ဆာလံကျမ်း ၁၁၂

 

အခန်းကြီး - ၁၁၂

ထာဝရဘုရားကို ကြောက်ရွံ့၍၊ ပညတ်တော်တို့ ၌ အလွန်မွေ့လျော်သော သူသည်မင်္ဂလာရှိ၏။
² ထိုသူ၏ သားမြေးတို့သည် မြေပေါ်မှာ အားကြီး ကြလိမ့်မည်။ ဖြောင့်မတ်သော သူတို့၏အမျိုးအနွယ် သည် မင်္ဂလာရှိတတ်၏။
³ ထိုသူ၏ အိမ်၌ စည်းစိမ်ဥစ္စာကြွယ်ဝ၍၊ သူ၏ ကောင်းကျိုးသည် အစဉ်အမြဲတည်တတ်၏။
⁴ သဘောဖြောင့်သော သူတို့အဘို့၊ မှောင်မိုက် ထဲမှာ အလင်း ပေါ်ထွန်းတတ်၏။ ထိုသို့သောသူသည် ကျေးဇူးပြုတတ်သော သဘောနှင့် သနားစုံမက်တတ် သော သဘောရှိ၍၊ တရားသဖြင့် ပြုတတ်၏။
⁵ ကရုဏာစိတ်ရှိ၍ ချေးငှါးတတ်သော သူသည် ကောင်းစားတတ်၏။ တရားဆုံးဖြတ်ရာ ကာလ၌ အောင် ခြင်းသို့ ရောက်လိမ့်မည်။
⁶ အကယ်စင်စစ် လှုပ်ရှားခြင်းနှင့်အစဉ် ကင်း လွတ်လိမ့်မည်။ ဖြောင့်မတ်သော သူသည် အစဉ်အမြဲ အောက်မေ့ဘို့ရာ ဖြစ်လိမ့်မည်။
⁷ မကောင်းသော သိတင်းကိုမကြောက်ရ၊ စိတ် နှလုံးသည် ထာဝရဘုရားကို ကိုးစားသဖြင့် တည်ကြည် တတ်၏။
⁸ သူ၏စိတ်နှလုံးသည် မြဲမြံသည် ဖြစ်၍၊ ရန်သူ တို့၌ အားမရမှီတိုင်အောင်၊ ကြောက်ခြင်းနှင့် လွတ်လိမ့် မည်။
⁹ သူသည် စွန့်ကြဲပြီ။ ဆင်းရဲသော သူတို့အား ပေးကမ်းပြီ။ သူ၏ ဖြောင့်မတ်ခြင်းသည် အစဉ်အမြဲ တည်တတ်၏။ သူ၏ဦးချိုသည် ဂုဏ်အသရေနှင့် ချီးမြှင့် ခြင်း ရှိလိမ့်မည်။
¹⁰ မတရားသောသူတို့သည် မြင်၍၊ နာကြင်သော စိတ်ရှိကြလိမ့်မည်။ အံသွားခဲကြိတ်၍ ပိန်ချုံးကြလိမ့်မည်။ မတရားသောသူတို့၏ အလိုသည် ပျက်စီးရလိမ့်မည်။

အနက်ဖွင့်ချက်။

၁၁၂—ထာဝရဘုရားကို ကြောက်ရွံ့သောသူ၏ ကောင်းချီးမင်္ဂလာများ

ဤပညာရှိသီချင်းသည် တရားသောသူ (၁–၉) နှင့် မတရားသောသူ (၁၀) တို့ကြားကွာခြားချက်ကို ဖော်ပြထားပြီး ဘုရားသခင်ကို ကြောက်ရွံ့သောသူ၏ကောင်းချီးများကို အသေးစိတ်ဖော်ပြထားသည် (ဆာ ၁၂၈ ကိုလည်းကြည့်ပါ)။ ထိုသို့သောသူသည် ဘုရား၏တရားတော်ကို နှစ်သက်တော်မူ၍ ရက်ရောခြင်း၊ ထောက်ပံ့ခြင်း၊ ကရုဏာထားခြင်း၊ တရားမျှတခြင်းနှင့် မှန်ကန်ခြင်းတို့ကို ကျင့်သုံးပြီး ထာဝရဘုရားကို ယုံကြည်အားထားသည်။ ထာဝရဘုရားသည် ထိုသူအား ကောင်းမွန်သောမိသားစု၊ လူမှုအဆင့်အတန်းမြင့်မားသောသားသမီးများ၊ ကြွယ်ဝချမ်းသာခြင်း၊ အနာဂတ်အတွက် စိုးရိမ်စရာမရှိခြင်း၊ ကောင်းသောဂုဏ်သတင်း၊ ရန်သူများအပေါ် အောင်မြင်ခြင်းနှင့် ခွန်အားပြည့်ဝခြင်းတို့ဖြင့် ကောင်းချီးပေးတော်မူသည်။

112—Blessings of a Person Who Fears the Lord

This wisdom acrostic psalm presents a contrast between the righteous (vv. 1–9) and the wicked (v. 10), and elaborates on the blessings of the man who fears God (see also Ps. 128). Such a person delights in God’s law, enjoys being generous, supportive, and compassionate, is just and correct, and trusts in the Lord. The Lord abundantly blesses him with a nice family, his children having high positions in the society, immense material prosperity, no fear about the future, a good reputation, triumph over enemies, and strong vitality.

 

၁၁၂:၁၀ မတရားသောသူတို့၏ မနာလိုဝန်တိုခြင်းနှင့် မုန်းတီးခြင်းတို့သည် သူတို့ကို ပျက်စီးခြင်းသို့ ရောက်စေလိမ့်မည်။ ဘုရားမဲ့သောဘဝသည် အနာဂတ်မရှိပေ။

112:10 Envy, jealousy, and hatred by the wicked will lead to their ruin. A Godless life has no future.