ဓမ္မရာဇဝင်စတုတ္ထစောင် ၁၅

 

အခန်းကြီး - ၁၅

¹ ဣသရေလရှင်ဘုရင်ယေရောဗောင် နန်းစံနှစ် ဆယ်ခုနစ်နှစ်တွင်၊
² ယုဒရှင်ဘုရင် အာမဇိသား ဩဇိသည် အသက် တဆယ်ခြောက်နှစ်ရှိသော်၊ နန်းထိုင်၍ ယေရုရှလင်မြို့၌ ငါးဆယ်နှစ်နှစ်စိုးစံလေ၏။ မယ်တော်ကား၊ ယေရုရှလင် မြို့သူ ယေခေါလိအမည်ရှိ၏။
³ ထိုမင်းသည် ခမည်းတော်အာမဇိပြုသမျှ အတိုင်း ထာဝရဘုရားရှေ့တော်၌ တရားသောအမှုကို ပြု၏။
⁴ သို့ရာတွင် မြင့်သောအရပ်တို့ကို မပယ်ရှားသော ကြောင့်၊ လူတို့သည် ထိုအရပ်တို့၌ယဇ်ပူဇော်၍ နံ့သာ ပေါင်းကို မီးရှို့ကြ၏။
⁵ ထာဝရဘုရားသည် ဒဏ်ခတ်တော်မူသဖြင့်၊ ရှင်ဘုရင်သည် သေသည်တိုင်အောင် နူနာစွဲ၍ ခြားနား သော နန်း၌နေရ၏။ သားတော် ယောသံသည် နန်းတော် ကိုအုပ်၍ နိုင်ငံတော်မှုကို စီရင်ရ၏။
⁶ ဩဇိပြုမူသော အမှုအရာကြွင်းလေသမျှ တို့သည် ယုဒရာဇဝင်၌ ရေးထားလျက်ရှိ၏။
⁷ ဩဇိသည် ဘိုးဘေးတို့နှင့် အိပ်ပျော်၍၊ သူတို့နှင့် အတူ ဒါဝိဒ်မြို့၌ သင်္ဂြိုဟ်ခြင်းကို ခံလေ၏။ သားတော် ယောသံသည် ခမည်းတော်အရာ၌ နန်းထိုင်၏။
⁸ ယုဒရှင်ဘုရင် ဩဇိနန်းစံသုံးဆယ်ရှစ်နှစ်တွင်၊ ယေရောဗောင်သားဇာခရိသည် ရှမာရိမြို့၌မင်းပြု၍ ဣသရေလနိုင်ငံကိုစိုးစံ၏။
⁹ ထိုမင်းသည် ဘိုးဘေးပြုသည်အတိုင်း၊ ထာဝရ ဘုရားရှေ့တော်၌ ဒုစရိုက်ကိုပြု၍၊ ဣသရေလအမျိုးကို ပြစ်မှားစေသောနေဗတ်သား ယေရောဗောင်၏ ဒုစရိုက် အပြစ်တို့ကို မစွန့်ဘဲနေ၏။
¹⁰ ယာဖက်သားရှလ္လုံသည် ဇာခရိမင်းတဘက်၌ သင်းဖွဲ့၍ လူများရှေ့မှာ သေအောင်လုပ်ကြံပြီးလျှင် သူ၏ အရာ၌ နန်းထိုင်၏။
¹¹ ဇာခရိပြုမူသော အမှုအရာကြွင်းလေသမျှတို့ သည် ဣသရေလရာဇဝင်၌ ရေးထားလျက်ရှိ၏။
¹² ထိုသို့ ထာဝရဘုရားက၊ သင်၏သားမြေးလေး ဆက်တိုင်အောင် ဣသရေလနိုင်ငံရာဇပလ္လင်ပေါ်မှာ ထိုင်ရမည်ဟု ယေဟုအား မိန့်တော်မူ သောစကားတော် ပြည့်စုံသတည်း။
¹³ ယုဒရှင်ဘုရင် ဩဇိနန်းစံ သုံးဆယ်ကိုးနှစ်တွင် ရှလ္လုံသည် နန်းထိုင်၍၊ ရှမာရိမြို့၌ တလစိုးစံလေ၏။
¹⁴ ဂါဒိသားမေနဟင်သည် တိရဇမြို့မှ ရှမာရိမြို့ သို့သွား၍၊ ယာဖက်သား ရှလ္လုံကိုသေအောင် လုပ်ကြံပြီး လျှင်၊ သူ၏အရာ၌ နန်းထိုင်၏။
¹⁵ ရှလ္လုံပြုမူသောအမှုအရာကြွင်းလေသမျှတို့နှင့် သင်းဖွဲ့ခြင်းအရာသည် ဣသရေလရာဇဝင်၌ ရေးထား လျက်ရှိ၏။
¹⁶ ထိုအခါ မေနဟင်သည် တိဖသမြို့နှင့်မြို့သား များ၊ တိရဇမြို့ အလွန်တိဖသမြို့နယ်များတို့ကို လုပ်ကြံ ၏။ မြို့တံခါးကို သူ့အား မဖွင့်သောကြောင့် လုပ်ကြံ၍ ကိုယ်ဝန်ဆောင်သော မိန်းမအပေါင်းတို့၏ ဝမ်းကို ခွဲလေ၏။
¹⁷ ယုဒရှင်ဘုရင်ဩဇိနန်းစံသုံးဆယ်ကိုးနှစ်တွင်၊ ဂါဒိသားမေနဟင်သည် နန်းထိုင်၍၊ ရှမာရိမြို့၌ ဣသ ရေလနိုင်ငံကို ဆယ်နှစ်စိုးစံလေ၏။
¹⁸ ထိုမင်းသည် ထာဝရဘုရားရှေ့တော်၌ ဒုစရိုက် ကိုပြု၍၊ ဣသရေလအမျိုးကို ပြစ်မှားစေသော နေဗတ် သား ယေရောဗောင်၏ ဒုစရိုက်အပြစ်တို့ကို မစွန့်ဘဲ နေ၏။
¹⁹ အာရှုရိရှင်ဘုရင် ပုလသည် ဣသရေလပြည်ကို တိုက်လာ၏။ မေနဟင်သည် မိမိအာဏာတည်စေမည် အကြောင်း၊ ပုလမင်းမစစေခြင်းငှါ၊ ငွေအခွက်တသောင်း ကို ဆက်ရ၏။
²⁰ အာရှုရိရှင်ဘုရင်အား ဆက်စရာဘို့၊ မေနဟင် သည် ဣသရေလ အမျိုး၌ငွေခွဲ၍၊ ရတတ်သော သူတိုင်း အကျပ်ငါးဆယ်စီပေးရ၏။ ထိုကြောင့် အာရှုရိရှင်ဘုရင် သည် မနေ၊ မိမိပြည်သို့ ပြန်သွား၏။
²¹ မေနဟင်ပြုမူသော အမှုအရာကြွင်းလေသမျှ တို့သည် ဣသရေလရာဇဝင်၌ ရေးထားလျက်ရှိ၏။
²² မေနဟင်သည် ဘိုးဘေးတို့နှင့် အိပ်ပျော်၍၊ သားတော်ပေကတိသည် ခမည်းတော်အရာ၌နန်းထိုင်၏။
²³ ယုဒရှင်ဘုရင် ဩဇိနန်းစံငါးဆယ်တွင်၊ မေနဟင်သားပေကတိသည် နန်းထိုင်၍၊ ရှမာရိမြို့၌ ဣသရေလနိုင်ငံကို နှစ်နှစ်စိုးစံလေ၏။
²⁴ ထိုမင်းသည် ထာဝရဘုရားရှေ့တော်၌ ဒုစရိုက် ကိုပြု၍၊ ဣသရေလအမျိုးကိုပြစ်မှားစေသော နေဗတ် သား ယေရောဗောင်၏ ဒုစရိုက်အပြစ်တို့ကို မစွန့်ဘဲ နေ၏။
²⁵ အမှုတော်ထမ်းတပ်မှူး၊ ရေမလိသားပေကာသည် ပေကဟိမင်းတဘက်၌ သင်းဖွဲ့၍၊ အာဂေါဘနှင့် အရေဟအစရှိသော ဂိလဒ်ပြည်သား ငါးကျိပ်ပါလျက်၊ ရှမာရိမြို့၌နန်းတော်ထဲမှာ သေအောင်လုပ်ကြံ၍ သူ၏ အရာ၌ နန်းထိုင်၏။
²⁶ ပေကတိပြုမူသော အမှုအရာကြွင်းလေသမျှတို့ သည် ဣသရေလရာဇဝင်၌ ရေးထားလျက်ရှိ၏။
²⁷ ယုဒရှင်ဘုရင် ဩဇိနန်းစံငါးဆယ်နှစ်နှစ်တွင်၊ ရေမလိသားပေကာသည် နန်းထိုင်၍ ရှမာရိမြို့၌ ဣသ ရေလနိုင်ငံကို အနှစ်နှစ်ဆယ် စိုးစံလေ၏။
²⁸ ထိုမင်းသည် ထာဝရဘုရားရှေ့တော်၌ ဒုစရိုက် ကိုပြု၍၊ ဣသရေလအမျိုးကို ပြစ်မှားစေသော နေဗတ် သား ယေရောဗောင်၏ ဒုစရိုက်ကိုပြု၍၊ ဣသရေလ အမျိုးကို ပြစ်မှားစေသော နေဗတ်သား ယေရောဗောင်၏ ဒုစရိုက် အပြစ်တို့ကို မစွန့်ဘဲနေ၏။
²⁹ ဣသရေလရှင်ဘုရင် ပေကာလက်ထက်၊ အာရှု ရိရှင်ဘုရင် တိဂလတ်ပိလေသာသည်လာ၍ ဣယုန်မြို့၊ အဗေလဗက်မာခါမြို့၊ ယာနောမြို့၊ ကေဒေရှမြို့၊ ဟာဇော် မြို့နှင့်တကွ ဂိလဒ်ပြည်၊ ဂါလိလဲပြည်၊ နဿလိ ပြည်သား အပေါင်းတို့ကို လုပ်ကြံ၍၊ အာရှုရိပြည်သို့သိမ်းသွား၏။
³⁰ ဩဇိသား ယောသံနန်းစံနှစ်ဆယ်တွင်၊ ဧလာ သားဟောရှေသည် ရေမလိသား ပေကာမင်းတဘက်၌ သင်းဖွဲ့၍ သေအောင်လုပ်ကြံပြီးမှ၊ သူ၏အရာ၌ နန်းထိုင် ၏။
³¹ ပေကာပြုမူသောအမှုအရာ ကြွင်းလေသမျှတို့ သည် ဣသရေလရာဇဝင်၌ရေးထားလျက်ရှိ၏။
³² ဣသရေလရှင်ဘုရင် ရေမလိသား ပေကာ နန်းစံနှစ်နှစ်တွင်၊ ယုဒရှင်ဘုရင်ဩဇိသား ယောသံသည် အသက်နှစ်ဆယ်ငါးနှစ်ရှိသော် နန်းထိုင်၍၊
³³ ယေရုရှလင်မြို့၌ ဣသရေလနိုင်ငံကို တဆယ် ခြောက်နှစ်စိုးစံလေ၏။ မယ်တော်ကား၊ ဇာဒုတ်သမီး ယေရုရှာအမည်ရှိ၏။
³⁴ ထိုမင်းသည် ခမည်းတော် ဩဇိကျင့်သမျှ အတိုင်း၊ ထာဝရဘုရား ရှေ့တော်၌ တရားသော အမှုကို ပြု၏။
³⁵ သို့ရာတွင် မြင့်သောအရပ်တို့ကို မပယ်ရှားသော ကြောင့်၊ လူတို့သည် ထိုအရပ်တို့၌ ယဇ်ပူဇော်၍၊ နံ့သာ ပေါင်းကိုမီးရှို့ကြ၏။ ထိုမင်းသည် ဗိမာန်တော်အထက် တံခါးကို လုပ်လေ၏။
³⁶ ယောသံပြုမူသော အမှုအရာကြွင်းလေသမျှ တို့သည် ယုဒရာဇဝင်၌ ရေးထားလျက်ရှိ၏၊
³⁷ ထိုကာလတွင် ထာဝရဘုရားသည် ရှုရိရှင်ဘုရင် ရေဇိန်နှင့် ရေမလိသားပေကာကို ယုဒပြည်သို့ စေလွှတ် တော်မူ၏။
³⁸ ယောသံသည် ဘိုးဘေးတို့နှင့် အိပ်ပျော်၍၊ သူတို့နှင့်အတူ အဘဒါဝိဒ်မြို့၌ သင်္ဂြိုဟ်ခြင်းကိုခံလေ၏။ သားတော်အာခတ်သည် ခမည်းတော်အရာ၌ နန်းထိုင် ၏။

အနက်ဖွင့်ချက်။

၁၅:၁ အာဇရိယ။ ၁၄:၂၁ ရှိမှတ်ချက်ကို ကြည့်ပါ။

15:1 Azariah. See note on 14:21.

 

၁၅:၂ အနှစ်ငါးဆယ့်နှစ်။ အာဇရိယသည် ဒါဝိဒ်နှင့် ရှောလမုန်ထက် ပိုမိုကြာရှည်အုပ်စိုးခဲ့သည်။ သူ၏တောင်ပိုင်းရှိ သြဇာအာဏာသည် ရှောလမုန်လက်ထက်ကဲ့သို့ ဆင်တူသည်။

15:2 fifty-two years. Azariah reigned longer than David or Solomon. His sphere of influence in the south was similar to that of Solomon in his time.

 

၁၅:၅ ထာဝရဘုရားသည် ဒဏ်ခတ်တော်မူသည်။ အာဇရိယသည် ဗိမာန်ထဲတွင် ယဇ်ပုရောဟိတ်လုပ်ငန်းကို လုပ်ဆောင်သည့်အတွက် အပြစ်ပေးခံရသည် (၆ ရာ ၂၆:၁၆-၂၁ ကိုကြည့်ပါ)။ သူ၏ရောဂါကြောင့် တော်ဝင်တာဝန်များကို ဆက်လက်ထမ်းဆောင်ရန် အရည်အချင်းမပြည့်မီတော့ပါ။ သူ၏သားယောသံသည် အုပ်စိုးသူဖြစ်လာသည်။

15:5 the Lord struck. Azariah is punished for taking the priestly function in the temple (see 2 Chr. 26:16–21). Due to his illness, he is no longer qualified to perform his royal duties. His son Jotham becomes the ruler.

 

၁၅:၈ ဇာခရိယ။ ဤနာမည်သည် “ထာဝရဘုရားသည် မှတ်မိတော်မူသည်” ဟု အဓိပ္ပာယ်ရသည်။ သူသည် ယေဟု၏မင်းဆက်မှ စတုတ္ထမြောက်နှင့် နောက်ဆုံးဘုရင်ဖြစ်ပြီး၊ ၎င်း၏အဆုံးသတ်သည် မတည်ငြိမ်မှုကြီးစွာသော ကာလကို ဖြစ်ပေါ်စေခဲ့သည်။

15:8 Zechariah. The name means “the Lord remembers.” He is the fourth and final king from Jehu’s dynasty, the end of which ushered in a period of great instability. 

၁၅:၁၃ ဦဇိယ။ အာဇရိယ၏ နောက်ထပ်နာမည်တစ်ခုဖြစ်သည်။

15:13 Uzziah. Another name of Azariah.

 

၁၅:၁၄ တိဇာ။ ယေရောဗောမ ၁ ၏ တော်ဝင်နေအိမ်ဖြစ်သည်။ မနဟိမ်သည် ထိုမြို့တွင် စစ်တပ်မှူးဖြစ်သည်။

15:14 Tirzah. A royal residence of Jeroboam I. Menahem was the military commander in that city.

 

၁၅:၁၆ မိန်းမများအားလုံး။ မနဟိမ်၏ စစ်ပွဲတွင်းရက်စက်မှုသည် ရှေးခေတ်တွင် ထူးခြားခဲ့သည်မဟုတ် (၈:၁၂၊ ဟောရှ ၁၃:၁၆၊ အာ ၁:၁၃)။ အာရှုရိဘုရင်အချို့သည် လူသားများအပေါ် ရာဇ၀တ်မှုများကြောင့် နာမည်ဆိုးရှိခဲ့သည်။

15:16 All the women. Menahem’s cruelty in war was not unique in ancient times (8:12; Hos. 13:16; Amos 1:13). Some Assyrian kings were notorious for crimes against humanity.

 

၁၅:၁၉ ပူလ။ အာရှုရိဘုရင် တစ်ဂလတ်-ပီလေဇာ ၃ ၏ ဗာဗုလုန်နာမည်ပြောင်ဖြစ်ပြီး၊ “အရှေ့မှထိတ်လန့်ဖွယ်ရာ” ဟုလည်း ခေါ်သည်။ သူ၏အမည်အပြည့်အစုံကို ၂၉ တွင် ဖော်ပြထားသည်။ အလေးချိန်တစ်ထောင်။ ခန့်မှန်းခြေ ၃၇ တန် (၃၄ တန်)။

15:19 Pul. The Babylonian nickname of the Assyrian king Tiglath-Pileser III; also called the “terror from the east.” His full name is given in v. 29. a thousand talents. About 37 tons (34 t).

 

၁၅:၂၀ ငွေရှေကယ်ငါးဆယ်။ ခန့်မှန်းခြေ ၁ ပေါင် ၁/၄ (၀.၆ ကီလိုဂရမ်)။ မနဟိမ်သည် နိုင်ငံကို ထိန်းချုပ်ရန် အာရှုရိဘုရင်အား ဂါရဝပြုရန်အတွက် သူ၏လူများကို အခွန်ကောက်ခံသည်။

15:20 fifty shekels of silver. About 1 1/4 pounds (0.6 kg). Menahem taxes his people in order to pay a tribute to the Assyrian king for helping him gain control over the kingdom.

 

၁၅:၂၉ တစ်ဂလတ်-ပီလေဇာ။ ၁၅:၁၉ ရှိမှတ်ချက်ကို ကြည့်ပါ။ သူတို့ကို သိမ်းသွားသည်။ ဤဖြစ်ရပ်သည် ဘီစီ ၇၂၂ တွင်ဖြစ်ပြီး၊ မျိုးနွယ်စုဆယ်ခု၏ ဒိုင်အာစပရာ (ပြည်နှင်ဒဏ်) ၏အစဖြစ်သည်။

15:29 Tiglath-Pileser. See note on v. 19. he carried them captive. This event is dated to 722 B.C. and marks the beginning of the Diaspora of the ten tribes.

 

၁၅:၃၂ ပေကဟ်။ ဤဘုရင်၏နာမည်ကို ဟာဇာ မြို့မှ အိုးကွဲစတစ်ခုပေါ်တွင် ဖော်ပြထားသည်။

15:32 Pekah. The name of this king is mentioned on a jug fragment from the city of Hazor.

 

၁၅:၃၇ ရေဇင်။ ဣသရေလဘုရင်နှင့် မဟာမိတ်ဖွဲ့ကာ ယုဒဘုရင်ကို အာရှုရိဆန့်ကျင်ရန် ဖိအားပေးရန် ဖွဲ့စည်းခဲ့သော ဆီးရီးယား (အာရံ) ဘုရင်ဖြစ်သည်ၛ

15:37 Rezin. A Syrian (Aramean) king who formed a coalition with the king of Israel to pressure Judah’s king against Assyria.