ယောဘဝတ္ထု - ၁

 

အခန်းကြီး - ၁

ယောဘအမည်ရှိသောသူတယောက်သည် ဥဇပြည်၌နေ၏။ ထိုသူသည်စုံလင်ဖြောင့်မတ်ခြင်းရှိ၏။ ဘုရားသခင်ကို ကြောက်ရွံသောသူ၊ မကောင်းသောအကျင့်ကို ရှောင်သောသူဖြစ်၏။
² သားခုနစ်ယောက်နှင့် သမီးသုံးယောက်ရှိ၏။
³ သူ၏ဥစ္စာကား၊ သိုးခုနစ်ထောင်၊ ကုလားအုပ်သုံးထောင်၊ နွားယှဉ်ငါးရာ၊ မြည်းမငါးရာ၊ ငယ်သား အတိုင်းမသိများသည်ဖြစ်၍၊ ထိုသူသည် အရှေ့မျက်နှာအရပ်သားတကာတို့ထက် သာ၍ကြီးသောသူဖြစ်၏။
⁴ ယောဘ၏ သားတို့သည် နှစ်စဉ်အတိုင်း အသီးအသီးဘွားသောနေ့ရောက်လျှင်၊ မိမိတို့အိမ်၌ ပွဲခံသဖြင့်၊ နှမသုံးယောက်ကိုလည်းခေါ်၍ အတူစားသောက်လေ့ ရှိကြ၏။
⁵ ပွဲခံသောနေ့ရက်လွန်သောအခါ၊ ယောဘသည်သူတို့ကိုခေါ်၍ သန့်ရှင်းစေပြီးလျှင် နံနက်စောစောထ၍ သူတို့အရေအတွက်အတိုင်း မီးရှို့သောယဇ်ကိုပူဇော်လေ့ရှိ၏။ အကြောင်းမူကား၊ ငါ့သားတို့သည် မှားယွင်း၍ စိတ်နှလုံးထဲ၌ ဘုရားသခင်ကို စွန့်ပစ်ကြပြီလောဟု ယောဘအောက်မေ့၏။ ထိုသို့ယောဘသည် အစဉ်ပြုမြဲ ရှိ၏။
⁶ ဘုရားသခင်၏ သားတို့သည်ထာဝရဘုရားထံတော်၌ ခစားခြင်းငှါလာရသောနေ့ရက်အချိန် ရောက်လျှင်၊ စာတန်သည်လည်း သူတို့နှင့်ရောနှော၍လာ၏။
⁷ ထာဝရဘုရားကလည်း၊ သင်သည်အဘယ်အရပ်က လာသနည်းဟုစာတန်ကိုမေးတော်မူလျှင်၊ စာတန်က၊ မြေကြီးပေါ်မှာ လှည့်လည်၍ အရပ်ရပ်သွားလာခြင်း အမှုထဲက လာပါသည်ဟု ပြန်လျှောက်လေ၏။
⁸ ထာဝရဘုရားကလည်း၊ ငါ့ကျွန်ယောဘကိုဆင်ခြင်ပြီလော။ မြေကြီးပေါ်မှာသူနှင့် တူသောသူ တယောက်မျှမရှိ။ စုံလင်ဖြောင့်မတ်ပေ၏။ ဘုရားသခင်ကို ကြောက်ရွံ့သောသူ၊ မကောင်းသောအကျင့်ကို ရှောင်သောသူဖြစ်သည်ဟု စာတန်အား မိန့်တော်မူ၏။
⁹ စာတန်ကလည်း၊ ယောဘသည် အကျိုးမရဘဲ ဘုရားဝတ်ကို ပြုသလော။
¹⁰ ကိုယ်တော်သည် သူ့ကိုယ်မှစ၍ သူ့အိမ်နှင့် သူ့ဥစ္စာ ရှိသမျှ ပတ်လည်၌ စောင်ရန်းကာတော်မူသည် မဟုတ်လော။ သူပြုလေသမျှတို့ကို ကောင်းကြီးပေးတော်မူပြီ။ သူ့သို့းနွားအစရှိသော တိရစ္ဆာန်တို့သည် မြေပေါ်မှာ အလွန်ပွားများကြပြီ။
¹¹ ယခုမူကား၊ လက်တော်ကိုဆန့်၍ သူ၏ဥစ္စာရှိသမျှကို ထိခိုက်တော်မူလျှင်၊ သူသည် မျက်မှောက်တော်၌ ကိုယ်တော်ကို စွန့်ပယ်ပါလိမ့်မည်ဟု ထာဝရဘုရားကို ပြန်လျှောက်လေ၏။
¹² ထာဝရဘုရားကလည်း၊ သူ၏ဥစ္စာရှိသမျှသည် သင့်လက်၌ရှိ၏။ သူ့ကိုယ်တခုကိုသာ မထိမခိုက်နှင့်ဟု မိန့်တော်မူလျှင်၊ စာတန်သည် ထာဝရဘုရားထံတော်မှ ထွက်သွားလေ၏။
¹³ တနေ့သ၌ ယောဘ၏သားသမီးတို့သည် အစ်ကိုအကြီးအိမ်တွင်စား၍ စပျစ်ရည်ကိုသောက်လျက် နေကြစဉ်၊
¹⁴ ယောဘထံသို့ တမန်တယောက်လာ၍၊ နွားတို့သည် လယ်ထွန်လျက်၊ သူတို့အနားမှာမြည်းမတို့သည် ကျက်စားလျက် ရှိကြသောအခါ၊
¹⁵ ရှေဘအမျိုးသားတို့သည် တိုက်ယူသွားကြပါပြီ။ လူစောင့်တို့ကိုလည်း ထားနှင့်သတ်၍ ကျွန်တော် တယောက်တည်း ကျန်ရစ်လျက်၊ ကိုယ်တော်အား သိတင်းကြားပြောရပါသည်ဟု လျှောက်လေ၏။
¹⁶ ထိုသို့လျှောက်စဉ်တွင်၊ အခြားသောသူတယောက်သည်လာ၍၊ ဘုရားသခင်၏မီးသည် မိုဃ်းကောင်း ကင်မှ ကျသဖြင့်၊ သိုးများနှင့် လူစောင့်များတို့ကို လောင်၍သူတို့သည်ကျွမ်းကုန်ကြပါပြီ။ ကျွန်တော်တယောက် တည်း ကျန်ရစ်လျက်၊ ကိုယ်တော်အား သိတင်းကြားပြောရပါသည်ဟုလျှောက်လေ၏။
¹⁷ ထိုသို့လျှောက်စဉ်တွင်၊ အခြားသောသူ တယောက်သည်လာ၍၊ ခါလဒဲအမျိုးသား တပ်သုံးတပ် တို့သည် ချီ၍ ကုလားအုပ်တို့ကို တိုက်ယူသွားကြပါပြီ။ လူစောင့်တို့ကိုလည်း ထားနှင့်သတ်၍ ကျွန်တော်တယောက်တည်း ကျန်ရစ်လျက်၊ ကိုယ်တော်အား သိတင်းကြားပြောရပါသည်ဟု လျှောက်လေ၏။
¹⁸ ထိုသို့လျှောက်စဉ်တွင်၊ အခြားသောသူတယောက်သည်လာ၍၊ ကိုယ်တော်၏သားသမီးတို့သည် အစ်ကိုအကြီးအိမ်၌ စား၍ စပျစ်ရည်ကို သောက်လျက်နေကြသောအခါ၊
¹⁹ တောမှလေကြီးလာ၍ အိမ်လေးထောင့်ကို တိုက်သဖြင့်၊ အိမ်သည် ထိုလုလင်တို့အပေါ်၌ပြိုလဲပါ၏။ သူတို့သည်သေ၍ ကျွန်တော်တယောက်တည်း ကျန်ရစ်လျက်၊ ကိုယ်တော်အား သိတင်းကြားပြောရပါသည်ဟု လျှောက်လေ၏။
²⁰ ထိုအခါ ယောဘသည် ထ၍ မိမိဝတ်လုံကို ဆုတ်လေ၏။ ဆံပင်ကိုလည်း ရိတ်၍ မြေပေါ်မှာဝပ်လျက် ကိုးကွယ်ပြီးလျှင်၊ ငါသည် အဝတ်မပါဘဲ အမိဝမ်းထဲကထွက်လာ၏။
²¹ အဝတ်မပါဘဲ အမိဝမ်းထဲသို့ ပြန်သွားတော့မည်။ ထာဝရဘုရားပေးတော်မူ၏။ ထာဝရဘုရားလည်း ရုပ်သိမ်းတော်မူ၏။ ထာဝရဘုရား၏ နာမတော်သည် မင်္ဂလာရှိပါစေသတည်းဟု ဆိုလေ၏။
²² ယောဘသည် ဤအမှုများနှင့် တွေ့ကြုံသော်လည်းမမှားယွင်း။ ထာဝရဘုရားကိုလည်းအပြစ် မတင်ဘဲနေ၏။

မှတ်စုများ

Notes

 အနက်ဖွင့်ချက်။

၁:၁–၂:၁၃ ဤအခန်းနှစ်ခုသည် ယောဘ၏ဇာတ်လမ်း၏ အမှာစကားအဖြစ် လူသားနှင့် နတ်ဘုရားဆိုင်ရာ ဇာတ်အိမ်ကို မိတ်ဆက်ပေးသည်။

1:1–2:13 These two chapters, the book’s prologue, introduce the human and supernatural drama that is the story of Job.

 

၁:၁ ဥဇပြည်။ ယောဘသည် အစ္စရေးမဟုတ်သော ဘုရားသခင်၏နောက်လိုက်၊ အီဒုံလူမျိုးဖြစ်နိုင်သည်။ ဥဇသည် ဂျော်ဒန်မြစ်ဝှမ်း၏အရှေ့ဘက်ရှိ ကြီးမားသောနယ်မြေဖြစ်ပြီး တောင်ဘက်တွင် အီဒုံပါဝင်သည်။

1:1 land of Uz. Job was a non-Israelite follower of God, apparently an Edomite. Uz was a large territory east of the Jordan Valley which included Edom in the south.

 

၁:၂–၃ ဥစ္စာပစ္စည်း။ သိုးနွားစသည့် တိရစ္ဆာန်များဖြင့် တိုင်းတာသော ချမ်းသာကြွယ်ဝမှု။

1:2–3 possessions. Wealth as measured in flocks and herds.

 

၁:၄–၅ မီးရှို့ရာယဇ်။ အိမ်မှထွက်ပြီးနောက် ကြာမြင့်စွာ သားသမီးများအတွက် ဆုတောင်းခြင်း၏ တစ်စိတ်တစ်ပိုင်း။

1:4–5 burnt offerings. Part of intercession for children long after they had left home.

 

၁:၆ ဘုရားသခင်၏သားတော်များ။ ဘုရားသခင်ရှေ့တွင် ကောင်းကင်တမန်များ၏ စည်းဝေးပွဲ (၃၈:၇)။ စာတန်။ ရန်သူသို့မဟုတ် စွပ်စွဲသူ၊ ဘုရားသခင်၏ အဓိကရန်သူဖြစ်ပြီး သာမန်ဆန့်ကျင်ဘက်မဟုတ်။ ဟေဗြဲစကားလုံးတွင် အတိအလင်းဖော်ပြချက်ပါရှိသည်။

1:6 the sons of God. The divine assembly of angels in God’s presence (38:7). Satan. The adversary or accuser, who is God’s main enemy, not just any opponent. The Hebrew word is preceded by the definite article.

 

၁:၈ ငါ၏ကျွန်ယောဘ။ ဘုရားသခင်သည် သစ္စာရှိသော အီဒုံလူမျိုး သက်သေကို ဂုဏ်ယူသည်။

1:8 My servant Job. God is proud of His faithful Edomite witness.

 

၁:၁၀ သူ့ကိုကာကွယ်ထားသည်။ ဘုရားသခင်၏ ကောင်းမြတ်မှုကို မကောင်းသောရည်ရွယ်ချက်ဖြင့် (၁၂–၁၉ကြည့်ပါ) စာတန်က မှားယွင်းစွာဖော်ပြခဲ့သည်။

1:10 hedge around him. Out of pure desire to harm (see vv. 12–19), Satan misrepresented God’s goodness.

 

၁:၂၀–၂၂ ယောဘသည် အပြစ်မပြုခဲ့။ စာတန်၏ဖျက်ဆီးမှုသည် ယောဘ၏သစ္စာရှိမှုကို မပြောင်းလဲစေခဲ့။

1:20–22 Job did not sin. Satan’s destructive attack does not change Job’s faithfulness.