးကိုဆုံးမသွန်သင်ပြီးမှ ကိုယ်တိုင်ရှုံး သော သူမဖြစ်ရမည်အကြောင်း၊
မည်သည့်နည်းဖြင့်မဆို မိမိကိုယ်ကိုနှိပ်စက်၍ ထိန်းချုပ် လေ့ရှိ၏။”
၃။ အကြံအစည်တို့ကို ထိန်းချုပ်ခြင်း၊
ရောမ ၁၂း၃၊ “သင်တို့သည်
ကိုယ်ကိုထင်သင့်သည်ထက်လွန်၍ မထင် ဘဲ၊ ဘုရားသခင်သည် လူအသီးအသီးတို့အား
ယုံကြည်ခြင်းကိုဝေပေးတော်မူ သည်နှင့်အညီ၊ ကိုယ်ကို လျောက်ပတ်စွာ ထင်ရမည်အကြောင်း၊
ငါသည် ကိုယ် ခံရသော ကျေးဇူးတော်ကို အမှီပြုလျက်၊ သင်တို့တွင်ရှိသမျှသောသူတို့ကို
မှာ ထား၏။”
၄။ သေရည်သေရက်နှင့် အခြားဘေးဥပဒ်ဖြစ်စေသော အစား
အသောက်များအားလုံးရှောင်ကြဉ်ခြင်း၊
ဧဖက် ၅း၁၈၊ လွန်ကျူးစေတတ်သောစပျစ်ရည်နှင့်
ယစ်မူးခြင်းကို ရှောင်၍၊ ဝိညာဉ်တော်နှင့်ပြည့်၀လျက်ရှိကြလော့။”
အရက်သေစာသောက်စားခြင်းကို သတိပေးခြင်း၊
သုတ္တံ ၂ဝး၁၊ “စပျစ်ရည်သည် လှည့်စားတတ်၏။
သေရည်သေရက် သည် ရုန်းရင်းခတ်ပြုခြင်းအမှုကို ဖြစ်စေတတ်၏။
ထိုသို့အားဖြင့်မှားယွင်းသော သူသည် ပညာမရှိ။”
ယေရှာယ ၅း၁၁၊ “သေရည်သေရက်ကိုသောက်အံ့သောငှာ၊
နံနက် စောစောထ၍၊ စပျစ်ရည်နှင့်ယစ်မူးအံ့သောငှာ၊ ညဉ့်ကိုလည်းလွန်စေတတ် သော
သူတို့သည် အမင်္ဂလာရှိကြ၏။”
ဧဖက် ၅း၁၈၊ “လွန်ကျူးစေတတ်သောစပျစ်ရည်နှင့်
ယစ်မူးခြင်းကို ရှောင်၍၊ ဝိညာဉ်တော်နှင့်ပြည့်၀လျက်ရှိကြလော့။”
သုတ္တံ ၂၃း၂၉၊၃၀၊ “အဘယ်သူသည်
ဝမ်းနည်းခြင်းရှိသနည်း။ အဘယ်
သူသည်ညည်းတွားခြင်းရှိသနည်း။ အဘယ်သူသည်
ရန်တွေ့ခြင်းရှိသနည်း။ အဘယ်သူသည် မြည်တမ်းခြင်းရှိသနည်း။ အဘယ်သူသည် အကျိုးအကြောင်း
မရှိ၊ ထိခိုက်၍ နာခြင်းရှိသနည်း။ အဘယ်သူသည် မျက်စိနီခြင်းရှိသနည်း ဟူမူကား၊
စပျစ်ရည်ကို ကြာမြင့်စွာသောက်လျက်နေသောသူ၊ ဆေးနှင့်ရော သော စပျစ်ရည်ကို ရှာတတ်သော
သူတို့သည် ထိုသို့သောလက္ခဏာရှိကြ၏။”
မှတ်ချက်။ စစ်မှန်သောချုပ်တည်းခြင်းသည်
ကောင်းသောအရာကို လိမ်လိမ်မာမာနှင့် သင့်တင့်စွာအသုံးပြုခြင်းနှင့်၊
ဘေးဥပဒ်ဖြစ်စေသောအရာ အားလုံးကို လုံး၀ရှောင်ကြဉ်ခြင်းဖြစ်ပါသည်။ ၎င်းသည်
ရုပ်နှင့်နာမ်အသက်ရှင် ရေးအတွက် အကောင်းဆုံးဖြစ်ပါသည်။ အရက်နှင့်ဆေးလိပ်သည်
မည်သည့် ပုံစံမျိုးနှင့် သုံးသည်ဖြစ်စေ လူ့ခန္ဓာကိုယ်အတွက် ဘေးဥပဒ်ဖြစ်စေပါသည်။
လက်ဖက်နှင့် ကော်ဖီမှစ၍ အခြားအသုံးများသော သောက်သုံးနိုင်သည့် အရည်များသည်လည်း
ဘေးဥပဒ်ဖြစ်စေသော ဒြပ်ပေါင်းများပါရှိခြင်းကြောင့် ဘေးဖယ်ထားခြင်းသည်
အကောင်းဆုံးဖြစ်သည်။ သင့်တင့်သော နေထိုင်မှု စနစ်များ၊ ကျန်းမာကြံ့ခိုင်စေသော
အစားအစာများ၊ သန့်ရှင်းသောရေ၊ ကိုယ် လက်လှုပ်ရှားခြင်း၊ အိပ်ပျော်ခြင်း၊
ဘ၀ကိုအကောင်းမြင်၍ ပျော်ရွှင်တတ်ခြင်း နှင့်၊ ဘုရားသခင်ကို
ယုံကြည်စိတ်ချခြင်းတို့သည် ကျန်းမာခြင်းကိုအားပေးပါ သည်။ ၎င်းတို့သည်
အာနိသင်ကြီးမားသော ဆေးများဖြစ်ပါသည်။
အခန်းကြီး - ၅၃
၅၃။ ဆုတောင်းပဌနာပြုခြင်း
PRAYER
ဆုတောင်းခြင်းကို
ဘုရားသခင်နားညောင်းတော်မူပါသလား။
ဆာလံ ၆၅း၂၊
“ပဌနာစကားကိုနားထောင်တော်မူသောဘုရား၊ ကိုယ် တော်ထံသို့ လူသားအပေါင်းတို့သည်
ချဉ်းကပ်ရကြလိမ့်မည်။”
ဆာလံ၂၇း၈၊ “ငါ၏မျက်နှာကိုရှာကြလော့၊ ဟူသော
အမိန့်တော်ကို ရှေ့တော်၌ အကျွန်ုပ်သည် သတိပြုလျက်၊ အိုထာ၀ရဘုရား၊ ကိုယ်တော်၏
မျက်နှာကို ရှာပါမည်။”
ဆုတောင်းခြင်းနှင့်ပတ်သက်သော
သမ္မာကျမ်းစာဆိုင်ရာ ကတိတော် များ၊
၁ တိမောသေ ၂း၈၊ “အရပ်ရပ်တို့၌ ယောက်ျားတို့သည်
အမျက်ထွက် ခြင်း၊ ငြင်းခုံခြင်းမရှိဘဲ၊ သန့်ရှင်းသောလက်ကို ချီ၍ဆုတောင်းစေခြင်းငှာ
ငါအလိုရှိ၏။”
ရောမ ၁ဝး၁၂၊“ယုဒအမျိုး၊
ဟေသလ(ဂရိ)အမျိုးကိုမရွေး၊ လူအပေါင်း တို့ကို အစိုးရသောအရှင်တပါးတည်းရှိ၍၊
ကိုယ်တော်ကို ပဌနာပြုသော သူ ပေါင်းတို့၌ ကျေးဇူးကြွယ်၀တော်မူ၏။”
ဆုတောင်းခြင်းကို နားညောင်းတော်မူရန်
ဘုရားသခင်၏စေတနာ တော်နှင့် ပတ်သက်၍ သမ္မာကျမ်းစာက မည်သို့ပြောဆိုပါသနည်း။
မဿဲ ၇း၈၊ “တောင်းသောသူမည်သည်ကားရ၏။
ရှာသောသူလည်း တွေ့၏။ ခေါက်သောသူအားလည်း တံခါးကိုဖွင့်၏”
မဿဲ ရး၈၊ “သင်တို့သည် အဆိုးဖြစ်လျက်ပင်
ကိုယ်သားတို hအား ကောင်းသောအရာကို ပေးတတ်လျှင်၊ ထိုမျှမက
ကောင်းကင်ဘုံ၌ ရှိတော်မူ သော သင်တို့အဘသည် ဆုတောင်းသောသူတို့အား ကောင်းသောအရာကို
သာ၍ ပေးတော်မူမည်မဟုတ်လော။”
ယောဟန် ၁၆း၂၃၊၂၄၊ “ငါအမှန်အကန်ဆိုသည်ကား၊
သင်တို့သည် ငါ၏နာမကိုအမှီပြု၍ ခမည်းတော်မှာ ဆုတောင်းသမျှတို့ကို ခမည်းတော် သည်
ပေးတော်မူမည်။ ယခုတိုင်အောင်ငါ၏နာမကိုအမှီပြု၍ သင်တို့သည် အဘယ်ဆုကိုမျှ
မတောင်းကြသေး။ သင်တို့သည် ဝမ်းမြောက်စရာ အကြောင်း စုံလင်စေခြင်းငှာ တောင်းကြလော့၊
တောင်းလျှင်ရကြလိမ့်မည်။”
ဘုရားသခင်ထံတော်သို့
ကျွန်ုပ်တို့သည်မည်သို့ဆုတောင်းရမည်နည်း။
ဖိလိပ္ပိ ၄း၆၊ “အဘယ်အမှုကိုမျှ
စိုးရိမ်ခြင်းမရှိဘဲ၊ အရာရာ၌ ကျေးဇူး တော်ကို ချီးမွမ်းခြင်းနှင့်တကွ၊
ဆုတောင်းပဌနာပြုသောအားဖြင့် သင်တို့ တောင်းပန်လိုသောအရာများတို့ကိုဘုရားသခင်အား
ကြားလျှောက်ကြလော့။”
ဟေဗြဲ ၁၁း၆၊ “ယုံကြည်ခြင်းမရှိလျှင် ဘုရားသခင်၏
စိတ်တော်နှင့် မတွေ့နိုင်။ အကြောင်းမူကား ဘုရားသခင့် အထံတော်သို hချဉ်းကပ်သော သူ
သည်၊ဘုရားသခင်ရှိတော်မူသည်ကို၎င်း၊ကိုယ်တော်ကိုရှာသောသူအား အကျိုး
ပေးတော်မူသည်ကို၎င်း၊ ယုံကြည်ရမည်။”
မာကု ၁၁း၂၄၊ “ထို့ကြောင့် ငါဆိုသည်ကား၊
သင်တို့သည်ဆုကျေးဇူးကို ရမည်ဟုယုံကြည်သောစိတ်နှင့် ဆုတောင်းသမျှတို့ကို
ရကြလိမ့်မည်။”
မှတ်ချက်။
ကျွန်ုပ်တို့အတွက်ပြုလုပ်တော်မူခဲ့သောအရာများအတွက် လည်းကောင်း၊
နားညောင်းတော်မူမည်ဟု ယုံကြည်သောကြောင့်လည်းကောင်း ကျွန်ုပ်တို့သည်ဘုရား
သခင်ထံတော်သို့ ကျေးဇူးတော်ချီးမွမ်းခြင်းနှင့်တကွ ဆုတောင်းကြရပါမည်။ ကျွန်ုပ်တို့ကို
ထိခိုက်သောသူတို့အား ကျွန်ုပ်တို့သည် ခွင့်လွှတ်သကဲ့သို့
ကျွန်ုပ်တို့၏အပြစ်များကို ခွင့်လွှတ်တော်မူရန် ကျွန်ုပ်တို့သည် ဆုတောင်းရပါမည်။
မာကု ၁၁း၂၅၊၂၆၊ “သင်တို့သည် ဆုတောင်းသောအခါ
သူတပါး၌ အပြစ်တင်ခွင့်ရှိလျှင်၊ သူ့အပြစ်ကို လွှတ်ကြလော့။ လွှတ်လျှင်
ကောင်းကင်ဘုံ၌ ရှိတော်မူသော သင်တို့အဘသည် သင်တို့၏အပြစ်ကို လွှတ်တော်မူမည်။
သင်တို့သည် သူ့အပြစ်ကို မလွှတ်လျှင်၊ ကောင်းကင်ဘုံ၌ ရှိတော်မူသော သင်တို့အဘသည်
သင်တို့၏အပြစ်ကိုလွှတ်တော်မမူ။”
ဖျားနာသောသူများအနာရောဂါပျောက်ကင်းရန်ဆုတောင်ပေးသင့်ပါသလား။
ယာကုပ် ၅း၁၃-၁၅၊ “သင်တို့တွင်
ဆင်းရဲဒုက္ခခံရသော သူရှိလျှင်၊ ဆုတောင်းစေ။ ရွှင်လန်းသောသူရှိလျှင် ဆာလံသီချင်းကို
ဆိုစေ။ နာသောသူ ရှိလျှင် သင်းအုပ်တို့ကို ခေါ်၍ သူတို့သည်သခင်ဘုရား၏နာမတော်ကို
အမှီပြု လျက်၊ လူနာကို ဆီနှင့်လူး၍ သူ့အပေါ်မှာ ဆုတောင်းကြစေ။ ထိုသို့ပြုလျှင်
ယုံကြည်ခြင်း၏ ပဌနာသည် လူနာကို ကယ်ဆယ်၍၊ သခင်ဘုရားသည်သူ့ကို ထမြောက်စေတော်မူမည်။
သူသည်အပြစ် ပြုမိသော်လည်း၊ ထိုအပြစ်ကို လွှတ်တော်မူမည်။”
ဘုရားသခင်၏အလိုတော်နှင့်အညီ တောင်းလျှောက်ရမည်။
၁ ယောဟန် ၅း၁၄၊ ၁၅၊ “ငါတို hသည် ဘုရားသခင်အထံတော်၌ ရဲရင့်ခြင်းအကြောင်းဟူမူကား၊
ငါတို့သည် အလိုတော်နှင့် အညီ တစုံတခုသော ဆုကိုတောင်းလျှင်၊ ဘုရားသခင်သည်
နားထောင်တော်မူ၏။ ဆုတောင်းသမျှ သော စကားတို့ကို နားထောင်တော်မူသည်ကို
ငါတို့သိလျှင်၊ အထံတော်၌ တောင်းသော ဆုတို့ကို ရမည်ဟုသိရကြ၏။”
မိမိဆုတောင်းခြင်းများနှင့်ပတ်သက်၍ ဆာလံဆရာသည်
မည်သို့ကိုယ် တိုင် သက်သေခံပါသနည်း။
ဆာလံ ၃၄း၄၊၆၊ “ငါသည်ထာ၀ရဘုရားကို ရှာသောအခါ
နားထောင် တော်မူ၏။ ကြောက်မက်ဖွယ်သော အကြောင်းအလုံးစုံတို့အထဲက ငါ့ကိုကယ်
နှုတ်တော်မူ၏။” “ဤဆင်းရဲသောသူ၏ အော်ဟစ်ခြင်းအသံကိုထာ၀ရဘုရား သည် နားထောင်၍၊
ခပ်သိမ်းသောဆင်းရဲထဲက လွှတ်တော်မူ၏။”
ဆုတောင်းခြင်းကိုထိရောက်စေသည့်
မရှိမဖြစ်အခြေအနေများမှာ၊
၁။ ယုံကြည်ခြင်း၊
မဿဲ ၂၁း၂၂၊ “ယုံကြည်ခြင်းပါလျက်
ပဌနာပြု၍ဆုတောင်းသမျှတို့ကို သင်တို့သည်ရကြလိမ့်မည်။”
၂။ ဘုရားသခင်၏အလိုတော်ကိုလိုက်နာရန်
အသင့်ရှိခြင်း၊
ဆာလံ ၃၄း၁၅၊
“ထာ၀ရဘုရားသည်ဖြောင့်မတ်သောသူတို့ကို ကြည့်ရှု တော်မူ၏။ သူတို့အော်ဟစ်သံကိုလည်း
နားထောင် တော်မူ၏။”
ကျွန်ုပ်တို့၏ ဆုတောင်းခြင်းများ ဘုရားသခင်
ကြားတော်မူစေရန် မည်သည့် အရာများက အတားအဆီးဖြစ်စေပါသနည်း။
ဆာလံ ၆၆း၁၈၊ “ငါသည်စိတ်နှလုံးထဲမှာ ဒုစရိုက်ကို
ငဲ့ကွက်လျှင်၊ ဘုရားသခင်သည် နားထောင်တော်မမူ။”
ယာကုပ် ၄း၃၊ “ဆုတောင်းလျှင်လည်း
ကာမဂုဏ်ခံစားစရာဖို့ရှိစေခြင်း ငှာ၊ အလွှဲဆုတောင်းသောကြောင့်မရကြ။”
ဆုတောင်းခြင်း၌
ခရစ်တော်၏ပုံစံနမူနာမည်သို့ဖြစ်ပါသနည်း။
မာကု ၁း၃၅၊ “နံနက်အချိန်၊ မိုးမလင်းမီ၊
ကိုယ်တော်သည်ထပြီးလျှင်၊ တောအရပ်သို့ထွက်ကြွ၍ ဆုတောင်းတော်မူ၏။”
လုကာ ၆း၁၂၊ “ထိုနေ့ရက်ကာလ၌ ကိုယ်တော်သည်
ဆုတောင်းပဌနာ ပြုခြင်းငှာ တောင်ပေါ်သို့ကြွ၍ ဘုရားသခင်အား ဆုတောင်းပဌနာပြုလျက်
တညလုံးနေတော်မူ၏။”
ကျွန်ုပ်တို့တောင်းလျှောက်သင့်သောသူဆုများမှာ၊
တစ်ယောက်နှင့်တစ်ယောက်အတွက် - ယာကုပ် ၅း၁၆။
ကျွန်ုပ်တို့၏ချစ်သူများအတွက် - ကမ္ဘာဦး ၄၈း၁၆။
သန့်ရှင်းသောသူအားလုံးအတွက် - ဧဖက် ၆း၁၈။
ဖျားနာသောသူများအတွက် - ယာကုပ် ၅း၁၅။
အမှုဆောင်များစေလွှတ်ရန်အတွက် - မဿဲ ၉း၃၇၊ ၃၈။
နောက်မိုးရွာရန်အတွက် - ဇာခရိ ၁ဝး၁။
လူတိုင်းအတွက် -
၁ ဟိမောသေ ၂း၁။
ကျွန်ုပ်တို့၏ရန်သူများအတွက် - မဿဲ ၅း၄၄။
အပြစ်လုပ်မိသောညီအစ်ကိုအတွက် - ၁ ယောဟန် ၅း၁၆၊၁၇။
မင်းအာဏာရှိများနှင့် အုပ်စိုးသူများအတွက် - ၁ တိမောသေ ၂း၁၊၂။
အေးချမ်းသာယာသောဘ၀အသက်တာအတွက် - ၁ တိမောသေ
၂း၂-၄။
နိုင်ငံတော်တည်ထောင်ရန်အတွက် - မဿဲ ၆း၁၀။
ခွင့်လွှတ်ခြင်းနှင့်ကယ်တင်ခြင်းရရှိရန်အတွက် - ဆာလံ ၈၆း၅။
အသိဉာဏ်ပညာတိုးတက်ရန်အတွက် - ဆာလံ ၁၁၉း၁၂၅။
ဉာဏ်ပညာရရှိရန်အတွက် - ယာကုပ် ၁း၅။
ဝိညာဉ်ရေးခွန်အားရရှိရန်အတွက် - ဧဖက် ၃း၁၆။
သည်းခံခြင်းရှိရန်အတွက် -၂သက်သာလောနိတ် ၅း၂၃။
သန့်ရှင်းသောအသက်တာရှိရန်အတွက် - ၁ သက်သာလောနိတ် ၅း၂၃။
နေ့စဉ်လုံလောက်သောအစားအစာအတွက် - မဿဲ ၆း၁၁။
မည်သူ၏နာမ၌ ဆုတောင်းရမည်နည်း။
ယောဟန် ၁၆း၂၃၊ “သင်တို့သည် ငါ၏နာမကို
အမှီပြု၍ခမည်းတော် မှာ ဆုတောင်းသမျှတို့ကို ခမည်းတော်သည် ပေးတော်မူမည်။” (ယောဟန်
၁၄း၁၃)။
ယောဟန် ၁၄း၁၄၊ “သင်တို့သည် ငါ၏နာမကိုအမှီပြု၍
တစုံတခု သောဆုကို တောင်းလျှင်၊ တောင်းသည်အတိုင်းငါပြုမည်။”
ကျွန်ုပ်တို့သည် ခရစ်တော်၏နာမတော်ကိုအမှီပြု၍
ဘုရားသခင်ထံ တော်သို့ ဆုတောင်းရပါမည်။ ခရစ်တော်အားဖြင့်သာလျှင် ကျွန်ုပ်တို့သည်
ဘုရားသခင်၏ သနားခြင်း ကရုဏာတော်ကို တိုးဝင်ချဉ်းကပ်နိုင်ပါသည်။
မည်သည့်စိတ်နေသဘောထားမျိုးနှင့်ကျွန်ုပ်တို့ဆုတောင်းရမည်နည်း။
မဿဲ ၂၆း၃၉၊ “ထိုမှအနည်းငယ်လွန်ပြန်လျှင်၊
ပြပ်ဝပ်၍ အကျွန်ုပ် အဘ၊ ဤခွက်သည် အကျွန်ုပ်ကိုလွန်သွားနိုင်လျှင် လွန်သွားပါစေသော။
သို့သော်လည်း အကျွန်ုပ်အလိုရှိသည်အတိုင်း မဖြစ်ပါစေနှင့်။ ကိုယ်တော်အလို
ရှိသည်အတိုင်း ဖြစ်ပါစေသော။”
မှတ်ချက်။ သမ္မာကျမ်းစာထဲတွင်၊ အထူးသဖြင့်
ဆာလံကျမ်းထဲတွင် ရေးမှတ်ထားသောဆုတောင်းခြင်းများ၊ များစွာရှိပါသည်။
မည်သို့ဆုတောင်းရ မည်၊ မည်သည့်အရာများကို တောင်းရမည်ဟူသောအချက်များကို
သိရှိနိုင်ရန် ၎င်းဆုတောင်းခြင်းများကို ဖတ်ရှုလေ့လာပါ။
အခန်းကြီး - ၅၄
နောက်ဆက်တွဲ၊ ၁။
THE
SPIRIT
၁။ ဝိညာဉ်
ဝိညာဉ် (spirit) ဟူသောစကားလုံးကို ဓမ္မဟောင်းကျမ်းတွင် ၂၃၄ ကြိမ်တွေ့ ရသည်။
(ယောဘ ၂၆း၄ နှင့် သုတ္တံ ၂ဝး၂၇ မှအပ) အများအားဖြင့် ruach (ရူအား)ဟူသော ဟေဗြဲစကားလုံးမှ ဘာသာပြန်ထားခြင်းဖြစ်သည်။ Ruuch စကားလုံးကို ၄၄၂ ကြိမ်တွေ့ရပြီး၊ အဓိပ္ပါယ် ၁၆
မျိုးဖြင့်ဘာသာ ပြန်ဆိုထားသည်။ “ဝိညာဉ် (spirit)” ဟု ၂၃၂ ကြိမ်၊ “လေ (wind)” ဟု ၉၇ ကြိမ်၊ “အသက်ရှူ (breath)” ဟု ၂၈ ကြိမ်၊ “အနံ့ (smell)” ဟု ၈ ကြိမ်၊ “စိတ်နှလုံး (mind)” ဟု ၆ ကြိမ်၊ “လေပြင်း (blast)” ဟု ၄ ကြိမ် အသုံးပြု ထားသည်။
ဥပမာ၊ “အသက်ရှူ” - ကမ္ဘာဦး ၆း၁၇။ ၂ ဓမ္မရာဇဝင်
၂၂း၁၆။ ယောဘ ၄း၉။ ဆာလံ ၁၈း၁၅။ ဒေသနာ ၃း၁၉။ ယေရှာယ ၁၁း၄။ ယေရမိ ၁ဝး၁၄။ မြည်တမ်းစကား
၄း၂၀။ ယေဇကျေလ ၃ရး၅၊၆။ ဟဗက္ကုတ် ၂း၁၉။
“လေ” - ကမ္ဘာဦး ၈း၁။ ထွက်မြောက်ရာ ၁ဝး၁၃။
တောလည်ရာ ၁၁း၃၁။ ဓမ္မရာဇဝင် ၂၂း၁၁။ ၃ ဓမ္မရာဇဝင် ၁၈း၄၅။ ၄ ဓမ္မရာဇဝင် ၃း၁၇။ ယောဘ
၁း၁၉။ ဆာလံ ၁း၄။ သုတ္တံ ၁၁း၂၉။ ဒေသနာ ၁း၆။ ယေရှာယ ရး၂။ ယေရမိ ၂း၂၄။ ယေဇကျေလ ၁း၄။
ဒံယေလ ၈း၈။ ဟောရှေ ၄း၁၉။ အာမုတ် ၄း၁၃။ ယောန ၁း၄။ ဇာခရိ ၂း၆။
“အနံ့” - ကမ္ဘာဦး ၈း၂၁။ ထွက်မြောက်ရာ ၃ဝး၃၈။
ဝတ်ပြုရာ ၂၆း၃၁။ တရားဟောရာ ၄း၂၈။ ယောဘ ၃၉း၂၅။ ဆာလံ ၁၁၅း၆။ အာမုတ် ၅း၂၁။
“စိတ်နှလုံး” - ကမ္ဘာဦး ၂၆း၃၅။ သုတ္တံ ၂၉း၁၁။ ယေဇကျေလ ၁၁း၅။ ဟဗက္ကုတ် ၁း၁၁။
“လေပြင်း” - ထွက်မြောက်ရာ ၁၅း၈။ ၄ ဓမ္မရာဇဝင်
၁၉း၇။ ယေရှာ ယ ၂၅း၄။
“မုန်တိုင်း” - (ဆာလံ ၁၁း၆)။ “လေထု” (ယောဘ
၄၁း၁၆)။ “သတ္တိ” (ယောရှု ၂း၁၁)။ “အမျက်ဒေါသ” (တရားသူကြီး ၈း၃)။ “တို့ထိ”
(တရားသူကြီး ၁၆း၉)။ “သိ” (ယေရှာယ ၁၁း၃)။ “လက်ခံ” (၁ ဓမ္မရာဇဝင် ၂၆း၁၉) စသဖြင့်လည်း
အသုံးပြုထားပါသည်။
မှတ်ချက်။ Rကခေ့ (ဝိညာဉ်) သည် သေခြင်းနှင့် ကင်းလွှတ်သည်ဟု
ပြောဆိုခြင်းမရှိပါ။
ဓမ္မဟောင်းကျမ်းတွင် “spirit” ဟု ဘာသာပြန်ဆိုထားသော အခြား စကားလုံးတစ်ခုမှာ N’shamah ဖြစ်ပါသည်။ ၂၄ ကြိမ်တွေ့ရပါသည်။ “အသက်ရှူ” ဟု ၁၇ ကြိမ်၊
“လေပြင်း” ဟု ၃ ကြိမ်၊ “ဝိညာဉ်” ဟု ၂ ကြိမ်၊ “အသက်” ဟု ၁ ကြိမ် ဆိုထားပါသည်။
ဥပမာ၊ “အသက်ရှူ” - ကမ္ဘာဦး ၂း၇။ တရားဟောရာ
၂ဝး၁၆။ ၃ ဓမ္မရာဇဝင် ၁၅း၂၉။ ယောဘ ၂ရး၃။ ဆာလံ ၁၅ဝး၆။ ယေရှာယ ၂း၂၂။ ဒံယေလ ၁ဝး၁၇။
“လေပြင်း” - ၂ ဓမ္မရာဇဝင် ၂၂း၁၆။ ယောဘ ၄း၉။ ဆာလံ
၁၈း၁၅။
“ဝိညာဉ်” - ယောဘ ၂၆း၄။ သုတ္တံ ၂ဝး၂၇။
“အသက်” - ယေရှာယ ၅၇း၁၆။
“ရှူရှိုက်သွင်း” -ယောဘ ၃၂း၈။
ဓမ္မသစ်ကျမ်းတွင် “spirit” ဟုသောစကားလုံးကို ဂရိဘာသာစကား စညနကာa မှဘာသာပြန်ဆိုထားခြင်းဖြစ်၍၊ ၃၈၅ ကြိမ်တွေ့ရပါသည်။
Pneuma ကို “spirit” ဟု ၂၉၁ ကြိမ်ဘာသာပြန်ဆိုထားသည်။ “Ghost”
ဟု ၉၂ ကြိမ်၊ “wind” လေ ဟု တစ်ကြိမ်၊ “အသက်” ဟုတစ်ကြိမ် အသုံးပြုထားပါသည်။
ဥပမာ၊ “Ghost ဝိညာဉ်တစ္ဆေ” - မဿဲ ၁း၁၈။ မာကု ၁း၈။ လုကာ ၁း၁၅။ ယောဟန် ၁း၃၃။ တမန်တော်
၁း၂။ ရောမ ၅း၅။ ၁ ကောရိန်သု ၂း၂၃။ ၂ ကောရိန်သု ၆း၆။ ၁ သက်သာလောနိတ် ၁း၅၊ ၆။
တိမောသေ ၁း၁၄။ တိတု ၃း၅။ ဟေဗြဲ ၂း၄။ ၁ ပေတရု ၁း၁၂။ ၂ ပေတရု ၁း၂၁။ ၁ ယောဟန် ၅း၇။
ယုဒ ၁း၂၀။
“လေ” - ယောဟန် ၃း၈။
“အသက်” - ဗျာဒိတ် ၁၃း၁၅။
မှတ်ချက်။ ဟေဗြဲနှင့်ဂရိဘာသာစကားမှ “soul” ဟုအင်္ဂလိပ်ဘာသာ စကားသို့ ပြန်ဆိုထားသော စကားလုံးကို
ဓမ္မဟောင်းကျမ်းတွင် ၇၆၈ ကြိမ်၊ ဓမ္မသစ်ကျမ်းတွင် ၁၅၅ ကြိမ်တွေ့ရပါသည်။
ဓမ္မဟောင်းကျမ်းတွင် “spirit” ဟု ၄၄၂ ကြိမ်၊ ဓမ္မသစ်ကျမ်းတွင် ၃၈၅ ကြိမ်တွေ့ရပါသည်။
သို့ဖြစ်ရာ “soul” နှင့် “spirit”
ဟု ဘာသာပြန်ဆိုထားသောစကားလုံးများ၊
သမ္မာကျမ်းစာ တစ်ခုလုံးတွင် အကြိမ်ပေါင်း ၁၇၀၀ ခန့် တွေ့ရှိရသော်လည်း၊
“မသေနိုင်သော အဖြစ်” “သေခြင်းနှင့် ကင်းလွှတ်သောအဖြစ်” ဖြင့် ဖေါ်ပြထားခြင်းလုံး၀
မတွေ့ရပါ။
အခန်းကြီး - ၅၅
၂။ ဝိညာဉ်
THE
SOUL
ဓမ္မဟောင်းကျမ်းတွင် “soul”
ဟူသောစကားလုံးကို ဟေဗြဲ ဘာသာ nephesh မှဘာသာပြန်ဆိုထားခြင်းဖြစ်ပါသည်။ သို့သော် ယောဘ ၃ဝး၁၆
၌ပါသော “soul” သည် n’deevuh မှဖြစ်ပြီး၊ ယေရှာယ ၅ရး၁၆ က “soul” သည် n’shahmah မှဖြစ်ပါသည်။
မူရင်းဟေဗြဲကျမ်းစာတွင် nephesh ကို ၇၄၅ ကြိမ်တွေ့ရပြီး၊ အင်္ဂလိပ် ကျမ်းစာတွင် “soul” ဟူ ၄၇၃ ကြိမ်ဘာသာပြန် ဆိုထားပါသည်။ “အသက်” ဟူ၍ အကြိမ် ၁၂၀
တွေ့ရပါသည်။
ဥပမာ၊ ကမ္ဘာဦး ၁း၂၀၊ ၃၀။ ထွက်မြောက်ရာ ၄း၁၉။
ဝတ်ပြုရာ ၁ရး၁၁။ တောလည်ရာ ၃၅း၃၁။ တရားဟောရာ ၁၂း၂၃။ ယောရှု ၂း၁၃။ တရားသူကြီး ၅း၁၈။
ရုသ ၄း၁၅။ ၁ ဓမ္မရာဇဝင် ၁၉း၅။ ၂ ဓမ္မရာဇဝင် ၁း၉။ ၃ ဓမ္မရာဇဝင် ၁း၁၂။ ၄ ဓမ္မရာဇဝင်
၁း၁၃။ ၁ ရာဇဝင်ချုပ် ၁၁း၁၉။ ၂ ရာဇဝင်ချုပ် ၁း၁၁။ ဧသတာ ရး၃။ ယောဘ ၂း၄။ ဆာလံ ၃၁း၁၃။
သုတ္တံ ၁း၁၈။ ယေရှာယ ၁၅း၄။ မြည်တမ်းစကား ၂း၁၉။ ယေဇကျေလ ၃၂း၁၀။ ယောန ၁း၁၄။
Nephesh ကို “person - လူ” ဟူ၍ အကြိမ် ၃၀ ဘာသာပြန်ထား ပါသည်။ ဥပမာ၊ ကမ္ဘာဦး
၁၄း၂၁။ ထွက်မြောက်ရာ ၁၆း၁၆။ ဝတ်ပြုရာ ၂၇း၂။ တောလည်ရာ ၅း၆။ တရားဟောရာ ၁ဝး၂၂။ ယောရှု
၂ဝး၃။ ၁ ဓမ္မရာဇဝင် ၂၂း၂၂။ ၂ ဓမ္မရာဇဝင် ၁၄း၁၄။ သုတ္တံ ၂၈း၁၇။ ယေရမိ ၄၃း၆။ ယေဇကျေလ
၁၆း၅။
Nephesh ကို “mind
- စိတ်” ဟု ၁၆ ကြိမ် ဘာသာပြန်ထားသည်။
ဥပမာ၊ ကမ္ဘာဦး ၂၃း၈။ တရားဟောရာ ၁၈း၆။ ၁
ဓမ္မရာဇဝင် ၂း၃၅။ ၂ ဓမ္မရာဇဝင် ၁ရး၈။ ၄ ဓမ္မရာဇဝင် ၉း၁၅။ ၁ ရာဇဝင်ချုပ် ၂၈း၉။
ယေရမိ ၁၅း၁။ ယေဇကျေလ ၂၃း၁၇။
Nepliesh ကို “heart - နှလုံး” ဟု ၁၅ ကြိမ်ဘာသာပြန်ထားသည်။ ဥပမာ၊ ထွက်မြောက်ရာ
၂၃း၉။ ထွက်မြောက်ရာ ၂၆း၁၆။ တရားဟောရာ ၂၅း၁၅။ ၁ ဓမ္မရာဇဝင် ၂း၃၃။ ၂ ဓမ္မရာဇဝင်
၃း၂၁။ ဆာလံ ၁ဝး၃။ သုတ္တံ ၂၃း၇။ ယေရမိ ၄၂း၂၀။ မြည်တမ်းစကား ၃း၅၁။ ယေဇကျေလ ၂၅း၆။
ဟောရှေ ၄း၈။
Nephesh ကို “the dead – လူသေ” နှင့် “dနad ဘသိပ - ရုပ်အ လောင်း” ဟု ၁၃ ကြိမ်ဘာသာပြန်ထားသည်။
ဥပမာ၊ ဝတ်ပြုရာ ၂၁း၁၁။ တောလည်ရာ ၆း၆။ ဟဂဲ ၂း၁၃။
Nephesh ကို “creature - သတ္တဝါ” ဟု ၉ ကြိမ်ဘာသာပြန်ထား သည်။
ဥပမာ၊ ကမ္ဘာဦး ၁း၂၁။ ၉း၁၀။ ဝတ်ပြုရာ ၁၁း၄၆။
Nephesh ကို - “Will အလိုဆန္ဒ” ဟု ၄ ကြိမ်၊ တရားဟောရာ ၂၁း၁၄။ ဆာလံ ၂၇း၁၂။ ၄၁း၂။
ယေဇကျေလ ၁၆း၂၇။
- “Appitite - အာသာဆန္ဒ” ဟု ၂ ကြိမ်၊ သုတ္တံ ၂၃း၂။ဒေသနာ ၆း၇။
- “Lust - အလိုရမ္မက်” ဟု ၂ ကြိမ်၊ ထွက်မြောက်ရာ ၁၅း၉။ ဆာလံ ၇၈း၁၈။
- “Living thing
- အသက်ရှင်သောအရာ” ဟု ၂ ကြိမ်၊ ဝတ်ပြုရာ ၁၁း၁၀။
ယေဇကျေလ ၄ရး၉။
Nepliesh - ကို အဓိပ္ပါယ် ၄၃ မျိုးဖြင့် ဘာသာပြန်ထားပါသည်။
ဖော်ပြခဲ့သောစကားလုံးများအပြင်၊ “breath - ထွက်သက်ဝင်သက်၊” “beast - တိရစ္ဆာန်”၊ “fish - ငါး”၊ “desire - လိုအင်ဆန္ဒ”၊ “ghost - တစ္ဆေ”၊ “pleasure - အားရပျော်ရွှင်ခြင်း”၊ စသည်ဖြင့်လည်း အသုံးပြုထားပါသည်။
“Spirit - ဝိညာဉ်” ဟူ၍တစ်ခါမျှဘာသာပြန်ထားခြင်းမရှိသည့်အပြင်၊
“သေခြင်းနှင့်ကင်းလွှတ်သည်” ဟုတစ်ခါမှမပြောထားပါ။
NEPHESH (SOUL) သည် သေမျိုးဖြစ်သည်
ဆာလံ ၄၉း၁၄၊ ၁၅၊ “ထိုသူတို့ကို သိုးများကဲ့သို့
မရဏာနိုင်ငံ၌ချထား ၍၊ သေမင်းစားလိမ့်မည်။ ကာလမကြာမမြင့်မီ ဖြောင့်မတ်သောသူတို့သည်
အုပ်စိုးရကြလိမ့်မည်။ သူတို့၏ကိုယ်ခန္ဓာသည် ဖောက်ပြန်ဖို့ရာဖြစ်၏။ မရဏာ နိုင်ငံသည်
သူတို့၏နေရာဖြစ်၏။ ငါကိုမူကား၊ ဘုရားသခင်သိမ်းယူတော်မူ သောကြောင့်၊ ငါ၏
ဝိညာဉ်ကိုမရဏာနိုင်ငံ၏တန်ခိုးမှရွေးတော်မူမည်။”
ယေရှာယ ၃၈း၁၇၊ “အကျွန်ုပ်ခံရသော ဝေဒနာသည်
ငြိမ်းပါပြီ။ အကျွန်ုပ်၏ ဝိညာဉ်ကို သနား၍၊ ဖျက်ဆီးရာထဲက နှုတ်ယူတော်မူပြီ။
အကျွန်ုပ် အပြစ်ရှိသမျှကို နောက်တော်သို့ပစ်လိုက်တော်မူပြီ။” (ဆာလံ ၈၉း၄၈။ ယောဘ
၃၃း၁၈။ ၂၀၊ ၂၂)။
Nephesh (soul - ဝိညာဉ်) ကိုသတ်လို့ရသည်၊ ဖျက်ဆီးလို့ရသည် (ကမ္ဘာဦး ၁၇း၁၄။
ထွက်မြောက်ရာ ၃၁း၁၄။ ယောရှု ၁ဝး၃၀၊ ၃၂၊ ၃၅၊ ၃၇၊ ၃၉)။
ဓမ္မသစ်ကျမ်းတွင် “soul - ဝိညာဉ်” ဟူသောစကားလုံးသည် ဂရိ စကား ဈကခ့န မှလာသည်။
၎င်းစကားလုံးကို ၁၀၅ ကြိမ်တွေ့ရသော်လည်း၊ “soul” ဟု ၅၈ ကြိမ်ဘာသာပြန်ထားပါသည်။
ဥပမာ၊ မဿဲ ၁ဝး၂၈။ မာကု ၈း၃၆၊ ၃၇။ လုကာ ၁း၄၆။
ယောဟန် ၁၂း၂၇။ တမန်တော် ၂း၂၇။ ရောမ ၂း၉။ ၁ ကောရိန်သု ၁၅း၄၅။ ၂ ကောရိန်သု ၁း၂၃။ ၁
သက်သာလောနိတ် ၂း၈။ ဟေဗြဲ ၄း၁၂။ ယာကုပ် ၁း၂၁။ ၁ ပေတရု ၁း၉။ ၂ ပေတရု ၂း၈။ ၃ ယောဟန်
၁း၂။ ဗျာဒိတ် ၆း၉။
“အသက်” ဟု အကြိမ် ၄၀ ဘာသာပြန်ထားပါသည်။
ဥပမာ၊ ၂း၂၀။ မာကု ၃း၄။ လုကာ ၆း၉။ ယောဟန် ၁ဝး၁၁။
တမန်တော် ၁၅း၂၆။ ရောမ ၁၁း၃။ ဖိလိပ္ပိ ၂း၃၀။ ယောဟန် ၃း၁၆။ ဗျာဒိတ် ၈း၉။
“စိတ်” - တမန်တော် ၁၄း၂။ ဖိလိပ္ပိ ၁း၂၇။ ဟေဗြဲ
၁၂း၃ ဟူ၍လည်း ကောင်း၊
“နှလုံး” - ဧဖက် ၆း၆။ ကောလောသဲ ၃း၂၃
ဟူ၍လည်းကောင်း၊
“ကျွန်ုပ်တို့” - ယောဟန် ၁ဝး၂၄ ဟူ၍လည်းကောင်း၊
“သင်တို့”
- ၂ ကောရိန်သု ၁၂း၁၅ ဟူ၍လည်းကောင်း ဘာသာပြန်
ထားပါသည်။
မှတ်ချက်။ သမ္မာကျမ်းစာဘယ်နေရာ၌မျှ sသကူ (ဈကခ့န) ခေါ် ဝိညာဉ် သည် သေခြင်းနှင့်ကင်းလွှတ်ကြောင်း၊ မည်သည့်အခါမျှ မသေနိုင်ကြောင်း၊ ဖော်ပြ ပြောဆိုခြင်းမရှိပါချေ။
နောက်ဆက်တွဲ ၂
“HELL - ငရဲ” ဟုဘာသာပြန်ထားသော စကားလေးလုံး
FOUR
WORDS TRANSLATED “HELL”
IN THE BIBLE
၁။ Sheol (ဟေဗြဲဘာသာစကား) - ဓမ္မဟောင်းကျမ်းတွင် “ငရဲ” ဟု ၃၁ ကြိမ်၊
တွင်းနက်” ဟု ၃ ကြိမ်၊ လူသေများ မြုပ်နှံထားရာ “သင်္ချိုင်းဂူ” ဟု ၃၁ ကြိမ်
ဘာသာပြန်ဆိုထားပါသည်။
ဥပမာ၊ “ငရဲ” - တရားဟောရာ ၃ရး၃၅။ ၄၂း၃၈။
၄၄း၂၉၊၃၁။ ၁ ဓမ္မရာဇဝင် ၂၁၆။ ၃ ဓမ္မရာဇဝင် ၂း၆၊၉။ ယောဘ ၇း၉။ ၁၄း၁၃။ ၁ရး၁၃။ ၂၁း၁၃။
၁၄း၁၉။ ဆာလံ ၆း၅။ ၃ဝး၃။ ၃၁း၁၇။ ၄၉း၁၄၊ ၁၅။ ၈၃း၃။ ၈၉း၄၈။ ၁၄၁း၇။ သုတ္တံ ၁း၁၂။ ၃ဝး၁၆
ဒေသနာ ၉း၁၀။ ယေရှာယ ၁၄း၁၁။ ၃၈း၁၀၊ ၁၈။ ယေဇကျေလ ၃၁း၁၅။ ဟောရှေ ၁၃း၁၄။
“တွင်းနက်” - တောလည်ရာ ၁၆း၃၀၊၃၃။ ယောဘ ၁၇း၁၆။
ဤကျမ်းချက်များကိုကြည့်ခြင်းအားဖြင့် sheol သည် နားနေရာ၊ တိတ် ဆိတ်ရာ၊ ဆိတ်ငြိမ်ရာ၊ မှောင်မိုက်ရာ၊
အိပ်ပျော်ရာ၊ ပုပ်ပျက်ရာနေရာဖြစ် ကြောင်း ထင်ရှားပါသည်။
ဖြောင့်မတ်သောသူဖြစ်စေ ဆိုးယုတ်သောသူဖြစ်စေ၊ sheol (သေသော သူတို့ နေရာသင်္ချိုင်းဂူ) သို့အတူတကွသွားကြသည်။
ကမ္ဘာဦး ၃ရး၃၅ - ဘုရားသခင်၏လူတစ်ဦးဖြစ်သော
ယာကုပ်လည်း sheol သို့ရောက်သွားသည်။
တောလည်ရာ ၁၆း၃၀၊ ၃၃ - ဆိုးသောသူများလည်း
ရောက်သွားကြ သည်။
ဆာလံ ၈၉း၄၈ - လူတိုင်း sheol သို့သွားကြသည်။
Sheol သည် ဓမ္မသစ်ကျမ်း၌တွေ့ရသော Hades နှင့်ထပ်တူထပ်မျှဖြစ် သည်။ (ဆာလံ ၁၆း၁၀ နှင့် တမန်တော်
၂း၂၇ တို့နိုင်းယှဉ်ပါ။)
၂။ Hades သည် ဓမ္မသစ်ကျမ်း၌ “hell - ငရဲ” ဟုဘာသာပြန် ဆိုထား သော ဂရိဘာသာစကားဖြစ်ပါသည်။
အပြစ်ဒဏ်ခံရသောနေရာဟု မဆိုလိုပါ။ “မမြင်နိုင် သောနေရာ” ၊ “သင်္ချိုင်းဂူ” ၊
“တွင်းနက်”၊ “သေသူတို့၏နယ်ပယ်” ဟု အဓိပ္ပါယ်ရှိပါသည်။ ဥပမာ၊ မဿဲ ၁၁း၂၃။ ၁၆း၁၈။
လုကာ ၁ဝး၁၅။ ၁၆း၂၃။ တမန်တော် ၂း၂၇၊ ၃၁။ ၁ ကောရိန်သု ၁၅း၅၅။ ဗျာဒိတ် ၁း၁၈။ ၆း၈။ ၁၈။
၆း၈။ ၂ဝး၁၃၊၁၄။
မှတ်ချက်။ ဤကျမ်းချက်များသည် သမ္မာကျမ်းစာတွင် Hades ဟူသော စကားလုံးအသုံးပြုပုံကို ဖော်ပြထားပါသည်။
ဖတ်ရှုလေ့လာသောသူသည်၊ ညဉ်းပန်းနှိပ်စက်ခြင်းအရပ်လား၊ သင်္ချိုင်းဂူလား၊
သေသူတို့၏ယေဘုယျ အနေ အထားလား၊ ဆုံးဖြတ်နိုင်ပါသည်။
၃။ Gehenna ဟူသောစကားလုံးကိုလည်း ဓမ္မသစ်ကျမ်းတွင် “hell - ငရဲ” ဟုပင်ဘာသာပြန်ဆိုထားပါသည်။ “ဟိန္ဒူချိုင့်ဝှမ်း”
ဟုဘာသာပြန်ထား သော ဟေဗြဲစကားလုံးများကို ဂရိအသွင်ပြောင်းစာလုံးဖြစ်ပါသည်။
၎င်းချိုင့် ဝှမ်းသည် ယေရုရှလင်မြို့မှ စွန့်ပစ်အမှိုက်သရိုက်များ၊
တိရစ္ဆာန်အသေကောင် များ မီးရှို့ရာအရပ်ဖြစ်သည်။ သတ်ဖြတ်ဖျက်ဆီးခြင်းကို ပုံဆောင်၍
အသုံးပြု သော စကားဖြစ်ပါသည်။ ၎င်းနေရာသည် လူဆိုးများအား လက်ရှိတွင် ဒဏ်ခတ်သောနေရာ၊
အဆုံးမရှိသော၊ အရှင်လတ်လတ်ညှဉ်းပန်းနှိပ်စက်ရာ အရပ်လည်း မဟုတ်ပါ။ (ယောရှု ၁၅း၈။
၁၈း၁၆။ ၄ ဓမ္မရာဇဝင် ၂၃း၁၀။ ၂ ရာဇဝင်ချုပ် ၂၈း၃။ ၃၃း၆။ ယေရမိ ရး၃၁၊၃၂။ ၁၉း၂၆။
၃၂း၃၅)။
ဥပမာ၊ မဿဲ ၅း၂၂၊၂၉၊၃၀။ ၁ဝး၂၈။ ၁၈၉။ ၂၃း၁၅၊ ၃၃။
မာကု ၉း၄၃၊၄၅၊ ၄၇။ လုကာ ၁၂း၅။ ယာကုပ် ၃း၆။
မှတ်ချက်။ ဤစကားလုံးအသုံးပြုပုံကို
ကြည့်ခြင်းအားဖြင့် လူဆိုးများ ဖျက်ဆီးခြင်းခံရမည့်နေရာမီးအိုင်ကြီးကို
ရည်ညွှန်းထားခြင်းဖြစ်ကြောင်း ထင် ရှားပါသည်။
၄။ Tartars သည် ဂရိဘာသာစကားလုံးဖြစ်သည်။ ဓမ္မသစ်ကျမ်း တစ်နေရာတွင်သာ
တွေ့နိုင်ပါသည်။ ရုပ်လောကကြီးကို ဖုံးလွှမ်းသောမှောင် မိုက်ကို
ရည်ညွှန်းပြောဆိုသည့်စကားဖြစ်ပါသည်။
ဥပမာ၊ ၂ ပေတရု ၂း၄ -
“ပြစ်မှားသောကောင်းကင်တမန်တို့ကို ဘုရားသခင် သည် နှမြောတော်မမူ။
ငရဲထဲသို့ချလိုက်ပြီးမှ စစ်ကြောစီရင်ခြင်းအလို့ငှာ ချုပ်ထား၍၊
မှောင်မိုက်သံကြိုးနှင့် ချည်နှောင်တော်မူ၏။” အငယ် ၆ နှင့် နှိုင်းယှဉ်ပါ။
မှတ်ချက်။ Hades သည် ဖြောင့်မတ်သောသူများနှင့် ဆိုးသောသူများ အတူတကွ၊
သင်္ဂြိုဟ်သော၊ လူသေတို့သွားရာ အရပ်ဖြစ်ပါသည်။ ရှင်ပြန်ထ မြောက်ခြင်းအားဖြင့်သာ
သူတို့ထွက်လာမည်ဖြစ်သည် (ဗျာဒိတ် ၂ဝး၁၃)။ သို့သော်လည်း Gန့နညညa သည်
မီးအိုင်ကြီးဖြစ်၍ လူဆိုးများအရှင်လတ်လတ် ခန္ဓာကိုယ်ရော စိတ်ဝိညာဉ်ပါ
ဖျက်ဆီးခြင်းခံရမည့်နေရာဖြစ်ပါသည် (မဿဲ ၁ဝး၂၈)။
No comments:
Post a Comment