ဝတ်ပြုရာကျမ်း ၂၁

 

အခန်းကြီး - ၂၁

တဖန် မောရှေအား ထာဝရဘုရားက၊ သင်သည် အာရုန်၏သား၊ ယဇ်ပုရောဟိတ်တို့အားဆင့်ဆို ရမည်မှာ၊ အမျိုးသားချင်း သေသောအတွက် သင်တို့တွင် အဘယ်သူမျှ ညစ်ညူးခြင်းမရှိရ။
² သို့ရာတွင် ပေါက်ဘော်ရင်းတည်းဟူသော မိဘ၊ သားသမီး၊ ညီအစ်ကို၊-
³ လင်မနေသော ကညာနှမရင်းအတွက် ညစ်ညူးခြင်းကို ခံရသော အခွင့်ရှိ၏။
⁴ အမျိုးသားချင်း သူကြီးအတွက်၊ ကိုယ်ကိုကိုယ်ရှုတ်ချ၍ ညစ်ညူးခြင်းမရှိရ။
⁵ ယဇ်ပုရောဟိတ်သည် ဆံပင်ကို မရိတ်ရ။ ပါးမုန်းကို မရိတ်ရ။ အသား၌ ခုတ်ရှခြင်းကို မပြုရ။
⁶ သူသည် မိမိဘုရားသခင်အဘို့ သန့်ရှင်းရမည်။ မိမိဘုရားသခင်၏ နာမတော်ကို မရှုတ်မချရ။ ထာဝရဘုရားအား မီးဖြင့်ပြုသော ပူဇော်သက္ကာ၊ မိမိဘုရားသခင်၏ အစာအာဟာရကို ပူဇော်သော ကြောင့် သန့်ရှင်းခြင်းရှိရမည်။
⁷ သူသည် ပြည်တန်ဆာမိန်းမ၊ သီလပျက်သောမိန်းမ၊ လင်နှင့်ကွာသောမိန်းမနှင့် မစုံဘက်ရ။ မိမိဘုရား သခင်အဘို့ သန့်ရှင်း၏။
⁸ သင်၏ ဘုရားသခင်ပွဲတော်ကို ဆက်သောကြောင့်၊ သူ့ကို သန့်ရှင်းစေ၍၊ သူသည် သင့်အဘို့ သန့်ရှင်းရမည်။ သင်တို့ကို သန့်ရှင်းစေသော ငါထာဝရဘုရား သန့်ရှင်း၏။
⁹ ယဇ်ပုရောဟိတ်သမီးသည်၊ ပြည်တန်ဆာလုပ်၍ ကိုယ့်ကိုကိုယ်ရှုတ်ချလျှင်၊ မိမိအဘကို ရှုတ်ချရာ ရောက်၏။ ထိုသူကို မီးရှို့ရမည်။
¹⁰ မိမိအမျိုးသားချင်းတို့တွင်၊ အဝတ်တန်ဆာဆင်လျက်၊ အရာ၌ ခန့်ထား၍ မိမိခေါင်းပေါ်မှာ ဆီလောင်းခြင်း ဘိသိက်ကိုခံသော ယဇ်ပုရောဟိတ်မင်းသည်၊ မိမိခေါင်း၌ တန်ဆာကို မချွတ်ရ။ မိမိအဝတ်ကို မဆုတ်ရ။
¹¹ အသေကောင်ကို မချဉ်းရ။ မိဘအတွက် ညစ်ညူးခြင်းကို မခံရ။
¹² သန့်ရှင်းရာဌာနတော်ထဲက မထွက်ရ။ မိမိဘုရားသခင်၏ သန့်ရှင်းရာဌာနတော်ကို မရှုတ်မချရ။ အကြောင်းမူကား၊ မိမိဘုရားသခင်၏ ဘိသိက်ဆီနှင့်ဆိုင်သော သင်းကျစ်ကို ဆောင်းရသောသူ ဖြစ်၏။ ငါသည် ထာဝရဘုရား ဖြစ်၏။
¹³ ယဇ်ပုရောဟိတ်မင်းသည်၊ အပျိုကညာနှင့်သာစုံဘက်ရမည်။
¹⁴ မုတ်ဆိုးမ၊ လင်နှင့်ကွာသောမိန်းမ၊ သီလပျက်သောမိန်းမ၊ ပြည်တန်ဆာမိန်းမနှင့် မစုံဘက်ရ။ မိမိအမျိုးသားချင်း အပျိုကညာနှင့်သာ စုံဘက်ရမည်။
¹⁵ မိမိသားကို၊ အမျိုးသားချင်းတို့တွင် မရှုတ်မချရ။ ငါထာဝရဘုရားသည်၊ ယဇ်ပုရောဟိတ်မင်းကို သန့်ရှင်းစေသည်ဟု မိန့်တော်မူ၏။
¹⁶ တဖန်မောရှေအား ထာဝရဘုရားက၊ သင်သည် အာရုန်အား ဆင့်ဆိုရမည်မှာ၊-
¹⁷ သင်၏ အမျိုးအစဉ်အဆက်တွင် ကိုယ်၌အပြစ်ရှိသောသူသည်၊ မိမိဘုရားသခင်၏ ပွဲတော်ကို ဆက်ကပ်အံ့သောငှါ မချဉ်းမကပ်ရ။
¹⁸ မျက်စိကန်းသောသူ၊ ခြေဆွံ့သောသူ၊ နှာခေါင်းပိသောသူ၊ အင်္ဂါပိုလွန်သောသူ၊-
¹⁹ လက်ကျိုးသောသူ၊ ခြေကျိုးသောသူ၊
²⁰ ကျောကုန်းသောသူ၊ ပုသောသူ၊ မျက်စိနာသောသူ၊ ဝဲစွဲသောသူ၊ ယားနာစွဲသောသူ၊ ဝှေးစေ့ပျက်သော သူသည် မချဉ်းမကပ်ရ။-
²¹ ယဇ်ပုရောဟိတ် အာရုန်အမျိုးတွင်၊ ကိုယ်၌ အပြစ်ပါသောသူ တစုံတယောက်မျှ ထာဝရဘုရားအား မီးဖြင့်ပြုသော ပူဇော်သက္ကာကို ဆက်ကပ်အံ့သောငှါ မချဉ်းမကပ်ရ။ ကိုယ်၌ အပြစ်ပါသောကြောင့်၊ မိမိဘုရားသခင်၏ မုန့်တော်ကို ဆက်ကပ်အံ့သောငှါ မချဉ်းမကပ်ရ။ -
²² သန့်ရှင်းသော မုန့်ဖြစ်စေ၊ အလွန်သန့်ရှင်းသော မုန့်ဖြစ်စေ၊ မိမိဘုရားသခင်၏ မုန့်တော်ကို စားရမည်။
²³ ကိုယ်၌ အပြစ်ပါသောကြောင့်၊ ငါ့သန့်ရှင်းရာ ဌာနအရပ်တို့ကို ရှုတ်ချမည်ကို စိုးရိမ်၍၊ ကုလားကာ အတွင်းသို့ မဝင်ရ။ ယဇ်ပလ္လင်သို့ မချဉ်းမကပ်ရ။ ငါထာဝရဘုရားသည် ထိုအရပ်တို့ကို သန့်ရှင်းစေ သည်ဟု မိန့်တော်မူ၏။
²⁴ မောရှေသည် အာရုန်နှင့် သူ၏သား ဣသရေလ အမျိုးသားအပေါင်းတို့အား ဆင့်ဆိုလေ၏။

အနက်ဖွင့်ချက်။

၂၁:၁ ယဇ်ပုရောဟိတ်များထံ ပြောဆိုပါ။ ဤကဏ္ဍသည် ယဇ်ပုရောဟိတ်များ၏ ဘဝနေထိုင်ပုံနှင့် သက်ဆိုင်သည်။ 

21:1 Speak to the priests. This section concerns priestly lifestyle.

 

၂၁:၅ ဆံပင်ပြတ်ခြင်း … ဘေးတစ်ဖက်တစ်ချက်ကို ရိတ်ခြင်း … ဖြတ်တောက်ခြင်း။ ခါနာန်ဝမ်းနည်းခြင်းထုံးတမ်းများ (၁၉:၂၇–၂၈ ကိုလည်း ကြည့်ပါ)။ 

21:5 bald place … shave the edge … cuttings. Canaanite mourning customs (see also 19:27–28).

 

၂၁:၇ ညစ်ညမ်းသောမိန်းမ။ ဖြစ်နိုင်ချေမှာ မုဒိမ်းကျင့်ခံရသူဖြစ်သည်။ 

21:7 a defiled woman. Likely a rape victim.

 

၂၁:၁၁ သေလွန်သောကိုယ်ခန္ဓာ။ ဆိုလိုသည်မှာ “သေဆုံးသူ” ဖြစ်သည်။ ယခင်ဗားရှင်းများတွင် ဤနေရာရှိ “လူ” အတွက် ဟေဗြဲစကားလုံးကို “ဝိညာဉ်” ဟု ဘာသာပြန်ခဲ့သည်။ ထို့ကြောင့် KJV သည် ကမ္ဘာဦး ၂:၇ ၏ အဆုံးတွင် “လူသည် အသက်ရှင်သော ဝိညာဉ်ဖြစ်လာသည်” ဟု ဘာသာပြန်ခဲ့သည်။ အသက်ရှင်သော “ဝိညာဉ်” ၏ ဆန့်ကျင်ဘက်မှာ သေဆုံးသော “ဝိညာဉ်” ဖြစ်ပြီး၊ ၎င်းသည် သတိလစ်နေသော ရုပ်အလောင်းသာဖြစ်သည် (တော ၆:၆)။ သေဆုံးပြီးနောက် သတိရှိသော တည်ရှိမှုအတွက် အီဂျစ်အယူအဆအတွက် သမ္မာကျမ်းတွင် သက်သေမရှိပေ (ဒေ ၉:၅–၆ နှင့် နှိုင်းယှဉ်ပါ)။ 

21:11 dead body. That is, “dead person.” In older versions the same Hebrew word for “person” here was translated “soul.” Thus KJV rendered the end of Gen. 2:7: “and man became a living soul.” The opposite of a living “soul” is a dead “soul,” which is simply an unconscious corpse (Num. 6:6). There is no evidence in the Bible for the Egyptian notion of conscious existence following death (compare Eccl. 9:5–6).

 

၂၁:၁၇ ချို့ယွင်းမှု။ ရုပ်ပိုင်းဆိုင်ရာ ချို့ယွင်းနေသော ယဇ်ပုရောဟိတ်များကို ဝတ်ပြုရာတာဝန်မှ ဖယ်ထုတ်ခြင်းဖြင့်၊ ဘုရားသခင်သည် သူ၏ သန့်ရှင်းသော နယ်ပယ်သည် စံပြဖြစ်ကြောင်း အလေးပေးဖော်ပြသည်။ ထို့ပြင် ယဇ်ပုရောဟိတ်များသည် ကျွန်ုပ်တို့၏ ပြီးပြည့်စုံသော ယဇ်ပုရောဟိတ်ဖြစ်သည့် ခရစ်တော်ကို ကိုယ်စားပြုသည် (ဟေဗြဲ ၄:၁၄–၁၆ နှင့် နှိုင်းယှဉ်ပါ)။ 

21:17 defect. By excluding physically defective priests from officiating, God emphasized that His holy sphere is an ideal one. Also, priests represented Christ, our perfect Priest (compare Heb. 4:14–16).