ရာဇဝင်ချုပ် ဒုတိယစောင်- ၁၃

 

အခန်းကြီး - ၁၃

ယေရောဗောင်မင်းကြီး နန်းစံဆယ်နှစ်နှစ်တွင် အဘိယသည် ယေရုရှလင်မြို့၌မင်းပြု၍၊
² ယုဒပြည်ကို သုံးနှစ်စိုးစံ၏။ မယ်တော်ကား၊ ဂိဗာမြို့သားဩရေလ၏ သမီးမာခါအမည်ရှိ၏။ အဘိယနှင့် ယေရောဗောင်တို့သည် စစ်တိုက် သောအကြောင်းအရာဟူမူကား၊
³ အဘိယသည် ရွေးချယ်သော စစ်သူရဲကောင်း လေးသိန်းနှင့် စစ်ခင်းကျင်၏။ ယေရောဗောင်သည် ရွေးချယ်သောစစ်သူရဲကောင်းရှစ်သိန်းနှင့် စစ်ခင်း ကျင်း၏။
⁴ အဘိယသည် ဧဖရိမ်ခရိုင်၊ ဇေမရိမ်တောင် ပေါ်မှာ ရပ်လျက်၊ အိုယေရောဗောင်နှင့် ဣသရေလလူ အပေါင်းတို့၊ နားထောင်ကြလော့။
⁵ ဣသရေလအမျိုး၏ ဘုရားသခင် ထာဝရဘုရား သည် ဆားနှင့် ယှဉ်သောပဋိညာဉ်အားဖြင့်၊ ဣသရေလ နိုင်ငံကို ဒါဝိဒ်နှင့်သားတော် မြေးတော်တို့၌အစဉ် အိပ်တော်မူကြောင်းကို၊ သင်တို့သိမှတ်သင့်သည် မဟုတ်လော။
⁶ သို့ရာတွင်၊ ဒါဝိဒ်သားတော်ရှောလမုန်၏ ကျွန်နေဗတ်သားယေ ရောဗောင်သည်၊ မိမိအရှင်ကို တဘက်ထ၍ပုန်ကန်လေပြီ။
⁷ ရှောလမုန်သားရောဗောင်သည် အသက်ငယ်၍ သဘောနူးညံ့သောကြောင့်၊ မဆီးတားနိုင်သောအခါ၊ လှပ်ပေါ်သောသူ၊ အစမ္မလူတို့သည် ယေရောဗောင်ထံမှာ စုဝေး၍၊ ရောဗောင်မင်းတဘက်၌ ကိုယ်ကို ခိုင်ခံ့စေ ကြ၏။
⁸ ယခုလည်း သင်တို့သည် ဒါဝိဒ်၏သားမြေး၌ ရှိသော ထာဝရဘုရား၏ နိုင်ငံတော်ကို ဆီးတားမည်ဟု ကြံစည်ကြသည်တကား၊ သင်တို့သည် များပြား၍ သင်တို့ ဘုရားအရာ၌၊ ယေရောဗောင်လုပ်သော ရွှေနွားသငယ် တို့လည်းရှိကြ၏။
⁹ သင်တို့သည် ထာဝရဘုရားခန့်ထားတော်မူ သော ယဇ်ပုရောဟိတ်၊ အာရုန်အမျိုးနှင့် လေဝိအမျိုးသား တို့ကိုနှင်ထုတ်၍၊ တပါးအမျိုးသားထုံးစံအတိုင်း၊ ကိုယ်အဘို့ ယဇ်ပူရောဟိတ်တို့ကို လုပ်ကြပြီမဟုတ်လော။ ထိုသို့နှင့်အညီ၊ နွားသငယ်တကောင်နှင့် သိုးခုနစ်ကောင် ကို ပေး၍၊ ယဇ်ပုရောဟိတ်အရာ၌ ခန့်ထားခြင်းကို ခံသော သူမည်သည်ကား၊ ဘုရားမဟုတ်သောသူထံမှာ ယဇ်ပုရောဟိတ်ပြုရသည်တကား။
¹⁰ ငါတို့မူကား၊ ထာဝရဘုရားကိုမစွန့်။ ထိုဘုရား သည် ငါတို့၌ ဘုရားသခင်ဖြစ်တော်မူ၏။ ထာဝရဘုရား ၏အမှုတော်ကို ထမ်းသောယဇ်ပုရောဟိတ်တို့သည် အာရုန်အမျိုးဖြစ်ကြ၏။ လေဝိသားတို့သည်လည်း၊ မိမိတို့ အမှိုကို စောင့်နေကြ၏။
¹¹ ထာဝရဘုရားရှေ့တော်၌၊ မီးရှို့ရာယဇ်နှင့် နံ့သာပေါင်းကို နံနက်တိုင်း၊ ညဦးတိုင်းမီးရှို့ကြ၏။ သန့်ရှင်းသော စားပွဲပေါ်မှာ ရှေ့တော်မုန့်ကို၎င်း၊ ညဦး တိုင်းထွန်းစရာဘို့ရွှေမီးခုံနှင့် မီးခွက်တို့ကို၎င်း ပြင်ဆင်ကြ ၏။ ငါတို့သည် ငါတို့၏ဘုရားသခင် ထာဝရဘုရား၏ အမှုတော်ကို စောင့်ကြ၏။ သင်တို့မူကား၊ ထာဝရဘုရား ကို စွန့်ကြပြီ။
¹² ဘုရားသခင် ကိုယ်တော်တိုင်သည်၊ ငါတို့တွင် ဗိုလ်မင်းဖြစ်တော်မူ၏။ ဘုရားသခင်၏ ယဇ်ပုရောဟိတ် တို့သည်လည်း၊ တံပိုးမှုတ်လျက် သင်တို့တဘက်၌ နှိုးဆော် ခြင်းငှါ၊ ငါတို့တွင်ရှိကြ၏။ အိုဣသရေလအမျိုးသားတို့၊ ဘိုးဘေးတို့၏ဘုရားသခင် ထာဝရဘုရားတဘက်၌ မတိုက်ကြနှင့်။ တိုက်လျှင်ရှုံးရကြလိမ့်မည်ဟု ပြောဆို၏။
¹³ ယေရောဗောင်သည် ယုဒလူတို့နောက်၌ မထင် မရှားတပ်ချီစေ၍၊ ကိုယ်တိုင်တဘက်၊ ချောင်းနေသောသူတဘက်၊ ယုဒတပ်ကိုဝိုင်းကြ၏။
¹⁴ ယုဒလူတို့သည် ပြန်ကြည့်သောအခါ၊ စစ်မှုဝိုင်း မိသည်ကိုမြင်လျှင်၊ ထာဝရဘုရားအားဟစ်ခေါ်၍၊ ယဇ် ပုရောဟိတ်တို့သည်လည်း တံပိုးမှုတ်ကြ၏။
¹⁵ တဖန်ယုဒလူတို့သည် ကြွေးကြော်သောအခါ၊ ဘုရားသခင်သည် ယေရောဗောင်ကို အဘိယနှင့် ယုဒလူတို့ ရှေ့မှာ ဒဏ်ခတ်တော်မူသဖြင့်၊
¹⁶ ဣသရေလအမျိုးသားတို့သည် ပြေး၍၊ သူတို့ကို ယုဒလူတို့လက်သို့ ဘုရားသခင်အပ်တော်မူ၏။
¹⁷ အဘိယနှင့် သူ၏လူတို့သည် ကြီးစွာသော လုပ်ကြံခြင်းကိုပြု၍၊ ရွေးချယ်သော ဣသရေလလူ ငါးသိန်းလဲသေသဖြင့်၊
¹⁸ ဣသရေလအမျိုးသားတို့သည်၊ ထိုအခါရှုံး၍၊ ယုဒအမျိုးသားတို့သည် ဘိုးဘေးတို့၏ ဘုရားသခင် ထာဝရဘုရားကို ခိုလှုံသောကြောင့် နိုင်ကြ၏။
¹⁹ အဘိယသည် ယေရောဗောင်ကို လိုက်၍၊ ဗေသလမြို့နှင့်ရွာများ၊ ယေရှနမြို့နှင့်ရွာများ၊ ဧဖရိမ်မြို့ နှင့်ရွာများတို့ကို သူ့လက်မှနှုတ်ယူလေ၏။
²⁰ အဘိယလက်ထက် ကာလပတ်လုံး၊ ယေရော ဗောင်သည် နောက်တဖန်ခွန်အားကို မရပြန်။ ထာဝရ ဘုရားဒဏ်ခတ်တော်မူသဖြင့် သေလေ၏။
²¹ အဘိယမူကား ခွန်အားတိုးပွါး၏။ မယား တဆယ်လေးယောက်တို့ကိုယူ၍ သားနှစ်ဆယ်နှစ် ယောက်နှင့် သမီးတဆယ်ခြောက်ယောက်တို့ကို မြင်ရ၏။
²² အဘိယပြုမူသောအမှုအရာ ကြွင်းလေသမျှတို့ နှင့် ကျင့်သောအကျင့်၊ ပြောသောစကားများတို့သည်၊ ရာဇဝင်နှင့်ဆက်၍ ပရောဖက်ဣဒ္ဒေါစီရင်သော စာ၌ ရေးထားလျက်ရှိ၏။

အနက်ဖွင့်ချက်။

၁၃:၁-၁၄:၁ ဤကျမ်းပိုဒ်သည် ယုဒတွင် အဘိယ၏အုပ်ချုပ်မှုကို ဖော်ပြသည်။ ၎င်းသည် ၁ရာ ၁၅:၁-၈ နှင့်အပြိုင်ဖြစ်သည်။

13:1–14:1 This passage describes Abijah’s reign in Judah. It parallels 1 Kin. 15:1–8.

 

၁၃:၁ အဘိယ။ ဤဘုရင်၏နာမည်သည် “သခင်ဘုရားသည် ကျွန်ုပ်၏ခမည်းတော်ဖြစ်သည်” ဟု အဓိပ္ပာယ်ရသည်။ ဓမ္မရာဇဝင်ပထမစောင်တွင် သူ၏နာမည်မှာ အဘိယမ်ဖြစ်သည်။

13:1 Abijah. The name of this king means “the Lord is my Father.” In 1 Kings, his name is Abijam.

 

၁၃:၂ ဥရိယေလ။ ဤနာမည်သည် “ဘုရားသခင်သည် ကျွန်ုပ်၏အလင်းဖြစ်သည်” ဟု အဓိပ္ပာယ်ရသည်။

13:2 Uriel. This name means “God is my light.”

 

၁၃:၃ ထောင်။ ကြီးမားသောစစ်တပ်ယူနစ်။

13:3 thousand. A large military unit.

 

၁၃:၄ ဇေမာရိမ်။ ဣသရေလနှင့်နယ်စပ်ရှိ ဗင်္ယာမိန်နယ်မြေအတွင်းရှိ မြို့တစ်မြို့၏နာမည်။

13:4 Zemaraim. Name of a town in Benjamin’s territory at the border with Israel.

 

၁၃:၅ ဆားသောကတိ။ ဤစကားစုသည် ကတိသစ္စာပြုခြင်းအခမ်းအနားတွင် အသုံးပြုသောဆားကို ရည်ညွှန်းခြင်းဖြစ်နိုင်သည်။

13:5 a covenant of salt. The expression may be an allusion to the salt used in the sacrificial meal that was a part of a covenant making ceremony.

 

၁၃:၁၀ ယဇ်ပုရောဟိတ်များ။ ဣသရေလတွင် တရားဝင်ယဇ်ပုရောဟိတ်များသည် အာရုန်အိမ်တော်မှဖြစ်သည်။

13:10 the priests. Legitimate priests in Israel belonged to the house of Aaron.

 

၁၃:၁၂ တံပိုးမှုတ်သံများ။ ယဇ်ပုရောဟိတ်များသည် စစ်ပွဲများနှင့် ဘာသာရေးအခမ်းအနားများတွင် တံပိုးမှုတ်သည်။

13:12 sounding trumpets. The trumpets were blown by the priests in warfare and during religious ceremonies.

 

၁၃:၁၅ အော်ဟစ်သံ။ ဘုရင်သစ်တစ်ပါး၏ချီးကျူးသံသည် ပုံမှန်အားဖြင့် တံပိုးမှုတ်သံနှင့်အတူပါလေ့ရှိသည်။

13:15 a shout. The cry of acclamation of a new king was usually accompanied by the blowing of the trumpets.

 

၁၃:၁၉ ဗေသလ။ ယုဒတောင်ပိုင်းနှင့် ဣသရေလမြောက်ပိုင်းနယ်စပ်တွင်တည်ရှိသောမြို့။

13:19 Bethel. The city located at the border between the southern kingdom of Judah and the northern kingdom of Israel.

 

၁၃:၂၂ မှတ်တမ်းများ။ မူရင်းဟေဗြဲစကားလုံးသည် ပရောဖက်ပြုချက်နှင့်အဓိပ္ပာယ်ဖွင့်ဆိုချက်ပါဝင်သော ဇာတ်ကြောင်းကိုဖော်ပြသည်။

13:22 the annals. The original Hebrew word describes a narrative consisting of prophetic exposition and interpretation.