တောလည်ရာကျမ်း ၉

 

အခန်းကြီး - ၉

အဲဂုတ္တုပြည်မှ ထွက်၍ ဒုတိယနှစ်၊ ပဌမလ၌ သိန်တောတွင် ထာဝရဘုရားသည် မောရှေအားမိန့်တော် မူသည်ကား
² ဣသရေလအမျိုးသားတို့သည်၊ ချိန်းချက်သော ကာလအချိန်၌ ပသခါပွဲကို ခံရကြမည်။
³ စီရင်ထုံးဖွဲ့သမျှသော ထုံးစံအတိုင်း၊ ချိန်းချက် သော ကာလအချိန်တည်းဟူသော ယခုလ တဆယ်လေး ရက်နေ့ ညဦးယံ၌ စောင့်ရကြမည်ဟု မိန့်တော်မူ၏။
⁴ ဣသရေလအမျိုးသားတို့သည် ပသခါပွဲကို ခံရမည်အကြောင်း၊ မောရှေဆင့်ဆိုသည်အတိုင်း၊
⁵ သိန်တောတွင် ပဌမလ တဆယ်လေးရက်နေ့ ညဦးယံ၌ ပသခါပွဲကိုခံရကြ၏။ မောရှေအား ထာဝရ ဘုရားမှာ ထားတော်မူသမျှအတိုင်း၊ ဣသရေလအမျိုး သားတို့သည် ပြုကြ၏။
⁶ ထိုနေ့၌ ပသခါပွဲကိုမခံရမည်အကြောင်း၊ လူအသေကောင်အားဖြင့် ညစ်ညူးခြင်းသို့ ရောက်သော လူအချို့တို့သည်၊ ထိုနေ့၌ မောရှေနှင့်အာရုန်ထံသို့ ချဉ်းကပ်၍၊
⁷ အကျွန်ုပ်တို့သည် လူအသေကောင်အားဖြင့် ညစ်ညူးခြင်း ရှိပါ၏။ ချိန်းချက်သောအချိန်၌ ဣသရေလ အမျိုးသားတို့နှင့်အတူ၊ ထာဝရဘုရားအား ပူဇော်သက္ကာကို မပြုစေခြင်းငှါ၊ အကျွန်ုပ်တို့ကို ဆီးတား ပါမည်လောဟု မေးလျှောက်ကြ၏။
⁸ မောရှေကလည်း၊ နေကြဦးလော့။ သင်တို့အမှု၌ ထာဝရဘုရားမိန့်တော်မူသော စကားကို ငါနားထောင်ဦး မည်ဟု ပြန်ဆို၏။
⁹ ထိုအခါ မောရှေအား ထာဝရဘုရားက၊ သင် သည် ဣသရေလအမျိုးသားတို့အား ဆင့်ဆိုရမည်မှာ၊
¹⁰ သင်တို့ အမျိုးသားသည် အသေကောင်အားဖြင့် ညစ်ညူးခြင်းရှိသော်၎င်း၊ ဝေးသောအရပ်သို့ ခရီးသွား သော်၎င်း၊ ထာဝရဘုရားအဘို့ ပသခါပွဲကိုခံရမည်။
¹¹ ဒုတိယလတဆယ်လေးရက်နေ့ညဦးယံ၌ ပွဲခံ၍၊ သိုးသငယ်အသားကို တဆေးမပါသော မုန့်၊ ခါးသော ဟင်းသီးဟင်းရွက်နှင့် စားရမည်။
¹² ထိုအသားကို နံနက်တိုင်အောင် မကြွင်းစေရ။ အရိုးကိုလည်း မချိုးရ။ ပသခါပွဲနှင့် ဆိုင်သောအထုံးအဖွဲ့ ရှိသမျှတို့ကို လိုက်၍ ပွဲခံရသော အခွင့်ရှိ၏။
¹³ ညစ်ညူးခြင်းမရှိ၊ အခြားတပါးသို့ ခရီးမသွား သော သူသည် ပသခါပွဲကို မခံပဲနေလျှင် ထိုသူကို သူ၏ အမျိုးမှပယ်ရှင်းရမည်။ ချိန်းချက်သော အချိန်၌ ထိုသူ သည် ထာဝရဘုရားအဘို့ ပူဇော်သက္ကာကို မဆောင်ခဲ့ သောကြောင့် မိမိအပြစ်ကို ခံရမည်။
¹⁴ သင်တို့ထံမှာ တည်းခိုသော တပါးအမျိုးသား သည် ထာဝရဘုရားအဘို့ ပသခါပွဲကို ခံခြင်းငှါ အလိုရှိ လျှင်၊ စီရင်ထုံးဖွဲ့၍ ခံရသော ထုံးစံအတိုင်း ပွဲခံရမည်။ သင်တို့တွင် တည်းခိုသော တပါးအမျိုးသား၊ ဖြစ်သောသူ၊ အမျိုးသားချင်းဖြစ်သောသူတို့သည် ထုံးစံတပါးတည်း သော ရှိရကြမည်ဟုမိန့်တော်မူ၏။
¹⁵ တဲတော်ကို ထူထောင်သောနေ့၌၊ မိုဃ်းတိမ်သည် တဲတောင်ပေါ်မှာ တည်၍၊ သက်သေခံချက် တဲတော်ကို ဖုံးအုပ်လေ၏။ ညဦးမှစ၍ နံနက်တိုင်အောင် တဲတော်ပေါ်မှာ မီးကဲ့သို့ ထင်လေ၏။
¹⁶ ထိုသို့အစဉ်ဖြစ်၍ နေ့အချိန်၌မိုဃ်းတိမ်ဖုံးအုပ်လျက်၊ ညအချိန်၌မီးကဲ့သို့ ထင်လျက်ရှိ၏။
¹⁷ မိုဃ်းတိမ်သည် တဲတော်အပေါ်မှ ကွာမြောက်သောအခါ၊ ဣသရေလအမျိုးသားတို့သည် ခရီးသွားကြ၏။ မိုဃ်းတိမ်တည်လေရာရာ၌လည်း၊ တဲများကို ဆောက်ပြန်ကြ၏။
¹⁸ ထာဝရဘုရား မိန့်တော်မူသည်အတိုင်း၊ ဣသရေလအမျိုးသားတို့သည် ခရီးသွားကြ၏။ ထာဝရဘုရား မိန့်တော်မူသည် အတိုင်းလည်း တဲများကို ဆောက်ကြ၏။ မိုဃ်း တိမ်သည် တဲတော်အပေါ်မှာ တည်နေသမျှသော ကာလ ပတ်လုံး သူတို့သည် တဲ၌နေကြ၏။
¹⁹ မိုဃ်းတိမ်သည် တဲတော်အပေါ်မှာ နေ့ရက် ကြာမြင့်စွာတည်နေသောအခါ၊ ဣသရေလ အမျိုးသားတို့ သည် ခရီးမသွားဘဲ ထာဝရဘုရားထံတော်၌ စောင့်နေ ကြ၏။
²⁰ မိုဃ်းတိမ်သည် တဲတော်အပေါ်မှာ နေ့ရက် အနည်းငယ်မျှ တည်နေသောအခါ၊ ထာဝရဘုရား အမိန့် တော်အတိုင်း၊ သူတို့သည် တဲ၌ နေကြ၏။ ထာဝရဘုရား အမိန့်တော်အတိုင်းလည်း၊ ခရီးသွားကြ၏။
²¹ ညဦးယံမှစ၍ နံနက်အချိန်တိုင်အောင် မိုဃ်း တိမ်တည်နေ၍ နံနက်အချိန်၌ မြောက်သောအခါ ခရီး သွားကြ၏။ နေ့ဖြစ်စေ၊ ညဖြစ်စေ၊ မိုဃ်းတိမ်မြောက် သောအခါ ခရီးသွားကြ၏။
²² နှစ်ရက်ဖြစ်စေ၊ တလဖြစ်စေ၊ တနှစ်ဖြစ်စေ၊ မိုဃ်းတိမ်သည် တဲတော်ပေါ်မှာ တည်နေသမျှသော ကာလပတ်လုံး ဣသရေလအမျိုးသားတို့သည် ခရီး မသွားဘဲ တဲ၌နေကြ၏။ တဖန်မိုဃ်းတိမ်မြောက်ပြန် သောအခါ ခရီးသွားကြ၏။
²³ ထာဝရဘုရားအမိန့်တော်အတိုင်း တဲ၌ နေကြ ၏။ ထာဝရဘုရား အမိန့်တော်အတိုင်းတဲ၌ နေကြ၏။ ထာဝရဘုရားအမိန့်တော်အတိုင်းလည်း ခရီးသွားကြ၏။ ထာဝရဘုရားသည် မောရှေအားဖြင့် မိန့်တော်မူသည် အတိုင်း ထာဝရဘုရားအထံတော်၌ စောင့်နေကြ၏။

အနက်ဖွင့်ချက်။

၉:၆ လူ့အလောင်းကြောင့် ညစ်ညမ်းခြင်း။ ဆွေမျိုးသေဆုံးသူများကို သင်္ဂြိုဟ်ခြင်းကြောင့် မသန့်ရှင်းဖြစ်နေစဉ်၊ ဣသရေလလူမျိုးများသည် ပသခါယဇ်ပူဇော်မှုအပါအဝင် သန့်ရှင်းသော အစားအစာများကို စားသုံးရန် ခွင့်မပြုခဲ့ပေ (၀တ်၇:၂၀-၂၁)။ ထို့ကြောင့် ၎င်းတို့၏ ထိန်းချုပ်မှုမရှိသော အခြေအနေများကြောင့်၊ အချို့သူများသည် ၎င်းတို့၏ မိသားစုများနှင့်အတူ ပသခါကို ကျင်းပရန် ဖယ်ထုတ်ခံခဲ့ရသည် (တော ၅:၁-၄ နှင့် နှိုင်းယှဉ်ပါ)။

9:6 defiled by a human corpse. While impure as a result of burying dead relatives, Israelites were not permitted to eat any holy food (Lev. 7:20–21), including the Passover sacrifice. So through circumstances beyond their control, some were excluded from celebrating Passover with their families (compare Num. 5:1–4).

 

၉:၁၁ ဒုတိယလ၏ ဆယ်လေးရက်နေ့။ ဘုရားသခင်သည် ပုံမှန်အချိန်ထက် တစ်လစောပြီး သူနှင့် ချိန်းဆိုမှုကို မဖြည့်ဆည်းနိုင်သူများအတွက် ကရုဏာရှိစွာ အခြားပသခါရက်စွဲတစ်ခုကို သတ်မှတ်ပေးခဲ့သည်။

9:11 fourteenth day of the second month. God graciously appointed an alternate Passover date for individuals who were unable to meet the appointment with Him at the usual time a month earlier.

 

၉:၁၄ ဧည့်သည်တော်အတွက်။ နေထိုင်သူ နိုင်ငံခြားသားတစ်ဦးသည် ဣသရေလလူမျိုး၏ အမျိုးသားပွဲတော်ဖြစ်သော ပသခါတွင် ပါဝင်ခွင့်ရှိသည်၊ သို့သော် ထိုနိုင်ငံခြားသားသည် ယောက်ျားဖြစ်ပါက ပဋိညာဉ်၏ လက္ခဏာဖြစ်သော အရေဖျားလှီးခြင်းကို ခံယူရမည် (ထွက် ၁၂:၄၈၊ က ၁၇:၁၀-၁၄ နှင့် နှိုင်းယှဉ်ပါ)။ ဤနည်းဖြင့် ဣသရေလမဟုတ်သောသူများသည် မှန်ကန်သောဘုရားကို ကိုးကွယ်သည့် အသိုင်းအဝိုင်းထဲသို့ ဆန္ဒအလျောက် ထည့်သွင်းခံရပြီး၊ ၎င်းသည် အာဗြဟံ၏ သားမြေးများမှတစ်ဆင့် ကမ္ဘာပေါ်ရှိ လူမျိုးအားလုံး ကောင်းကြီးခံစားရမည်ဟူသော ကတိကို တစ်စိတ်တစ်ပိုင်း ဖြည့်ဆည်းပေးသည် (က ၁၂:၃၊ ၂၂:၁၈)။

9:14 for the stranger. A resident alien was permitted to participate in the Israelite national festival of Passover, provided that if the foreigner was male he had received the covenant sign of circumcision (Ex. 12:48; compare Gen. 17:10–14). In this way non-Israelites could be voluntarily incorporated into the community that worshiped the true God. This would partly fulfill the promise to Abraham that through his descendants all peoples of the earth would be blessed (Gen. 12:3; 22:18).