ကမ္ဘာဦးကျမ်း ၃၆

 

အခန်းကြီး - ၃၆

ဧဒုံအမည်ရှိသော ဧသော အမျိုးအနွယ်၏ အတ္ထုပ္ပတ္တိများဟူမူကား၊
² ဧသောသည် ဟိတ္တိအမျိုးဇိဘောင်သား အာန၏ သမီး အဟောလိဗာမတယောက်၊ ခါနာန်အမျိုးသမီး နှစ်ယောက်နှင့်၎င်း၊
³ ဣရှမေလသမီးတည်းဟူသော နဗာယုတ်နှမ ဗာရှမတ်တယောက်နှင့်၎င်း အိမ်ထောင်လေ၏။
⁴ ဧသောမယား အာဒဘွားသော သားကား၊ ဧလိဖတ်၊ ဗာရှမတ် ဘွားသောသားရွေလတည်း။
⁵ အဟောလိဗာမဘွားသော သားကား၊ယုရှ၊ ယာလံ၊ ကောရတည်း။ဤသူတို့ကား၊ ခါနာန်ပြည်၌ ဧသောမြင်သောသားတည်း။
⁶ ဧသောသည် မယားသားသမီးနှင့်တကွ၊ အိမ်သူအိမ်သားအပေါင်းတို့ကို၎င်း၊ သိုးနွား စသည်တို့နှင့် တိရစ္ဆာန် ရှိသမျှတို့ကို၎င်း၊ ခါနာန်ပြည်၌ ရတတ်သော ဥစ္စာရှိသမျှတို့ကို၎င်း ယူ၍၊ ညီယာကုပ်ထံမှ ပြောင်းသွား လေ၏။
⁷ အကြောင်းမူကား၊ ထိုသူနှစ်ပါးတို့သည် ဥစ္စာ များလွန်းသောကြောင့် တရပ်တည်းမနေနိုင်ကြ။ သူတို့ နေရာမြေသည်၊ သူတို့တိရစ္ဆာန်များကြောင့် မဆံ့နိုင်ရာ။
⁸ သို့ဖြစ်၍ ဧဒုံအမည်ရှိသော ဧသောသည် စိရတောင်ပေါ်မှာ နေလေ၏။
⁹ စိရတောင်ပေါ်မှာ ဧဒုံအမျိုးသားတို့၏ အဘ ဧသော၏ သားစဉ်မြေးဆက်တို့ကို ဆိုပေအံ့။
¹⁰ ဧသော၏ သားတို့အမည်ကား၊ မယားအာဒ ဘွားသောသား ဧလိဖတ်၊ မယားဗာရှမတ် ဘွားသော သားရွေလတည်း။
¹¹ ဧလိဖတ် သားကား၊ တေမန်၊ ဩမရ၊ ဇေဖေါ၊ ဂါတံ၊ ကေနတ်တည်း။
¹² ဧသောသား ဧလိဖတ်၏မယားငယ်၊ တိမန ဘွားသောသားကား၊ အာမလက်တည်း။ ဤသူတို့သည် ဧသောမယား အာဒ၏အနွှယ်ဖြစ်သတည်း။
¹³ ရွေလသားကား၊ နာဟတ်၊ ဇေရ၊ ရှမ္မ၊ မိဇ္ဇတည်း။ဤသူတို့သည် ဧသောမယား ဗာရှမတ်၏အနွှယ်ဖြစ် သတည်း။
¹⁴ ဇိဘောင်သား အာန၏သမီး၊ ဧသောမယား အဟောလိဗာမ ဘွားသောသားကား၊ ယုရှ၊ ယာလံ၊ ကောရတည်း။
¹⁵ ဧသောသားတို့တွင် ဗိုလ်လုပ်သောသူဟူမူ ကား၊သားဦး ဧလိဖတ်၏သား ဗိုလ်တေမန်၊ ဗိုလ်ဩမရ၊ ဗိုလ်ဇေဖေါ၊ ဗိုလ်ကေနတ်၊
¹⁶ ဗိုလ်ဂါတံ၊ ဗိုလ်အာမလက်တည်း။ ဤဗိုလ်တို့ သည် အာဒ၏အနွှယ်၊ ဧဒုံပြည်၌ ဧလိဖတ်ရသော သားဖြစ်သတည်း။
¹⁷ ဧသောသား ရွေလ၏ သားကား၊ ဗိုလ်နာဟတ်၊ ဗိုလ်ဇေရ၊ ဗိုလ်ရှမ္မ၊ ဗိုလ်မိဇ္ဇတည်း။ ဤဗိုလ်တို့သည် ဧသောမယား ဗာရှမတ်၏အနွှယ်၊ ဧဒုံပြည်၌ ရွေလ ရသောသားဖြစ်သတည်း။
¹⁸ ဧသောမယား အဟောလိဗာမ၏ သားကား၊ ဗိုလ်ယုရှ၊ ဗိုလ်ယာလံ၊ ဗိုလ်ကောရတည်း။ ဤဗိုလ်တို့သည် အာန၏သမီး၊ ဧသောမယား အဟောလိဗာမသား ဖြစ်သတည်း။
¹⁹ ဧဒုံအမည်ရှိသော ဧသော၏ သားမြေးများ၊ သူတို့တွင် ဗိုလ်လုပ်သောသူများ၊ ဤသို့တည်း။
²⁰ ထိုပြည်၌နေသော ဟောရိအမျိုး၊ စိရ၏သား ကား၊ လောတန်၊ ရှောဗလ၊ ဇိဘောင်၊ အာန၊
²¹ ဒိရှုန်၊ ဧဇာ၊ ဒိရှန်တည်း။ ဤသူတို့သည် ဧဒုံပြည် ၌ဟောရိအမျိုး၊ စိရ၏သားတို့တွင် ဗိုလ်လုပ်သောသူ ဖြစ်သတည်း။
²² လောတန်သားကား၊ ဟောရိနှင့် ဟေမံတည်း။
²³ ရှောဗလ သားကား၊ အာလဝန်၊ မနာဟတ်၊ ဧဗလ၊ ရှေဖေါ၊ ဩနံတည်း။
²⁴ ဇိဘောင်သားကား၊ အာယနှင့်အာနတည်း။ ထိုအာနကား၊ အဘဇိဘောင်၏ မြည်းတို့ကို ထိန်းသော အခါ၊ တော၌နွေးသော စမ်းရေတွင်းတို့ကို တွေ့သော သူပေတည်း။
²⁵ အာနသားကား၊ ဒိရှုန်နှင့်သမီးအဟောလိဗာမ တည်း။
²⁶ ဒိရှုန်သားကား၊ ဟင်္ဒန်၊ ဧရှဗန်၊ ဣသရန်၊ ခေရန်တည်း။
²⁷ ဧဇာသားကား၊ ဗိလဟန်၊ ဇာဝန်၊ အာကန် တည်း။
²⁸ ဒိရှန် သားကား၊ ဥဇနှင့်အာရန်တည်း။
²⁹ ဟောရိ အမျိုးဗိုလ်များကား၊ ဗိုလ်လောတန်၊ ဗိုလ်ရှောဗလ၊ ဗိုလ်ဇိဘောင်၊ ဗိုလ်အာန၊
³⁰ ဗိုလ်ဒိရှုန်၊ ဗိုလ်ဧဇာ၊ ဗိုလ်ဒိရှန်တည်း။ ဤသူတို့ သည် စိရပြည်၌ ဗိုလ်လုပ်သော သူတို့တွင်၊ ဟောရိအမျိုး ဗိုလ်ဖြစ်သတည်း။
³¹ ဣသရေလအမျိုး၌ အစိုးရသောမင်းကြီး မရှိမှီ၊ ဧဒုံပြည်၌ အစိုးရသော မင်းကြီးဟူမူကား၊
³² ဗောရသား ဗေလာသည် ဧဒုံပြည်၌မင်းပြု၏။ မြို့တော်ကား၊ ဒိန္နာဗာမြို့တည်း။
³³ ဗေလာမင်းသေ၍ သူ၏အရာ၌ ဗောဇရအရပ် သား၊ ဇေရ၏သား ယောဗပ်သည် မင်းပြုလေ၏။
³⁴ ယောဗပ်မင်းသေ၍၊ သူ၏အရာ၌ တေမနိ အရပ်သား ဟုရှံသည် မင်းပြုလေ၏။
³⁵ ဟုရှံမင်းသေ၍၊ မောဘ လွင်ပြင်၌ မိဒျန်လူ တို့ကို လုပ်ကြံသောသူ၊ ဗေဒဒ်သား ဟာဒဒ်သည်၊ ဟုရှံ အရာ၌ မင်းပြုလေ၏။ မြို့တော်ကား၊ အာဝိတ်မြို့တည်း။
³⁶ ဟာဒဒ်မင်းသေ၍၊ သူ၏အရာ၌ မာသရက် အရပ်သား စာမလသည် မင်းပြုလေ၏။
³⁷ စာမလမင်းသေ၍၊ သူ၏အရာ၌ မြစ်နားမှာ နေသော ရဟောဘုတ်အရပ်သား ရှောလသည် မင်းပြု လေ၏။
³⁸ ရှောလမင်းသေ၍ သူ၏အရာ၌၊ အာခဗော် သား ဗာလဟာနန်သည် မင်းပြုလေ၏။
³⁹ အာခဗော်သား ဗာလဟာနန်မင်းသေ၍ သူ၏ အရာ၌ဟာဒါသည် မင်းပြုလေ၏။ မြို့တော်ကား၊ ပေါမြို့ တည်း။ မျောက်သားတော်ကား၊ မေဇဟပ်သမီး မာတရက်၏သမီး မဟေတဗေလတည်း။
⁴⁰ ဧသောမှ ဆင်းသက်၍ မိမိအမျိုးအနွယ်၊ နေရာအရပ်၊ခံရသော ဘွဲ့နာမအလိုက်၊ ဗိုလ်လုပ်သောသူ ဟူမူကား၊ ဗိုလ်တိမနာ၊ ဗိုလ်အာလဝ၊ ဗိုလ်ယေသက်၊
⁴¹ ဗိုလ်အဟောလိဗာမ၊ ဗိုလ်ဧလာ၊ ဗိုလ်ပိနုန်၊
⁴² ဗိုလ်ကေနတ်၊ ဗိုလ်တေမန်၊ ဗိုလ်မိဗဇာ၊
⁴³ ဗိုလ်မာဂဒျေလ၊ ဗိုလ်ဣရံတည်း။ ဤသူတို့သည် မိမိနေရာအရပ်၊ မိမိပိုင်သော ပြည်၌၊ ဧဒုံဗိုလ်များ ဖြစ်သတည်း။ ဧသောသည် ဧဒုံအမျိုးသားတို့၏ အဘ ဖြစ်သတည်း။

အနက်ဖွင့်ချက်

၃၆:၁-၄၃ ဤအခန်းတွင် ဧသော၏သားစဉ်မြေးဆက်များအကြောင်း အကျဉ်းချုပ်ဖော်ပြထားပြီး ဤနေရာတွင် ထည့်သွင်းထားခြင်းသည် သာရီနှင့် အာဗြဟံအား ပေးထားသော “လူမျိုးများစွာ” ၏ကတိပြည့်စုံမှုကို ပြသရန်ဖြစ်သည် (၁၇:၅-၆၊ ၁၆)၊ သို့သော် ၎င်းသည် ကတိပေးထားသောလူမျိုးမဟုတ်ပါ။ စာရင်းများတွင် ပုဂ္ဂိုလ်အမည်ခုနစ်ဆယ်ပါဝင်ပြီး မိသားစုကြီးမှ (၃၆း၁-၈) မျိုးနွယ်စုဖွဲ့စည်းမှု (၁၅-၁၉) နှင့် နောက်ဆုံးတွင် ဘုရင်စနစ် (အခန်းကြီး ၃၁-၃၉) သို့ နိုင်ငံရေးလှုပ်ရှားမှုကို ဖော်ပြသည်။ ၎င်းသည် ဣသရေလ၏ သမိုင်းဖြစ်ပေါ်မှုကို အမှတ်ရစေသည်။ တရားဟောရာကျမ်း ၂၃း၇ သည် အနာဂတ်မျိုးဆက်များအား ဧဒုံလူမျိုးများသည် ညီအစ်ကိုများဖြစ်ပြီး ၎င်းတို့ကို မုန်းတီးမှုမပြုရန် သတိပေးသည်၊ သို့သော် နောက်ပိုင်းကာလများတွင် ဧဒုံနှင့် ဣသရေလသည် ပြင်းထန်သောရန်သူများဖြစ်ခဲ့သည် (အောဗဒိ ၊ ဆာ ၁၃၇း၇-၉)။

36:1–43 The chapter contains a concise account of Esau’s descendants and is inserted here to show the fulfillment of the promise of “many nations” given to Sarah and Abraham (17:5–6, 16), even though this is not the line of the promise. The lists contain seventy personal names and marks an overall political movement from extended family (36:1–8) to tribal organization (vv. 15–19) and ultimately to a monarchy (vv. 31–39), reminiscent of Israel’s own historical development. Deut. 23:7 reminds future generations that the Edomites are brothers and should not be abhorred, even though in later periods Edom and Israel were bitter enemies (Obadiah; Ps. 137:7–9).

 

၃၆:၂-၃ ဧသော၏ဇနီးသုံးဦးအနက် တစ်ဦးတည်း (ဗာသေမသ်) ၏အမည်သာလျှင် ယခင်စာရင်းများနှင့် (၂၆း၃၄၊၂၈း၉) ကိုက်ညီသည်။ ဇနီးများသည် အမည်တစ်ခုထက်ပို၍ ရှိခဲ့ဖွယ်ရှိသည်။

36:2–3 Only one name (Basemath) of the three wives of Esau coincides with earlier lists (26:34; 28:9). Perhaps the wives had more than one name.

 

၃၆:၆-၈ ဧဒုံသည် သိရိတောင်ကုန်းနယ်နှင့် ဆက်နွယ်သည် (တရား ၂း၄-၆၊ ၁၂၊၂၂၊ ယောရူ ၂၄း၄)။ ဧသော၏ပြောင်းရွှေ့မှုသည် အခြားသော ပြည်ထောင်စုသမိုင်းတွင် ခွဲထွက်မှုများကို အမှတ်ရစေသည် (က ၁၂း၅၊ ၁၃၊၅-၆၊ ၃၁း၁၈)။ ကာနာန်မှ ထွက်ခွာခြင်းဖြင့် သူသည် ကတိပေးထားသောပြည်မှ မိမိကိုယ်ကို ဖယ်ရှားလိုက်သည်။

36:6–8 Edom is linked to the hill country of Seir (Deut. 2:4–6, 12, 22; Josh. 24:4). Esau’s move recalls other splits in patriarchal history (Gen. 12:5; 13:5–6; 31:18). By moving out of Canaan he also removes himself from the land of the promise.

 

၃၆:၁၂ အမာလက်။ ကိုယ်လုပ်မိဖုယောက်ျား၏သားဖြစ်သည်။ နောက်ပိုင်းတွင် ဣသရေလ၏ပြင်းထန်သောရန်သူဖြစ်ခဲ့သည် (ထွက် ၁၇း၈-၁၆)၊ ထိုလူမျိုးသည် ဧဒုံလူမျိုးများတွင် မပါဝင်ပါ (တရား ၂၅း၁၇-၁၉)။

36:12 Amalek. Son of a concubine. Later a bitter enemy of Israel (Ex. 17:8–16), the nation was not included in the Edomite line (Deut. 25:17–19).

 

၃၆:၄၃ နောက်ဆုံးစာကြောင်းသည် ဧသောကို ဧဒုံလူမျိုးအားလုံး၏ဖခင်အဖြစ် ထပ်မံဖော်ပြပြီး အပိုဒ် တစ် နှင့် ဆက်နွယ်သည်။

36:43 The last line forms a link with v. 1 by again identifying Esau as the father of all Edomites.