ထွက်မြောက်ရာကျမ်း ၃၈

 

အခန်းကြီး - ၃၈

တနည်းကား၊ အလျားငါးတောင်၊ အနံငါးတောင်ရှိ၍ စတုရန်းလေးထောင့်ဖြစ်သော မီးရှို့ရာ ယဇ်ပလ္လင်ကို အကာရှသားနှင့်လုပ်လေ၏။ အမြင့်လည်း သုံးတောင်ရှိ၏။
² ယဇ်ပလ္လင်လေးထောင့်အပေါ်မှာ ဦးချိုလေးချောင်းကို အကာရှသားနှင့်လုပ်၍ ကြေးဝါနှင့် မွမ်းမံလေ၏။
³ အိုးနှင့်တကွ တူးရွင်းပြား၊ အင်တုံ၊ အမဲသားချိတ်၊ လင်ပန်း အစရှိသော ယဇ်ပလ္လင်နှင့် ဆိုင်သော တန်ဆာရှိသမျှတို့ကို ကြေးဝါနှင့်လုပ်လေ၏။
⁴ ကြေးဝါဆန်ခါကို လုပ်၍ ယဇ်ပလ္လင်ခါးပန်းအောက်အလယ်၌ထား၍၊
⁵ ထမ်းဘိုးထားရာ ဆန်ခါလေးထောင့်၌ တပ်ရသော ကြေးဝါလေးကွင်းကို သွန်းလေ၏။
⁶ အကာရှသားထမ်းဘိုးတို့ကို လုပ်၍ ကြေးဝါနှင့် မွမ်းမံပြီးမှ၊
⁷ ယဇ်ပလ္လင်ကို ထမ်းစရာဘို့ တဘက်တချက်ကွင်းများ၌ လျှိုထားလေ၏။ ထိုယဇ်ပလ္လင်ကို အပေါ်အောက် ဟင်းလင်းဖြစ်စေခြင်းငှာ၊ ပျဉ်ပြားနှင့် လုပ်လေ၏။
⁸ ပရိသတ်စည်းဝေးရာ တဲတော်တံခါးရှေ့မှာ စည်းဝေးတတ်သော မိန်းမတို့၏ ကြေးဝါမှန်များကို ယူ၍ ကြေးဝါ အင်တုံနှင့် ကြေးဝါခြေထောက်ကို လုပ်လေ၏။
⁹ တဲတော်ဝင်းကာရန်မူကား၊ အလျားအတောင် တရာရှိသော ပိတ်ချောနှင့် တောင်ဘက်၌ ကုလားကာကို လုပ်လေ၏။
¹⁰ ထိုကုလားကာဘို့ တိုင်နှစ်ဆယ်၊ တိုင်ခြေစွပ်နှစ်ဆယ်ကို ကြေးဝါနှင့်လုပ်၍ တိုင်တံစို့၊ တိုင်တန်းတို့ကို ငွေဖြင့်ပြီးစေ၏။
¹¹ ထိုနည်းတူ မြောက်ဘက်၌ ကာရန်အလျားအတောင် တရာရှိသော ကုလားကာနှင့်တကွ ငွေတံစို့၊ ငွေတန်းပါသော ကြေးဝါတိုင်နှစ်ဆယ်၊ ကြေးဝါခြေစွပ်နှစ်ဆယ်ရှိ၏။
¹² အနောက်ဘက်၌ ကာရန် အလျားအတောင် ငါးဆယ်ရှိသော ကုလားကာနှင့်တကွ တိုင်တဆယ်၊ ခြေစွပ် တဆယ်ရှိ၏။
¹³ အရှေ့ဘက်၌လည်း အတောင်ငါးဆယ်ရှိ၏။
¹⁴ တံခါးဝ တဘက်တချက်၌ ကာရန် အလျားဆယ်ငါးတောင်ရှိသော ကုလားကာနှင့်တကွ တိုင်သုံးတိုင်၊ ခြေစွပ်သုံးခုရှိ၏။
¹⁵ တံခါးဝ တဘက်တချက်၌ ကာရန် အလျားဆယ်ငါးတောင်ရှိသော ကုလားကာနှင့်တကွ တိုင်သုံးတိုင်၊ ခြေစွပ်သုံးခုရှိ၏။
¹⁶ ဝင်းပတ်လည်၌ကာသော ကုလားကာရှိသမျှတို့သည် ပိတ်ချောဖြင့်ပြီး၏။
¹⁷ တိုင်တို့သည် ကြေးဝါခြေစွပ်၊ ငွေတံစို့၊ ငွေတန်းနှင့်ပြည့်စုံ၍ တိုင်ထိပ်များကိုလည်း ငွေနှင့် မွမ်းမံလေ၏။ ဝင်းတိုင်တန်း ရှိသမျှတို့သည် ငွေတန်းဖြစ်၏။
¹⁸ ဝင်းတံခါးဝ၌ ကာရန် ပြာသောအထည်၊ မောင်းသောအထည်၊ နီသောအထည်၊ ပိတ်ချောဖြင့်ပြီး၍ ချယ်လှယ်သော ကုလားကာ၊ အလျားအတောင်နှစ်ဆယ်၊ အမြင့်ငါးတောင်ရှိ၍၊ ဝင်းကာသော ကုလားကာနှင့် တညီတည်းဖြစ်၏။
¹⁹ ဝင်းတံခါးဝတိုင် လေးခုရှိ၍၊ ကြေးဝါခြေစွပ်လေးခု၊ ငွေတံစို့၊ ငွေတန်းများ၊ ငွေနှင့်မွမ်းမံသော ထိပ်များနှင့် ပြည့်စုံကြ၏။
²⁰ တဲတော်တံသင်ဝင်းပတ်လည်၌ စိုက်သော တံသင်ရှိသမျှတို့သည် ကြေးဝါတံသင်ဖြစ်ကြ၏။
²¹ ဤရွေ့ကား၊ မောရှေစီရင်သည်အတိုင်း၊ ယဇ်ပုရောဟိတ် အာရုန်၏သား ဣသမာသည်၊ လေဝိလူများ အမှုတော်ဆောင်စရာ တဲတော်ကို ရေတွက်မှတ်သားသော သက်သေခံချက် တဲတော်စာရင်းပေတည်း။
²² မောရှေအား ထာဝရဘုရားမှာထားတော်မူသမျှတို့ကို၊ ယုဒအမျိုးသားဟုရ၏သား ဖြစ်သော၊ ဥရိ၏ သားဗေဇလေလသည် လုပ်လေ၏။
²³ ထိုမှတပါး၊ ထုလုပ်တတ်သောသူ၏ အလုပ်၊ ဆန်းပြားသော လက်သမားအလုပ်၊ ပြာသောအထည်၊ မောင်းသောအထည်၊ နီသောအထည်၊ ပိတ်ချောကို ချယ်လှယ်တတ်သောသူ၏ အလုပ်ကို လုပ်တတ်သော ဒန်အမျိုးသား အဟိသမက်၏သား အဟောလျဘလည်းရှိ၏။
²⁴ သန့်ရှင်းရာ ဌာနတော်ပြီးအောင်လှူ၍ လုပ်သော ရွှေချိန်ပေါင်းကား အကျပ်တော်အတိုင်း အခွက်နှစ်ရာကိုးဆယ်ခုနစ်ပိဿာသုံးဆယ် ဖြစ်သတည်း။
²⁵ စာရင်းဝင်သော ပရိသတ်များပေးသော ငွေချိန်ပေါင်းကား၊ အကျပ်တော်အတိုင်း အခွက်တထောင်နှင့် တဆယ်ခုနစ်ပိဿာခုနစ်ဆယ်ငါးကျပ် ဖြစ်သတည်း။
²⁶ အသက်နှစ်ဆယ်မှစ၍ ပိုလွန်သမျှသောသူ စာရင်းဝင်သည်အတိုင်း၊ လူခြောက်သိန်းသုံးထောင် ငါးရာငါးဆယ်တို့သည်၊ အကျပ်တော်အလိုက် ငွေချိန်အကျပ်တဝက်စီ ပေးရကြ၏။
²⁷ ခြေစွပ်တခု၌ ငွေအခွက်တဆယ်စီဝင်သည်ဖြစ်၍၊ ငွေအခွက်တထောင်နှင့် တဲတော် ခြေစွပ်၊ အတွင်းကုလားကာ ခြေစွပ်တည်းဟူသော ခြေစွပ် တရာကို သွန်းလေ၏။
²⁸ ကျန်သောငွေအခွက်တဆယ်ခုနစ်ပိဿာခုနစ်ဆယ်ငါးကျပ်နှင့် တိုင်တံစို့နှင့် တိုင်တန်းတို့ကို လုပ်၍ တိုင်ထိပ်များကို မွမ်းမံလေ၏။
²⁹ လှူသော ကြေးဝါပေါင်းကား အခွက်ခုနစ်ရာနှစ်ဆယ်နှင့် လေးပိဿာဖြစ်သတည်း။
³⁰ ထိုကြေးဝါနှင့် ပရိသတ်စည်းဝေးရာ တဲတော်တံခါးဝခြေစွပ်၊ ကြေးဝါယဇ်ပလ္လင်၊ ကြေးဝါဆန်ခါ၊ ယဇ်ပလ္လင်တန်ဆာရှိသမျှကို၎င်း၊
³¹ ကာသောဝင်းခြေစွပ်၊ ဝင်းတံခါးဝခြေစွပ်၊ တဲတော်တံသင်၊ ဝင်းပတ်လည်၌ စိုက်သော တံသင်ရှိသမျှ ကို၎င်း လုပ်လေ၏။

အနက်ဖွင့်ချက်။

၃၈:၂၁–၃၁ ဗိမာန်တော်တည်ဆောက်ရာတွင် အသုံးပြုသော အဖိုးတန်ပစ္စည်းများ၏ စာရင်းသည် တွေ့ဆုံရာတဲ၏ အရေးပါမှုနှင့် တန်ဖိုးကို မီးမောင်းထိုးပြသည်။ နှိုင်းယှဉ်သုတေသနအရ အလားတူပမာဏရှိသော အဖိုးတန်သတ္တုများကို အဲဂုတ္တုတွင်လည်း ဆင်တူရည်ရွယ်ချက်များအတွက် အသုံးပြုခဲ့သည်။ ကျမ်းဟောင်းတွင် တစ်တာလံသည် ပေါင် ၇၅ (၃၄ ကီလိုဂရမ်) အလေးချိန်ရှိသည်ဟု ယေဘုယျတွက်ချက်သည်။ ရွှေအကြွေ၏ အလေးချိန်သည် ကွဲပြားသော်လည်း အောင်စ ၂/၅ (၁၁ ဂရမ်) ခန့်ရှိသည်။ သန့်ရှင်းရာဌာနရွှေအကြွေသည် သာမန်ရွှေအကြွေနှင့် အနည်းငယ်ကွဲပြားသည်။ အသုံးပြုသော ရွှေ၏ စုစုပေါင်းအလေးချိန်သည် ၁ တန်ကျော် (၁ တန်)၊ ငွေသည် ၃ ¾ တန်ကျော် (၃.၄ တန်)၊ ကြေးဝါသည် ၂ ½ တန်ခန့် (၂.၄ တန်) ဖြစ်သည်။

38:21–31 The inventory of the precious materials used in the construction of the tabernacle highlights the importance and value of the tent of meeting. Comparative research suggests that similar amounts of precious metals were also used for similar purposes in Egypt. The OT talent is generally calculated at 75 pounds (34 kg). The weight of a shekel varied but was about 2/5 ounce (11 g). The sanctuary shekel was slightly different from that of the ordinary shekel. The total weight of the gold used was over 1 ton (1 t), the silver amounted to over 3 3/4 tons (3.4 t), and the bronze was about 2 1/2 tons (2.4 t).

 

၃၈:၂၆ ဘေကာ။ အောင်စ ၁/၅ (၅.၅ ဂရမ်) ခန့်ရှိသည်။ လူဦးရေ (တစ်ဦးလျှင် ငွေရွှေအကြွေတစ်ဝက်ပေးဆောင်သူများ) နှင့်ပတ်သက်သော ဆွေးနွေးချက်အတွက် နိဒါန်းတွင် ကြီးမားသောနံပါတ်များဆိုင်ရာ ဆွေးနွေးချက်ကို ကြည့်ပါ။

38:26 bekah. About 1/5 ounce (5.5 g). Concerning the number of men (each paying half a shekel of silver) see the discussion of large numbers in the Introduction.

 

၃၈:၂၁–၃၁ ဗိမာန်တော်တည်ဆောက်ရာတွင် အသုံးပြုသော အဖိုးတန်ပစ္စည်းများ၏ စာရင်းသည် တွေ့ဆုံရာတဲ၏ အရေးပါမှုနှင့် တန်ဖိုးကို မီးမောင်းထိုးပြသည်။ နှိုင်းယှဉ်သုတေသနအရ အလားတူပမာဏရှိသော အဖိုးတန်သတ္တုများကို အဲဂုတ္တုတွင်လည်း ဆင်တူရည်ရွယ်ချက်များအတွက် အသုံးပြုခဲ့သည်။ ကျမ်းဟောင်းတွင် တစ်တာလံသည် ပေါင် ၇၅ (၃၄ ကီလိုဂရမ်) အလေးချိန်ရှိသည်ဟု ယေဘုယျတွက်ချက်သည်။ ရွှေအကြွေ၏ အလေးချိန်သည် ကွဲပြားသော်လည်း အောင်စ ၂/၅ (၁၁ ဂရမ်) ခန့်ရှိသည်။ သန့်ရှင်းရာဌာနရွှေအကြွေသည် သာမန်ရွှေအကြွေနှင့် အနည်းငယ်ကွဲပြားသည်။ အသုံးပြုသော ရွှေ၏ စုစုပေါင်းအလေးချိန်သည် ၁ တန်ကျော် (၁ တန်)၊ ငွေသည် ၃ ¾ တန်ကျော် (၃.၄ တန်)၊ ကြေးဝါသည် ၂ ½ တန်ခန့် (၂.၄ တန်) ဖြစ်သည်။

38:21–31 The inventory of the precious materials used in the construction of the tabernacle highlights the importance and value of the tent of meeting. Comparative research suggests that similar amounts of precious metals were also used for similar purposes in Egypt. The OT talent is generally calculated at 75 pounds (34 kg). The weight of a shekel varied but was about 2/5 ounce (11 g). The sanctuary shekel was slightly different from that of the ordinary shekel. The total weight of the gold used was over 1 ton (1 t), the silver amounted to over 3 3/4 tons (3.4 t), and the bronze was about 2 1/2 tons (2.4 t).

 

၃၈:၂၆ ဘေကာ။ အောင်စ ၁/၅ (၅.၅ ဂရမ်) ခန့်ရှိသည်။ လူဦးရေ (တစ်ဦးလျှင် ငွေရွှေအကြွေတစ်ဝက်ပေးဆောင်သူများ) နှင့်ပတ်သက်သော ဆွေးနွေးချက်အတွက် နိဒါန်းတွင် ကြီးမားသောနံပါတ်များဆိုင်ရာ ဆွေးနွေးချက်ကို ကြည့်ပါ။

38:26 bekah. About 1/5 ounce (5.5 g). Concerning the number of men (each paying half a shekel of silver) see the discussion of large numbers in the Introduction.