ယေရမိအနာဂတ္တိကျမ်း ၅၁

 

အခန်းကြီး - ၅၁

1 ထာဝရဘုရားမိန့်တော်မူသည်ကား၊ ဗာဗုလုန် မြို့တဘက်၌၎င်း၊ ငါ၏ရန်သူတို့နှင့်ပေါင်းဘော်သော သူတို့တဘက်၌၎င်း၊ ဖျက်ဆီးတတ်သော လေကို ငါထစေ မည်။
² စံကောနှင့်ပြာတတ်သောသူတို့ကို ဗာဗုလုန်မြို့ သို့ ငါစေလွှတ်သဖြင့်၊ သူတို့သည် တပြည်လုံးကိုပြာ၍ ရှင်းလင်းကြလိမ့်မည်။ အမှုရောက်သောကာလ၊ သူတို့ သည် မြို့ပတ်ဝန်းကျင်တို့၌ ရန်ဘက်ပြုလျက်နေကြ လိမ့်မည်။
³ လေးကိုကိုင်သောသူ၊ သံချပ်အင်္ကျီကိုဝတ်သော သူတို့ကို လေးတင်၍ ပစ်ကြလော့။ မြို့သားလုလင်တို့ကို မနှမြောဘဲ၊ မြို့သားအလုံးအရင်းရှိသမျှတို့ကို ရှင်းရှင်းဖျက်ဆီး ကြလော့။
⁴ ထိုသို့သူရဲတို့သည် ခါလဒဲပြည်တွင်၊ လမ်းမတို့၌ လဲ၍အထိုးခံရကြလိမ့်မည်။
⁵ ဣသရေလအမျိုးနှင့်ယုဒအမျိုးနေရာ ပြည်သည်၊ ဣသရေလအမျိုး၏သန့်ရှင်းတော်မူသော ဘုရားကို ပြစ်မှားသော အပြစ်နှင့်ပြည့်သော်လည်း၊ သူတို့ ဘုရားသခင်၊ ကောင်းကင်ဗိုလ်ခြေအရှင်ထာဝရ ဘုရား သည် ထိုအမျိုးတို့ကို စွန့်ပစ်တော်မမူ။
⁶ ဗာဗုလုန်မြို့ထဲက ထွက်ပြေး၍၊ အသီးအသီး ကိုယ်အသက်ကို ကယ်နှုတ်ကြလော့။ မြို့သားတို့၏အပြစ် နှင့်ရော၍ ဆုံးရှုံးခြင်ကို မခံကြနှင့်။ ဤအချိန်ကား၊ ထာဝရဘုရား၏အမျက်တော်ကို ဖြေချိန်ဖြစ်၍၊ အကျိုး အပြစ်နှင့်အလျောက် စီရင်တော်မူမည်။
⁷ ဗာဗုလုန်မြို့သည်၊ ထာဝရဘုရားကိုင်တော်မူ၍ မြေကြီးတပြင်လုံးကို ယစ်မူးစေသောရွှေဖလားဖြစ်၏။ ထိုဖလား၌ပါသော စပျစ်ရည်ကို လူအမျိုးမျိုးတို့သည် သောက်၍အရူးဖြစ်ကြ၏။
⁸ ဗာဗုလုန်မြို့သည် ချက်ခြင်းပြိုလဲ၍ ပျက်စီးပြီ။ သူ၏အတွက် ငိုကြွေးမြည်တမ်းကြလော့။ သူ၏အနာ ပျောက်နိုင်လျှင်၊ ပျောက်စေခြင်းငှါ ဗာလစံစေးကို ယူကြလော့။
⁹ ငါတို့သည် ဗာဗုလုန်မြို့၏အနာကို ပျောက်စေ ခြင်းငှါ ပြုသော်လည်း၊ အနာမပျောက်နိုင်။ သူ့ကို စွန့်ပစ်၍၊ အသီးအသီး ငါတို့ နေရင်းပြည်သို့ သွားကြ ကုန်အံ့။ သူခံရသော အပြစ်သည် ကောင်းကင် တိုင်အောင် ရောက်၍၊ မိုဃ်းတိမ်ကို ထိလျက်ရှိ၏။
¹⁰ ထာဝရဘုရားသည် ငါတို့ဖြောင့်မတ်ကြောင်းကို ဘော်ပြတော်မူပြီ။ လာကြလော့။ ငါတို့ဘုရားသခင် ထာဝရဘုရားအမှုတော်ကို ဇိအုန်မြို့၌ ကြားပြောကြ ကုန်အံ့။
¹¹ မြှားတို့ကို ပွတ်ကြလော့။ ဒိုင်းလွှားတို့ကို ကိုင်စွဲ ကြလော့။ ထာဝရဘုရားသည် မေဒိရှင်ဘုရင်တို့ကို နှိုးဆော်တော်မူပြီ။ ဗာဗုလုန်မြို့ကို ဖျက်ဆီးမည် အကြံ ရှိတော်မူ၏။ အကြောင်းမူကား၊ ထာဝရဘုရား၏ အမျက် တော်ကိုဖြေခြင်း၊ ဗိမာန်တော်ကိုဖျက်ဆီးသောအပြစ်နှင့် အလျောက် ဒဏ်ပေးခြင်းအမှုဖြစ်သတည်း။
¹² ဗာဗုလုန်မြို့ရိုးရှေ့မှာ အလံကိုထူကြလော့။ များစွာသော လူစောင့်တို့ကို ထား၍ကင်းထိုးကြလော့။ ချောင်းမြောင်းသော တပ်သားတို့ကို ပြင်ကြလော့။ ထာဝရ ဘုရားသည် ဗာဗုလုန်မြို့သားတို့ကို ခြိမ်းသည်အတိုင်း ကြံစည်၍ လက်စသတ်တော်မူသည်။
¹³ များစွာသော ရေအနားမှာနေ၍ စည်းစိမ်ကြီး သောသူ၊ သင်၏ဆုံးရှုံးချိန်၊ သင်၏လောဘ အလိုပျက်ချိန် ရောက်လေပြီ။
¹⁴ ကောင်းကင်ဗိုလ်ခြေအရှင် ထာဝရဘုရားသည် ကိုယ်ကိုတိုင်တည်၍ ကျိန်ဆိုတော်မူသည်ကား၊ သင့်ကို ကျိုင်းကောင်များနှင့်ပြည့်စေသကဲ့သို့ လူများနှင့်ပြည့် စေမည်။ သူတို့သည်သင့်တဘက်၌ ကြွေးကြော်သံကို လွှင့် ကြလိမ့်မည်။
¹⁵ တန်ခိုးတော်အားဖြင့် မြေကြီးကို ဖန်ဆင်းတော် မူပြီ။ ပညာတော်အားဖြင့် လောကဓာတ်ကို တည်တော် မူပြီ။ ဥာဏ်တော်အားဖြင့် မိုဃ်းကောင်းကင်ကို ကြက်တော်မူပြီ။
¹⁶ အသံတော်ကို လွှတ်တော်မူသောအခါ၊ မိုဃ်းရေ အသံဗလံဖြစ်တတ်၏။ မြေကြီးစွန်းမှမိုဃ်းတိမ်ကို တက်စေတော်မူ၏။ မိုဃ်းရွာသည်နှင့် လျှပ်စစ်ပြက်စေ တော်မူ၏။ လေကိုလည်း ဘဏ္ဍာတော် တိုက်ထဲကထုတ် တော်မူ၏။
¹⁷ လူမည်သည်ကား၊ မိမိဥာဏ်အားဖြင့် တိရစ္ဆာန် ကဲ့သို့ဖြစ်၏။ ရုပ်တုကို သွန်းသော သူတိုင်းမိမိလုပ်သော ရုပ်တုအားဖြင့် မှောက်မှားလျက်ရှိ၏။ အကြောင်းမူကား၊ သွန်းသောရုပ်တုသည် မုသာဖြစ်၏။ သူ၌လည်း ထွက်သက်ဝင်သက်မရှိ။
¹⁸ ထိုသို့သော အရာတို့သည် အချည်းနှီးသက် သက်ဖြစ်ကြ၏။ လှည့်စားသောအရာလည်း ဖြစ်ကြ၏။ စစ်ကြောခြင်းကို ခံရသည်ကာလ ကွယ်ပျောက်ကြ လိမ့်မည်။
¹⁹ ယာကုပ်အမျိုး၏ အဘို့ဖြစ်သောဘုရားသည် ထိုသို့သောအရာနှင့်တူတော်မမူ။ ခပ်သိမ်းသောအရာ တို့ကို ဖန်ဆင်းသောဘုရားဖြစ်တော်မူ၏။ ဣသရေလ အမျိုးသည် အမွေခံတော်မူရာဖြစ်၏။ နာမတော်သည် ကောင်းကင်ဗိုလ်ခြေအရှင် ထာဝရဘုရားပေတည်း။
²⁰ အိုသံတူကြီး၊ သင်သည် ငါစစ်တိုက်စရာ လက်နက်ဖြစ်၏။ သင့်ကို ငါကိုင်၍ အတိုင်းတိုင်း အပြည်ပြည်တို့ကို ချိုးဖဲ့ပြီ။
²¹ သင့်ကိုကိုင်၍ မြင်းနှင့်မြင်းစီးသူရဲကို၎င်း၊ ရထားနှင့်ရထားစီး သူရဲကို၎င်း ငါချိုးဖဲ့ပြီ။
²² သင့်ကိုကိုင်၍ ယောက်ျားနှင့်မိန်းမတို့ကို၎င်း၊ အသက်ကြီးသူနှင့် အသက်ငယ်သူတို့ကို၎င်း၊ လူပျိုနှင့် အပျိုမတို့ကို၎င်း ငါချိုးဖဲ့ပြီ။
²³ သင့်ကိုကိုင်၍ သိုးထိန်းနှင့်သိုးစုကို၎င်း၊ လယ် လုပ်သော သူနှင့် နွားယှဉ်ကို၎င်း၊ ဗိုလ်များနှင့် မင်းများကို ၎င်း ငါချိုးဖဲ့ပြီ။
²⁴ သို့ရာတွင်၊ ဗာဗုလုန်မြို့သူ၊ ခါလာဒဲပြည်သား အပေါင်းတို့သည် ဇိအုန်မြို့၌ပြုလေသမျှသော ဒုစရိုက် ရှိသည်အတိုင်း၊ ငါသည် သင်တို့ မျက်မှောက်၌ သူတို့အား အပြစ်ပေးမည်ဟု ထာဝရဘုရားမိန့်တော်မူ၏။
²⁵ ထာဝရဘုရားမိန့်တော်မူသည်ကား၊ ဖျက်ဆီး တတ်သောသဘောရှိ၍၊ မြေကြီးတပြင်လုံးကို ဖျက်ဆီး တတ်သောတောင်ကြီး၊ သင့်တဘက်၌ ငါနေ၏။ သင့် အပေါ်မှာ ငါ၏လက်ကိုဆန့်လျက်။ ကျောက်တို့မှ သင့်ကို လှိမ့်ချ၍၊ မီးနှင့်ကျွမ်းလောင်သော တောင်ဖြစ်စေမည်။
²⁶ တိုက်ထောင့်အထွဋ်ကျောက်၊ တိုက်မြစ်ကျောက် တစုံတခုကိုမျှ သင်၏အထဲကမနှုတ်မယူရ၊ အစဉ်မပြတ် ပျက်စီးလျက်နေရလိမ့်မည်ဟု ထာဝရဘုရား မိန့်တော် မူ၏။
²⁷ ထိုပြည်၌အလံကိုထူကြလော့။ အပြည်ပြည်တို့၌ တံပိုးကိုမှုတ်၍၊ လူအမျိုးမျိုးတို့ကိုသူ၏ တဘက်၌ပြင်ဆင် ကြလော့။ အာရရတ်ပြည်၊ မိန္နိပြည်၊ အာရှကေနတ်ပြည် တို့ကို သူ၏တဘက်၌ စည်းဝေးစေကြလော့။ ဗိုလ်ချုပ်မင်းကိုခန့်ထား၍၊ အမွေး ကြမ်းသော ကျိုင်းကောင်ကဲ့သို့ မြင်းစီးသူရဲတို့ကို စစ်ချီ စေကြလော့။
²⁸ လူမျိုးများတို့နှင့်တကွ၊ မေဒိရှင်ဘုရင်မှစ၍ ဗိုလ်များ၊ မင်းများ၊ မေဒိနိုင်ငံသားအပေါင်းတို့ကို သူ၏ တဘက်၌ ပြင်ဆင်ကြလော့။
²⁹ ဗာဗုလုန်ပြည်သည်တုန်လှုပ်၍ လိမ့်လိမ့်မည်။ ထိုပြည်သည်နေသူမရှိ၊ သုတ်သင်ပယ်ရှင်းရာ ဖြစ်စေခြင်း ငှါ၊ ထာဝရဘုရားကြံစည်တော်မူသော အကြံအစည် ရှိသမျှသည် ပြည့်စုံရလိမ့်မည်။
³⁰ ဗာဗုလုန်စစ်သူရဲတို့သည် စစ်မပြိုင်ဘဲရဲတိုက် များ၌နေကြ၏။ အားလျော့၍မိန်းမကဲ့သို့ ဖြစ်ကြ၏။ မြို့သားနေရာတို့ကိုမီးရှို့၍၊ တံခါးကျင်တို့ကို ချိုးဖဲ့ကြ၏။
³¹ ရန်သူတို့သည် မြို့တော်ကို တဘက်တချက် တိုက်ဝင်ကြပြီဟူ၍၎င်း၊ လမ်းဝကို ပိတ်ထား၍ ရေကန် နားမှာမီးရှို့ကြောင်းနှင့်၊ စစ်သူရဲတို့သည် ကြောက်လန့် လျက်ရှိကြပြီဟူ၍၎င်း၊ ဗာဗုလုန်ရှင်ဘုရင်အား ကြားလျှောက်အံ့သောငှါ၊ မင်းလုလင်ချင်းတယောက်ကို တယောက်၊ စေလွှတ်သူချင်းတယောက်ကို တယောက် တွေ့ကြုံလျက် ပြေးလာကြ၏။
³² ရန်သူတို့သည် မြို့တော်ကို တဘက်တချက် တိုက်ဝင်ကြပြီဟူ၍၎င်း၊ လမ်းဝကို ပိတ်ထား၍ ရေကန် နားမှာမီးရှို့ကြောင်းနှင့်၊ စစ်သူရဲတို့သည် ကြောက်လန့် လျက်ရှိကြပြီဟူ၍၎င်း၊ ဗာဗုလုန်ရှင်ဘုရင်အား ကြားလျှောက်အံ့သောငှါ၊ မင်းလုလင်ချင်းတယောက်ကို တယောက်၊ စေလွှတ်သူချင်းတယောက်ကို တယောက် တွေ့ကြုံလျက် ပြေးလာကြ၏။
³³ ဣသရေလအမျိုး၏ ဘုရားသခင်၊ ကောင်းကင် ဗိုလ်ခြေအရှင် ထာဝရဘုရားမိန့်တော်မူသည်ကား၊ ဗာဗုလုန်သတို့သမီးသည် စပါးနယ်ရသော ကောက်နယ် တလင်းကဲ့သို့ဖြစ်၏။ စပါးရိတ်ရာအချိန်နီးပြီ။
³⁴ ဗာဗုလုန်ရှင်ဘုရင်နေဗုခဒ်နေဇာသည် ငါတို့ကို ကိုက်စား၍ နှိပ်စက်ပါပြီ။ ငါတို့ကို ဟင်းလင်း သောအိုးဖြစ်စေပါပြီ။ နဂါးမျိုတတ်သကဲ့သို့ ငါတို့ကို မျို၍၊ ငါတို့ ပျော်မွေ့စရာအရာ တို့နှင့်မိမိဝမ်းကို ပြည့်စေ ပါပြီ။ ငါတို့ကို နှင်ထုတ်ပါပြီ။
³⁵ ဇိအုန်မြို့သမီးက၊ ငါ၏ကိုယ်နှင့်ငါ၏အသား၌ ပြုသောအဓမ္မအမှုသည် ဗာဗုလုန်မြို့အပေါ်သို့ ရောက်ပါ စေဟူ၍၎င်း၊ ယေရုရှလင်မြို့ကလည်း၊ ငါ၏အသွေးသည် ခါလအဲပြည်သားတို့အပေါ်သို့ ရောက်ပါစေဟူ၍၎င်း ဆိုရ၏။
³⁶ သို့ဖြစ်၍၊ ထာဝရဘုရားမိန့်တော်မူသည်ကား၊ သင်၏အမှုကို ငါစောင့်မည်။ သင်ခံရသောအပြစ်ကို ပြန်ပေးမည်။ သူ၏ပင်လယ်ကို၎င်း၊ သူ၏စမ်းရေတွင်း တို့ကို၎င်း ငါခန်းခြောက်စေမည်။
³⁷ ဗာဗုလုန်မြို့သည် အမှိုက်ပုံ၊ မြေခွေးနေရာတွင်း၊ အံ့ဩဘွယ်ရာ၊ ကဲ့ရဲ့သံပြုရာ၊ လူဆိတ်ညံရာအရပ် ဖြစ်လိမ့်မည်။
³⁸ ထာဝရဘုရားမိန့်တော်မူသည်ကား၊ မြို့သားတို့ သည်ခြင်္သေ့ကဲ့သို့ ဟောက်သောအသံ၊ ခြင်္သေ့သငယ်ကဲ့သို့ မြည်သောအသံကိုတညီတည်း ပြုကြလိမ့်မည်။
³⁹ သူတို့သည်ပျော်မွေ့ကြမည်အကြောင်းနှင့်၊ နောက်တဖန်မနိုးဘဲ၊ အစဉ်မပြတ်အိပ်ပျော်မည် အကြောင်း၊ သူတို့သည် ရွှင်လန်းအားကြီးသောအခါ၊ သောက်စရာဘို့ ငါတိုက်၍ ယစ်မူးစေမည်။
⁴⁰ အသေသတ်ခြင်းငှါ ဆွဲ၍ချသော သိုးသငယ်ကို ကဲ့သို့၎င်း၊ သိုးထီး၊ ဆိတ်ထီးကိုကဲ့သို့၎င်း ငါဆွဲ၍ချမည်။
⁴¹ ရှေရှက်မြို့ကိုတိုက်၍ ရလေပြီတကား။ မြေ တပြင်လုံး၌ ကျော်စောသော မြို့ကိုလုယူလေပြီတကား။ ဗာဗုလုန်မြို့သည် အပြည်ပြည်တို့တွင် အံ့ဩရာဖြစ်လေပြီ တကား။
⁴² ပင်လယ်သည် ဗာဗုလုန်ပြည်အပေါ်သို့တက်၍၊ များစွာသော လှိုင်းတံပိုးတို့သည် လွှမ်းမိုးကြပြီ။
⁴³ မြို့များတို့သည် သုတ်သင်ပယ်ရှင်းရာအရပ်၊ သွေ့ခြောက်သော လွင်ပြင်ဖြစ်ကြပြီ။ အဘယ်သူမျှ မနေရ။ လူသားတစုံတယောက်မျှ ထိုလမ်းကိုမရှောက်ရ။
⁴⁴ ဗာဗုလုန်မြို့၌ ဗေလဘုရားကိုလည်း ငါသည် ဒဏ်ပေးမည်။ သူမျိုသောအရာတို့ကို တဖန်အန်စေမည်။ လူအမျိုးမျိုးတို့သည် နောက်တဖန်သူ့ထံမှာ စည်းဝေးရကြ။ မြို့ရိုးလည်းပြိုလဲလျက်ရှိရလိမ့်မည်။
⁴⁵ ငါ၏လူတို့၊ ဗာဗုလုန်မြို့ထဲကထွက်ကြလော့။ ထာဝရဘုရား၏ ပြင်းစွာသောအမျက်တော်မှ၊ အသီး အသီးကိုယ်အသက်ကို ကယ်နှုတ်ကြလော့။
⁴⁶ ထိုပြည်၌ကြားရသော သိတင်းကြောင့် စိတ် မပျက်၊ ကြောက်လန့်ခြင်းမရှိကြနှင့်။ တနှစ်ထက်တနှစ် သိတင်းကြားရလိမ့်မည်။ မင်းချင်းတယောက်ကို တယောက် လုယူ၍ညှဉ်းဆဲခြင်းအမှု ရှိရလိမ့်မည်။
⁴⁷ ထိုနောက်မှဗာဗုလုန်မြို့၌ ထုလုပ်သော ရုပ်တု ဆင်းတုတို့ကို ငါသည် ဒဏ်ပေးသဖြင့်၊ တပြည်လုံး မိန်းမောတွေဝေ၍၊ သူရဲအပေါင်းတို့သည် မြို့ထဲမှာ လဲလျက်သေကြသော အချိန်ရောက်လိမ့်မည်။
⁴⁸ ထိုသို့မြောက်မျက်နှာအရပ်က လုယူသော သူတို့ သည် ဗာဗုလုန်မြို့သို့ ရောက်လာသောအခါ၊ မိုဃ်းမြေမှစ၍ အရပ်ရပ်၌ရှိသမျှတို့သည် ရွှင်လန်းသော အသံကို ပြုကြ လိမ့်မည်ဟု၊ ထာဝရဘုရားမိန့်တော်မူ၏။
⁴⁹ ဗာဗုလုန်မြို့ကြောင့် ဣသရေလအမျိုးသူရဲတို့ သည် လဲ၍သေသကဲ့သို့၊ ဗာဗုလုန်မြို့ထဲမှာ ပြည်သား သူရဲအပေါင်းတို့သည် လဲ၍သေကြလိမ့်မည်။
⁵⁰ ထားဘေးနှင့်လွတ်သောသူတို့၊ သွားကြလော့။ ရပ်၍မနေကြနှင့်။ ဝေးသောအရပ်၌ ထာဝရဘုရားကို အောက်မေ့၍၊ ယေရုရှလင်မြို့ကိုလည်း စိတ်စွဲလမ်းကြ လော့။
⁵¹ ငါတို့သည်ကဲ့ရဲ့သောအသံကို ကြားသော ကြောင့် အရှက်ကွဲလျက်၊ မျက်နှာပျက်လျက်နေရကြပါ၏။ တပါးအမျိုးသားတို့သည် ဗိမာန်တော်တွင်၊ သန့်ရှင်းရာ အရပ်ဌာနတော်တို့၏ အထဲသို့ဝင်ကြပါပြီ။
⁵² သို့ဖြစ်၍၊ ထာဝရဘုရားမိန့်တော်မူသည်ကား၊ ဗာဗုလုန်ပြည်ကိုးကွယ်သော ရုပ်တုဆင်းတုတို့ကို ငါသည် ဒဏ်ပေး၍၊ တပြည်လုံး၌ ဒဏ်ချက်ထိသောသူတို့သည် ညည်းတွားကြသော အချိန်ရောက်လိမ့်မည်။
⁵³ ဗာဗုလုန်မြို့သည် မိုဃ်းကောင်းကင်သို့တက်၍၊ မြို့ရိုးအထွဋ်ကို ခိုင်ခံ့စွာ တည်သော်လည်း၊ ငါစေလွှတ်၍ လုယူသော သူတို့သည် သူရှိရာသို့ ရောက်ကြလိမ့်မည်ဟု၊ ထာဝရဘုရားမိန့်တော်မူ၏။
⁵⁴ ဗာဗုလုန်မြို့မှ ငိုကြွေးသံကို၎င်း၊ ခါလဒဲပြည်မှာ ပြင်းစွာသော ပျက်စီးသံကို၎င်း ကြားရ၏။
⁵⁵ အကြောင်းမူကား ထာဝရဘုရားသည် ဗာဗုလုန် မြို့ကို ဖျက်ဆီး၍၊ သူပြုတတ်သောအသံကြီးကို ငြိမ်းစေ တော်မူ၏။ သူ၏လှိုင်းတံပိုးတို့သည် အားကြီးသော ရေကဲ့သို့ ဟုန်ဟုန်းမြည်သံဖြင့်၊ ကြီးစွာသောအသံဗလံကို ပြုတတ်ကြ၏။
⁵⁶ ဗာဗုလုန်မြို့ကို တိုက်ဖျက်လုယူသော သူသည် ရောက်လျှင်၊ မြို့သားစစ်သူရဲတို့သည် ရန်သူတို့လက်သို့ ရောက်၍၊ သူတို့စွဲကိုင်သော လေးရှိသမျှတို့သည် ကျိုးကြ ၏။ အကျိုးအပြစ်ကို ပေးတတ်သောဘုရား သခင်ထာဝရ ဘုရားသည် ဆက်ဆက်ပေးတော်မူပြီ။
⁵⁷ ဗာဗုလုန်မင်းသား၊ တိုင်ပင်မှူးမတ်၊ စစ်ကဲ၊ မင်း အရာရှိ၊ ခွန်အားကြီးသော သူတို့ကို ငါယစ်မူးစေသဖြင့်၊ သူတို့သည်နောက်တဖန်မနိုးဘဲ အစဉ်မပြတ် အိပ်ပျော် ကြလိမ့်မည်ဟု၊ ကောင်းကင်ဗိုလ်ခြေအရှင်ထာဝရ ဘုရား ဟူ၍ ဘွဲ့နာမရှိသော ရှင်ဘုရင်မိန့်တော်မူ၏။
⁵⁸ ကောင်းကင်ဗိုလ်ခြေအရှင် ထာဝရဘုရား မိန့်တော်မူသည်ကား၊ ဒုကြီးသော ဗာဗုလုန်မြို့ရိုးတို့ကို အကုန်အစင်ဖြိုဖျက်၍၊ မြင့်သောမြို့တံ ခါးတို့ကိုလည်း မီးရှို့ကြလိမ့်မည်။ လူအမျိုးမျိုးတို့သည် အချည်းနှီးလုပ် ဆောင်၍၊ မီး၌ပင်ပန်းခြင်းကို ခံရကြပြီ။
⁵⁹ ဗာဗုလုန်မြို့အပေါ်မှာ ရောက်လတံ့သော၊ ဘေးဥပဒ်အပေါင်းတည်းဟူသော၊ ဗာဗုလုန်မြို့ကို ရည်မှတ်၍ ရေးထားသောဤစကားအလုံးစုံတို့ကို ပရောဖက်ယေရမိသည် ရေးကူး၍၊
⁶⁰ ယုဒရှင်ဘုရင် ဇေဒကိနန်းစံလေးနှစ်တွင်၊ ရှင်ဘုရင်နှင့်အတူ ဗာဗုလုန်မြို့သို့လိုက်သွားသော၊ မာသေယ၏သားဖြစ်သောနေရိ၏ သားအတွင်း ဝန်စရာယ ကိုမှာထားသော စကားဟူမူကား၊
⁶¹ သင်သည် ဗာဗုလုန်မြို့သို့ရောက်သောအခါ၊ ဤစကားအလုံးစုံတို့ကို ကြည့်ရှု၍ ဘတ်ရမည်။
⁶² ထိုအခါသင်က၊ အိုထာဝရဘုရား၊ ကိုယ်တော် သည် ဤအရပ်၌ လူမရှိ၊ တိရစ္ဆာန်မရှိ၊ အစဉ်မပြတ် ဆိတ်ညံရာအရပ်ဖြစ်စေ၍၊ သုတ်သင်ပယ်ရှင်းမည် အကြောင်းကို ခြိမ်းတော်မူပြီဟု လျှောက်ဆိုရမည်။
⁶³ ဤစာကို အကုန်အစင်ဘတ်ပြီးလျှင်၊ စာပေါ် မှာ ကျောက်ကို ချည်ထား၍၊ ဥဖရတ်မြစ်အလယ်မှာ ချပစ်လျက်၊
⁶⁴ ဗာဗုလုန်မြို့သည် ဤသို့နစ်ရလိမ့်မည်။ ငါ ရောက်စေသော ဘေးဥပဒ်ထဲကနောက်တဖန် မထ မြောက်ရ။ မြို့သူမြို့သားတို့သည် အားကုန်လျက် နေရကြ လိမ့်မည်ဟု၊ မြွက်ဆိုရမည်အကြောင်းကို၊ ယေရမိသည် မှာထားလေ၏။ ဤရွေ့ကား၊ ယေရမိစကားပေတည်း။

  

အနက်ဖွင့်ချက်

၅၁:၁–၂ လပ်ကမိုင်။ ခါလဒဲယအတွက် လျှို့ဝှက်သောအမည်။ ဖျက်ဆီးသောလေ … စပါးခွံခါသူများ။ တရားစီရင်ခြင်း၏ ပုံသဏ္ဌာန်များ (၄:၁၁၊ ၁၅:၇ ကိုကြည့်ပါ)။

51:1–2 Leb Kamai. Cryptic term for Chaldea. destroying wind … winnowers. Images of judgment (see 4:11; 15:7).

 

၅၁:၃–၄ စစ်ရေးနည်းဖြင့် လုံးဝဖျက်ဆီးခြင်း။

51:3–4 Total destruction by military means.

 

၅၁:၅ ဣသရေလကို စွန့်ပစ်မထားပါ။ ဘုရားသခင်သည် ၎င်း၏လူများကို မေ့လျော့မထားပါ။ အပြစ်များဖြင့် ပြည့်နှက်နေသော်လည်း။ ခွင့်လွှတ်ခြင်းသည် ဖြစ်နိုင်သည်။ ဣသရေလ၏ သန့်ရှင်းသောဘုရား။ ဟေရှာယ ၁:၄ ကိုကြည့်ပါ။

51:5 Israel is not forsaken. God has not forgotten His people. Though … filled with sin. Forgiveness is possible. Holy One of Israel. See Is. 1:4.

 

၅၁:၆ ထွက်ပြေးကြလော့။ ဘုရားသခင်၏လူများကို ဗာဗုလုန်မှ ခေါ်ထုတ်ရန် တိုက်တွန်းသည်။ ထာဝရဘုရား၏အမျက်ဒေါသ။ ၅၀:၁၅ ကိုကြည့်ပါ။

51:6 Flee. God’s people are called out of Babylon. Lord’s vengeance. See 50:15.

 

၅၁:၇ ရွှေခွက်။ ဗာဗုလုန်မှတစ်ဆင့် ဘုရားသခင်၏ အမျက်ဒေါသကို ဆောင်ရွက်သည့်ခွက် (၂၅:၁၅ ကိုကြည့်ပါ)။

51:7 golden cup. Of God’s fury, enacted through Babylon (see 25:15).

 

၅၁:၈ ရုတ်တရက်ကျဆုံးသည်။ လူမျိုးအားလုံးကဲ့သို့ ဘုရားသခင်၏ အမျက်ဒေါသဖြင့် မူးယစ်နေသည် (၂၅:၁၆၊ ဟေရှာယ ၂၁:၉ ကိုကြည့်ပါ)။

51:8 suddenly fallen. Like all nations, drunk with God’s fury (see 25:16; Is. 21:9).

 

၅၁:၉ မကုသနိုင်တော့ပါ။ ဗာဗုလုန်သည် ပြန်လည်ပြုပြင်ရန် အခွင့်အလမ်းကို လက်လွှတ်ခဲ့သည်။ မိမိတိုင်းပြည်သို့ ပြန်သွားကြလော့။ ဗာဗုလုန်၏ ကျဆုံးမှုသည် ပြည်နှင်ဒဏ်ခံလူမျိုးများ၏ လွတ်မြောက်မှုကို ကြေညာသည်။

51:9 not healed. Babylon missed any opportunity for renewal. go … own country. Babylon’s fall announces release for exiled nations.

 

၅၁:၁၁ မီဒိတို့ကို နှိုးဆွသည်။ ဗာဗုလုန်ကို ဖျက်ဆီးပြီး ယုဒပြည်ကို လွှတ်ပေးသော မီဒို-ပါရှီးယားတို့သည် ဆိုင်ရုလက်အောက်တွင်ရှိသည်။ အမျက်ဒေါသ … ဗိမာန်တော်။ ၎င်း၏ဖျက်ဆီးမှုအတွက်ဖြစ်သည်။

51:11 raised up … Medes. The Medo-Persians, under Cyrus, destroy Babylon and liberate Judah. vengeance … temple. For its destruction.

၅၁:၁၃ ရေများစွာနှင့် နီးကပ်စွာရှိသည်။ ယူဖရေးတီးမြစ်၊ ၎င်း၏မြစ်ကွဲများနှင့် တူ

51:13 by many waters. The Euphrates, its tributaries and canals, dominated Babylon scenery. treasures. Babylonian wealth, much of it acquired as booty.

 

၅၁:၁၄ ကိုယ်တိုင်ကျိန်ဆိုခြင်း။ ၄၉:၁၃ ကိုကြည့်ပါ။

51:14 sworn by Himself. See 49:13.

 

၅၁:၁၅–၁၉ ဘုရားသခင်ကို ဖန်ဆင်းရှင်အဖြစ်ချီးမွမ်းသောသီချင်း (၁၀:၁၂–၁၆ ကိုကြည့်ပါ)။

51:15–19 A hymn praising God, the Creator (see 10:12–16).

 

၅၁:၂၀–၂၃ ငါ၏စစ်လက်နက်။ ၅၀:၂၃ ကိုကြည့်ပါ။ အပိုင်းပိုင်းဖျက်ဆီးခြင်း။ ဗာဗုလုန်သည် လူမျိုးများအပေါ် တရားစီရင်ရာတွင် ဘုရားသခင်၏လက်နက်ဖြစ်သည်။

51:20–23 My battle-ax. See 50:23. break … in pieces. Babylon was God’s weapon for the judgment of nations.

 

၅၁:၂၄ ဗာဗုလုန်ကို ပြန်ဆပ်ခြင်း။ စစ်လက်နက်သည် ချိုးဖျက်ခံရလိမ့်မည်။ ဇိအုန်တွင်ပြုသော မကောင်းမှု။ ယုဒပြည်အပေါ် မလိုအပ်သော ရက်စက်မှုကြောင့် တရားစီရင်ခံရခြင်း။

51:24 repay Babylon. The battle-ax will be broken. evil … done in Zion. The reason for judgment is their unnecessary ferocity against Judah.

 

၅၁:၂၅ ဖျက်ဆီးသောတောင်။ အင်အားကြီးသောနိုင်ငံ (ဒံယေလ ၂:၃၅၊ ၄၄–၄၅ ကိုကြည့်ပါ)။

51:25 destroying mountain. Powerful kingdom (see Dan. 2:35, 44–45).

 

၅၁:၂၆ ကျောက်တုံးတစ်တုံးမှမယူ။ အင်ပါယာသည် ပြန်လည်တည်ဆောက်ခံရမည်မဟုတ်။

51:26 not … a stone. The empire will not be rebuilt.

 

၅၁:၂၇ လူမျိုးများကို ပြင်ဆင်ပါ။ အာရရက်နှင့် အာရှကနတ်မှ ဗာဗုလုန်ကို ဆန့်ကျင်ရန် အာရှီယမိုင်းနားမှ ညွန့်ပေါင်းတပ်ကို ဆင့်ခေါ်သည်။ အာရရက်။ ကမ္ဘာဦး ၈:၄ ကိုကြည့်ပါ။ အာရှကနတ်။ ဖြစ်နိုင်ချေရှိသည်မှာ စကီသိယန်များ (ကမ္ဘာဦး ၁၀:၃ ကိုကြည့်ပါ)။

51:27 Prepare the nations. A coalition from Asia-Minor is summoned against Babylon. Ararat. See Gen. 8:4. Ashkenaz. Probably the Scythians (see Gen. 10:3).

 

၅၁:၂၈ မီဒိလူမျိုး။ အခန်းကြီး ၅၁:၁၁ ကိုကြည့်ပါ။

51:28 Medes. See v. 11.

 

၅၁:၂၉–၃၀ ဖန်ဆင်းခြင်းသည် ဘုရားသခင်စစ်ပွဲဆင်နွှဲရာတွင် တုန်လှုပ်သွားသည်။ တိုက်ခိုက်ခြင်းရပ်ဆိုင်းသွားသည်။ ဗာဗုလုန်၏ စစ်တပ်အင်အားသည် ပြိုကွဲသွားသည်။

51:29–30 The creation shudders as God pursues war. ceased fighting. Babylon’s military might crumbles.

 

၅၁:၃၁ ပြေးသူ။ စစ်ပွဲသတင်းသယ်ဆောင်သူ။

51:31 runner. Carrying battle news.

 

၅၁:၃၄–၃၅ ငါ့ကိုမျိုချသည်။ ဗာဗုလုန်၏ လောဘကြောင့် ယုဒပြည်ဖျက်ဆီးခံရပုံကို ယုဒပြည်သူပြောသည်။

51:34–35 devoured me. Judah speaks of how Babylonian greed destroyed them.

 

၅၁:၃၆ သင်၏အမှုကို စောဒကတက်မည်။ ၂၅:၃၁ ကိုကြည့်ပါ။

51:36 plead your case. See 25:31.

 

၅၁:၃၇ ၅၀:၁၃၊ ၃၉ ကိုကြည့်ပါ။

51:37 See 50:13, 39.

 

၅၁:၃၉ မူးယစ်ခြင်း။ အခန်းကြီး ၅၁:၈ ကိုကြည့်ပါ။

51:39 drunk. See v. 8.

 

၅၁:၄၁ ရှေရှက်။ ၂၅:၂၆ ကိုကြည့်ပါ။

51:41 Sheshach. See 25:26.

 

၅၁:၄၂–၄၃ ပင်လယ် … လှိုင်းများ။ ရန်သူများသည် ဗာဗုလုန်ကို လွှမ်းမိုးပြီး ပြိုကွဲစေလိမ့်မည်။

51:42–43 sea … waves. Enemies will roll over Babylon and leave it desolate.

 

၅၁:၄၄ ဘဲလ်ကို အပြစ်ပေးမည်။ ၅၀:၂ ကိုကြည့်ပါ။

51:44 punish Bel. See 50:2.

 

၅၁:၄၅–၄၆ ငါ၏လူများ၊ ထွက်သွားကြလော့။ ပဋိညာဉ်လူမျိုးအတွက် ထွက်ခွာခြင်းအသစ်တစ်ခု၊ သတင်းစကားများကို မယုံဘဲ ဘုရားသခင်ကိုသာ ယုံကြည်ရမည် (၅၀:၈ ကိုကြည့်ပါ)။

51:45–46 My people, go out. A new exodus for the covenant people, who must trust God and not rumors (see 50:8).

 

၅၁:၄၇ နေ့ရက်များရောက်လာလိမ့်မည်။ ၄၈:၁၂ ကိုကြည့်ပါ။ ရုပ်ထုများ။ ၅၀:၃၈ ကိုကြည့်ပါ။

51:47 days are coming. See 48:12. carved images. See 50:38.

 

၅၁:၄၈ ဝမ်းမြောက်စွာသီချင်းဆိုကြလော့။ ပြည်နှင်ဒဏ်ခံရသူများအတွက် လွတ်မြောက်ခြင်းရောက်လာသည်။

51:48 sing joyously. Liberation for the exiles has come.

 

၅၁:၄၉ ၂၅:၂၆ ကိုကြည့်ပါ။

51:49 See 25:26.

 

၅၁:၅၀ ထွက်ပြေးကြလော့။ အခန်းကြီး ၅၁:၆ ကိုကြည့်ပါ။

51:50 Get away. See v. 6.

 

၅၁:၅၁ သူစိမ်းများ … သန့်ရှင်းရာဌာန။ ဗာဗုလုန်လူများသည် ယေရုဆလင်ဗိမာန်တော်ကို ညစ်ညမ်းစေပြီး ဖျက်ဆီးခဲ့သည်။

51:51 strangers … sanctuaries. The Babylonians defiled and destroyed the Jerusalem temple.

 

၅၁:၅၂ အခန်းကြီး ၅၁:၄၇ ကိုကြည့်ပါ။

51:52 See v. 47.

 

၅၁:၅၄–၅၆ သခင်သည် လုယူဖျက်ဆီးနေသည်။ ဘုရားသခင်သည် ဗာဗုလုန်၏ရန်သူဖြစ်သည်။ ဆုံးမခြင်း။ လူတိုင်းသည် ၎င်းတို့၏လုပ်ရပ်များအတွက် တာဝန်ယူရမည်။

51:54–56 Lord is plundering. God is Babylon’s enemy. recompense. All will bear responsibility for their deeds.

 

၅၁:၅၈ ကျယ်ပြန့်သောမြို့ရိုးများ။ ခံတပ်များသည် ရန်သူကို မတားဆီးနိုင်ခဲ့။

51:58 broad walls. Fortifications did not deter the enemy.

 

၅၁:၅၉–၆၀ ရှရယာ။ ဖြစ်နိုင်ချေရှိသည်မှာ ဗာရုတ်၏အစ်ကိုဖြစ်သည် (၄၅:၅ ကိုကြည့်ပါ)။ စတုတ္ထနှစ်။ ဘီစီ ၅၉၃။ စာအုပ်တစ်အုပ်တွင်။ စာလိပ်တစ်ခု။ ဗာဗုလုန်အပေါ် မကောင်းမှု။ ယေရမိသည် ဗာဗုလုန်လူများအတွက် ၎င်းတို့ကို ဆန့်ကျင်သော ပရောဖက်ပြုချက်များကို ပို့လိုက်သည်။

51:59–60 Seraiah. Possibly Baruch’s brother (see 45:5). fourth year. 593 B.C. in a book. A scroll. evil … upon Babylon. Jeremiah sends Babylonians the prophecies against them.

 

၅၁:၆၁–၆၄ ယေရမိ၏ကိုယ်စား ပရောဖက်ပြုချက်တစ်ခုကို ပြဋ္ဌာန်းရန် ညွှန်ကြားချက်များ။ ဗာဗုလုန်သည် နစ်မြုပ်လိမ့်မည်။ စာလိပ်နှင့်အတူ ကျောက်တုံးကဲ့သို့ဖြစ်သည်။ ဤအထိ … ယေရမိ၏စကားများ။ အခန်းကြီး ၅၂ သည် ၂ ရာဇဝင် ၂၄:၁၈–၂၅:၃၀ ကိုအခြေခံထားပြီး ယေရမိ၏စာအုပ်သို့ ထည့်သွင်းခဲ့သည်။

51:61–64 Instructions to enact a prophecy on Jeremiah’s behalf. Babylon shall sink. Like the stone with its scroll. Thus far … words of Jeremiah. Chap. 52 is based on 2 Kin. 24:18–25:30 and was added to the book of Jeremiah.