Myanmar 3AM (Official)

 

အခန်း(၉)

အတူတကွနှင့်အတူ

          အသက်ရှင်သော သန့်ရှင်းဖြောင့်မတ်သူများဖြစ်စေ၊ အိပ်ပျော် (သေ)သော သန့်ရှင်းဖြောင့်မတ်သူများဖြစ်စေ၊ ယေရှုခရစ်ပေးခဲ့သည့် စာတန်မာရ်နတ်အား အောင်နိုင်ခြင်းအခွင့်ပိုင်ဆိုင်ပြီးဖြစ်သဖြင့် ယေရှု ခရစ်ဒုတိယအကြိမ်ကြွလာတော်မူသောအခါ ပိုင်ဆိုင်ရသော စာတန်မာရ် နတ်အား အောင်နိုင်ခြင်းအခွင့်ကို အမွေခံကာအပြီးအပိုင် စာတန်မာရ် နတ်ကိုအောင်နိုင်လေတော့သည်။ ထို့ကြောင့် ယေရှုခရစ်ဒုတိယ အကြိမ် ကြွလာတော်မူသောအခါ ယခုမျက်မှောက်၌ သေတတ်သောအရာ၊ ပုတ် တတ်သော အရာဖြစ်သည်ဟု စာတန်မာရ်နတ်ဆိုသော-

          “ဤပုပ်တတ်သောအရာသည် မပုပ်နိုင်သော အဖြစ်သို့လည်း ကောင်း၊ ဤသေတတ်သောအရာသည် မသေနိုင်သော အဖြစ်သို့လည်း ကောင်း၊ ဝင်စားသောအခါသေခြင်းသည် အောင်ခြင်း၌ နစ်မြုပ်ပြီဟု ကျမ်းစာ၌လာချက်ပြည့်စုံလိမ့်မည်။ -အိုသေမင်း သင်၏ လက်နက်သည် အဘယ်မှာ ရှိသနည်း။ အိုမရဏာနိုင်ငံ၊ သင်၏အောင်ခြင်းသည် အဘယ် မှာ ရှိသနည်း။ နောက်ဆုံးသော ရန်သူတည်းဟူသော သေမင်းသည် ဆုံးရှုံးခြင်းသို့ ရောက်ရလတံ့။ -ငါတို့သခင်ယေရှုခရစ်အားဖြင့် ငါတို့အား အောင်ခြင်းအခွင့်ကို ပေးတော်မူသော ဘုရားသခင်၏ ကျေးဇူးတော်သည် ကြီးလှစွာတကား။” ၁ ကော ၁၅:၅၄, ၅၅, ၂၆, ၅၇

          ထိုအချိန်မှစ၍သန့်ရှင်းဖြောင့်မတ် သူများပေါ် စာတန်မာရ်နတ် ၏ အလုပ်တည်းဟူသော အပြစ်ကျူးလွန်ခြင်း၊ ဖျားနာခြင်း၊ ဆာမွတ်ငတ် ပြတ်ခြင်း၊ ပင်ပန်းနွမ်းနယ်ခြင်း၊ စိတ်ပျက်ဝမ်းနည်းခြင်း၊ ငိုကြွေးမြည် တမ်းခြင်း၊ လွမ်းဆွတ်သတိရခြင်း၊ အိုမင်းခြင်း၊ သေဆုံးခြင်း၊---များနှင့် အတူ၊ အခြားမကောင်းသောအရာများဟူ သမျှလုံးဝမရှိတော့ပေ။

          “ဘုရားသခင်သည် သူတို့၏မျက်စိ၌ မျက်ရည်ရှိသမျှတို့ကို သုတ် တော်မူမည်။ နောက်တဖန် သေဘေးမရှိရ။ စိတ်မသာညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်းမရှိရ။ အကြောင်းမူကား၊ ရှေးဖြစ်ဖူး သော အရာတို့ သည်ရွေ့သွားကြပြီ။ -ကိုယ်တော်သည်ထင်ရှား ပေါ်ထွန်း တော်မူသောအခါ၊ငါတို့သည်ကိုယ်တော်နှင့်တူကြလတံ့ဟုငါတို့သိကြ၏။

          အကြောင်းမူကား၊ကိုယ်တော်ဖြစ်တော်မူသည်အတိုင်းငါတို့သည် မြင်ရကြလတံ့။” ဗျာ၂၁း၄၊ ၁ ယော ၃း၂