ရာဇဝင်ချုပ် ပထမစောင်- ၁၅

 

အခန်းကြီး - ၁၅

ထိုနောက်ဒါဝိဒ်မြို့၌ အိမ်တော်တို့ကို ဆောက် တော်မူ၏။ ဘုရားသခင်၏ သေတ္တာတော်ဌာနကို ပြင်၍ တဲတော်ကိုလည်း တည်တော်မူပြီးမှ၊
² ဒါဝိဒ်က၊ ဘုရားသခင်၏ သေတ္တာတော်ကို ထမ်း၍ ရှေ့တော်၌ အမှုတော်ကို အစဉ်စောင့်စေခြင်းငှါ ထာဝရဘုရားသည် လေဝိသားတို့ကို ရွေးချယ်တော်မူ သောကြောင့်၊ အခြားတပါးသော သူတို့သည် ဘုရားသခင် ၏ သေတ္တာတော်ကို မထမ်းရကြဟုဆိုလျက်၊
³ ထာဝရဘုရား၏ သေတ္တာတော်အဘို့ ပြင်ဆင် သော အရပ်ဌာနသို့ ဆောင်ခဲ့ခြင်းငှါ ဣသရေလအမျိုး သားအပေါင်းတို့ကို ယေရုရှလင်မြို့၌ စုဝေးစေသောအခါ၊
⁴ အာရုန်သားတို့နှင့် လေဝိသားတို့ကိုလည်း စုဝေး စေတော်မူ၍ ရောက်လာသောသူဟူမူကား၊
⁵ ကောဟတ်အမျိုးတွင် အကြီးဖြစ်သော ဥရေလ နှင့် သူ၏ညီအစ်ကိုတရာနှစ်ဆယ်၊
⁶ မေရာရိအမျိုးတွင် အကြီးဖြစ်သော အသာယ နှင့်သူ၏ညီအစ်ကိုတရာနှစ်ဆယ်၊
⁷ ဂေရရှုံအမျိုးတွင် အကြီးဖြစ်သော ယောလနှင့် သူ၏ညီအစ်ကို တရာသုံးဆယ်၊
⁸ ဧလိဇဖန်အမျိုးတွင် အကြီးဖြစ်သော ရှေမာယ နှင့်သူ၏ညီအစ်ကိုနှစ်ရာ
⁹ ဟေဗြုန်အမျိုးတွင် အကြီးဖြစ်သော ဧလျေလ နှင့် သူ၏ညီအစ်ကိုရှစ်ဆယ်၊
¹⁰ ဩဇေလအမျိုးတွင် အကြီးဖြစ်သော အမိနဒပ် နှင့်သူ၏ညီအစ်ကို တရာတဆယ်နှစ်ယောက်တည်း။
¹¹ ဒါဝိဒ်သည်လည်း ယဇ်ပုရောဟိတ် ဇာဒုတ်နှင့် အဗျာသာ၊ လေဝိသား ဩရေလ၊ အသာယ၊ ယောလ၊ ရှေမာယ၊ ဧလျေလ၊ အမိနဒပ်တို့ကို ခေါ်၍၊
¹² သင်တို့သည် လေဝိသားအဆွေအမျိုးသူကြီး ဖြစ်ကြ၏။ ဣသရေလအမျိုး၏ ဘုရားသခင် ထာဝရ ဘုရား၏ သေတ္တာတော်အဘို့ ငါပြင်ဆင်သော အရပ် ဌာနသို့ ဆောင်ခဲ့ခြင်းငှါ ကိုယ်ကို၎င်း၊ ညီအစ်ကိုတို့ ကို၎င်း၊ သန့်ရှင်းစေကြလော့။
¹³ အရင်ကမသန့်ရှင်း၊ တရားလမ်းသို့ မလိုက်ဘဲ ငါတို့ဘုရားသခင် ထာဝရဘုရားကို ရှာသောကြောင့် ဒဏ်ခတ်တော်မူသည်ဟု သတိပေး၏။
¹⁴ ထိုအခါ ယဇ်ပုရောဟိတ်တို့နှင့် လေဝိသား တို့သည်၊ ဣသရေလအမျိုး၏ ဘုရားသခင်ထာဝရဘုရား ၏သေတ္တာတော်ကို ဆောင်ခဲ့ခြင်းငှါ ကိုယ်ကိုသန့်ရှင်းစေ ကြ၏။
¹⁵ ထာဝရဘုရားအမိန့်တော်နှင့်အညီ မောရှေ မှာထားခဲ့သည်အတိုင်း၊ လေဝိသားတို့သည် ဘုရားသခင် ၏ သေတ္တာတော်ကို သေတ္တာတော်ထမ်းဘိုးဖြင့် ထမ်းကြ ၏။
¹⁶ လေဝိသားအကြီးအကဲတို့သည် စောင်း၊ တယော၊ ခွက်ကွင်းအစရှိသော တုရိယာမျိုးနှင့် သီချင်းဆိုတတ် သော ညီအစ်ကိုတို့ကို ဝမ်းမြောက်စွာ အသံပြိုင် ဆိုစေခြင်းငှါ ခန့်ထားရမည်အကြောင်း အမိန့်တော်ရှိ သည်အတိုင်း၊
¹⁷ ထိုလေဝိသားတို့သည် ယောလသားဟေမန်၊ သူ၏ညီစုထဲက ဗေရခိသားအာသပ်၊ မိမိတို့ညီစု၊ မေရာရိ အမျိုးထဲက ကုရှာယသားဧသန်တို့ကို၎င်း၊
¹⁸ မိမိတို့ညီဒုတိယအရာရှိဖြစ်သော ဇာခရိ၊ ဗင်္ယာဇေလ၊ ရှေမိရာမုတ်၊ ယေဟေလ၊ ဥန္နိ၊ ဧလျာဘ၊ ဗေနာယ၊ မာသေယ၊ မတ္တိသိ၊ ဧလိဖလေ၊ မိတ်နေယ၊ တံခါးစောင့်ဩဗဒေဒုံ၊ ယေလ၊ အာဇဇိတို့ကို၎င်း ခန့်ထားကြ၏။
¹⁹ သီချင်းဆရာဟေမန်၊ အာသပ်၊ ဧသန်တို့သည် ကြေးဝါခွက်ကွင်းကို တီးရကြ၏။
²⁰ ဇာခရိ၊ ဗင်္ယာဇေလ၊ ရှေမိရာမုတ်၊ ယေဟေလ၊ ဥန္နိ၊ ဧလျာဘ၊ မာသေယ၊ ဗေနာယတို့သည် အာလမုတ် တယောကို ထိုးရကြ၏။
²¹ မတ္တိသိ၊ ဧလိဖလေ၊ မိတ်နေယ၊ ဩဗဒေဒုံ၊ ယေလ၊ အာဇဇိတို့သည် အသံစုံလင်စွာ ရှေမိနိတ်စောင်း ကို တီးရကြ၏။
²² လေဝိသားအကြီးအကဲဖြစ်သော ခေနနိသည် သီချင်းအတတ်၌ လေ့ကျက်သောကြောင့် သီချင်း ဆရာကြီးဖြစ်၏။
²³ ဗေရခိနှင့် ဧလကာနသည် သေတ္တာတော်တံခါး စောင့်ဖြစ်၏။
²⁴ ယဇ်ပုရောဟိတ်ရှေဗနိ၊ ယောရှဖတ်၊ နာသ နေလ၊ အာမသဲ၊ ဇာခရိ၊ ဗေနာယ၊ ဧလျေဇာတို့သည် ဘုရားသခင်၏ သေတ္တာတော်ရှေ့မှာ တံပိုးမှုတ်ရကြ၏။ ဩဗဒေဒုံနှင့် ယေဟိသည်လည်း သေတ္တာတော်တံခါး စောင့်ဖြစ်၏ ။
²⁵ ထိုသို့ဒါဝိဒ်မင်းနှင့် ဣသရေလအမျိုးအသက် ကြီးသူ၊ လူတထောင်အုပ်တို့သည် ထာဝရဘုရား၏ ပဋိညာဉ်သေတ္တာတော်ကို၊ ဩဗဒေဒုံအိမ်မှ ဝမ်းမြောက် သောစိတ်နှင့် ဆောင်ခဲ့ခြင်းငှါ သွားကြ၏။
²⁶ ထာဝရဘုရား၏ ပဋိညာဉ် သေတ္တာတော် ကို ထမ်းသော လေဝိသားတို့ကို ဘုရားသခင် မစတော် မူသည်ဖြစ်၍၊ သူတို့သည် နွားခုနစ်ကောင်နှင့် သိုးခုနစ် ကောင်တို့ကို ယဇ်ပူဇော်ကြ၏။
²⁷ ဒါဝိဒ်နှင့် သေတ္တာတော်ကို ထမ်းသော လေဝိ သားများ၊ သီချင်းဆရာခေနနိနှင့် သီချင်းဆိုသူများတို့ သည် ပိတ်ချောကိုဝတ်ကြ၏။ ဒါဝိဒ်သည် ပိတ်သင်တိုင်း ကိုလည်း ထပ်၍ဝတ်၏။
²⁸ ထိုသို့ ဣသရေလအမျိုးသားအပေါင်းတို့သည် ကြွေးကြော်လျက်၊ နှဲခရာ၊ တံပိုး၊ ခွက်ကွင်း၊ တယော၊ စောင်းတို့ကို တီးမှုတ်လျက်၊ ထာဝရဘုရား၏ ပဋိညာဉ် သေတ္တာတော်ကို ဆောင်ခဲ့ကြ၏။
²⁹ ထာဝရဘုရား၏ ပဋိညာဉ်သေတ္တာတော်သည်။ ဒါဝိဒ်မြို့နထဲသို့ဝင်သောအခါ၊ ရှောလု၏ သမီးမိခါလ သည် ပြတင်းပေါက်ကကြည့်၍၊ ဒါဝိဒ်မင်းကြီးသည် ကလျက်တီးမှုတ်လျက်လာသည်ကို မြင်သဖြင့် စိတ်နှလုံး ထဲ၌ မထီမဲ့မြင်ပြု၏။

အနက်ဖွင့်ချက်။

၁၅:၁-၂၉ ဒါဝိဒ်သည် သေတ္တာတော်ကို ယေရုရှလင်သို့ ရွှေ့ပြောင်းရန် ဒုတိယအကြိမ်ကြိုးစားမှုတွင် အောင်မြင်ခဲ့သည်။

15:1–29 David is successful in his second attempt to move the ark to Jerusalem.

 

၁၅:၁ တဲတစ်လုံး။ နှစ်ပေါင်းများစွာ ဣသရေး၏သန့်ရှင်းရာဌာနသည် သယ်ယူပို့ဆောင်နိုင်သော အဆောက်အအုံဖြစ်ခဲ့သည် (၂ ရာ ၇:၆-၇)။

15:1 a tent. For centuries Israel’s sanctuary was a portable structure (2 Sam. 7:6–7).

 

၁၅:၂ လေဝိသားများသာ။ သေတ္တာတော်ကို ရွှေ့ပြောင်းရန် ဒုတိယအကြိမ်ကြိုးစားမှုတွင်၊ ဒါဝိဒ်သည် လေဝိသားများနှင့် ယဇ်ပုရောဟိတ်များသာ သေတ္တာတော်သယ်ဆောင်ခြင်းအပါအဝင် အခမ်းအနားအားလုံးကို ဦးဆောင်ရမည်ဟူသော စည်းမျဉ်းများကို တင်းကြပ်စွာ လိုက်နာခဲ့သည်။

15:2 but the Levites. In this second attempt to relocate the ark, David strictly observes the rules that Levites and priests lead in all the events of the ceremony, including the carrying of the ark.

 

၁၅:၅ ဥရိယဲလ်။ ဤအမည်သည် “ဘုရားသခင်သည် ငါ၏အလင်းဖြစ်သည်” ဟု အဓိပ္ပာယ်ရှိသည်။

15:5 Uriel. The name means “God is my light.”

 

၁၅:၁၀ သူ၏ညီအစ်ကိုများ။ မူရင်းဟေဗြဲစကားလုံးသည် မိသားစုအတွင်း ရင်းနှီးသော ဆွေမျိုးများအတွက်လည်း အသုံးပြုနိုင်သည်။

15:10 his brethren. The original Hebrew word can also be used for close relatives in a family.

 

၁၅:၁၂ မိမိကိုယ်ကို သန့်ရှင်းစေကြလော့။ သေတ္တာတော်သည် သန့်ရှင်းသောအရာဖြစ်သောကြောင့်၊ ၎င်းကို ကိုင်တွယ်ရန် အထူးသန့်ရှင်းရာဌာနထုံးတမ်းလိုအပ်သည် (ယောရှု ၃:၅-၆)။

15:12 sanctify yourselves. Since the ark is a sacred object, its handling requires a special rite of consecration (Josh. 3:5–6).

 

၁၅:၂၄ တံပိုးမှုတ်ရန်။ တံပိုးနှင့် ကြေးစည်များကို သီချင်းတစ်ပုဒ်၏အစကို ကြေညာရန် အသုံးပြုခဲ့သည် (ကျမ်းပိုဒ် ၁၆၊ ၂၈)။

15:24 to blow the trumpets. The trumpets and cymbals were used to announce the beginning of a song (vv. 16, 28).

 

၁၅:၂၆ ခုနှစ်။ ပြည့်စုံခြင်း၏ဂဏန်းဖြစ်သည်။

15:26 seven. The number of completeness.

 

၁၅:၂၇ ပိတ်သားဧဖုဒ်။ ယဇ်ပုရောဟိတ်များက ပုံမှန်ဝတ်ဆင်သော အဝတ်တစ်မျိုး (၁ ရာ ၂:၁၈) ဖြစ်ပြီး၊ ဘုရားသခင်ထံ တိုင်ပင်ဆွေးနွေးရန်အတွက် အသုံးပြုသည်။

15:27 a linen ephod. A garment normally worn by priests (1 Sam. 2:18) and used for consulting the Lord.

 

၁၅:၂၈ ဦးချိုသံ။ သိုးထီးချို့ (ရှိုဖာ)။

15:28 the sound of the horn. The ram’s horn (shofar).

 

၁၅:၂၉ မိခါလ်။ ရှောလု၏သမီးဖြစ်ပြီး ဒါဝိဒ်နှင့်လက်ထပ်ထားသူ။ ဤနေရာတွင် သူမ၏သဘောထားသည် ဒါဝိဒ်၏ဝမ်းမြူးမှုနှင့် ဆန့်ကျင်ဘက်ဖြစ်သည်။ ဇာတ်လမ်းအပြည့်အစုံအတွက် ၂ ရာ ၆:၂၀–၂၃ နှင့် မှတ်ချက်များကို ကြည့်ပါ။

15:29 Michal. Saul’s daughter who was married to David. Her attitude is contrasted here with David’s joy. For the full story, see 2 Sam. 6:20–23 and notes.