တောလည်ရာကျမ်း ၁

 

အခန်းကြီး - ၁

ဣသရေလအမျိုးသားတို့သည်၊ အဲဂုတ္တုပြည်မှ ထွက်၍ ဒုတိယနှစ်၊ ဒုတိယလ၊ ပဌမနေ့၌သိနာတောတွင် ပရိသတ်စည်းဝေးရာ တဲတော်မှာ ထာဝရဘုရားသည် မောရှေအား မိန့်တော်မူသည်ကား၊
² သင်နှင့် အာရုန်သည် ဣသရေလအမျိုးသား ပရိသတ်တို့တွင်၊ အသက်နှစ်ဆယ်လွန်၍၊
³ စစ်တိုက်နိုင်သော ယောက်ျားအပေါင်းတို့ကို သူတို့အဆွေအမျိုး အသီးသီးအလိုက် စာရင်းယူလျက်၊ တပ်ခင်းကျင်း၍ ရေတွက်လော့။
⁴ အမျိုးအနွယ်အသီးသီး တမျိုးတယောက်စီ မိမိတို့ အဆွေအမျိုး၌ သူကြီးဖြစ်သော လူတို့သည် သင်တို့နှင့်အတူကူညီ၍ အမှုကိုဆောင်ရကြမည်။
⁵ သင်တို့နှင့်အတူကူညီ၍ အမှုကိုဆောင်ရသော သူဟူမူကား၊ ရုဗင်အမျိုး၊ ရှေဒုရသားဧလိဇုရ။
⁶ ရှိမောင်အမျိုး၊ ဇုရိရှဒ္ဒဲသားရှေလုမျေလ။
⁷ ယုဒအမျိုး၊ အမိနဒပ်သားနာရှုန်။
⁸ ဣသခါအမျိုး ဇုအာသား နာသနေလ။
⁹ ဇာဗုလုန်အမျိုး၊ ဟေလုန်သားဧလျာဘ။
¹⁰ ယောသပ်သားတွင်၊ ဧဖရိမ်အမျိုး အမိဟုဒ်သား ဧလိရှမာ၊ မနာရှေအမျိုး၊ ပေဒါဇုရသားဂါမလျလ။
¹¹ ဗင်္ယာမိန်အမျိုး၊ ဂိဒေါနိ သားအဘိဒန်။
¹² ဒန်အမျိုး၊ အမိရှဒဲသားအဟေဇာ။
¹³ အာရှာအမျိုး၊ ဩကရန်သားပါဂျေလ။
¹⁴ ဂဒ်အမျိုး၊ ဒွေလသားဧလျာသပ်၊
¹⁵ နဿလိအမျိုး၊ ဧနန်သားအဟိရတည်း။
¹⁶ ဤသူတို့သည် ပရိသတ်တွင် ကျော်စောသော သူ၊ အဆွေအမျိုး သူကြီးမင်းဖြစ်၍ ဣသရေလအမျိုး၌ လူတထောင်စီအုပ်ရသောသူ ဖြစ်ကြသတည်း။
¹⁷ ထိုသို့နာမည်ဖြင့် ရွေးတော်မူသော ထိုသူတို့ကို၊ မောရှေနှင့် အာရုန်သည်ခေါ်၍၊
¹⁸ ဒုတိယလ၊ ပဌမနေ့၌ ပရိသတ်အပေါင်းကို စည်းဝေးစေပြီးမှ၊ အဆွေအမျိုးစာရင်းကို ဘော်ပြ၍ အနှစ်နှစ်ဆယ်အလွန်သောသူတို့၏ နာမည်ပေါင်းကို မှတ်သဖြင့်၊
¹⁹ ထာဝရဘုရားသည် မောရှေအား မှာထားတော် မူသည်အတိုင်း၊ သိနာတော၌ ဣသရေလအမျိုးသားတို့ ကို ရေတွက်လေ၏။
²⁰ ဣသရေလ၏သားဦး၊ ရုဗင်၏အမျိုးသားတို့တွင် အဆွေအမျိုး အသီးအသီးလိုက်၍ နာမည်များကို စာရင်း၌ မှတ်သားသည်အတိုင်း၊
²¹ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း လေးသောင်းခြောက်ထောင်ငါးရာ ရှိကြ၏။
²² ရှိမောင်အမျိုးသားတို့တွင် အဆွေအမျိုးအသီး အသီးလိုက်၍ နာမည်များကို စာရင်း၌ မှတ်သားသည် အတိုင်း၊
²³ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း ငါးသောင်းကိုးထောင်သုံးရာရှိကြ၏။
²⁴ ဂဒ်အမျိုးသားတို့တွင် အဆွေအမျိုးအသီးအသီး လိုက်၍ နာမည်များကို စာရင်း၌မှတ်သားသည်အတိုင်း၊
²⁵ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း လေးသောင်းငါးထောင်ခြောက်ရာ ငါးဆယ် ရှိကြ၏။
²⁶ ယုဒအမျိုးသားတို့တွင် အဆွေအမျိုးအသီးအသီးလိုက်၍ နာမည်များကို စာရင်း၌မှတ်သားသည် အတိုင်း၊
²⁷ အသက်နှစ်ဆယ်လွန်၍ စစ်တိုက်နိုင်သောယောက်ျားပေါင်း ခုနစ်သောင်း၊ လေးထောင်ခြောက်ရာ ရှိကြ၏။
²⁸ ဣသခါအမျိုးသားတို့တွင် အဆွေအမျိုးအသီး အသီးကိုလိုက်၍ နာမည်များကို စာရင်း၌ မှတ်သားသည် အတိုင်း၊
²⁹ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း ငါးသောင်းလေးထောင်လေးရာ ရှိကြ ၏။
³⁰ ဇာဗုလုန်အမျိုးသားတို့တွင် အဆွေအမျိုးအသီး အသီးလိုက်၍ နာမည်များကို စာရင်း၌ မှတ်သားသည် အတိုင်း၊
³¹ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း ငါးသောင်းနှစ်ထောင်လေးရာရှိကြ၏။
³² ယောသပ်မှ ဆင်းသက်သော ဧဖရိမ်အမျိုးသား တို့တွင် အဆွေအမျိုးအသီးအသီးလိုက်၍ နာမည်များကို စာရင်း၌ မှတ်သားသည်အတိုင်း၊
³³ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း လေးသောင်းငါးရာ ရှိကြ၏။
³⁴ မနာရှေအမျိုးသားတို့တွင် အဆွေအမျိုးအသီး အသီးလိုက်၍ နာမည်များကို စာရင်း၌ မှတ်သားသည် အတိုင်း၊
³⁵ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း သုံးသောင်းနှစ်ထောင်နှစ်ရာ ရှိကြ၏။
³⁶ ဗင်္ယာမိန်အမျိုးသားတို့တွင် အဆွေအမျိုးအသီး သီးလိုက်၍ နာမည်များကို စာရင်း၌ မှတ်သားသည် အတိုင်း၊
³⁷ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း သုံးသောင်းငါးထောင်လေးရာ ရှိကြ၏။
³⁸ ဒန်အမျိုးသားတို့တွင် အဆွေအမျိုးအသီးအသီး လိုက်၍ နာမည်များကို စာရင်း၌ မှတ်သားသည်အတိုင်း၊
³⁹ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း ခြောက်သောင်းနှစ်ထောင်ခုနစ်ရာ ရှိကြ၏။
⁴⁰ အာရှာအမျိုးသားတို့တွင် အဆွေအမျိုးအသီးအ သီးလိုက်၍ နာမည်များကို စာရင်း၌ မှတ်သားသည် အတိုင်း၊
⁴¹ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း လေးသောင်းတထောင်ငါးရာ ရှိကြ၏။
⁴² နဿလိအမျိုးသားတို့တွင် အဆွေအမျိုးအသီး အသီးလိုက်၍ နာမည်များကို စာရင်း၌ မှတ်သားသည် အတိုင်း၊
⁴³ အသက်နှစ်ဆယ်လွန်၍ စစ်တိုက်နိုင်သော ယောက်ျားပေါင်း ငါးသောင်းသုံးထောင်လေးရာ ရှိကြ၏။
⁴⁴ ထိုသို့မောရှေနှင့် အာရုန်အစရှိသော ဣသရေ လအမျိုး၌ အဆွေအမျိုးသူကြီးဖြစ်သော မင်းဆယ်နှစ်ပါး တို့သည်
⁴⁵ ဣသရေလအမျိုးသားအပေါင်းတို့ကို အဆွေ အမျိုးအလိုက် ရေတွက်၍ စာရင်းယူသည်အတိုင်း၊
⁴⁶ အသက်နှစ်ဆယ်လွန်၍ စစ်တိုက်နိုင်သော လူပေါင်းကား ခြောက်သိန်းသုံးထောင်ငါးရာ ငါးဆယ် ရှိသတည်း။
⁴⁷ လေဝိသားတို့သည်၊ ဘိုးဘအမျိုးအလိုက် စာရင်း မဝင်ရသည် အမှုမှာ၊
⁴⁸ ထာဝရဘုရားသည် မောရှေအား မိန့်တော်မူ သည်ကား
⁴⁹ လေဝိသားတို့ကို၊ ဣသရေလအမျိုးသားတို့နှင့် ရောနှော၍ မရေတွက်ရ။ စာရင်းထဲ၌ မသွင်းရ။
⁵⁰ လေဝိသားတို့အား သက်သေခံချက် တဲတော်ကို ၎င်း၊ တဲတော်တန်ဆာ ရှိသမျှကို၎င်း၊ တဲတော်နှင့်ဆိုင်သမျှတို့ကို၎င်း အပ်၍၊ သူတို့သည် တဲတော်နှင် တဲတော်တန်သော အလုံးစုံကို ဆောင်ရွက်ကြရမည်။ တဲတော်မှုကိုလည်း ထမ်းရကြမည်။ တပ်ချသောအခါ တဲတော်ပတ်လည်၌ မိမိတို့နေရာချရကြမည်။
⁵¹ တဲတော်ကို ယူသွားချိန် ရောက်သောအခါ၊ လေဝိသားတို့သည် ရုပ်သိမ်းရမည်။ နေရာချချိန်ရောက် သောအခါ ထူထောင်ပြန်ရမည်။ လေဝိအမျိုးသားမှတပါး အခြားသော အမျိုးသားသည် ချဉ်းကပ်လျှင်၊ အသေ သတ်ခြင်းကို ခံရမည်။
⁵² ဣသရေလအမျိုးသားတို့သည် တပ်ချသော အခါ၊ အလုံးအရင်းတရှောက်လုံး၊ လူတိုင်း မိမိဆိုင်သော တပ်တွင် မိမိဆိုင်သော အလံနားမှာ မိမိတဲကို ဆောက်ရ မည်။
⁵³ ဣသရေလအမျိုးသားစည်းဝေးရာ၊ ပရိသတ် အပေါ်မှာ အမျက်တော်မသက်ရောက်စေခြင်းငှါ၊ လေဝိသားတို့သည် သက်သေခံချက် တဲတော်ပတ်လည်၌ နေရာချ၍ သက်သေခံချက်တဲတော်ကို စောင့်ရှောက်ရ မည်ဟု၊
⁵⁴ မောရှေအား ထာဝရဘုရားမှာထားတော်မူ သည်အတိုင်း ဣသရေလာအမျိုးသားတို့သည် ပြုကြ၏။

 

အနက်ဖွင့်ချက်။

၁:၁–၁၀:၁၀ ထာဝရဘုရားသည် ဣသရေလလူမျိုးများအား ကာနာန်ပြည်သို့ခရီးဆက်လှမ်းရန်နှင့် ထိုပြည်ကိုသိမ်းပိုက်ရန် ပြင်ဆင်စေရန် ညွှန်ကြားတော်မူသည်။

  1:1–10:10 Here the Lord instructs the Israelites to prepare for resuming their journey to Canaan in order to conquer that land.

 

၁:၂ သန်းခေါင်စာရင်းကောက်ယူပါ။ ဤသည်မှာ တိုက်ခိုက်နိုင်သောအရွယ်ရှိ ဣသရေလအမျိုးသားများကို စစ်တပ်အဖြစ်ဖွဲ့စည်းရန် အနွယ်ဆယ်နှစ်နွယ်အား စစ်ဘက်ဆိုင်ရာ သန်းခေါင်စာရင်းကောက်ယူခြင်းဖြစ်သည်။ မိသားစုအလိုက်။ အနွယ်အလိုက်စစ်တပ်ဖွဲ့စည်းမှုသည် ထိရောက်ပြီး၊ စစ်တပ်ခေါင်းဆောင်များသည် လူမှုရေးခေါင်းဆောင်များအဖြစ် လေးစားခံရပြီးဖြစ်သည်။ ထို့ပြင်၊ ဆွေမျိုးရင်းချာများသည် အချင်းချင်း ထောက်ပံ့ကာကွယ်လိုကြသည်။

 1:2 Take a census. This was a military census of 12 tribes to organize Israelite men of fighting age into an army. by their families. Tribal military organization was effective because the army leaders already commanded respect as social leaders. Also, close relatives would want to support and protect each other.

 

၁:၃ နှစ်ဆယ်နှစ်အရွယ်နှင့်အထက်။ အမျိုးသားများအား တိုက်ခိုက်ရန်အတွက် သင့်လျော်သောအရွယ်ဟု သတ်မှတ်သည် (၁:၁၈၊ ၄၅ ကိုကြည့်ပါ)။ ၀တ်ပြုရာ ၂၇:၃ တွင် အသက် ၂၀–၆၀ ရှိ အမျိုးသားများသည် ရုပ်ပိုင်းဆိုင်ရာအလုပ်လုပ်နိုင်စွမ်းအတွက် အမြင့်ဆုံးတန်ဖိုးထားခံရသည်နှင့် နှိုင်းယှဉ်ပါ။

 1:3 twenty years old and above. The age at which men were considered old enough to fight (see 1:18, 45). Compare Lev. 27:3, where males 20–60 years are valued most highly for their capacity to do physical work.

 

၁:၄၆ ခြောက်သိန်းသုံးထောင်ငါးရာ့ငါးဆယ်။ ဤစစ်ဘက်သန်းခေါင်စာရင်းစုစုပေါင်းတွင် အသက်နှစ်ဆယ်အောက် အမျိုးသားများ၊ အမျိုးသမီးများ၊ နှင့် ဣသရေလလူမျိုးများနှင့်ပူးပေါင်းလိုက်ပါလာသော “ရောနှောလူအုပ်” (ထွက် ၁၂:၃၈) တို့ မပါဝင်ပါ။ ဣသရေလလူမျိုးအားလုံး၏ စုစုပေါင်းသည် တိရစ္ဆာန်များမပါဘဲ နှစ်သန်းကျော်ရှိရမည်။ ဤမျှလူအများသည် တောကန္တာရတွင် ရှင်သန်နိုင်ရန် လူ့အလျှင် မဖြစ်နိုင်ပါ။ အချို့ပညာရှင်များက ဟေဗြဲစကားလုံး “ထောင်” သည် “စစ်တပ်အဖွဲ့အစည်းကြီး” ဟုလည်း အဓိပ္ပာယ်ရှိနိုင်သည်ဟု ထောက်ပြသည်။ ဤအရေအတွက်များနှင့်ပတ်သက်၍ ထွက်မြောက်ရာ၏ နိဒါန်းတွင် “ပန္နဒေသကျမ်းများရှိ အရေအတွက်များ” ကို ကြည့်ပါ။

 1:46 six hundred and three thousand five hundred and fifty. This total of the military census does not include males below the age of twenty, females, or the “mixed multitude” that joined the Israelites (Ex. 12:38). The total of all Israelites must have been more than two million, not counting livestock. It was humanly impossible for this many to survive in the wilderness. Some scholars point out that the Hebrew word for “thousand” can also mean a “large military unit.” For further discussion of these numbers see the Introduction to Exodus, “Numbers in the Pentateuch.”

 

၁:၅၁ ပြင်ပလူတစ်ဦးသည် နီးကပ်လာလျှင်။ လေဝိမဟုတ်သူတစ်ဦးသည် လေဝိများအတွက် သီးသန့်ထားရှိသော လုပ်ငန်းနှင့် နေရာထိုင်ခင်းအဆင့်ကို ကျော်လွန်သွားသည် (၃:၁၀၊ ၃၈၊ ၁၈:၇ ကိုကြည့်ပါ)။ ဘုရားသခင်၏ တန်ခိုးကြီးမားသောရှိန်တော်သည် ချို့ယွင်းသူများကို အကာအကွယ်မရှိလျှင် ဖျက်ဆီးနိုင်သော နျူကလီးယားစွမ်းအားနှင့်တူသည် (ထွက် ၃၃:၂၀)။

 1:51 outsider who comes near. A non-Levite person who crossed boundaries of function and space reserved for Levites (compare 3:10, 38; 18:7). God’s awesome presence was like a nuclear force that would consume faulty people unless they were shielded (Ex. 33:20).