တရားဟောရာကျမ်း ၇

 

အခန်းကြီး - ၇

သင်၏ ဘုရားသခင် ထာဝရဘုရားသည် သင် သွား၍ ဝင်စားလတံ့သောပြည်သို့ သင့်ကို ဆောင်သွင်း လျက်၊ ဟိတ္တိလူ၊ ဂိရဂါရှိလူ၊ အာမောရိလူ၊ ခါနာနိလူ၊ ဖေရဇိလူ၊ ဟိဝိလူ၊ ယေဗုသိလူတည်းဟူသော၊ သင့်ထက်ကြီးမြင့် များပြားသော လူမျိုးခုနစ်မျိုးတို့ကို သင့်ထံက နှင်ထုတ်၍၊
² တဖန်သင့်လက်၌ အပ်တော်မူသောအခါ၊ သူတို့ ကို လုပ်ကြံ၍ အကုန်အစင် သုတ်သင်ပယ်ရှင်းရမည်။ သူတို့နှင့် မိဿဟာယမဖွဲ့ရ၊ ကရုဏာကို မပြရ။
³ သူတို့နှင့် စုံဘက်ခြင်းကို မပြုရ။ သင်၏သမီးကို သူ၏သားနှင့်၎င်း၊ သင်၏သားကို သူ၏သမီးနှင့်၎င်း ထိမ်းမြားပေးစားခြင်းကို မပြုရ။
⁴ အကြောင်းမူကား၊ သူတို့သည် သင်၏သားကို ငါ၌ မဆည်းမကပ်စေဘဲ၊ အခြားတပါးသော ဘုရားအား ဝတ်ပြုစေခြင်းငှာ သွေးဆောင်ကြလိမ့်မည်။ ထိုအခါ အမျက်ထွက်၍ သင်တို့ကို ချက်ခြင်း ဖျက်ဆီးတော်မူ လိမ့်မည်။
⁵ သို့ဖြစ်၍၊ သူတို့၌ အဘယ်သို့ပြုရမည်နည်း ဟူမူကား၊ သူတို့ယဇ်ပလ္လင်များကို ဖျက်ရမည်။ ရုပ်တု များကို ဖြိုချရမည်။ အာရှိရပင်များကို ခုတ်လှဲရမည်။ ထုသောရုပ်တု ဆင်းတုများကို မီးရှို့ရမည်။
⁶ အကြောင်းမူကား၊ သင်သည် သင်၏ ဘုရား သခင် ထာဝရဘုရားအဘို့ သန့်ရှင်းသောအမျိုး ဖြစ်၏။ မြေကြီးပေါ်မှာ ရှိသမျှသော လူမျိုးထက် သင်၏ဘုရား သခင် ထာဝရဘုရားပိုင်ထိုက်သော အမျိုးဖြစ်စေခြင်းငှာ သင့်ကို ရွေးချယ်တော်မူပြီ။
⁷ သင်သည် အခြားသောလူမျိုးထက် သာ၍ များသောကြောင့်၊ ထာဝရဘုရားသည် သင့်ကို ချစ်၍ ရွေးချယ်တော်မူသည်မဟုတ်။ သင်သည် အခြားသော လူမျိုးတကာတို့ထက် သာ၍နည်း၏။
⁸ ထာဝရဘုရားသည် သင့်ကိုချစ်သောကြောင့် ၎င်း၊ သင်၏ဘိုးဘေးတို့အား ကျိန်ဆိုတော်မူသော အကျိတ်ကို မဖျက်လိုသောကြောင့်၎င်း၊ ကျွန်ခံနေရာ အဲ ဂုတ္တုပြည်ကို အစိုးရသော ဖါရောဘုရင်လက်မှ အားကြီး သော လက်တော်နှင့် သင့်ကို ရွေးနှုတ်ဆောင်ယူခဲ့တော် မူပြီ။
⁹ သို့ဖြစ်၍ သင်၏ဘုရားသခင် ထာဝရဘုရား သည် မှန်သောဘုရား၊ သစ္စာစောင့်သောဘုရား၊ ကိုယ် တော်ကို ချစ်၍ ပညတ်တော်တို့ကို စောင့်ရှောက်သော သူတို့၏ အမျိုးအစဉ်အဆက် အထောင်အသောင်း တိုင်အောင် ပဋိညာဉ်စကားတည်၍ ကရုဏာကို ပြသောဘုရား၊
¹⁰ ကိုယ်တော်ကို မုန်းသောသူတို့ကို ဖျက်ဆီးခြင်း ငှာ၊ သူတို့မျက်မှောက်၌ အပြစ်ပေးသော ဘုရားဖြစ်တော် မူကြောင်းကို သိမှတ်လော့။ ကိုယ်တော်ကို မုန်းသော သူတို့ကို အားမနာဘဲ၊ သူတို့မျက်မှောက်၌ အပြစ်ပေး တော်မူမည်။
¹¹ သို့ဖြစ်၍ ယနေ့ငါထားသော စီရင်ထုံးဖွဲ့ချက်၊ ပညတ်တရားတို့ကို ကျင့်အံ့သောငှာ စောင့်ရှောက်ရမည်။
¹² ထိုပညတ်တို့ကို သင်သည် ကျင့်ဆောင်အံ့သော ငှာ နားထောင်လျှင်၊ သင်၏ဘုရားသခင် ထာဝရဘုရား သည် သင်၏ဘိုးဘေးတို့အား ကျိန်ဆိုတော်မူသော ပဋိညာဉ်နှင့် ကရုဏာတော်ကို စောင့်တော်မူမည်။
¹³ သင့်ကိုချစ်သဖြင့် ကောင်းကြီးပေး၍ များပြား စေတော်မူမည်။ သင့်အား ပေးခြင်းငှာ၊ သင်၏ဘိုးဘေးတို့ အား ကျိန်ဆိုတော်မူသောပြည်၌ သင်ဘွားမြင်သော သားတို့ကို ၎င်း၊ သင်၏မြေ အသီးအနှံ၊ စပါး၊ စပျစ်ရည်၊ ဆီ၊ နွား အစီးအပွား၊ သိုးစုတို့ကို၎င်း ကောင်းကြီးပေး တော်မူမည်။
¹⁴ သင်သည် လူမျိုးတကာတို့ထက် သာ၍ ကောင်း ကြီးခံရသောသူ ဖြစ်၍၊ သင်၌မြုံသော ယောက်ျားမိန်းမ တယောက်မျှ၊ တိရစ္ဆာန်တွင်မြုံသော အထီးအမ တကောင်မျှမရှိရ။
¹⁵ ထာဝရဘုရားသည်လည်း၊ အနာရောဂါရှိသမျှ တို့ကို သင့်ဆီက ပယ်ရှား၍၊ သင်သိသော အဲဂုတ္တုပြည်၏ အနာဆိုးကို သင်၌ စွဲစေတော်မမူ။ သင့်ကိုမုန်းသောသူ မပေါင်းတို့၌ စွဲစေတော်မူမည်။
¹⁶ သင်၏ ဘုရားသခင် ထာဝရဘုရားသည် သင်၌ အပ်ပေးတော်မူသော လူမျိုးအပေါင်းကို ဖျက်ဆီး ရမည်။ သင်၏မျက်စိသည် သူတို့ကို မသနားရ။ သူတို့ ဘုရားအား ဝတ်မပြုရ။ ဝတ်ပြုလျှင်၊ ထိမိ၍ လဲစရာ အကြောင်း ဖြစ်လိမ့်မည်။-
¹⁷ ထိုလူမျိုးတို့သည် ငါ့ထက်သာ၍များ၏။ ငါသည် သူတို့ကို အဘယ်သို့ နှင်ထုတ်နိုင်မည်နည်းဟု သင်သည် စိတ်ထဲမှာ အောက်မေ့လျက်၊
¹⁸ သူတို့ကို မကြောက်ရ။ သင်၏ဘုရားသခင် ထာဝရဘုရားသည် ဖါရောဘုရင်နှင့် အဲဂုတ္တုပြည် တပြည်လုံး၌ ပြုတော်မူသော အမှုကို၎င်း၊
¹⁹ ကိုယ်တိုင်မြင်၍ ကြီးစွာသော စုံစမ်းခြင်းတို့ကို ၎င်း၊ သင်၏ ဘုရားသခင် ထာဝရဘုရားသည် သင့်ကို နှုတ်ဆောင်သောအခါ၊ ပြတော်မူသော နိမိတ်လက္ခဏာ အံ့ဘွယ်သော အမှုတို့ကို၎င်း၊ အားကြီးသော လက်ရုံး တော်ကို ဆန့်တော်မူခြင်းကို၎င်း စေ့စေ့အောက်မေ့ ရမည်။ ထိုနည်းတူ၊ သင်ကြောက်တတ်သော လူမျိုး ရှိသမျှတို့၌ သင်၏ ဘုရားသခင် ထာဝရဘုရား ပြုတော်မူ မည်။
²⁰ ထိုမှတပါး၊ ကျန်ကြွင်း၍ ပုန်းရှောင်လျက်နေ သော သူတို့သည် မပျက်စီးမှီတိုင်အောင်၊ သင်၏ ဘုရား သခင် ထာဝရဘုရားသည် ပျားတူများကို သူတို့တွင် စေလွှတ်တော်မူမည်။
²¹ သူတို့ကြောင့် ထိတ်လန့်ခြင်း မရှိရ။ အကြောင်း မူကား၊ တန်ခိုးကြီး၍ ကြောက်မက်ဘွယ်သော သင်၏ ဘုရားသခင် ထာဝရဘုရားသည် သင်တို့တွင် ရှိတော် မူ၏။
²² သင်၏ ဘုရားသခင် ထာဝရဘုရားသည် ထိုလူ မျိုးတို့ကို သင့်ထံက တရွေ့ရွေ့နှင် ထုတ်တော်မူလိမ့်မည်။ တောသားရဲတို့သည် သင့်တဘက်၌ များပြားမည်ကို စိုးရိမ်၍၊ သူတို့ကို ချက်ခြင်းမပယ်မရှားသင့်။
²³ သို့ရာတွင် သင်၏ ဘုရားသခင် ထာဝရဘုရား သည် သူတို့ကို သင်၌အပ်၍၊ သူတို့ မပျက်စီးမှီတိုင်အောင်၊ ကြီးစွာသော ပျက်စီးခြင်းကို စီရင်တော်မူမည်။
²⁴ သူတို့ရှင်ဘုရင်များကိုလည်း သင့်လက်၌ အပ်တော်မူသဖြင့်၊ သူတို့ဘွဲ့နာမကိုပင် ကောင်းကင် အောက်မှာ ပယ်ရှင်းရမည်။ သူတို့ကို မဖျက်ဆီးမှီ တိုင်အောင် သင့်ရှေ့ မှာ အဘယ်သူမျှ မရပ်မနေနိုင်ရာ။
²⁵ သူတို့ထုသော ရုပ်တုဆင်းတုဘုရားများကို မီးရှို့ ရမည်။ ရုပ်တုဆင်းတု၌ ပါသော ရွှေငွေကို မတပ်မက်ရ၊ မသိမ်းမယူရ။ ယူလျှင် အပြစ်ရောက်မည်ဟု စိုးရိမ်စရာ ရှိ၏။ သင်၏ ဘုရားသခင် ထာဝရဘုရားသည် စက်ဆုပ် ရွံရှာတော်မူ၏။
²⁶ စက်ဆုပ်ရွံရှာဘွယ်သောအရာကို သင့်အိမ်ထဲသို့ မသွင်းရ။ သွင်းလျှင်၊ သင်သည် ထိုအရာကဲ့သို့ ကျိတ်အပ် သောအရာ ဖြစ်မည်ဟု စိုးရိမ်စရာရှိ၏။ ထိုသို့သောအရာ ကို သင်သည် အကြွင်းမဲ့ စက်ဆုပ်ရွံရှာရမည်။ ကျိန်အပ် သော အရာပင်ဖြစ်ပေ၏။

 

အနက်ဖွင့်ချက်။

၇:၄ သင်တို့၏သားတို့ကို လှည့်စားခြင်း။ ကာနာန်နယ်သားများ၏ဖျက်ဆီးခြင်းသည် အကြောင်းမဲ့မဟုတ်။ ဘုရားသခင်သည် ဤလူများ၏ဆိုးယုတ်မှုပြည့်စုံသည့်အတွက် (တရာ ၉:၄–၅၊ က ၁၅:၁၆ ကိုကြည့်ပါ) နှင့် ဣသရေလမိသားစုများအပေါ် ၎င်းတို့၏လွှမ်းမိုးမှုသည် ဘုရားသခင်ထံသို့ သစ္စာစောင့်သိမှုကို ဖျက်ဆီးလိမ့်မည် (ထွက် ၃၄:၁၁–၁၆ ကိုလည်းကြည့်ပါ) ဤလူများအပေါ် အပြစ်ဒဏ်ပေးရန် အမိန့်ပေးခဲ့သည် (ဆောဒုံမြို့ဖျက်ဆီးခြင်းနှင့်နှိုင်းယှဉ်ပါ၊ က ၁၉)။ ဣသရေလလူများသည် ဤသတိပေးချက်ကို လျစ်လျူရှုပြီး ၎င်းတို့ကို ဆက်လက်နေထိုင်ခွင့်ပြုသောအခါ၊ မတူညီသောလူမျိုးများနှင့်လက်ထပ်ခြင်းသည် ရုပ်တုကိုးကွယ်ခြင်းသို့ လျင်မြန်စွာဦးတည်သွားသည် (သူကြီး ၃:၅–၇)။

7:4 turn your sons. Destruction of the inhabitants of Canaan was not arbitrary. God ordered His capital punishment on these people (compare His destruction of Sodom; Gen. 19) because their wickedness was complete (see Deut. 9:4–5; Gen. 15:16) and their influence on Israelite families would destroy loyalty to God (see also Ex. 34:11–16). When the Israelites later disregarded this warning by allowing them to remain, intermarriage was quickly followed by idolatry (Judg. 3:5–7).

 

၇:၁၃ သင်တို့ကိုချစ်ပြီး ကောင်းကြီးပေးမည်။ ဤသည်မှာ ပဋိညာဉ်ကောင်းကြီးမင်္ဂလာများ၏ အကြိုမြင်ကွင်းဖြစ်သည် (အခန်း ၂၈ ကိုကြည့်ပါ)။ ပိုမိုကျယ်ပြန့်သောအဓိပ္ပာယ်ဖြင့်၊ ဘုရားသခင်သည် ၎င်းတို့လမ်းမှားသို့လွှဲသွားသောအခါတွင်လည်း သူ၏လူများကို ချစ်နေဆဲဖြစ်သည် (လု ၁၅ ကိုကြည့်ပါ)။

7:13 love you and bless you. Here is a preview of covenant blessings (see chap. 28). In a larger sense, God still loves His people when they stray from Him (see Luke 15).

 

၇:၁၅ အဲဂုတ္တုနိုင်ငံ၏ရောဂါများ။ ထွက်မြောက်ရာကျမ်း ၉:၁၀၊ ၁၅:၂၆ နှင့်နှိုင်းယှဉ်ပါ။ ရှေးအဲဂုတ္တုလူများသည် ဆင်ရောဂါနှင့် ဝမ်းကိုက်ရောဂါအပါအဝင် ရောဂါများစွာခံစားခဲ့ရသည်။ ဖာရိုဘုရင်များ၏မံမီကောင်များကို ခေတ်သစ်သိပ္ပံပညာရှင်များက လေ့လာခဲ့ရာ ၎င်းတို့ကို ထိခိုက်စေသောရောဂါများ၏အထောက်အထားများပြသခဲ့သည်။

7:15 diseases of Egypt. Compare to Ex. 9:10; 15:26. Ancient Egyptians suffered from many diseases, including elephantiasis and dysentery. Mummies of pharaohs studied by modern scientists show evidence of diseases that affected them.

 

၇:၂၀ အဆိပ်ပုံးများ။ ထွက် မြောက်ရာကျမ်း ၂၃:၂၈၊ ယောရှု ၂၄:၁၂ ကိုလည်းကြည့်ပါ။ စာသားအဓိပ္ပာယ်မှာ ဘုရားသခင်သည် ကာနာန်နယ်တွင်ကျန်ရှိသောသူများကို သေစေတတ်သောအင်းဆက်များဖြင့် ဖျက်ဆီးမည်ဖြစ်သည်။ အဆိပ်ပုံးများသည် ဘုရားသခင်သည် ဣသရေလ၏ရန်သူများကို သေစေတတ်သောအင်းဆက်များမှ ထွက်ပြေးစေရန် မောင်းထုတ်မည်ဟူသော ဥပမာအဖြစ်လည်း ဖြစ်နိုင်သည် (တရား ၁:၄၄ ကဲ့သို့)။ မည်သို့ပင်ဖြစ်စေ၊ ဣသရေလလူများသည် ၎င်းတို့၏ရန်သူများကို မကြောက်ရွံ့ရန်လိုအပ်သည်၊ အကြောင်းမှာ သခင်ဘုရားသည် ၎င်းတို့ကို အဆုံးသတ်မည်ဖြစ်သည်။

7:20 hornet. See also Ex. 23:28; Josh. 24:12. The literal meaning is that God would destroy the remaining inhabitants of Canaan by means of deadly insects. The hornets could also be a metaphorical reference meaning that God would drive out Israel’s enemies so that they would flee as they would from deadly insects, as in Deut. 1:44. In any case, the Israelites did not need to be afraid of their enemies because the Lord would put an end to them.