တောလည်ရာကျမ်း ၂၄

 

အခန်းကြီး - ၂၄

ထာဝရဘုရားသည်၊ ဣသရေလ အမျိုးကို ကောင်းကြီးပေးခြင်းငှါ အလိုရှိတော်မူကြောင်းကို ဗာလမ် သိမြင်လျှင်၊ ထူးဆန်းသော အတတ်ကို ရှာခြင်းငှါ အရင် သွားသကဲ့သို့ မသွားဘဲ၊ တောသို့ မျက်နှာပြုလေ၏။
² သို့ရာတွင်၊ မြော်ကြည့်၍ ဣသရေလ အမျိုးသား တို့သည် အမျိုးအနွယ်အလိုက် အသီးအသီး တပ်ချလျက် နေကြသည်ကို မြင်သောအခါ၊ ဘုရားသခင်၏ ဝိညာဉ်တော်သည် သူ့အပေါ်မှာ သက်ရောက်တော်မူလျှင်၊
³ သူသည် ပရောဖက် စကားအားဖြင့် မြွက်ဆိုလေသည်မှာ၊ မျက်စိ ပွင့်သောသူ၊ ဗောရသား ဗာလမ်၏ စကား၊
⁴ ဘဝင်ဖြစ်၍ မျက်စိပွင့်လျက် အနန္တတန်ခိုးရှင် ၏ ရူပါရုံကိုမြင်၍၊ ဘုရားသခင်၏ အမိန့်တော်ကို ကြားသောသူ၏ စကားဟူမူကား၊
⁵ အိုယာကုပ်အမျိုး၊ သင်တို့၏တဲများ၊ အိုဣသရေ လအမျိုး၊ သင်တို့၏ ဘုံဗိမာန်များတို့သည် အဘယ်မျှ လောက် တင့်တယ်ကြသည်တကား။
⁶ ကျယ်ဝန်းသော ချိုင့်များ၊ မြစ်နားမှာရှိသော ဥယျာဉ်များ၊ ထာဝရဘုရား စိုက်တော်မူသော အကျော် ပင်များ၊ ရေနားမှာပေါက်သော အာရဇ်ပင်များကဲ့သို့ ဖြစ် ကြသည်တကား၊
⁷ ထိုအမျိုး၏ ရေပုံးတို့မှ ရေစီးလိမ့်မည်။ ရေပေါ သော အရပ်၌ မျိုးစေ့ ကျလိမ့်မည်။ သူ၏ ရှင်ဘုရင်သည် အာဂတ်မင်းထက် ဘုန်းကြီး၍၊ နိုင်ငံတော်သည် ချီးမြှောက် သော နိုင်ငံဖြစ်လိမ့်မည်။
⁸ ဘုရားသခင်သည် အဲဂုတ္တုပြည်မှ နှုတ်ဆောင် တော်မူသည်ဖြစ်၍၊ ဣသရေလအမျိုးသည်၊ ကြံ့အားကြီး သကဲ့သို့ အားကြီး၏။ ရန်သူဖြစ်သော လူမျိုးတို့ကို ကိုက် ဝါး၍၊ အရိုးတို့ကို ချိုးဖဲ့လိမ့်မည်။ မြှားဖြင့် ထုတ်ချင်း ခပ်အောင် ခွင်းလိမ့်မည်။
⁹ ဝပ်လျက်နေ၏။ ခြင်္သေ့ကဲ့သို့၎င်း၊ ခြင်္သေ့မကဲ့ သို့၎င်း ဝပ်တွားလေ၏။ အဘယ်သူ နှိုးဆော်ဝံ့မည်နည်း။ သင့်ကို ကောင်းကြီးပေးသော သူသည် ကောင်းကြီး မင်္ဂလာရှိ၏။ သင့်ကို ကျိန်ဆဲသော သူသည် ကျိန်ဆဲခြင်း ကို ခံရသည်ဟု မြွက်ဆို၏။
¹⁰ ထိုအခါ ဗာလက်မင်းသည်၊ ဗာလမ်ကို အမျက် ထွက်၍ လက်ခုပ်တီးလျက်၊ ငါ၏ ရန်သူတို့ကို ကျိန်ဆဲ စေခြင်းငှါ သင့်ကို ငါခေါ်ခဲ့၏။ သင်သည် သုံးကြိမ်တိုင် အောင် အကြွင်းမဲ့ ကောင်းကြီးပေးလေပြီတကား။
¹¹ ထိုကြောင့် သင့်နေရာပြည်သို့ ပြေးသွားလော့။ သင့်ကို ချီးမြှောက်မည်ဟု အထက်က ငါအကြံရှိ။ သို့ရာ တွင် ထာဝရဘုရားသည် သင်၏ဘုန်းကို မတိုးပွားစေ ခြင်းငှါ ဆီးတားလေပြီဟု ဆို၏။
¹² ဗာလမ်ကလည်း၊ ဗာလက်မင်းသည် ရွှေငွေနှင့် ပြည့်သော မိမိနန်းတော်ကိုပင် ပေးသော်လည်း၊
¹³ ထာဝရဘုရား၏ ပညတ်တော်ကို လွန်ကျူး၍ ကောင်းသောအမှု၊ မကောင်းသောအမှုတစုံတခုကို ကိုယ်အလိုအလျောက် ငါမပြုနိုင်။ ထာဝရဘုရားမိန့်တော် မူသမျှကို ငါပြောပါမည်ဟု မင်းကြီးစေလွှတ်သော သံတမန်တို့အား ငါပြောနှင့်ပြီ မဟုတ်လော။
¹⁴ ယခုမူကား၊ ငါ့အဆွေအမျိုးတို့ထံသို့ ငါသွား တော့မည်။ နားထောင်ပါ။ နောင်ကာလ၌ ဤလူမျိုးသည် မင်းကြီး၏လူမျိုး၌ အဘယ်သို့ ပြုမည်အရာကို မင်းကြီး အား ကြားပြောပါမည်ဟု ဗာလက်မင်းအား ပြန်ဆိုပြီးမှ၊
¹⁵ ပရောဖက်စကားအားဖြင့် မြွက်ဆိုလေသည်မှာ၊ မျက်စိပွင့်သောသူ ဗောရသား ဗာလမ်၏စကား၊
¹⁶ ဘဝင်ဖြစ်၍ မျက်စိပွင့်လျက်၊ အနန္တတန်ခိုးရှင် ၏ ရူပါရုံကို မြင်၍၊ အမြင့်ဆုံးသော ဘုရားပေးတော်မူ သော ဉာဏ်ကို ရ၍၊ ဘုရားသခင်၏အမိန့်တော်ကို ကြား သောသူ၏စကားဟူမူကား၊
¹⁷ ထိုအရာကို ငါမြင်၏။ သို့သော်လည်း ယခု မဖြစ်ရသေး။ ထိုအရာကို ငါရှု၏။ သို့သော်လည်း ဖြစ်ရသော အချိန် မနီးသေး။ ကြယ်တလုံးသည် ယာကုပ် အမျိုး၌ ပေါ်ထွန်း၍၊ ရာဇလှံတံသည် ဣသရေလအမျိုး ၌ ထင်ရှားလိမ့်မည်။ မောဘပြည်စွန်းတိုင်အောင် ထိခိုက် ၍ မငြိမ်မဝပ်ရုန်းရင်းခပ် ပြုတတ်သော သူအပေါင်းတို့ကို ဖျက်ဆီးလိမ့်မည်။
¹⁸ ဧဒုံပြည်ကိုလည်း သိမ်းယူလိမ့်မည်။ စိရတောင် သည်လည်း ရန်သူလက်သို့ ရောက်လိမ့်မည်။ ဣသရေလ အမျိုးသည် ရဲရင့်စွာ ပြုလိမ့်မည်။
¹⁹ အစိုးရသော သူတပါးသည်၊ ယာကုပ်အမျိုးထဲက ထွက်၍၊ ကျန်ကြွင်းသောမြို့သူမြို့သားတို့ကို ဖျက်ဆီးလိမ့် မည်ဟု မြွက်ဆို၏။
²⁰ တဖန်အာမလက်ပြည်ကို ကြည့်ရှု၍ ပရောဖက် စကားအားဖြင့် မြွက်ဆိုပြန်သည်ကား၊ အာမလက်အမျိုး သည် လူမျိုးတကာတို့ထက် အထွဋ်ဖြစ်ဘူးသော်လည်း၊ အဆုံး၌ ရှင်းရှင်းပျက်စီးခြင်းသို့ ရောက်လိမ့်မည်ဟု မြွက် ဆို၏။
²¹ တဖန် ကေနိအမျိုးသားတို့ကို ကြည့်ရှု၍ ပရော ဖက်စကားအားဖြင့် မြွက်ဆိုပြန်သည်ကား၊ သင်တို့ နေရာ သည် အားကြီး၏။ ကျောက်ပေါ်မှာ အသိုက်ကို လုပ်ကြ ပြီ။
²² သို့သော်လည်း အာရှုရိမင်းသည် သိမ်းယူ၍ မသွားမှီတိုင်အောင်၊ ကေနိအမျိုးသည် အမျက်ကို ခံရလိမ့် မည်ဟု မြွက်ဆို၏။
²³ တဖန် ပရောဖက်စကားအားဖြင့် မြွက်ဆိုပြန် သည်ကား၊ အလိုလေ့၊ ဤအမှုကို ဘုရားသခင် စီရင် တော်မူသောအခါ၊ အဘယ်သူသည် အသက်ချမ်းသာ ရလိမ့်မည်နည်း။
²⁴ သင်္ဘောတို့သည်လည်း ခိတ္တိမ်ပြည်မှလာ၍ အာရှုရိပြည်ကို၎င်း၊ ဟေဗာပြည်ကို၎င်း နှောင့်ရှက်ကြ လိမ့်မည်။ သူတို့သည်လည်း ရှင်းရှင်းပျက်စီးကြလိမ့်မည် ဟု မြွက်ဆိုပြီးမှ၊
²⁵ ဗာလမ်သည် ထ၍ မိမိနေရာအရပ်သို့ ပြန် သွား၏။ ဗာလက်မင်းသည်လည်း သွားလေ၏။

အနက်ဖွင့်ချက်။

၂၄:၁ သူသည် အခြားအခါများကဲ့သို့ မသွားခဲ့ပေ။ ယခင်က ဗာလမ်သည် ဘုရားသခင်ထံမှ သတင်းစကား သို့မဟုတ် “အနိမိတ်များ” ရရှိရန် တစ်ယောက်တည်း ထွက်သွားခဲ့သည် (၂၃:၃၊ ၁၅)။ သို့သော် ဤသတင်းစကားများသည် ဣသရေလအပေါ် ကောင်းကြီးပေးခြင်းများသာဖြစ်ပြီး ဗာလက်ကို ဒေါသထွက်စေခဲ့သည်။ ယခုတွင် ဗာလမ်သည် ဗာလက်ထံမှ ဆုလာဘ်ရရှိရန် ဣသရေလကို ကျိန်ဆဲရန်အတွက် ဘုရားသခင်၏ သတင်းစကားကို ရှောင်ရှားရန် ကြိုးစားခဲ့သည်။ သူသည် ထာဝရဘုရား၏ ကောင်းကင်တမန်က ပြောရန်သာ ညွှန်ကြားထားသည့် အမိန့်ကို ဆန့်ကျင်ပုန်ကန်ခဲ့သည် (၂၂:၃၅)။ သို့သော် ဤအချိန်တွင် ဘုရားသခင်၏ ဝိညာဉ်တော်သည် သူ့ကို ထိန်းချုပ်ခဲ့သည်။ ဤသို့ဖြင့် ဧလဒတ်နှင့် မေဒဒ်တို့သည် တဲတော်သို့ လာရန် ဖိတ်ခေါ်ချက်ကို မလိုက်နာသော်လည်း ပရောဖက်ပြုခဲ့သည့်အတိုင်း ဖြစ်ပေါ်ခဲ့သည် (၁၁:၂၆)။

24:1 he did not go as at other times. Previously Balaam had gone off by himself to receive messages, or “omens,” from God (23:3, 15). But these messages were only blessings on Israel, which angered Balak. Now Balaam tried to avoid a divine message so that he could utter a curse on Israel and claim his reward from Balak. He was rebelling against the command to say only what the divine angel of the Lord told him (22:35). However, at this point the Spirit of God took control of him, just as the Spirit had caused Eldad and Medad to prophesy even though they did not heed the call to come to the tabernacle (11:26).

 

၂၄:၄ မျက်လုံးဖွင့်လျက် လဲကျသူ။ ဤသည်မှာ ဗာလမ်သည် “ထာဝရဘုရား၏ ကောင်းကင်တမန်” ကို မြင်သောအခါ (၂၂:၃၁) တုံ့ပြန်ပုံကို ရည်ညွှန်းနိုင်သည်။

24:4 Who falls down, with eyes wide open. This could refer to Balaam’s reaction when he saw the “Angel of the Lord” (22:31).

 

၂၄:၇ အဂါဂ်။ နောက်ပိုင်းတွင် အမာလက်ဘုရင်ဖြစ်လာသူသည် ရှောလုဘုရင်က ဖမ်းဆီးခံရပြီး ရှမွေလက ကွပ်မျက်ခဲ့သည် (၁ ရာ ၁၅:၈–၉၊  ၂၀၊ ၃၂–၃၃)။

24:7 Agag. The later king of Amalek, who was captured by King Saul and executed by Samuel (1 Sam. 15:8–9, 20, 32–33).

 

၂၄:၁၄ ငါသည် သင့်ကို အကြံပေးမည်။ ဗာလမ်သည် အလုပ်မှ ထုတ်ပယ်ခံရသော်လည်း၊ နောက်ထပ် ပရောဖက်ပြုချက်လေးခုကို “အခမဲ့” ပေးခဲ့သည် (အခန်းကြီး ၂၄:၁၅–၂၄)။ ဗာလက်သည် ဗာလမ်နှင့် ပြီးဆုံးသွားသော်လည်း၊ ဘုရားသခင်သည် ဗာလက်နှင့် မပြီးဆုံးသေးပေ။ ဘုရားသခင်သည် မောဘကို သူ၏လူမျိုးကို မနှောင့်ယှက်ရန် သတိပေးခဲ့သည်။ ယခုတွင် ဗာလက်သည် “နောက်ဆုံးသောကာလ” တွင် မောဘနှင့် အခြားလူမျိုးများ၏ ကံကြမ္မာကို သိရှိခဲ့သည်။ ဤအပိုင်းသည် ဣသရေလပတ်ဝန်းကျင်ရှိ ကောင်းကြီးမပေးခံရသော လူမျိုးများကို ဆန့်ကျင်သည့် ပရောဖက်ပြုချက်များ၏ ပထမဆုံးဥပမာဖြစ်သည် (ဟေရှာ ၁၃–၂၃၊ ယေ ၄၆–၅၁၊ ယေဇ ၂၅–၃၂၊ အာ ၁:၃–၂:၃ ကိုလည်းကြည့်ပါ)။

24:14 I will advise you. Balaam had been fired, but offered four more oracles “for free” (vv. 15–24). Balak was finished with Balaam, but God was not finished with Balak. God had warned Moab not to harass His people. Now Balak learned the fate of Moab and other nations “in the latter days,” that is, in the future. This portion of Num. 24 is the first example of an important kind of biblical literature: prophecies against nations around Israel that were not blessed (see also Isa. 13–23; Jer. 46–51; Ezek. 25–32; Amos 1:3–2:3).

 

၂၄:၁၇ ယာကုပ်ထဲမှ ကြယ်တစ်လုံးထွက်လာလိမ့်မည်။ ဒါဝိဒ်ဘုရင်သည် မောဘနှင့် ဧဒုံကို အောင်နိုင်ခဲ့သည် (၂ ရာ ၈)။ အနက်ဖွင့်သူအများစုသည် ဤပရောဖက်ပြုချက်ကို ဒါဝိဒ်၏သားတော် ယေရှုခရစ်ထံသို့ အသုံးချခဲ့သည်။

24:17 A Star shall come out of Jacob. King David did conquer Moab and Edom (2 Sam. 8). A number of interpreters have applied this prophecy to Jesus Christ, the son of David.

 

၂၄:၂၀ အမာလက်။ ရှောလုနှင့် ရှမွေလတို့သည် အမာလက်ကို ဖျက်ဆီးခဲ့သည် (၁ ရာ ၁၅)။

24:20 Amalek. Saul and Samuel did destroy Amalek (1 Sam. 15).