ကျွန်ုပ်တို့အကြောင်း

ကျွန်ုပ်တို့အကြောင်း

မြော်လင့်ခြင်းအသင်းတော်တိုင်းက အပတ်စဉ်မဖြစ်မနေသင်ကြရသော ဥပုသ်စာဖြေ သင်ခန်းစာများကို အသေအချာလေ့လာလျှင် အသင်းသားများ၏ ဝိညာဉ်ရေးရာ အသက်သွေးကြောပမာရှိသည်ဟု ယုံကြည်သဖြင့် Suan Lian Kham သည် ဥပုသ်စာဖြေများကို နည်းလမ်းမျိုးစုံဖြင့် ဝေငှရန် ဘုရားဖွင့်ပြခဲ့၏။ ခေတ်နှင့်လျှော်ညီစွာဖြင့် Social Media ကိုအသုံးပြုပြီး အသင်းသားများအား ယုံကြည်ခြင်း၌ ပိုမိုအမြစ်တွယ်စေရန် YouTube စာမျက်နှာကိုအသုံးပြုပြီး ၂၀၁၄ တတိယကွာတာ ဥပုသ်စာဖြေ သင်ခန်းစာဖြင့် စတင်ခဲ့ပါသည်။ အဦးဆုံးဖွင့်ခဲ့သည့်အခေါင့်သည် Myanmar Three Angels Messages ဖြစ်ရာ- ပထမဆုံးသီချင်းဗီဒီယိုအနေဖြင့် ဇူလှိုင် ၇၊ ၂၀၁၄ တွင် စတင်နိုင်ခဲ့ပါသည်။ (ရှုရန်။ https://www.youtube.com/@myanmarthreeangelsmessages5004/videos)။ နောက်တစ်နှစ်တွင် (မေ ၁၀၊ ၂၀၁၅) Myanmar Bible Study အမည်ဖြင့်ဖွင့်ရာမှ ယခုတွင် Myanmar 3AM (Myanmar Three Angels Ministry) ဟုပြောင်းလဲခေါ်ဆိုခဲ့သည်။ ထိုမှတဆင့် အသင်းသားတစ်ဦး၏အကြံပေးချက်အရ Facebook စာမျက်နှာသို့ ၂၀၁၆ စတုတ္ထကွာတာတွင် ထပ်မံတိုးချဲ့ရာ အသင်းသားတို့၏လက်တစ်ကမ်းတွင် ပိုမိုရောက်ရှိလာနိုင်ခဲ့ပါသည်။

ထို့ကြောင့် ရပ်ဝေးရောက်အသင်းသားများ၊ ဆရာမရှိသည့်နေရာများ၊ အသင်းသားနည်းသည့်နေရာများတွင် ဝတ်ပြုကိုးကွယ်ခြင်းတွင် အထောက်အကူပြုစေရန် ရည်ရွယ်လျက်၊ ၂၀၁၆ တွင် ရပ်ဝေးသာသနာ သတင်း ကိုထပ်မံဖြည့်စွပ်နိုင်ခဲ့ပါသည်။ ထို့နောက် တီးတိန်ချင်းဘာသာစကား၊ တရားဟောချက်၊ ထို့နောက်တွင် ကိုဗစ်ရောဂါကြောင့် Zoom များတွင်ကျယ်စွာအသုံးပြုလာကြရာ၊ ပတ်စဉ်သောကြာနေ့တိုင်း OMEGA နယ်စည်းမခြားဝတ်ပြုကိုးကွယ်ခြင်း၊ ဥပုသ်စာဖြေကိုလည်း တစ်ယောက်တည်း ထက်ဆရာများသင်းဖွဲ့ပြီး၊ NAD မြန်မာ (Mar 29, 2022), NAD Zomi ချင်းဘာသာ (Mar 29, 2022)များဖြင့် သနင်္လာနေ့တိုင်း အသီးသီးသင်ကြားခြင်းဖြင့် သာသနာပျံ့နှံ့စေပါသည်။ ကျမ်းစာအမေးအဖြေ၊ လူငယ်လူရွယ်များ အားဖြင့် RYM Cornerstone Connection (Jan 3, 2022)၊ နံနက်ယံဝတ်(၂၀၂၂၊ ၂၀၂၃)၊ နှင့် ယခုတွင် ကရင်ဘာသာစကား (July 5, 2024) အားဖြင့် ဆက်လက်သင်ကြားနေဆဲဖြစ်ပါသည်။ အထူးသဖြင့် ဆရာမန်မန်နှင့်အတူ Short Point (Sep 20, 2021) ဟူသော ဥပုသ်စာဖြေကို လည်းဖြန့်ချိရာ လူများစွာအတွက် အထောက်အကူပြု လှပါသည်။ လွန်ခဲ့သောနှစ်တော်ကြာ (ခန့်မှန်း ၂၀၁၅) တွင် www.myanmar3am.org ဖြင့်စာပေများကို ဖြန့်ချိရန် စိတ်အားထက်သန်သော်လည်း အချိန်မပေးနိုင်ခြင်း နှင့် နည်းပညာမကျွမ်းကျင်မှုများကြောင့် ရပ်တန့်ခဲ့ရသည်။ သို့သော်ယခုတွင် ဤ www.myanmar3am.com ဖြင့် ဗီဒီယို၊ သီချင်း၊ ဆောင်ပါး၊ စာအုပ်များ (ဝိညာဉ်တော်စာပေ နှင့် အခြား)၊ တရားဟောချက်များ၊ ဥပုသ်စာဖြေ၊ ကျမ်းစာအမေးအဖြေ နှင့် အဓိကအားဖြင့် ကျမ်းစာအနက်ဖွင့်ကျမ်း (Bible Commentary နှင့် Study Bible) စသည်တို့သာမက များစွာတို့ကို လွယ်လင့်တကူ ရှာဖွေ အသုံးပြုနိုင်ရန် ရည်ရွယ်ချက်ဖြင့် ဤဝက်ဆိုက်ကို ပြုလုပ်ရခြင်းဖြစ်ပါသည်။ ခရစ်ယာန်စာပေများကိုလည်း ဝယ်ယူနိုင်ရန်ပြုလုပ် သွားပါမည်။ ယခုလတ်တလောအခြေအနေတွင်၊ ၃ နှစ်စီမံကိန်းဖြင့် SDA Bible Commentary နှင့် Andrews Study Bible ကို မြန်မာဘာသာပြန်ဆိုနေပါသည်။ ထို စီမံကိန်း project အတွက် အဖွဲ့ဝင် (အလှူရှင် နှင့် ဘာသာပြန် နိုင်သူ ပညာတတ်)များစွာလိုအပ်ပါသည်။ သင့်အနေဖြင့် လှူဒါန်းလိုပါက တစ်လ $7 (USA), 70 (Thai), $ 7 (Singapore), ၇၀၀၀ ကျပ် (မြန်မာ), စသည်ဖြင့် လှူဒါန်း နိုင်ပါသည်။ အလှူကိုလည်း လစဉ်ဖြစ်စေ၊ တစ်ချိန်တည်းတွင် ပမာတစ်ခုဖြစ်စေ ပေးလှူနိုင်ပါသည်။ ထိုအလှူများဖြင့် ဤစီမံကိန်းကို ဆက်လက် လုပ်ဆောင်သွားမည်ဖြစ်ပါသည်။

အကြံပေးခြင်း၊ ရက်ရောသောအလှူငွေများဖြင့် ဤအမှုတော်မြတ်ကို သာ၍ကောင်းအောင် ပံ့ပိုးပေးကြပါ။

အမြဲလှူဒါန်းနိုင်သောသူအဖြစ် ဘုရားသခင် ကောင်းချီးပေးပါစေ။

အဖွဲ့ဝင်များ

Pr. Suan Lian Kham (Indianapolis)
-အဖွဲ့တည်ထောင်သူ + ထောက်ပံ့
(၂၀၂၅-၁၀ အထိ)

ဆရာထိုက်လေး
(Clarksville)
အတွင်းရေးမှူး + ထောက်ပံ့

အေးသီတာအောင်
(Jacksonville)
ဘဏ္ဍာရေးမှူး + ထောက်ပံ့

အခလိန်း
(Jacksonville)
ဖြန့်ဝေသူ + ထောက်ပံ့

ဆရာစိုးမိုးကျော် + ဆရာမသဲစုဖြိုး
(ရန်ကုန်)
နှုတ်ကပတ်တော်ဝေငှသူ / ဘာသာပြန်စီစစ်သူ/ ဘဏ္ဍာရေးမှူး

ဆရာနေလင်းအောင်
(Nakhon Nayok-Thailand)
ဘဏ္ဍာရေးမှူး၊ နှုတ်ကပတ်တော်ဝေငှသူ+ထောက်ပံ့

ကိုပိုင်စိုးမိုး
(Maesot)
အချိန်ပြည့်အမှုဆောင်

နော်ထူးဂေဖော
(Singapore)
ပြန်ဝေမျှသူ + ထောက်ပံ့

ဆရာကျင့်စွမ်းမုံ
(ကလေးမြို့)
ပုံနှိပ်ထုတ်လုပ်ရေးမှူး

နော်မူဂေး
(Indianapolis)
ဘာသာပြန် + ထောက်ပံ့
(၂၀၂၅-၁၀ အထိ)

နန်းအိမိုင်
(Maesot)
အချိန်ပြည့်အမှုဆောင်

ဆရာမ လှလှမြင့်
(တွံတေး)
အယ်ဒီတာ (မြန်မာစာ)

ဆရာမခင်မိုးလွင်
(ငါးဆူတောင်)
စာစီစာရိုက် + လူငယ်ရေးရာ

ဆရာမစေပဇော်ဝါး
(Utica)
စာရေး + ထောက်ပံ့
(၂၀၂၇-၂ အထိ)

ဆရာမ မန်ခန့်ကျိန်
(Indianapolis)
နှုတ်ကပတ်တော်ဝေငှ + ထောက်ပံ့
(၂၀၂၆-၁၁ အထိ)

Dim Ngelay
(Indianapolis)
ထောက်ပံ့သူ
(၂၀၂၅-၁၂ အထိ)

အမည်မဖော် (၁)
(New Bern)
ထောက်ပံ့သူ
(၂၀၂၆-၄ အထိ)

MS Cing Hoih
(Maesot)
စာစီစာရိုက်-အချိန်ပိုင်းအမှုဆောင်

Man San
(Norway)
စာဖတ် + ထောက်ပံ့သူ

မြမြဝင်း
(Malaysia)
ထောက်ပံ့သူ