ဓမ္မရာဇဝင်စတုတ္ထစောင် ၁၁

 

အခန်းကြီး - ၁၁

¹  အာခဇိ၏မယ်တော် အာသလိသည် မိမိသား သေကြောင်းကို သိမြင်သော်၊ ထ၍ ဆွေတော်မျိုးတော် အပေါင်းတို့ကို သုတ်သင်ပယ်ရှင်းလေ၏။
² သို့ရာတွင် အာခဇိ၏နှမယဟောရံမင်းကြီး သမီးယောရှေဘသည် အာခဇိ၏သား ယောရှကို အသေ ခံရသော ဆွေတော်မျိုးတော်ထဲက ခိုးယူ၍ အာသလိ လက်မှ သူ၏အသက် လွတ်စေခြင်းငှါ၊ သူနှင့်သူ၏ နို့ထိန်းကို အိပ်ခန်းထဲ၌ဝှက်ထား၏။
³ ထိုနောက်ယောရှသည် ခြောက်နှစ်ပတ်လုံး အရီးနှင့်အတူ ဗိမာန်တော်၌ပုန်းရှောင်လျက်နေ၍၊ အာသလိသည် စိုးစံလေ၏။
⁴ ခုနစ်နှစ်မြောက်သောအခါ၊ ယောယဒသည် စေလွှတ်၍၊ လူတရာအုပ်၊ တပ်မှူး၊ တပ်သားတို့ကို ခေါ်လေ၏။ ဗိမာန်တော်ထဲသို့ သွင်း၍ ပဋိညာဉ်ဖွဲ့ခြင်း၊ ဗိမာန်တော်၌ သစ္စာတိုက်ခြင်းကို ပြုပြီးမှ၊ ရှင်ဘုရင်၏ သားတော်ကိုပြလေ၏။
⁵ ယောယဒကလည်း၊ သင်တို့ပြုရသော အမှုဟူ မူကား၊ ဥပုသ်နေ့၌ဝင်သောလူသုံးစုတစုသည် နန်းတော် တံခါးကိုစောင့်ရမည်။
⁶ တစုသည် သုရတံခါးကို စောင့်ရမည်။ တစု သည် ကင်းနောက် တံခါးကိုစောင့်ရမည်။ ထိုသို့ ဗိမာန် တော်ကို မဖြိုမဖျက်စေခြင်းငှါ စောင့်ရမည်။
⁷ ဥပုသ်နေ့၌ ထွက်သောလူသုံးစုတွင် နှစ်စုသည် ရှင်ဘုရင်ပတ်လည် ဗိမာန်တော်၌စောင့်ရမည်။
⁸ လူတိုင်းမိမိလက်နက်ကို ကိုင်လျက် ကိုယ်တော် မြတ်ကို ဝိုင်း၍၊ တပ်ထဲသို့ဝင်သမျှသောသူတို့ကို သတ်ရ မည်။ ရှင်ဘုရင် ထွက်ဝင်တော်မူသောအခါ၊ နောက်တော် သို့ လိုက်ရမည်ဟုမှာထားလေ၏။
⁹ ထိုသို့ ယဇ်ပုရောဟိတ်ယောယဒမှာထားသမျှ အတိုင်း လူတရာအုပ်တို့သည်ပြု၍၊ ဥပုသ်နေ့၌ထွက်ရသော သူနှင့်ဝင်ရသောသူအသီးအသီးတို့ကို ခေါ်၍ ယဇ်ပုရော ဟိတ် ယောယဒထံသို့ ရောက်သောအခါ၊
¹⁰ ဗိမာန်တော်၌ရှိသော ဒါဝိဒ်မင်းကြီး၏လှံများ နှင့် ဒိုင်းများကို ယဇ်ပုရောဟိတ်သည်ထုတ်၍ လူတရာ အုပ်တို့အား အပ်လေ၏။
¹¹ စောင့်သောသူအပေါင်းတို့သည် လက်နက်ကို ကိုင်လျက်၊ ရှင်ဘုရင်ကို ဝိုင်း၍ ယဇ်ပလ္လင်အနားနှင့် ဗိမာန်တော်အနား၌ လက်ျာထောင့်မှစ၍ လက်ဝဲထောင့် တိုင်အောင် ရပ်ကြ၏။
¹² ယဇ်ပုရောဟိတ်သည် ရှင်ဘုရင်သားတော်ကို ပြင်သို့ထုတ်၍၊ ရာဇသရဖူနှင့် ပညတ္တိကျမ်းကို တင်လျက်၊ ဘိသိတ်ပေးလျက်၊ ရှင်ဘုရင်အရာ၌ချီးမြှောက်ပြီးမှ ရှင်ဘုရင်အသက်တော်ရှင်စေသတည်းဟု လက်ခုပ်တီး၍ ကြွေးကြော်ကြ၏။
¹³ အာသလိသည် တပ်သားပြုသောအသံနှင့် လူများပြုသော အသံကိုကြားလျှင်၊ လူများရှိရာ ဗိမာန် တော်သို့သွား၍၊
¹⁴ ရှင်ဘုရင်သည် ယုဒမင်းထုံးစံအတိုင်း တိုင်နား မှာရပ်လျက်၊ မှူးတော်မတ်တော်များနှင့် တံပိုးမှုတ်သော သူများတို့သည် ရှင်ဘုရင်အနားတော်၌ ရပ်လျက်၊ ပြည်သူပြည်သားများတို့သည် ဝမ်းမြောက်၍ တံပိုးမှုတ် လျက်ရှိကြသည်ကိုမြင်လျှင်၊ မိမိအဝတ်ကို ဆုတ်၍ ပုန်ကန်မှုပါတကား၊ ပုန်ကန်မှုပါတကားဟု အော်ဟစ် လေ၏။
¹⁵ ယဇ်ပုရောဟိတ်ယောယဒကလည်း၊ ဗိမာန် တော်ထဲမှာမသေစေနှင့်၊ တပ်ပြင်သို့ထုတ်ကြ။ သူ့ဘက်မှာ နေသောသူကို ထားနှင့်သတ်ကြဟု လူတရာအုပ်၊ တပ်မှူး တို့ကို မှာထားနှင့်သည်အတိုင်း၊
¹⁶ အာသလိကိုဘမ်းဆီးလျက်၊ နန်းတော်သို့ သွား သောမြင်းလမ်းဖြင့် ထုတ်၍ သတ်ကြ၏။
¹⁷ ယောယဒသည်လည်း ရှင်ဘုရင်နှင့်လူများတို့ သည် ထာဝရဘုရား၏လူဖြစ်ရမည်အကြောင်း ထာဝရ ဘုရားနှင့် ပဋိညာဉ်ဖွဲ့စေ၏။ တဖန်ရှင်ဘုရင်နှင့်လူများ တို့ကို တဦးနှင့်တဦး ပဋိညာဉ်ဖွဲ့စေ၏။
¹⁸ ပြည်သူပြည်သားအပေါင်းတို့သည် ဗာလ ကျောင်းသို့သွား၍ ဖြိုဖျက်ကြ၏။ ယဇ်ပလ္လလင်များနှင့် ရုပ်တုများကိုအကုန်အစင်ချိုးဖဲ့၍၊ ယဇ်ပလ္လင်တို့ရှေ့မှာ ဗာလယဇ်ပုရောဟိတ် မဿန်ကို သတ်ကြ၏။
¹⁹ ယဇ်ပုရောဟိတ်ယောယဒသည်လည်း၊ ဗိမာန် တော်အုပ်များကို ခန့်ထားပြီးမှ လူတရာအုပ်၊ တပ်မှူး၊ တပ်သား၊ ပြည်သူပြည်သားအပေါင်းတို့ကိုခေါ်လျက်၊ ကင်းတံခါးလမ်းဖြင့် ရှင်ဘုရင်ကို ဗိမာန်တော်မှ နန်း တော်သို့ပို့ဆောင်၍ ရာဇပလ္လင်တော်ပေါ်မှာ ထိုင်စေ၏။
²⁰ နန်းတော်နားမှာ အာသလိကို သတ်ပြီးမှ၊ ပြည်သူပြည်သားအပေါင်းတို့သည် ဝမ်းမြောက်၍ တမြို့လုံး၌လည်း ငြိမ်ဝပ်ခြင်းရှိ၏။
²¹ နန်းတော်နားမှာ အာသလိကို သတ်ပြီးမှ၊ ပြည်သူပြည်သားအပေါင်းတို့သည် ဝမ်းမြောက်၍ တမြို့လုံး၌လည်း ငြိမ်ဝပ်ခြင်းရှိ၏။

အနက်ဖွင့်ချက်။

၁၁:၁ အဿလိယာ။ သူမ၏သားသေဆုံးပြီးနောက်၊ တော်ဝင်မိသားစု၏အမျိုးသားများအားလုံးကို ကွပ်မျက်ပြီးနောက်၊ ဘုရင်မ-မိခင်အနေဖြင့် အာဏာကို ရယူခဲ့သည်။

11:1 Athaliah. With power as queen-mother she assumed the royal prerogatives after the death of her son and after she executed all male members of the royal family.

 

၁၁:၂ ယောရှဲ။ သူသည် ယေဟောရှဟုလည်း ခေါ်သည် (၁၂:၁ ကိုကြည့်ပါ)။

11:2 Joash. He is also called Jehoash (see 12:1).

 

၁၁:၃ ထာဝရဘုရား၏အိမ်တော်။ ယေရုဆလင်ရှိ ဘုရားသခင်၏ဗိမာန်ဖြစ်သည်။

11:3 the house of the Lord. God’s temple in Jerusalem.

 

၁၁:၄ ယောယဒ။ ယေရုဆလင်ရှိ ဤယဇ်ပုရောဟိတ်၏ဇနီးသည် ယောရှဲ၏အသက်ကို ကယ်တင်ခဲ့သည် (၆ ရာ ၂၂:၁၁)။

11:4 Jehoiada. The wife of this priest in Jerusalem saved Joash’s life (2 Chr. 22:11).

 

၁၁:၁၂ သက်သေခံချက်။ ဘုရင်၏အခွင့်အရေးနှင့် တာဝန်များအကြောင်းပြောသော မောရှေ၏တိုရာ၏အစိတ်အပိုင်းတစ်ခု (တရား ၁၇:၁၄-၂၀)။ ဤဝေါဟာရသည် ကျောက်ပြားနှစ်ခုပေါ်တွင် ရေးထားသော ပညတ်ဆယ်ပါးကိုလည်း ဖော်ပြနိုင်သည်။

11:12 the Testimony. A part of the Torah of Moses that speaks about royal rights and obligations (Deut. 17:14–20). The term can also describe the Ten Commandments written on the two tablets of stone.

 

၁၁:၁၄ တံပိုးများ။ ဘုရင်သစ်ကြေညာချိန်တွင် ကျယ်လောင်စွာ မှုတ်သည် (၃ ရာ ၁:၃၄)။

11:14 trumpets. Loudly sounded during the proclamation of a new king (1 Kin. 1:34).

 

၁၁:၁၇ ပဋိညာဉ်။ ဘုရားသခင်နှင့် ဣသရေလအကြား သိနာတောင်မှ ပဋိညာဉ်ကို ပြန်လည်သက်ဝင်စေသည်။

11:17 a covenant. The covenant from Sinai between God and Israel is renewed.

 

၁၁:၁၈ ဗာလ၏ဗိမာန်။ ယေရုဆလင်ရှိ ဗာလ၏ဗိမာန်ကို ဤနေရာတွင်သာ ဖော်ပြထားပြီး၊ ဆမာရိယာရှိ ဗိမာန်ကို အတုယူ၍ အဿလိယာမှ တည်ထောင်ခဲ့ပေမည်။

11:18 the temple of Baal. Baal’s temple in Jerusalem is mentioned only here and may have been established by Athaliah in imitation of the temple in Samaria.