ထွက်မြောက်ရာကျမ်း ၉

 

အခန်းကြီး - ၉

ာဝရဘုရားကလည်း၊ သင်သည် ဖါရောဘုရင် ထံသို့ဝင်၍ ငါ၏လူတို့သည် ငါ့အား ဝတ်ပြုမည် အကြောင်း၊ သူတို့ကို လွှတ်လော့။
² မလွှတ်ဘူးဟုငြင်း၍ ဆီးတားသေးလျှင်၊
³ ထာဝရဘုရား၏လက်တော်သည် လယ်ပြင်၌ ရှိသော တိရစ္ဆာန်၊ မြင်း၊ မြည်း၊ ကုလားအုပ်၊ သိုး၊ နွားတို့အပေါ်၌ ရောက်၍ အလွန်ပြင်းစွာသော ရောဂါ စွဲလိမ့်မည်။
⁴ ထာဝရဘုရားသည်၊ ဣသရေလလူတို့၏ တိရစ္ဆာန်နှင့် အဲဂုတ္တုလူတို့၏ တိရစ္ဆာန်ကို ခြားနား စေသဖြင့်၊ ဣသရေလအမျိုးသားပိုင်သော တိရစ္ဆာန် တကောင်မျှမသေရ။
⁵ နက်ဖြန်နေ့၊ အဲဂုတ္တုပြည်၌ ထိုအမှုကို ထာဝရ ဘုရားပြုတော်မူမည်ဟု မှန်သောအချိန်ကို ချိန်းချက် တော်မူပြီဟု ဟေဗြဲလူတို့၏ ဘုရားသခင်ထာဝရဘုရား မိန့်တော်မူသည် အကြောင်းကိုပြောလော့ဟု မောရှေအား မိန့်တော်မူ၏။
⁶ နက်ဖြန်နေ့၌ ထိုအမှုကိုပြုတော်မူသဖြင့်၊ အဲဂုတ္တုလူတို့၏ တိရစ္ဆာန်အမျိုးမျိုးသေကြ၏။ ဣသ ရေလလူတို့၏ တိရစ္ဆာန်တကောင်မျှမသေ။
⁷ ဖါရောဘုရင်သည် လူကိုစေလွှတ်၍၊ ဣသ ရေလအမျိုးသားတို့၏ တိရစ္ဆာန်တကောင်မျှ မသေ ကြောင်းကို သိရ၏။ သို့သော်လည်း နှလုံးခိုင်မာပြန်၍၊ ဣသရေလလူတို့ကို မလွှတ်ဘဲနေလေ၏။
⁸ ထာဝရဘုရားကလည်း၊ မီးဖိုထဲကပြာကို လက် နှင့်ယူ၍ မောရှေသည် ဖါရောဘုရင်ရှေ့၌ မိုဃ်းကောင်း ကင်သို့ပစ်လွှင့်စေ။
⁹ ထိုပြာသည် အဲဂုတ္တုပြည်တရှောက်လုံး၌ နှံ့ပြား သော အမှုန့်ဖြစ်၍၊ ပြည်တရှောက်လုံးတွင် လူနှင့် တိရစ္ဆာန်တို့၌ အခဲအကျိတ်ပြည့်သော အနာဆိုးဖြစ်လိမ့် မည်ဟု မောရှေနှင့် အာရုန်တို့အား မိန့်တော်မူသည်အ တိုင်း၊
¹⁰ သူတို့သည် မီးဖိုထဲကပြာကိုယူ၍၊ ဖါရောဘုရင် ရှေ့မှာရပ်လျက်၊ မောရှေသည် မိုဃ်းကောင်းကင်သို့ ပစ် လွှင့်သဖြင့်၊ ထိုပြာသည် လူနှင့်တိရစ္ဆာန်တို့၌ အခဲ အကျိတ်ပြည့်သော အနာဆိုးဖြစ်လေ၏။
¹¹ ဝိဇ္ဇာဆရာတို့သည် အနာဆိုးကြောင့်၊ မောရှေ ရှေ့၌မရပ်မနေနိုင်။ ထိုအနာဆိုးသည် ဝိဇ္ဇာဆရာတို့၌၎င်း၊ အဲဂုတ္တုလူအပေါင်းတို့၌၎င်း စွဲသတည်း။
¹² ထာဝရဘုရားသည် ဖါရောဘုရင်၏နှလုံးကို ခိုင်မာစေတော်မူသည်ဖြစ်၍၊ မောရှေအား မိန့်တော်မူ သည်အတိုင်း၊ သူတို့စကားကို နားမထောင်ဘဲ နေလေ၏။
¹³ တဖန်ထာဝရဘုရားက၊ နံနက်စောစောထ၍၊ ဖါရောဘုရင်ရှေ့မှာရပ်လျက်၊ ဟေဗြဲလူတို့၏ ဘုရား သခင် ထာဝရဘုရားက၊ ငါ၏လူတို့သည် ငါ့အား ဝတ်ပြု မည်အကြောင်း၊ သွားရသောအခွင့်ကိုပေးလော့။
¹⁴ သို့မဟုတ် ယခုကာလအခါ သင်၏နှလုံး၌၎င်း၊ သင်၏ကျွန်များ၊ လူများ၌၎င်း၊ ငါ၏ဘေးဒဏ်အလုံးစုံ တို့ကို သင့်ရောက်စေမည်။ မြေကြီးတရှောက်လုံး၌ ငါကဲ့သို့သောသူ မရှိကြောင်းကိုသင်သည် သိရလိမ့်မည်။
¹⁵ ငါ့လက်ကို ငါဆန့်၍ သင်နှင့်သင်၏လူတို့ကို ကာလနာဖြင့် ဒဏ်ခတ်မည်။သင့်ကိုလည်း မြေကြီးပေါ် က သုတ်သင်ပယ်ရှင်းမည်။
¹⁶ အကယ်စင်စစ် ငါ့တန်ခိုးကို သင်၌ ငါပြခြင်းငှါ၎င်း၊ ငါ့နာမကို မြေကြီးတပြင်လုံးတွင် ကျော်စောစေခြင်း ငှါ၎င်း၊ သင့်ကို ငါချီးမြှောက်ခဲ့ပြီ။
¹⁷ သင်သည် ငါ၏လူတို့ကိုမလွှတ်ဘဲ၊ သူတို့ကို စော်ကားသေးသလော။
¹⁸ ကြည့်ရှုလော့။ အဲဂုတ္တုပြည် တည်သည်ကာလမှ စ၍ ယခုတိုင်အောင် မရွာဘူးသော အလွန်ကြီးစွာသော မိုဃ်းသီးရွာခြင်းကို နက်ဖြန်နေ့ ဤအချိန်၌ ငါဖြစ်စေ မည်။
¹⁹ ထိုကြောင့်ယခုစေလွှတ်၍၊ လယ်ပြင်၌ရှိသော တိရစ္ဆာန်များနှင့် ရှိလေသမျှတို့ကို သိမ်းယူလော့။ အိမ်သို့ မဆောင်လျင်၊ လယ်ပြင်၌ တွေ့သမျှသောလူနှင့် တိရစ္ဆာန်တို့အပေါ်မှာ မိုဃ်းသီးကျ၍၊ သူတို့သည် သေကြလိမ့်မည်အကြောင်းကို ပြောလော့ဟု မောရှေ အား မိန့်တော်မူ၏။
²⁰ ထာဝရဘုရား၏ နှုတ်ကပတ်တော်ကို ကြောက်ရွံ့သော ဖာရောဘုရင်၏ ကျွန်တို့သည်၊ မိမိကျွန်နှင့် မိမိတိရစ္ဆာန်တို့ကို အိမ်သို့ ပြေးစေကြ၏။
²¹ ထာဝရဘုရား၏ နှုတ်ကပတ်တော်ကို ပမာဏမပြုသောသူတို့သည်၊ မိမိကျွန်၊ မိမိတိရစ္ဆာန်တို့ကို လယ်ပြင်၌ ထားကြ၏။
²² ထာဝရဘုရားကလည်း၊ အဲဂုတ္တုပြည်တရှောက်လုံး၌ လူတို့အပေါ်မှာ၎င်း၊ တိရစ္ဆာန်တို့အပေါ်မှာ၎င်း၊ လယ်ပြင်၌ရှိလေသမျှသော အပင်များအပေါ်မှာ၎င်း၊ မိုဃ်းသီးရွာစေခြင်းငှာ၊ သင်၏လက်ကို မိုဃ်းကောင်းကင်သို့ ဆန့်လော့ဟု မောရှေအား မိန့်တော်မူ၏။
²³ မောရှေသည် မိမိလှံတံကို မိုဃ်းကောင်းကင်သို့ ဆန့်၍၊ ထာဝရဘုရားသည် မိုဃ်းကြိုးနှင့် မိုဃ်းသီးကို လွှတ်တော်မူ၏။ မီးသည်လည်း မြေပေါ်မှာပြေးလေ၏။ ထိုသို့ ထာဝရဘုရားသည်၊ အဲဂုတ္တုပြည်၌ မိုဃ်းသီးရွာစေ တော်မူသဖြင့်၊
²⁴ အဲဂုတ္တုပြည် တည်ထောင်သည်ကာလမှစ၍ တခါမျှမဖြစ်ဘူးသော မိုဃ်းသီး၊ မီးနှင့်ရော၍ အလွန် ပြင်းထန်စွာသော မိုဃ်းသီး ဖြစ်လေ၏။
²⁵ အဲဂုတ္တုပြည် တရှောက်လုံး၌၊ လယ်ပြင်မှာရှိသမျှသော လူနှင့်တိရစ္ဆာန်များ၊ မြက်ပင်များ၊ သစ်ပင်များ တို့ကို မိုဃ်းသီးထိလေ၏။
²⁶ သို့ရာတွင် ဣသရေလအမျိုးသားနေရာဂေါရှင်ပြည်၌ မိုဃ်းသီးမကျမရွာ။
²⁷ ထိုအခါ ဖါရောဘုရင်သည် လူကိုစေလွှတ်၍၊ မောရှေနှင့် အာရုန်ကို ခေါ်ပြီးလျှင်၊ ဤအမှု၌ ငါပြစ်မှားပြီ။ ထာဝရဘုရားသည် ဖြောင့်မတ်တော်မူ၏။ ငါနှင့် ငါ၏လူတို့သည် အပြစ်များပါ၏။
²⁸ တန်ပါပြီ။ အားကြီးသော မိုဃ်းကြိုးနှင့် မိုဃ်းသီးစဲမည်အကြောင်း၊ ထာဝရဘုရားကို တောင်းပန်ပါ။ သင်တို့ကို ငါမဆီးမတား အလျင်အမြန်လွှတ်မည်ဟု ဆိုလေ၏။
²⁹ မောရှေကလည်း၊ မြို့ထဲက ကျွန်ုပ်ထွက်သွားသောအခါ၊ ထာဝရဘုရားရှေ့တော်၌ ကျွန်ုပ်လက်ဝါးတို့ကို ဖြန့်ပါမည်။ ထာဝရဘုရားသည် မြေကြီးကို အစိုးရတော်မူကြောင်းကို ကိုယ်တော်သိစေခြင်းငှာ မိုဃ်းကြိုးစဲလိမ့် မည်။ မိုဃ်းသီးလည်း မကျမရွာရ။
³⁰ သို့သော်လည်း ကိုယ်တော်နှင့် ကိုယ်တော်၏ကျွန်တို့သည်၊ ထာဝရအရှင် ဘုရားသခင်ကို မကြောက်သေး ကြောင်းကို အကျွန်ုပ်သိပါသည်ဟု လျှောက်ဆို၏။
³¹ ပိုက်ဆန်ပင်၊ မုယောပင်ကို မိုဃ်းသီးထိ၏။ မုယောပင်သည် အသီးအနှံနှင့်ပြည့်စုံပြီ။ ပိုက်ဆံပင်လည်း အသီးမှည့်ပြီ။
³² ဂျုံစပါး၊ ကောက်စပါးပင်ကိုကား မထိ။ ထိုအပင်တို့သည် မပေါက်ကြသေး။
³³ မောရှေသည် ဖာရောဘုရင်ထံမှထွက်၍ မြို့ပြင်သို့သွားပြီးလျှင်၊ ထာဝရဘုရားရှေ့တော်၌ လက်ဝါးတို့ကို ဖြန့်သဖြင့်၊ မိုဃ်းကြိုးနှင့် မိုဃ်းသီးစဲလေ၏။ မြေပေါ်၌လည်း မိုဃ်းမရွာ။
³⁴ ထိုသို့ မိုဃ်းမရွာ၍ မိုဃ်းသီးနှင့် မိုဃ်းကြိုးစဲသည်ကို ဖာရောဘုရင်မြင်လျှင်၊ တဖန်ပြစ်မှား၍၊ ကျွန်များနှင့်တကွ နှလုံးခိုင်မာလျက်နေ၏။
³⁵ ထိုသို့ ဖာရောဘုရင်သည် နှလုံးခိုင်မာသည်ဖြစ်၍၊ မောရှေ၌ ထာဝရဘုရားမိန့်တော်မူသည်အတိုင်း၊ ဣသရေလအမျိုးသားတို့ကို မလွှတ်ဘဲနေပြန်သတည်း။

အနက်ဖွင့်ချက်။

၉:၁–၇ ပဉ္စမဘေးဒဏ်သည် အီဂျစ်လူများ၏ အသက်မွေးဝမ်းကျောင်းမှုကို တိုက်ခိုက်သည်။ ရှည်လျားသောကြေငြာချက် (အခန်းကြီး ၁–၅) နှင့် တိုတောင်းသောအကောင်အထည်ဖော်မှုအစီရင်ခံစာကို သတိပြုပါ။

9:1–7 The fifth plague attacks the livelihood of the Egyptians. Note the long announcement (vv. 1–5) and the much briefer execution report.

 

၉:၅ ဘုရားသခင်ကိုယ်တော်တိုင်အချိန်ကို သတ်မှတ်သည် (ဖာရိုဘုရင်၏အချိန်သတ်မှတ်မှု ၈:၉–၁၀ နှင့်ဆန့်ကျင်သည်)။

9:5 God Himself sets the time (as opposed to Pharaoh’s time setting in 8:9–10).

 

၉:၆ တိရစ္ဆာန်အားလုံး။ “တိရစ္ဆာန်အမျိုးမျိုး” ဟုဘာသာပြန်ခြင်းသည် ပိုမိုသင့်လျော်ပြီး၊ ဖြစ်နိုင်ချေမှာ လယ်ကွင်းထဲတွင်ထိတွေ့ခံရသောတိရစ္ဆာန်များဖြစ်သည်။ နောက်ဘေးဒဏ်များတွင် တိရစ္ဆာန်များပိုမိုထိခိုက်ခံရသည်။

9:6 all the livestock. A better translation would be “all kinds of livestock,” most likely the ones exposed in the fields. During later plagues more animals are affected.

 

၉:၈–၁၂ ဆဋ္ဌမဘေးဒဏ်သည် လူနှင့်တိရစ္ဆာန်များ၏ ကျန်းမာရေးနှင့်အသက်ကို တိုက်ရိုက်ထိခိုက်စေပြီး ဘေးဒဏ်များ၏ပြင်းထန်မှုကို တိုးမြှင့်စေသည်။ ၎င်းသည် ဖန်ဆင်းရှင်ဘုရားသည် ကျန်းမာရေးကိုထိန်းသိမ်းပေးသူဖြစ်သည်ဟူသော သမ္မာကျမ်းစာသဘောတရားပေါ်တွင် အခြေခံသည် (၁၅:၂၆)။ စိတ်ဝင်စားစရာမှာ အီဂျစ်ထုံးတမ်းစာသားများတွင် ပြာများဖြူးခြင်းသည် ရောဂါဘေးကိုအဆုံးသတ်ရန်နည်းလမ်းအဖြစ် ဖော်ပြထားသည်။ ဤနေရာတွင်မူ ၎င်းသည် ဒုက္ခပိုမိုဖြစ်ပေါ်စေသည်။

9:8–12 The sixth plague directly affects the health and life of people and animals and marks the increasing intensity of the plagues. Underlying this is the biblical concept of the Creator God who is also sustaining health (15:26). Interestingly, Egyptian ritual texts refer to the scattering of ashes as a means of ending pestilence. Here, it creates added misery.

 

၉:၁၃–၃၅ သုံးခုပါသော တတိယစက်ဝိုင်းအစတွင် နံနက်စောစောတွေ့ဆုံမှုနှင့် ရှည်လျားသောအမိန့်ပိုင်းကို ထပ်မံဖော်ပြသည်။ သတ္တမဘေးဒဏ်တွင် မိုးသီးနှင့်မိုးကြိုးပါဝင်ပြီး အီဂျစ်၏အရေးပါသော ရာသီဥတုနတ်များကို စိန်ခေါ်သည်။ မိုးသီးသည် ဘုရားသခင်၏တရားစီရင်မှုနှင့် ဆက်စပ်လေ့ရှိသည် (ဟေရှာ ၂၈:၂၊ ၁၇၊ ၃၀:၃၀–၃၁၊ ယေဇ ၁၃:၁၁–၁၃၊ ၃၈:၂၂–၂၃)။

9:13–35 At the beginning of the third cycle of plagues (each containing three plagues) there is again an indication of an early morning encounter and a long command section. The seventh plague involving hail and lightning challenges the important weather deities of Egypt. Hail is often associated with divine judgment (Is. 28:2, 17; 30:30–31; Ezek. 13:11–13; 38:22–23).

 

၉:၂၀–၂၁ ကျမ်းစာတွင် အီဂျစ်လူ့အဖွဲ့အစည်း၏ ပိုင်းခြားမှုကို ဖော်ပြသည်—ထာဝရဘုရားကို အလေးအနက်စတင်ယူသူများ (အချို့သည် ၁၂:၃၈ တွင် “ရောနှောလူအုပ်” ၏အစိတ်အပိုင်းဖြစ်လာနိုင်သည်) နှင့် ဘေးဒဏ်အတွက် ပြင်ဆင်သူများ၊ နှင့် မပြင်ဆင်သူများဖြစ်သည်။

9:20–21 The text indicates a polarization of Egyptian society: those who began to take the Lord seriously (some of whom perhaps became part of the “mixed multitude” in 12:38) and in turn prepared for the plague, and those who did not.

 

၉:၂၉ သင်တို့သိစေရန်။ ထာဝရဘုရားကိုသိခြင်းဆိုင်ရာ အရေးပါသောအကြောင်းအရာအတွက် ၅:၁–၅ မှတ်စုကိုကြည့်ပါ။ ဘုရားသခင်၏ “မြေ” (သို့မဟုတ် “ပြည်”၊ ဘာသာပြန်နှစ်မျိုးလုံးဖြစ်နိုင်သည်) အပေါ်ထိန်းချုပ်မှုသည် ဖန်ဆင်းခြင်းပေါ်တွင် အခြေခံသည်။

9:29 that you may know. On the important topic of knowing the Lord, see note on 5:1–5. God’s control of the “land” (or “earth,” both translations are possible) is based on creation.